ياوجهٍ ملاه الحسن سبحان باريّه ‏تاهت وصوف الشعر في جل حسنه

البارت الرابع والعشرين

-صباح اليوم الثاني بالمجلس-
مان فيه الجدود والخال خالد وخالد وجمانه ىسحر ونوره وعبدالعزيز
خالد:اسكتوا خلونا نشوف من قبلوا ومن رفضوا
جمانه:نزلوا شف بسرعه
خالد:جمانه وانا انقبلنا وعبدالعزيز بعد ونوره بس سحر رفضوك
سحر شهقت:احلف
خالد ضحك:امزح معك
سحر دمعت عيونها:الحمدالله خفت ليه ياعمي ليه
خالد ضحك:امزح معك امزح
نوره:وبنفس التخصصات؟
خالد:اي انا وانتي وجمانه وعبدالعزيز طب وسحر قانون
نوره:متى نروح؟
خالد:بعد العرس بيوم على طول
نوره:حلو
لفت سحر على نوره:توقعي من بيجي
نوره:من
سحر:بنت خالتي ليلى واخوها ليث
نوره:وماقالت ماحبهم
سحر:الا بنت خالتي
نوره قامت وكشت بوجهها:وعوه خليها تفيدك
راحت نوره غرفتها وانسدحت جتها مكالمه ردت
نوره:ياهلا بحبيبة الروح
جود:هلابك ياعيني
نوره:جوجو نزل القبول شوفي انقبلتي تكفين قولي ايه عشان نروح سوا
جود صرخت:قبلوني
نوره ضحكت:بجدولها انا وانتي واخيراً
جود ضحكت:وحبيب القلب هناك؟
نوره استحت:اكيد هناك
جود:بروح ارتب شنطتي
نوره:باي
قلقت نوره وهي تهوجس لين نامت
-مر اسبوع وصار العرس محفوف وجاء يوم الرحله-
امل وهي تودع بنتها:يمه انتبهي لروحك
نوره:ابشري يمه
نوره:نوير انتبهي لعمرك
نوره ضحكت:ابشري عميمه
الجد:خالد تراهن امنه عندك
خالد:ابشري يمه وانتم يالله بطير الطياره
ركبوا السياره وكان خالد يسوق وجمبه عبدالعزيز ورا جمانه ونوره وسحر
خالد:الحين وش الوضع هناك تغطون ولا تتحجبون
سحر:انا بتحجب
جمانه:وانا بعد
نوره:وانا بتحجب
خالد:كيفكم
وصلوا وركبوا الطياره واقلعوا وكانوا بطياره خالد وجمانه جمب بعض وبالجهه الثانيه نوره وبعدين سحر وبعدين عبدالعزيز
وصلوا امريكا تحديداً ولاية ماساتشوستس وكانت الساعه ١١:٣٠ باليل
نوره:عمي ترا صديقتي تقول انه لقت شقق بسكن حلو وارسلت لي اللوكيشن نروح نشوفها؟
خالد هز راسه: يله بس نشوف تكسي
طلعوا برا ووقف خالد تكسي
خالد:**** Can you take us home
(ممكن توصلنا للبيوت ****)
التكسي: Sure, sure, come on
(اكيد اكيد تعالوا)
ركبوا ووصلوا للفندق وكانت جود تنتظرهم وكانت لابسه لبس مرتب وفاكه شعرها ومو ماتحجبه حضنتها نوره
جود:شكله يجيب الهم
نوره ضربتها:اوش عيب
جود:وش حبيتي فيه
نوره:جودوه خلاص
خالد:وين الرسبشن؟
جود:فوق
راح خالد وشاف البيوت اخذ اكبر شي 
نوره:عمي انا وسحر وجود بغرفه وعبدالعزيز بوحده وانت وجمانه بوحده؟
خالد هز راسه بنفي:لا صديقتكم لحالها وانتي وسحر وعبدالعزيز  وانا وجمانه خذيت لنا بيت فيه دورين الدور الاول غرفه لعبدالعزيز وتحت انا وجمانه لنا غرفه وانتي وسحر بغرفه
