ياوجهٍ ملاه الحسن سبحان باريّه ‏تاهت وصوف الشعر في جل حسنه

البارت الخامس

شيم كانت حاطه جلالها احتياط شافت بس خوف بالمجلس قالت:وين روح
خوف وهو مبتسم:راحت للبيت
شيم طلعت تبي تروح لبيت عمها عند روح
خوف وقف قبل تطلع وقال بصوت رخيم:وين تبين تروحين
شيم وقفت بخوف بدون ما تلف:ابي اروح لروح
خوف بعصبيه:تروحين لحالك لا امشي انا اوصلك
شيم بخوف:ط طييب بس انا بمشي قدامك
خوف ابتسم:طيب
مشت شيم وغطت نفسها بالجلال ومشت وخوف وراها توترت كان البيت يبعد عنهم دقيقتين بالكثير هي حستهم سنين وصلت وقال لها خوف:بعدي عشان افتح
شيم بعدت وفتحه ودخلت وراحت لغرفة روح وحاولت تفتح الباب بس كان مسكر طقت الباب بس ماترد نزلت شيم وراحت للمطبخ تبي تشرب مويه وتسال اذا في مفتاح شافت رابح وبحكم ان رابح حليل وطيب قالت :رابح
رابح وهو منزل راسه:سمي من!
شيم:شيم سم الله عدوينك ايش فيها رويحه
رابح كشر وقال لها:ليش هي مو معكم
شيم عصبت:لا روح وعرفها اذا احد عصب عليها او سوا لها شي تبكي وتنام او (وسكت)
رابح رفع راسه غصبن عنه:او وش
شيم بكت:تجرح يدها
رابح بصدمه:وهي بغرفتها
شيم هزت راسها بمعنى اي راح رابح وراه شيم
رابح طق طق ربع ساعه يوم شافها مافتحت كسر الباب ودخل
وروح كانت نايمه فزت من الخوف وشافت رابح وراه شيم
روح بصدمه:شفيكم خوف فيه شي
رابح:لا ولعنه تلعنه انتي فيك شي
روح ابتسمت:لا لا تدعي عليههه
رابح حضنها:خفت عليك ياعيوني
روح ضحكت:زين ياقلبي اطلع وسكر الباب ابي شيم
رابح ابتسم وطلع:كش عليكم مالت
شيم قفلت الباب وراحت حضنتها
روح بكت من شافت شيم حاضنتها
شيم:وشبك ياعيوني
روح وهي تشاهق:ما مابي اخواني يتهاوشون بسببي
شيم انصدمت:من الي تهاوشوا
روح عدلت جلستها وهي تحاول تمسح دموعها الي مو راضين يوقفون:اسمعي ........قالت لها كل شي بستثناء انوا خوف دفها قالت انه هاوشها
شيم بصدمه:رابح كيف درا
روح وهي منقهره:من اخوك المريض
شيم بصدمه:وش سوا اخوي واي واحد
روح عرفة بعدين ان مطلق هو الي قال لرابح:مطلق راح وقال لرابح
شيم عصبت ووقفت:وانتي ليش زعلانه من مطلق هاذا جزاه
روح وقفت وبعصبيه:مو لازم ينقل كلام مثل الحريم
شيم ضربتها كف:لولا انه خايف عليك ما سواا كذا الشرهه مو عليك الشرهه عليه
روح بعصبيه:اقول انتي واخوك راعي البنات ليتني معرفكم
شيم بصدمه:اخوي راعي بنات!!!!
