ياوجهٍ ملاه الحسن سبحان باريّه ‏تاهت وصوف الشعر في جل حسنه

البارت التاسع عشر

-ببيت الجد الساعه 12:30 باليل-
الكل كان مجتمع وكانوا جالسين بالحوش الحريم والرجال بنص الجلسه روح حست بنغزات ببطنها قامت
الجد:وين يبه
روح:ابد ياجدي بس بطني توجعني بروح انسدح جوء
الجد:زين يبه مطلق قم عاون حرمتك
مطلق قام وهو يتمناها من الله بس يبي احد يقول له مايبي هو يقوم مسك يدها ودخلها وجلسها
روح فجاه حست بوجع صرخت وحست انه الطلق:مطلق الحق علي
مطلق الي كان بيروح رجع ركض:وشبك؟
روح وهي تدمع وتصرخ:ابي اولد
مطلق اخذها ولبسها عبايتها وركبها السياره وطار للمستشفى وهو بطريق ارسل لخوف ان روح جاها الطلق ولاحد يجي المستشفى
خوف رد عليه زين ابشر
-بسياره-
روح وهي تصرخ:مطلق
مطلق وهو متوتر:هممم
روح مسكت يده وهي خايفه:اذا صار فيني شي او متت رب عيالنا واذا ماتقدر او تبي تتزوج عطهم اهلي يربونهم
مطلق بغصه:لا تقولين كذا الله يطول بعمرك ونربي عيالنا انا وانتي
وصلوا المستشفى
نزل مطلق وهو ساند روح ودخلوها على طول غرفة الولاده ومطلق ينتظر برا وهو على اعصابه بعد ساعتين طلعت الدكتوره وهي مبتسمه
مطلق راح لها ركض:دكتوره بشري
الدكتورة:الحمدالله جاك ولدين زي القمر
مطلق ابتسم:الحمدالله وزوجتي كيفها؟
الدكتوره:الحمدالله مافيها الا العافيه
مطلق تطمن:الحمدالله متى اقدر اشوفهم
الدكتوره:الاطفال شوي بس زوجتك لما يطلعونه تقدر تشوفها
طلعوا روح حطوها بغرفه
-بالغرفة الي فيها روح-
روح كانت منسدحه وتحمد الله
دخل مطلق روح لفت ومن شافته ابتسمت تقدم مطلق وحب راسها:الحمدالله على السلامه
روح مسكت يده:الله يسلمك شلونهم؟
مطلق:الحمدالله جو سليمين الحين يجيبونهم تشوفينهم
دخلت النيرس وهي تدف عيال روح ومطلق اخذ مطلق منها العربيه وطلعت النيرس برا الغرفه دفهم مطلق لروح روح شافتهم وابتسمت وبكت
روح بكت:ياهلا بعيوني
مطلق مسح على شعرها:لاتبكين مفروض تفرحين انهم انخلقوا بصحه التامه
روح لفت عليه:انا مابكيت عشان شي انا بكيت لان عيالي عندهم ابو مابه ذره من المشاعر
مطلق ابتسم:افا ليه هل كلام
روح وهي تبكي:لانك متجاهلني صار لك اسبوع ولا عليك مني وانت عارف اني ما رحت لبيت اهلي الا اني تعبانه مو لاني ماحبك
مطلق حضنها وهو ساكت روح شدت عليه وصوت شهقاتها بدا يزيد وهو كل مازاد شد عليها
مطلق ابتسم:خلص يانور هل عيون خلينا نشوف عيالنا ووش نسميهم
روح بعدت وخشمها احمر وعيونها حمر تخصرت:لا تكون نسيت حنا اتفقنا نجم وليل
مطلق ضحك:ابد الي تبينه
روح ابتسمت:بطلع كتمه المستشفى
مطلق هز راسه وراح اخذ لها اذن وطلعت بس عيالهم لا بقو بالحضانه
روح ابتسمت:مطلق ودني البيت
مطلق:اي بيت؟
روح:بيتي انا وانت
مطلق هز راسه بنفي:لا ياعيوني بيتنا لا اوديك عند امك
روح سكتت طول الطريق لين وصلت راحت لبيتهم ودخلت غرفتها وسكرت الباب وكانت تبكي تحسب مطلق مايبيها تجي البيت بس مطلق كان له نظره ثانيه
