ياوجهٍ ملاه الحسن سبحان باريّه ‏تاهت وصوف الشعر في جل حسنه

البارت التاسع

-بمجلس الرجال-
ماكان فيه الا العيال والعمام والجد
وقف مطلق:ياعم
لف له هاجر:سم؟
مطلق وهو كارهه عمه بس يبي روح:انا جاي ابي القرب منك
هاجر ابتسم:جتك الريم بس بروح اعطيهم خبر
مطلق جلس وضاقت به الدنياء وحس بظلام وحس كل شي حوله اسود ماقدر يتحمل طلع برا وبدا يمشي بديره ويحسها ضيقه خالد لحقه
-عند الحريم-
هاجر من عند الباب:يالريم يا امل
جت امل وجت معها الريم
الريم:سم
هاجر ابتسم:مبروك يبه جاء مطلق وطلبك ووافقت وش رايك؟
الريم وهي ماتحب تكسر كلمة ابوها:الي تشوفه يبه
هاجر حضنها:تقول مبروك اجل
امل زغرتت:الف الف مبروك يمه
(معلومه الريم ماتدري ان روح تحب مطلق والعكس ولا كانت مستحيل توافق)
طلع هاجر وراحت امل للحريم
امل وهي مبتسمه:ياخالتي
الجده لفت:هلا
امل:مطلق خطب
روح كانت تنتظر الخبر
الجده ابتسمت:ماشاءالله من خطب
امل:خطب الريم
روح انصدمت ودموعها بعيونها
الكل بارك لريم
الريم جت عند روح وروح من الصدمه مو قادره توقف
الريم ابتسمت:رويحه ماتبين تباركين لي
روح وقفت وابتسمت ودموعها بعيونها حضنتها:مبروك ياحياتي
الريم وهي تشد عليها:الله يبارك فيك
جلسوا وبدو يخططون متى الملكه ومتى الشوفه
روح قالت لريم انها بتروح البيت تبي تنام لانها تعبت من الخط وراحت روح للبيت وبطريقها وقفها صوت مطلق وجمبه عمه خالد الي كانوا راجعين لبيت الجد بس شافوا روح:روح
روح بدون ما تلف ودموعها نزلت:نعم؟
مطلق:والله اني ابيك بس عمي فهمني غلط والله يار
روح وهي تشاهق:خلاص يامطلق الله يوفقك مع الريم والريم وافقت عليك
مطلق:روح لا تقولين كذا والله اني مابي الريم بس عمي
روح وهي تشاهق:تراها اختي وما ارضا عليها خلاص يامطلق الله يوفقك
خالد مسك كتف مطلق بمعنى خلاص
راحت روح بيتهم وتوجهه مطلق لبيتهم
-عند روح-
روح رمت عبايتها ودقت على شيم
شيم ابتسمت:الووو ياهلا بالحب
روح كانت تشاهق:شيمممممم
شيم بخوف:روح حياتي وش فيك
روح حكت لها كل شي وهي تشاهق:ش شيم لي ليش كذا
شيم بكت:خلاص ياحياتي تكفين لا تبكين بكره بجي انا وخوف ونحلها بس المشكلة اذا الريم تحبه
روح ابتسمت ومسحت دموعها:خلاص شيم بسكت والله يهنيهم الريم وافقت انا مو زعلانه والله يكتب الي احسن من مطلق
شيم بصدمه:روح حياتي متاكده من كلامك
روح:اي معليك يله حياتي باي ابي انام
شيم قفلت وراحت لخوف:خوف
خوف وهو على السرير لف لها:هممممممم
شيم:برجع الديره
خوف فز:في احد صاير به شي
شيم:لا بس ابي ارجع
خوف:خلاص بدور حجز بكره الحين تعالي نامي
-عند مطلق-
كان مخنوق من بعد كلا روح دق على فهد
(فهد كلن مسافر)
مطلق:فهد
فهد:هلا ابو ذيب؟
مطلق:فهد فاضي
فهد:افضا لك
مطلق قال له وش صار
فهد:ليش ماحددت انك تبي فلانه
مطلق:ما خلاني اكمل جملتي
فهد:كلم عمي خالد ولا خوف ولا رابح ولا بدور حاول لا تقعد وتقول صعبه حاول
مطلق:الريم وافقت
فهد:يمدي حاول وقلي وش يصير
مطلق:ابشر
ناموا مطلق وروح وكل واحد فيهم يحس سكاكين تطعنهم
-ثاني يوم الصباح-
قامت روح وتحممت وانهارت تحت الدش طلعت ولبست تيشيرت اسود وبلوزه سوداء وطلعت بيت جدها وسوت قهوه وشاي وجلست معهم وهي مو معهم