روح بعصبيه:جاي من برا ويحسب كل البنات مثل بنات برا
شيم بعصبيه:وش دخل كل من درس برا رجع قليل حيا
روح بعصبيه:ايه
شيم بحده:روح الا اخوي ياروح اعقلي واكسري الشر
روح ابتسمت بعناد:واذا ماكسرته
شيم بعصبيه:انا اكسره
روح بعصبيه:ليتني معرفتك ياشيخه انتي وحده ماهمك الا نفسك وراحتك
شيم بصدمه:روح انا كذا
روح بعصبيه:اسكتي يا شيخه لا تخليني اكسرك
شيم ضحكت بصدمه:الله يروح انتي تكسريني طلعتي شايله بخاطرك مني شكرًا ياروح وهاذا اخير ما بيني وبينك
طلعت شيم تركض تبي تروح بيتهم ودموعها نزلت خبطت بشخص وكان خوف رفعت راسها له وشافته ودفته من كثر الكرهه طاح على الارض:اكرهك لانك فرقة بيني وبين اعز وحده بحياتي
خوف طير عيونه بصدمه شيم كملت وهي تبكي:اكرهك اكرهك اكرهك
خوف ماتحمل قام وطلع برا البيت شيم طلعت وراحت بيتهم وبكت لين نامت
-يوم جديد على ابطالنا-
والكل راح بيت الجد وجلسوا يتقهوون
-بمجلس الحريم-
الجده:يا امل
امل:سمي ياخالتي
الجده:وين بنيتي رويحه
امل:تصدقين ياخالتي من امس مو راضيه تفتح الباب لاحد ومسكره على نفسها
الجده:قومي ياشيم ونادي خيتك
شيم بعصبيه:معليش مراح اروح ولا راح انادي احد عندها خوات
الجده:وش بينكم
دخلت روح وقالت بصوت تعبان:السلام عليكم
الكل الا شيم:وعليكم السلام
روح دخلت وجلست باخر المجلس رغم انها كانت تجلس اول بصدر المجلس جمب جدتها
الجده:عن اذنكم شوي
راحت الجده ونادت الجد وقالت له كل شي صار بالمجلس
الجد بعصبيه:وش بلاهم عيالنا جتهم عين مره وحده كل شوي ثنين متخانقين
الجده:والحل؟
الجد:ناديهم للمجلس
الجده:زين
راحت الجده:ياروح ياشيم تعالوا
قاموا روح وشيم وراحوا مع جدتهم دخلوا المجلس وجلسوا بعيدين عن بعض جاء الجد
الجد:وش فيكم كل وحده بجهه
شيم:مستحيل اجلس جمب وحده زيها
الجد:وش بلاكم
شيم قالت له السالفه بس ماقالت وش صار بينها وبين خوف:والي تغلط على اخوي وهو مو غلطان كنها غلطانه علي
الجد سكتت من شاف روح راحت جمب شيم
روح:شيم اعرف اني غلطت امس عليك وعلى مطلق وقلت كلام مدري وشو بس كنت مضغوطه من مشكلة اخواني وادري اسف مراح ترجع الي بيننا ياليت لساني انقطع قبل اقولك هل كلام
شيم ابتسمت:لاتدعين على نفسك انا سامحتك ياقلبي انتي واصلاً كنت بشوف غلاتي عندك بس
روح حضنتها:الله لايوريك غلاك ياكلبه
شيم ضحكت وحكت راسها:مو هينا المشكله
روح درت انها مسويه شي:وش مسويه
شيم:علمت مطيلق بسالفه وشال بخاطره
روح مسكت راسها:قلتي لمطلق كلامي الي يسود الوجه
شيم هزت راسها وابتسمت:مع الاسف مافي احد افضفض له غيره
روح ضربتها خفيف مع راسها:بقره ولا بقره الحين وش الحل شلون اعتذر منه
الجد ضحك:مطيلق انا اجيبه المجلس تعتذرين له
شيم حكت راسها:جدي وجب خوف لان حتى خوف امس سمعته كلام يجيب الهم
الجد ضحك عليهم وراح وراحوا البنات لبسوا جلالتهم وجو المجلس لقوا مطلق والجد جو المجلس وخوف واقف عند الباب دخلوا
مطلق كان يفكر بكلام روح وساكت
روح:مطلق
مطلق حس بشعور مايدري وش هو بس سمع صوتها ابتسم وقال:سمي
روح:سم الله عدوينك انا اسفه على الكلام الي قلته امس اعذرني بس كانت لحظة غضب وبالعكس الي سويته مايسويه غير واحد كفو
مطلق ابتسم:افا يابنت العم عذرك مقبول واصلاً نسيت الموضوع وادري انه مو من قلبك
روح ابتسمت حتى هي حست بشي حلو ماتدري ايش هو:ونقال العلوم لو يسد حلقه شوي حنا بخير
مطلق صحك:انشهد لو ينطم شوي نقال هل علوم حنا بخير
ركض مطلق وشيم تتوعد فيه
الجد ضحك عليهم وقال:خوففف تعال
جاء خوف وهو منزل راس عان وجود شيم
شيم:خوف انا اسفه على كلامي امس بس كنت متهاوشه مع روح وقلته وما كان من قلبي
خوف ابتسم:لا ولا يهمك يابنت عمي ادري انه مو من قلبك وعذرك انقبل
الجد:يله يبه روحوا للمجلس
راحوا المجلس وجلسوا ضحك وسوليف
خوف قال لماجد يجب رابح وروح للمجلس وبالفعل سوا ماجدالي قال له عمه وجابهم للمجلس
-بالمجلس-
روح:رابح وش تسوي هينا
رابح:مدري مجيد قال انك تبني
روح بصدمه:مجيد قال جدي يبيني هنا