-ثاني يوم الصبح-
الكل كان ببيت العم هاجر يتحمدون لروح بسلامه بس روح بعالم ثاني
وراح الكل بس بقى الجده  والجد وامل وروح وشيم وسعاد
الجده:وينهم احفادي يمه؟
روح ابتسم:بالمستشفى راح مطلق يجيبهم
الجده ابتسمت:يمه تنفسين ببيتك ولا عند اهلك
دخل مطلق وهو مبتسم وشايل كل واحد من عياله بيد:ببيتها
روح بحده:بس انا مابي ابي عند اهلي
مطلق بحده:رو
هاجر دخل:يبه اسمعي كلام رجلك
روح هزت راسها وهي ساكته والعبره خانقتها مسكت عيالها بحضنها كانوا مره صغار
الجد ابتسم:اذنت لهم يبه؟
مطلق هز راسه بنفي:لا ياجد ابيك انت تاذن لهم
الجد ابتسم ومسكهم واذن باذنهم
مطلق اخذهم ووداهم لامهم
الجده ضحكت:وشلون تفرقون بينهم؟
مطلق ابتسم:نجم به وحمه صغيره فوق شفته وليل به وحمه بخده
روح ابتسم بحنيه انه مركز على عياله ويفرق بينهم
شيم ضحكت وعيونها تدمع:الحمدالله الي جاء اليوم وشفت عيالك ياخوي
مطلق حضنها وابتسم:عقبال مانشوف ليث
الكل:امين
خوف من وراه:امين ومبروك ماجاك
مطلق ابتسم ولف وحضن خوف:الله يبارك بعمرك وعقبالك
خوف ضحك:امين ياخوي
بعدوا
الجد:الحين وش ينقال لك يامطلق؟
مطلق ضحك:مفروض يجيني ولد وبنت بس مدري وش الي صار
روح ابتسمت:نجم انولد اول
الجد:كم بينهم
مطلق:خمس دقايق
الجد:يله حنا نستاذن عشان بنتي تاخذ راحتها
الكل طلع بس بقى مطلق وروح وامل وهاجر
مطلق:روح تروحين الحين ولا باليل
روح:مابي اروح لا الحين ولا باليل
مطلق قام وقال:براحتك
كان بيروح مسكه هاجر
هاجر:اصبر يبه نوره نوره
نوره جت وهي متغطيه:سم
هاجر:روحي حطي ملابس اختك بشنطه وجيبيها بسرعه
راحت نوره لمتهم وجابتهم
هاجر:وانت يبه قومي البسي عبايتك وروحي مع رجاك مايصير يبه
روح راحت ولبست عبايتها وهي ماسكه الصيحه وشالت نجم ومطلق شال ليل واخذ شنطة روح وابتسم:مشكور ياعم يله عن اذنكم
راحوا مطلق وروح
امل:ليه ياهاجر تكسرها
هاجر:عيب بنتك كم صار لها عندنا لايغرك انها هينا بس قلبها هناك
امل ابتسمت:الله يهنيهم ببعضهم
هاجر:امين
-بسياره-
روح كانت تبكي وتشاهق مطلق ماكان معطي ردت فعل وصلوا ونزل مطلق الاغراض ونزل عياله ودخلوا البيت
روح رمت عبايتها وعلقتها وهي تبكي
مطلق حط عياله وبحده:وشبك تبكين
روح بحده ودموعها تنزل:مابي شي
مطلق:روح تكلمي
روح بحده وهي تمسح دموعها:انت ماتبيني ليه سويت الي سويته
مطلق بحده:من قال اني مابيك؟
روح بحده:امس يوم قلت لك ودني البيت قلت لا
مطلق ضحك
روح بحده:وش قايله نكته
مطلق وهو يضحك:خبله انا قايل امس البيت كان مغبر ومابي انتي او العيال يصير فيكم شي فهمتي ليش قلت لا وامس جبت ناس ونظفوا البيت
روح جلست تضحك معه:وش دراني شفتك زعلان عشان كذا
مطلق ابتسم:امشي نحط العيال بسريرهم
روح بتعجب:سريرهم
مطلق هز راسه:اي شريت لهم سرير
روح شالة نجم ومطلق شال ليل وودوها لسرايرهم وكانوا نايمين
نزلوا تحت وجلست روح وانسدح مطلق على رجلها بدت تلعب بشعره لين نام ونامت هي بعد
