ياوجهٍ ملاه الحسن سبحان باريّه ‏تاهت وصوف الشعر في جل حسنه

البارت الثالث عشر

قالت كذا وراحت للمجلس بسرعه وهي تضحك عليهم وشافت وجيههم كلهم كانت باينه عليها الصدمه ضحكت:وشبكم
لفت عليها زوجة جابر وشهقت من شافتها
قمر ضحكت:انتي عمتي روح؟
روح ودمعتها بعينها هزت راسها
قمر جت وحضنتها شدت عليها روح وهي ماشالت عينها عن زوجة جابر
قالت قمر:انا قمر
روح ابتسمت:ياحياتي عاشت الاسامي
قمر ابتسمت:عاشت ايامك
روح:نوره سحر خوذوا قمر واطلعوا
خذوا نوره وسحر قمر وطلعوا
روح:انتي وش تسووين هنا؟
ساره:انا زوجة جابر
روح مسكت يدها:ساره اطلعي برا بيتي
ساره:روح اسمعيني
روح:وش اسمع اسمع انك خذيتي جابر الي يصير عمه خالد
ساره بكت:روح اسمعيني وراح تفهمين
روح سحبتها لمجلس صغير:معك خمس دقايق اشرحي
ساره:انا صدق كنت مريضه وبموت بس رحت تعالجت برا وطبت ولما جيت اكتشفت انك مغيره رقمك وسكنتوا ببيت ثاني جاء جابر وخطبني ووافقت ووالله العظيم امس سالته من البنت الي ارسلت لي ماسك يدها بطياره قال اختي برضاعه قلت شسمها ومنهي عايلتها قال روح هاجر وانصدمت ويوم دخلنا بيتك وشفت مطلق والناس عرفتك
روح بكت:طيب خالد لو درا انكم متزوجين
ساره حضنتها:صدقيني بيلقى الي تسعده وبيلقى الي احسن مني
روح مسحت دموعها:امشي نقعد معهم
ساره ابتسمت ودخلوا وشرحت لهم ساره كل شي والكل تفهم
جلسوا سواليف وضحك لين الساعه 12:30 باليل وراحوا كلهم بقى اخوان روح وجابر وخالد وساره وبنتها
-بمجلس الرجال-
خالد ابتسم وضرب كتف جابر:جابر
جابر:سم ياعم
خالد:تزوجت ؟
جابر:اي وعندي بنت بعد
خالد:ماشاءالله ومن ماخذ منهم؟
جابر:خذيت ساره **********
خالد كان احد صفقه كف انصدم وسكت
جابر:عن اذنكم وكثر الله خيرك يا مطلق
مطلق راح معه:ابد ياحبيبي المفروض كل يوم عندنا
-بمجلس الحريم-
ساره:يله قمور
قمر:يمه بنام عند عمتي تكفين
ساره:بسال ابوك ونشوف رده
دقت ساره وقال جابر لا
ساره:قمور ابوك عيا قومي البسي عبايتك
روح:على كيفه الشغله قمور اجلسي معليك منه بروح اكلمه
راحت روح عند مطلق وجابر
مطلق ضحك:ياويلك جت والشر بعينها
جابر ضحك
روح ابتسمت:اسمع عاد قمر بتنام عندي مو تجلس عندي بعد
جابر ابتسم:ابد ابشري وسمي وامري
روح باست خده وحضنته:الله لا يحرمني منك ياحياتي انتي
جابر ابتسم وشد عليها:ولا منك
جت ساره من وراهم:يله؟
جابر مسك يدها:مشينا
راحوا روح ودعتهم وسكرت باب الحوش مطلق كان وراها ثبتها على الباب وكان قريب منها
مطلق:ماشاءالله تحضنين الكل وتبوسين الكل وانا رجلك محروم
روح استحت من القرب سمعت خالد يصوت نزلت من تحت وراحت ركض:عمي خلود يبيني
مطلق بصوت مسموع:اوريك
روح كانت تركض وتضحك:هلا عمي
خالد ودمعة بعينه وبصوت مسموع:ليه ياروح ليه تعرفين انها عايشه وانها ماخذه جابر وماقلتيلي ليه
روح بكت:ياعم والله اني مادريت انها حيه غير قبل شوي والله ياعم
خالد بكاء:يوم سمعت اسمها من شفايفه احترقت ياروح غرت عليها من زوجها من زوجها ياروح كان ودي اذبحه وادخل اخذها قدام الكل
روح صفقته كف:عمي صحصح ساره تزوجت وجابر زوجها والي تسويه حرام حرام
قمر طلعت:عمتي من هاذا؟
روح مسحت دموعها:هاذا عم ابوك
قمر ابتسمت ومدت يدها:عمي شلونك
خالد ابتسم وحضنها وشد عليها قمر بحكم ان ماعندها لا عمام ولا عمات من ابوها شدت عليه وكانت تحبهم قبل لا تشوفهم 
روح ابتسمت من شافتهم:بقول لمطلق يفرش لنا بسطح وبكلم شيم والبنات اذا يقدرون يجون ارسلت للبنات الريم وافقت تجي سعاد قالت بتجي بس مو الوقت هاذا شيم وافقت تجي نوره قالت بتجي هي وسحر ونجد كانت نايمه افنان اعتذرت والعيال بدر اعتذر خوف وافق رابح وافق يجي ماجد وافق يجي هو وسعد مطلق بيكون موجود فهد قال بيجي هو وعمته بس مو هاذا الوقت ويجيبون نجد معهم عبدالعزيز قال بيجي جابر وساره اعتذروا والحريم الكبار والرجال الكبار والجدود اعتذروا
جاء الكل الا سعاد وفهد ونجد وجلسوا بسطح والبنات كانوا متغطين
-عند سعاد وفهد-
