ياوجهٍ ملاه الحسن سبحان باريّه ‏تاهت وصوف الشعر في جل حسنه

البارت الخامس عشر

الريم:طيب صار الي تبينه
نجد دفتها وقالت بعصبيه:الريم انا حبيت رابح حبيت حنيته ورجولته قسوته ولينه حبيته افهمي صح بالبدايه مابيه بس الحين حبيته
الريم  حست انه غلطت حضنتها وبكت معها:انا اسفه يانجد اسف
نجد وهي تشاهق:قا قالي لا صار قلبك ما قدر يحتويني حرام احبك واتبعك واتمناك يكفيني من الصدق رعشه ايديني ويكفيني من الحب طيفك وذكراك يالريم كسرني كلامه يالريم
الريم شالتها وودتها غرفتها ونامت نجد وهي تبكي
وانتهت ليليه كانت حزينه على نجد ورابح الي مكتملة قصة حبهم
-صباح اليوم الثاني-
قامت نجد وغسلت وجهها وتحممت وانهارت تحت الدش طلعت وصلت ودعت وبكت وهي كانت حابه رابح حيل مو شوي بس ماتدري وش صار
-عند خوف وشيم-
شيم:خوف قم ترا طفشتني
خوف بعصبيه وهي يقتلب للجهه الثانيه:يابنت الناس وخري عني ابي انخمد
شيم كبت عليه مويه بارده وماتدري انها قربت اجلها بهل حركه
خوف قام والجنون تتنطط قدامه قادم ودفها:انتي قدها
شيم بتحدي ابتسمت:قدها
خوف رفعا وخنقها:مو انا خوف الي ينقال لي قدها فاهمه
شيم انكتمت عضت يده ودفته ودخلت الحمام وسكرت على نفسها
خوف مسح وجهه وجلس على السرير يستناها تطلع عشان يدخل يتوضى وفعلاً ماهي الا دقايق وطلعت شيم ورقبتها حمراء توجهه لها خوف ودفها شوي وراح ودخل الحمام وتوضى عشان يصلي وتوضى وطلع وصلى ونزل وهو لابس شورت اسود وتيشيرت ابيض وشاف شيم جالسه تكلم مطلق وشنطتها جمبها ولابسه عبايتها قفلت شيم
خوف بحده:خير يامدام وين
شيم بحده:دقيقه وحده مقعد عندك فاهم ترا وراي اخواني واهلي
خوف بعصبيه:تعوذي من ابليس وودي اغراضك فوق وخلي دلع البنات عنك
شيم رمت حجابها ونقابها وورته كيف يده مطبعه برقبتها:شف تخلفك وش سوا طحت من عيني حيل واكتشفت انك مو رجال
خوف قرب منها وكانت ترجع ورا لين انعدمت المسافة بينهم وقال والدم يطلع من راسه مسك فكها بقوه:منهو الي مو رجال رجل وغصبن عنك
شيم بقهر ووجع:انت تحسبني بخاف كان بك خير مد يدك بس والله يخوف ان مديتها احرم عليك ليوم الدين
خوف تركها ومسح وجهه واستغفر رن الجرس لبست عبايتها ونقابها وطلعت مطلق اخذ اغراضها وحطهم بسياره وركبت وحرك مطلق
مطلق:خير وش صاير
شيم ودموعها بعينها:مطلق مابي احد يعرف وبذات امي وابوي
مطلق ابتسم وباس يدها:ابشري بي نروح لبيتي عند حبيبة قلبك
شيم ضحكت:اي والله حبيبت الروح اشتقت لها
وصلوا بحكم ان البيت مو بعيد حيل
مطلق الي كان لابس بدلته ابتسم:انزلي لروح انا بداوم واجيكم بعدين
شيم هزت راسها وطقت الباب وفتحت لها روح وانصدمت من دخلت وحضنتها وهي تبكي شدت عليها:وشبك يانظر عيني
شيم كانت تشاهق وسكاته بعد ربع ساعه ارتاحت ورمت عبايتها وراحت عند روح شهقت روح من شافت رقبتها الي مطبعه عليها يد وفكها الاحمر:شيم!!!!!من مسوي كذا؟
شيم ابتسمت بالم:الي المفروض هو دواي
روح بزعل:لايكون خوف
شيم هزت راسها:تخيلي
روح بعصبيه:كسر يكسر ايده والله لاوريه نجوم اليل بعز الظهر هاذا تمرد والله لخلي ابوي يتفاهم معه
شيم:لاتكفين لاتقولين لاحد
روح:ليه خلي ابوي يربيه
شيم هزت راسها بنفي:تكفين لا خليها بعدين حتى هو مابيه يدري اني عندكم
روح هزت راسها وقامت زهبت جلسه عشان تغير نفسيت شيم
-ببيت الجد-
الجده والجد وعيالهم هاجر وذيب ونوره وسعاد وخالد وامل ورحمه جالسين يسولفون
دخل رابح وهو منصفر:السلام عليكم
الكل:وعليك السلام
الجد:وشبلاك
رابح هز راسه بنفي:مابي شي
الجد:براحتك
-الساعه ٨:٣٠ العشاء-
كان الكل مجتمع ببيت الجد والكل جالس بالمجلس
شيم ضحكت:روح يمه تتذكرون وش صار بالمزرعه
