ياوجهٍ ملاه الحسن سبحان باريّه ‏تاهت وصوف الشعر في جل حسنه

البارت السادس عشر

فهد بحده:اعتذارك وش بيرجع بيرجع دموع اختي وقهرها
الريم طلعت على صوتهم ولكت ومسكت فهد:فهد خلاص تكفى
فهد لف وبعدها
رابح بحده:فهد خلصنا خلاص ترا الغلط على اختك انا ماسويت شي
فهد ضربه كف:اشهد ان المراجل ماتعرف لك طريق
الريم بكت وطاحت على الارض وصرخت:خلاصصصصصصص
فهد شالها ولبسها عبايتها وراحوا لبيتهم وتركوا رابح بقهره وحسرته
رابح راح وانقهر من الي صار قام ودق على سعود يجيه
سعود راح لبيت رابح وجلسوا يسولفون
سعود:طلع الي ببطنك
رابح كب كل شي عنده قال كل شي
سعود بحده:لاحول ولا قوة الا بالله
رابح:ياخوي وش اسوي وهي لو مابقى غيري ماتبيني
سعود:مافي حل مدري خلني افكر
نزل سعود راسه ومسك راسه يفكر
دخلت سعاد وهي معصبه ورمت نقابها ومنديلها ومسكته مع ياقته:ياحقير يا كلب شلون تطلع عن البنت هل كلام
رابح:باعمتي والله الكلام مو انا مطلعه
سعود رفع راسه وانصدم من سعاد وشكلها وعصبيتها تلت قلبه كانت سعاد جميله جميله كانت نحيفه وكان شعرها اشقر وكيرلي وكانت رافعه نص وفاكه نصه وكان شكلها وهي معصبه يجنن
سعاد وهي معصبه:وش الي مو انا وانا رايحه اجيب اغراض لامي سمعت تركي يقول رابح قايل لي انه عايبه وكلام يسد النفس
رابح بعصبيه:والله لاخذ روحه والله
راح رابح وجت تلحقه سعاد
سعود:سعاد وين
سعاد تفشلت حطت حجابها على راسها وتغطت:بروح ورا رابح
سعود بحده:لا روحي بيتكم انا اشوفه
راحت سعاد بيتهم وراح سعود ورا رابح
رابح طلع وشاف تركي يكلم ثنين ويقول كلام عن نجد مسكه مع ياقته ودفه على الارض وهو خانقه وقال بصوت هز الديره:تركيييييي انت مطلع كلام عن بنت عمتي
تركي الي دفه:اي نعم لانك مو كفو قلت اطلع عنها كلام واخذها
رابح بدا يضربه:ياواطي طيحت سمعت البنات ياكلب ياحقير
تركي ضحك:من الي تركها انت ومن بياخذها انا
رابح رفعه للجدار:والله لو مايبقى غيرك ماتخذك
تركي ضحك:نشوف
رابح ضربه بقس طلع الدم من خشمه ومسكه مع ياقته ورفعه وقال بحده وعصبيه وصوت عالي:والله ثم والله الي اشوفه متكلم ب نجد اخت فهد والله لاخليه عبره لكل الناس
الكل خاف من رابح
سعود جاء واخذ رابح وتوجهوا لبيتهم
-الساعه ٩:٣٠ باليل-
الكل كان ببيت الجد معدا هاجر وامل
-بمجلس الرجال-
الكل جالس يسولف
دخل تركي وقام رابح بس سعود جلسه:يبن الحلال لا تطلع بشينه خله
رابح بحده:بس ياسعود
سعود:خلصنا يارابح
تركي:ياعم
الجد:سم ياتركي
تركي:سم الله عدوك انا جاي وابي القرب منكم وجاي اخطب اخت فهد
فهد ابتسم:هاذي الساعه المباركه ناخذ راي البنت ونرد لك
الجد ابتسم:ابشر ياوليدي بس نشوف راي البنت
رابح قام بعصبيه وتجهه لفهد:انت صاحي ولا مجنون هل كلب هو الي مطلع كلام عن اختك ياحمار
فهد دفه:لاترمي مصايبك على غيرك
رابح توجهه عند جده:جدي امش معي
اخذ جده ودخلوا جواء
رابح بصوت عالييي:سعاددددددددد سعادد
سعاد جت:هلا
رابح:قولي الكلام الي قلتيه اليوم لجدي
سعاد قالت كل شي
رابح:سمعت ياجدي شلون ترخصون بنتكم
الجد:بس هو يقول انت قايل له
رابح بصدمه:جدي تهقها مني
الجد سكت
رابح اشر لعمته تدخل ونادا سعود
سعود جاء:هلا؟
رابح:سعود امنتك بالله جعلها في ذمتك لما سالت تركي وش رد علي
سعود:قال ايه انا الي طلعت عنها كلام عشان اخذها
الجد يصدق سعود لانه مايكذب عصب ودخل المجلس ومسك تركي مع ياقته:ياخسيس بنتي وبيتي يتعذرونك انقلع برا
تركي وهو طالع وياخذ شماغه:والله ماخليها لكم
رابح:انقلع بس
فهد بحده:وش صار
سعود تقدم له:الي صار انه اعترف بلسانه وقدامي قال هل كلام هو الي شوه سمعت اختك مو رابح رابح الي راح وتوطى ببطنه وهز اركان الديره عشان نجد اختك يافهد بس انت جيت وضربته
(رفع سعود صوته حيل لدرجة انه وصل لجوء)وكلكم من رجالكم لحريمكم ضربتوه وتهمتوه
فهد راح لرابح وحب راسه:اعذرني ياخوي بس سمعت كلام اهل الديره وانغثيت بدال ما اسمعك وافهم منك
رابح حب كتفه:ياحبيبي ياخوي مابيننا اعتذار
الجد:اجلسوا خلونا نتقهوى
