ياوجهٍ ملاه الحسن سبحان باريّه ‏تاهت وصوف الشعر في جل حسنه

البارت الواحد والعشرين

خوف:اسمعيني يمه لاحد يقاطعني لو سمحتوا انا تزوجت قبل ست سنوات منال*** ****** زوجة اخوي وصديق عمري صقر الي توفى بحادث مروري كان كاتب بوصيته لي تزوج منال لان مالها احد وانا عقيم وهي نفسها بولد وانا تزوجتها على سنة الله ورسوله يوم درت اني حبيت شيم وتزوجتها طلبت الطلاق عشان ماتخرب حياة احد بس انا رفضت لان مالها ذنب ولما درت ان شيم حامل قالت طلقني وقبل شهرين قالت طلقني بس انا مراح اطلقها لانها بحاجتي لان معها مرض القلب وباي لحظه بتموت ومالها احد وهاذا ولدي واسمه صقر
صقر كان يلعب بالحية ابوه
خوف جلس واشر لصقر:صقور شف هاذا جدي وهاذي جدتي رح حبهم
نزل صقر من حضن ابوه راح حب يد الجد والجد حضنه وشاله:ياهلا بحفيدي صقر
نزل صقر وراح حب جدته ورجع لحضن ابوه
خوف:وهاذي جدتي امل وهاذي عمي بدر وهاذا عمتي روح وهاذا عمي رابح وهاذي عمتي الريم وهاذي عمتي نوره وهاذا عمي ذيب
وبدا يعرفه على الكل وخلص
نزل صقر وركض وسلم على الكل وراح ركض وحضن روح
روح ماقدرت تزعل على طفل ماله ذنب حضنته:ياهلا ومرحبا بصقر
صقر:عمتي انتي حلوه بابا وراني صورتك
روح بكت:انت الحلو ياماما
صقر همس لها:وين اخوي الجديد وماما شيم؟
روح اشرت على شيم
نزل صقر من حضن عمته راح ركض وقف قدامها:انتي ماما شيم؟ ماما منال قال انتي امي الجديده
شيم بكت وحضنته وهي ساكته وكانت تتقطع
صقر:ليش تبكين ماما قالت لي الامهات مايبكون
شيم بعدت:لا ياماما كنت اضحك شف اخوك ليث صغير مره صح زيك حلو
صقر هز راسه:اي
-الساعه ١١:٣٠-
الكل كان حاب صقر لانه كان طفل هادي لابعد درجه بدا الكل يرجع لبيته الا امل وخوف كانوا جالسين عند الجد
قام خوف وراح بيته وكان صقر نايم على كتفه حطه بسريره ونام دق جواله رد كانوا المستشفى يكلمونه يقولون له حالت منال حرجه ولازم يجي شال صقر وراح وهو بطريق دق على جوال شيم
شيم ردت وهي ساكته
خوف:ادري زعلانه مني بس عادي اجيب لك صقر لان المستشفى يبوني الحين وهو نايم مقدر اتركه لحاله بالبيت
شيم:اي جبه
خوف:انا عند الباب افتحيه
قفلت ونزلت وفتحت الباب دخل خوف وهو شايل صقر وراح غرفة شيم وحط صقر بسريرها وشيم وراه
خوف:مشكوره ياشيم يابنت الاصل
شيم:صقر ولدي الثاني
خوف نزل وراح للمستشفى وصل ونزل وراح غرفة منال شافها منسدحه راح ومسك يدها
خوف:شلونك؟
منال:احسن وين صقر؟
خوف:عند شيم نايم
منال:اسمع خوف بكره جب صقر وشيم ابي اكلمهم
خوف هز راسه:ابشري بس انتي الحين ارتاحي
-صباح اليوم الثاني-
كانت شيم جالسه تمشط شعرها قام صقر شاف حوله شاف شيم نزل وراح جمبها
صقر:ماما شيم
شيم لفت:ياعيون ماما شيم
صقر:انت كثير حلوه
شيم ابتسمت:ياحبيبي انت الحلو والله تبي ننزل؟
صقر:اي بس وين بابا