ضحكوا روح ورحمه وقالت روح:تخيلي ياخالتي
رحمه وهي تضحك:وشو يمه
روح وهي تضحك:مطلق مكذبني
رحمه ضحكت:ماله حق
الجده:هو وش صار ضحكونا معكم
رحمه ابتسمت وهي تشرح:تخيلي ياخالتي يوم كنا بالمزرعه يوم جو اهل الديره اول يوم نسولف انا وروح وجت وحده وسلمت وقالت روحي يابنتي ابي اكلم امك تحسب روح بنتي وقالت حابه اخطب بنتك وجيت بتكلم قالت ولدي مهندس ومزيون ويعيشها ملكه واابي اشرح ماخلتني قالت قبل تقولين اي شي عطيني رقمك واعطيتها وارسلت لي صورته وقلت لها انها زوجة ولدي واعتذرت وراحت
روح ضحكت:وقلت لمطلق وجلس يضحك يقول اعزميني على عرسك اقول خالتي معك صورته وريني شكله عشان اكنسل مطلق واخذه
رحمه فتحت جوالها وحطت صورته ومدت لها الجوال روح اخذت وشافته ولفته لهم:تهقون اكنسل مطلق واخذه
الجده بضحك:اي والله مزيون اسحبي على مطلق وخوذيه
مطلق ولع من الغيره رغم انه عارف انه مزح وسكت
الكل ضحك الا مطلق ورابح ونجد
خوف بحده:اقول رابح وشبلاك منصفر ومنت معنا
رابح استجمع قوته:انا ابي افصخ خطبتي من نجد
الكل شهق:ايشششششش؟
رابح بحده:الي سمعتوه
الجد بعصبيه:وليه؟
رابح بحده:مافيه سبب
الجد عصب:لا والله السبب انك رخمه ومنت رجل ولانك قد كلمتك ولا انت كفو
رابح بعصبيه:اي انا رخمه وماني رجل ولا قد كلمتي وماني كفو
الجد قام وصفقه كف:قم قم انقلع لابارك الله فيك
رابح قام يبي يطلع بس وقفه صوت يخبره صوت جاب راسه
نجد بكت:دقيقه رابح جدي انا بقول شي رابح ماله دخل انا وافقت على رابح عشان اقهر ام هادي وكنت جاهله مشاعره لي ولعبت بمشاعره وماعرفت غلطتي الا متاخر ولا والله ياجدي ان رابح ارجل واحد بعيالنا بس انا ماني كفو ولا استاهله والله يكتب له بنت الحلال
نوره بكت:يمه ليه سويتي كذا انتي ماكنتي كذا
رابح بحده:عمتي الي صار الي صار قفلوا على الموضوع بكره اجيب الورق ونتطلق وينتهي الموضوع
الجده:عين خير صل على النبي
طلع رابح ولحقته الريم بس شافته يطلع ومايرد عليها
طلع رابح ودمعته بعينه دق على سعود
سعود وهو مبتسم:سم يالحبيب
رابح بقهر ودموعه بعيونه:تكفىى ياخوي تكفى تعالي
سعود فز:ابشر بي وينك يعنبو من يردك
رابح بقهر:بمكاننا
سعود:جايك انتظرني
قفل رابح وراح فوق الجبل وجاء سعود
سعود ابتسم وهو متجهه له:وشبك
رابح حضنه ودمعته نزلت:اخخخخخخ ياخوي انلعب علي لعبه وصخه
سعود بحده:منهم الي لعبو عليك اشر لي عليهم
رابح جلس:نجد
سعود شهق:شلون
رابح بقهر:(قال كل شي من شافها وارسلت له لين الريم كانت تصوت له)اخخخخخ ياخوي كسرتني وانا بحياتي محد كسرني انا رابح انخذل بهطريقه ياخوي مكتوم
سعود حضنه:عوض الله اجمل وهي مهي نصيبك صدقني وربي كاتب لك الاحسن
مرت ساعه ورابح حاضن سعود بعد رابح ومسح دمعته وقام
سعود قام معه:شلونك؟
رابح ابتسم:اقوى من اول الحمدلله والي جابها يجيب غيرها
سعود ابتسم وضرب كتفه:انشهد ياخوي كلامك بمحله مشينا
رابح ابتسم:مشينا
سعود ابتسم:مشينا
-ببيت الجد-
الجده كانت تضحك بعد ماقفلت من المكالمة
الجد بحده:من الي كلمتك
الجده ضحكت:هاذا اخوي خالد بيجي هو وعياله
الجد ضحك:خالد بيجي والله تو ماتنور الديره
هاجر ابتسم:خالي خالد اي والله تو ماتنور الديره
خالد ضحك:ادري اني خالك مايحتاج
الجد:ياصبي  احترم اخوك
خالد الي صح كان يمون على ابوه بس يحترمه:سم طال عمرك
الجد ابتسم:ومتى جاي حبيب الروح
الجده:بيجي بكره العصر
الجد:زين وين رابح
ماجد:حنا مكانه وش بغيت
الجد ابتسم:محد يبرد خاطري غيره
رابح ابتسم من وراهم:امرني وش بغيت
الجد ابتسم:تعال جمبي
رابح جلس جمب جده والجد كانه مايشوف احد بالمجلس غير رابح وبدو يخططون:فهمت يابوك