خوف دخل وسكر الباب
جلست روح من شافته خوف وهي صاده عنه
ورابح نفس اشي
خوف ابتسم:افا هل كثر شايلين علي ياخواني
ماردوا عليه
خوف ابتسم ونزل راسه:انا اسف لاني دفيتك وصارخت عليك ياروح اعرف اني غلطت وانا عرفت غلطي وجاي اعتذر بس انا اذا عصبت تسيطر علي عصبيتي
وماشوف قدامي وانت يارابح انا اسف اني تهاوشت معك ياليت انكسرت يدي وانقطع لساني قبل اغلط عليكم
روح ورابح ماتحملوا يشوفون اخوهم الكبير كذا راحوا ورفعوا راسه
رابح ابتسم:افا ياظهري وعضيدي انت تمون ولا تدعي على نفسك
روح ابتسمت ودموعها نزلت:افا تمون ياخوي تمون ماعاش من ينزل راسك اخو الروح راسه ما ينزل
رابح ضحك:هيه كلمتي
خوف حضنهم
دخلت الريم وشافتهم:هيه وش هل غدر حضن عائلي بدوني بجيب امي واجي
راحت الريم ركض جابت امها ونوره ونادت بدر وماجد
واجتمع الكل بالمجلس
الريم:مايجي حضن عائلي بدونا
بدر:افا وش هل غدرات
ماجد ضحك:انا مسوي لم الشمل هاذا
خوف ابتسم:كلكم بكفه والشيخه امل بكفه
امل دمعت عيونها:الله يبلغني فيكم
روح شدتت على امها:افا يمه وش فيك نقول حضن عائلي تبكين
امل مسحت دموعها:دموع الفرح بوجودكم معي
خوف ابتسم وشافته روح يبتسم
روح ضحكت:قولوا اميننن
الكل:اميننننن
روح:يارب مايخلص رمضان الا وخوف خاطب
الكل بفرحه:امينننننن
خوف ابتسم وحاول مايبين
طلعوا كلهم بقى خوف وجلس يفكر خوف انه يخطبها وراح للمجلس ووقف بنصه وقال بصوت مسموع:ياعم
ذيب وقف:سم ياخوف
خوف:سم الله عدوك انا جاي بطلب منك طلب واتمنى ما تردني
ذيب:ابد جاك امر
خوف:انا جاي اخطب بنتك
الكل انصدم
ذيب من حبه لعيال اخوه قال:ابشر جتك ياولدي بس بروح اعلمها
ذيب طلعو لحقه خوف
خوف:ياعم
ذيب:امر
خوف ابتسم وهو يصير جمب عمه:ما يامر عليك عدو بس انا اقول ياعمي لو تاخذ رايي البنت
ذيب ابتسم:ابشر ياوليدي
دخل ذيب وقال بصوت عالي:شيمممم يا رحمههه
رحمه جت تركض:سم
ذيب:سم الله عدوك خوف خطب شيم
رحمه بفرحه:احلف
ذيب ضحك:نادي بنتك وروحي بشري الحريم بس لا تقولين لشيم انا اعلمها هينا
شيم من وراهم صحكت:وش تعلمني
ذيب حط يده على رقبته:بعلمك بشي زين
اخذها للمجلس
شيم ضحكت:وش صاير
ذيب:اسمعي يابنتي انا ماقلت تم الا اني ادري انه رجال
شيم:مافهمت يبه؟
ذيب:خوف خطبك من قبل شوي بالمجلس وانا قلت جتك
شيم سكتت بصدمه
ذيب ابتسم:يقولون السكوت علامة الرضا
رحمه دخلت:هاه يمه موافقه
شيم بصدمه:هاه من
ذيب بحده:خوف ولد عمك
شيم يدها بدت ترجف
رحمه ابتسمت:اكيد بنتي مراح تكسر كلمتك قدام الرجال انتي موافقه يمه
شيم خافت تكسر كلمة ابوها:مو موافقه
ذيب حضنها:هاذي بنتي
شيم طلعت ولبست عبايتها وراحت لبيتهم ودخلت غرفتها وبدت تبكي ربع ساعه بعدين فرشت سجادتها وبدت تبكي وتدعي لين نامت على سجادتها
راح ذيب للمجلس
-بالمجلس-
ذيب دخل مبتسم وراح لخوف ووقف قدامه وقال وهو ماد يده:الف الف مبروك ياولدي جتك شيم
خوف ابتسم وهو يسلم على عمه:الله يبارك فيك ياعم
بدا الكل يبارك له وبعد ماخلصوا مباركاتت
الجد ابتسم:الملكه بكره والعرس اول يوم عيد عشان يصير العيد عيدين
ذيب ابتسم:كلامك يمشي على الكل
الجد ابتسم:الله يسعدك ياولدي وين بنتي ابي ابارك لها
ذيب ابتسم:راحت البيت مستحيه يبه
خوف دخل جوا وقال بصوت عالي:رويحه ياروح
روح جت وهي تضحك حضنته:مبروك ياسندي وعضيدي الف الف مبروك خير مخترت وياويلك تزعلها
خوف ضحك:حبيبت قلبك شلون ازعلها
روح ضحكت:لو ادري دعوتي تستجاب كان دعيت لكم كلكم
خوف ابتسم:رويحه ابي اطلب منك طلب
روح ابتسمت:لو تبي عيوني اعطيك
خوف:ابي رقم شيم
روح عقدت حواجبها:خير يابابا ماصار شي رسمي
خوف ابتسم:لا تفهميني غلط ياروح ابي اسالها سوال مهم
روح عصبت:انا اسالها وش تبي
خوف ابتسم:لاتعصبين وانا ما ارضى اخذ رقمها الحين عشان اكلمها وحركات المراهقين هاذي ابي رقمها عشان عمي قال جتك اول ماطلبتها بشوف اذا جابرها علي
روح ابتسمت:بس تسالها وبعدين تحذفها
خوف ابتسم:ابشري
روح مدت الجوال له واخذ رقمها وكتب لها....
