ياوجهٍ ملاه الحسن سبحان باريّه ‏تاهت وصوف الشعر في جل حسنه

البارت السابع

يطلعون وبالفعل راحوا
روح بصوتها الي راح من كثر مابكت:جدي اذا صار لي شي لا تبكي علي
الجد:ليه يبه تقولين هل كلام
روح ضحكت من بين دموعها:عشاني احبك ومابيك تبكي
الجد ضحك وحب راسها:للا تفكرين بموضوع مالك ونامي وارتاحي
روح حبت راسه وراحت البيت وبكت لين نامت
-صباح اليوم الثاني-
الكل اجتمع ببيت الجده ويضحكون ويسولفون
صارت الساعه ٤:٣٠ العصر
الجده بستغراب:اقول يالريم
الريم:سمي ياجدتي
الجده:من الصبح وانتم هينا روح وينها
الريم ضحكت:نايمه
الجده:اقول قومي قومي صحيها ابيها.
الريم هزت راسها:ابشري
راحت الريم بيتهم وراحت لغرفة روح وطقت الباب ودخلت وشافت روح نايمه راحت لها:رويحه رويحه روحححححح بنت هيه قومي يله ترا اذن العصر وانتي نايمه
الريم دب الرعب بقلبها من شافتها ماقمت وبدت تهزها وتبكي:روح رويحه قومي تكفين
روح ماكنت تستجيب
الريم جلست تبكي وراحت ركض لبيت جدها وتوجهت للمجلس ودخلت وهي تبكي:خوف تكفى الحق علي
خوف فز واخذ اخته ولحقه رابح ومطلق
خوف:الريم وش صاير
الريم وهي تشاهق:رو روح ماتقوم
خوف طارت عيونه:وش
راح خوف ركض لبيتهم
رابح مسك الريم ووراه مطلق:بنت وش فيك وش صار
الريم وهي تشاهق:رابححححح روح روح عيت تقوم
مطلق طارت عيونه وركض ورا رابح وشافوا خوف حاط عبايه على روح وماخذها لسياره ركب رابح ورا عند روح ومطلق قدام وجمبه خوف وطاروا المستشفى وصلوا وشالوه للاسعاف
الدكتورة:وش فيها
خوف ودموعه بعيونه:مدري صحينها ماتقوم
الدكتوره:بناخذها غرفة العمليات
دخلو روح غرفة العمليات ومطلق طلع برا وراح ورا المستشفى وطلع كل الي بخاطره
-بالبيت-
الكل درا والكل انهار بذات ماجد الي فهم كلام عمته
الجده راحت للمجلس ووقفت قدام هاجر ولدها وضربته كف:الله ياخذك من ولد عذبت بنيتي وتبي تزوجها غصبن عنها شف وش صار بها والله ان صار بها شي اني ماني امك ولا اعرفك فاهم
هاجر قام وطلع برا والموضوع ماهز فيه شعره
-بالمستشفى-
طلعت الدكتوره
خوف فز:وش صار يادكتوره
الدكتوره:سوينا لها غسيل معده لانها حاولت تنتحر
خوف بصدمه:وشو
مطلق ما كان اقل منه صدمه بس كان ساكت وحس ان في شي بحلقه وحس انه مقدر يحميها زي ما وعدها
دروا الي بالبيت انها حاولت تنتحر والكل كان بيجيها بس خوف قال لهم لا بحكم ان روح بتطلع مراح تطول
-صباح اليوم الثاني-
قالت لهم الدكتوره انه يقدرون يدخلون على روح وانها قامت
دخلوا خوف ورابح
روح من شافتهم بكت
خوف حضنها:بس يانظر عيني بس بس حرقتي قلوبنا
روح بكت زياده شوي وهدت روح واخذت نفس
رابح وهو واقف بعيد شوي ومتكتف:ليه؟
روح بكت:لاني تعبت من حياتي ومابي اخذ مالك وخفت ابوي يقنعكم وانت عارف ابوي
رابح صرخ بوجهها وهو فاهم كل كلمه تقولها:بس حنا قلنا لك اننا معك ومستحيل نتركك ومستعدين نحرق الدنيا عشانك بس انتي وش سويتي رحتي وحاولتي تنتحرين حاولتي تنهين حياتك عرفنا ليش امس تقولين كلامك معناته ماتبينا روح ماني اخوك ولا اعرفك
