ياوجهٍ ملاه الحسن سبحان باريّه ‏تاهت وصوف الشعر في جل حسنه

البارت السابع عشر

خوف:ابشري وش عندك
الريم قالت له وش قالت لها نجد بتفصيل
خوف عصب وقال بصوت عالي:اخوي
الريم حطت يدها على فمه:قصر صوتك رابح هينا
خوف بعصبيه وهو مقصر صوته:شلون اخوي يلعب عليه شلون ومن واحد تافهه وعشان موضوع تافهه
الريم:ادري ان الموضوع يقهر بس رابح مراح يصدقنا نبي نجمع ادله قبل يملك ويصير صعبه عليها تكذب وتنكر وغير كذا براسي خطه لشوق
خوف:وشي؟
الريم ضحكت:ابي بيوم الملكه رابح يعرف ويتركها هي تبي تحرق قلب نجد وانا بحرقها هي
خوف ضحك ومسك كتفها وكانوا متجهين للبيت:تفهمين
الريم ابتسمت وهمست:ونجد مصورتهم مع بعض
خوف:ناصر وشوق؟
الريم هزت راسها:اي
شيم ابتسمت:ماشاءالله الشيخه ريوم خاطفه رجلي
الريم ضحكت وهي ماره من عندها:اخوي قبل لا يصير رجلك
شيم كشت عليها:مالت عليك وعلى اخوك
خوف:مشينا
شيم هزت راسها ركبوا السياره
-بسياره-
خوف:ماشاءالله مالت علي
ابتسمت شيم:وشبك امزح امزح
خوف ابتسم وكشر بتمثيل:بس انا زعلت
شيم فزت ورفعت نقابها وباست خده:لا ياحبيبي انت اخسي ازعلك
خوف ضحك ومسك يدها وشد عليها:ياحياتي انتي
-بييت روح-
فهد من باب الحوش:يانجد يالريم يله
رابح:فهود تطشني ؟
فهد ابتسم:وين سيارتك؟
رابح:جيت مع خويي
فهد ابتسم:ابشر امش معي
راحوا فهد ورابح لسياره وركبوا الحقوهم نجد والريم
نجد همست لريم:افففففف هاذا ليه يطلع بوجهي
الريم ضحكت:الله كاتبكم لبعض عشان كذا
نجد ضربت كتفها:اوريك
ركبت الريم ورا فهد ونجد ركبت ورا رابح
فهد ابتسم:شرايك نتمشى مالي خلق ارجع البيت
الريم:موافقه
فهد:اجل مشينا
نجد ورابح:سلامات انا وش
فهد ضحك:رايكم مو مهم اهم شي راي الريم
نجد ضحكت:هين
فهد ابتسم:الريم
الريم ابتسمت:سم
فهد ابتسم:سم الله عدوك بتجينا ضيفه كم يوم
الريم ضحكت:اوههه ومنهي
فهد ابتسم:نجد
نجد عقدت حاجبها:هاه
فهد ابتسم:عشان المشكله الي صارت الصبح امي حطت لك ملابس بشنطه وجابتهم وقالت خذها خلها ترتاح من المشاكل
راحوا يتمشون
الريم:فهود مر خلنا ناخذ قهوه
فهد:ابشري
رابح:فهد ابي ارجع مرتبتي ابي انسدح تعبان
فهد هز راسه
رجع رابح مرتبته بالحيل لين صار يشوف نجد
فهد وقف يجيب قهوه
الريم:فهود بروح دورة المياه
فهد ابتسم:امشي معي اجل
راحوا فهد والريم
رابح شاف عيونها تلمع:وشبك؟
نجد صدت:مو شغلك
رابح قام وجلس:نجد تكلمي وشبك
نجد بحده:تبي تعرف انت كذاب اي كذاب انت ماتركتني عشان موضوع اني ماحبيتك انت شفت شوق وجازت لك عشان كذا
رابح بحده:نجد وش هل كلام ماله دخل الي انتي قاعده تقولينه
نجد ضحكت بستهزاء:من الي قال انا بوري شوق واخر شي جابت راسك
رابح بحده:نجد
نجد:نعم
رابح ابتسم:لو ارجع واخطبك بتوافقين
نجد ضحكت بستهزاء:انت صاحي والله ما اصير الثانيه هاذا اول شي ثاني شي لو مايبقى غيرك بدنياء ما خذيتك
رابح صد بضيق ورجع انسدح وبدا يفكر بنجد ونام
نجد ضاقت حيل وقالت بينها وبين نفسها:والله اصير الثانيه راضيه بس اكون معك
نجد ابتسمت من شافته نام وحطت يدها بشعره وبسرعه استوعبت وبعدت يدها وهي مستحيه واستوعبت انها خربتها لبست سماعتها وحطت اغنيه وبدت ترسم فجاه غفت
الريم وفهد جو
فهد:تاخرنا
ماجاه الرد لان رابح نايم ونجد لابسه سماعتها وغفت
الريم ضحكت:الحلوين نايمين
فهد ابتسم:نوم العافية مشينا لبيتنا اجل مابها تمشيه
الريم همست لفهد:فهود بطلب طلب
فهد:هممم
الريم وهي للحين تهمس:عادي ربوح ينام عندنا تعرف امي وابوي مو فيه
فهد ابتسم:اكيد مايبي لها سوال هاذي
الريم باست كتفه:الله يخليك لي يارب
فهد ابتسم ومسك يدها وباسها:احبك
الريم ابتسمت:وانا بعد
فهد ابتسم:وانتي بعد وش
الريم سكتت لانها استحت
فهد مثل الزعل
وصلوا بيت الجد ونزلوا رابح وركبت الريم قدام وكملوا لبيتهم