جلسوا
الجد:خالد
خالد:سم
الجد:سم الله عدوك قم ناد الحريم يجلسون معنا
خالد هز راسه وقام ووقف عند باب المطبخ:روح يا روححح
روح جت وهي ماسكه بطنها:هلا خلود
خالد ابتسم ونزل وحب بطنها:فديت عيالي الجديدين
روح ضحكت
خالد ابتسم:وفديت الضحكه يقول ابوي تعالو عندنا
روح ابتسمت:ابشر ياحبيبي انت
خالد ابتسم وراح
روح قالت لهم وتغطوا وراحوا للمجلس وماكانت نجد معهم وجلسوا
سعود ابتسم:انا عن اذنكم
الجد:سعود وين ان شاء الله
سعود:بروح بيتنا ياعم
رابح نغز جده:جدي تراه استحى احلف عليه
الجد:والله ماتروح
سعود ابتسم وجلس:ابشر
رابح:اي انطق
سعود ضرب جمبه:انا اربيك اصبر علي
الجد:يالريم وين نجد؟
الريم:زعلانه عشان موضوع الصبح
الجد:قومي ياروح ناديها
روح هزت راسها وهي ماسكه بطنها
سعود ضحك:ياعمي الله يهديك مالقيت غير روح ماتشوف بطنها مترين قدامها الحين تموت علينا
روح رمت عليه الفاين:خشة سعودوه تفاول علي بعدين عناد عليك بقوم
سعود ضحك هو ورابح راحت روح تحت تاثير صدمت مطلق ومحد ركز على صدمته غير سعاد راحت روح وطقت الباب
نجد ووجهها ذبل وهي تبكي:ادخل
روح دخلت وجلست جمبها:وشبك
نجد هزت راسها:مابي شي
روح ابتسمت:افا على اختك
نجد حضنتها وبكت:روح ليش رابح عشان موقف تافهه خذا شوق
روح ابتسمت:طيب بقول لك ليه خذها عشان تحدي
نجد بعدت بصدمه:هاه
روح عدلت جلستها وقالت لها كل شي وكملت وقالت:ولما انا قلت من بيقبل فيك خطب شوق عشان يثبت لنفسه انه ما ينرفض سعود مايحب ينرفض تحدانا فهمتي
نجد ابتسمت:هو مايحب ينرفض بس يكسر قلوب غيره
روح ضحكت:ماعاش يكسر قلبك والله يجمع بينكم قولي امين
نجد:امين
دق جوال روح رفعته وشافت رقم جدها وضحك وردت:سم
الجد:وينكم
روح ابتسمت:جايين
الجد قفل
نجد:وين نروح ؟
روح:جدي قالي روحي ونزلي نجد
نجد ضحكت وقامت معها وقالت قبل ينزلون:يعني رابح ماحبها؟
روح هزت راسها:ماضنتي
وصلوا للمجلس وجلسوا نجد وروح جمب جدهم والجهه الثانيه رابح وسعود جمب الجد
الجد:وشبكم ساكتين الا صح رابح ابوك وين ذلف
رابح وخوانها وخواته ضحكوا:هج
الجد:هاه
رابح ابتسم:ابوي خذا امي وراحوا المدينه يبون يفتكون منا انا وخواني
الكل ضحكوا وجلسوا سوالف وضحك شوق خذت نفسها وراحت جواء
بعد خمس دقايق
نجد قامت
الجد:وين يبه
نجد:بروح اجيب جوالي تركته بغرفتي
الجد ابتسم:ايه زين يبه
راحت نجد جواء
رابح ضرب ركبت سعود:سعود تخيل روح حامل بتوام ولد وبنت
سعود ضحك:بيجون ثنين غثيثين مثل امهم
روح ضحكت:خشة سعود ورابح ان قمت والله مو اطيب لكم
سعود ورابح يضحكون
سعود:رابح خلاص تكفى لاتقوم وتولد ولادة مبكره
رابح مسح دموعه من الضحك:اخخخخخ خلاص خلاص
مطلق كان مصدوم من كمية الميانه الي بينهم
-عند نجد-
راحت ركض تاخذ جوالها خذته ونزلت ركض بس استوقفها صوت شوق وهي تكلم وافتحه سبيكر ووقفت تسمعها
شوق:والله لا اخليه يتدمر وبعدين اتركه ونتزوج
ناصر ضحك:الله يصبرني على ماتتركين هرخمه رابح واخذك
شوق ضحكت:اليوم نجد انهارت بسبب الكلام واتهموا رابح
ناصر:وهاذا المطلوب وهاذا الي نبيه اننا ندمرهم
شوق:الملكه بعد اسبوعين
ناصر:الله يصبر قلبي شلون اشوفك مع غيري
شوق ضحكت:لهدرجه تحبني
ناصر ابتسم:اعشقك اسمعي متى اقدر اشوفك
شوق ضحكت:الحين بروح لهم لا يفقدوني
ناصر:اطلعي مع الباب الي ورا
شوق:جيتك
نجد سمعتها ونزلت دمعتها على حبيبها رابح ووش بيصير له ومن طاح بيده راحت بسرعه وتوزت وشافت شوق طالعه لحقتها بدون ما تنتبه وشافت شوق تحضن ناصر راحت جوء وبكت لين نامت
الجد:روح دقي على نجد
دخلت شوق وقعدت
الجد:شوق يبه شفتي نجد
شوق:هلا اي دخلت لغرفتها لقيتها نايمه
الجد:اي زين
انسحبوا الحريم شوي شوي وراحوا جوء لين بقى بس الرجال بالمجلس
الجد اشر لخوف
خوف:سم ياجدي
الجد :سم الله عدوك بينك انت ومرتك شي
خوف بحده:ياجدي احد قايل لك شي؟
الجد بنفس حدة خوف:لا محد قايل بس اشوف انا ماني با اعمى
خوف قال لجده كل شي
الجد بعصبيه:الله يهديك هاذي سوات تسويها انت شفت انا ابوك عمك شفت احد يمد يده على مرته