خوف بحده:رابح مو وقته خلاص اسكت البنت تعبانه
رابح طلع ورجع البيت
خوف مسح على شعرها وهي تشاهق من كلام رابح وراح يسال الدكتور متى تطلع مطلق لما شافه راح طق باب الغرفه ودخل روح حطت منديلها على راسها ومسكته عشان يغطي وجهها
مطلق بحده:ليه سويتي كذا؟
روح بكت:عشاني مابي مالك وتعبت من ابوي وانت تعرف عمك هاجر وش سوا فيني
مطلق عصب وقال بحده:بس انتي تعزويتي فيني وقلت لك والله انك بوجهي وتعرفين اني مستحيل اعطيك لمالك روح انا اول مره ابكي بحياتي حسيت اني ماقدرت اوفي بوعدي حسيت اني جبان
روح دموعها نزلت:خفت والله ماتعرف ابوي اذا بيسوي شي ماتعرفه يامطلق
مطلق ابتسم بضيق:امسحي دموعك ماتهون علي لو لاسمح الله صار شي جدي وانا وخوف ورابح وبدر وماجد وخواني وعيال عمتي وابوي وجدتي كلنا معك ياروح كلنا ضد عمي ومالك واذا كلهم تركوك وتخلو عنك انا معك والله ان يخسي عمي وغيره يضرونك لو بهل كبر
روح ابتسمت من كلامه:مطلق انت ليش بكيت وليش واقف معي كذا محد وقف معي كثرك حابه اعرف السبب؟
مطلق بحده:خفت اخسرك روح تعبت اخفي انا احبك بس مقدر اخطبك الحين عشان عمي ما يعاند ويقول لا وابيك تعرفين لا مالك ولا غيره انا باخذك سوا رضيتي ولا لا
روح انصدمت وسكتت
مطلق طلع وراح وجلس على الكراسي ونزل راسه
خوف دخل عند روح:روح نبي نطلع يله
روح لبست عبايتها ومنديلها ونقابها وطلعت مع خوف
ومطلق سبقهم لسياره ركبت روح ورا ومطلق قدام وخوف يسوق وصلوا البيت
-بالبيت تحديداً بمجلس الحريم-
دخلت روح وقالت بصوت مبحوح:السلام عليكم
الكل لف بصدمه
شيم ابتسمت وركضت وحضنتها وبكت:ليه ياروح
روح شدت عليها وهي تبتسم:اسف وربي اسف بس تعرفين وش عانيت
روح طاحت عينها على امها الي جالسه وتبكي
ابعدت عن شيم وركضت لها وحضنتها:يمه تكفين لا تبكين والله اسف
امل وهي تشد عليها وتبكي:ليه يمه ليه يانظر عيني ليه تسوين كذا بنفسك وفينا ليه ياعمري انتي ليه
روح ابتسمت بين دموعها:اسف والله اسف ادري زعلتي علي بس اوعدك بصير قويه ووقف على رجولي لو يصير الي يصير مستحيل اسوي بنفسي شي
الجده من وراها:اي يمه خليك قويه اصلاً الي سويته مايرضاه ربك روحك ياروح امانه من ربك
روح حضنت جدتها:ابشري ياجدتي من عيوني بس ليه تبكون تكفون دموعكم غاليه علي
الكل تحمد لها بسلامه وجلسوا شوي ودق جوال روح
اخذت روح جوالها وشافت خوف يدق عليها ردت
روح وهي تحاول تتنفس من كثر ماضحكت:سم
خوف ابتسم من جاه صوتها وهي تضحك:سم الله عدوينك انتي احسن الحين ؟
روح ابتسمت:اي ياعيوني احسن بكثير
خوف ابتسم:زين جدي وعمي بيشوفونك حطي جلالك وتعالي المجلس
روح ابتسمت:ابشر
حطت روح جلالها وتوجهت مجلس الرجال وكانت متغطيه دخلت وشافت مافي احد غريب مافي الا خوانها وعمها وجدها وفتشت
الجد ابتسم:ياحي الله هزول
روح ضحكت وراحت تحضن جدها:الله يحييك
ذيب ابتسم وحضنها:ياهلا ومرحبا تو مانور المجلس
