Love is Evil ( Completed )

Ep - 23

Wang အိမ်ရဲ့ ခြံဝင်းထဲတွင် ကား တစ်စီး ဝင်လာပြီး အိမ်ရှေ့ ဝင်ပေါက်မှာ ရပ်သွားသည်။

' ရှောင်းကျန့် ... မင်း ငါ့ကို ဘယ်လို ခေါ်ရမယ်ဆိုတာ သိတယ်မလား။'

' သိတယ်။'

' အေး ... အဲ့ဒိီလို လေသံကိုလည်း ပြင်၊ မင်း နဲ့ ငါ အခု သခင်နဲ့ အလုပ်သမား အဆင့်ဖြစ်သွားပြီ။'

ရိပေါ် သူ ပြောတာကို ပေကပ်ကပ် လုပ်နေတဲ့ ရှောင်းကျန့်ကို ထပ်ကြည့်လိုက်ပြီး ...

' ငါ ပြောတာ ကြားလား!!!.'

' ကြားတယ် !!! ဘာလို့ အရမ်းအော်နေတာလဲ။'

' မင်းရဲ့ အဲ့ဒီ လေသံကို ပြင်ဖို့ ငါ အခုပဲ ပြောထားတယ်မလား။ နောက်တစ်ခါ ငါ့ကို ပြန် အော်ရဲ အော်ကြည့် မင်းကို ထမင်း အငတ်ထားခိုင်းမယ်။'

ထိုစဉ် ကား အရှေ့ခန်းက လီရိဖုန်း ရဲ့ ဖုန်း မြည်လာသည်။

ရိဖုန်း ဖုန်း ကို ထုတ်ကြည့်လိုက်တော့ ဂျပန် က ...

' ဆရာ ... ကား company က ဖုန်းဆက်လာနေတယ်။'

' အင်း ... ဒါဆို မင်း ဖုန်း လက်ခံပြီး company ကို ပြန်သွားလိုက်။ ငါ ပြီးမှ လိုက်ခဲ့မယ်။'

' ဟုတ်ကဲ့ ...။'

ရိဖုန်း ဆရာ ဆီက စကား ဆုံးတာနဲ့ ဖုန်း လက်ခံပြီး ပြောလိုက်သည်။

ရိပေါ် တုတ်တုတ် မလှုပ်ပဲ ထိုင်နေတဲ့ ရှောင်းကျန့် ကို ကြည့်ပြီး ...

' မင်း ကား ပေါ် ထိုင်ကောင်းနေတာလား။ ဆင်းလေ ...။'

ရှောင်းကျန့် အခုမှ သူ့ကား ကို သတိရသွားသည်။

' ကား !!! ငါ့ ကား ဟိုကောင်ရဲ့ ကွန်ဒိုမှာ ကျန်ခဲ့တယ်။'

ရိပေါ် ခုမှ မျက်လုံးပြူး မျက်ဆန်ပြူးနဲ့ ပြောလာတဲ့ ရှောင်းကျန့် ကြောင့် အ လိုက်တာဆိုတဲ့ မျက်နှာထားနဲ့ ကြည့်လိုက်ပြီး ...

' မင်း ကား ကို ငါ သွားယူလာပြီးပြီ။ ပြီးတော့ အကြွေး ဆပ်ရမယ့် အထဲ ပေါင်းထည့်ထားတယ်။'

' ဘာ !!!!!!.'

' မတရား ခံရတဲ့ မျက်နှာပုံစံ လာလုပ်မနေနဲ့ ...၊ ပြောရရင် အဲ့ကား ဝယ်တုန်းက ငါ့ ပိုက်ဆံ တစ်ဝက် ပါတယ်။'