رابح ابتسم:ابد ابشر على هل خشم
الجد:متى تبدا شغلك
رابح ضحك:من صباح الله
الجد:زين يابوك تقهوو
رابح اشر لريم تصب له وصبت له ومدته له
رابح ابتسم:جدتي خالي خالد كم عياله
الجده ابتسمت:خالد متزوج وحده وعنده ولد اسمه محمد وولده متزوج ثنتين الاولى جاب منها بنت وحده اسمها شوق والثانية جاب منها ثلاثه حمد وجراح جمانة حمد توه صغيره عمره ١٨ لاكن جراح متزوج وعنده ولد وبنت الولد عمره ٤ سنوات والبنت ٣ سنوات جمانه كبيره كبر سعاد وشوق اصغر من جمانه ومحمد توفى هو وزوجته الاولى بحادث في شي ثاني تبي تعرفه
الكل:الله يرحمه
رابح مسك راسه:صدعت
الجد ضحك:لا جو تتعرف عليهم زين
رابح:اقول ياجدي عندي اقتراح ليه ماتقول لخالي ينام هو واهله بقسم عمي خالد
خالد ابتسم:ابد يبه انا وقسمي تحت امر خالي
الجد ابتسم:الله يرضى عليكم
رابح:بالخدمه،روح
روح لفت:سم
رابح ابتسم:سم الله عدوك كم باقي لولدي ولا بنتي ويطلعون من بطنك
روح ابتسمت:٤ شهور
رابح:وماعرفتي وشو
روح هزت راسها:الا
مطلق لف بقوه:وشو؟
روح ضحكت ؛اي اعرف جنس البيبي
مطلق ضحك بحب:وشو
روح ضحكت:اصدمكم
الكل:اي
مطلق مسك يد روح:روح اخلصي تكفين
روح ابتسمت وشدت على يده:انا حامل بتوام ولد وبنت
الكل انصدم مطلق كان مصدوم وماجد شرق بالحلا وشيم بكت من الفرحه
روح ضحكت على اشكالهم:وشبكم
امل ضحكت وبكت:مبروك يمه مبروك
شيم ضحكت:عشان كذا بطن روح كبرت اسرع من بطني اثاريهم ثنين عيال اخوي فديتهم
خوف قام وحب راسها وحضنها وجلس جمبها وصار بينها وبين شيم:والله ياحظ نجم وليل دامك امهم
الكل انصدم واول وحده روح الي بكت:للحين تذكر
خوف ضحك:شلون انسا
رابح ضحك:لايكون
خوف هز راسه
الريم ابتسمت:ايهههههه
مطلق ناظرهم بستغراب وقال بحده:وش الموضوع ؟
روح ابتسمت وهي ماسكه يد خوف:اول كنا نجلس انا وخوف بالحوش او بسطح ونسولف وخططنا اسماء عيالنا انا قلت ابي توام ولد وبنوته البنت نجم والولد ليل وهو قال اذا جاه ولد بيسميه ليث واذا وبنت رهف
الريم ابتسمت بحب:وش معنى هل اسماء؟
خوف ابتسم:الليث اسم ينادون به الاسد وتدل على الشجاعه ورهف البنت اللطيفة الرقيقة
الكل انصدم من الاسماء الي كانت تجمع بين حدة خوف وهيبته ولطفه ولينه مع شيم وقدامها
فهد ابتسم:اي والريم
الريم عبست:ماكنت اقعد معهم كنت انام بدري عشان كذا مافكرت معهم بس لوما نقعد جميع يقولونه
فهد ابتسم:حسافه اجل راحت علي
نجد كانت مو معهم وكانت عينها على رابح الي كسرها وهشي بان على وجهها الي صار شاحب
رابح ابتسم:يله عن اذنكم
الجد ابتسم :بدري
رابح ابتسم:من عمرك بروح انام عشان اخلص شغلي بكره
الجد:اجل تيسر راح رابح لبيتهم وانسدح بسريره وتنهد ونام بتعب
نجد راحت لغرفتها وبدت تبكي ونامت وهي تبكي
-صباح اليوم الجديد-
قام رابح وتحمم وتوضى واتجه للمسجد سلم وجلس شوي يدعي لف وماشاف احد من اهله موجود بس شاف جده راح له وسلم وحب راسه:السلام عليكم
الجد:تحب الكعبه وعليكم السلام
رابح:وين العرب
الجد ضحك:صلوا وكلن راح لفراشه
رابح ابتسم:نوم العافيه حتى انت ياجدي رح ونم وانا بخلص الشغل تقوم الظهر تلقى الدنياء زاهبه
الجد حب كتفه:لا خلا ولا عدم ياولدي
رابح فز وحب يده:ابشر بي الله يحفظك لنا ياجدي
الجد راح بعد ماقال:امين وياك
رابح راح وخذا قعود وثلاث خرفان ووداهم يذبحونهم ويصلخونهم ويقطعونهم واخذهم وراح جاب اكياس رز وباقي الاغراض واخذ له قهوه سوداء ومر المحكمه ورجع لبيت جده ونزل الحم وباقي الاغراض ونزل المطبخ وهو عارف ومتاكد انه فاضي وبالفعل نزل الاغراض وحط الحم بثلاجه والرز على الدرج والخضار بثلاجه وجلس يبي يشرب مويه