سعاد كانت بغرفتها على الكنب وتطقطق بجوالها طق باب الغرفه:ادخل
فهد دخل:فاضيه ؟
سعاد تركت جوالها:اي تعال
جاء فهد وانسدح على رجلها وبدت تلعب بشعره
فهد:عمتي انا شايل هم
سعاد:وشو؟
فهد قال لها وش قالت امه ووش صار:وانا ماكنت ابي بس يوم الشوفه حسيت بشوية مشاعر وبعرس مطلق يوم اخذناكم بنت عمي قالت كلام عن الريم وشفت الدموع بعيونها مسكت يدها وحسيت بمشاعر ويوم شفت شكلها انشلع قلبي ولما نزلنا للبيت رمت عبايتها وشفت شكلها ومدري وش الشي الي ضرب قلبي واخر مره سمعتها تغني بالمطبخ وتناقشت معها عن مواعيدها وقربت منها واستحت وضحكت عليها وحسيت بمشاعر والكل يحسبني ماتزوج ولا اكن لاحد مشاعر بسبب زوجتي القديمه وانا والله من طلقتها نسيتها
سعاد:يعني تحب الريم ؟
فهد:اي بس لا مدري شلون يعني ابيها بس بنفس الوقت مدري اذا تحبني وتبيني ولا لا
سعاد ابتسمت:خلاص انا اسالها بدون ما ابين
فهد ابتسم:احبك ياعمتي احبك
سعاد ابتسمت:وانا احبك ياحياتي انت صح صح وش مواعيد الريم؟
فهد صفق راسه:هاه ولا شي
سعاد عدتها بمزاجها:اي زين قم خلنا نروح لهم 
فهد ابتسم:مشينا
لبست سعاد عبيتها وتوجهوا لبيت مطلق وطقوا الباب نزلت الريم من السطح عشان تفتح وفتحت شافت سعاد وجنبها نجد ووراهم فهد فتشت:ادخلوا
سعاد ابتسمت وسلمت عليها:وين جالسين
الريم:بسطح
سعاد راحت لسطح
نجد سلمت عليها:ياهلا بزوجة اخوي
الريم ابتسمت:هلابك تقلعي السطح لا اوريك
راحت نجد السطح
فهد تقدم وسلم عليها خدادي هي انصدمت بس سلمت عليه
فهد ابتسم:شخبارك ؟
الريم ابتسمت:الحمدلله يارب انت شخبارك
فهد:الحمدلله،بك شي؟
الريم:اي سكري نزل وماعند روح عصير ونسيت اجيب الشنطه
فهد بخوف:طيب تنتظرين لين اروح اجيب
الريم الي كانت تعرق:اي اي بس لا تطول
راح فهد ركض ركب السياره وحرك عشان يجيب عصير والريم جلست على الكنب ماطول فهد بسرعه جاء فتح الباب لانه ماسكره زين شاف الريم مغمضه عيونها وسانده راسها على الكنب فتح العصير وبدا يشربها شوي شوي وهو خايف عليها الريم صحصحت
فهد:وش تحسين فيه الحين؟
الريم وهي تسند نفسها:الحمدلله احسن
فهد:اصبري اساعدك
سندها وقامت وغسلت وجهها ونشفته وصعدوا فوق وجلسوا معهم
خالد كانت قمر جمبه ويسولف عليها
خالد:قمر عندك اخوان؟
قمر:اي في عندي اخو اسمه راشد يدرس برا
الكل بصدمه:كم عمره؟
قمر ضحكت:عمره ٢٣
روح ابتسمت:معك رقمه؟هو يعرف عننا ؟
قمر:اي اي ابوي قال له
روح:زين زين عطيني رقمه
سعاد وش بتسوين؟
روح ضحكت:شوفوا طيب والي يضحك ويخرب ياويله
دقت روح على راشد
راشد:الو
روح:الو السلام عليكم الاخ راشد
راشد:اي نعم تفضلي
روح:انا صديقت اختك قمر قمر ورتني صورتك وانا حبيتك
راشد بصدمه:هاه؟
روح كتمة الضحكه:وش الي هاه انا حبيتك
راشد بحده:حبك برص شلون تخونين ثقة اهلك واختي ورتك الصوره عشان تبي توريك اخوها ماكانت تعرف نواياك
روح كانت منهاره ضحك بس كاتمه الضحكة:اوريك ياراشد
قفلت روح ودق راشد على قمر قالت لها روح وش تقول
راشد:الو شخبارك ؟
قمر:ياقليل الادب وشلون تكلم صاحبتي كذا
راشد:وش شلون تكلمها كذا هي الي كلمتي وتقول حبيتك ومن هل كلام الي ماله داعي
قمر مثلت انها تبكي:بس هي تقول انك انت الي قلت لها انك تحبها فشلتني معها اوريك ياراشد لا تكلمني ولا اشوف رقمك
قالت كذا وقفلت بوجهها الكل انفجر ضحك
روح ضحكت:يدق يدق
سعاد:ياكلاب حرام عليكم ردي واعترفي بسرعه
راشد:يا
روح ردت:اسمع قبل تقول اي شي انا وقمر سوينا فيك مقلب
راشد:من انتي؟
روح ضحكت:ياخبل انا عمتك روح
راشد ابتسم:ياهلا ومرحبا ياحي هصوت
روح ابتسمت وقامت عنهم ونزلت تحت:هلابك ياحبيبي شلونك حي نباك
راشد:الحمدلله يارب انتي شلونك ابوي قالي عنك وقلت اول ماجي بتعرف عليك
روح ابتسمت:ابوك الي مايستحي ماعرفني عليك تعرفت عليك من قمر متى بتجي ؟
راشد:انا بكره عندكم
روح ابتسمت:ننتظرك عاد انا ماجي بيتكم انت تجي وتسلم علي
راشد ضحك:ابشري كنت بسويها لك مفاجاة بس هل كلبه قمر اوريها
روح:طيب ياحبيبي ماطول عليك اشوفك بكره