-ببيت الريم وفهد-
الريم:فهود وينك
فهد:هذاني وشبك
الريم وهي لابسه عبايتها ومتنقبه:فهود تكفى تاخرت يله
فهد:على وش؟
الريم ضربت رجلها بالارض من بروده:فهود تكفى بلاش حركاتك وراي دوام يله
فهد ضحك ومسك كتفها:قولي وراي دوام امشي
اخذها فهد ونزلها بدوامها وتوجهه لدوامه
-في مبنى كبير-
دخلت الريم بعبيتها ونقابها وبرزانه دخلت مكتب جمب مكتب المدير ووقعت
هادي جاء ووقف عند الباب:من انتي؟
الريم:انا الريم مديرة قسم الموارد البشرية الجديده انت من؟
هادي: انا مديرك يا امجاد تعالي
امجاد:تفضل
هادي:هاذي مديرة الموارد الجديده خوذيها وريها مكتبها
امجاد هزت راسها واخذت الريم
الريم بستحقار:هاذا وشبلاه
امجاد ضحكت:نفسيه ورافع خشمه بس معليك منه طنشيه وسوي شغلك
الريم ضحكت:الله يعينك انتي سكرتيره بعد
امجاد بتافف:وبنت خالته وغاثني بالبيت وبدوام
الريم بصدمه:الله يصبرك صدق
امجاد ضحكت:امين هاذا مكتبك وسكرتيرتك الحين تجي وتعرفك على نفسها
الريم ابتسمت:وانتي وين مكتبك؟
امجاد:جمب مكتبك اي شي تبينه دقي علي
الريم هزت راسها وطلعت امجاد وجلست وبدت تشوف الشغل
دخلت عليها وحده منقبه
الريم رفعت راسها:تفضلي؟
ريانه:انا سكرتيرتك
الريم ابتسمت:حياك وش اسمك؟
ريانه قعدت:ريانه*** *****
الريم ضحكت:ريانه ماعرفتيني
ريانه بستنكار:الصوت مو غريب علي بس ماعرفتك
الريم ضحكت ومدت يده:معك الريم
ريانه صرخت:احلفيييي
الريم حضنتها:والله ياكلبه وحشتيني
ريانه حضنتها:وانتي اكثر
امجاد دخلت:وش فيكم؟
هادي دخل:سلامات!من اول يوم صراخ؟
امجاد كانت محجبه ابتسمت:معليش استاذ بس المكتب من زمان ما انفتح ولقوا حشره عشان كذا
هادي ابتسم:هاه اي زين يعطيك العافية
راح هادي ريانه والريم ضحكوا:خفيف
امجاد دخلت وسكرت الباب وضحكت:انتم وشبكم ليش تصرخون ؟
الريم ضحكت:حنا صديقات ومن ايام الثانوي ماشفتها وبصدفه شفنا بعض
امجاد ضحكت:الله يديمكم لبعض
ريانه والريم ضحكوا:امين
الريم: امجاد وراك شغل؟
امجاد هزت راسها بنفي
الريم:وحنا خلصنا في كوفي قريب تبون نروح نتقهوى ؟
امجاد وريانه:تم
راحوا الكوفي وتقهوو وبدو يسولفون
الريم:امجاد شكل هادي جايك على وجهه
امجاد بتقرف:اي وامي تبيني اخذه بس انا مابيه
ريانه:طيب وش بتسوين
امجاد هزت كتفها:لازم تنزل رتبته من مدير لين عاطل عشان ابوي يرفضه
الريم ضحكت:بس سهله
امجاد ضحكت:كيف؟
الريم:ابد بس هادي باين عليه مو فاهم شغله صح؟
امجاد:اي كل شغله فوق راسي
الريم:والشركه ل سلطان *******
امجاد هزت راسها
الريم:يوم المناقصة الكبيره لا تداومين وهو بيعفس الدنياء بدونك وسلطان بيكون جاي وبيشوف كيف يحوس بجي احلها ويكرشونه
امجاد ضحكت:ريوم حبيتك وقسم بالله
الريم ضحكت:حتى انا والله وانا اصلاً ماحب سالفة زواج الاجبار
امجاد ابتسمت:ليش مجربه؟
الريم ضحكت:مع الاسف
ريانه شهقت:يعني انتي متزوجه غصبن عنك