-الساعه ٩:٣٠ بعد العشاء-
قامت شيم وحست راسها ثقيل قامت وجددت وضوئها وصلت صلاة استخاره وحست براحه قامت واخذت دش ورفعت شعرها ولبست تيشيرت اسود وبنطلون اسود وشافت جوالها يطنين اخذته وشافت رقم ارسل لها كان محتوى الرساله
خوف كتب:{السلام عليكم}
شيم ردت:{وعليكم السلام من معي؟}
خوف:{خوف ولد عمك}
شيم بصدمه:{سم صاير شي!!}
خوف كتب:
{اسمعي ياشيم انا خايف عمي جابرك علي اذا ماتبيني عادي انا اقول لهم اني هونت مقدر اخذك وانتي ماتبيني واذا تبيني ابشري ياشيم من يحطك فوق راسي}
شيم شافت رسالته وابتسمت:{لا يخوف مو مجبور ولا شي وصليت استخارة وحسيت براحه الحمدلله بس عندي سوال منين جبت رقمي }
خوف وهو طاير من الفرحه:{الحمدلله وابشري ياشيم والله لاحطك فوق راسي ولا ازعلك بهل كبر اخذت رقمك من الشيخه رويحه }
شيم وهي تتوعد بروح:{هاذا العشم ياخوف واختك ودعها لاني بجي واذبحها}
خوف وهو يضحك:{اذا تبين عون انا اعين واعاون}
شيم ضحكت وقفلت جوالها ولبست عبايتها وراحت لبيت جدها ودخلت المجلس والكل يبارك لها وترد وهي مستحيه
بعد مباركات راحت وجلست جمب روح وهمست لها:تعالي معي
راحت روح مع شيم وهي تغني وترقص:
دقوا دقوا خبيتي جا حبيبي في بيتي
جا وطالب يدي شوفوا شوفوا الدبلة
باركوا يالله صار ليا وحدي
رقصوا محبوبي ودي يلمح ثوبي
شيم وقفت وقرصتها:دقوا دقوا خبيتي اجل
روح صرخت:اححح ياكلبه يوجع
شيم ابتسمت:احسنننننننن اجل تعطيني رقمي لخوف ليش
روح:هو طلبني
شيم:ياسلام ليش ماخذتي رايي
روح ابتسمت بخبث ومثلة انها تبكي
شيم لفت عليها وبخوف:اوجعتك والله مقصدي روحيه اسف وقسم مقصدي
روح ماقدرت وضحكت وطاحت من كثر الضحك
شيم:ياكلبه خفت من جد احسبني اوجعتك انا ارويك
روح ابتسمت:قوميني وبعدين سوي الي تبين
شيم مدت يدها تبي تقومها روح سحبتها وطاحت شيم وقامت بسرعه روح وجلست تركض وشيم تلحقها وتتوعد فيها راحت روح ركض ورا المجلس وشيم تعبت ودخلت روح لفت وشافت انها راحت وقررت روح تروح للحديقه الي ورا بيتهم تشوف وردها الي هي زرعته وتاخذ منه شوي راحت وماكانت لابسه جلالها وماكان فيه احد اخذت راحتها لانها تعرف انوا في رجال ومستحيل احد يجي هنا واخذت ورد التوليب وكان لونه ابيض اخذت كميه كبيره شوي وكانت تغني الاغنيه بحكم انها علقت براسها وترقص:دقوا دقوا خبيتي جا حبيبي في بيتي جا وطالب يدي شوفوا شوفوا الدبلة باركوا يالله صار ليا وحدي رقصوا محبوبي ودي يلمح ثوبي
خبطت بشخص ورفعت راسها تبي تعرف من هاذا الشخص شافته مطلق وقامت بسرعه وكانت بتطيح مطلق مسك يدها بسرعه قبل تطيح روح ارتبكت
مطلق ابتسم:انتبهي كنتي بتطيحين
روح بسرعه ركضت لجوا ونسيت الورد
مطلق شاف الورد ودنق واخذه وشمه وشم ريحتها بالورد نزل للحديقة وجلس يفكر فيها بعدين بسرعه شال الافكار من راسه وقال بينه وبني نفسه:انت تحب احلام فكر فيها وبس دقت عليه احلام جلس بالحديقه و رد
وجاه صوتها الزعلان:مبروك
مطلق ابتسم:على وش
احلام بحقد:خطبة اختك
مطلق ابتسم:ايه الله يبارك فيك
احلام بتمثيل البكي:يعني الحين خوف ياخذ شيم وانت صار لك كم تقول بقول لجدي