راشد:يله يانظر عيني اشوفك
قفلت روح ورجعت السطح وجلست معهم
سعاد:وين رحتي؟
روح:رحت كلمت راشد ياحليله
ماجد شمق:اي لقيتي لك ولد اخو جديد احسن خليه ينفعك
روح ضحكت:فديت الي يزعلون
مطلق:تبون نلعب ملل
فهد:ابد وش نلعب
ماجد:لعبة الاساله
فهد:من معه مويه
الريم مدت له مويتها:هاك
فهد اخذها ولف العلبه صارت العبه خالد يسال سعاد
خالد ضحك:اوههه سعاد كان فيه اكل بثلاجه انتي كليتيه
سعاد ابتسمت:اي
خالد ضربه بخفه:وجعيه اكلي وش تبين
سعاد:يوجع العدو جيعانه
فهد ضحك:ياجماعه خلاص بالعافية عليها اجيب لك غيرها خلنا نكمل
لفها فهد وجت على روح وسعد
سعد:تحبين عمي مطلق
روح ضحكت:يعععع لا طبعًا اصلاً خواني جابريني عليه
مطلق ضحك:اخخخخ ياولد اخوي جيت على الجرح
سعد ضحك وطبطب على عمه:والله ياعمي ماتوقعت الاجابه كان ببالي اجابه ثانيه
ضحكوا الكل وكل عرف ان روح تمزح
فهد لفها وجت على رابح ونجد
رابح:من افضل شخص بحياتك غير عمتي واهلك
نجد:الريم
فهد وهو يلف العلبه:اوريك وانا نوره وعبدالعزيز
نوره:ليش انت هادي
عزوز ضحك:حبيت السوال لان سواليفهم تجيب العماء
سعد وماجد ناظروه بطرف عين:من زين سواليفك عاد
روح:نوقف وننزل نسوي شاي ونجي
الكل وافق نزلوا روح وشيم يسوون شاي
-بسطح-
سعاد نادت لريم وراحوا بعيد عن الجلسه شوي
الريم:وش عندك
سعاد ابتسمت:بكلمك بجد وابيك تكلميني بصراحه
الريم ابتسمت:ابشري
سعاد:تحبين فهد؟
الريم ابتسمت ونزلت راسها:شوي
سعاد ابتسمت:شلون
الريم:اول شي كنت ماحبه واخاف منه بس بعد ماسوا الحركه ببنات عمه وخوفه علي خلاني احبه بس هو مايحبني
سعاد ابتسمت:من قال
الريم بصدمه:من قال وش؟
سعاد ابتسمت:انه مايحبك هو قالي انه يحبك ويبي يعرف اذا تحبينه ولالا
الريم حضنتها:احبك ياحياتي ياعميمه
سعاد شدت عليها:اموت عليك ياحياتي انتم
الريم ابعدت وكانت تفكر فيه
سعاد ضحكت:روحي اجلسي ونادي فهد
الريم هزت راسها ورجعت للجلسه:فهد
فهد لف عليها:هلا
الريم:عمتي تبيك
فهد قام وراح لها
فهد:وش صار
سعاد ضحكت:يالخفيف
فهد ضحك:وش قالت طيب
سعاد ابتسمت:سالتها وكانت تحبك بس خايفه انك ماتبيها وقلت لها لا هو يحبك
فهد حضنها:فديتك ياعمتي فديتكككك
سعاد ضحكت:مدري وش تسوون بدوني
فهد:مشينا نقعد لاتشوفين نفسك علينا
-بالمطبخ-
روح:تخيلي اليوم اخوك وش سوا
شيم ضحكت:وش مهبب
قالت لها روح وش سوا لما راحو جابر وساره:الحمدالله عمي خالد صوت لي خفت قلبي دق بسرعه
شيم ضحكت:حبيبي اخوي مسكين
روح:وسكين اوش بس وامشي قدامي
شيم ضحكت:محروم
روح:اقول امشي قدامي وانتي ساكته
راحوا السطح وجابوا شاي وبزر وبدا الكل يشرب شاي ويبزرون
مطلق:اوف بعد يوم ورانا كرف ورقص
فهد ابتسم:ياحبيبي انت غصب موهو بطيب تعبنا بعرسك وبعرس خوف قبلك وبعرس باقي العيال قريب تتعبون بعرسي
خوف:احتزم ياولد العمه هاذا وانت ماخذ اختنا
روح:اقول يا اختنا وعرسنا والله ان شفت واحد منك قعد بعد مايروحون العرسان لا اشب بالعرس وفيكم
العيال كلهم ضحكوا
مطلق ابتسم:سمعتوا معليك يازوجتي العزيزه
سعاد ضحكت:طيب ابي اسال سوال
الكل:اسالي
سعاد:الحين انتم ترقصون بعرس الحريم ليه مابي الي مو متزوجين ابي خوف ومطلق وفهد
خوف ابتسم:انا الصدق اشوفهم وارقص معهم
فهد ابتسم:رتويت لكلام خوف
مطلق ضحك:كذابين تبون الصدق بس بشرط حريمنا مايزعلون
العيال:لا يابن الحلال بعضنا ماتزوج
شيم وروح والريم:مانزعل قولوا
مطلق ضحك:معليش شباب بخرب عليكم كنا نترزرز قدام البنات بس عقلنا الحين
شيم ابتسمت:اي انتم عقلتوا وقبل الزواج خوف
خوف قرص مطلق:هممممم
شيم:بعرس روح يوم كنت ترقص وحرقت كل كروتك تترزرز لمن؟
خوف ابتسم:لك
الكل صفق:اوهههههههههههههه
شيم استحت
فهد همس له:صرفتها
خوف ابتسم:نكبنا هنكبه
سعاد:خلوكم من هل مواضيع اسمعوا روح تعزفين لنا؟
روح ابتسم:ابشروا بس قوموا جيبوا العود
مطلق طلعه من وراه:هذا هوا
ضحوا كلهم وخذت العود وبدت تعزف وتغني والباقي يغني معها: كذاب ماحبني حب يتسلى بــــــــي