سحر:حلو يله خلنا نروح نرتاح
جود:انا عن اذنكم
راحت جود لجناحها الخاص فيها
وراحوا الباقي للبيت الي اخذه عمهم جلسوا نوره وسحر بغرفتهم وبدوا يرتبون الملابس انطق الباب لبست نوره حجابها ودخل عبدالعزيز بعد ماقالت له سحر يدخل
عبدالعزيز الي كان اول مر يشوف نوره بدون غطوه:متى يجون ليث وليلى؟
سحر:جو وكلمت ليلى تقول خذوا بيت جنبنا
عبدالعزيز:اي زين ترا عمي يقول ناموا عشان بكره بنبدا دوام
سحر:طيب يله تقلع
عبدالعزيز ضحك:دزيها بس
قال كذا وراح
نوره رمت حجابها:وش عنده يسال عن ليلى
سحر:بس كذا يسال ليش؟
نوره:بس اسال خلينا ننام
ناموا وقاموا باليوم الثاني وغسلوا وجيههم وصلوا ولبسوا لبست نوره بلوزه بيضاء وبنطلون ابيض وجكيت صوفي اوفر سايز بيج ومكياج ناعم ولبست سحر بلوزه سودا وبنطلون اسود ولبست فوقهم جكيت بني ومكياج ناعم ولبست جمانه لبس هادي بنطلون اسود وسيع وبلوزه زرقاء وسيعه وميكاج ناعم وتحجبوا وطلعوا لبس خالد بنطلون اسود وبلوزه زرقاء واخذ جكيته الاسود معه وعبدالعزيز لبس بنطلون جنز وتيشيرت ابيض
خالد:عزوز بدل برد
عبدالعزيز:معليك امش بس ياعم
طلعوا وركبوا باص وتوجهوا للجامعه وصلوا راحت سحر محاضرتها وراحوا جمانه وخالد لمحاضرتهم بقى عبدالعزيز ونوره
نوره ابتسمت:شلكانا مع بعض بنفس القاعه
عبدالعزيز التفت:ايه مشينا ندخل
دخلوا وجلس عبدالعزيز بجنبها
جود جت وجلست بينهم وجاء ليث جلس جمب عبدالعزيز وجلست ليلى جمب نوره
ليلى:هاي
نوره بدون نفس:اهلن
سكتوا من دخل الدكتور وبدا يشرح لهم جلسوا ساعه وخلصوا وطلعوا
عبدالعزيز:نوره ترا عمي ينتظرنا بالكافتيريا
جود:بجي معكم ممكن
نوره استغربت:اوكيه
ليلى وليث راحوا معهم جلسوا بالكافتيريا
خالد:بشروا كيف
عبدالعزيز:يعني بدايه حلوه
ليلى:يعني يجي منها 
ليث:مللل
ليلى:وسحر؟
سحر:والله حلو نوره وش صار معك
نوره كانت سرحانه
عبدالعزيز ضحك:نوره خارج عالمنا
نوره:هلا؟
سحر:وش صار معك
نوره:والله حلوه المحاض
جود:حسيت ان الدكتور شوي غثيث صح عبدالعزيز
عبدالعزيز:هاه اي وشرحه يبي له شوي
جود:اي لاحظت
قامت نوره وهي مقهوره من حركاتها:احد يبي شي؟
الكل:لا سلامتك
قامت وراحت عند الكافيتيريا
نوره: Excuseme
(لوسمحتي)
الكفتيريا: How can i help you
(كيف اساعدك)
نوره: One of the Americans
(عطيني واحد امريكانوا)
الكافيتيريا: Ok, one minute
(اوكيه دقيقه واحده)
انتظرت نوره واخذت طلبها وطلعت برا الكافيتيريا تتمشى خبطت بوحده
نوره: Sorry
(اسفه)
كارولين: No problem
(ماصار شي)
نوره مدت يدها: Hey, I'm Nora
(هاي انا نوره)
كارولين مدت يدها: Hey, I'm Caroline.