الريم ابتسمت:اي اسمعوا سالفتي ولد عمتي كان رافض الزواج بسبب انه كان متزوج وحده ومدري وش صار وتركها او ماتت والله مدري المهم وكمل عمره مايبي يتزوج بيوم عمتي جت خطبتني وحطته تحت الامر الواقعي وانا امي وجدي كانو يبوني اخذه لان فهد مافي بنت ماتتمناه بس انا ماكنت اتمناه بالعكس كنت ماحبه احس بارد مره ويوم الملكه نسف كل امل كان بداخلي قالي انا مابي اتزوج وعشان امي
انا قلت وانا مابيك تزوجت عشان جدي قال هو نتزوج بدون ما اقرب منك شهر شهرين ونتطلق ونقول ماتفقنا خنقتني العبره قلت تم وانا ماحبيته بس مايكسر كرامتي كذا بعد فتره حبينا بعض الحمدالله قبل الزواج حبينا بعض
ريانة ضحكة:قصتكم تجنن تنفع فلم
امجاد دمعت عيونها؛قصتكم تجنن
الريم ضحكت وجوالها دق:الزين على طاريه
ضحكوا الريم ماردت
ريانه:ليه قفلتي
الريم:خلص البريك خلونا نروح المكتب وهو بعدين بدق عليه
راحوا للمكتب وراحت كل وحده مكتبها
-بمكتب الريم-
دقت الريم على فهد
فهد رد:الو
الريم:هلا
فهد ابتسم:ياحي هصوت
الريم ضحكة:حي نباك ياحبيبي انت
فهد ضحك:اوهه كلام معسول وش عندك
الريم ضحكة:الشرهه علي زين
فهد:وشبك ياقلبي امزح اسمعي ابي اسالك
الريم:هممم
فهد:صديقي بيجيب هديه لزوجته وقالي عادي تسال مرتك قلت ابشر تحسين وش يجيب لها
الريم:اممم مدري احس ورد وخاتم
فهد:يعني اقوله ورد وخاتم
الريم:اي يله حبيبي تبي شي وراي شغل
فهد ابتسم:لا ياحبيتي مع السلامة
الريم:مع السلامة
قفلت الريم وكملت شغلها
-الساعة ١٢:٣٠-
الريم كانت تشتغل طق الباب وبدون ماترفع عيونها عن الكمبيوتر:تفضل
دخل فهد وهو مغطي وجهه بباقة الورد رفعت الريم راسهاوهي تضحك راحت وخذت الباقه وحضنته:لا خلا ولا عدم ياحبيبي
فهد شد عليها:ولا منك ياعيوني
الريم ابعدت وابتسمت:شرايك بمكتبي؟
فهد بدا يدور بمكتبها:اوههه من اول يوم مرتبته
الريم ابتسمت:اي
جلست الريم على مكتبها تكمل الشغل فهد جلس قدامها بعد نص ساعه خلصت الريم وسكرت الابتوب وحطته بشنطه هو والاوراق
الريم ابتسمت:معليش حبيبي اخرتك
فهد رفع راسه وحط جواله بجيبته:لا عادي يله مشينا
الريم مسكت يد فهد ومشوا متجهين لبوابه بس وقفهم صوت هادي
هادي:وين يا اخت ريم
الريم لفت:اول شي اسمي الريم مو ريم ثاني شي خلصت شغلي وطلعت
هادي:ارسلتي الملف المطلوب منك
الريم:اي نعم ارسلته لامجاد تبي شي استاذ هادي؟
هادي لف ومشا
الريم مسكت يد فهد ومشوا
فهد:من هاذا؟
الريم:مديري
فهد:اي زين جيعانة؟
الريم:اي والله
فهد فتح لها باب السياره:يله خلينا نروح نتغدا
الريم ابتسمت وفتحت جوالها وبدت تطقطق فيه
فهد بنص الطريق:اتركي جوالك وسولفي علي
الريم نزلته ولفت عليه:سم
فهد:سم الله عدوك وش صار معك اليوم
الريم:ابد والله شغل وكرف من اول يوم والمدير غثيث
فهد ابتسم ومسك يدها:اجل استقيلي
الريم سحبت يدها:لا ياحبيبي مو انا الي استقيل هو الي ينطرد
فهد صفق:عاشت حرم فهد
الريم ضحكة:عاشت ايامك ياعيون الريم انت
سكتوا بعدين فجاه صرخت الريم:فهود
فهد بصدمه:وشبك!