-بعد صلاة العشاء-
العيال راجعين من صلاة العشاء مع جدهم
الجد ابتسم:متى تملك يا مطلق
مطلق:م
خالد ابتسم:تو الناس
رابح صار جمب ابوه:يبه غلط مفروض نعطي مطلق الكبيره يعني روح وهو ما اختار الريم
هاجر:انا اعرف مصلحتهم
فجاه مطرت بغزاره رجعوا بسرعه ودخلوا المجلس
الا رابح الي راح لباب المطبخ وصوت:روححححح روح
روح جته تركض:سم
رابح:البسي جلالك وتعالي تمطر
لبست جلالها وطلعت وبدت تدور مع رابح بالمطر ودموعها تنزل مع المطر ورابح ما كان منتبه
رابح ابتسم:تبين قهوه
روح ابتسمت:ما اقول لا
رابح:بروح اجيب
روح:رابح مطر الحين اصبر شوي يخف
رابح:معليك
روح:طمني طيب
رابح ابتسم:ابشري
راح رابح وروح دخلت داخل وبدلت وجلست معهم وقلبها وعقلها مع رابح دقت عليه
روح:ربوح وصلت؟
رابح:اي جبت لك ايس امريكانوا وجاي بطريق
روح ابتسمت:تنتظرك ياروحي
قفلت 
-صارت الساعه ١٠:٣٠-
بالمجلس كان فيه مطلق وماجد وبدر وسعد وخالد
جت مكالمه لمطلق وقام وطلع برا يكلم
مطلق رد:هلا سعود
سعود:الو مطلق
مطلق:سم
سعود ودموعه بعيونه:مطلق رابح سوا حادث
مطلق بصدمه طير عيونه:شلون
سعود:مدري مدري تعالوا المستشفى وجب روح لانه كان يتمتم باسمها قبل يغماء عليه ورابح يحتاج دم تعالوا تبرعوا له فصيلته O سالب لا تتاخرون
مطلق قفل ودخل المجلس وهو منزل راسه:رابح سوا حادث
بدر بصدمه:شلون
مطلق:مدري بس كلمني سعود ويقول علموا روح لانه كان يتمتم باسمها
خالد ودموعه بعيونه:بدر ماجد امشو نعلمها
راحوا داخل ومطلق وسعد معهم
خالد قال لهم يتغطون ودخلوا
خالد ودموعه نزلت:روح
روح:عمي وش صاير؟
مطلق:رابح سوا حادث وهو بغرفة العمليات الحين
روح بحده:لا رابح راح يجب لنا قهوه رابح وين مقالبكم التافهه مالها داعي
خالد وقف قدامها ودموعه تنزل غصبن عنه:روح ليته مقلب روح اخوك يحتاج دم
روح طاحت على الارض وانهارت
خالد حضنها وبدا يمسح على شعرها:خلاص يانظر عيني قومي البسي عبايتك نروح عنده
الريم وهي منهاره:بروح معكم
لبست روح عبايتها والريم وراها وطلعوا وركبوا مع عمهم وماجد ومطلق وراحوا للمستشفى وصلوا روح نزلت قبلهم وكانت تركض وراحت للاستقبال
روح:لو سمحتيي وين رابح هاجر محمد
الممرضه:بغرفة العمليات بدور الثالث
راحت روح ركض والريم وخالد وماجد ومطلق وراها وصلت وشافت سعود
روح كانت تبكي:سعود وين رابح؟
سعود مسح دموعه:بغرفة العمليات
خالد جاء:سعود
سعود حضنه ودفن وجهها على كتف خالد وبدا يبكي وقال:لايروح اخوي تكفى يا خالد لا يروح رابح
خالد شد عليه:مايروح باذن الله
ماجد الي كان صابر:لو سمحتي وين غرفة سحب الدم
الممرضة:يسار تعالوا معي
ماجد اخذ عمته وسحبوا دم لرابح اخذوا ثلاث اكياس روح حست بدوخه بس رغم كذا راحت عند غرفة العمليات
بعد مرور ساعه والكل ينتظر
دق جوال روح شافت المتصل خوف رفعت الجوال وردت:الو
خوف خاف من وصله صوتها تعبان:هلا روح بك شي؟
روح بكت:خوف رابح سوا حادث وصار له ساعه بالعمليات
خوف حس فيها وجته غصه وخاف على اخوه:روح طمنيني على رابح وانا كلها كم دقيقه وانا عندكم
روح بصدمه:شلون!