نجد كانت داخله وانصدمت من شافت رابح وكانت بتصرخ بس قام رابح وحط يده على فمها وقال بحده:الناس نايمه
نجد بعدت يده:رابح ممكن اقولك شي
رابح:قولي
نجد دموعها نزلت:صح اني ماحبيتك وخذيتك عشان اقهر ام هادي بس صدقني والله يا رابح اني حبيتك والله
رابح سكتها:نجد الي بيننا انتهى وانتي الي نهيتيه فمان الله
قال رابح كذا وطلع
-٢:٣٠ بعد الظهر-
الكل قام وبدوا البنات يسوون العشاء والحلا والقهوة
ورابح رتب المجلس وفتح الخيمه الي بحوش جده وشب نار وحط قهوه وشاي وتمر وحلا
الجد راح عند رابح:عساك على القوه
رابح ابتسم:امين ياجد وياك
الجد:دق على سعود يجي
رابح اشر على خشمه:على هل خشم
الجد راح المطبخ شاف روح وشيم وسعاد ونجد يطبخون
الجد ابتسم:ياهلا بناتي عساكم على القوه
روح ابتسمت:هلابك ياجدي الله يقويك
شيم ابتسمت:هلابك امين
سعاد ابتسمت:هلابك ياحبيب الروح امين
نجد ماكانت مع الدنيا
الجد ابتسم:وبنيتي نجد وشبها زعلانه
روح راحت ودقت كتف نجد:نجدي جدي يكلمك
نجد فزت:سم
الجد ابتسم:سم الله عدوك وشبك
نجد ابتسمت:سلامتك بس بطني توجعني
الجد ابتسم:اي زين روح يبه
روح لفت:ياعيوني
الجد:يخليهم لاحبابهم
مطلق من ورا الباب:امين
روح ضحكت
الجد:ليه تشتغلين يبه ارتاحي
مطلق ضحك:قلها ياجدي قلها اهلكتني اقولها ارتاحي لاتتعبين عمرك ماتسمع الكلام
روح ابتسمت:جدي قله يسدها وبعدين انا احب اتعب التعب بنسبة لي راحه
مطلق بحده:هين
قال كذا وراح
الجد ضحك:شكله زعل
روح ضحكت:مع نفسه
خلصوا البنات طبخ وراحوا جهزوا وخلصوا
-الساعه ٥:٣٠-
جاء خالد وعياله واحفاده
~تعريف بيت العم خالد~
خالد:اخو الجده نجد
زوجته متوفيه
ولد الكبير محمد:متوفي
زوجتة محمد الاول:متوفيه جابت من محمد بنت وحده
زوجته الثانية منى:جابت من محمد ثلاث اولاد
ولده محمد الكبير جراح:متزوج وعنده ولد وبنت عمره 35
زوجة جراح العنود:عمرها 34
ولد جراح الاول محمد:عمره 4سنوات
بنت جراح غيم:عمرها 3 سنوات
بنت محمد الكبيره جمانه:مو متزوجه عمرها 34
شوق بنت محمد من الزوجة الاولى:مو متزوجة عمرها 23
حمد اخر العنقود:طالب عمره 22
-بمجلس الحريم-
دخلت منى وبناتها وحرمت ولدها
منى دخلت وهي مبتسمه:السلام عليكم
الكل قام وسلم عليها وعلى جمانه وشوق وزوجة جراح العنود وجلسوا يسولفون القهوه تدور عليهم
-بمجلس الرجال-
العم خالد:ياولدددددد
رابح طلع:يامرحبا يامرحبا حياكم الله
العم خالد سلم:الله يحييك ماشاءالله انت رابح؟
رابح ابتسم:هالله هالله انا رابح
العم خالد:ماشاءالله كبرت يبه لازم نزوجك
رابح ابتسم
الجد ضحك:ياهلا ياهلا بحبيب الروح
العم خالد جاء حضنه:ياهلابك ياهلا بحبيب قلبي
وسلموا جراح وحمد وجلسوا يتقهوون
الجده طللعت من عندهم وراحت مجلس الرجال
العم خالد دمعت عيونه:ياهلا ياهلا بريحة اهلي ياهلا بخيتي ونور عيني
الجده حضنته وبكت:هلابك ياخوي هلابك ياسندي
جلست الجده معهم وجلسوا يضحكون ويسولفون
-بمجلس الحريم-
جاء محمد مسك بطن روح:خالتو روح
روح ابتسمت وشالته لحضنها:ياعيوني
محمد ابتسم:هينا في نونو صح
روح ضحكت وهزت راسها:اي
محمد:من زوجك
روح ابتسمت:مطلق
محمد قمز من حضنها
روح ابتسمت:حمود وين؟
محمد ضحك وهو رايح:بروح اشوف شكله
جمانه ضحكت:راح يقييم
روح وهي تضحك:يحليله
-بمجلس الرجال-
دخل محمد
حمد:حمود وين
محمد:مو شغلك
العم خالد:تستاهل وش لقفك
محمد وقف عند مطلق:انت عمو مطلق
مطلق زمه:ايه انا مطلق
محمد:شفت زوجتك
مطلق:ابو محمد وش شوفك لحرمتي
محمد:خالتو روح حلوه بس انت لا
كل الي بالمجلس ضحكوا
مطلق ضحك معهم
محمد ضحك:خالتو روح بتجيب نونو
مطلق ضحك:لا مو واحد اثنين
محمد ضحك:اي بس يارب مايشبهونك