خوف:ياجدي ادري اني غلطان والي سويته غلط بس وش اسوي
الجد:تعتذر وتجيب لها رضاوه 
خوف:ابشر
سعود سحب رابح للحوش
رابح ابتسم:وش عندك
سعود ابتسم:اسمعني وقبل كل شي افهم
رابح هز راسه
سعود تكلم بجدية:اليوم يوم جت عمتك هزاتك انا مو كنت فيه
رابح بحده:ايهه؟
سعود:وانا شفت عمتك بالغلط و
رابح مسكه مع ياقته وضربه كف بحده:و وش؟
سعود نزل راسه:وحبيتها وابي اتقدم لها بس خايف عمي يرفضني عشان محد بيجي بخطب معي وانت تعرف السبب
رابح تركه وحضنه:افا عليك وانا وش
سعود حضنه وشد عليه:انت كل اهلي
رابح ابتسم وشد عليه:اجل امش نخطب سعاد بنت محمد
سعود ضحك ودخلوا
رابح:ياجدي
الجد:وش بغيت
رابح:سعود يبي يقولك شي
سعود ابتسم:انا جاي ياعم ابي اخطب سعاد بنتك
الجد ابتسم:هاذي الساعه المباركه ابشر يبه ذيب قم شف اختك
قام ذيب ووقف عند باب المطبخ وصوت لسعاد جت هي وجابت معها روح
ذيب ابتسم ومسك بطن روح:شلونك يبه
روح:الحمدلله ياعم انت شلونك
ذيب:الحمدلله شلون مطلق معك؟
روح ابتسمت:الحمدلله والله مطلق مو مقصر
ذيب ابتسم روح صوتت لها جدتها وراحت
ذيب:سعاد اليوم جاء واحد وخطبك
سعاد استحت:من
ذيب:سعود خويي رابح
سعاد انصدمت
ذيب ابتسم ومسك يدها:وش قلتي موافقه؟
سعاد ابتسمت:الي تشوفه انت وابوي انا موافقه عليه
ذيب:حنا مانشوف شي انتي موافقه
سعاد ابتسمت:موافقه
ذيب حضنها:مبروك يانور عيني الملكه بكره
سعاد هزت راسها:يبارك بعمرك ياخوي ابد الي تشوفه
راح ذيب عند الرجال وقال لابوه
الجد ضحك:مبروك ياولدي جتك سعاد
سعود راح وحب راس الجد والكل بارك له ورد عليهم
رابح ابتسم:ومتى الملكه
الجد:بكره
سعود ابتسم:على خير
رابح ابتسم وهمس لسعود:اوجعتك ؟
سعود ابتسم:تمون على الروح
رابح:ياحبيبي ياسعود
جلسوا سواليف وضحك وانسحب جزء من الحريم وجزء من الرجال وراحوا ينامون
-عند الحريم-
روح:طفش
شيم ابتسمت:اي والله
جمانه:ووش الحل
افنان:تبون اكلم بدور نروح عندهم
روح ابتسمت:اي والله جبتيها كلميه وافتحي سبيكر
افنان دقت:الوو
بدر:يالبيه ياصوت هلا
افنان استحت:اسمع بدور انا وشيم وروح وجمانه ونجد صاحين وطفشانين نبي نجي عندكم عادي؟
بدر:فديت بدور من لسانك ابد حياكم
افنان توهقت واستحت خافت يقول شي:تراك على الهواء مباشر انتبه
بدر ضحك وقفل
رابح:وش صاير؟
بدر:ابد افنان وروح وشيم وجمانه ونجد بيجون عندنا طفشانين جوء
سعود ابتسم:اجل انا عن اذنكم
رابح بحده:انطق ياورع تراك صرت من اهل البيت ماله دعي حركات الحياء هاذي لا والله انتفك
سعود ضحك:ابشر
خوف ضحك:تستاهل انطق وش يقومك
بدري ضحك:خواني غسلوا شراعك الله يعينك
دخلوا البنات وجلسوا وكان الترتيب بدر وجمبه افنان بعدين جمانه وشيم ونجد وروح بعدين خوف سعود رابح مطلق بدر
روح ضحكت:مابغينا تتزوج ونفتك منك من وانا وغد وانا مقابلتك انت والي جمبك
سعود ضحك:تردها اقول لاتخليني اقوم والله يا خشة روح يصير شي مو اطيب لك
روح ضحكت:تصدق خفت اقول دزها
سعود ضحك:الحين زوجتي عايشه معك طول عمرها
روح:ايه لايكون مو عاجبك
سعود ضحك:الله يصبرها ويرزقها الجنه دامها صابره عليك
روح شمقت له:والله الله يصبرها دامك بتصير رجلها
سعود ضحك:ترا اقوم
روح ضحكت بتحدي:قم
سعود قام راحت روح ورا خوف
روح وهي تضحك:يبن الحلال استهدي بالله تراني حامل انتبه
خوف وهو يضحك:ورع وخر عنها
شيم بصوت قصير:يالبيه يضحكه
نجد ضحكت وهمست:شكلك ولهانه
شيم همست:حيل بس لازم هو يحس
نجد ابتسمت بهمس:هاذي خليها علي
شيم ضحكت:تم
مطلق كان مصدوم من كمية الميانه بينهم
نجد ابتسمت:اقول شيم بطنك كانها تتحرك
شيم ضحكت:اي
نجد نغزتها:عرفتي وشو؟
شيم ضحكت:اي
خوف بلهفه:وش طلع؟
شيم ضحكت:سر بعدين تعرفون،مطلق روح مطولين
روح ضحكت:لا والله ابي اسري تعبانة
مطلق:اجل حنا عن اذنكم
خوف ابتسم:وانا عن اذنكم
سعود:وانا عن اذنكم
نجد خذت جمانه:وحنا عن اذنكم
بدر ضحك:وانا ياخوي عن اذنك
رابح ابتسم:اذنك معك
بدر ابتسم:صح قالي جدي قل لرابح ينام عند عمه خالد