(عاي انا كارولين)
نوره: What are you studying?
(انتي وش تدرسين؟)
كارولين: Medicine
(طب)
نوره ضحكت: Me too
(حتى انا)
سولفوا واخذوا ارقام بعض ومر اسبوع ونوره ملاحظه جود تتلزق بعبدالعزيز والي قهرها عبد العزيز عادي عنده
-يوم الخميس باليل الساعه 11:30-
كان اجازه نزلت نوره وهي لابسه بنطلون جنز وبلوزه اكملمها طويله لونها كحلي
خالد:وين؟
نوره:بروح عند جود
خالد:لا تطولين
نوره:ابشر
راحت لبيت جود الي كان جمب بيتهم وقفت شوي شافت عبدالعزيز ماسك صندق مده لها ورجع للبيت عملت نفسها توها طالعه
عبدالعزيز:وين؟
نوره:مو شغلك
قالت كذا وراحا بيت جود طقت الباب ودخلت ورمت حجابها وجلست
جود:حر وعع
نوره:روحي تروشي
جود:بعني عادي اخليك لحالك؟
نوره ابتسمت:وش دعوه البيت مثل بيتي
جود:اجل بدخل اتروش انتبهي لجوالي اذا دق المندوب عشان يجيب الاكل
نوره:تمام
دخلت تتروش قامت نوره ركض تدور الصندوق لقته بالمطبخ جواء الدرج فتحته شافت ايباد وسماعات ومكتوب على الكرت سمعتك  تتحلطمين على نوره عشان ماعندك ايباد وسماعه وجبتهم لك مايغلى عليك شي سكرته ورجعت وجلست تدعي بينها وبين نفسها:يارب يارب انها مساعده يارب مابينهم شي دق جوال جود راحت شافت المندوب وقرت رساله راحت بسرعه تحجبت وطلعت تأخذ الأغرض وحاسبت وحطتهم بالمبطخ فتحت جوال جود وشافت بينها وبين عبدالعزيز محادثات ومكالمات وحب وغراميات شهقت طلعت وقفلت الجوال ودمعتها طاحت مسحتها بسرعه
نوره:جود
جود:هلا
نوره:عمي كلمني يقول تعالي ضروري اعذريني بمشي
حود:اوكيه
راحت نوره لبيتهم ودخلت بسرعه
خالد:نوره وشبك؟
نوره ماردت راحت فوق ركض
سحر:بروح اشوفها
خالد:وتعالي قولي لنا
سحر هزت راسها
-بغرفة البنات -
دخلت نوره تصيح وانسدحت وهي تبكي وقامت للحمام تتحمم
(اعزكم الله)تحممت وبدلت وبدت تبكي
طقت عليها سحر الباب:يبنت وشبك افتحي انا سحر
فتحت نوره الباب وهي تبكي حضنتها وهي تبكي شدت عليها سحر
سحر:نونو لا تخوفيني وشبك
نوره وهي تتنهد:ضايق صدري
سحر تبين نطلع نتمشى وتقولين لي
نوره هزت راسها لبسوا وطلعوا بدوا يتمشون وصلوا للحديقه الي قريبه منهم
سحر:تكلمي
نوره بكت:انا احب عبدالعزيز
سحر ابتسمت:احلفي من متى
نوره:بمن عمري 6 سنوات س فيه مشكله
سحر عبست:وشي
نوره بكت وبدت تشاهق:انا علمت جود اني احبه وهي حطت عينها عليه وحبته وصار بينهم علاقه وجاب لها ايباد وسماعه هديه شفت محادثتهم سمعته يقول احيك لغيري ياسحر اخخ قلبي ياسحر حسيت ودي اطلعه وادوس عليه