مطلق اخذ نفس:امسحي دموعك والله كل مابغيت افاتحه يجي احد للمجلس
احلام:خلك مثل خوف واخطبني من ابوي مثل ما هو خطب اختك
مطلق بصدمه:كيف عرفتي
احلام:الفديو منتشر ارسله لك الحين مو هاذا موضوعنا اسمع يامطلق تعبت معك لين نص رمضان اذا ما خطبتني راح انساك وابلكك
مطلق عصب:لا ترسلين شي وخلي عنادك يفيدك انا ابيك لو مابيك ليش اكلمك بس اصبري علي شوي
احلام:معك لنصر رمضان وبسسسس
وقفلت بوجهها
رما مطلق جواله وقال:لوني طاري روح بلكيها جت بدال رفعت الضغط
اخذ الورد وحطه بسيارته وسكرها ورجع المجلس وتذكر المقطع وفتح المحادثه ودخل على المقطع وشاف المقطع حق خوف وهو يطلب يد شيم
خوف لف عليه:مطلق هاذا صوتي؟
مطلق راح جمبه:اي مدري من مصورك وناشره
خوف عصب:من سمح له ينشره ومنهو هاذا
مطلق حاول يهديه:يبن الحلال بنعرفه بس هد والموضوع مو مستاهل
خوف هدء وجلس
-عند روح-
دخلت ركض وراحت الحمامات (الله يكرمكم) وحست قلبها يدق بسرعه بسرعه وشافت نفسها بالمرايه وهي تبتسم قالت:روح ليش تبتسمين وش فيك
غلست وجهها وهدت وراحت عندهم وجلست جمب شيم وقبصتها
شيم بالم:اييييي
روح ابتسمت:احسنننن
شيم ضحكت:وش سويت
روح قالت لها وش صار:كله منك
شيم ضحكت:ابتدت اول حكايتنا كنتي بتطيحين
روح قبصتها
شيم قالت بصوت عالي:ايييييييي
الجده لفت عليهم:وش فيكم؟
شيم وهي تحك مكان القبصه:مابنا شي
الجده:زين قومي انتي وهي وحطوا السحور لرجال والحريم
شيم وروح قاموا:ابشري
بدو يغرفون السحور وخلصت روح سحور الرجال ودقت على خوف وجاء خوف وشيم حطت جلالها على راسها
خوف ابتسم:السلام عليكم
شيم وروح:وعليكم السلام
خوف:رويحه وين السحور
روح ابتسمت:شفه قدامك ولا الحب عاميك
خوف راح وهو يتوعد فيها:اوريك يا رويحه
اخذت شيم عشاء الحريم وودته للمجلس
جاء خوف واخذ السلطه:اسمعي رويحه الشوفه والملكه بكره عطيهم خبر
روح ابتسمت:احلف من قررر؟
خوف ابتسم:مو كلشي نحلف عليه وتعرفيني ماكذب والي قرر جدي
روح ابتسمت:من الفرحه ياحبيبي عقبال ماتجيبون بنت وتسمونها روح
خوف ابتسم:على حسب راي المدام
روح ضحكت:ياخروف من الان تمشيك على كيفها ياعزتي لك ياخوف
خوف ضحك:والله مخليك
روح ضحكت وراحت جواء ركض
وكان الكل يقوم يبي ياكل
روح وقفت على الكنب:اح احمممممممممم لفو لي
الكل لف لها
روح ابتسمت:غداً الموافق يوم الخميس الي هو اليوم الجديد بتكون ملكة اخوي الكريم خوف واختي الجديده الحلوه شيم والي قال هل قرار وهاذا الكلام جدي العزيز وشكرًا لوقتكم الثمين
الجده:تحتسين صدز
روح:اي والله خوف توه قايل لي
شيم توترت وبدت ترجف
والكل وافق بحكم محد يقدر يكسر كلام الجد تسحر الكل
الساعه 3:30 قبل اذان الفجر بنص ساعه كانوا الحريم والبنات جالسين بالحوش
روح وهي تضحك:نوره خلاص ترا المويه ما تتخزن انتي مو جمل ياماما
سحر وهي تفتح العلبه الخامسه:اسكتي بس هليها تشرب
شيم وهي منهاره:مراح تنامين ترا كيفك
نوره وهي تخلص العلبه 6:اوفففففف بطني
الجده:بس يمه وش هل عمل تونا باقي نص ساعه اصبروا
افنان وهي تضحك:الله يصلحكم
رنيم بحقد:ماشاءالله يا افنان انتي باي شهر؟
افنان بحسن نيه:بنهاية الشهر الثامن يعني دخلت التاسع