روح ودموعها بعيونها:منور بهله ياعم
بدر دمعت عيونه وحضنها وشد عليها:الحمدالله على السلامه يانور البيت
روح ابتسمت:الله يسلمك النور نورك
وقفت روح قدام رابح وابتسمت وعيونها تلمع:زعلان
رابح رفع راسه وشاف لمعت عيونها حضنها وشد عليها:مو زعلان عليك زعلان على الي سويتوه
روح شدت عليه:اسف
رابح ابتسم:لا تعتذرين
ماجد كان واقف ومنزل راسه
روح ابتسمت:مجيد
ماجد ماقدر حضنها وهو ساكت وسكوته كله عتاب
روح شدت عليه وقالت بصوت قصير:مجيد زعلان
ماجد كان ساكت
روح ابعدت وشافت وجهه
ماجد طلع من المجلس
بدر ابتسم:زعلان حيل بعد
روح ابتسمت:اعرف اراضيه
خوف ابتسم:زين اجلسي
الجد ضحك:تعالي اجلسي وتحلوي
روح ابتسمت:ابشر
جلست معهم وسواليف وضحك
مطلق دخل بعد ماتنحنح وروح تغطت:السلام عليكم
الكل:وعليكم السلام
جلس مطلق
روح وهي تضحك:مره انا وشيم لما كنا صغار ام جراح كانت تحرش علينا عند جدتي بكل شي وحنا شخصنها معها ومره طلعنا لسوق وشفنها تمشي بعكازها وتفقنا وحده تضرب عصاها ووحده تعركب لها شيم طيحت عصاها وانا عركبت لها وطاحت ومن يومها وهي ماتدانينا وحنا مانطيقها
الكل انهار ضحك
ذيب وهو منهار ضحك:الله يخس بليسك انتي وشيم
الجد وهو يضحك:وانا اشوفها صارت احياناً تمشي على كرسي
بدر وهو منهار ويدمع من كثر الضحك:مجرمات انتم
خوف كان يضحك:زوجتي موادبه بس اختي عوبا احساسي قال لي انك انتي مخططه للموضوع
مطلق وهو يضحك:لاوالله ترا شيم بعد عوبا لايغرك بس الحين انها عروس تبين انها حليله
شيم دخلت وهي لابسه جلالها:وش بها شيم
روح وهي تضحك اشرت لها تجي تجلس وراحت وجلست
شيم ابتسمت:وش بكم منهارين ضحك
روح وهي تحاول تتنفس من كثر الضحك:اقول لهم عن ام جراح ووش سوينا فيها
شيم ضحكت: بس تستاهل عشان ماتحرش هل حروش
مطلق ضحك:ترا حتى حنا ابوجراح كان يحرش علينا
خوف ورابح طاحوا من كثر الضحك
مطلق تنفس:اسمعوا اول كان يحرش علينا انا وخوف ورابح واذا سوينا له شي يقول لجدي كنا نروح البقاله وواحد يروح ينادي العامل ويساله عن اي شي وواحد يراقب برا وااحد عند الدفتر يكتب اسم ابو جراح ويكتب عند اسمه عليه دين خمس ميه ويجي هو ومايدري اذا عليه ولا لا ويدفع وينقهر ويشك بنفسه
رابح وهو منهار ضحك:اصبر في سالفه خطيره مره انا وخوف ومطلق الساعه ١٢ الظهر رحنا وحنا متلطمين السوق ونروح محل محل ونقول ابو جراح يبي هاذا وهاذا وهاذا ونقول وصلوه البيت وهم يجمعون الاغراض باكياس وراحوا بيته وحنا نراقب من بعيد ويقولون ادفع وهاذا لك وهو مصدوم ويدفع اخر واحد جاه قال له وش تبون فيني وش مسلطكم علي قال الرجال مانبي فيك انت مرسل عيال يقولون لنا انك تبي هذولم وهو اخذ الاغراض ودخل مصدوم ونقوم نكتب ورقه ونحطها عند باب بيته مكتوب بها هاذي البدايه وقسم اذا ما وقفت تحرش على عيال الحاره تندم هو انخرش ومن وقتها ما حرش علينا
انهاروا ضحك
الجد وهو يضحك:انتم احفاد انتم جنون والله اجل اذا العقال كذا كيف المهبل