شيم:بابا راح عند ماما منال الحين يجي
صقر:بروح عندها
شيم:اول خلنا نروح نروشك ونلبس لبس حلو وبعدين ننزل ونروح
صقر هز راسه دخلوا وبدت شيم تحممه وبدوا يلعبون بالموية وطلعوا ولبسته وعطرته ومشطت شعره ولبست عبايتها ونزلت وقالت لسحر تنتبه لليث
صقر اشر لشيم:ماما انتظريني
راح ركض وحب ليث ورجع مسك يدها وطلعوا ركبت شيم وبحضنها صقر وصلوا للمستشفى ودخلوا غرفة منال راح ركض صقر وحضن امه وبدا يحكيها وش صار معه
منال وهي تكح اشرت لخوف ياخذه ويطلعون طلعوا بقت شيم الي كانت واقفه بعيد
منال:شيم ععادي تقربين
شيم جت وجلست جمبها
منال:شيم ادري انك ماتحبيني بس خوف ماتزوجتي حبن فيني تزوجتي عشان عمي لان ابوي وزوجي واخوي كلهم ماتوا بس بقيت انا عمي خذا ورثي وكان بيزوجني ولده المدمن خوف انقذني بس خوفك يحبك اشوف هشي بعيونه من عرفك
شيم ابتسمت وكانت بس تسمع
مره اسبوع وشيم تروح وتجي لمنال
دخلت شيم ومعها حلا وقهوه وجلسوا يسولفون ويضحكون
منال:شيم ابيك تربين صقر اذا متت
شيم:لا تقولين كذا الله يطول بعمرك وتربيته
منال:وش صار رجعتي لخوف ؟
شيم:معليك من خوف انتي احسن الحين
منال فجاه ابتسمت وطاحت بفراشها طلعت شيم ركض شافت خوف
شيم راحت له:خوف منال منال تعبت
خوف راح ركض لمنال هو والدكتور جلست شيم وهي حاضنه صقر طلع خوف وجلس الدكتور جوا طلع الدكتور وعلمهم انها توفت
خوف طاح على ركبه سوو عزاء بعد العزاء باسبوع
-ببيت الجد الساعه 12:30-
كان في رجال عند الجد جايين من الخبر راح خوف يجدد القهوه وكان لابس ثوب اسود ورابط عمامه وكان شكله جذاب كان يصخن الدله
دخلت شيم وهي حاطه جلال عليها وما انتبهت له شربت مويه وهي معطيته ظهرها
خوف:شيم
شيم لفت وصرخت وطاح الكوب :بسم الله روعتني
خوف ضحك:معليش بس بكلمك بموضوع
شيم:خوف اعرف موضوعك رجعه ماني راجعه وطلاق بتطلق
خوف ابتسم:اسمعيني بعدين قرري
شيم:اسمعك
خوف:منال وصيتها تربين صقر ارجعي عشان ليث وصقر مو عشاني تكفين ياشيم
شيم راحت بدون ماترد خوف خذا القهوه وراح
-بمجلس الرجال-
متعب:وين دورة المياه ؟
ماجد:يسار
متعب هز راسه وراح لدورة المياه طلع وبدا يغسل يده رفع راسه يبي يعدل شماغه شاف وحده واقف لف شاف وحده جميله آيه بالجمال وسمع وحده تناديها وعرف اسمها راح ركض عند ابوه
ابو متعب:وشبك يبه مطفوق؟
متعب كان يهمس لابوه:يبه انا ابي اتزوج
ابو متعب لف:هاه؟ من ومتى؟
متعب:انا شفت بنتهم بالغلط اسمها نجد وجازت لي اطلبها لي الحين
ابوي متعب:اصبر يبه هي مي لبس من ملابسك هاذي ادميه
متعب بحده:يبه الحين
الجد:عسى ماشر يابو متعب
ابو متعب:اسمووحه ياخوي بس متعب بالغلط شاف بنت من بناتكم ويبي يخطبها
الجد:هاذي الساعه المباركه منهي؟
رابح ابتسم:انشهد منهي يامتعب؟
متعب بلهفه وحب:انا جاي اخطب من بيتكم يا رابح بنتكم نجد
رابح كان احد ساطره كف
