"Sun Flower" Bakery Shop ...
' ဒေါက် ... ဒေါက် ... ရှောင်း ...'
' ဒေါက် ... ဒေါက် ... ထ တော့ ...။'
ရှောင်းကျန့် တံခါးခေါက်သံကြောင့် မျက်လုံး မဖွင့်ပဲ စောင်ကို ခေါင်းမြီး လုံအောင် ပြန်ဆွဲခြုံပြီး position ထပ်ပြောင်းအိပ်လိုက်သည်။
သေအောင် ခေါက်စမ်း အလုပ်ပိတ်ရက် လေးမှာ နားရတာ စောစော ထ စရာလား။
!!! ကလစ် !!!
ရိလုံ သူ ခေါက်တဲ့ တံခါးက မဖွင့်လာပဲ ဘေးက တံခါးက ဖွင့်လာပြီး ထွက်လာတဲ့ ကျင်းပေါင် ကြောင့် ဘာတွေ ဘယ်လောက် ပြင်ဆင်ပြီး ဘယ်သွားမလဲ မသိ၊ ရေမွှေး နံ့က နှာခေါင်းထဲ အလုံး အရင်း ဝင်လာပါတယ်။
' အဟွတ် ... အဟွတ် ...'
ကျင်းပေါင် တံခါး ပြန်ပိတ်နေတုန်း ချောင်းဆိုးသံကြောင့် လှည့်ကြည့်လိုက်ပြီး ...
' ကော ... ဘာလုပ်နေတာလဲ။ ကျနော့်ကို လာနှိိုးမယ်ဆို မလိုဘူး။ ကျနော် က ဝိရိယ ရှိပြီးသား။'
ရိလုံး တစ်ကိုယ်လုံး ကြွရွနေအောင် ပြင်ဆင်ထားတဲ့ သူ့ညီကို ခြေဆုံး ခေါင်းဆုံး ကြည့်လိုက်ပြီး ...
' မင်း အဲ့လောက် ပြင်ဆင်ထားတာ ဘယ်သွားမလို့လဲ။ ကျောင်း တစ်ရက် တစ်လေ ပိတ်တာ ဆိုင်မှာ နေပါလား။'
ကျင်းပေါင် ပွစိ ပွစိ ပြောနေတဲ့ သူ့ ကော ကို လက် နှစ်ချောင်း ထောင်ပြလိုက်ပြီး ...
' ကျောင်း က ၂ ရက်၊ ၂ ရက် ပိတ်တာ။ အဲ့ဒါကြောင့် ဒီနေ့တော့ အပြင်သွားမယ်။ မနက်ဖြန် ဆိုင်မှာ နေပေးမယ်။ သွားပြီ ...'
' ကျင်းပေါင် ...
ကျင်းပေါင် ... နေအုံး ...။'
ရိလုံ သူ့ကို လက်ပြရင်း အောက်ဆင်းသွားတဲ့ ကျင်းပေါင် ကို အော် ခေါ်ရင်း နောက်က လိုက်ဆင်းသွားလိုက်သည်။
' ကျင်းပေါင် ...'
' ကော ကလဲ ... ဘာလဲ ...။ ကျနော် ပြောပြီးပြီလေ မနက်ဖြန်မှ ဆိုင်မှာ နေပေးမယ်လို့။'
' နေအုံး ... မနက်စာလဲ မစားပဲ ဘယ်သွားမလို့လဲ။ ထမင်း မစားချင်လဲ မုန့် နဲ့ ကော်ဖီ သောက်သွား။ ခုံမှာ သွားထိုင်စောင့်နေ ကော ယူလာပေးမယ်။ ပြီးတော့ သုံးစရာ ကော ရှိသေးလား။'
YOU ARE READING
Love is Evil ( Completed )
Fanficဘယ်သူမှ မမြင်ရတဲ့ နှလုံးသား ကတော့ ဘယ်လောက်ပဲ ချစ်တတ် ပါတယ်ပြောပြော လူတွေဆိုတာ မြင်ရတဲ့ အပြင်ပန်း ပုံသဏ္ဌာန် ကိုပဲ ဝေဖန်တတ်ကြတာ သဘာဝ ပါပဲ။ ဘယ္သူမွ မျမင္ရတဲ့ ႏွလုံးသား ကေတာ့ ဘယ္ေလာက္ပဲ ခ်စ္တတ္ ပါတယ္ေျပာေျပာ လူေတြဆိုတာ ျမင္ရတဲ့ အျပင္ပန္း ပုံသဏၭာန္ ကိုပ...