روح وهي تضحك:لاياجدي عقلنا اكبر دليل انا عقلنا شف خوف وشيم تزوجوا
الجد:عقبال مطلق ورابح
روح ابتسمت:شكلك تبي الفكه منهم بس تبيني لحالي
الجد ضحك:انتي مقدر على فرقاك فا بزوجك واحد من احفادي
روح ابتسمت واستحت وقالت بمزح:من زينهم احفادك
الجد ضحك:وانتي صادقه اجل ماني مزوجك
مطلق حس انها ماتبيه وتكدر خاطره طول الجلسه
جلسوا ضحك وسواليف جاء اخر اليل  والكل راح لبيته
-ببيت هاجر-
دخلت روح ورابح جمبها وكانوا يضحكون هاجر كان جالس بصاله
هاجر بحقد:جيتي
روح ابتسمت:اي
هاجر:ليت ربي خذاك ليتك لحقتي
قاطعه رابح بعصبيه:حدك عاد
هاجر قام وبكل حقد ضرب روح كف من قوته طاحت جاء ماجد وشاف الموقف وراح ركض ودف جده وقال بصوت هز الديره كلها:هاجرررررررر والله اكسر يدك تمدها على عمتي فاهم
بعد ماجد عن جده واخذ عمته ودخل بدر وشاف ابوه ورابح وروح وماجد وعرف وش صار وراح قدام ابوه:يبه والله والي رفع سبع ونزل سبع اني لا اسوي الشي الي يخليك ماترفع راسك بهديره فاهمممم
رابح بحده وعصبيه وقف قدام ابوه وهو يرص على سنونه:اكسر ايد من يمدها على اختي الا روح الاولى بعديها بس الثانيه مستعد احرق الديره والي بها
هاجر انصدم من ردة فعلهم توقع انهم بيوقفون معه اخذ بعضه وطلع برا البيت وراحوا رابح وبدر ركض لروح وماجد
-عند ماجد وروح-
ماجد كان حاضن عمته وهي تبكي وتشاهق
ماجد:بس تكفين ياعمتي لاتكسريني اكثر
روح وهي تشاهق:ماجد عرفت الحين ليش حاولت اموت
ماجد نزلت دمعته غصب:عمتي قومي معي
روح بصدمه مسحت دموعها:وين؟
ماجد:لمي اغراضك بروح انا وانتي اسبوع للمدينه نغير جو  وتفتكين شوي من جدي
روح ابتسمت:والله ما اقول لا بس شرايك ناخذ جدي معنا
ماجد ابتسم من ابتسامتها:والله ما اقول لا
رابح دخل هو وبدر
رابح حضن روح:والله ياروح انه كاني انا الي انصفقت هل كف (ومسح على خدها)يوجعك؟
روح شدت عليه وابتسمت:لا ياحبيبي مايوجعني
بدر بحده:روح عندك خيارين يا تروحين الان معي المدينه يا اروح واعلم جدي يتفاهم معه ترا سكتت له كثير
روح ابتسمت وحضنته:لا هاذا ولا هاذا قررت اخذ مجيد وجدي ونروح المدينه
بدر ابتسم وشد عليها:رابح خاوهم
رابح ابتسمت:والله ودي بروحه بس بقعد عشان امي
بدر ابتسم وهمس لروح:اخاف اروح واشتاق
(كان يقصد افنان)
روح ابتسمت:تستاهل عشان مره ثانية تراجع كلامك قبل تقوله يله مابقى شي بقى شهر واسبوع
بدر:الله يصبرني
روح:امين
رابح:رويحه شوفي خوف يمكن يخاويكم وتاخذين حبيبة قلبك معك
روح ابتسمت:فكره والله
ماجد:واذا سال ليه تروحون نقول له؟
روح بخوف:اسمعوا تكفون خوف لا يدري تعرفونه مايحتاج اتكلم اخاف يسوي شي بنفسه او بابوي
الكل قال:ابشري
راح الكل ينام
-صباح اليوم الثاني-
قامت روح بكل نشاط وتروشت وصلت ورفعت شعرها ولبست تيشيرت اسود وبنطلون اسود ورطبت وجهها ويدينها واخذت عبايتها وتوجهت بيت جدها وسوت الشاي ولقهوه وراحت وحطتهم بالمجلس الي فيه جدتها وبدلت عبايتها ولبست الجلال وراح وجلست تسولف مع جدتها وشوي وجو العيال والجد وتغطت روح وجلسوا يسولفون