وانا على نيتي صدقت وحبيتــــه
راح وتركني وأنا محروقه أعصابي
أشلون ابنسى وأنا بالقلب حطيته
مدلع مرتوي وفتان جذابــــــــي
حب يتسلى على حظي وأنا جيته
من فرحتي قلت توا ماالحظ بي طابي
تو الليالي تجيب اللي تمنيتــــــــه
جيته بشوق المحبة فاتحن بابــــي
ياليتني يوم شفته رحت وخليتــه
ماكان قلبي معاه اليوم منصابـــــي
ولا كان دمعي غزير يوم هليته
شفت التعاسة وقلبي بالهوى ذابي
لا وعذابي من يــــوم لاقيتـــــــــه
الكل صفق لها واختلفت الردود:صح لسانك،عاشت، والتصفير
الساعه 4:30
راح الكل بس بقى شيم وخوف وفهد والريم وسعاد وخالد وقمر
-بسطح-
روح ابتسم:يله عاد عطيناكم وجهه حنا بننزل للمجلس انكتمنا
خالد:تبون انزل معكم
سعاد ضحكت:لا ياحبيبي بنحش فيكم
الكل ضحك ونزلوا البنات وانسدحوا بالمجلس
سعاد:وين قمر
روح:حياتي نايمه
شيم ضحكت:عمتي تخيلي روح وش مسويه
سعاد ضحكت:وش مهببة
شيم قالت لها وش قالت روح:وعمي نادها وهربت
روح صفقتها بالفاين:ياقذره اوريك
الريم ضحكت:الله يخس بليسك
سعاد ضحكت:حارمه ولد اخوي خلينا ندور له عروس
روح:دوروله وفكوني من شره
الريم:بقوم اسوي لنا حلا وقهوه
روح باستها:ياحبيبي الي يفهم اي تكفين
الريم:لولاي بحياتكم مدري وش تسوون
راحت الريم للمطبخ وقررت تسوي حلا سريع وعملته وحطته بالفرن والقهوة على النار فهد كان نازل يشرب مويه دخل المطبخ وشاف الريم جاء وتنحنح
الريم لفت:بسم الله
فهد ضحك:مرجوجه وشبك؟
الريم:خوفتني الله يهديك
فهد ابتسم وجاء حضنها وشد عليها:بسم الله على قلبك
الريم حضنته وبكت:واخيراً يافهد واخيراً
فهد ابعد ومسح وجهها: ليه الدموع ليه؟
الريم ابتسمت:مدري عشان حسيت بحنيتك عشان حسيت اني مستحيل اتركك
فهد ابتسم:لقيت الي تسعدني واسعدها وابشري يالريم والله انك بوجهي وشنبي
الريم ابتسمت وراحت تطلع حلاها من الفرن وفهد جالس يتاملها وهي ترفع شعرها وتقطع الكيك وتصب القهوه وهو يتاملها ويبتسم
الريم:فهد
فهد:همممم
الريم:امسك وده لرجال
فهد:سمي وش تبين بعد
الريم ابتسمت:سلامتك
فهد ابتسم وقام وحضنها:سلامتي جمبك
الريم ابتسمت وشدت عليه
فهد:انا باخذهم واروح فوق ونص ساعه ادق عليك وعلى عمتي ونرجع البيت
الريم هزت راسها:ابشر
راح فهد وراحت الريم عند البنات وجلسوا يتقهوون 
-بمجلس الحريم-
روح ابتسمت:بكره بيجي رشود
الريم ضحكت:طيحت الميانه بسرعه
شيم ضحكت:اي ملاحظين
روح:اقول انتي قومي خوذي رجلك ولبيتكم وانتي خوذي اخوك ولبيتكم وانتي روحي مع فهد يله
سعاد ضحكت:اقول يله مناك انا ببيت ولد اخوي
خوف دخل عندهم:يله حنا نستاذن
روح ابتسمت:انت ودي انك تجلس بس مرتك باطه كبدي خذها
خوف ضحك واخذ شيم وراحوا
خالد دخل عندهم:يله ياسعاد يله يالريم
الريم:فهد وينه؟
خالد:فهود مع مطلق فوق
الريم ابتسمت:عمي انا بجلس مع رويحه واجي مع فهد
خالد ابتسم:كيفك بس اسالي خوف او ابوك اول
الريم هزت راسها ودقت على خوف وخوف وافق
سعاد ودعتهم وراحت هي وخالد
روح ابتسمت:وش عندك
الريم ابتسمت:ولا شي
روح ضحكت:عمي انا بجلس مع روح واجي مع فهد هاذا انا قلته صح؟
الريم:وشو طيب عادي اختي وبجلس معك
روح:اقول اعترفي بطيب احسن لك
الريم انسدحت على رجلها:طيب العبي بشعري واسمعي،انا وفهد حبينا بعض
روح ضحكت:بعد الزواج
الريم ضحكت:تخيلي
روح ابتسمت:وكيف شخصيته
الريم:حنون مره يجنن ياروح يجنن
روح بخوف:يدري عن السكر ؟
الريم ابتسمت:اي علمته
روح ضربتها بخفه:قولي السالفة من البداية وقوليها زين