الريم ابتسمت:زعلت
فهد صد
الريم ابتسمت ورفعت نقابها تبي تبوس خدها بس فهد لف وصار مبسمه على مبسمها فزوا من سمعوا صوت نجد
نجد:الله يقرفكم انا فيه
الريم استحت ووجهها صار احمر
فهد ضحك:بلا قلت ادب انتي وش صحاك
نجد:اقول انطم ياقليل الادب شف مرتك استحت وانت وجهك مغسول بمرقة
فهد:نجدوه سديها
نجد ابتسمت من تذكرت لما قالها رابح نفس الكلمه
وصلوا البيت ونزلوا وراحت نجد جمب الريم وابتسمت:استحيتي
الريم ابتسمت:لا بس مدري شلون اصارحك ان ربوح اسواء من فهد
نجد وجهها صار احمر واستحت حتى هي استغربت ليش استحيت
فهد ابتسم:نجد قسمك من هناك
نجد ابتسمت وهزت راسها وراحت لقسمها
الريم صعدت فوق ودخلت الحمام وخذت دش ورطبت جسمها ووجهها وحطت مرطب على شفايفها ولبست المنشفة وربطتها على خصرها وطلعت شافت فهد جالس على السرير سحبت عليه وطلعتلها بجامه لونها سماوي وحرير وفيها ريش من تحت ومن الاكمام بدلت وتعطرت وراحت لتسريحه تمشط شعرها
فهد وقف وراها وابتسم:الحلو زعلان
الريم هزت راسها:لا
فهد مسك كتفها:كل هاذا مو زعلانه
الريم قامت وقالت بحده:اي زعلانه ترا استحيت من الريم خير تسوي كذا فجاه وقدامها
فهد ابتسم:عجبتك اعيدها
الريم ضربت كتفه:تستهبل على مخي اقولك استحيت
فهد ضحك وحضنه:خلي عنك ازعل وجهزي بنروح لملكة عمتي
الريم ابتسمت:ابشر بس لاتنسى كلم رابح يجي عندنا
فهد ابتسم:وش معنى عندنا ليه مو عند روح
الريم ابتسمت:لانه توامي واقرب لي من روح فهمت
فهد ابتسم وهز راسه:بنزل اغفي بصاله اذا خلصتي صحيني
الريم هزت راسها بنفي:لا ياحبيبي لاتنام تحت نم هينا انا اروح عند نجد
فهد ابتسم وباس راسها:ويلوموني بحبك ياحبيبتي
الريم ابتسمت:احبك انت وكلامك المعسول
فهد ابتسم وانسدح على سريره ونام
الريم اخذت مكياجها والاستشوار والفير وراحت جناح نجد وطقت الباب
نجد وهي مبتلشه:ادخل
الريم دخلت واغراضها معها:وشبك محتاسه
نجد وهي تتافف:امي محطت لي مكياج ولا اغراض شعري
الريم ابتسمت:ياحيوانه اغراضي واغراضك واحد
نجد ابتسمت:ياعيوني انتي احبك
الريم ابتسمت:وانا اموت عليك اجلسي اليوم بخليك غير
نجد ضحكت:قبل اجلس ابي اطلب طلب
الريم:سمي
نجد ابتسمت:سم الله عدوك تعرفين تقصين الشعر صح؟
الريم هزت راسها
نجد ابتسمت:قصي شعري
شهقت الريم:نجد لا تكفين شعرك يجنن كذا وطويل حرام
نجد ابتسمت:طلبتك تكفين قصيه
الريم ضحكت:تكفين مقدر اقولك لا ابشري
جلست نجد وقصت الريم شعرها وبعدين مكيجتها وسوت شعرها بالفافات
الريم ابتسمت:يله خلصت خليهم بشعرك لين اخلص واناديك تشيلينهم تشوقت اشوف شعرك
نجد ضحكت:اي والله حتى انا يله بروح اسوي لنا قهوه لين تجهزين
الريم هزت راسها وهي تسوي شعرها سوت شعرها وبقى الميكاج
-الساعه ٥:٣٠-
الريم تعدل مكياجها ونجد جالسه بصاله قام فهد وشاف نجد جالسه جاء وهو يفرك عيونه وانسدح على رجلها:بي نوم
نجد ابتسمت وحطت قهوتها وبدت تلعب بشعره قرصة خدوده:فديت الامير النايم
الريم جت وهي تضحك:وش عندهم الاخوان اتحدوا
نجد ضحكت:يعني غيور
الريم ابتسمت:تقدرين تقولين
فهد وهو مبتسم:علي صح
الريم ضحكت:لا على نجد
نجد ضحكت:جبته لنفسك
الريم اشرت لها تقوم:قومي بسرعه
قامت نجد وطاح راس فهد قال بالم:وجع يانجد وجع اوريك
نجد والريم وهم رايحين ضحكوا وصلوا جناح نجد
نجد:وشبك
الريم ابتسمت:وش تلبسين
نجد هزت كتفها:والله مدري
الريم مدت لها كيس فيه فستان:شوفيه وعطيني رايك
نجد فتحته شافت فستان ابيض معه حزام بني ابتسمت:يجنن من وين؟
الريم ابتسمت بحزن:لما سافرت انا وفهد جبت لك هديه بس كنت زعلانه منك عشان كذا ماعطيتك الفستان وقبل شوي تذكرت
نجد حضنتها:احبك
الريم ضحكت:وانا اكثر بدلي وانا ببدل لا يذبحنا اخوك
فهد من الصالة:يله يا الريم ونجد يله