روح:جدي
الجد ابتسم:سمي
روح ابتسمت:سم الله عدوك انا وماجد قررنا نمشي للمدينة اسبوع ونرجع قلت له اذا جدي ما يروح معنا ماني رايحه وش رايك تجي
الجد ابتسم:لجل عين تكرم مدينه ابشري
روح ابتسمت:تسلم،جدتي شرايك تخاوينا
الجده ابتسمت:لا يمه انا مترك ديرتي مقدر يمه اعذريني
روح ابتسمت وحبت يدها:ادري معذوره يابعد راسي
خالد ضحك:ماينفع اخويكم
روح ابتسمت:احسن من يخاوينا
خوف دخل:السلام عليكم
الكل:وعليكم السلام
جلس خوف جمب جدته وروح
روح:خوفي
خوف لف لها:سمي
روح:سم الله عدوينك انا وماجد وجدي وخلود بنروح للمدينه اسبوع تخاوينا
خالد ابتسم:طيب شرايك نخفف قلت ادب ونرجع الكلفه وتقولين عمي على الاقل
روح ابتسم:خلودي بعد مو خلود مو عاجبك
خالد ضحك:راحت هيبتي
خوف ابتسم:اعذريني يارويحه بس بنروح انا وشيم شهر العسل
روح ضحكت:اوههه الله يهنيكم اذا كذا مقدر اقول شي الله يهنيكم
خوف ابتسم:امين يارب
جت سعاد وجلست جمب روح وابوها:السلام عليكم
الكل:وعليكم السلام
الجد ابتسم:اقول ياروح متى نمشي
روح:متى مابغيت
الجد:اجل اليوم الفجر
روح:تم
سعاد بصدمه:وش تم وين بتروحون!
روح ضحكت:بنروح للمدينه اسبوعين ونرجع تخاوينا
سعاد ابتسمت:ما اقول لا تم
الجد ضربها مع كتفها بخفه وضحك:وطرطور الي جمبك اساليه طيب
سعاد خبطت راسها:محشوم عادي امشي معكم
الجد:احسن من يمشي معنا
جلسوا قهوه وسواليف لين قرب اذان الظهر
دخل مطلق وجلس وكان يفرك عيونه وكان توه صاحي نوم جلس جمب خالد وانسدح على رجله
الجد:يعنبوك داخل على يهود سلم
ذيب ابتسم:انا وش دخلني الله يحفظك يبه
الجد:تربيتك
ذيب ضرب مطلق بخفه:سلم ياحمار فشلتنا
مطلق ابتسم:معليش السلام عليكم
الكل:وعليكم السلام
خالد ضحك:انت صليت ورجعت نمت
مطلق ابتسم وهز راسه:اي دايخ امس ما نمت زين
سعاد ابتسمت:اللي ماخذ بالك يتهنى به
مطلق ابتسم ونزل راسه
روح كانت تتامله من دخل وكيف شكله حلو وهو توه صاحي نوم وسمعت كلام عمتها وابتسمت غصبن عنها
الجد ضربه بعصاه خفيف:يعنبوك منهي
ذيب:قررت اتبرا منك على كثر ما العنت اليوم
الكل ضحك
مطلق حس جده احرجه شوي وقال بحده:محد ياجدي محد ماخذ بالي غير هشغل الي فوق راسي
خالد ضرب كتفهه:تخاوينا
مطلق بصدمه :وين ومن انتم؟
خالد ضحك:انا وابوي وسعاد ومجيد وروح نبي نروح المدينه
مطلق سمع اسمها وقال وهو مو حاس على نفسه وبصوت مو مسموع:اخخخ وشلون ماروح معكم وقلبي معكم
خالد:هاه
مطلق استوعب:اقول اي معكم باذن الله بس اكلم ابو عيسي يطلع لي اجازه
خالد:زين
راح مطلق ودق على ابراهيم
ابراهيم:ياهلا ببو ذيب
مطلق:هلابك ارحب يابو عيسى
ابراهيم:الله يبقيك
مطلق ابتسم:ابي خدمه لك ولا لذيب
ابراهيم شاش راسه وقال بصوت عالي:يخسي الذيب
مطلق ضحك
ابراهيم ابتسم:الله يفشلك شاش راسي وانا بالمبنى
مطلق ابتسم:الله يهديك هد لا يشوش راسك ويطردونك