رابح ابتسم:ابشر انت وجدي بس بجيب ثياب لي واجي
راح بدر وافنان لبيتهم ورابح راح لغرفة خالد ينام ونام جمبه على السرير بعد ثلاث ساعات خالد تقلب وطيح رابح
رابح خذا المخده:هوففففففففففففف الله ياخذني ان نمت عندك
قام وطلع برا الغرفه وشاف جده
الجد ابتسم:ربيح وش عندك؟
رابح ابتسم وهو يفرك عينه:عمي دفني من السرير وطلعت انام بصاله
الجد ابتسم:لا يابوك رح نم بغرفة فهد
رابح ابتسم وهز راسه وهو يفرك عيونه راح ونام بغرفة فهد
-عند روح ومطلق-
شيم دخلت جناحها:تصبحون على خير
روح ومطلق وهم متجهين غرفتهم:وانتي من اهله
شيم راحت ونامت وهي منهده
روح تحممت ولبست بجامة طويله لونها بيج طويله وثقيله شوي ورفعت شعرها وطلعت وانصدمت من مطلق دفها للجدار وقرب منها حيل لين انعدمت المسافة بينهم
روح احترت:وشفيك؟
مطلق وعروقه بارزه:اسلوبك مع سعود عاجبك؟
روح ابتسمت:يعني غيور؟
مطلق بحده:مو هاذا المهم ابيك تردين على السوال
روح بحده دفته:سعود اعرفه قبل اعرفك من حنا صغار وحنا مع بعض طبيعي علاقتنا قويه
مطلق بعصبيه وهو يرص على اسنانه:واذا قلت لك لا اشوف هل اسلوب بينكم
روح بحده:اتركك ولا اتركه فاهم
مطلق:روح لايصير شي تافهه بيننا عشان هسبب
روح اخذت لحافها ومخدتها وحطتهم على الكنب
مطلق ابتسم بضيق:قومي انا بنام على الكنب روحي نامي على السرير عشان الي ببطنك
روح قامت ونامت على السرير بدون ماتكلمه
-صباح اليوم الثاني-
قام مطلق وراح وداوم
قامت روح وغسلت وجهها ونزلت لقت شيم مسويه قهوه وجالسه تتقهوى
روح ابتسمت:صباح الخير ياوجهه الخير
شيم ابتسمت:صباح النور يالخير كله
روح جلست جمبها وصبت لها قهوه وتحلوت
شيم ابتسمت:شوفي مابي اتدخل بس مطلق طلع زعلان وانتي وجهك مو عاجبني
روح ابتسمت بضيق:امس تهاوشنا عشان علاقتي بسعود والميانه الي بيننا وكنت بنام على الكنب وقالي انا بنام على الكنب عشان الي ببطنك ونام على الكنب
شيم ابتسمت:تنحل تتذكرين كيف تهاوشنا انا وخوف عشان علاقتي برابح نفس اشي مصيرها تنحل
روح ابتسمت:اي
طق الباب فجاة
روح بستغراب:بروح اشوف من
فتحت روح وانصدمت من خوف وشهقت:خوف
خوف ابتسم:ممكن ادخل
روح ابتسمت:اكيد ياعيوني
دخل خوف وشاف شيم بصاله على جوالها وفنجال القهوه بيدها
شيم:روح من الي ج(رفعت شيم راسها وانصدمت )خوفف!
خوف ابتسم:اي خوف
شيم صدت
روح ابتسمت:انا بروح اسوي غداء غداكم اليوم عندنا
خوف ابتسم:ماتقصرين يانور عيني
دخلت روح وبدت تسوي الغداء
شيم قامت:بروح اساعد روح
خوف مسكها وقعدها:ابي اكلمك اول
شيم جلست:بسرعه
خوف:عاجبك وضعنا
شيم:انت الي مسوي الوضع هاذا كله
خوف:انا قلت اتركك فتره تهدين واجي اعتذر
شيم بكت:تعذر عن وش ولا وش خوف انت كسرتني وضربتني(مسحت دمعتها وصدت بضيق)احمد ربك اهلي مادروا والله مايرجعوني لك
خوف بضيق:والله اني اسف وادري اني غلطان بس انتي زودتيها يوم تقولين عني مو رجال
شيم:طبيعي بقول كذا تراك ضاربني
خوف ابتسم:وين مكان الضربات ؟
شيم اشرت على رقبتها وفكها:هينا وهينا
خوف قرب وباس رقبتها وباس فكها:جعلها بضلوعي عنك
شيم بكت وحضنته:اسغفر ربك ياحبيبي
خوف شد عليها:اعذريني يا نور عيني اني زعلتك بس باذن الله تكون اول واخر مره
شيم مسحت دمعتها:امين
خوف بعد وباس خدها:اشتقتلك حيل
شيم ابتسمت:وانا اكثر
خوف قرب وباس مبسمها وابتعد:احبك
شيم ابتسمت:اعشقك و اموت عليك
روح من المطبخ:اقول شيم خوف شرايكم تقعدون عندي وننادي اهلنا هينا
خوف ابتسم:الي تشوفينه بس لو تصير ببيتي احسن
روح طلعت:لالا بيتك لا لانه وصخ مغبر
خوف ضحك:ووش دراك ؟
روح ابتسمت:اخوي وعرفك اذا ماحد نضف وراك مستحيل تمسح الا الدروج وغرفتك
شيم بضحك:اجل كنسل الرجعه
روح شهقت:رجعتوا لبعض
خوف ضحك:خربتي الرجعه،معليك ياقلبي جبت ناس ينضفون البيت
شيم ضحكت:اوههه يعني واثق اني برجع
خوف ضحكت:ماتقومين جمالي
شيم:وعوه
روح ضحكت:تحسون غداء ولا عشاء
خوف ابتسم:غداء لان ملكة عمتي اليوم
روح ابتسمت:اي صح اجل بروح اكلم جدي
خوف ابتسم:اي زين انا وزوجتي اول الحضور