الجد بصدمه:انت شفت نجد؟
متعب هز راسه:ايه ياعم بس بالغلط
الجد:اعذرنا ياولدي بس البنت مخطوبه خاطبها ولد خالها رابح
متعب تفشل قام وحب كتف رابح:اعذرني ياخوي ماكنت ادري انها مرتك
رابح وهو يفور بس مو مبين:لا عادي حصل خير عن اذنكم
طلع رابح وراح للمطبخ وصوت بصوت عالي:نجدددد يانجد
نجد جت تركض:سم ياحبيبي
رابح كان يناظرها من فوق لتحت وولع كانت لابسه فستان اسود برز لونها الابيض وشعرها الاحمر وكانت حاطه مكياج ناعم ولابسه كعب اسود وفستانها حرير طايح ومفتوح من فوق ومن تحت وكانت حاطه شال خفيف عليها والي زاد الطين بله كانت حاطه روج احمر
رابح بحده:شافك كذا؟
نجد:من ووش شاف ؟
رابح مسك يدها:نجد متعب خطبك اليوم والولد متخبط ويقول انه شافك معنته طلعتي بوجهه
نجد دفته:رابح انا ما طلعت بوجهه احد ولا احد طلع بوجهي انا نجد صحصح
رابح وهو يولع:والله لاخذ روحك وروحه شلون تسمحين له يشوفك بهاذا الشكل وانتي بكامل زينتك
نجد دفته:يامريض شلون تكلمني كذا وبعدين قل لزفت متعب مو لي هو الي شاف مو انا ركز بكلامك
رابح ضحك بقهر وقال بحده:اوه عارفه اسم حبيب القلب اكيد صار بينكم شي ولا الولد مايصر عليك هل كثر وش صار بينكم؟
نجد صفقته كف:تعقب انت وغيرك تتكلمون بشرفي واخلاقي فاهم وبعدين يا اخ انت توك قايل اسمه
راحت نجد ورجع وهو يولع راحوا الرجال بقى بس اهل البيت رابح جاته مكالمه من الريم طلع ورد:هلا يالريم
الريم:ياكلب وش مسوي بالبنت جالسه تبكي بغرفتها
رابح استوعب وش مهبب:قفلي الحين اجيكم
راح رابح قسم عمته شاف الريم
رابح:وينها؟
الريم:فوق
رابح صعد فوق طيران دخل وشافها تبكي على سريرها راح وحضنها
نجد دفته:وخر عني
رابح:نجد يانجدي والله مو قصدي بس انتي لو شفتي الطريق الي خطبك بها كان شوي ويموت عشان ياخذك
نجد وقف قدامه:وانت وش سويت جيت شككت بشرفي هاذا الحل؟
رابح:انا ماقصدي كذا بس هو قال جاي اخطب نجد سمعت اسمك من شخص غريب جاي يطلبك مني يانجد بغيت اموت يوم قال جاي اخطب بنتكم نجد حسيت سكين دخلت قلبي وليتها دخلت قلبي قبل اشك فيك
نجد حضنته:لا تدعي على نفسك انا مسامحتك
رابح ضحك:بعدين طبيعي بغار دام زوجتي حلوه كذا
نجد استحت:اقول شرايك تتقلع
رابح مثل وجهه البري:لا تكفين بنام عندك تعرفين ابوي توه متوفي
نجد ضحكت:ياحبيبي مو حلا هو حتى انا ابوي متوفي دزها بس وناد لي الريم
رابح قبل يطلع :اوريك يانجد بكره اتزوج غيرك وانام بحضنها
نجد دفته وطاح حطت رجلها على صدره:كانك رجال طالع من ظهر رجال تزوج غيري
رابح قام وكتفها على الجدار:وانا ولد هاجر ولده انا رجال غصبن عن الي يرضى والي مايرضي
نجد حبت خشمها:والنعم بك يارجال قلبي بس نوم عندي مافي يله تقضب الباب
رابح تركها:هين
قال كذا وراح
- الساعه١:٣٠بمجلس الحريم-
بعد ما الكل راح شيم وروح بالمجلس