الريم ابتسمت:يوم عرسكم مابقى غير عمتي سعاد وعمتي نوره وانا وبنات عم فهد منى وغدير قالت عمتي اركبي قدام حلفت عليها وحلفت علي وركبت قدام وتهاوشت انا وفهد وجو هم بعدين وركبوا قالت عمتي نزلنا انا وسعاد وخذ الريم  ووصلوا بنات عمك وارجعوا البيت وصلناهم وحنا بطريق رحنا نوصل بنات عمه غدير القذره تقول راميه نفسها عليه وكلام مثل السم غصبن عني عيوني دمعت قام هو فجاه مسك يدي وحط اغنيه لخالد عبدالرحمن وغدير انهارت ورا ومنى عسل تجنن تضحك عليها ويوم وصلناهم فهد يبي يقهرها باس يدي هي صفقت الباب صفقه وجلسنا نضحك وحنا بطريق سالته اذا عادي افتش وقالي اي واذا جيعانه في اكل تحت وقلت اي احس بدوخه وبالفعل سكري كان نازل كليت وانا جوعانه لاني بعرسك ماكليت زين قالي ليه معك دوخه قلت ببرود الارض معي السكر قالي ليش محد قالي لفيت عليه بوجهي وقلت محد يدري غير روح عصب وقال تستهبلين كم صار للموضوع سنه قلت له عشر سنين وعصب وقال شلون محد يدري ومدري وش عصبت انا وقلت تبي تقول لهم وتتركني عشان هل موضوع هاذا سو الي تبي تسويه هو عصب اني فكرت به كذا وقال انا مو عشان كذا عصبت انا عصبت عشان محد يدري وعشانك ماتكلين وقلت له عشان الجهاز وقال بيشوفوه وريته وقال انا بوديك لمواعيدك واليوم اعترفنا لبعض واكتشفت انه حنون وفي هوشات يوم اتذكرها اضحك
روح ابتسمت:شفتي يوم قلت لك كان عندي بعد نظر
الريم ضحكت:بس صدق تعلقت فيه وحبيته
فجاه دق جوال الريم وكان المتصل فهد
روح ضحكت:روحي مع حبيبك وفكيني
الريم ابتسمت وردت:الو
فهد ابتسم:اطلعي انا برا
الريم:تمام
قفلت الجوال ولبست عبايتها وطلعت معها روح تودعها وسكرت الباب وراها دخلت وكانت تدعي ان مطلق نايم واحت ونظفت البيت ولمت الاغراض وغسلتهم وراحت وهي هلكانه وانسدحت وشافت مطلق مو موجود حطت راسها ونامت
-بسياره عند فهد والريم-
فهد ابتسم:وش تحشون فيه انتي واختك؟
الريم ضحكت:فيك
فهد:اوههه اي وش كنتم تقولون
الريم:كنت اقول لها سالفت يوم رجعنا من عرسهم
فهد وهو يمثل الغباء:اي سالفه؟
الريم:يوم غدير بنت عمك قعدت تسولف وانت مسكت يدي
فهد ابتسم:اييييييي عاد اقولك شي
الريم:قول
فهد ابتسم ومسك يدها وباسها:تدرين اني يوم بست ايدك اول مره ماكانت تمثيل كنت فعلًا اتمنى امسكها وانتي تحبيني والحين امسكها وبوسها وانتي تحبيني
الريم ابتسمت:زين ياحبيبي انت وصلنا خلنا ننزل
فهد ضحك:حلو الثقل
انتهت ليله كانت حلوه للجميع
-اليوم الثاني الصبح-
ببيت روح
روح قامت وهي متكسره قامت وتروشت وصلت  لفت شافت مطلق مو موجود من امس راحت وصحت قمر تصلي ونزلت وسوت قهوه وحلا وجلست هي وقمر ضحك وسواليف بالمجلس قامت روح تدور مطلق لانها فقدته مالقته فتحت جوالها ودققت عليه ورد
روح:الو
مطلق:همم
روح:وينك؟
مطلق:نايم
روح:اي ادري وين نايم؟
مطلق:ببيتنا
روح:دورتك بالبيت كله مافي احد
مطلق ابتسم:اي مو ببيتنا حنا ببيت اهلي
روح:نعم؟
مطلق:يوم شفت فهود راح رحت لبيت اهلي ابوي كان يبيني ونمت بالمشب بالغلط
روح:اي زين تبي شي
مطلق حس انها منفسه ضحك:لا
روح قفلت وراحت جلست مع قمر سمعوا صوت الباب يفتح وطنشت روح وجلست تسولف مع قمر ومطلق راح نام
-الساعه 1:30 الظهر-
طق باب بيت مطلق
روح:قمر روحي افتحي
قمر:اكيد رشود بروح افتح
راحت قمر وحاطه الجلال على كتفها ماغطت به وجهها تحسبه راشد الي جاء فتحت الباب وكان ماجد الي عند الباب
ماجد رفع راسه وشافها وجلس ابو خمس ثواني وصد قمر سكرت الباب وتغطت وفتحت الباب
ماجد وهو صاد:وين عمتي
قمر وهي مستحيه:عمتي داخل ادخل
دخل ماجد وقمر وراه
روح:من ياقمر؟
قمر:ماجد ولد عمي
روح راحت وحضنته:وش عندك
ماجد بنقده:بيجي ولد اخوك ونبي نشوفه
روح وقمر ضحكوا
طق الباب
ماجد:بروح افتح
روح ضحكت:مجيد اعقل
ماجد ضحك:معليك
راح ماجد وفتح الباب
راشد كان بيده حلا واكياس:هاذا بيت مطلق ؟
ماجد:اي من انت
راشد:انا راشد بن جابر
ماجد ابتسم:والنعم
راشد:معليك زود انت من؟
ماجد:انا ماجد بن بدر
راشد ابتسم:والنعم انت ولد عمي بدر
ماجد ابتسم:معليك زود اي حياك
راشد دخل:الله يحييك
ماجد كان يمشي قدامه دخل راشد
ماجد جلسه بالمجلس وصب له قهوه وطلع دخلت قمر وحضنته وشد عليها
قمر بكت:اشتقت لك ياكلب
راشد ضحك:بدون كلام وصخ ياوصخه
قمر بعدت:ابشر
راشد:وين عمتي
قمر:الحين تجي
راحت قمر للمطبخ ودخلت روح
راشد قام وسلم وحب راسها
روح ابتسمت:ياهلا برشود
راشد:هلابك
روح:استرح
جلس راشد وجلست جمبه وبدو يسولفون ودخل ماجد