الريم ضحكة:معليش روعتك بس توقع من شفت اليوم
فهد ضحك:اذا مو احلى من يروعني من شفتي؟
الريم ابتسمت:ريانه صديقتي
فهد ضحك:اوههه هذيك الي قلتي من الثانوي ماشفتيها
الريم هزت راسها:ولا طلعت هي سكرتيرتي
فهد زفر براحه:الحمدالله
الريم عقدت حواجبها:وشبك؟
فهد:خفت يحطون لك سكرتير
الريم ضحكت وهي تبي تجس النبض؛على طاري لايكون حاطين لك سكرتير؟
فهد هز راسه بنفي:كانوا بيجيبون لي بس رفضت لاني احب اسوي شغلتي بنفسي
الريم فرحت:اي حلو طول وش هل مطعم
فهد:وصلنا
نزلوا وطلبوا اكل وجلسوا برا ياكلون
الريم:فهود ليش ماخذينا غرفه اريح
فهد:مدري الجو جاز لي تبين ناخذ غرفه؟
الريم مسكت يده:لا ياحبيبي انت الجو حلو سم بالله
كلوا وخلصوا وطلبوا حلا وقهوه وجلسوا يتقهوون ويسولفون
الريم:اقول فهود
فهد لف لها:ياعيون فهود
الريم:يحفظهم لي شرايك بالي قلته لك
فهد:وش قلتيلي
الريم :موضوع المدي
سكتت الريم من جت وحده محجبة ونادت فهد
جميله بتمثيل الصدمه:اخ فهد
فهد لف لها:سمي
جميله جلست معهم:افا عليك معرفتني
فهد نزل راسه:انتي سكرتيرتي
جميله هزت راسها:ايه نعم
الريم فارت انه عرفها وانه كذب عليها قامت وقالت بحده:عن اذنكم
فهد:معليش اخت جميله مستعجل لازم اروح
قام وراح وراها شافها بسياره وماسكه جوالها فتح السياره وركب وسكر الباب وحرك بدون ماينطق بكلمه وحده وصلوا نزلت البيت بهدوء وراحت تحممت ولبست بجامه ونزلت وبدت تشتغل بهدوء ومتجاهلة فهد جاء فهد بعد ماتحمم وبدل جلس جمبها
فهد مسك يدها:وشبك
الريم سحبت يدها:مابي شي جايتك اصيح؟
فهد:الريم ماقصدي اكذب عليك بس صار خلاف بين مطلق وروح عشان هل موضوع التافهه مابيه يصير بيننا
الريم لفت له:كذبت وخلصت صح ؟
فهد هز راسه:صح
الريم:انتهى الموضوع اجل ممكن اكمل شغلي
فهد سكت وتركها
-الساعه٦:٣٠ المغرب الكل مجتمع ببيت الجد وجالسين بمجلس العايلة-
الجد:وين فهد ومرته
روح ضحكت:اليوم اول يوم دوام لريم ماتوقع تجي
خوف:ارسل لي فهد يقول مايجون
الجد:ايه زين يا رابح
رابح لف:سم ياجدي؟
الجد:متى عرسك؟
رابح:المفروض بعد كم يوم بس عشان روح اجلته اسبوعين زيادة
روح ابتسمت:تسلم ياحبيبي انت
مطلق ضحك:اقول ربوح شكلك تبي تاجله زياده
رابح لف:ليه؟
مطلق ابتسم:ابد بس جتني دوره مدتها ثلاث شهور
خوف:اكلمك ابو عيسى يلغيها
مطلق هز راسه بنفي:ما اقدر لا انا ولا انت ولا ابوعيسى نلغيها لانها جت من الزفت طارق واكدها
خوف بحده:هاذا خله انا اربيه
الجد:زين يبوك رابح تاجله ولا تسويه ؟
رابح ضرب كتف مطلق:اذا عشان النسيب مااجلت عرسي ااجله عشان من عرسي بعد ثلاث شهور
مطلق ابتسم وحب كتفه:تسلم الله يرفع قدرك ياحبيبي
رابح ابتسم:الله يسلمك امين يارب الحمدالله
خوف ناظرهم:وعوه وش قال قال حبيبي قال
مطلق:انت وش حارق رزك