الريم ركضت فوق تبدل لبست ونزلت بسرعه لجناح نجد ودخلت شافت شكلها يجنن بالفستان دمعت عيونها
نجد ابتسمت:يله نفك شعري
الريم ابتسمت وراحت تفك الفافات وعدلت شعرها ابتسمت:قمر قمر ماشاءالله
نجد:ياحبيبي انتي الي ماشاءالله والجمال
الريم ضحكت:امشي اخوك يهزانا الحين
راحوا لصاله
الريم ابتسمت وهي ترفع شعرها ودارت:شرايك
لف فهد يشوفهم ابتسم وقال:ماشاءالله
راح فهد وحضن نجد والريم كانت متوقع يحضنها وكانت ماده يدها بس انصدمت انه صد وحضن نجد راحت ولبست عبايتها ومنديلها
فهد بقهر:ليه بانجد ليه قصيتي شعرك
نجد حركت شعرها:تغيير نفسيه
فهد ابتسم ولف شاف الريم لابسه نقابها وعبايتها وجالسه على جوالها
نجد لبست عبايتها ونقابها
فهد ابتسم:ريوم ماشفت كشختك
الريم بقهر:تاخرنا و مو لازم مشينا
فهد انصدم من ردها قام وطلع وطلعوا نجد والريم قبله
الريم همست لنجد:اركبي قدام تكفين
نجد هزت راسها وركبت قدام
فهد ركب:سلامات ياماما
نجد:انا انطلب
الريم قاطعتها:نجد اكبر مني عشان كذا
فهد حرك وهو حاس ان الريم بها شي وصلوا ونزلوا
فهد:الريم وقفي
نجد دخلت والريم وقفت ولفت
فهد مسك خصرها:وشبك؟
الريم بعدت يده:موقفني عشان هسوال احلف بس وخر
فهد بحده:الريم وش هل اسلوب
الريم بحده:اوههه وخر بس
سحبت عليه ودخلت ورمت عبايتها وتعدلت وتعطرت ودخلت وسلمت
وجلست جمب نجد
نجد:وش صار
الريم ابتسمت:خربتها
نجد ابتسمت:وش مهببه
الريم قالت له وش صار بشارع: وبس صديت ودخلت
نجد قرصتها:خبله وقسم بالله
الريم ضحكت:يستاهل
جلسوا قهوه والسوالف
روح راحت جمب عمتها:وشبك تتراعدين
سعاد:مدري بس ذيب كلمني يقول تعالي
روح ابتسمت:امشي يله طيب
راحت سعاد
ذيب:شلونك ياعيوني
سعاد ابتسمت:الحمدلله
ذيب ابتسم:وقعي عشان الشوفه
سعاد هزت راسها ووقعت
ذيب حب راسها وبارك لها وقال لها تروح المجلس راحت للمجلس وجلست تنتظر وهي مستحيه ويدها ترجف دخل سعود وابتسم وجلس جمبها وشكلها كان يجذبه غصبن عنه
(وصف خفيف)
كانت لابسه فستان وردي فاتح على الجسم من فوق ونافش من تحت شوي وشعرها كيرلي ومكياجها ناعم وريحة عطرها وشامتها الي انبرزت بخدها
سعود ابتسم:مبروك
سعاد ويدها ترجف:الله يبارك بعمرك
سعود ابتسم ومسك يدها:هدي وشبك
سعاد ابتسمت:مابي شي بس متوتره
سعود ضحك وحب يغيرالجو:الحين بدعوه اسمانا شينه سعاد وسعود توام مو ثنين متزوجين
سعاد ضحكت:اي غير اسمك قبل العرس
سعود ابتسم:ابشري
سعاد ابتسمت:تبشر بالجنه بعد عمر طويل
سعود:امين اجمعين سعاد
سعاد رفعت راسها:همم
سعود:ليش وافقتي علي
سعاد ضحكت:من مدح رويحه لك وسواليفها عنك انت ليش خطبتني
سعود ابتسم وسرح فوجهها وشعرها:شعرك وشامتك
سعاد ابتسمت:عاد كيرلياتي اوكيه بس شامتي؟
سعود ابتسم:اي شامتك ليش مستغربه
سعاد ابتسمت ونزلت وجهها:لاني ما احبها واحس شكلها مو حلو
سعود ابتسم وقرب وباس شامتها الي كانت باسفل خدها:بس هشمه جابت راسي
سعاد استحت ووجهها حمر
سعود ابتسم:فديت الي يستحون
دخلت روح وهي لابسه جلال عشانها لابسه فستان قصير شوي بس مو مغطية وجهها:يله طولتوو
سعود ضحك:انتي وش تبين حتى وانا متزوج ناشبه لي باسعد لحظات حياتي ناشبه لي
روح ضحكت:الا على طاري مغير رقمك يالخايس كنت برسل لك تجي تتغدا بش طلعت سلوقي ومغيره
سعود ضحك:اي مغيره عنك
روح كشرت وجلست ومثلت انها تصيح
سعود خاف وراح لها ركض ومسك كتفها:وشبك والله امزح
سعاد بحده:سعود انت عارف انها حامل والنفسيه يدوبك تبكيها ليه
روح ضحكت:دعابه امزح امزح بس بسوف الغلا عند يقل ولا
سعاد ضربت كتفها:فشلتينا اسكتي بس
سعود ابتسم:سعاد وين جوالك؟
سعاد مدته قدام عيونه:هذاهو
سعود سحبه وفتحه ببصمة وجهها وكتب رقمه وقال:سجليه عندك رقمي
قال كذا وراح راحت روح مع عمتها
روح ابتسم:عميمه ابيك بكلمة راس امشي معي