شيم ابتسمت:انت اول الحضور انا من اهل البيت
خوف ابتسم:اليوم نرجع بيتنا
شيم ابتسمت وباست خده:ابشر بس بقوم اساعد روح
خوف ضحك:انا ابي اروح الدوام لا طلعت جيتكم
شيم ابتسمت:خذ راحتك صح عندك سكرتيرة
خوف هز راسه:اي اتوقع اسمها حور
شيم ابتسمت:اي زين لا تتكلم معها كثير
خوف ابتسم:يعني تغارين
شيم بحده:مو شغلك بس ان سمعت انك تكلمت معها بخارج حدود الشغل بولع فيك وفيها
خوف ضحك:ابشري يانور عيني
طلع خوف وراحت شيم تعاون روح
روح ضحكت:وش صار
شيم ابتسمت:تراضينا
روح ابتسمت:الحمدلله يارب كنت شايله همكم
شيم ضحكت:ياحبيبي انتي تخيلي طلع عنده سكرتيرة اسمها حور
روح:شلون عرفتي
شيم:سالته وقال لي وهددته
روح ضحكت:تفهمين
شيم ابتسمت:اعجبك
روح:بكلم جدي
طلعت جوالها ودقت على جدها
الجد ابتسم:سمي يبه
روح ابتسمت:سم الله عدوك حياك الله الغداء ببيتنا انا ومطلق
الجد ابتسم:عساكم على القوه انتي ومطلق
روح ابتسمت:امين
قفلت روح ودقت على مطلق
مطلق:هلا
روح:اليوم الغداء ببيتنا ارسل بالقروب
مطلق:طيب
قفلت روح وارسلت بقروب الحريم ان الغداء عندهم اليوم
-الساعه ١٢:٣٠-
مطلق دخل وما شاف احد:ياهل البيت
شيم من المطبخ:تعال
راح مطلق المطبخ وحب راسها:عساك على القوه وين روح
شيم:امين يارب وياك رويحه ترتب المجلس وتبخره
-عند الريم وفهد-
الريم من الصاله:فهود
فهد وهو نازل:ياعيون وقلب وروح فهودك
الريم ابتسمت:قدمت على وظيفة وانقبلت ومن بكره لازم اداوم
فهد ابتسم:اي زين
الريم ضحكت:وشو يعني
فهد ابتسم:يعني اني مابيك تروحين عن عيني بعيد
الريم:لاياحبيبي انت تداوم واطفش لحالي
فهد ابتسم:ابشري بالي تبينه
الريم:اليوم غدانا عند رويحه
فهد ابتسم:زين
-ببيت الجد-
العمه نوره:يمه روحي نظفي غرفت خيك فهد والحقيني عند جدك وجدتك
نجد ابتسمت:سمي
راحت نجد ودخلت غرفة فهد وانصدمت ان المكيف مشغل ولعت النور وطفت المكيف وبدت تنظيف وخلصت كل مكان جت ترتب السرير شالت البطانية وانصعقت لما تكلم رابح
رابح:اوههه الواحد ماينام باهل بيت
نجد شهقت:رابح
رابح رفع راسه وابتسم:ياعيونه
نجد حطت جلالها على راسها:وش تسوي هينا
رابح ابتسم وهو رايح للحمام يغسل وجهه:كنت نايم عند خلود وطيحني وطلعت وشفت جدي  وقالي جدي رح نم بغرفة فهود ونمت هينا
نجد:اي زين بس ترا ماقلت لك قولي قصة حياتك
رابح سكتت وهو مرتفع ضغطه
نجد:ممكن تطلع ابي انظف غرفة فهود والحق على الغداء
رابح بستغراب:غداء غداء مين
نجد:رويحه مسويه غداء
رابح نقز لسرير وشاف جواله:اوف الساعه ٢:٣٠
نجد:اي لا صلاه ولا عباده
رابح بحده:نجد سديها
نجد انصدمت:هاه
رابح طلع وهو منهار ضحك على صدمتها وراح لبيتهم يتروش ويبدل
شوق شافت رابح طالع وسمعت صوت نجد راحت عنده
شوق:نجد
نجد:ياعيونها
شوق بتقرف:وعوه اسمعي عاد لا تتلزقين ب رابح هو مايبيك افهمي
نجد بحده:ياماما من درا عنك انتي وخطيبك انا كنت انظف غرفة اخوي وهو كان منخمد هينا  وياجعلك العمى ماتشوفين جلالي فوق راسي
شوق بحده:حتى لو مابي اشوفك حوله يارخيصه
نجد الي كانت معصبه من كلام اهل الديره والدنيا ظلمت بوجهها نطت على شوق واعتلتها وبدت تضربها وشوق ماكانت اقل منها بس نجد ماعادت تشوف
جت نوره ومنى على اصوات البنات
نوره شالت نجد
و منى شالت شوق
نوره:خير يمه وش صاير
منى:نجد امي وش صاير
الجد بحده:شوق نجد للمجلس قدامي
راحوا للمجلس كلهم
الجد:خير خير وش صاير
نجد ودمعتها بعينها:جدي انت قلت لرابح امس ينام بغرفة فهد
الجد بستغراب:اي
شوق:ياعم
نجد قاطعتها:وامي قالت روحي نظفي غرفة فهد رحت ونظفتها وقام رابح تغطيت عنه وسالني كم الساعه وجاوبته وانا متغطيه وطلع
شوق:لا كذب مو هاذا الي صار
نجد قاطعتها بحده:ودخلت شوق وصوتت لي وقلت لها عيوني وقالت وعوه اسمعي لا تتلزقين ب رابح هومايبيك ومن هل كلام انا قلت لها من درا عنك انتي وخطيبك انا كنت انظف غرفة فهد وهو كان منخمد هينا وياجعلك العمى ماتشوفين جلالي فوق راسي والي خلاني امد يدي عليها لما قالت
شوق:لا لا مو هاذا الي صار