جراح بحده:حمود عيب
مطلق ضحك:خله يارجال
-بمجلس الحريم-
منى ابتسمت:ماشاءالله ياروح باي شهر
روح ابتسمت:توني دخلت الخامس
منى:الله يتمم لك بنت ولا ولد
روح ابتسمت:توام بنت وولد
منى ابتسمت:ماشاءالله تبارك الرحمن الله يتمم لك يارب
سعاد:بنات قوموا نروح للمجلس ونخلي الامهات مع بعض
الكل وافقها الفكره وراحوا المجلس
روح ضحكت:سعاد وش وراك
سعاد ضحكت:ابد بس طفش هناك قلت نسولف هينا احسن وبعدين عمتي سعاد
روح:اقول قومي عوانيني نحط العشاء وانتي ياشيم والله ان شفتك بالمطبخ لا احش رجولك
شيم ضحكت:افا ليه
روح:توك بشهور الاولى مو زين لك انطقي هنا
شيم ضحكت:ابشري
جمانه:اجل انا اجي معكم
نجد ابتسمت:وانا بعد
راحوا للمطبخ دخل عليهم الجده
جمانه قامت وحبت راسه:شلونك ياعم
الجد ابتسم:الحمدلله يابنتي انتي شلونك
جمانه ابتسمت:الحمدلله بخير
الجد:نجد
نجد ماكانت معه
الجد:يانجد
نجد كانت تفكر بعلاقتها برابح
سعاد ضربت كتفها خفيف:نجد ابوي يكلمك
نجد لفت:سم
الجد:سم الله عدوك قومي معي ابيك
نجد هزت راسها وغسلت يدها وطلعت مع جدها لحوش الحريم
-بالمطبخ-
روح بحزن:راحمه نجد حيل
سعاد:يابعد قلبي الله يعوضها
جمانه ابتسمت:ماحب اتدخل بالخصوصيات بس نجد باين مكسوره وواضح انها تحب احد وهل احد مزعلها
روح هزت راسها:اول شي انتي منتي غريبه يا جمانه وثاني شي اي والله مسكوره ومن الحب
جمانه ابتسمت:يابعد قلبي
سعاد ابتسمت بحزن:اسمعي السالفة كنا بالمزرعة وتقدم لها رابح وهي وافقت عشان تقهر وحده ينقال لها ام هادي اكتشفت بعدين ان رابح يموت عليها مو بس يحبها هي حبته مع الوقت ورابح سمع انها ماتحبه وخذته عشان تقهر ام هادي جن جنونه ويقول يبي يطلق وهي مسكينه تعبانه
جمانه نزلت دموعها:يابعد قلبي هي
سعاد ابتسمت بضيق:الله يهدي النفوس
خالد سمع صوت روح وسعاد ودخل المطبخ بس انصدم من شاف جمانه الي كانت هاديه وملامحها مثلها بس الي يجذب الواحد لها شعرها الاسود الطويل وعيونها العسليه وخدودها الي تصير حمر من تضحك وغمازاتها الي حافره وجهها
خالد بينه وبين نفسه:سبحان الي خلقك سبحانه
خالد كان يتامل جمالها وحركاتها صد واستغفر ربه وقال بصوت عالي:ياولددددددددد
جمانه تغطت ودخل خالد
روح ضحكت وحضنته:ياهلا ومرحبا
خالد ابتسم وشد عليها:هلابك يانور عيني انتي
همس خالد لروح:منهي هاذي؟
روح همست:جمانه بنت عمي خالد سلم عليها
قالت روح كذا وراحت تحرك العشاء
خالد ابتسم:السلام عليكم يابنت خالي اخبارك
جمانه ابتسمت:وعليكم السلام الحمدلله انت اخبارك
خالد ابتسم:الحمدلله
-عند الجد ونجد-
الجد:وشبك يبه مانتي عاجبتي
نجد حضنت جدها وبكت الي كانت تعتبره ماواها الوحيد
الجد شد عليها:وشبك ياعيون جدك
نجد وهي تبكي:ياجدي مابي اتطلق من رابح والله ياجدي اني حبيته اكثر من هو حبني
الجد ابتسم:ابشري يبه بكلمه
نجد مسحت دموعها وابتسمت:والله
الجد:اي والله يبه كم نجد عندنا
نجد ضحكت:ثنتين
الجد ابتسم:وكل وحده عين من عيوني
نجد ابتسمت وحضنته:احبك ياجدي احبك
الجد ابتسم:يله يبه يله روحي حطي العشاء مع خواتك
راحت نجد وهي نفسيتها تغيرت وتساعدهم بالعشاء
-بالمجلس حق الرجال-
الجد اشر لرابح يجي طلع رابح وهو كان يضحك
الجد:جعلني اشوفك تضحك وتبتسم طول عمرك
رابح ابتسم:امين
الجد بحده:انا جايك بموضوع وابيك تصير قده
رابح بحده:احتزم
الجد بحده:عشان موضوعك انت ونجد
رابح قاطع جده:اعذرني ياجدي ما باليد حيله رحت المحكمة الصبح وطلقت
الجد انصدم:ليه ولدي ليه
رابح:اعذرني ياجدي
الجد ضرب كتفه وراح
-بالمطبخ-
نجد ابتسمت:وين جمانه
شيم:حلفت عليها روح انها ترتاح
حطوا العشاء ورتبوا
راحت نجد لريم:للحين زعلان