راحت معها وجلسوا بالحديقة ورا البيت وتربعوا قدام بعض مسكت روح يد عمتها:عميمه ابي اسالك سوال وبذمتك تجاوبيني صدق
سعاد ابتسمت وشدت على يدها:بجاوب بذمتي بس قولي
روح ابتسم:انتي عادي عندك علاقتي بسعود شوفي اذا ماتبيني اكشف عنه او اكلمه حقك وعادي والله اتغطى عنه
سعاد ضحكت:للا ياعيوني بالعكس انا لولا علاقتكم وكيف انتم قريبين من بعض ما وافقت بس حبيت علاقتكم زي علاقت الاخوان واعز ومايحق لي ولغيري نقول شي بالموضوع هاذا
روح ضحكت:طيب عطيني رقمه
سعاد ابتسمت:سجلي*******050
روح ابتسم:مشينا ارتحت صدق
سعاد ضحكت:خبله امشي
راحوا جوا يكملون الجلسه مع اهلهم
-الساعه ٨:٣٠-
فهد من باب المطبخ وبصوت عالي:الريم يالريم
الريم بالمجلس تاففت وهمست:نجد قومي له
نجد هزت راسها وراحت له
فهد عقد حواجبه:وين الهانم ؟
نجد:زعلانه
فهد:ليه ان شاء الله
نجد ضربت كتفه:خبل وتسال وليه انت جرحتها ترا
فهد بصدمه:متى؟
نجد:شفت لما جينا انا وهي وقالت هي شرايك ترا كانت تقصد نفسها
فهد:مافهمت
نجد:حنا لما جينا هي دارت وحركت شعرها وقالت شرايك تقصد شرايك بشكلها وانت سحبت عليها
فهد ابتسم بزعل:بذمتك
نجد حضنته:اي عشان كذا راضيها حرام
فهد ابتسم:كله من تحت راسك
نجد بعدت:وانا وش دخلني
فهد ابتسم:انتي حلوه بزياده وش نسوي
نجد ضحكت:بس انا ولاشي جمب ريمك
فهد ابتسم:انشهد
نجد ضحكت وراحت تنادي الريم
الريم بعد ماقالت لها نجد تروح:اففف مابي اروح
نجد ابتسمت:روحي عشان خاطري
الريم ابتسمت وقامت ومسكت خشم نجد:عشانك مو عشانه
نجد ضحكت وجلست
راحت الريم وكانت ايه بالجمال كانت لابسه فستان ابيض قصير شوي وحاطه روج احمر وكان عطرها سابقها وصوت كعبها الي دوا بمسامع فهد جت ووقفت قدامه
الريم:هممممم
فهد ذاب وسرح بجمالها
الريم:مطول ؟
فهد مسك خصرها وشدها له: اشهد بالله ان الحريم ماجبو بعد جمالك احد
الريم:فهد شبعت من كلامك وش بغيت؟
فهد ابتسم:افا وشبك اليوم؟ زعلانه علي؟
الريم:مابي شي انت الي بك شي؟ ابي اروح مطول؟
فهد:حلفتك بالله تقولين وشبك
الريم:مابي شي
فهد بحده:الريم هي بس سالفة عناد وزعل تكلمي وشبلاك
الريم بكت:تبي تعرف وشبي انت جرحتني جيتك اوريك كشختي وفتحت لك يديني صديت عني وحضنت اختك ولا كاني موجوده انت تركت يديني
فهد ابتسم بضيق وباس راسها وحضنها:اعذريني ما انتبهت والله بالي مع شعر نجد وانها قصته تكفين يالريم دموعك غاليه علي لاتبكين يانظر عيني
الريم ماكانت تعطي رد بس تبكي
فهد بضيق بعد ومسح دمعتها:لاتزعلين وتبكين يالريم دموعك تحرقني انا وتكسرني
الريم ابتسمت:ماني زعلانه رضيت
فهد باس خدها:ايه ابتسمي يحلو وجهك وانتي مبتسمه
الريم بالم مكست بطنها
فهد:وشبك
الريم ابتسمت:وبا شي بس بطني توجعني
فهد ابتسم:زين انا بروح اذا تبين شي دقي علي
الريم هزت راسها وراحت
نجد قابلتها:تكفين وش صار
الريم ابتسمت:انحلت
نجد ابتسمت:الحمدالله
جلسوا يتقهوون وحطوا العشاء يتعشوون
نجد راحت للحديقة الي ورا بيتهم تاخذ ورد وبدت تلم الورد وهي تدندن: أنا كل ما نويت أنسى
لك الذكرى ترجّعني
ترى للحين أنا أحبك وأشوفك بين حين وحين
فراقك آه يا فراقك
كسر قلبي وعذّبني
وأنا نذرٍ علي أبقى أحبك لين يوم الدين
أنا كل ما نويت أنسى
لك الذكرى ترجّعني
ترى للحين أنا أحبك وأشوفك بين حين وحين
فراقك آه يا فراقك
كسر قلبي وعذّبني
وأنا نذرٍ علي أبقى أحبك لين يوم الدين
رابح كان يسمع صوت قرر يروح يشوف من بس تنح من شاف نجد لابسه فستان ابيض ورافعه شعرها وحاطه روج احمر اسره شكلها
نجد لفت تبي تدخل بس انصدمت من شاف رابح صرخت:اا
بس رابح تصرف وحط يده على فمها:انا رابح
نجد دفته ودخلت ركض
-بمجلس الحريم-
نجد:جدتي طلبتك لا تقولين لا
الجده:ابشري وش طلبك؟
نجد ابتسمت:خلينا نروح المزرعة كلنا ونسهر للفجر قولي تم