ابراهيم ابتسم:وش عندك
مطلق:ابي اجازه اسبوع
ابراهيم ابتسم:وشوله؟
مطلق ابتسم:اهلي يبون يمشون المدينه وبروح معهم
ابراهيم ابتسم:اهلك ولا الي انت خابر اعترف
مطلق ضحك:ياهل كلب عارفني لا بس بيروحون وهي معهم وابي اروح مقدر البعد
ابراهيم ضحك:ابشر الاجازه جتك
رجع مطلق وشافهم جالسين ويضحكون
مطلق ابتسم:ضحكوني معكم
خالد ضحك:تعال اجلس
مطلق جلس
الجد:اقول لجدتكم سواليفكم مع ابو جراح وام جراح
مطلق ضحك:احسن يستاهلون وشوله نظام ام زكي ما يمدي تصير السالفه الا كل الديره تدري
الجده وهي تضحك:حسبي الله على عدوكم
الجد:الا يامطلق بتمشي معنا
مطلق ابتسم:اي ابو عيسى قدم لي على اجازه ياجعله يسلم
الجد:اسمع يامطلق ابيك تعزمه عندنا هو واهله بعد مانجي والله هل ولد والنعم به ونبي نعرفه
مطلق:ابشر على هل خشم
سعاد:اقول بنات من تمشي معنا
الريم:انا اعفوني بجلس عند جدتي وامي
نوره:وانا لا مالي خلق طريق
سحر:نفس الموضوع
شيم:ودي بس ماقدر
نجد:مدري احس مالي خلق
سعاد:احسن من زينكم مالت عليكم
الكل ضحك وجلسوا سواليف وضحك وقهوه رايحه وقهوه جايه
-الساعه 3:30 قبل الفجر-
طلعت روح ومعها شنطه صغيره ووحده كبيره وتحاول تشيلها راح مطلق الي كان واقف عند السياره واخذ الشنطه وقال:خليها انا بشيلها
روح ابتسم من تحت غطوتها:مشكور
مطلق ابتسم:مابيننا
ماجد وهو طالع ويغني: سال دمع الغرام وضاق صدر الديره واقبل الليل ما فيه اسأله ما سألها
(وسكت بصدمه وفتح فمه)
روح ضحكت على شكله
ماجد:اتفقنا انا وانتي وجدي وش صار!
روح ابتسم:اسمع هو على اساس انا وانت وجدي بعد قال خلود بجي قلت تم بعدين قالت سعاد بجي وقلت تم بعدين قال مطلق بجي وقلنا تم وصرنا هل كثر
مطلق:لايكون مو عاجبك
ماجد:بالعكس يله مشينا اجل
فهد من بعيد:احتروني بمشي معكم
خوف ابتسم بحب:ياهلا ياهلا بالفهد تو مانورت
(معلومه فهد كان بدوره مدتها ثلاث شهور)
فهد جاء وحضنه:ياهلا بخوف الديره منوره بهلها
الجد نزل والكل نزل يرحب فيه وصل عند عمته سعاد وحضنها وسلم عليها
روح من بعيد شوي وبكل حسن نيه:الحمدالله على السلامه يافهد تو مانورت الديره
مطلق الي ولع غيره رغم انه يعرف ان فهد يشوفها مثل اخته وهي تعز فهد مثل اخوها بس هو حس بشعور الغيره
فهد ابتسم:الله يسلمك بس من انتي
روح:روح
فهد ضحك:معليش اعذريني اني معرفتك ياهلا بااخت الغالي والله الديره منوره بوجودكم
الجد:خلصت رح سلم على الي جواء وتعال اذا بتمشي معنا
فهد ضحك:لا والله مقدر امشي معكم بس بلحقكم بكره
الجد ابتسم:زين مشينا يا مطلق
مطلق:مشينا
فهد ضحك:ياخشة مطلق ماتبي تسلم علي يعني
مطلق استوعب وش سوت غيرته الغبيه:معليش يابو حمد مانتبهت
فهد جاء وحضنه وهو عارف كل شي من عمته سعاد وهمس له:دامك غيران عليها تدل باب ابوها وتراها مثل اختي
مطلق ضحك وهمس له:ادله بس صايره سالفه اكلمك بعدين وقولها لك وادري انها مثل اختك واعز
فهد قال بعد ما ركب مطلق السياره:يله أستودعكم الله