خوف:حنا طلعنا من مطار باريس قبل ٦ ساعات والحين حنا طلعنا من المطار ووصلنا الديره والحين جايين للمستشفى
روح:خوف خلك معي دقايق الدكتور طلع
سعود:يادكتور بشر
الدكتور منزل راسه:للحين الحاله حرجه جهزوا نفسكم لاي شي ممكن يصير
خوف قال بصوت يرجف:روح وش قال
روح وهي تشاهق:يقول الحاله حرجه ويقول جهزوا نفسكم لاي شي ممكن يصير
خوف:روح روح لا تكبين باذن الله مايصير الا الخير وصلت وينكم
روح:بدور الثالث الغرفه الاولى
خوف:قفلي جاي
روح قفلت وتنتظر خوف لانها تحس معه بالامان
خوف راح هو وشيم ركض
خوف راح وحضن روح
روح انهارت من حضنها خوف وبدت تبكي وخوف يشد عليها ويطمنها وهو محتاج من يطمنه
خوف ابتسم بضيق ودموعه بعيونه:انتي رابح كلمك قبل يطيح انا وهو متخانقين قبل يسوي حادث وكنت بمد يدي عليه
روح وهي تشاهق:خوف رابح سامحك قبل تسافر هو قالي
انه مسامحك بس ينتظرك تجي عشان يشوف وجهك
خوف:بذمتك؟
روح وهي تشاهق:اي
حضنها خوف
حس خوف ان روح ارتخت ابعد وشاف انه اغماء عليها اخذها وراح للاسعاف قالت الممرضه انها سحبت دم ونزل سكرها
بعد ربع ساعه قامت روح وقامت تبي تروح لرابح
خوف:اجلسي ياروح ماتقدرين تقومين
روح:لا بروح عند رابح خوف اسندني
خوف سندها ووداها فوق وجلسوا ينتظرون رابح يطلع تقريباً ٦ ساعات طلع الدكتور
خوف قام وروح قامت معه
خوف:بشر يادكتور
الدكتور نزل الكمام:الحمدلله العمليه نجحت والمريض حالته مستقره
خوف حضن روح
خوف:متى نقدر نشوفه؟
الدكتور:بعد ماننقله لغرفته تقدرون تدخلون عليه ثنين ثنين
خوف ابتسم:مشكور يادكتور
الدكتور ابتسم:واجبي
راح الدكتور وخوف قال لماجد يرجع لانه تعب وبالفعل من تطمن ماجد راح للبيت
الممرضه جت:تقدرون تدخلون من اول اثنين يجون معاي
روح ابتسمت من تحت النقاب:سعود عمي خالد ادخلوا انتم
سعود ابتسم وهز راسه وخالد راح عمه دخلوا وشافوا رابح وطلعوا خوف مسك يد روح ودخلوا
طلعوا بقى مطلق والريم
خوف راح يصلي ركعتين وراح معه سعود وخالد وشيم راحت دورة المياه
الريم:ادخل يامطلق وبدخل بعدك
مطلق كان منزل راسه:زين
روح ابتسمت بضيق:الريم ادخلي معه عادي خطيبك
الريم:اخاف خوف يزعل
روح:قولي روح قالت ادخلي
دخل مطلق وكان ضايق من كلام روح والريم وراه
-بغرفة رابح-
سلموا على رابح وقبل يطلعون
مطلق:الريم
الريم لفت:سم
مطلق:ابي اقولك شي وابيك تفهميني
الريم:سم
مطلق:انا جيت على اساس اخطب روح لاني احبها بس عمي قال جتك الريم انا
الريم ابتسمت:اسمع يامطلق لو جايين وقايلين لي الكلام من اول كان ما وافقت الحين انا مقدر اسوي شي حتى انا مابي حلها بمعرفتك لان لو اقول مابيك محد يسمع لي بس انت يسمعون لك اشرح لخوف وانا وافقت لاني ما احب اكسر كلمة ابوي
مطلق فرح من عرف:بحلها بس كنت خايف اكسرك او ازعلك
الريم:لا معليك
طلعوا وراحت الريم وجلست جمب روح وراح مطلق يصلي
الريم مسكت يد روح:ليه؟
روح لفت وهي مصدومه:ليه وش؟
الريم بحده:ليش ماقلتي لي انك تبينه
روح بكت وحضنتها:مدري شفتك مبسوطه ومابي اخرب فرحتك
الريم شدت عليها:لو لو اني فرحانه بخرب فرحتي عشانك هاذا لو بس انا مو فرحانه ومابي مطلق بس مابي اكسر كلمة ابوي
روح ابتسم وشدت عليها:ياقلبي ياريوم احبك
الريم ابتسمت:اعشقك
روح ابعدت من جاء الدكتور:وين الاخوان ؟
روح وقفت:رابح به شي
الدكتور:لا مافيه شي بس هو قام وطلب يشوف روح مين روح؟
روح فرحة:انا روح
الدكتور:تفضلي معي
راحت روح مع الدكتور وتعقمت ولبست ملابس عشان الجراثيم ودخلت عن رابح وراحت وجلست عند الكرسي ومسكت يده
رابح مبتسم بتعب:روح
روح فكت نقابها ودموعها نزلت:ياعيون وقلب روح سم
رابح وهو مبتسم:ليه تبكين يا نظر عيني ليه الدموع
روح مسحت دموعها:دموع الفرحه بشوفتك
رابح قام وعدل جلسته:مشتاق لخوف وحسيت فيه اليوم
روح ابتسمت:خوف جاء عشانك
رابح فز واوجعه مكان جرحه وقال بالم:اححححححح وينه
دخلت الممرضة:اخت روح لازم تطلعين بنعطيه منوم عشان مايحس بالالم وبكره الصبح مسموح الزيارة
طلعت روح وعطوا رابح ابره ونام رابح طلعت روح وشافت خوف وقالت له:خوف رابح سال عنك
خوف ابتسم:اقدر ادخل
روح:الممرضة تقول بكره ندخل عليه
خوف:دام السالفه كذا الكل يرجع البيت انا بجلس معه
الكل وافق لان خوف ماكان حاط مجال لرفض رجع الكل البيت
-صباح اليوم الثاني الساعه 8:30-
روح لابسه عبايتها:ياخلود يله
خالد:يله
كان بس خالد وروح الي صاحين توجهوا للمستشفى وصلوا وشافوا خوف نايم على الكرسي
روح ابتسمت وراحت له:خوف خوف قم
خوف فز:رابح به شي
روح:لا مابه شي قم جاء وقت الزياره
خوف قام وراح وغسل وجهه وتوضى وصلى
دخلوا روح وخالد على رابح
روح دخلت وقالت بفرحه:صباح الخير
رابح ابتسم:صباح النور وينكم تاخرتوا طفشت هينا
روح فكت نقابها:عمك هل غثيث المفروض محد يجي معه
خالد كشر:الحين صرت غثيث صدق من قال من لقاء احبابه نسى اصحابه
روح ضحكت:زعلت
خالد كان يمثل الزعل وهز راسه
روح ابتسم وغمزت لرابح ورابح فهمها وبدت تمثل انها تبكي
خالد فز:آفا والله مازعلت والله اني امزح ليه تبكين يانظر عيني
رابح ماقدر وضحك وروح ضحكت
خالد:يلعن شكل العدو مشت علي حركاتها هل ورعه
روح وهي تمسح دموعها من الضحك:عشان ماتزعل مره ثانيه
خالد:مردوده
رابح ابتسم ونزل راسه:خلونا منكم خوف وينه من الصبح انتظره يدخل
روح ابتسمت:خوف رفض احد يقعد عندك حتى سعود وقال انه هو يبي يقعد عندك رغم انه جاي من طياره وتعب بس جلس عندك
رابح:وينه!
