أتمنى يكون عام سعيد للجميع 🤍🤍.
ـــــــــــــــــــــــــــــــــــــــــــــــــــــــــــــــــــــــــــــــــــــــ
أنتهى الآمر منذ سنين ، وللان يداي ترتجف .
كل الحنين الي بداخلي لكن كنت ابتعد اكثر واكثر مثل ابتعادها عني اول مره اختارت البعد
ايام مرت كانت معي بكل مره اشوفهة اتذكر الايام الاولى من عافتني بجرح اكبر من الي عشتة
ثلاث اسابيع جنت اعيش داخل الماضي، وخصوصا بعد ما سكنة بشقة
من شقق ثائر القريبة من الشركة
ادخل الشقة وهي نايمة واطلع وهي نايمة حتى لا اشوفهة واشوف داخل الروح الي حبيتها روح من شخص ثاني
و بس اوقات الدوام تخلني اشوفها، جانت تعرف ما اريد احتك، بعض الاحيان احس وجود راسيل سبب
ينسيني هِتان مو بس هِتان كانت بكل مره احاجيها انسى كل الضغوط
ضغط الشغل نساني شلون اتواصل ويـ احد
كانت راسيل فقط كان اتصالي بيها دائم ع عكس حتى أزل الي صرت اسمع اخبارها من راسيل الي
صارت قريبة من الكل عكس الي توقعتة لدرجة تعرف أزل المزاجية شنو تحب وشنو تكره
واريم الي اكتشفت من راسيل تحب الرسم والتصميم.
فتحت عيوني واني اخذ نفس على طرق الباب
ـ هِتان تكدرين ترجعين اني راح اكمل الباقي
حجيت واني اراقب تحركاتها لحد ما رفعت عينها بعد ما خلت الملف كدامي
ـ ما اكو داعي هو حيخلص الدوام.
هزيت راسي بدون رد فتحت الملف الي انطتة جان عبارة عن الي دخل للميناء قبل ساعة
من ادوية واجهزة طبية.
غلقتة
ـ الادوية متأكدين من تاريخ الانتهاء هذا المكتوب!
حجيت ولازالت عيوني تتفحص التواريخ الي اشك بيها صرت ما استغرب عن كل أشي
فـ شغل ثائر هذا عبارة عن سواد ما يعرف الشخص يمتى يعثر بس كان عبارة الة نور
يستلذ بأذية الكل
ـ الموجودة داخل الملف بس حتى تعبر وتدخل اما الباقي داخل البضاعة بس ما مسجل رسمي
ضحكت شنو جنت اتوقع غير هذا!
غلقت الملف بدون ما اوقع علية وباوعت لـ هِتان
ـ تمام حاجي واحد من الموظفين يصور البضاعة واسماء الادوية وتواريخها كاملة بدون نقص
و لباجر وتكدر تطلع من الميناء
ـ لازم اليوم تطلع
حجت بسرعة باوعت الها بحدة
ـ باجر، اذا الموضوع بي خطورة هيج من البداية تجيبيلي المعلومات كاملة مو ع النص