مشوا للمدينه وكان الترتيب
{الجد قدام ومطلق يسوق وخالد ورا ابوه وسعاد بنص وروح ورا مطلق وماجد باخر شي فارش فراش وحاط راسه ونام }
الجد ابتسم:والله ياروح ان السفره هاذي كلنا محتاجينها
روح ابتسم:ادري انك ودك تفتك من هم الديره بس مافي مثل نجد
الجد تنهد:اهههههههه انشهد
مطلق وهو يغمز لجده:اي نجد ديرتنا ولا ديرتك
الجد بحده وضربه على كتفه:انت ورا ماتترك قلت الحياء عنك وتنتبه لطريق
خالد ضحك:تستاهل وشوله القافه
روح ابتسم:جدي عادي اطلب طلب
الجد:امري
روح ابتسم:مايامر عليك عدو عادي تعلمنا شلون تزوجت جدتي
الجد ابتسم:ايههههه قبل 56 سنه يوم كنت شباب كان ابوي مشغلني بدكانه ابوي كان راعي حلال وعندنا خير وبيوم وانا واقف على واحد من محلات ابوي جت وحده ومعها امها وكانت عيونها موتً حمر  والكحل شي ماينوصف عيونها احلى من عيون المها ومنزله راسها من الحياء وجتني هي وامها وامها تسالني عن الذهب وانا ارد ومابيها تخلص اساله قالت لي ابي بناجر وخناقه قلت انا بس ياخاله قالت هي ايه قلت ياخاله انتي من وين من عندنا قالت هي يمه انا جمب بيت عيلة هاجر انا فرحت قلت انتم جيراننا قالت هي انت امك جوزه ام محمد قلت انا ايه وانا محمد ياخاله. قالت هي والنعم انا ام خالد قلت والنعم ياخاله واقوم وطلع هلال عاد الهلال غالي غالي حيل وواحطه مع الاغراض قالت ام خالد وشو هاذا شكلك حاطه بلغلط قلت لاوالله ياخاله هاذي هديه بسيطه مني قالت هي والله وقوم وقاطعها وحلف وجلست تتشكرني وتروح الايام وتجي الا الايام وانا بس اشوف عيونها يوم اوصل امي ولا يوم يجونا مر على الموضوع ست شهور وتجيني ام خالد بس هل مره بدون نجد وقالت ابي خاتم خطوبه انا انصدمت قلت ماشاءالله على البركه خطبتوا لخالد قالت هي لاوالله لنجد وانا تقل احد صافقني كف وما صدقت انها راحت واقف المحل وروح واخذ خالد الي صار اعز خويي لي واخذه ونروح فوق جبل وقوله اني احب نجد اخته ويقوم هو ويمسك ياقتي وعصب قلت له السالفه عشان يهدا وقلت له لايوافق وانا بكره اجيب ابوي ونخطب قام هو اعتذر مني وقالي ابشر وروح من بعدها لابوي وابوي رفض وقال مالك الا بنت عمك وحلفت انه يحرم علي كل بنات ادم من بعد نجد وروح واخطبها وشرح لهم موقفي وموقف ابوي وابو نجد حليل ووافق وهي وافقت وجاء ولد خالتها ويتوعد الي كان خاطبها قبلي واخذت نجد غصبن عن خشم ولد خالتها وغصب عن الدنياء وابوي كان زعلان علي والحمدالله سامحني قبل وفاته بخمس سنين كان ابوي يحب خلود بالحيل وانا حبيت خالد لانه سمي الغالي الي جمعنا
روح بكت وتاثرت بالمره:قصتكم حلوه ياجدي بس انت اعجبتني تحديت الكل عشان جدتي
الجد ابتسم:تستاهل نجد
سعاد ضحكت:يبه قلت لهم وش سوا بك جدي عشان الهلال
الجد ضحك:جاء ابوي ولقاء هلال ناقص والهلال كان غالي وسالني وينه مقدرت اقوله لانه مراح يفهمني قلت مدري يمكن العامل ماخذه قام ابوي وسفر العامل بعد مامر على السالفه وقت وتزوجت وجبت عيال وكان ماعندي غير هاجر وذيب ونوره خذيتهم وخذيت نجد ورحنا لابوي وسامحني واعترف له عن الهلال وجلس يضحك