سحر بحده:هل قذره معليك منها وعبدالعزيز بالعن شكله
نوره انسدحت على رجلها:لا لاتقولين لهم شي بس لنا خايفه
سحر:من وش ؟
نوره بكت:خايفه على عبدالعزيز من جود
سحر:ليه؟وش مسويه
نوره بكت:حود راعية شباب والحين تكلمه وتكلم غيره بعده
سحر تاففت:مافي عبدالعزيز اكيد انها  قالبه مخه ولا كان مايطيقها خلينا ندعي له والي فيه خير ربي بيكتبه
نور هزت راسها بعد ماهدا
سحر:وش بقول لعمي سالني وشبك
نوره:قولي اشتقت لاهلنا
سحر:يله مشينا
دخلوا وراحت نوره فوق تبي تنام
خالد:وشبها؟
سحر ضحكت:مشتاقه لديره ولاهلنا
جمانه ابتسمت:ياحليلها
خالد:انا بنام جمانه بتجين
جمانه:مشينا
راحوا
سحر:عزوز امش ابيك
قام عزوز وراح معها وطلعوا بالحديقه الي ورا بيتهم
سحر:ماشاءالله حبيت جود
عزيز:وش دراك؟
سحر:دريت وبس والبنت تتركها ولا لاتكلمني
عزيز بحده:وش تتركها ولا ماتكلمني تمسكيني من ايدي الي توجعني
سحر:قلت الي عندي
راحت تنام راح لغرفته وبدا يفكر كيف عرفت وتذكر نوره
عزيز:اوريك يانوره
نام قاموا الصباح وبدلوا وتوجهوا للجامعه بدت المحاضره ودخلوا جلست جود كل عاده جمب عزيز وجمبها نوره وجمبها ليلى وليث جمب عزيز
ليلى بهمس:يعع تتلزق
نوره بهمس:مره
لفوا على بعض وضحكوا
عزيز:سلامات صوتك انتي وهي
نوره بحده:مو شغلك مالك دخل فيني
ليلى:حتى انا اخوي هو ولي امري انت وش دخلك
عزيز:ليث تكلم
ليث:ليلى صوتك يابوي
ليلى ناظرته:ابشر
قصرت صوتها هي ونوره وبدو يسولفون
خلصت  المحاضره وطلعوا نوره وليلى مع بعض وراحوا للحديقه عند سحر
سحر:الله الله وش جمعكم مع بعض
نوره جلست وهي تضحك:كره جود
ليلى:طافك قبل شوي تتلزق بعزيز قرف
نوره:مرهه
جلسوا يسولفون
نوره:بروح اشوف كارولين ويمكن ارجع للبيت لان محاضراتي خلصوا
سحر:اوكيه
راحت نوره للبيت لانها مالقت كارولين وصلت ودخلت وسكرت الباب وبدلت وسوت قهوه وطلعت للحديقه الي ورا بيتهم
عزيز سال عنها وقالوا رجعت البيت رجع البيت وهو يسبق خطواته وصل ودخل
عزيز:نورههه
نوره تحجبت وانصدمت من جاء ومسك يدها وقومها بقوه
عزيز بحده:انتي قايله لسحر عن الي بيني وبين جود
نوره بحده:وخر يدك عني هاذا اول شي ثاني شي وش دخلني فيكم وخر عني
عزيز مسك معصمها:انا اعرف اربيك يانوره
نوره جت بتروح ورجعت خطوتين:قبل اروح تذكرت انك ولد عمتي و حبيت اقولك انتبه من جود
عزيز عقد حواجبه:وش قصدك
نوره اخذت قهوتها ولبست بوت وطلعت ولا ردت عليه وخلته بحيرته بعدين قال بهمس:لا هي تبي تشتت افكاري
استغفر ورجع للجامعه
طلعت نوره تتمشى دق عليها ماجد
ماجد:عميمه شلونك؟