الريم حضنتها:اخسي ياعيوني
نجد شدت عليها:مابغينا
الريم بعد وقرصت خدودها:وهههه فديتك
نجد استحت
رابح من عند باب المطبخ:ياولد
الريم وهي حابه تعدل العلاقات بين رابح ونجد:فت مافي غريب
دخل رابح وشاف عمته وروح والريم ونجد ومن شاف نجد صد وخذا الاكل وطلع
الريم ابتسمت ومسكت يد نجد:تنحل
نجد هزت راسها وانقهرت من حركته
رابح وهو شايل العشاء تنهد وقال بينه وبين نفسه:ليه تطلع قدامي وتوجع قلبي
حط رابح صواني العشاء ونداهم وبدا الكل يتعشى جت لرابح رساله انه تم فصخ العقد حفظها وارسلها لنجد
نجد كانت تضحك وتسولف جاها اشعار وقبل تحط القمه بفمها فتحت جوالها وشافتها من رابح دخلت بسرعه وهي مبتسمه بس تلاشت ابتسامتها من شافت انه مرسل لها انه تم فصخ العقد ومبلكها تركت القمه وشهقت وقامت تغسل وهي تبكي
الريم لحقتها وشافتها تبكي حضنتها شدت عليها نجد
الريم بخوف:وشبك
نجد مدت لها الجوال الريم شافت الرساله وشهقت:ياحبيبي انتي معوضه
نجد مسحت دموعها:الله يسمع منك اسمعي ريوم بروح انام اذا احد سال عني قولي نايمه
الريم ابتسمت بحزن وهزت راسها ومدت جوالها لها:زين ياروحي
راحت نجد تنام دخلت الريم المجلس
الجده:وشبها نجد
نزلت الريم راسها:رابح طلقها وارسل لها برسالة
الكل شهق
روح بحده:في ذمتك
الريم هزت راسها
روح بقهر:وشبلاهم خواني انهبلوا
شيم فهمتها وابتسمت بحزن
روح قامت امل مسكتها:وين يمه
روح بحده:بروح اشوفه
امل تركتها وراحت روح والحمل كان ماثر عليها وهي اصلاً معصبه دقت على خوف:سمي
روح بحده:جب اخوك وتعالوا المجلس
خوف:اي اخوا؟
روح:رابح بسرعه
خوف اشر لرابحه:الحقني المجلس
رابح هز راسه دخل خوف وراح المجلس شال رابح الدله ودخل المطبخ وشاف شوق ماكانت حلوههههه كانت مملوحه رابح صد:من انتي
شوق بغنج:شوق بنت محمد
رابح ابتسم:والنعم
قال كذا وحط الدله وراح المجلس ودخل وجاء بيحضن روح روح مدت يدها:لاتحبني ولا تقرب مني
رابح:افا ليه؟
روح بحده:وش هل حركات مرسل ورقة طلاق البنت بطريقه هاذي والوقت هاذا والله لقمتها ماكلتها ان صار للبنت شي تراها برقبتك
رابح صد:مصيرها بتعرف
خوف بحده:بس يحمار مو كذا
رابح:سم
روح ضحكت:الحين تتوقع في احد بيقبل فيك بعد حركتك
رابح انقهر:الا فيه
روح ضحكت بقهر:اي اي ضحكتي روح شف من بيوافق فيك
رابح:فيه انتي مالك دخل
روح بقهر وحده:ومنهي؟
رابح ضحك:شوق بنت عمي محمد
روح شهقت وبعدين ضحكت:نشوف
طلع رابح وهو معصب
خوف:مو كذا ياروح
روح بحده:انت اسكت انت بذات لا تتكلم
خوف:خير وش هل اسلوب
روح:انت لا تتكلم عن الاسلوب وانت مبكي البنت وضاربها كسر يكسر يدك
خوف بحده:مالك شغل بالي بيينا
روح ضحكت بتستفزاز:اصلاً ماصار لي دخل مطلق تدخل وخلص
خوف ابتسم بتحدي:الله ومطلق عاد
روح بستحقار:مطلق ما يمد يده علي عارف الفرق
قالت كذا وصدت وراحت لمجلس الحريم
شيم اشرت لها تجي جمبها جلست روح جمبها
شيم ابتسمت وهمست:وش سويتي
روح ضحكت:فجرتها
شيم ضحكت:وش مهببه
روح قالت لها كل شي
شيم بخوف وهي تضحك:ياقوك
روح وهي تضحك:اسكتي ارجف من جو بس مبينه المراه الحديده وهو لو يقول بنت بكيت
ضحكوا
-بمجلس الرجال-
رابح وهو ماحب شوق بس يبي يحر روح ويثبت انه يقدر ياخذ:عمي خالد
العم خالد لف:سم يبه
رابح ابتسم:انا جاي وابي القرب منك وابي بنتكم شوق
العم خالد ضحك:ابشر وهاذي الساعه المباركه،جراح رح
فهم جراح ونقز يسال شوق ونادا من باب المطبخ:شوق ياشوق
شوق جات وهي ماكانت تحب خوانها:نعم صجيت راسي
جراح بحده:احترمي نفسك هاذا واحد ثنين جاء واحد يخطبك
شوق وهي تلعب بشعرها:من؟
جراح:رابح
شوق ماكانت تحب رابح بس كانت تكرهه نجد وتبي تحرها:موافقه