الجده ضحكت:ابشري تم روحوا شوفوا جدكم
روح:بنات يله مشينا
لبست كل وحده من البنات جلالها وتغطوا وراحوا للمشب
-بمجلس الرجال-
دخلوا البنات
خوف بحده:سلامات انتي وهي وين؟
الجد:خوف خلص
خوف هز راسه
الجد ابتسم:سمن؟
نجد ابتسمت:سم الله عدوك جدي طلبتك لا تقول لا
الجد:ابد وشو يبه
رابح عصب من سمع صوتها وعروقه برزت
نجد كانت تشوف ومبسوطه انه يغار عليها وكملت:نبي نروح المزرعه
الجد:هل حزه؟
نجد ضحكت:تكفى ياجدي بخاطري
رابح ولع من حس انه مو بس هو يسمع صوتها وضحكاتها كلهم يسمعون
الجد ابتسم:ابشري وقولي لهم ننام بعد
نجد ضحكت:ياحبي لك ياجدي
رابح بحده وعصبيه:خلصتي؟
نجد:نعم؟
رابح بعصبيه:قلتي الي عندك
نجد:اي
رابح بعصبيه:ادخلوا طيب
راحوا كلهم جوا
نجد همست لريم:وش بلاه؟
الريم ضحكت وهمست لها:لو فهد يضحك عند الحريم ولعت فيه وانتي ضاحكه عند رجال وقدامه ماشاءالله عليك بختصار غار
نجد ضحكت:اما عاد انا اقول ليه مشتط
الريم ابتسمت:زين مولع فيك
نجد ضحكت:باي صفه ؟
الريم ابتسمت وهزت كتفها:فكري
لبسوا البنات عبايتهم وكلهم راحوا بقى فهد ورابح ونجد والريم وشوق
فهد:ربوح سياره وحده
رابح:مشينا لسيارتي
ركب رابح يسوق وفهد جمبه الريم بنص وشوق ورا فهد
نجد جت وركبت سيارة فهد
فهد ضحك:ريوم انزلي
الريم ضحكت ونزلت واشرت لها تجي تركب
نجد جت لهم وركبت ورا رابح
فهد ضحك:غبيه والله
نجد ابتسمت:اول شي تعقب انت الغبي ثاني شي وش دراني انا
فهد ابتسم:يله ربوح مشا رابح
شوق:رابح حط اغنيه
رابح ابتسم وهز راسه فتح جواله وحط اغنية محمد عبده سريت ليل الهوى وبدت كلماتها
موال
قال لي والتلال قد لفها الصمت كما لفنا الهوى بردائه
ويميني تحيط عطفيه والبدر مظل واللحظ في اللحظ تائه
كيف احببتني كيف احببتني وفسر ماقال بإيماء الهوى وذكائه
وانثنى ضاحكا يشاركني الضحك بابتساما ينم عن ذكائه
واستحى والحياء فن من الحسن اضاع الجواب في استحيائه
سريت ليل الهوى لين انبلج نوره طعس وغدير وقمر ونجوم منثوره
وانفاس نجد بها جرح الدهر يبرى
سريت ليل الهوى لين انبلج نوره
امشي على القدم وتسامرني القمره
يانجد الاحباب لك حدر القمر صوره
طفلت هلال ومن اربع عشر بدره
حبيبتي نجد عيني فيك معذوره
معشوقة القلب فيها للنظر سحره
فضت شعاع القمر في نجد مسحوره
من شاف لمعة قمر في خدة سمره
ردد رابح لما قال:حبيبتي نجد عيني فيك معذوره معشوقة القلب فيها للنظر سحره
نجد ابتسمت ومسكت يد الريم وشدت عليها
الريم همست لها:حبيبتي نجد اجل
شوق ولعت وهي كانت متوقعه يحط لها اهداء
وصلوا ونزلوا جمانه كانت واقفه عند الباب
جمانه ابتسمت:شوق وشبك
شوق خبطت كتفها وخبطت جمانه بالجدار
جو الريم ونجد
جمانه وهي تحسس مكان الضربه:وش بلاها؟
الريم ضحكت:رابح شغل اغنية سريت ليل الهوى
جمانه ضحكت:لايكون الي تقول حبيبتي نجد؟
الريم ابتسمت:اي
جمانه ضحكت:تستاهل هل قذره ويابخت نجد
الريم ابتسمت:الا يابخت رابح
نجد استحت وراحت ركض جواء
الريم ضحكت:يحليها استحت
جمانه ضحكت:اي
دخلوا البنات وسو جلسه صغيره لهم وجلسوا سواليف وضحك وشوي شوق تنكد والبنات ساحبين عليها
-الساعه 3:30-
الكل نام قامت نجد وهي طفشانة وقررت تروح تشوف الخيل وتمشي شوي بالمزرعه اخذت سماعتها ولبستها ولبست شال خفيف وفكت شعرها الي كان تحت رقبتها بشوي كانت لابسه بجامه سوداء طلعت تتمشى وكان الجو برد كانت بيضاء وخشمها احمر وكانت تسمع اغنية لاتقول ان اليالي فرقتنا وبدت دموعها تنزل رابح كان يسمع صوت خطوات راح يشوف من شاف نجد تمنى ان الوقت يوقف جلس يتاملها شوي بعدين انصدم وتقدم ووقف قدامها:لا يانجد لا
نجد لفت بخوف ودموعها على خدها
رابح:ليه قصيتي شعرك ليه قصيتيه