الجد بحده:شوق اسكتي كملي يانجد
نجد:قالتي حتى لو مابي اشوفك حوله يارخيصه وضربتها ما مسكت نفسي
الجد بحده:وش صار ياشوق
شوق وهي تمثل البكي:انا مقلت كذا قلت بعدي عن رابح لاني شفت شي يوجع
الجد بحده:ايه ووش الي شفتيه
شوق وهي تبكي:شفت نجد ترتمي بحضن رابح وتحضنه
نجد شهقت:نعم يا ماما
نوره بحده:يمه وش هل كلام مهقيتها منك يانجد
نجد غصبن عنها توجهت لشوق وضربتها كف: اسمعي عاد هل حركات انتي اخبر بها لاترمين بلاويك على غيرك
راحت نجد فوق وبدلت ونزلت وكلمت فهد ياخذها لانها كانت مقهوره من حركات شوق جاء فهد وكلمها تنزل طلعت نجد لفهد وشافت معه الريم
فهد:يله حيها
نجد ابتسمت:الله يحييك يافهود وياهلا باحبيبت القلب
الريم ابتسمت:يالبيه يانجد يالبيه
فهد:تبون نمر نتقهوى وبعدين نروح نتغدا
الريم:اي بالله
فهد لف متجهه برا الديره عشان يجيب قهوه
الريم:نجد الحين ولا لحال
نجد:لا عادي قدامه بس ابي ارتاح شوي
فهد ضحك:يعني وش
الريم ابتسمت:شفرات سريه
فهد:شفرات من وراي
نجد والريم:افا عليك
فهد:طيب غششوني
نجد ابتسمت:الحين ولا لحال اذا ريوم كانت زعلانه ولا انا زعلانه هاذي شفره بيننا معناتها تبين تتكلمين الحين ولا تبين لما نكون لحالنا
فهد ضحك:غرت بسوي شفرات مع خوف ومطلق
الريم ضحكت:بما انك تبني تتكلمين قدامه تكلمي
نجد حكت لهم كل شي من صحى رابح لين كملت وهي تقول:بعد ماصفقتها كلمتك تجي تاخذني
فهد ضرب الدركسون:الحين امي شلون تصدقها
الريم ابتسمت بضيق:الله يعين ربوح ترك الزين وخذا الشين
نجد انكتمت وكانت تصيح بدون صوت فجاه صوت شهقاتها ارتفع وقف فهد السياره عند الكفي ونزل وتوجهه لنجد والريم لفت لها
فهد ابتسم بضيق و مسح دمعتها:نجد عمري خلاص تكفين ياقلبي
نجد دفنت وجهها بصدره وقالت:ياخوي خايفه على رابح ياخذ وحده زيها
الريم الي حست فيه شي نزلت وركبت ورا:فهود رح جب قهوه وانا بهديها
فهد هز راسه لانه حس بيتكلمون كلام حريم وراح يجيب قهوه
الريم حضنتها:تكلمي ليه خايفه على ربوح اكيد مو عشانها تطلع اشاعات
نجد وهي تشاهق:الريم شوق ماتحب اخوك خذته عشان تقهره
الريم خلتها تهداء شوي ولما هدت:تكلمي وش صار
نجد تنفست وحكت كل شي صار بين ناصر وشوق ورجعت تبكي وهي تقول:خايفه عليه يصير فيه شي وماني قادره احلها وانا بنت صعبه يالريم اذا اليوم بس كلام صدقوها شلون لو اقول كذا بيقولون عشانها تحبه
الريم شدت عليها:هدي وانا بقول لخوف وخوف يتحرك بدون ماحد يحس ويحلها
نجد مسحت دمعتها وحضنتها وهي تضحك
الريم ابتسمت:اشهد بالله ان رابح مسويه خير هذا كبره ولا من يلقى وحده تخاف عليه كذا
نجد استحت وهدت
جاء فهد ومعه ثلاث اكواب قهوه وحلا وعطاهم وابتسم:الحلو رضا
نجد ابتسمت:اي والله رضيت ياعيوني
توجههو لبيت روح ومطلق
-ببيت روح ومطلق-
كانوا شيم ومطلق وروح جالسين يتقهوون
شيم ابتسمت:اي الحلوين زعلانين
مطلق ببرود:والله انا عن نفسي قلت لها سبب زعلي بس هي معنده
روح بحده وهي تناظره:تستهبل على راسي يامطلق سعود لو تموت ما اتركه هاذا اسلوبي معه ومستحيل يتغيير
مطلق بحده خبط الطاوله:وش يقرب لك وش يصير لك اخوك ابوك زوجك وش مايحل لك
روح بنفس حدته:انا ما اتغطى عن سعود لاني تربيت معه ولو يبيني كنت قدامه قبلك كان خطبني بس نظرته مو مثل نظرتك القذره
مطلق بعصبيه:روح ثمني كلامك
روح بعصبيه:انت
شيم عصبت وصرخت:خلاصصصصصصصص
سكتوا
شيم بحده:انت وهي تصالحوا وترا انت غلطان يامطلق ترا هو زي رابح بنسبه لها تدري اني تخانقت انا وخوف قبل فتره بسبب اني امون على رابح ترا هم زي اخواننا عادي يادبشه
مطلق:هاذا غير عن هاذا هاذا ولد عمك بس سعود مايقرب لها ولد جيرانهم
روح بهدوء:مطلق افهم سعود حبيب وطيب وخطب عمتي وهو وقسم بالله يعدني اخته مافي جمعه لخواني تكمل بدونه الريم ونوره مايتغطون عنه
شيم يوم شافت روح تتكلم بهدوء خذت نفسها وراحت تجهز
مطلق ابتسم ومسك يد روح:اسف يا حبيبتي انتي بس غيرتي عليك ماقدر اشوفك مع غيري حتى اخوانك طاح الحطب؟