روح:راح يصلي بس غريبه طول
دخل خوف وكان منزل راسه وواقف بعيد
فز رابح وتالم وكان بيطيح ركض خوف ومسكه وسنده ووقفه
رابح وهو للحين مستند عليه:ارفع راسك ياخوي ماعاش من ينزل راسك وانا اخوك
خوف باس راس رابح:سامحني يارابح ادري غلطت عليك وكنت بمد يدي عليك والله العظيم اصعب لحظات حياتي لما كنت جاي المستشفى وانت بغرفة العمليات ومدري وش ممكن يصير
رابح ابتسم:مسامحك ياخوي ماعاش من يزعلك انت الي سامحني عشان كلامي الي قلته لك والله ماقصدي
خوف ابتسم:مسامحك
روح ابتسمت وقالت:اقول خلوكم من الكلام وانت امش انسدح توك طالع من عمايه
ضحكوا خوف ورابح وساند خوف رابح وحط على السرير وجلس جمبه
رابح ابتسم:اي شلون باريس
خوف:عاديه عندي الديره احسن
طق الباب فجاه
خوف اشر لروح تتنقب روح دخلت دورة المياه عشان تتنقب
خوف فتح الباب وشاف سعود
خوف:ياهلا سعود حياك ادخل
سعود وهو مهدود من بعد طيحة رابح:هلابك
دخل سعود وشاف رابح مبتسم راح يبي يحضنه
رابح قام وحضنه وشد عليه:ياهلا سعود والله تومانور المستشفى و
سكت رابح من شاف دموع سعود
رابح:افا يسعود ليه
سعود مسح دموعه:غصبن عني ياخوي خفت اخسرك
رابح بعد:ماتخسر غالي ياحبيبي وشو ترا كلها حادث حسستوني بموت
سعود ضربه على كتفه:وجع يارابح وجع يازق لا تقول هل كلام
الكل ضحك
روح بعد ماتنقبت طلعت وشافت سعود قالت وهي واقفه بعيد:السلام سعود شخبارك
سعود وهو منزل راسه وجالس جمب رابح:وعليكم السلام الحمدلله انتي اخبارك
روح:الحمدلله
(معلومه سعود متربي مع روح ورابح وعلاقتهم جداً قويه وروح تشوف رابح مثل اخوها)
رابح ضحك:يع اول مره اشوفكم مستحين من بعض
سعود ضحك:انا استغربت من ادبها بس قلت من الصدمه
روح:على شحم انت وهو الشرهه على الي يحترمكم
خالد:صح رابح شلون سويت الحادث؟
خوف:اي صدق شلون صار الحادث؟
رابح:قفلت من روح وماشي ومعي قهوه طلعت بوجهي ناقه لفيت عنها وزلت السياره واقلبت اخر شي اتذكره اني كلمة سعود
روح:ياخي قلت لك ماله داعي قهوه شفت وش صار
رابح ابتسم:ترا انا سويت كذا عمد عشان اشوف غلاتي عندكم
الكل:الله لا يبين غلاك
جو اهل رابح عنده والكل تحمد له بسلامه
-الساعه١٢:٣٠ باليل بالمستشفى-
رابح:اقول خوف
خوف لف عليه:قل
رابح:انكتمت متى قالوا بطلع
خوف:الدكتور يقول اسبوع وتطلع
رابح ابتسم:تكفى ياخوف تكفى
خوف فز:وشبك؟
رابح:طلعني
خوف بحده:معصي
رابح:لو تغلي شيم هربني تكفى
خوف من سمع اسمها ابتسم:قم
رابح:عندك خطه؟
خوف ابتسم:لو يشوفون وجهك مراح يطلعونا هاك البس الطربوش واركب الكرسي وامش معي
بالفعل لبس رابح الطربوش وركب الكرسي ونزل راسه وقدروا يطلعون برا المستشفى ركب خوف السياره وجمبه رابح وراحوا لبيت خوف ودخل خوف ووراه رابح شيم خافت من سمعت صوت بالحوش وصحت روح الي كانت نايمه معها وقاموا ووحده ماسكه قلايه ووحده ماسكه مرق العجين وواقفين ورا الباب دخل خوف ووراه رابح
شيم صرخت وجت تضرب رابح باقلايه بس خوف مسك يدها بقوه ولفها ورا ظهرها
شيم ودموعها نزلت:يدي ياخوف يدي
خوف استوعب انها شيم وبعد يده وقال بحده:رابح صد
رابح صد وخوف كان مغطي على شيم بحكم فرق الحجم دخلها المطبخ
روح كانت على الارض تضحك
رابح ابتسم:وجع اقول وش بلاكم
روح:بس انا وهدلخه بالبيت ونحسبكم حراميه
رابح ضحك:لا واضح منهو اخوك ورجلها
خوف بحده:رابح تعال نم بالمجلس
رابح:لا ياحبيبي ابي انام على سريري
روح بصدمه:انتم كيف هينا؟؟
خوف:مايبي المستشفى وطلعنا
روح تخصرت وقال بحده:على كيفكم الشغله؟
خوف بحده:تقدرين تقولين
رابح:اقول انت وهي اكسروا الشر ويله روح بنمشي بيتنا
خوف رما له مفتاح سيارته الثانيه:هاك
رابح مسكه:يله سلام
طلعوا رابح وروح لبيتهم
خوف قفل الباب وراح لشيم لقاها نايمه راح وتحمم وبدل ونام
-صباح اليوم الثاني-
قامت روح بعد صلاة الظهر وبدلت وراحت لبيت جدها وشافت الكل مجتمع بالمجلس:السلام عليكم
الكل:وعليكم السلام
الجده بحده:روح ماني متعوده عليك تنامين لهل حزه
روح وهي مخنوقه ماتدري وش السبب:تعبانه ياجده
الجده:زين يمه
ماجد جالس جمب عمته:عميمه وشبك
روح:مدري وين خوف وجدي!