الكل جلس يضحك وسكتوا
خالد:اقول مطلق حط شي نسمعه
مطلق ابتسم:ابشر
حط مطلق اغنية (جننت قلبي-لماجد المهندس)
والكل سكت ويسمعون روح طلعت روايتها وبدت تقرا ومندمجه والي بد يسولف
-الساعه 5:00-
الجد:مطلق وقف نصلي بتشرق الشمس
مطلق ابتسم:سم
وقفوا على جمب ونزلوا العيال يصلون والبنات نفس الشي خلصوا البنات اول بحكم ان العيال جلسوا يتوضؤن وهم كثار لاكن البنات على وضوء وصلوا على طول ورجعوا السياره وبدت سعاد تقرا اذكرها وروح تناظر العيال وهم يصلون وتنحت شوي
سعاد لفت وابتسمت:روح اذكارك اقريهم احسن من هل مراقبه 
روح ضحكت:ابشري
طلعت روح ايبادها وبدت تقرأ اذاكرها خلصت ورفعت راسها وشافت العيال والجد راكبين السياره تحركوا متجهين للمدينه وبعد ساعتين ونص وصلوا واخذوا فندق خذوا جناحين جناح للعيال وجمبه جناح البنات
-بقسم العيال-
دخل ماجد وهو يتمغط:اخخخخخخ يتعب
مطلق وهو يدخل الاغراض:على شحم نايم طول الطريق ولك وجهه تقول تعب
ماجد ضحك
مطلق ابتسم:ترا بتدلك ظهري
ماجد:تخسي
الجد بحده:نيم طول الطريق ومطلق يسوق غصبن عنك تهمز ظهره
ماجد:ابشر عشانك بس
انسدح مطلق وماجد بدا يهمز ظهر مطلق
وخالد نام والجد انسدح يبي ينام
-بغرفة البنات-
روح ضحكت:يحول خلود وجدي مسكونا توصيه مابغينا فكونا
سعاد ضحكت:اخاف الحين يطقون الباب
روح دخلت واخذت دش وطلعت ولبست بجامه وحطت كريم وحطت قلوس وكريم وجهه وسوت لنفسها امريكانوا ومسكت جوالها وبدت تطقطق عليه لفت على سعاد ولقتها نايم وضحكت وشربت قهوه وفجاه سمعت الباب يطق راحت وشافت من الي يطق لقته مطلق راحت ولبست جلالها وفتحت الباب
مطلق وجهه للجدار:من!
روح ضحكت:فهم غلط مفروض انا اسال روح
مطلق ابتسم:اذا عندكم بطانيه زياده فراش اي شي تصدقوا على ماجد
روح ابتسمت:ناد ماجد ابيه
مطلق ضحك:سمي
راح مطلق وقال لماجد يروح راح ماجد وطق الباب فتحت له روح ودخل
ماجد:هلا عميمه
روح ابتسمت:وين نايم على الارض!
ماجد:اي تشوفين كيف انا معنفيني
روح:طيب اسمع في سرير ثالث عندنا تعال نم هينا منها يكون معنا احد ومنها تنام على سرير
ماجد ابتسم:ماقول لا
روح ابتسمت:هاذا السرير
ما امداها تخلص كلامها الا ماجد منسدح راحت وانسدحت على سريرها وشربت قهوتها وفجاه جوالها دق شافت المتصل خوف قامت وراحت الصالة وردت:سم
خوف وصوته باين عليه انه متضايق:سم الله عدوك وصلتوا
روح بستغرب وخوف:اي الحمدلله
خوف:الحمدلله على السلامة
روح:الله يسلمك خوف! بك شي؟
خوف تنهد:ايهههههه بي اشياء
روح بخوف:تكلم!!خوف لا تخوفني اكثر
خوف:روح تخانقت انا وشيم وتخانقت مع رابح
————————————————
(مالي وجهه انزل على هتاخير بس اسف وقسم بالله اسف بس الجامعه والضغط اسف مره مره اوعدكم انتظم بتنزيل اعذروني وعطوني رايكم حبايبي احبكم💘💘💘💘)
————————————————