نجد وهي مقهوره منه ودمعتها مثل الجمره:عشانك تحبه قصيت شعري عشانك تحب شعري الاحمر الطويل قصيته ولو بيدي اشوه نفسي شهوتها لانك مثلهم تقيس الجمال بشكل مو بالروح
رابح بضيق:والله لو مو تقصين شعرك وتشوهين نفسك والله لو يصير الي يصير باخذك يعني باخذك وبحبك يعني بحبك
نجد دفته ودمعتها مثل الجمر:اكرهك تعرف كيف اكرهك اكرهك بس قلبي الغبي يحبك ويخاف عليك من كل نسمه
رابح بضيق: ليتني اقدر احضنك واعوض نفسي واعوضك عن كل هالبعد بس النصيب عيا يصيب يانجد عيا
نجد ضحكت بستهزاء:انت الي خليته مايصيب انت يارابح
قالت كذا وراحت جواء وهي متقطعة بكي حطت راسها ونامت
-مر أسبوعين جاء اليوم المنتظر ملكة رابح وشوق-
-المغرب الساعة 7:30-
-بالمجلس الخارجي ببيت الجد كان معزول عن البيت-
الريم وهي تتصل على خوف:وينك
خوف:عند الباب افتحي نجد به صح
الريم:اي اي
نجد وهي متغطيه:روحي افتحي بدال هسوالف
الريم فتحت الباب ودخل خوف المجلس
نجد وقفت:شلونك خوف؟
خوف ابتسم وهو منزل راسه وحاط يده على صدره:الحمدالله انتي شلونك؟
نجد:الحمدالله
الريم:مو وقته اجلسوا بسرعه
نجد جلست باخر المجلس وخوف باول المجلس
الريم:خوف وش عندك؟
خوف ابتسم بنصر:انا عندي تسجيلات ومقاطع والي تبين
الريم:ونجد
نجد ابتسمت بنصر:انا عندي صور وفديوهاتهم مع بعض
الريم ضحكت:حلو الحلو رابح وين؟
خوف:رابح جاي بطريق
الريم ابتسمت:خوف اذا جاء انتظر برا عشان اذا جن مايصير شي
خوف طلع ينتظر جاء رابح ودخل
رابح:وش فيه
الريم اشرت له يجلس قدام الكمبيوتر جلس رابح وبدت الريم تعرض له بلاوي شوق تحت صدمته
رابح بعصبيه وعروقه طالعه:انا يلعب علي؟
نجد بقهر:اي لانك حمار
رابح قام بعصبيه:نجد تبخري من قدامي
نجد راحت وهي مبسوطه انه عرف الحقيقة
رابح بعصبيه وهو توه يستوعب:شوق بتوقع
دخل رابح بسرعه وقال بصوت عالي:شوقق
حمد كان ماد لها الدفتر توقع بس انصدم من جاء رابح وضربها كف
حمد دفه وبعصبية:خير
رابح بعصبيه دفه:وخر ياحمد وخر شله ياجراح شله
جراح شال حمد
شوق بكت:وشبك
رابح مسكها مع فكها:انتي وحده رخيص انتي طالق طالق طالق
شوق شهقت وبكت
سحبه جراح لمجلس الرجال وهو مخنوق ومو قادر يتنفس
نجد شافته وشافت شكله وراحت غرفتها تبكي
-بمجلس الرجال-
الكل راح بس بقى الاهل
الجد بحده:رابح وش بلاك
رابح وهو يفك زرا ثوبه ويتنفس بسرعه:جدي خل خوف يقولك الموضوع ماني قادر اتنفس
خوف سرد لهم الموضوع:يعني رابح معه حق يطلق
العم خالد بعصبيه:جراح خذها وقلعها لجدتها
جراح هز راسه:ابشر بس انت هد ياجدي هد حمد قم
حمد وقف عند باب المطبخ:ياجمانه
جمانه جت:سم
حمد:قولي لاختك تجهز اغراضها وتطلع لي بسرعه
جمانه هزت راسها راحت وقالت لشوق لمت شوق ملابسها ولبست عبايتها وطلعت مع حمد وركبت وهي بس تبكي
حمد بحده:الله ياخذ نفسك انا تخانقت معه عشان سواد عيونك واخر شي طلعتي انتي الغلطانه
شوق وهي تبكي:بس انا احب ناصر
حمد بعصبيه:دامك تحبين التبن ناصر ليش ماتكلمتي ليش ماقلتي مابي رابح
شوق كانت تبكي لين وصلوا طق حمد الباب على جدة شوق
جدة شوق فتحت الباب:هلا ياولدي؟
حمد حب راسها:جدتي جدي يقول ماعاد يبي شوق خليها عندك
جدة شوق دخلتها:ابشر انت وجدك بس وش السالفة
حمد:خليها تقول لك السالفة
الجده هزت راسها ودخلت ورجع حمد للبيت
-بمجلس الرجال-
سعود بعصبيه:رابح علي بطلاق غير تقوم معي للمستشفى
رابح وهو مو قادر يتنفس قام وراح معه
-بالمستشفى-
دخلوا سعود ورابح للطوارئ
الممرضة وهي تقيس الضغط:مرتع مره متعرض لشي يخليك تعصب
رابح وهو مكتوم يهز راسه
سعود:لو سمحتي مو قادر يتنفس
الممرضة حطت حبه تحت لسانه:إعراض جلطه بس دعواتك تعدي
سعود بصدمه:هاه
الممرضة خذت رابح للاشعة
سعود رد على سعاد
سعاد:تكفى ياسعود وشبه رابح
سعود:مابه شي هدي
سعاد:حلفتك باغلى ما تملك وشبه
سعود وهو يحاول يكتم صوت عبرته:إعراض جلطه