روح ابتسمت وشد على يده:طاح الحطب ولا يهمك
مطلق ابتسم:فديت حبيبتي ياناس
روح ضحكت:ترا سعود جاي اليوم
مطلق ضحك:اي عشان اخليه هو يتغطى عنك
روح ضحكت:الا سعودتي يوليك
مطلق كشر:سعودتك ومطلق له الله
روح باست خده بس انصدمت من لف مطلق وصار مبسمه على مبسمها دفته
مطلق ضحك:كذا اخذ حقي ثالثه مثلثه
روح:انقلع 
قالت كذا وراحت تفتح الباب الي تكسر من الطق فتحت وشافت خوف ابتسمت وحضنته:ياهلا ياهلا بابو ليث
خوف ضحك:يعني بيجي ولد؟
شيم ضربتها مع كتفها خفيف:خربتي مفاجاتي
روح ابتسمت:معليش احسبك قلتي له
شيم ابتسمت:عادي وايه بيجينا ولد يابو ليث
روح راحت وتركتهم
خوف شدها له:يالبيه يازين ابو ليث من منطوقك
شيم ابتسمت:ادري كل شي مني حلو
خوف ابتسم:عشتوا والنرجسيه
شيم وهي رايحه:يحق لي مايحق لغيري
خوف ابتسم:انشهد
شيم ضحكت ودخلت
مطلق ابتسم:اوههه الشيخ ابو ليث عندنا ياهلا
خوف ضحك:ياهلابك
سلموا على بعض
مطلق ابتسم:انحلت مشكلتكم
خوف ابتسم:هو هوه زمان
جلسوا شيم وروح عندهم
خوف ابتسم بحنيه ومسك بطن روح:رويحه انتي باي شهر
روح ابتسمت:بنص الخامس
خوف ابتسم ومسك يدها:شوفي شلون قبل سنه كنا انا وانتي هل حزه ببيت ابوي والحين انتي بتصيرين ام وانا بصير ابو
روح بكت وحطت يدها على وجهها وحضنته:افففف منك ياخوف الا تبكيني
مطلق ضرب كتفه بخفه:ياكلب الا تبكي مرتي
خوف ابتسم وهو يمسح على ظهرها:مرتك دلوعه
روح بعدت ومسحت دموعها وكانت تضحك
خوف ضحك:معك انفصام يماما
روح ابتسمت:لا بس تذكرت لما خوف حالف مايتزوج واخر شي غصبن عنه تزوج
شيم ضحكت:كنت اخاف منه
روح ضحكت:اي اذكر اني دعيت وبعدها بدقايق خطب
مطلق ضحك:الجرس يطق ياجماعه
لبست روح جلالها وفتحت الباب وشافت الريم ونجد وفهد وراهم
روح ابتسمت وحضنت الريم وقالت:ياكلبه اشتقت لك
الريم ابتسمت:والله انا اكثر
روح ابتسمت:ياهلا بنجد
نجد حضنتها:هلابك ياحبيبتي انتي
روح ابتسمت وهي وقفه جمب الريم ونجد:شلونك فهد
فهد ابتسم وحط يده على صدره:الحمدلله انتي شلونك
روح ابتسمت:الحمدلله يارب مجلس الرجال مناك
فهد هز راسه وتوجهه للمجلس وروح سكرت الباب ودخلت وقالت:مطلق خوف فهد جاء بالمجلس يله
مطلق ضحك:طرده
خوف ابتسم:امش وانت ساكت
راحوا للمجلس وجلسوا يتقهوون ويسولفون
والبنات نفس اشي توجهوا لمجلس الحريم جلسوا يتقهوون ويسولفون
الريم ابتسمت:رويحه كلمتي جابر
روح ضربت راسها:نسيت بروح اكلمه
قامت روح تكلم بالمطبخ دخلت ورفعت جوالها ودقت على جابر
جابر:سمي ياعيوني اخبارك
روح ابتسمت:سم الله عدوك الحمدلله انت اخبارك
جابر:بخير دامك بخير امريني
روح:ما يامر عليك عدو مسويه غداء ببيتي ولازم تجي
جابر ضحك:والله انا ماخذ ساره ومسافرين
روح ابتسمت:اوهههه شكلها سنة الهجات
جابر ضحك:ليه من هاج بعد؟
روح ضحكت:امي وابوي
جابر ضحك:امي وابوي هجو
روح ابتسمت:اييييييييي
جابر:مالومهم
روح ضحكت:اي والله اسمع رشود وقمر وينهم ؟
جابر ابتسم:بالبيت
روح ابتسمت:اصلاً انت وساره مابيكم ابي رشود وقمر تقلع انت
جابر ضحك:اي هين يله
قفلت روح ودقت على راشد
راشد رد:الو ياحي هصوت
روح ابتسمت:حي نباك ياحبيبي اسمع قبل لا ندخل باي موضوع اليوم الغداء ببيتي كلمت ابوك وقال انهم مسافرين انت وقمر تعالوا
راشد ضحك:سمعتي ياخشة قمر بسرعه روحي اجهزي
قمر ضحك وقامت تجهز
راشد ابتسم:عميمه بقوم اجهز وابيك تمهدين لعمتي الريم الموضوع
روح ابتسمت:ابشر ياعيوني يله قفل
قفل راشد ابتسمت روح من حست بيدين يحضنونها من ورا مسكت يدينه ولفت وشافت مطلق
مطلق ابتسم:من تكلمين
روح ضحكت:اكلم رشود يجي هو وقمر
مطلق ابتسم وحضنها وشد عليها:اشتقت لك
روح ضحكت:انتي الي جبرت نفسك وسويت مشكله من لا شي ونمت على الكنب
مطلق ضحك:توبه الكنب كسر ظهري
روح ابتسمت وهي رايحه:اذا سويت شي ماعجبني بنومك عليه
مطلق ضحك:اي هين
روح راحت المجلس وجلست ورجعت قامت من طق الجرس فتحت الباب شافت جدها وجدتها وخالد وسعاد وعمتها نوره وعبدالعزيز وعمها خالد واهله