الجده ابتسمت:تولدين بسلامه
افنان:ايمن ياجدتي امين
اذن الفجر والكل امسك والرجال راحوا المسجد وللحريم والبنات كل وحده بتروح بيتها روح سحبت شيم وانسدحوا على رجول جدتهم
روح:نبيها سهره صباحي
الجده ابتسمت:شيم يمه معليك منها روحي نامي بكره ملكتك
شيم الي ارتبكت ضحكت:ابشري اصلاً بسحب عليها
راحت شي لبيتهم تنام عشان تنسى
مطلق كان توه جاي من الصلاه ويبي يجلس مع جدته بس سمع صوت روح ووقف
روح:جدتي تعبانه
الجده: ادري حاسه فيك يمه وش صار للحين ابوك يمد يده
روح بكت:امس يمه سمعني كلام بس درا اني سبب هواش اخواني واني سمعت مطلق كلام وم
الجده:و وش يمه
روح بكت:ضربني كف
الجده عصبت:سلامات يمد يده هاذا يبيني اادبه
روح وهي تمسك جدتها:تكفين ياجده لاحد يدري تكفين ياجدتي حتى هو لايدري انا اقول لك عشاني احبك وانتي الي تفهميني
الجده:بس مو هاذا الموضوع الي مضيق صدرك
روح بكت بحرقه:ياجدتي انا صايره مع مصيبه
الجده بخوف:وشي يمه وشي
روح انهارت وتقول وهي تشاهق بشكل يخوف:جدتي في في يرسل لي صوري مدري منين جابهم ويقول يا يا تجينا يا انشرهم وما ما ادري وش اسوي
الجده بصدمه:وشلون معه صورك
روح بكت بزود:والله مدري وقسم بالله مدري كان اخد يصورني من بعيد تكفين يمه تمنيت الموت ولا حصلته يمه انا ادعي ان ربي ياخذني
الجده حطت يدها على فم روح وحضنتها:بس يمه بس
مطلق الي عصب من سمع ان عمه يضرب روح وهو بنسبه له الي يضرب مره مو رجال دخل وقال بعصبيه:والله ياروح لاخذ حقك من عمي ومن غيره وهاذا ابن الكلب بطلعه
روح الي مسكت ثوبه وبكت:تكفى يامطلق انا بوجهك ماتسوي شي وتخرب فرحة خوف وشيم
مطلق الي هدء من شاف ملامحها الباكيه وصوتها الرايح وهي تترجاه شالها من على الارض وجلسها جمب جدته وجلس هو بعيد شوي عنهم
مطلق:ابشري والله مخربها بس ابيك تعطيني رقم ابن الكلب الي يرسل لك وابي اي شي يصير لك تناديني انا وجدتي وتعلميني
روح ارتاحت شوي واعطته الرقم:اسفه اني اشغلتك معي
مطلق:ابد انتي زي شيم وسحر
روح من سمعت كلمته راحت البيت ركض وهي تشاهق لانها بدت تميل للمطلق شوي راحت ونامت بدون ماتحس على نفسها
-بالحوش-
مطلق متعجب:وشبها ياجدتي
الجده:القلب وانا جدتك القلب
مطلق الي كانه فهم:زين يمه عن اذنك
راح مطلق البيت وانسدح بفراشه وكان يتذكر شكل روح وهي تبكي ونام وهو يتخيلها وكانت باحلامه
جاء اليوم الثاني قبل المغرب بشوي كان الكل على السفر بالمجلس الا مطلق
الجد:مطلق وينه
روح شالت همه وناظرت جدتها بخوف
مطلق وهو داخل المجلس:السلام عليكم
الجد بحده:وين ذلفت
مطلق ابتسم:ابد كان عندي شغل بالمركز خلصت وجيت
الجد ابتسم:اذا شغل مايخالف
اذن والكل افطر وبدا التجهيز وراح مطلق ورابح يجيبون الشيخ
شيم:روحيه سعودتي تعالو معاي بيتنا
روح ابتسمت:يله ياروحي
راحوا للبيت وراحوا لغرفة شيم
شيم وهي شوي وتصيح:وش البس
روح ابتسمت:تتذكرين الفستان الي شريناها انا وياك
شيم ابتسمت:اي الي لونه ابيض؟
روح:اي وينه
شيم:نسيته بدرج اصبري بطلعه لك
طلعته وكان شكل الفستان يموت
شيم:طيب الفستان وتم والمكياج