رابح:الا خوف
مطلق:اوههه قلبتوا علي الطاولة ياعيال هاجر
خوف:تبي يورونك عيال هاجر وش يسوون
فهد دخل:السلام عليكم
مطلق ضحك:وقف معي يالعديل
فهد ابتسم:ابشر بي
مطلق حس ان به شي:عيال عمي هاجر دزو امها فهود امش ابيك بسالفه
خوف ورابح:تقلع بس
روح:دقيقه قبل تاخذه وياخذك اختي وينها؟
فهد:الريم تعبانه بعد الدوام وقالت تبي تجلس بالبيت قلت اجي نص ساعه واروح
اخذ مطلق فهد للحوش بعد ما سلم
مطلق:وش بلاك؟وجهك ماش مو عاجبني
فهد بدون مايتردد قال له كل شي:اسلوبها قاهرني متدري هي زعلانه ولالا
مطلق:انت وشوله تكذب ماله داعي
فهد:عشان ماتزعل
مطلق:بس مالك حق تخبي شي عنها
فهد هز راسه:تنحل امش ندخل
دخلوا وجلس فهد شوي ورجع البيت وشاف الريم نايمه راح وانسدح جمبها ونام
-بعد مرور اسبوع-
-صباح يوم جديد-
قامت الريم وتحممت ورفعت شعرها وبدت تطلع لبس لدوام فهد قام وتحمم وطلع بدلته ولبسها علق شاراته ومشط شعره وتعطر ونزل ينتظر الريم الريم خلصت ونزلت وركبت السياره وطول الطريق هم ساكتين وصلوا ونزلت الريم ودخلت مكتبها كانت ريانه تنتظرها
الريم ابتسمت:اوه وش عندك ؟
ريانه:ابشرك ترقيت من مساعده لمديرة قسم الشؤون الاجتماعية
الريم حضنتها:مبروك يانور عيوني
ريانه:يبارك بعمرك وعقبال ماشوفك باعلى المراتب
الريم:امين ياعيوني
ريانه:سيفي المساعدين عندك
الريم هزت راسها وطلعت ريانه جلست الريم على مكتبها وتنهدت ومسكت الاوراق وبدت تدور مساعده زينه
الريم وهي تقلب بالاوراق شافت سيفي واحد اسمه حسن ابتسمت:اجل وحده بوحده يافهد
كتبت الريم رقمه بالتليفون ودقت عليه وقالت له انه انقبل وراح يباشر من اليوم جاء حسن بعد نص ساعه وطق باب المكتب
الريم:تفضل
دخل حسن:السلام عليكم
الريم وقفت:وعليك السلام الاخ حسن؟
حسن هز راسه:نعم
الريم:انا شفت السيفي حقك ماشاءالله كامل واخترتك من بين ثلثين شخص فا خلك قد شغلك
حسن هز راسه:تمام
الريم:مكتبك هناك تقدر تروح
حسن هز راسه وراح
الريم ابتسمت:وحده بوحده يافهد والبادي اظلم
بدت تشغل ثلاث ساعات وعيونها على الجهاز مارفعتهم دخلت ريانه وامجاد وجلسوا نص ساعه وهي للان تشتغل
ريانه:الحلو مطول؟
الريم رفعت عيونها وسكرت الجهاز:خلصت تبون نطلع نتقهوى ؟
امجاد وريانه هزوا روسهم بمعنى ايه
الريم قامت وطلعت معهم وجلسوا على طاوله وطلبوا قهوه وكانوا ريانه وامجاد يسولفون ويضحكون والريم مو يمهم
ريانه نغزة امجاد:اقول الريم
الريم كانت بعالم ثاني
ريانه طقت اصابعها بوجهها:الريممممم
الريم لفت لها:هلا؟
ريانه:وش كنا نقول؟
الريم ابتسمت باحراج:والله ماكنت معكم بالي مو معي
ريانه:اي ادري وشبك؟
الريم ابتسمت وحكت لهم كل شي صار بينها وبين فهد:وانا عينت لي سكرتير وحده بوحده والبادي اظلم
