أَسِيرُ نَحوَ هَلَاكِي غَيرَ مُرتَعِدِ
ما عُدتُ مُكْتَرِثًا إِنْ أَمْطَرَتْ أَلَمًا
فتحت عيوني والصداع كان السبب الي خلاني اكعد
باوعت للسقف الغرفة لدقايق
قررت اخيراً لازم اكوم ولازم احاجي ثائر قبل ما يطلع
فتحت التلفون كانت الساعة 6 اخذت نفس وتحركت
اخذت المنشفة ودخلت الحمام
كُلشي جان مو بوضعة لا أزل ولا ثائر ولا اني
بكل مره دانطي اللنفسي حافز بس ما اعرف بأي لحظة هل الحافز ينتهي.
داتخيل أريم بكل شغلة اسويها
هِتان الى دتطلع الي بكل مكان وترجعني لنقطة الصفر
راسيل الي احس لازم اوكف وياها وارجع ابنها ما يهم اخوي او لا المهم يكون عدها
أزل الي دتنهار
غمضت عيوني بتعب وطلعت من الحمام نشفت شعري وعفتة مثل ما هو
اقرب شي واريح شي كان تشيرت وبنطرون بالون الابيض
اخذت تلفوني والمفاتيح وقبل ما اكلع انفتحت الباب
ابتسمت للي دخل
ـ صباح الخير يحلوتي
نظرت الي كان وجهها خالي من الملامح لونهة باهت
ما ادل على اي ملامح لـ أزل
تقربت منها واحتضنت ايدة وجهها
ـ تثقين بية!
هزت راسها بدون كلام احتضنتها
ـ علي راح يكون تمام واول م يطلع بالسلامة نحجي بوضوع خطوبتكم، تمام
ـ اريد اروح اشوفة
ـ تمام روحي غيري ملابسج واكلي شي ونروح سوة نشوفة
ابتسمت الها قبل ما تطلع اخذت نفس ورجعت ادور بندول حتى يهدي الوجع الي انتشر براسي
ما ديخليني حتى افكر بشي
ما لكيت شي قررت اروح اسأل راسيل
طرقتين للباب كانت كافية تخليها تفتحها
قلبت عيوني واني اشوفها بملابس النوم
دخلت وراها بممل
ـ ما اكو صباح الخير؟
ـ اذا اصبح ع وجهج اشوف الخير!!
حجيت ونظراتي تتبع حركتها باوعت الي وضحكت
ـ ما مجبورة تجين تصبحين بوجهي
ـ مجبورة صدكي اريد اي شي يهدي وجع راسي
توقفت حركت ايدها الي جانت اطلع ملابس وتوجهت نظراتها الي لممرة الثانية بس هل المرة
بتركيز
ـ مضيعة شي بوجهي!
قلبت عيونها ورجعت اخذت ملابسها وخلتهم على السرير
ـ لان تعبانة روحي اكلي واجيبلج بندول م يصير تاخذي بلا اكل
تجاهلت كلماتها من لاحظت صورة قديمة كانت الي ولـ ثائر ولـ والدتي
من ضمت مجموعة كاملة من الصور لـ ثائر ومحموعة اشخاص ثانين الي كانت موجودة على الجدار
ثالث مره ادخل للغرفة وما كنت انتبه الهم
ـ تحبين تبقين لان اريد اغير ملابسي!
انتبهت الها وهزيت راسي وطلعت
رجعت للغرفة قبل ما اطلع منها رفعت باوعتلي بأستفهام