روح ضحكت:ماما معك افضل وحده تسوي مكياج بالعالم علي المكياج
شيم:والمكياج وتم والشعر؟
سعاد:انا اسويلك شعرك زي ذيك المره الي طافت
شيم ضحكت وبعيونها الدموع:ياخي لولاكم وش سويت
سعاد ابتسمت:يله تعالي اعمل شعرك
شيم ضحكت:جيت
بدت سعاد تسوي شعرها وخلصت وجا دور روح تزينها
روح وهي تحط لها الميكب:شيوم بسالك
شيم وهي مغمضه:عيوني اسالي
روح ابتسمت:تحبين خوف
شيم ابتسمت:مدري شعوري متلخبط
روح ابتسمت:الله يكتب بينكم المحبه والسرور والرضا
شيم وسعاد:امين
روح ابتسمت:وخلصنا شوفي شكلك في شي ازيده او اشيله
شيم سكتت ودمعت عيونها:ياخي مدري وش اقول لكم
روح حضنتها:لاتبكين لا ادفنك مراح اعيد المكيب
شيم ضحكت وهي تهوي عيونها:طيب يله بلبس واجيكم
دخلت ولبست وطلعت تاخذ العقل بشكل مو طبيعي
شيم ابتسمت:هاه كيف شكلي
سعاد وروح سكتوا منبهرين من جمالها
شيم بكشره:مو حلو شكلي ادري اصلاً
روح تداركت الموقف:يابنت الحلال بسم الله عليك من عيوننا قبل عيون الناس لا الله الا الله كامله والكمال لله ياحظ اخوي
شيم ضحكت:الحين اشوف نفسي
سعاد بنبهار:شيم لا تضحكين عنده لانه ممكن يخطفك ويمشي ويسحب علينا
شيم ابتسمت
دق جوال روح
روح:امي تدق اصبروا
روح:سمي اي زين جايين
روح:يله بنات اني تقول جاء الشيخ
لبسوا عبايتهم ومتوجهين لبيت الجد
سعود كان يمشي متوجهه لبيتهم وكان منزل راسه ويمشي شاف جوال طاح من وحده من البنات
سعود:اختي لو سمحتي
سعاد بقرف:يعع ما ماتوا هل اشكال
سعود عصب:لو سمحتي يا اختي
سعاد:وش يبي ذا ماني براده وبعلم خلود يتفاهم معه
روح:اي عميمه علمي عمي خالد يتفاهم معه
سعود تنرفز وعصب وقال بحده:اخت خالد
سعاد لفت وهي معصبه:نعم وش تبي
سعود وهو منزل راسه وعيونه حمر من كلامها عنه:هاذا طاح منك وانا مااغدر بييت خويي واسالي ولد اخوك رابح عن سعود
روح تعرف سعود وتمون عليه شوي:سعود انا روح والله معليش ماندري انك سعود
سعود ابتسم:حصل خير
سعاد انحرجت:معليش
سعود:حصل خير
مشوا البنات ووصلوا البيت ودخلوا وعدلوا شكل شيم
وجاء الشيخ ووقع خوف واخذ مطلق الدفتر وقال من عند باب المطب:ياولد
سحر:هلا مطيلق
مطلق سحب اذنها:اسمي مطلقققققق
سحر:اي طيب فهمنا
مطلق:شوفي لي طريق بشوف شيوم
سحر:زين امش وراي
راح مطلق وراها ودخل المجلس الي فيه شيم ووقعت شيم وانكتبت رسمياً زوجه لخوف
راح مطلق ونادا خوف وقاله انه بيدخل
مطلق بضحك:اسمع معك خمس دقايق وبعدين اطردك
خوف ابتسم:حبيبي ماقد جربت احذ يمصع اذنك
مطلق ابتسم وهو رايح:خمس دقايق
خوف تنفس وفتح الباب وشاف شيم جالسه وهي خايفه ومتوتره قرب منها وجلس جمبها ومسك يدها:ارل شي مبروك ثاني شي شيم اسمع ياحرم خوف انتي عيوني وقلبي روحي وكل دنيتي انتي اسرتيني بعيونك وشكلك صرتي كل كوني بدون ما احس
وادري انك تخافين مني بس صدقيني اني حليل مع الحليلين وشين مع الشينين
شيم ابتسمت:الله يبارك بعمرك ان شاء الله اكون عند حسن ضنك
خوف ابتسم:اقولك سر
شيم ضحكت:قول
خوف سرح بضحكتها ومقدر يرد
شيم:الو خوف معي
خوف:هاه اي اي وش كنا نقول
شيم ابتسمت:كنت تقولي سر
خوف تذكر:اي تدرين ياشيم اني طحت بغرامك من شفتك
شيم شهقت:متى!