سعاد شهقت وبكت:لا تكفى توه صغير
سعود ابتسم بضيق:ماتعرف الجلطه عمر
سعاد قفلت ولبست جلالها وتوجهت لهم كان الكل بمجلس الرجال ينتظرون خبر منها
الجد:بشري يبه عساه بخير
سعاد كانت تبكي:معه اعراض جلطه
الكل شهق
نجد وهي تبكي:مانتم رجال اذا تركتوا ناصر بحاله
خوف ضحك والعبره خانقته:والله مايسلم وانا اخو رابح
طلع خوف وشاف ناصر يتقهوى
خوف ابتسم:هلابي
راح خوف ومسك ناصر وبدا يضربه وكل ماتخيل شكل رابح ضربه اقوى لين جاء جده وقال بصوت عالي:خوف خلص ياخوف
خوف قام وتفل عليه:هاذا ابسط شي ترقب الايام الجايه
ناصر قام وانحاش ووجهه كان مو باين به ملامح
-ببيت الجد-
نجد كانت تبكي والريم تواسيها
الريم ابتسمت تبي تغير الموضوع:وين الي تقول لو اخر رجال بدنيا ماخذيته
نجد وهي تبكي:نذر علي لو يطلع بسلامه ويخطبني لا اوافق عليه
-بالمستشفى-
خوف راح واخذ سعاد
سعاد شافت سعود منزل راسه ودموعه تنزل غصبن عنه ركضت ووقف قدامه:سعود
سعود فز ومن شافها حضنها ودفن وجهه على كتفها وكان يبكي قالت بحنيه وهي تمسح على ظهره :خلاص ياحبيبي والله رابح بيطلع مابه الا العافيه
طلع الدكتور راحوا له
الدكتور كان مبتسم:الحمدالله مو جلطه بس جته حالة انهيار من عصبيه او من خوف والضغط نزل
خوف ابتسم:الحمدالله
سعود ابتسم وحضن سعاد:الحمدالله يارب الحمدالله
خوف ابتسم:دكتور متى يطلع
الدكتور:الحين تقدرون تاخذونه
طلع رابح وهو يسكر زراره وركب مع سعود وراحت سعاد مع خوف
-بسياره-
سعود وهو يبي يغير الجو:ماتوقعتك تحب شوق
رابح بقهر:لا ياسعود والي رفع سبع ونزل سبع ماحبها بس انقهرت اني كنت بخلي نجد الثانيه وجرحتها وخذيت شوق واخر شي طلعت رخيصه انا فرطت بالغالي وخذيت الرخيص
سعود ابتسم:الريم تدق
رد سعود
الريم وهي تبكي:تكفى سعود شلون رابح
نجد خذت الجوال منها:سعود تكفى نخيتك تقول انه بخير
سعود مد الجوال لرابح
رابح بتعب:الو
نجد وهي تبكي وتشاهق:الحمدلله يارب الحمدلله
رابح وهو يتنحنح:ليه ياعين ابوي ليه تبكين تكفين امسحي دمعتك غالية علي
نجد ابتسمت:الحمدلله على سلامتك
رابح ابتسم:الله يسلمك انا بخير بشروهم بس ماني راجع البيت مقدر بروح انا وسعود تمشيه لطائف ونرجع بعد يومين
نجد ابتسمت:ابشر
رابح ضحك:من قدك اول من عرف انتي
الريم ضحكت:اقول دز امها
قالت كذا وقفلت بوجهه
الريم نزلت تبشرهم والكل فرح
-بعد مرور شهرين بدون احداث تذكر-
-بمجلس الحريم-
افنان:رويحه الثامن؟
روح:اي الحمدلله دخلت الثامن
الجده:يمه انتبهي تهلكين نفسك او تشتغلين
روح هزت راسها
-بمجلس الرجال-
رابح ابتسم:فهود
فهد لف:سم
رابح ابتسم:سم الله عدوك انا جاي اخطب نجد اذا وافقت
فهد:ابد موافق بس اشوف نجد واجيك
الجد ضحك:انت اقعد مايجي من وراك الا المصايب ووجهك نحس عزوز قم
عزوز قام ودخل:نجيد نجدددد
نجد جت وهي تضحك:سم
عزوز حضنها:اشتقت لك طولتي عند فهد حتى انا اخوك وابيك عندنا
نجد ضحكت:بكره بجي كم عندنا عزوز
عزوز ابتسم:رابح خطبك موافقه
نجد ابتسمت:الي تشوفه
عزوز:موافقه ؟
نجد هزت راسها ودخلت ركض مستحيه
راح عزوز والكل بارك لهم
رابح ابتسم:الملكه اليوم
الجد ضحك:مستعجل خلص الي تشوفه
رابح استحى وسكتت
جاء الشيخ بعد ما كلموه ووقعوا جاء وقت الشوفه قال عزيز لنجد تدخل المجلس وهزت راسها ودخلت المجلس
وصف خفيف
نجد كانت لابسه جمسوت ابيض وحاطه روج احمر وسوت شعرها ويفي وبرزت عيونها الناعسه وخشمها كان احمر
دخل رابح وشافها ابتسم جلس جمبها ومسك يدها:نجد
نجد وهي تتامله وتبتسم:همممم
رابح ابتسم:نفتح صفحه جديده
نجد ابتسمت:ليه وش صار
رابح ضحك وحضنها:احبك
نجد ضحكت وشدت عليه:اعشقك تعرف كيف اعشقك
رابح ابتسم وبعد عنها:بس ابيك توعديني وعد
نجد ابتسمت:اسلم
رابح:لاتقصين شعرك مره ثانيه
نجد عبست وميلت شفايفها:وين الي يقول بيحبني بكل حالاتي