شيم قالت لروح السالفة:تبين الصدق انا مابي اترك لا صقر ولا ليث ولا الكلب ابوهم وش اسوي ؟
روح ضحكت:اجل قولي انك رجعتي عشان العيال وابيك تلعبين باعصابه يعني اطلعي وروحي وتعالي واهتمي بنفسك بس بيني انه مو له ولما تشوفينه ندم حيلل سامحيه
شيم ضحكت:متاكده انه اخوك ولا عدوك
روح ضحكت:اخوي بس يستاهل
شيم ابتسمت:اجل دقي عليه خليه يجي
روح اشرت لها بتم ودقت وجاء خوف
خوف:وشبكم؟
روح:شيم تبي تكلمك انا عن اذنكم
طلعت روح وراحت بيتهم مع مطلق
خوف:امريني ؟
شيم:قررت ارجع
خوف لف بفرحة:صدق؟
شيم:اي بس برجع عشان العيال مو عشانك
خوف:زين اغراضك وينهم؟
شيم:اغراضي جاهزين بس امر بيت اهلي اجيبهم
خوف هز راسه واخذ صقر بيد وليث بيد وشيم وراهم
ركبت شيم وحطت ليث بحضنها وصقر كان ورا وصلوا نزلت شيم وعطت ليث خوف
صقر:بابا ليث يروح معناا البيت؟
خوف لف وضحك:مو بس ليث حتى ماما شيم
حطت شيم اغراضها ورا وركبت
صقر:يسلام ماما تروحين معنا؟
شيم لفت ومسكت خده وحبته:اي ياحبيبي اروح معكم
وصلوا بيتهم ونزلوا وشال خوف اغراض شيم وشيم شالت عيالها ودخلوا رمت شيم عبايتها خوف انبهر كانت لابسه فستان احمر قصير تحت الركبه بشوي ومفتوح من فوق
خوف:ماشاءالله تبارك الرحمن ملاك مو انسانه
شيم لفت وسحبت عليه وراحت غيرت وحطت ليث بسريره وطلعت فراش لخوف وحطته على الكنب
خوف دخل وبيده الشنطه حطها
خوف شاف الفراش:هاذا لمن
شيم لفت:لك
خوف:زين
دخل خوف الحمام وتحمم ولبس شورت اخضر وتيشيرت اسود طلع وانسدح وشاف شيم منسدحه بسرير وتقرا على صقر لين نام ونامت هي وجلس خوف يتاملهم قام وسوا قهوه سوداء له وطلع للبلكونه الي بغرفتهم واتصل على فهد
فهد:هلا ابو صقر؟
خوف:هلابك ياحبيبي صحيتك؟
فهد:لا ياحبيبي انا صاحي امرني؟
خوف:رجعت شيم
فهد ضحك:الحمدلله مابغينا
خوف:بس رجعت عشان العيال
فهد:مع الايام ترجع علاقتكم بس ليش متضايق؟
خوف:شفتها اليوم بشكل يشلع القلب وشلعت قلبي وبعدين شفتها حنونه مع ولدي كانه ولدها بس بعيده عني ومقدر احضنها ابي حل
فهد:حاول تتقرب منها خذ اجازه واجلس بالبيت
خوف:تهقا؟
فهد:اي سو زي ماقلت لك وتنحل
خوف:طيب نشوف تبي شي؟
فهد:سلامتك
قفلوا راح خوف ينام وانسدح ونام
-صباح اليوم الثاني-
قامت شيم وتمغطت غسلت وجهها وصلت وراحت فراشه مالقلت صقر نزلت تدوره تحت لقته جالس يتابع تلفزيون راحت وبدت تلاعبه جاء خوف من برا
خوف:السلام عليكم
شيم:وعليكم السلام
خوف:ابي اغفي صحيني العصر
شيم:ابشر
راح ينام قامت شيم حممت ليث وصقر ولبستهم زي بعض وكلمت مطلق يمرهم يتمشون وجاء مطلق ركب صقر بين مطلق وشيم وليث بحضن شيم
صقر:خالو مطلق
مطلق لف:ياعيون وقلب وروح خالك
صقر:ابي ايسكريم عادي تجيب لي؟
مطلق ضحك:بس ابشر
وقف مطلق عند بقاله اخذ صقر واخذ صقر بس عسكريم ورفض ياخذ شي ثاني رجعوا ركب صقر ورا وكان ياكل اسكريم ويتابع كرتون