ماجد:ماشاءالله الله يهنيكم
راشد ضحك:اوه شكل في غيورين هينا
ماجد ابتسم:عادي انت بتروح امريكا وماتلقى غيري
راشد ضحك:اي خلها لي الحين وبعدين خذها
ماجد:اذا كذا ايه
روح:وش اكثر شي مشتاق له
ماجد ابتسم:اخخخخخ فره بسياره وكوب قهوه واغاني
ماجد ضحك:كنت اكرهك بس الحين حبيتك
راشد:اكثر احد حسيته جوي انت
ماجد ابتسم:اي والله جوي بس وش افضل اغاني عندك؟
راشد:محمد عبدو
ماجد ضحك:اوفففففففف جوي جوي مره بعد
راشد ابتسم وطلع من الكيس هدايا لعمته ولماجد ولمطلق واعطاهم راشد الهدايا وحقت مطلق عطاها روح واستاذن واخذ قمر وطلع وماجد استاذن وراح روح انسدحت بصاله قام مطلق وتروش ولبس بنطلون اسود وتيشيرت ابيض وقميص اسود وبوت ابيض وساعته وخاتمه وتعطر بعطره العود ونزل وشاف روح بصاله راح يشرب ماء
مطلق:سلام عليكم
روح بدون نفس:وعليكم
مطلق جاء من المطبخ:وش هرد البارد
روح طنشت
مطلق:اكلمك انا
روح وماردت
مطلق عصب وجاء ووقف قدامها:سلامات ؟
روح قامت ودفته:اوفففففففففففف طالع طول امس وتجي تعصب هاذي حركاتك
مطلق مسكها:وشبك؟
روح:سالت عمي قلت انت كلمت مطلق قال لا انت رحت نمت عندهم
مطلق:ماسالتيني وش السبب
روح:وش السبب؟
مطلق:السبب انك طول اليوم مطنشتني واخوانك وعيالهم وعمي تحضنينهم وانا زوجك تعامليني بجفاء كلني عدوك وكل يومين زعلانه علي
روح:بس هاذا النقاش نحله بيننا مو تاخذ نفسك وتنام عند اهلك
مطلق:نمت عند اهلي بس انتي متى فقدتيني ثاني يوم لو اني رابح ولا خوف ولا خالد بنفس الدقيقة تفقديني
روح ابتسمت:لاتقارن نفسك فيهم
مطلق بحده:وليش ان شاء الله
روح باست خده:وش جاب النجوم لقمرها
مطلق ابتسم غصبن عنه وصد
روح حضنته:تزعل مني
مطلق حضنها وشد عليها:مقدر ازعل منك شلون ازعل وانتي ضي عيوني
روح ابتسمت وابعدت:صح ترا رشود جاء
مطلق عقد حواجبه:من رشود؟
روح ضحكت:راشد ولد جابر
مطلق:ايه ليه ماصحيتيني اجلس معه
روح ابتسمت:بيجي اليوم بيت جدي
مطلق ابتسم وجلس على الكنب:اي زين جاء واحد جديد تحبينه
روح ضربت كتفه خفيف:اعقل
مطلق ضحك وسحبها جمبه:ابشري
روح:صح ترا جاب لك هديه
مطلق ابتسم:اوهه وش جايب
روح مدت له الهديه:افتحها وشف
فتحها مطلق وشاف ساعه من ماركه معروفه وهل ماركه يحبها مره:شلون عرف
روح ابتسمت:ذكي ولد اخوي
مطلق ابتسم:طالع على عمته
روح ابتسمت:صح عندك دوام بعد ربع ساعه
مطلق ابتسم:اي
روح:طيب بقوم اجهز ملابسك 
مطلق ابتسم:تسلمين يانور عيوني
روح ابتسمت:ياحبيبي انت
قامت روح وجهزت ملابس مطلق وجاء مطلق وبدل وراح لدوامه
-الساعه ٦:٣٠ المغرب-
الكل كان مجتمع وجاء جابر وساره وعيالهم وتعرف راشد على الكل
راشد من باب المطبخ كان يصوت لعمته الريم
الريم جت وهي مبتسمه:سم
راشد ابتسم:سم الله عدوك عمتي روح وينها
الريم ابتسمت:والله مدري دقيت عليها ؟
راشد:لا والله الحين ادق عليها تسلمين
الريم:الله يسلمك
راحت الريم راشد رفع جوالها واتصل على عمته
روح ردت
راشد ابتسم:يامرحبا
روح ابتسمت:حي الله هصوت
راشد:حي نباك وينك؟
روح ابتسمت:ببيتي انتظر مطلق يجي بس شكله مطول
راشد:اجهزي دقايق واجيك
روح ابتسمت:ياحبيبي انت انتظرك
راحت روح بسرعه ولبست فستان بني على الجسم وكعب اسود وتعطرت وخلت شعرها على طبيعته وحطت ميكب خفيف ولبست عبايتها ونقابها وسمعت صوت الجرس طلعت وركبت مع راشد وراحوا بيت الجد
روح:رشود عادي نمر ناخذ قهوه
راشد ابتسم:ابشري
روح ابتسمت:تبشر بالجنة
وسكتوا
روح ابتسمت:رشود
راشد:ياعيونه
روح:ابيك تتكلم لي عن حياتك حابه اتعرف عليك اكثر
راشد:ابشري،انا درست طول عمري هنا بس جتني بعثه ورحت وباقي لي شهر واتخرج واصير اجمل دكتور احب اهلي بالمره احب شي اسمه رسم
روح:اوه صار عندنا رسام بالعايله طيب وش مخططاتك بعد التخرج
راشد:اتوظف واتزوج
روح:دامك قلت اتزوج معناته حاط احد ببالك
راشد ابتسم:تبين الصدق
روح ابتسمت:اكيد
راشد:ايه والله
روح:منهي؟
راشد:وحده اسمها ريانه
روح عقدت حواجبها:ريانه ايش؟
راشد:ريانه ياسر ****
