Mysterious stranger § იდუმალი უცნობი

4

იმ დღის შემდეგ, ლოლიტა მანქანით გადაადგილდებოდა. რაღა დასამალია და შეეშინდა. უნცობი კარგად იცნობდა ქუჩას, იცოდა ლოლას სახელი, დიდი ალბათობით მისამართიც და მასზე იყო შეყვარებული. კარგად იცნობდა ლოლიტას ჩხუბის სტილს, მან ხომ მაშინვე გაუკავა ხელ-ფეხი.

იუნგისაც აღარ ეძლეოდა შანსი, ენახა ლოლიტა. პირველმა შეხევდრამ ნამდვილად საშინლად ჩაიარა. რა აბრკოლებდა იუნგის ლოლას პირისპირ სანახავად? ფულიც ჰქონდა, სახელიც. ბიზნესმენი გახლდათ და დიდი ავტორიტეტით სარგებლობდა. მაშ რა აკლდა დიდ მინ იუნგის სრულყოფილებამდე?

შრამი.

შრამი, რომელიც მისი მარჯვენა ღაწვიდან შუბლამდე ადიოდა. ყველაფერი მისი სადისტი, ნარკომანი მამის ბრალი იყო, რომლის გამოც იუნგის არაერთხელ მოუწია შავ საქმეში ჩარევა, ისევ იქიდან დასაღწევად. შრამი ყველას აფრთხობდა. თუნდაც იმ მეძავებს, რომლებსაც მხოლოდ ფული აინტერესებდათ. ამ უზადო სილამაზეში რატომღაც მრისხანებასა და სიმახინჯეს ხედავდნენ. იუნგის ხშირად გაუგონია " შრამი რომ არ ჰქონდეს, ის...  სექსუალური იქნებოდა!". ასეთი კომენტარებით თინეიჯერობის ასაკში დასტრესილი ბიჭი  ამიტომაც მალავდა  გოგოს წინაშე ვინაობას. ეგონა დააფრთხობდა, აფიქრებინებდა "ამ მახინჯს როგორ შევიყვარებო". რა იცოდა თუ ცდებოდა...

ლოლა საკმაოდ სახელგანთქმული გამომძიებელი იყო სეულში.  მისი გამორჩეული ლოგიკის დამსახურებით, მაღალი ფენის წარმომადგენლები ხშირად იწვევდნენ წვეულებებსა და უბრალოდ სადილზე. აინტერესებდათ ლოლა, მისი გონება და ინტელექტი. სწორედ ერთ-ერთი ასეთი საღამო იყო, მეორედ რომ შეხვდა მისტიურ უცნობს.

პირველი შეხვედრის შემდეგ ლოლა ცდილობდა რაიმე გაერკვია იმ უცნობის შესახებ, მაგრამ აბსოლუტურად ყველა კამერაში ერთი და იგივე ჩანდა, თუ როგორ მშვიდად მისეირნობდა გოგო სახლში, ისე, თითქოს არც არაფერი ყოფილაო. გაცხარებული ლოლა აქეთ-იქით დადიოდა, ისე სუფთად აეწაპნა უცნობს ყველანაირი ხელმოსაჭიდი, რომ ლოლამ იფიქრა კიდეც ხომ არ მომჩვენებია მთელი ეს ამბავიო. პირველი კვირა ლო მართლაც დაძაბული იყო, მაგრამ რადგან 2 კვირის განმავლობაში ვერაფერი ვერ დაადგინა, შეეშვა. აზრი არ ჰქონდა. ალბათ ვიღაც შეშლილმა ჩემი შეშინება გადაწყვიტა, ახლა კი ჩემი სახელიც არ ახსოვსო.