قَد أكتُب عن الفَقد لكنَّني لا أرجو عودَّةَ أحد .
ـ وبعدين شنو ما تخلينة انام!!
حجيت بحدة للي تحاول تكعدني بعد محاولتها الالف
اخذت المخدة من ايدها ورجعت نمت
ـ صارت الساعة بـ 9 لازم نروح
تجاهلتها ودفنت راسي بالمخدة كان تعبي النفسي أكبر من ما يخلني اكوم كانت محاولاتي بالنوم فاشلة اكبر من فشلي بالعلاقات
تفكيري بكل شي خلاني طول الوقت افكر بالمجهول
فتحت عيوني وباوعت لنقطة مو مهمة
لدقايق اطول
ـ راح اروح وحدي
باوعت الها بدون ما احجي هزت راسها بأستفهام
ـ شحجيت على ملابسج! ما اعرف تاخذيها بعنادة لو عبالج انو اشاقة!
نظرت لانعكاسها تأملت منحنياتها والابتسامة على وجهها ورفعت كتوفها بعد ما رجعت نظراتها الي
ـ شتريدين البس أكثر من هيج!
تجاهلت كلامها بعد ما شفت نفسي بالغت وصرت ادخل اكثر من اللازم ومن جهة ثانية الصداع الي قسم راسي لثنين
ـ اوك دقايق واجي هسه طلعي من الغرفة وانتظريني جوة
حجيت بس ما شفت حركة منها بس طلعت تلفونها وكـ العادة بدت تصور أخذت نفس وكان أثقل من الازم
ـ اخذتي ع الحجي الهندي ما تفهمين عربي؟!
ـ اروح ع مود حضرت جنابج ترجعين تتأملين جمال السقف!
رطبت شفتي ما كان الي قدرة حتى انطق بشي اكتفيت بسحب نفسي من السرير
برودة اطراف جسمي كانت ابرد من الارضية توقفت لثانية بس كانت عيونها تراقب حركاتي مما جبرتني ما انطي لتعب جسمي يتوضح وما اريد فرحتها بلقاء ابنها يعكرها شي
رفعت شعري باوعت لانعكاسي ثواني وتوجهت للجنطة الي لهسه بمكانها وقبل ما اخذ منها شي
ايدها شاركتني بأختيار الملابس باوعت الها وتجاهلتها وحاولت اكمل قاطعني كلامها الي خلاني اتجاهلها اكثر
ـ بلا اللون الاسود هذا التشيرت حلو
قلبت عيوني وما اتذكر اني خليت الوان هيج وخاصتاً ازرق
للحظة تذكرت هي الي جهزت الجنطة
كملت بدون ما تنطيني مجال احجي
ـ وهذا البنطلون البيج
مدت ايدها وهي تنطيني الملابس والابتسامة على وجهها رفعت عيني باوعت لملامحها لثواني
وبدون ما احجي اخذتهم من ايدها وتوجهت للحمام
توقفت وغمضت عيوني بملل بعد ما وقفني صوتها
ـ ملابس داخلية!
نظرة لملامح وجهها واخذتهم من ايدها
وقبل ما ادخلزبلمرة الثانية زفرت الهوا وباوعت الها وهزيت راسي بأستفهام!
ـ منشفة؟!
تجاهلتها ودخلت
ساعدني الحمام والمي البارد على اتخلص من شوي الخمول الي داحسة
شوي تنشط جسمي