ماجد هز كتوفه:مدري مطلق خذا جدي وخوف وخالد وراحوا المجلس
روح:وين رابح
ماجد:معهم
روح هزت راسها:زين
-بالمجلس الثاني-
الجد:تكلم يامطلق
خالد:يبه دقيقه قبل يتكلم مطلق بقول شي
الجد:وش عندك
خالد:يبه الي سواه هاجر غلط وش مطلق يجي يطلب ومايحدد من البنت يعطيه الريم والكبيره جالسه يبه بكره تطلع سمعه عن روح ويقولون ليه ماخذاها وكلام اهل الديره
خوف عقد حواجبه:لحظه انا دريت ان رابح خطب من خواتي بس الي سمعته انه ماحدد من قال ياخذ الريم
رابح:ابوي قال حاولت اغير رايه بس رافض
خوف بحده:انا اخوها الكبير وبما ان ماصار شي رسمي مطلق ياخذ روح وش رايك يامطلق
مطلق ابتسم:انا كنت جاي ابي اخطب الكبيره مو الوسطانيه بس عمي استعجل
خوف ابتسم:اجل على البركه
دخلوا ونادا خوف ابوه وامه وروح والريم وراح للمجلس
-بالمجلس-
خوف:يبه مطلق جاني وقال انه يبي روح مايبي الريم يعني يبي الكبيره
هاجر صد:بس انا اعطيت كلمه
خوف بحده:بس يبه بعدين يطلعون كلام عن روح ان فيها شي ومن هل كلام وانت عارف اهل الديره
هاجر:ويطلعون وش بتفرق
خوف عصب:يبه انا اعطيت كلمه روح وش رايك
روح ابتسمت:الي تشوفه
هاجر لف وضربها كف:الي نشوفه اننا ماحنا موافقين
خوف من شاف الموقف مقدر يتحكم بنفسه خنق ابوه ورفعه للجدار وقال وعيونه تطلع شرار:يبههه شللون ضربتها كف شلون مديت يدك عليها انا اكسر يد كل من يمدها على خواتي فاهم
روح بكت وقامت بسرعه وتغطت ودخلت وهي تبكي:رابح جدي تكفون خوف لايسوي شي بابوي
رابح راح ركض والجد ومطلق والعيال وراهم
رابح وهو يحاول يبعده:خوف هد يخوف
خوف ماكان يسمع او يشوف
بدر:خوف خلاص يخوف
مطلق كان يدف خوف بس مافي امل
فهد جاء اخرشي لانه كان طالع وتوه يجي راح ركض وصار جمب خوف:خوف هاذا ابوك يخوف
خوف ما كان يستجيب لهم لا لكلامهم ولا دفهم
فهد ضرب خوف مع جمبه خوف طاح على الارض من الالم وهاجر طاح وهو يحاول يتنفس
الجد:فهد وش صار
فهد وهو يحاول يشوف خوف:مابه شي بس مكان اصابه قديمه واوجعه شوفوا عمي
قام هاجر وشربته روح مويه وكانت تتطمن عليه وتساعده
بعد مرور خمس دقايق الكل كان بخير
الجد بحده:سعاد خوذيهم وروحوا بس تبقى روح وخوف ورابح وهاجر ونادي امك وامل
راحت سعاد ونادت امل والجده وجو ودخلوا المجلس
-بالمجلس-
الجد بعصبيه:خوف ليه سويت كذا!؟
خوف بعصبيه:اسمع ياجدي والي رفع سبع ونزل سبع اذا ففكر يمد يده على وحده من خواتي مستعد احرقه واحرق ديرتكم  كامله
قال خوف كذا بعصبيه وطلع
الجد عصب:روح رابح صدق هل كلام؟؟؟
روح نزلت راسها وبدت تبكي وطلعت
رابح بحده:اي وهاذي ثالث مره من عرفت
الجد بحده:لانك رخمه المفروض من اول مره تجي تقول لي
رابح عصب:جدي هاذا طلب روح ماتبي احد يعرف
الجد:رابح امل اطلعوا برا
رابح خذا امه وطلعوا
الجد بقهر ضرب ولده كف:ليه تمد يدك عليها
هاجر قام وطلع بدون لا يرد
الجده فهمت الجد كل شي
-بعد مرور اسبوع-
كان البيت متكهرب وروح ماكانت تروح بيت جدها بعد ما الكل عرف
وكانت مسكره على نفسها خوف ماكان يروح بيت جده وكان يمر على روح ويقولون ماطلعت مطلق كلن شايل همها
-صباح يوم جديد-