راشد:عطني
ماجد:اصبر
نوره ضحكت:بخير
ماجد:زين راشد يبيك
نوره:هلا رشود
راشد:هلابك اسمعي تبين انصحك بمكان بطل
نوره:اسلم
راشد:روح للبحر في جلسات تحت اجلسي وتاملي الامواج والله شي رهيب وخوذي قهوه
نوره ضحكت:ابشر يله حبايبي تبون شي
راشد وماحد:لا سلامتك
قفلت وراحت للمكان الي قالها راشد عنه وجلست انصدمت من جاء واحد وجلس جمبها بس بينهم مسافه
لفت نوره:ليث؟
ليث:اي ليث اسمعي بقولك شي بس لا تزعلين مني
نوره ضحكت:جت عليك قل
ليث:سمعت كلامك مع سحر امس بس ماكان قصدي انا شفت سحر ولحسبها لحالها وخفت عليها وبالغلط سمعت
نوره:ليث اختصر بتقول لعزيز قله لانه ماعاد يهمني
ليث ابتسم:لا عندي خطه
نوره لفت له:والي هي
ليث ضحك:توه مايهمك
نوره ضحكت:قل تكفى بسرعه
ليث:ابد اول شي نكشف جود بعدين نمثل لعزيز ان بينك وبيني شي
نوره:لا ياقليل
ليث:اهدي مراح يصير شي حقيقي تمثيل ونعلم سحر وادري بتقولين انا ماقبلها على نفسي ومدري وشو بس بخلي سحر تقول انها تحس بيننا نظرات وبس
نوره:طيب نكشف جود وفهمناها بس انت وش دخل؟
ليث:عشان اجمعكم
نوره:ياخي كنت اكرهك صرت احبك بس مو حب الي ببالك حب كانك اخوي
ليث:بس عندي شرط
نوره:توني قاعده اقول اخوي وش شرطك
ليث ضحك:لا شرطي بسيط بس يبقى بيننا
نوره:ابشر يبقى بيننا بس وشو شرطك 
ليث:انا احب سحر وابي اجس النبض
نوره ضحكت:ازهلني بس لازم تعرف انه محرد تمثيل بيننا عشان ماتزعل
ليث:تم
رجعت نوره للبيت لقت الكل جالس جت وجلست
نوره:سحر امشي نمشي شوي
سحر ابتسمت:جبتيها مشينا
طلعوا يمشون
نوره:سحور وش رايك با ليث
سحر:انسان محترم وخلوق بس ليه؟
نوره:مدري سمعت كارولين معجبه به وابي اشوف
سحر بعصبيه:حبها برص وش تبي به
نوره ضحكت:تحبينه
سحر استحت:تقدرين تقولين
نوره:طيب تراني امزح وابي اجس النبض
فتحت جوالها وكلمت ليث
ليث:الو بشري
نوره:العصفور طلع معجب
ليث:في ذمتك
نوره:ايه تعال للحديقه
قفلت وحطت حوالها شوي وجاء ليث
ليث ابتسم:سحر شلونك
سحر استحت:الحمدالله
جلس ليث
نوره:سحر اسمعي سوينا خطه وبناخذ رايك قررنا انا وليث نكشف جود وبعدين نسوي ان بيني وبين ليث شي بس مايصير شي بس نظرات بس عشان ماتزعلين
سحر ابتسمت:تم كيف نكشفها؟
ليث:هاذي علي معكم الهكر ليث
طلع لابتوبه وهكر جهازها وشاف كل شي من صورها مع عيال لين محادثتها
نوره:شلون نوري السبيكه الي جواء
ليث ابتسم:سهله
نوره:شلون؟
ليث:ادخلوا ونادوه لي
راحوا سحر ونوره
سحر:عبد العزيز ليث يبيك برا بالحديقه
عزيز عرف انها زعلانه لانها قال اسمه كامل:زين