روح شهقت:اعرفها هاذي كانت صديق الريم
راشد ابتسم:احلفي
روح ابتسمت:والله
وقفوا وطلب راشد قهوه واخذها واعطى وحده لعمته ووحده له ومشوا
راشد:اقولك شي ياعمتي كنت شايل هم شلون افاتح اهلي بس جبتي لي الحل
روح:والي هو
راشد:اقول لعمتي الريم السالفه واخليها تقترحها على امي
روح:هاذي هي
وصلوا ونزلت روح وراشد جمبها ويسولفون ويضحكون
دخل راشد مجلس الرجال وروح مجلس الحريم جلست شوي وطلعت ودقت على مطلق
مطلق ابتسم من شاف اسمها:عيوني
روح ابتسمت:ابوسهم  ياحبيبي انت اسمع تراني بييت جدي جيت مع رشود
مطلق ابتسم:اي زين يانظرعيني
روح ابتسمت:لا تروح البيت تبدل جبت لك ملابسك معي
مطلق ضحك:فديت الي يجهزون ملابسي
روح ابتسمت:ياحبيب
سكتت روح من سمعت صوت وحده
مطلق كان يكلم ودخلت سكرتيرة وقالت:اخ مطلق
مطلق:تفضلي اخت رنيم
رنيم الي كان صوتها ناعم وكله انوثه:خلص الداوم ماعندك ولا شي
مطلق:تمام مشكوره
رنيم:اخ مطلق ممكن اسالك سوال
مطلق:بسرعه لو سمحتي
روح بحده:اي تعال وانا بخليهم يسالونك ثلاث اساله بدال السوال
مطلق غصبن عنه ضحك
رنيم:وش نوع عطرك وجعلها دوم الضحكه يارب
مطلق:والله عطري مدري بسال زوجتي واعلمك
رنيم بصدمه:متزوج
مطلق هز راسه بمعنى ايه
رنيم ضحكت:باين عليك صغير
مطلق ابتسم:شكراً حبيبتي روح وش نوع عطري
روح ودموعها بعيونها ومايسمع الا شهقاتها:اسال اخت رنيم
قالت كذا وقفلت بوجهه
مطلق ابتسم غصبن عليه وطلع بدون مايرد على رنيم وركب السياره ورجع الديره
روح كانت تكلم بالحوش وغصبن عنها دموعها طاحت غسلت وجهها وجلست معهم وهي تحترق تبي تعرف وش يصير بينهم وهي بنص تفكيرها جاء صوت مطلق وهو يناديها
مطلق:روح
روح:سحر يبي ملابسه شوفيهم هناك وديهم له
سحر:مين زوجته انا ولا انتي
روح:مو على زوجته عجزانه
سحر:والله حتى انا مالي خلق
روح:انقلعي
قامت روح وخذت ثوبه وملابسه وهي ماتبي تروح
مطلق طفش وهو يصوت قال بصوت عالي:ياروح
روح وهي صاده:اقصر حسك جيت
مطلق:زعلانه؟
روح صدت؛مو شغلك
مطلق ابتسم:فديت الزعلانين
روح مدت له ثوبه وملابسه:هاك
مطلق راح ولبس ثوب اسود وغتره بيضاء واخذ ملابس الدوام واتجهه عند روح ومد لها ملابس الدوام رتبتهم وحطتهم جوا الشنطه ومدت له عطره العود
روح:صوره وارسله لرنيم
قالت كذا وكانت تبي تروح
مطلق مسك يدها وشدها له:لا رنيم ولا غيرها ياخذون محلك بقلبي
روح:شبعت من هل كلام
مطلق.وش تبين اسوي يعني
روح:انك تحط بدال السكرتيره سكرتير
مطلق ابتسم:سمي وغيره
روح ابتسمت:سلامتك
مطلق:وقبل شوي تتغلين علي
روح تخصرت:طيب لو انا مكانك ويدخل على سكرتير ويقولي وش عطرك وارد بدلع بسال زوجي ويقول انتي متزوجة مو باين صغيره وقوله شكراً وش بتسوي
مطلق بحده:اولع فيك وفيه
روح ابتسم:اجل احمد ربك ماولعت فيك وفيها
مطلق باس خشمها وشدها له:يطاوعك قلبك
روح ابتسمت:زي مطاوعك قلبي تحرق قلبي وتبكيني يطاوعني قلبي
مطلق بحده:ليش بكيتي
روح:انت كلم الي تبي وانا مطلوب مني ما ابكي تراني بشر انقهر وانغث
مطلق ابتسم: ‏
صحيح غيري في العذارى مزايين
‏لكن وش جاب النجوم لقُمرها
روح باست خده:صح لسانك
مطلق ابتسم: صح بدنك يانظر عيني
روح ابتسمت:بروح تبي شي؟
مطلق ابتسم:سلامتك
روح:الله يسلمك
روح وهي رايحه مطلق وقفها وهو يقول:وش جاب النجوم لقُمرها
روح ابتسم وكملت تمشي وراحت المجلس وجلست معهم وهي تفكر بمطلق والجده تصوت لها وهي بعالم ثاني
الجده:ياروح وش بلاها هاذي
شيم صفقت كتفها:يابنت جدتي
روح فزت وابتسمت:سمي
الجده:وشبلاك يمه صمخه
روح هزت راسها:لايمه امريني
الجد:مايمر عليك عدو علمتي رجلك
روح بستغراب:وش اعلمه؟
الجده:اليوم ما انتي جايزه لي اننا اجلنا عرس الريم وفهد ونبي مطلع ثلاث ايام المزرعه
روح ابتسمت:ابشري بروح اقول له
الجده:اي زين
روح ارسلت لمطلق تعال للمطبخ ومطلق رد وقال ابشري
روح كانت واقفه تحتري مطلق حست بشخص يحضنها فزت وجت بتصرخ بس حط يده على فمها
مطلق ضحك:هدي ياحلو
روح زفرت براحه ودفته:خبل انت ليش تجي بدون صوت نقزتني