الجد كان جالس يسولف:رابح
رابح لف:سم
الجد:وين روح
رابح:معيه تطلع من غرفتها
الجد:قم معي
قام رابح والجد وراحوا لبيت هاجر طق الباب الجد على روح
روح:قلت مابي اشوف احد
الجد:ولا حتى جدك
روح فزت وفتحت الباب
الجد دخل:روح شخبارك اسبوع مانشوفك؟
روح جلست وبدت تبكي:جدي مابي اشوف احد كلهم عرفوا ان ابوي يضربني وعرفوا كل شي جدي انا كنت اخفي عن الناس مابي احد يعرف واجيكم وانا قويه الحين الكل عرف اني ضعيفه
الجد ابتسم:روح الناس منهم حنا اهلك اهلك وبعدين يانظر عيني الكل واقف بصفك والكل معك
روح ابتسمت من سمعت كلام جدها:والله ادري انكم اهلي بس احب ابين قويه
الجد:روح
روح:سم؟
الجد:اذا عادتنا اهلك تجين بيتنا واذا عادتنا ناس لا تجين انا بطلع وفكري واختاري
قال الجد كذا وطلع روح انسدحت تفكر واستوعبت كلام جدها قامت واخذت دش وبدلت ولبست جلالها وراحت بيت جدها
-ببيت الجد-
ما كان احد متوقع روح تجي انصدموا من دخلت روح:السلام عليكم
الكل بفرح:وعليكم السلام
الكل قام ويسلمون عليها
وعيال عمها وعمتها يسلمون عليها وهم جالسين
الجد ابتسم من شافها جت
سلمت روح على الكل وردت على الكل وصلت عند شيم حضنتها وجلست جمبها:اقول شيم وين خوف
شيم بزعل:خوف زعلان من يوم السالفه ومن درا انك ماتبينا ندري ضاق صدره والحين هو بدوام
روح:متى يجي؟
شيم:المفروض يجي
دخل خوف:السلام عليكم
الكل:وعليكم السلام
الجد:اقول قوموا للمجلس كتمتوا بناتي
قاموا العيال وراحوا للمجلس وكشفوا البنات
روح وهي ترمي جلالها:انكتمت
شيم:اي والله انكتمت يارب مايصوتون
جاء صوت خوف من المطبخ:ياشيممممممممممم
سعاد ضحك:القمي
نوره وهي تبي تقهره:روحي لاخوي لا تلطعينه يله
شيم وهي رايح للمطبخ:اقول على شحم انتي واخوك غثيتيني اخوي واخوي روح تفاهمي معها لا اخنقها
خوف:ليه طولتي
شيم:اختك هل غثيثه نويره
خوف ضحك
شيم سرحت بضحكته وقالت بهمس:حلوه ضحكته يلعن شكل عدوه
خوف ابتسم:عاجبتك ضحكتي
شيم فزت:لا من قال
خوف:انتي قلتي
شيم استحت:شوي
خوف حضنها:شيم
شيم الي شدت عليه وحست انه تعبان:عيونها
خوف:مشتاق لروح
شيم ابعدت:ماسلمت عليها
خوف ابتسم:هي موجوده
شيم ابتسمت:اي صبر بناديها لك
خوف:مو زعلانه مني
شيم ابتسمت ومسكت وجهه:في احد يزعل من هل وجهه بروح اناديها لك
خوف وقف ينتظر روح
راحت شيم:رويحه
روح لفت:هممم
شيم:خوف يبيك بالمطبخ
روح قامت ورحت للمطبخ وشافت خوف واقف ينتظرها:خوف
خوف لف وشاف روح فتح يده لها راحت روح ركض وحضنته وبدت تبكي خوف كان يحس دموعها جمر على كتفه ابعد خوف ومسح دموعها بيده
خوف:لا تبكين ماحب اشوف دموعك
روح ابتسمت:حتى انا ما احب اشوفك معصب
خوف:من متى؟
روح:من عمر ثمن سنوات كان بس يهاوش اول سنه جامعه مد يده عشاني تاخرت عليه
خوف:طيب ليش ماتكلمتي؟ ومن الي كان يدري
روح:عشان مايصير الي صار امي اول من درا بدر كان يعرف وكان يبي يعلم جدي ودايم يوقف بوجهه ابوي بعدين الريم وبعدين رابح تتذكر يوم السالفه الي صارت بالمجلس بين ابوي ورابح وكان معصب بس ترجيته مايقول لاحد بعدين مطلق وبعدين ماجد واخر شي انت
خوف:مطلق!