جراح صد وراح للمجلس وهمس باذن ابوه
العم خالد ابتسم:مبروك جتك ياولدي
رابح ابتسم بحزن وقهر على الي صار:الله يبارك فيك
-بغرفة نجد-
دخلت امها من درت بسالفه لانها ماكانت موجوده يوم جت رسالة رابح لنجد
نوره وهي تبكي:ليه يمه ليه
نجد كانت تبكي:يمه صح اني خذيته عشان اقهر ام هادي بس يمه حبيته والله العظيم حبيته وتعلقت فيه وماتخيل حياتي بدونه واخر شي طلقني يمه
نوره بكت:رابح خطب يانجد خذا شوق
نجد بصدمه طيرت عيونها:شلون؟
الريم دخلت بسرعه وهي تبي تقول لعمتها لا تقول شي بس فات الاوان
نجد كانت تبكي وتضرب نفسها ووجهها صار احمر
الريم حضنتها واشرت لعمتها تطلع طلعت العمه وبقت هي تواسي نجد الي كانت تحت تاثير الصدمه ونامت
-بمجلس الرجال-
الجد كان فرحان لرابح بس زعلان على نجد قال:متى الملكه
رابح بحده:بعد اسبوعين يناسبكم
العم خالد هز راسه:اي ياوليدي الي يريحك
-الساعه ١٢:٣٠-
مطلق ينتظر روح وشيم
خوف كان واقف وشاف شيم تركب مع مطلق قال:سلامات ياطيب
مطلق:والله شف اختي ماتبيك حالياً متى ماقلت لي مطلق ابي ارجع رجعتها لك
خوف ابتسم:اي زين
قال كذا وركب سيارته ومشى وركبوا روح وشيم ووصلوا البيت وراحت شيم لقسمها الي كان معزول شوي عن البيت مطلق اخذ روح مع يدها للغرفه وسكر الباب
روح ابتسمت:وشبك اليوم مانت عاجبني
مطلق بحده:اكيد مراح اعجبك ترا في مواضيع ماحسبتك عليها للان
روح بحده:والي هم
مطلق:واحد تقارنيني بالمهندس ثنين عرفتي جنس الي ببطنك وانا اخر من يعلم
روح مسكت رقبته:واحد مقارنتك بالمهندس يامهندس قلبي انت ويخسي يجي مواصيلك ثنين كنت ابيها مفاجاه ابي اشوف ردت فعلك (قالت كذا وباست خده)
مطلق حضنها:تعرفين تجيبين راسي
ضحكت روح وراحت بدلت وانسدحت تبي تنام جاء مطلق وابتسم:عادي انام بحضنك
روح ابتسمت:حضني وحياتي وبيتي وعيوني كلها لك تعال
مطلق ابتسم وحط راسها على صدرها ونام بعمق وهي نامت براحه
-بغرفة هاجر-
هاجر:اقول امل
امل لفت:سم
هاجر:سم الله عدوك اسمعي عيالينا غثونا وحنا علاقتنا قبل مو زينه بكره الفجر نجهز اغراضنا ونمشي للمدينه ناخذ فترة نقاهه من العزايم وعيالنا والدنيا
امل ابتسمت:ابشر دامني معك مابي الدنيا كلها
هاجر ابتسم:والله لنمشي الحين قومي
امل قامت ولموا اغراضهم بشنطه وكتبوا رساله لرابح وحطوها على الطاوله وركبوا السياره وتحركوا للمدينه وكانوا شابكين يدينهم ببعض
-صباح اليوم الثاني-
قام رابح تمغط وتروش ونزل واتجهه للمسجد صلى وسلم وطلع
الجد:رابح وين ابوك
رابح:والله ياجدي مدري احسبه سبقني بشوفه
الجد:زين يبه رح
رجع رابح للبيت وصوت لابوه مارد صوت لامه مافيه صوت قال:اوفففف يمكن طلعوا راح لطاولة الطعام شاف رساله قراها وضحك ودق على اخوانه وقالهم يجون وسو قهوه وحط تمر وحطهم بالصالة جاء خوف ومر واخذ روح والريم وجابهم جاء بدر
خوف وهو يتقهوى:وشبك؟
رابح ضحك:امي وابوي هجو
الكل ضحك
روح وهي تمسح دموعها من الضحك:شلون؟
رابح ابتسم:تاركين رساله يقولون تعبنا منكم ومن مشاكلكم ومن المناسبات والعزايم ويبون يتمشون وينبسطون
الريم ضحكت:امي تدق اصبروا
رابح ضحك:سوي نفسك ماتعرفين
هزت راسها وردت
امل:السلام يمه اخبارك
الريم ضحكت:وعليكم السلام الحمدلله
امل:اسمعي يمه انا وابوك سافرنا نبي نفتك منكم شوي ربوح لحاله روحي سوي له فطور وقهوه ولو تنامي عنده احسن اخاف عليه
الريم ضحكت:درينا انكم هاجين ابشري الي تبينه
امل:تبشرين بالجنة بعد عمر طويل
الكل بصوت واحد:هين يمه
امل ضحكت:يله تقلعوا
قفلت امل وجلسوا يتقهوون وهم بحاجة جلسه زي كذا
-قامت نجد -