طلع عزيز وجلس جمب ليث
عزيز:وش عندك يطيب
ليث:شف تعرف الخوه الي بيينا واني احبك مثل روحي وماحب احد يلعب عليك
عزيز:وش عندك
ليث:قبل كل شي علمني تحب جود؟
عزيز:حتى انت علمتك نوروه
ليث:ولد اعقل مالها شغل البنت علمني
عزيز:ايه احبها
ليث:طيب عشان مانطول عليك تفرج
عزيز انصدم من شاف الصور والمحادثات:هاذا فوتشوب مستحيل حقيقي
ليث:لا حقيقي واذا مو مصدق رح لبيتها وخذ جوالها وشفه انت حمار لانك تركت الي تحبك وخذيت الي تبيك عشان فلوسك رح شف
راح عزيز وهو يفور طق الباب وفتحت له
جود:ياهلا بالحب ادخل
دخل عزيز بحده:وين جوالك
جود ابتسمت:ليش ؟
عزيز بحده:وين جوالك سوالي واضح
جود اشرت على الطاوله:هناك
راح عزيز يفتحه بس لقى عليه رقم سري
عزيز:كم الرقم
جود:مو شغلك
عزيز بحده:كم الرقم
جود بخوف:2976
عزيز فتحه وانصدم انه كل شي قاله له ليث حقيقي رما جوالها
عزيز:تلعبين علي؟
جود:لا والله
عزيز بحده:معك خيارين يا تروحين الان لاهلك ياتوصل صورك لاهلك وترا كل شي عندي وبرسله لهم اذا خلاص 12 ساعه مارحتي
راح عزيز قامت هي زي المجنونه لبيتهم طقت الباب ودخلت وجت تبي تضرب نوره بس سحر. مسكت يدها
سحر:لا ياحلوه لا
جود بحده:انتي قلتي له
نوره ضحكت:انا ماقلت شي ربي كشفك
جود حاولت تضربها جاء عزيز ووقف وحط نوره وراه
عزيز بجده:بنت خالي تخسين تمدين يدك عليها ويله تقلعي من هينا لا أرسل كل شي لهم
سحر ضحكت:سمعتي يله
راح جود واخذت اغراضها وسافرت على ارب رحله
نوره وقفت قدامه:انا ما احتاج واحد مثلك يحميني فاهم
عزيز:نوره اصبر
نوره صعدت وتركته
مر اسبوع وعزيز بدا يحس شي تجاه نوره وهو من اول يحس بس صار شي وقف بوجهه
-يوم الجمعه بعد الظهر-
جاء ليث وجلس عندهم هو وليلى نزلت نوره وحضنت ليلى
نوره:تو مانور البيت
ليث ابتسم وناظرها:منور باهله
جلسوا سواليف وضحك ونوره كانت تتعمد تسولف مع ليث عشان تبيه ينقهر
سحر ارسلت لها نوره تبدا همست له:عزيز تعالي
عزيز قرب منها شوي
سحر:ماتحس بين ليث ونوره شي مش طبيعي
عزيز ناظرهم:لا عادي
سحر:انا صارلي فتره احس كانت تكرهم فجاه حبتهم ونظراتهم حق بعض
عزيز جلس متنح بهم وحس ان بينهم شي سكت شوي
ليلى:اجل وبن عمكم وزوجته؟
سحر:طالعين يتمشون
نوره:سحر قومي معي انتي وليلى نحط الغداء
ليث ابتسم وناظرها لين راحوا:لا تبطون
عزيز لف له:ابو اليث وش بينك وبين نوره
ليث لف عليه:هاه لا ولا شي يتهي لك
عزيز جلس وشاف لما نوره جت كيف ليث قام واخذ منه الصحون
عزيز قام:ليث ارتاح انا اساعدهم