روح:كنت اسولف على جدتي وهو مر وسمع وجدتي هدته وهدا
خوف ابتسم:زين اسمعي اي شي يصير تجين وتقولين لي
روح:ابشر
خوف ابتسم:صح ماجاوبتيني موافقه على مطلق؟
روح نزلت راسها بخجل:الي تشوفه
خوف:ما اشوف شي موافقه ولا لا؟
روح:موافقه
خوف حضنها:اجل على البركه بكره الملكه
روح ابتسمت:الله يبارك فيك
خوف راح يقول لهم
-بمجلس الرجال-
خوف:مطلق
مطلق كان يصب قهوه:سم
خوف ابتسم:سم الله عدوك جتك روح والملكه بكره
مطلق ابتسم وجاء سلم عليه
-بمجلس الحريم-
روح قالت لامها كل شي
امل زغرتت:الف الف مبروك
الجده ابتسمت:وش صاير
امل:مطلق خطب روح
سعاد:والريم ؟
امل:عمي قال مايصير مطلق ياخذ الصغيره والكبيره موجوده وبحكم ان مطلق ما حدد اسم
الجده ابتسمت:الف الف مبروك والكل بارك لروح
الريم وهي حاضنه اختها همست:المفروض يصير كذا من الاول بس الله يسامح الي كان السبب
روح وهي تشد عليها:اعشقك ياحياتي انتي
الريم ابتسمت وجلسوا وبدت روح والريم يسولفون
عند الرجال
مطلق جلس جمب خوف:خوف
خوف كان يسولف مع فهد لف له:سم
مطلق ابتسم:سم الله عدوك متى الملكه؟
خوف ضحك:ياخفيف بكره الملكه
مطلق:اقوم
خوف:ودي اقول قم بس عجزان وابي احاول بتيس الي جمبي
مطلق ضحك:وش تقنعه فيه؟
خوف:يتزوج
فهد:خوف تعرف من بعد زوجتي القديمه ما اتزوج
خوف:أنساها وتزوج
مطلق:صدق بتموت اعزب انت
فهد قام بعصبيه:اي بموت اعزب مالكم شغل انت وهو
قال كذا وطلع
جاء بيقوم مطلق مسكه خوف:خله معصب الحين
مطلق جلس وبدو يسولفون
-اليوم الثاني اليوم الموعود ملكة مطلق وروح-
قامت روح بحب الصباح وتروشت وبدلت وراحت بيت جدتها وسوت شاي وقهوة ومبسوطه
سعاد كانت توها صاحيه راحت تشرب مويه
سعاد:يمه انتي هينا
روح لفت:اي ياكسوله
سعاد:بروح انام وصحيني
روح ضحكت:روحي
راحت سعاد ونامت
حطت روح القهوه وجلسوا يتقهوون
-ببيت شيم وخوف بعد صلاة الظهر-
شيم:خوف خوف
خوف وهو نايم:هاه شيم روحي عني ابي انام
شيم راحت وفتحت الستاره ودخل ضوء اشعت الشمس بعيون خوف
خوف بحده:سكري الستاره لا والله
شيم:خوف قم ترا مصختها بيصير الظهر
خوف وهو معصب قال بصوت عالي:شيممممممممممم
شيم اول مره احد يصرخ عليها سكرت الستاره ونزلت تحت وبدت تبكي
خوف طارت النومه من عيونه قام وتحمم وتوضى وصلى وبدل لبس شورت اسود وتيشيرت ابيض وكاب اسود وشراب واخذ جواله ونزل انصدم من سمع شيم تبكي ونزل ركض وشافها جالسه بصاله وتبكي
خوف بصدمه:ليش تبكين
شيم وهي تشاهق:بعد عني
خوف بحده:ماني بمبعد لين تقولين ليه تبكين
شيم وهي تشاهق عدلت جلستها:تسال بعد اليوم تصرخ علي عشاني صحيتك
خوف ضحك بسخريه:وهاذا الي مزعلك
شيم صدت:وش رايك
خوف:ايه زين
قال خوف كذا وطلع يركض
شيم انصدمت من ردت فعله قامت وغسلت وجهها وبدت تنظف بيتها
-الساعه 6:30 المغرب-
تحديدًا بغرفة روح
شيم:روح تكفين بسرعه امي تدق
روح من الحمام:اصبري البس فستاني
طلعت كانت لابسه فستان ابيض تحت الركبه وحاطه ميكب ناعم ومسويه شعرها ويفي خفيف
شيم ابتسمت:بابخت اخوي يناس
روح وهي متوتره:شيوم متوتره
شيم مسكت يدينها وش فيك ترجفين هدي البسي عبايتك ويله
روح لبست عبايتها واخذت شنطه صغيره فيها بجامة وطلعوا لبيت الجد
-بمجلس الرجال-
جاء الشيخ ووقع مطلق
خوف اخذ الدفتر ووقعت روح ونادا مطلق للمجلس وكان مطلق واقف عند الباب وروح جوا طلع خوف وقال له:معك خمس دقايق يطيب
ضحك مطلق:تردها يعني
خوف قال كذا وراح:قلت لك خمس دقايق
مطلق تنفس ودخل وشاف روح وكان شكلها يشلع القلب وكانت جالسه ومنزله راسها ومستحيه راح وجلس جمبها ومسك يدها:مبروك يانظر عيني
روح وهي ميته خجل ويدها ترجف:يبارك فيك