قامت وراسه يوجعها من كثر مابكت وتحاول تستعوب تحممت وطلعت ولبست وصلت ومسكت جوالها وشافت البنات يتناقشون بالقروب كيف رابح اخذ شوق استوعبت نجد وش صار امس دخلت قروب بنات الديره وشافت البنات يتكلمون كلام زي السم وكانوا يطعنون بشرفها لبست عبايتها ومنديلها وماغطت وجهها من الصدمه وراحت بيت عمها هاجر وهي ماكانت تشوف قدامها دخلت وراحت لصاله ووقفت قدام رابح وصفقته كف وهي تبكي:ياواطي يلحقير اكرهك اكرهك
رابح انصدم وقام وحضنها وغطاها عن اخوانه وقال بحده:صدوا
خوف وبدر صدوا
رابح اخذ نجد للمجلس ودفها جواء وسكر الباب بالمفتاح
رابح بحده وعصبية وقف قدامها:شلون تطلعين لشارع بدون ماتتغطين شلون تطلعين قدام اخواني كذا
نجد ضربت صدره وهي تبكي:انت هاذا همك ماتعرف الناس وش قاعده تقول عني
رابح بصدمه:وش صاير
نجد الي كانت تضرب صدره وكانت داخله بحالة انهيار:الناس يطعنون بشرفي وانت السبب
رابح حضنها بيد وحده:هدي يانور عيني وش دراك
نجد بعدت عنه ومدت جوالها له قرا رابح بصدمه وقال:ما كنت ادري ان خطبتي لشوق بتسوي كذا
نجد ضحكت بين دموعها بقهر:مسرع نسيتني وين الي كان يقول ‫احبها ياسعود حب خرافي حب يعادل حب قيس لليلاه والي كان يقولي ماحبيتيني ومانتي كفو انت وش اجل انت باقل من اربعه وعشرين ساعه من طلاقنا رحت خذيت شوق انت الي مو كفو ولا عمرك حبيتني زي حبي لك حسبي الله عليك  بعد بس                 
قالت نجد هل‬ كلام وطلعت وحطت حجابها على وجهها مسكتها الريم وصعدت غرفتها ونجد معها
رابح طلع وركض:وبن راحت
روح بحده:رابح خلاص خل البنت بحالها لا والله اروح انادي فهد يتفاهم معك
رابح بحده:روح اقطعي الشر
روح وهي صاعده فوق:انت الشر
-بغرفة الريم-
الريم حضنتها:وشبك
نجد وهي تبكي وتشاهق:شفتي قروب الديره
الريم بكت:شفته شفته ياروحي بس والله حنا عارفين انتي ايش
نجد بحده وهي طالعه:وصلي لرابح اني كرهته واشوف فيه يوم لو مايبقى غيره رجال باكره الارضيه ماخذيته وحسبي الله عليه
طلعت نجد وتوجهت لبيتهم كانت جاهله رابح الي سمع كل شي قالته نزلت الريم وهي تبكي
خوف بحده:الريم وش صاير وليه نجد جت بهل حاله
الريم وهي تبكي:حنا عندنا قروب لبنات الديره وبنات الديره طلعوا عنها كلام
خوف بعصبيه:كلام مثل وش؟
الريم وهي مقهوره:كلام بشرفها
قام بدر وهو معصب:عرفت ليش قلت لك يارابح اصبر شوي اصبر شوي لان اعرف اهل الديره
رابح وهو مقهور:وش اسوي وش دراني ان اهل الديره مريضين
خوف بحده:خلاص الي صار صار الحين دورو حل
بعد عشر دقايق راحت روح وخوف وبدر بقت الريم تفكر معه
فهد طق باب بيت هاجر قام رابح وفتح مسكه فهد مع ياقته
فهد بعصبيه:الشرهه مو عليك الشرهه علي يوم عطيتك اختي
رابح نزل راسه:ادري ياخوي انك زعلان بس والله لو اعرف الموضوع كذا ماسويت الي سويته
فهد بحده:اعتذارك وش بيرجع بيرجع دموع اختي وقهرها
الريم طلعت على صوتهم وبكت ومسكت فهد:فهد خلاص تكفى
فهد لف وبعدها
رابح بحده:فهد خلصنا خلاص ترا الغلط على اختك انا ماسويت شي
فهد ضربه كف:اشهد ان المراجل ماتعرف لك طريق
الريم بكت وطاحت على الارض وصرخت:خلاصصصصصصص
فهد شالها ولبسها عبايتها وراحوا لبيتهم وتركوا رابح بقهره وحسرته
————-————————————————————
(اهلين بحبايبي شلونك يارب انكم بخير شرايكم بي نزلت لكم البارت الاول بعد بيومين بارت ثاني وبعده بيومين بارت ثالث شرايكم بس صح زعلتكم بس الفرج جاي جاي اسفه اني زعلتكم عطوني رايكم وتهقون شيم بترجع لخوف ووش بيصير مع رابح ونجد وشوق اكتبولي تعليقكم ترا التعليق يشجعني احبكم❤️❤️❤️❤️❤️❤️❤️❤️)
ملاحظة:رابح ما طلع كلام عنها بس اهل الديره لانهم مايعرفون السبب طلعوا عليها كلام
——-——————————————————————