رابح:احبك لو انك مقرعه بس احب اشوفك بطويل
نجد ابتسمت:ابشر وعد وانا ابيك توعدني
رابح:وشو
نجد ابتسمت وعيونها تدمع:مابيك تترك يدي لو يصير الي يصير
رابح ابتسم ومسك يدها وباسها:وعد ماترك يدك
نجد ابتسمت وحضنته:اشتقت لحضنك
رابح ابتسم:وانا بعد وانا
الريم دخلت:خلص يله بنجلس معها
رابح ضحك:نجد قولي تم
نجد بعدت وابتسمت:تم
رابح ضحك:العرس بعد اسبوعين
نجد ضحكت:تم
الريم صرخت:ياخفيفه لا مو كذا
رابح ابتسم واخذ جوال نجد وفتحه ببصمة وجهها وكتب رقمه وسمى نفسه(حبيبي وحط قلب احمر)
نجد ضحكت:الثقه الي بمحلها
رابح ضحك وراح
نجد كانت تتامل ضحكته
الريم صرخت:خلصتي
نجد فزت:وجع يالريم وجع خوفتيني
الريم ضحكت:ترا كل يوم يضحك وضحكته شينه امشي
نجد ابتسمت:اي هين
راحوا للمجلس
الجده:نجد يمه متى العرس
نجد ابتسمت:رابح يقول بعد اسبوعين
صرخوا البنات ونجد سكرت اذنها وضحكت
الجده:وجع وش بلاكم
روح:وينه يانجد
نجد ضحكت:راح قسم الرجال
روح:اوريه
نجد ابتسمت وجلسوا يسولفون ويضحكون وجاء العشاء وتعشوا
-بمجلس الحريم-
نجد ابتسمت من ارسل لها رابح:فاضيه اقدر ادق
نجد قامت للحوش الي ورا وردت:اي
رابح كان بسيارته دق عليها
نجد ردت:الوو
رابح ابتسم:يالبيه يانجد شخبارك
نجد ابتسمت:الحمدلله انت شخبارك
رابح ابتسم:توني اصير بخير
نجد ضحكت:يويلك من روح
رابح سرح بضحكتها:وليه؟
قالت له نجد وش صار
رابح ابتسم:خليك من الموضوع جازت لك ضحكتي
نجد استحت وارتبكت:هاه لا
رابح كشر:يعني ضحكتي مو حلوه؟
نجد:لا مو كذا اوفففف رابح
رابح ضحك:ادري انك بتنحاسين
نجد بحده:ربوح اوريك
رابح:نجد
انصدم رابح من قفلت بوجهه عصب مره
-عند البنات بمجلس البنات-
روح:عمتي
سعاد لفت:همم
روح:شلون سعود معك؟
سعاد ابتسمت وانسدحت جمبها:يجنن والله ماتوقعته كذا
روح ابتسمت:الحمدلله
روح تذكرت سالفة راشد اشرت لريم تجي قامت الريم معها
الريم:وش عندك
روح:تتذكرين صديقتك ريانه
الريم ابتسمت:اي وشبها
روح ابتسمت:راشد يحبها
الريم بصدمه:هاه
روح حكت لها كل شي:وهو يبيك تصيرين وسيط
الريم ابتسمت:طيب انتي روحي انا بكلمه
روح هزت راسها وراحت للمجلس كلمت الريم راشد يجي للمطبخ
-بالمطبخ-
كان الريم تنتظر راشد
راشد جاء وكان مبتسم:سمي
الريم:سم الله عدوك وش الي سمعته من روح
راشد بصدمه:وشو
الريم بحده:انت تحب ريانة
راشد:اي بس اصبري اوضح لك
الريم ضحكت:امزح معك يبن الحلال بالعكس اتمنى تتزوج ريانه
راشد اخذ نفس:خوفتيني الله يهديك ياعمتي
الريم ضحكت:احسن عشان مره ثانية تقول لي
راشد ضحك:تبين قهوه؟
الريم ابتسمت وهزت راسها:ماقول لا
راشد:اجل انا بخطفك جيبي عبايتك
الريم ابتسمت وجابت عبايتها وراحت مع راشد بدون ماتعطي احد خبر
-الساعه 11:30 باليل-
فهد من باب المطبخ:يالريم
نجد جت:فهود شتبي
فهد:ابي الريم ناديها
نجد راحت للمجلس
نجد:روح وين الريم
روح هزت كتفها:مدري كانت معي بس مدري وين راحت
نجد دورتها بكل البيت بس مالها اثر وجوالها مقفل
نجد وهي تحاول تاخذ نفس:فهود مالقيتها وجوالها مقفل
فهد بحده:شلون ماتدرين وينها
نجد بحده:فهود مدري البنت اختفت
راح فهد بسال اخوانها
وراحت نجد قالت للبنات انها مختفيه وكل البنت استنفر يدورون الريم
محد انتبه ان راشد مو فيه بس توقعوا رجع لبيتهم
-الساعه 12:30-
الكل منهار مو لاقين الريم
روح كانت تبكي:شلون اختفت
نجد كانت اكثر وحده منهاره وتشاهق وتتصل على الريم
فهد كان منهار داخلين بس يدور
دخلوا راشد والريم وهم يضحكون بس سكتوا من شافوا الكل منهار
————————————————————
(هلا هلاوالله معليش تاخرت الفتره الي طافت لاني كنت مسافره وتعبانه بس رجعت لكم بقوه عطوني رايكم لانه يهمني احبكم لاتنسون النجمه والدعم احبكمممممم ❤️❤️❤️❤️❤️❤️❤️❤️❤️)
————————————————————