مطلق ابتسم ورفع راسها:وأخيرًا ياروحي واخيراً يادنيتي صرتي حلالي روح انا احبك واعشقك واموت عليك صرتي زوجتي وحبيبتي وبنتي واختي وصديقتي ودنيتي كلها
روح ابتسم:وانت صرت زوجي وحبيبي وضي عيوني صرت لي الاب والاخ والحبيب والصديق وحياتي كلها
مطلق حضنها وشد عليها وهي حضنته قال وهو مبسوط:ودي ياروح اخذك ومانرجع اخذك لمكان مافيه احد الا انا وانتي
روح ابتسم:مطلق كلمني عن حياتك
مطلق جلس وجلسها جمبه وهو ماسك يده:انتي حياتي تو مابدا عمري روح شرايك مانسوي عرس وبعد اسبوع اجي اخذك
روح عبست:لا ياحبيبي ابي افرح وابي عرس ولا تبي اهل الديره يقول بي شي عشان كذا ما سويت عرس
مطلق ابتسم:عيدي
روح:وش اعيد؟
مطلق:كلمتك الاولى
روح:ابي افرح؟
مطلق ابتسم:الي قبلها
روح ابتسمت:اهاهههههههه لا مراح اعيد لين تقول في عرس؟
مطلق ضحك:ابشري باكبر عرسك فيك يديره والله لخلي كل اهل الديره يتكلمون بعرسنا بس عيدي الكلمه
روح ابتسمت:حبيبي
مطلق:ياعيونه
روح ابتسم واستحت
مطلق:تكفين لو اروح شلون بتحمل ما اشوف ابتسامتك
روح وجهها حمر:مطلق ابي اسالك انت كيف حبيتني؟
مطلق مسك يدها:شلون حبيتك حبيت وجهك لما بكيتي حبيت طفولتك يوم لقيتي الخاتم حبيت سواليفك حبيت انك حنونه على الكل وزاد حبي واصراري اني اخذك بعد موقفين الاول الي مع عمي لما قلتي له عن موت ساره والثاني انك وافقتي تنسيني وتنسين نفسك عشان اختك حسيت اني لو احط قلبي عندك ما بخاف عليه
روح ابتسم وحضنته وعيونها بدت تدمع:اففف منك كلامك يبكي
مطلق ضحك:اشوف (ابعد عنها وشاف دموعها بدت تنزل)افا ليه تبكين
روح ابتسم:ماسمعت كلامك
مطلق:طيب انتي متى حبيتيني؟
روح ابتسم:شف تبي الصدق بالبدايه كنت اكرهك وبذات بعد موقف لما قلت عطيني يدك وقلت لك لا تحسب هينا زي آمريكا وكنت احسبك راعي بنات بس بعد ماشفت موقفك لما تهاوشت انا وخوف حسيت بشويت مشاعر لاكن بعد موقفك لما عرفت ان في واحد يرسل لي صوري ولما دريت عن ابوي وكيف قلبت الدنياء حبيتك اكثر ولما عرفت شخصيتك زين بديت احبك اكثر واكثر وكلامك يوم خطبة الريم بكاني اكثر من الخطبه نفسها
مطلق ابتسم:الله الله الله حبيتك قبل تحبيني يعني
روح ضحكت:لا يا حبيبي انا اول ركز شوي
مطلق ابتسم:تتذكرين لما تغني عيونك آخر آمالي وليلي أطول من اليم قبل الموقف يوم طحتي حبيت صوتك وكنت بعرف انتي من
روح ابتسمت:اصلاً انا ما احبك
مطلق ضحك وحضنها:غصبن عنك مو طيب تحبيني
روح ضحكت:يعني
مطلق ابعد:غريبه خوف ما جاء وخرب علينا
روح ضحكت:قل غريبه ماجد الي ماجاء
ماجد دخل:السلام عليكم جاء محبوب الكل
روح مدت يدها له:ياهلا بعيوني وقلبي وحبيب قلبي
ماجد جاء وحضنها:هلابك ياعمتي
روح ابعدت عنه:وش عندك
ماجد:جيت ابارك واسالك شلون وافقتي على هل مخيس
مطلق:اقول ورع هدها لا اجيك واصفقك
ماجد:حبيبي تراها عمتي
مطلق ضحك:حبيبي تراها زوجتي
قال مطلق كذا وسحبها جمبه
ماجد:يله خلصت المهله وجدي يبيك
مطلق:اسبقني
ماجد:مو عشان وجهك عشان عمتي
مطلق:اذلف
راح ماجد
مطلق حضنها وشد عليها:بشتاق لك
روح ابتسم:وانا اكثر
مطلق بعد وابتسم:عطيني رقمك
روح ابتسم:لا مافيه
مطلق بتحدي:لا تعطيني رقمك بس بجيبه يعني بجيبه لو كان تحت الحراسه
روح وهي متجهه للمجلس:اتحداك
مطلق لحقها وباس خدها وراح للمجلس ركض
روح استحت وجهها حمر دخلت بسرعه وبدلت لبست بجامه ورفعت شعرها وقعدت معهم فجاه جت رسال لجوالها
————-——————————
(هاي حبايبي شلونكم اتمنى انكم بخير اليوم نزلت بارت خفيف لطيف عشان الفتره الجايه فترت فاينل لا انا فاضيه ولا انتم فاضين استمتعوا بحاول اكتب وانزل لكم كل ماقدرت تواصلنا تبك توك احبكم💘💘
————-——————————