ابتسمت روح وحبت راس جدها وجدتها وسلمت على عمها وعماتها وحبت راسه عمها ابو خالد وسلمت على منى وجمانه وشوق واشرت للعيال لمجلس الرجال وراحوا لمجلس الرجال ودخلوا الحريم لمجلس الحريم
-بمجلس الحريم-
الكل قام يسلم على الجده والي معها وجلسوا سواليف وضحك وجاء العم ذيب ورحمه وسحر
-بالمجلس-
روح:اقول ريوم ربوح وينه
الريم:مدري كلميه
روح قامت وراحت المطبخ دقت على رابح
وصلها صوت رابح:سمي
روح:سم الله عدوك وينك
رابح ضحك وخبط راسه:نسيت موضوع الغداء وداومت وتوني جيت البيت بس البس واجيكم
روح بحده:بسرعه ربوح جدي يحتريك
راحت المجلس وهي تضحك وجلست جمب الريم
الريم ابتسمت:يارب اشوف هضحكه دوم بس وش السبب
روح ابتسم:هل خبل اخونا يقول نسا ان فيه غداء
الريم ضحكت:ايوهه
روح ابتسمت:والحين يجي
الريم ضحكت:ربوح مو شي جديد عليه
نجد شدت على يد الريم من سمعت اسمه لفت عليها الريم وشافت عيونها تلمع
الريم:نجد تعالي معي ابي اعدل مكياجي
نجد قامت وراحوا عند المغاسل الريم مسكت يدها وقالت بحنيه:وشبك
نجد حضنتها ونزلت دمعتها :مدري يالريم مدري احياناً اقول مالي شغل فيه بس يوم اسمع اسمه اتذكر كيف قاعد ينخان بابشع الطرق وتدمع عيوني
الريم وهي تمسح على ظهرها:اخوي وش مسوي بحياته عشان يرزقه وحده مثلك
نجد ابتسمت وابعدت:خلاص ريوم انتي روحي انا اغسل وجهي واعدله واجي
الريم ابتسمت وهزت راسها:تمام قلبي
راح الريم وبقت نجد تدندن وتعدل مكياجها حست بيد تسمك يدها لفت بخوف شافت رابح وشهقت وقالت بسرعه:صد ماني متغطيه
رابح بضيق صد:ابشري بس انا اسف
نجد:على وش
رابح لف لها وطاحت عبنه بعينها:على ان عمتي خانقتك وشوق والله لا اربيها
نجد دفته:اول شي. يوم تكلمني تصد جعلك ماتشوف لاني ما احل لك ثاني شي لا انت ولا شوق تهموني فاهم انت بعت الغالي وخذيت الرخيص بس قبل اروح انتبه من شوق
رابح عقد حاجبه ومسك ضراعها:وش قصدك
نجد فلتت يدها وراحت رابح توجهه للمجلس وعروقه تنبض
نجد جلست جمب الريم وهمست لها انها حاستها وقالت السالفه
الريم ابتسمت وهمست لها:احسن الحين يفكر لين يدوخ بس سلامات تقولين له صد(قالت كذا وضحكت)
نجد ضحكت:احسن
روح اشرت للريم تقوم  معها
الريم قامت معها ونجد قامت معهم
حطوا الغداء لرجال وللحريم والكل تغدا بعد الغداء
الجده وهي طالعه:يله يمه عساك على القوه
روح وهي طالعه مع جدتها وحاطه الجلال على راسها:امين يانظر عيني انتي
الجد ابتسم وتقدم وحضنها:الله يسلم يدينك ان شاء الله هل يدين ما يمسون النار
روح وهي تشد عليه:امين ياحبيبي وياك قل امين
الجد بعد وابتسم:امين يله يبه ياجعله بيت عامر بحس اهله
مطلق وروح:امين
راحوا الجدود والرجال الكبار بقو العيال والبنات
رابح من عند باب المطبخ:شوق يا شوق
شوق ابتسمت وهي تبيها من الله:سم ياعيوني جيت
نجد قامت للمغاسل من حست انها بتبكي
-عند شوق ورابح-
شوق جت وهي تمشي بغنج:سم ياعيوني
رابح ابتسم:سم الله عدوك شخبارك
شوق ابتسمت ومسكت رقبته:الحمدالله وانت ياحبيبي شلونك
رابح ابتسم:الحمدالله شوق وش سبب كذبك على جدي عشان موضوع نجد
شوق كشرت وهي تتمسك برقبته:لاني احبك ومابي اشوفك مع غيري
رابح بحده بعد:بس انا اخترتك بنهاية لو ابيها خذيتها بس انا ابيك فهمتي
نجد كانت تسمعهم وغصبن عنها شهقت وركضت للحمام وبكت لين حست ان راسها بينفجر غسلت وجهها وعدلت مكياجها وطلعت لهم
-بمجلس الحريم-
مابقى غير الريم وشيم ونجد وروح
الريم قامت للمغاسل وابتسمت من سمعت صوت وراها:ريوم
الريم نطت بحضن خوف وابتسمت:ياعيون الريم
خوف ابتسم وهو شاد عليها:اشتقتلك
الريم ابتسمت:وانا اكثر
خوف بعد عنها:وراك شي وشو
الريم ابتسمت:امش معي
مسكت يده وركضت فيه لورا البيت
خوف عقد حواجبه:وشبك
الريم:اول شي ابيك تهدا وتسمع الموضوع بعقلك مو بقلبك
————————————————————————-
(اهلين حبايبي اعذروني على التاخير بس خلصت اختبارات وجيتكم شرايكم بالبارت ترقبوا البارت الجاي احبكم وعطوني رايكم بالبارت باي❤️❤️❤️❤️❤️❤️❤️❤️❤️❤️❤️❤️❤️❤️❤️)
————————————————————————-