مطلق ابتسم:ماشاءالله ولدك هاذا موادب حيل الله يحفظه
شيم ابتسمت:اي بسم الله عليه
مطلق:ايه وش صار ؟
شيم:كلمني خوف ارجع عشان العيال ووافقت ارجع عشان عيالنا
مطلق ضحك:عيالكم ولا عشانه وحشك؟
شيم ضحكت:فاهمني بس زعلانه عليه يعني مو تخربها انتبه
مطلق ضحك:تعجبيني ياخي ومن فكر هل فكره
شيم ضحكت:في غيرها مرتك
مطلق ضحك:بديت اخاف منها
شيم ضحكت
طلعوا وتمشوا ساعتين ونص اذن العصر ورجعوا
-ببيت خوف-
رجعت شيم وهي ماسكه صقر وليث شافت خوف جالس على الكنب ينتظرهم
خوف:من وين ياهانم؟
شيم:ابد طلعت تمشيت مع مطلق
خوف:وانا مزهرية ؟
شيم:خوف لا تبدا تعال خذ صقور نايم
خوف راح واخذ صقر وحطه بسريره وليث بسريره ونزل شاف شيم تسوي حلا راح حضنها
شيم كانت تتمنى تحضنه وتشد عليه بس الزعل مايسمح لها:خوف وخر عني
خوف انكسر شوي وبعد:انا بطلع
-بعد مرور خمس ايام وشيم اسلوبها يزود سوا مع خوف-
كانت شيم نايمه وصقر جمبها قامت مالقته وتصوت له ماله صوت اتصلت على خوف
شيم بخوف:خوفي صقر مختفي
خوف ابتسم:صقر معي رحنا السوبرماركت
شيم زفرت براحه:خفت عليه
خوف ضحك:خليك من صقر وش اول كلمه قلتيها انا شسمي؟
شيم استوعبت:خوف وشبك بلا استهبال يله سلام
قفلت خوف كان يضحك وهي ابتسمت بحب
رجع خوف وهو شايل الاغراض وكان لابس شورت اسود وتيشيرت رمادي بارز عضلاته وكان شعره محيوس كان شكله يجذب
شيم جتها مكالمة من سحر ردت:هلا سحوره؟
سحر ضحكت:انتي ببيتك ورجلك ماشي بسوبر ماركت والبنات يصورونه ويتغزلون به
شيم:وشو؟
سحر:في وحده من صديقاتي مصور خوف ومرسله لي شوفي هل مز يارب مو متزوج وتمدح قلت لها هاذا زوج اختي قالت الشرع حلل اربعه انتبهي على رجلك ياماما وترا بالمقطع كان شكله حلو صدق انتبهي
شيم عصبت:ارسلي لي المقطع بسرعه
سحر:طيب
ارسلت سحر المقطع شافت شيم خوف باين وكان يجذب حيل اتصلت على روح
روح:هلا والله
شيم:روح بموت شفت شي يقهر
روح:وش شفتي؟بسم الله عليك
شيم قالت لها كل شي:وش اسوي
روح ضحكت:جت لك من طبق من ذهب سوي زي ما اقول لك
قالت لها روح وش تسوي وقفلت ونزلت شيم وحطت الفطور وبدوا ياكلون
شيم:ماشاءالله صار عندك معجبات
خوف:وش تقولين؟ماني فاهم عليك
شيم فتحت جوالها وطلعت المقطع ومدته له
خوف:هاذا انا بس من مصورني وليه؟
شيم:وحده وتمدحك وقالت لها سحر انك متزوج قالت الشرع حلل اربعه
خوف:وانا وش دخلني؟ليه تقولين لي؟
شيم:اقولك عشان اذا بخاطرك تتزوج ماتخليها بخاطرك وتتزوج
خوف قام وضرب الطاولة:خلاص عاد طالة وشمخت انتي من جهه والدنياء من جهه انتي تعرفين اسباب زواجي وقلت وكررت وعدت خلاص ياشيم حاولت اصحح الحال بس ماتوقع انك تبينه يتصحح اذا مو عاجبك عادي اطلقك وصقر اربيه لحالي وانتي تزوجي وشوفي حياتك ترا زهقتيني بعيشتي كل الطرق الي احاول اسويها عشان ارضيك انتي ماتبين وتبعدين قلت احلها احاول بس انتي ماتركتي لصلح محل