مطلق ابتسم:لازم عشان مره ثانيه تركزين لو احد جاي غيري
روح ابتسمت:ابشر
مطلق:امريني وش موضوعك
روح ابتسم:مايمر عليك عدو بس عرس فهد والريم تاجل ونبي نطلع المزرعه ثلاث ايام
مطلق ابتسم:يعني؟
روح:يعني قدم على اجازه ثلاث ايام
مطلق عقد حواجبه:صعبه
روح عبست بوجهه:شلون صعبه
مطلق ابتسم وباس خدها:بحلها باذن الله متى يروحون
روح:بكره الظهر كذا نمشي
مطلق:زين انا بروح المجلس
روح هزت راسها وراحت داخل وهي متضايقة انه يمكن مايقدر ياخذ اجازه دخلت وقعدت ووجهها باين متضايق
الجده:روح يمه وجهك قبل شوي ينور والحين زعلانه وشبك يمه
روح هزت راسها:ابد ياجدتي بس مطلق يمكن مايقدر ياخذ اجازه
الجده: تنحل يمه تنحل انتي لاتزعلين
روح ابتسمت:مو زعلانه
جلسوا سواليف وضحك
روح:جدتي
الجده:سمي يمه
روح:سسم الله عدوك في احد بيجي للبر
الجده:اي بيجون اهلنا اخر يوم ليلة الحناء يعني
روح ابتسمت:زين يمه
شيم همست لروح سعاد:ان شفت شوق اذبحها كيفكم
روح ضحكت:انتي خليك ذكيه واقهريها
شيم عقدت حواجبها:شلون
سعاد:يعني احضني خوف قدامها زي كذا فهمتي
شيم ابتسمت:جبتيها ياروح
روح ضحكت:بالخدمه دايماً
جلسوا يسولفون ويخططون بالفعاليات الي بتصير بالمزرعه لين صارت الساعه ١٢:٣٠
الكل راح لبيته بقى اهل البيت ومطلق وخوف وروح وشيم
روح وشيم وهم طالعين يسولفون
روح:زي ماقلت لك اقهريها لاتعطينها مجال تكلمه حتى
شيم ضحكت:لعبتي
خوف ضحك:مطلق شكلنا بنقعد لصبح لين يخلصون حش
مطلق ضحك:عاد روح وشيم لصبح مايخلصون بحش بخلق الله
روح ضحكت:مالكم شغل
شيم ضحكت:فعلًا مالكم شغل
روح وهي متجهه لسيارة:لاتنسين الي وصيتك انا وسعاد
شيم:ابد ازهليني
ركبوا وحركوا
-عند مطلق وروح-
مطلق:وش الي قلتوه
روح ابتسم:حبيبي انت سوق ولا تدخل سر حريم
مطلق ضحك:الله بعينكم على نفسكم
روح ابتسم:امين ابي اسالك
مطلق:اسالي
روح:الحين خوف عنده سكرتيرة ؟
مطلق هز راسه:كلنا
روح:اي زين
-عند خوف وشيم-
خوف:وش تنسين ووش موصيتك عليه روح
شيم ضحكت:سر حريم يابابا سوق وبعدين تعرف
خوف ابتسم:اي زين يخبر اليوم بفلوس بكره ببلاش
وصلوا وكل واحد نزل بيتهم
-عند روح ومطلق-
روح رمت ملابسها ولبست بجامه مخمل سوداء ونزت وهي بردانه راحت عند الدفايه الي بصاله وجلست وهي ترجف
مطلق كان جاي ومعه كوبين شاي وبطانيه حط الاكواب على الطاولة وتغطاء هو وروح
روح حضنته مع جمبه وهي ميته برد
مطلق ابتسم وحط يده على كتفها
روح:مطلق بكلمك بموضوع بس لاتعصب
مطلق ابتسم:ابشري امريني
روح:مايمر عليك عدو ابي اكمل ماجستير
مطلق ابتسم:ابشري وغيره
روح فزت:يعني موافق
مطلق ابتسم:اكيد موافق شلون اقول لا وبعدين هاذا ابسط حق من حقوقك
روح:ويلوموني بحبك
مطلق ابتسم:بقوم انا بكره عندي دوام
روح ابتسمت:زين يانورعيني
مطلق ابتسم:ماتبين تنامين
روح هزت راسها بنفي:لا بكلم شيوم شوي
مطلق ابتسم:زين
راح مطلق ينام وروح جلست تتابع بتلفزيون وشافت جوال مطلق يرسل ويدق شافت الاسم كان مكتوب السكرتيره رنيم وكان مو باين وش مرسله بس باين اسمها صمتت الجوال وكانت معصبه دقت عليها شيم وردت
شيم:روح
روح:هلا
شيم:وشبك اليوم متهاوشين انتي ومطلق
روح:مع الاسف اي تهاوشنا
شيم:وليش وش السبب؟
روح:تخيلي (قالت لها كل السالفه من سمعت رنيم لين قبل شوي)وش اسوي
شيم:شوفي انتي مو لازم تسببين من ابسط سبب هوشه لانها بتستغل الفرصه خليك قريبه منه ولاتبينين له شي
روح:اقولك الكلبه تدق عليه بجيحه
شيم ابتسمت بخبث:اذا دقت ردي وغثيها
روح ابتسمت:جبتيها
شيم ضحكت:لو انا مكانك ولعت الحمدالله خوف ماعنده كذا
روح ضحكت:هذاك اول الحين حتى خوف عنده
شيم بحده:نعم خير والله لا اولع فيهم
روح:روحي شوفي جواله ولا اسحبي منه كلام وانا بروح ارد على هزفت
شيم:زين يله باي ياروحي
روح:باي قلبي
—————————————————————————-
(أهلين حبايبي اتمنى تعذروني على القطعه نزلت لكم اسبابي تيك توك تعالوا هناك la8ka20 وعطوني تقييمكم للبارت احبكم ❤️❤️❤️)
—————————————————————————-