خوف ضحك
شيم سرحت بضحكته الي جذبتها غصبن عنها
خوف:يوم هاوشتيني عشان عميمه
شيم ضحكت:اي بس وقتها كنت معصبه وشكلي حوسه
خوف ابتسم وقر منها:وانتي حوسه فتنتيني شلون وانتي مرتبه
شيم وهي مستحيه وتفرك يدينها بيعض
خوف ابتسم وحضنها:تدرين عندي امنيه وحده بالحياه انتي اخذتس معي وين مارحت وابقى بحضنك للابد
شيم ابتسمت بس ماحضنته
ابد خوف وطلع من جيبته صندوق اسود جواه خاتم الماس وركع وقال:هل تقبلين الزواج بي
شيم ضحكت:بفكر
خوف ضحك من قلب:ترا صار اسمك شيم حرمممم خوف مابها تفكير
شيم انهارت من ضحكته:موافقه
خوف قام وحضنها:وحلو الموافقين علي يناس
مطلق دخل:انتهت الشوفه يله
خوف:وش تبي يخوي نشبه انت ولا نشبه
مطلق ابتسم:الاثنين
شيم ضحكت:ترا العايلة كلها كذا الحمدلله افتكيت منكم
خوف ابتسم:اول شي انا اخذك من هل عايله النشبه ثاني شي يامطلق ياخوي قل لاختك لا تضحك ترا ضحكتها تنسي الواحد نفسه
مطلق مت ضحك:لاتضحكين الرجال قلب رهيف هدي ياماما
خوف:يمه الفرق بسن ضحكت حبيبتي وامنا الغوله
مطلق ضحك:يكلب ترا ارفضك ويله اخلص اطلع
خوف باس خد شيم بقوه وطلع:امنا الغوله يله العشاء
مطلق:انا اربيك
شيم استحت من حركته قدام مطلق
مطلق ضحك وراح حب راس شيم:مبروك ياشيومه اشهد بالله انك تستاهلين خوف وهو يستاهلك
شيم ضحكت:يبارك بعمرك ياحبيبي وسندي
مطلق ضحك بقوه:يبنت الحلال لاتضحكين لا يجي خوف الحين وياخذتس وش عملتي به صار خفيف
شيم وهي طالع:اسرار
راحت شيم للمجلس وجلست مطلق جته مكالمه مهمه وجلس يكلم بالمجلس
-بالمجلس عند البنات-
شيم دخلت مستحيه
روح حضنتها:مبروك ياروحي
شيم ضحكت:الله يبارك فيك وعقبالك
الكل بارك لشيم وجلسوا البنات
روح:شيوم وش صار داخل
شيم ضحكت وقالت لهم وش صار: وقسم يابنات استحيت من مطلق
سعاد ضحكت:قلت لك بلاش تضحكين بوجهها بس ماتسمعين الكلام
روح:ورينا الخاتم
شيم شافت يدها وما لقيت الخاتم:بناتتتتتتتت
لفوا لها:وش فيك؟
شيم ودموعها بعيونها:الخاتم مدري وينه
روح مسكته:هدي واسمعي انتي دوريه عند المغاسل وسعاد دوريه عند الحريم وانا بدوره بالمجلس
راحوا كل وحده تدوره بجهه
-بالمجلس مطلق طلع وراح يكلم برا بالحوش-
شيم شافت مافي احد دخلت ورمت جلالها وبدت تدوره ودنقت تحت الكنب تشوف الخاتم ولقته واخذته وقالت:اوففف لقيتك بس والله اخوي ذوق يلعن شكل عدوه
قامت وجلست على الكنب وجلستت تتامل الخاتم وجمال الخاتم حست بصوت رجال جاي من برا بس محطت ببالها انه بيدخل
مطلق دخل بحكم ان الجو كان شوي بارد وهو لابس ثوب ابيض وشماغ وحس انه برد وكان يكلم ابراهيم:يابو عيسى ماينفع ابي اعرف راعي الرقم بكره لازم اعرفه هاذا الرقم يضايق شخص بعز علي
ابراهيم ابتسم:والله ان تبشر بكره بجيب لك قرار راعي الرقم
مطلق ابتسم:يخليك ياخوي سند وذخر قل امين
إبراهيم:امين
مطلق يكلم وما انتبه لوجود روح
روح كانت تسمع وتحسي الصوت جاي من برا جت بتطلع اخذت جلالها وجت بتطلع حست بشخص مسك كتفها وقال:من انتي
———————————-
(آهلًا ادري بتصفقوني بس والله انيييي مضغوطه بس دلعنك بارت 4000 اربع الاف كلمه وش تبون اكثر من كذا بعد عطوني رايكم وتعالوا تيك توك وانستغرام صح ترا يوزري موحد لكل البرامج بكتبه لكم تحت زوروني)
———————————-
(la8ka20) حسابي تيك تىك وإنستغرام واتباد احبكم🩷