ريانه ابتسمت:كفو وقولك كيف تقهرينه بعد عامليه طبيعي كانه عادي مو حاطه ببالك
الريم ضحكت:احب الي يخطط معي
امجاد:ياماما هدوء العب حرام عليكم
الريم ضحكت:يستاهل هو الي كذب وبداها بالكذب وانا انهيها بطريقته
امجاد ضحكت:الي تشوفينه
الريم ابتسمت:طيب ياحلو جوالك يرن
امجاد مسكت جوالها وشافت المتصل وتاففت:اوففففففففف
الريم ضحكت:من؟
امجاد قبل تفتح المكالمة:النشبه هادي،الو اهلين استاذ هادي تمام تمام
الريم:وش يبي بعد؟
امجاد:يبيني اجيه هل وغد يبيني احل موضوع المناقشه حقه
الريم ضحكت:الله يكون بعونك هانت
امجاد ابتسمت وهي رايحه:الله يسمع منك
بقى بس ريانه والريم
الريم ابتسمت:ايه عرفت عشان الشيخ راشد
ريانه بتمثيل الاستغباء:من راشد؟
الريم ضحكت:اجحد من راشد هاه دقيقه
دقت الريم على راشد رد راشد
الريم:رشود وينك؟
راشد:هاه ياعمه تكفين اختصري الشغل لين فوق راسي
الريم ابتسمت وفتحت سبكر:لو تدري مع من جالسه تترك كل الي بيدك
راشد:بعني مع من مع فهد وعوه
الريم ضحكت:لا مو معه مع ريانه
راشد ابتسم:مع من؟
الريم:فهد فهد وشبك
راشد ضحك:فهد اجل ترا جتني صورتك وانتي تشتغلين
الريم ضربت ريانه:اوريك انتي
راشد ضحك:جعلها الكسر
الريم شهقت:يدي!!
راشد حك راسه:مو قص
الريم قفلت بوجهه:هل كلب
ريانه ضحكت:يانجسه حرام عليك
الريم:اقولك شي سريها انتي وهو
قالت كذا وقامت وراحت مكتبها وخلصت شغل وارسلت لفهد لاتجيني انا اطلع لحالي وطلبت سياره وراحت محل سيارات وكانت مجمعه مبلغ حلو راحت وخذت سياره وكانت مطلعه رخصه قبل تتزوج اخذتها وتوجهت لبيتها ووقفتها قدام باب البيت المكان الي يوقف فيه فهد دايم ودخلت وبدلت وسوت قهوه وحلا وحطتهم بصاله وحطت اغنيه هاديه وكملت شغلها دخل فهد وهو معصب
الريم وهي عارفه ليه معصب:وشبك؟
فهد جلس جمبها وهو يفك ساعته:ابد في واحد قليل مروه من الجيران موقف سيارته قدام باب بيتنا بكل قلت ادب
الريم ضحكت
فهد لف لها:لايكون تعرفين منهو؟
الريم ابتسمت:معك قليل المروه شخصيًا
فهد ضحك بصدمه:انتي تسوقين معك رخصه منين جبتي السياره ؟
الريم ضحكت ومسكت يده:شوي شوي علي ياحبيبي انت سوال سوال ايه اعرف اسوق ومعي رخصه السياره كنت مجمعه مبلغ حلو وجبته فيهم
فهد سحب على كل شي وركز على كلمة ياحبيبي:وشو قلتي
الريم:شوي شوي؟
فهد هز راسه:لالا الكلمه الاولى
الريم فهمت وضحكت ومسكت رقبته:ياحبيبي وعيوني وقلبي بعد
فهد ضحك وحضنها:واخيراً ياواحش الدنياء
الريم شدت عليه:اي ياحبيبي انت مقدر انساك اصلاً
فهد ضحك:ياحبي لكلمة حبيبي من لسانك
————————————————————
(يامرحبا وسهلا اعذروني على القطعه اسف اسف اسف احبكم واعذروني وعطونا رايكم لانه يهمني حيلللللللللللللللللللل احبكمممممم❤️❤️❤️❤️❤️❤️❤️❤️❤️❤️❤️❤️❤️❤️❤️❤️)
————————————————————