قال كذا وقام وطلع برا شيم جلست تبكي كلمت روح وقالت لها
روح ضحكت:لا عاد طلع زعول اخوي
شيم:بس انا ماقلت له بس معجبات انا خربتها انا قلت له اذا بخاطرك تتزوج ماتخليها بخاطرك وتتزوجها وهو عصب
روح:لا ياشيم انتي خربتيها
شيم كانت تبكي:طيب ابي حل
روح:خلص اهدي بكلمه اشوف وينه واعلمك
شيم:انتظرك
-عند رابح-
رابح دق على نجد
نجد:الوو
رابح:يالبيه يصوت بس
نجد:امرني
رابح:اوهه طرده ولا وش
نجد:لا بس عندي صديقتي
رابح انسدح على سريره:عادي واذا عندك صديقتك انا اهم منها
نجد ضحكت:تقولك تعقب وهو فعلاً تعقب محد يوصل مواصيلها
رابح:اي زين خليها تنفعك سلام
ثال كذا وقفل بوجهها
نجد:اص
قعدت تضحك بعد ما قفل
-عند روح-
روح تتصل على خوف مارد دقت اخر مره
خوف رد وهو ساكت
روح زفرت براحه:ليه ماترد خوفتني عليك
خوف:سمي؟
روح:وينك؟
خوف:رايح للبر عندك شي؟
روح:اي اسمع عشان سالفة شيم ترا كانت مقهوره اعذرها
خوف:شيم ماخلت مكان للعذر زودتها حيل
روح:خوف هدها البنت غارت والغيره تعمل بلاوي خلص ارجع وحلها
خوف:روح بقعد ثلاث ايام بالبر عطيها خبر خليها تروح بيتكم او بيت اهلي
روح تنهدت:الله يهديك ابشر بس قبل تقفل انت بنفس مكانك؟
خوف:ايه
روح:زين انتبه لنفسك
قفلت
مطلق:وشبك
روح:خلك مني رح جب شيم وعيالها خوف بالبر بيقعد ثلاث ايام
مطلق هز راسه وقام
روح كلمة شيم
شيم وهي تمسح دموعها:بشري
روح:قالي انه بيقعد ثلاث ايام بالبر مطلق جاي ياخذكم اجهزي
شيم بكت:زين يله
قفلت ولمت ملابسها وملابس عيالها
صقر شاف شيم تبكي راح لها
صقر سحب بجامتها عشان تشوفه دنقت شيم وجلست وصار طولها نفس طول صقر مسح دمعتها:ماما وشبك ليه تبكين
شيم ضحكت وحضنته:مابكي اضحك ياماما
صقر:ليش تلمين ملابسنا؟
شيم:بابا سافر وبنروح بيت روح
صقر انبسط:الله ووو ماجد هناك؟
شيم هزت راسها:نكلمه يجي طيب يله تعال اغير لك
غيرت لهم ولبست عبايتها وطلعوا لمطلق ووصلوا لبيته نزلت شيم وكانت شايله ليث وماسكه صقر بيدها صقر من شاف عمته فلت يده امه وراح حضنها ركض روح ابتسمت وشدت عليه
روح:ياهلا ومرحبا ياعيوني
صقر ضحك:وين هاجر وليل ؟
روح اشرت على السرير:شفهم هناك
راح صقر وبدا يشوفهم ويلاعبهم
شيم قعدت بعد ما رمت عبايتها:روح وش اسوي؟وش قال
روح:خليه يهدا واذا جاء اعتذري وابدوا صفحه جديده
شيم:تهقين؟
روح:اي امسكي تقهوي
شيم:ابيه يجي بدري وش يصبرني
روح ابتسمت:مدري اخوي واعرف عناده لو تسوين الي تسوينه مراح يجي
شيم ضحكت:هذاك اول
روح:وش بتسوين
شيم:تعرفين مكانه؟
روح:اي! وش بتسوين؟
—————————————————————————
(اعذروني على القطعه بس كانت عندي ظروف وابشروا ببارت ثاني اليوم باليل احبكم وعطوني رايكم❤️❤️❤️❤️❤️)
—————————————————————————