جاء يبي ياخذ منها الصحون نوره بعدت يده:مابي منك شي وخر
حطت الاكل وبدوا ياكلون وكان عزيز بنص وجمبه سحر وجمب سحر نوره والجهه الثانيه ليث وليلى
عزيز شاف ليث متنح بنوره:اقول ليوث
ليث لف بدون مايشيل عيونه:هلا
عزييز لف وجهها له:ورا ما تاكل
ليث كلا وقاموا يغسلون
ليث:تبون نطلع الالعاب؟
عزيز:لا مشك
نوره:اي تم
ليث:اجل روحوا بدلوا انتظركم وعزوز انت اقد اذا تبي
عزيز هز رايه:لا بجي
قام وبدل ولبس كان لابس بنطلون جنز غامق وهودي اخضر
نزلت نوره وهي لابسه بلوزه بيج وبنطلون جنز فاتح وجاء ليث من بيتهم لابس بلوزه بيج وبنطلون جنز فاتح وكانت هاذي خطه من سحر
عزيز:ماشاءالله مطقمين
ليث ضحك:بصدفه
نوره ابتسمت:زي ماقال ليث بصدفه
ليلى:يله طلبت سياره مشينا
راحوا لمدينة الالعاب
نوره ضحكت زي الاطفال وعزيز كان يتاملها
راحوا ليلى وسحر يلعبون وراحت نوره لحالها تلعب لحقها ليث ووراه عزيز
دخلت لعبه ومسك عزيز ليث
عزيز:ليث اذا ماتبي علاقتنا تخرب بعد عن نوره
ليث صحك:وش بعد عنها تراني مو جمبها انا
عزيز:اشوف نظراتك لها انت تحبها صح؟
ليث ابتسم:تقدر تقول بداية اعجاب
عزيز:ليث انت قلتها لي قبل تركت الي تحبك وخذيت الي تبيك عشان فلوسك يعني نوره تبيني
ليث ضحك:كانت كانت تبيك الحين يمكن فيه مشاعر تجاهي
قطع عليهم نوره:ليث سحر امشوا نلعب
ليث ضحك:سمعت قالت ليث ماقالت عزيز معناته ماتبيك
عزيز عصب وسكت وراح معهم ولعبوا لين تعبت نوره والبنات ورجعوا البيت
مسك عزيز ليث على جنب وراحوا للحديقه
عزيز:ليث بعد عن نوره لاني انا احبهاا
ليث بحده:والدليل رحت لصديقتها
عزيز بحده:انا رحت لجود وسالتها نوره تحبني ابي اجس النبض من اقرب انسانه لها قالت لي وهي تكرهك اصلاً وصارت تسولف معي لين اعجبت بها وحاولت اتخطى نوره بجود وانا غلطان وانا حمار بس بعد عن نوره
ليث: هاذي حركه سوينها فيك انا ونوره وسحر واعذرني عليها بس نبي نخليك تجرب شوي من الي جربته نوره ولا انا اشوفها مثل ليلى واعز وانا ببالي وحده ثانيه
عزيز ضحك:في ذمتك
ليث:اي وجاء دورك الحين
عزيز حضنه:ياخي انت اعظم انسان عرفته
ليث راح وقال بغرور:ادري امش
راحوا للبيت وشافوا مافي الا ليلى ونوره
ليث:وين سحر؟
ليلى:نامت
ليث:طيب قومي بكلم امي
ليلى قامت:يله نوره باي
نوره ابتسمت:باي
راحت ليلى جت بتروح نوره فوق بس وقفها صوت عزيز
عزيز:وقفي بكلمك
نوره:مالي معك كلام
عزيز:عشان خاطري امشي نتكلم شوي
نوره راحت معه وجلست بعيد شوي عنه:معك خمس دقايق
عزيز:انا ماحبيت جود
نوره:تبداها كذب بقوم
عزيز:اصبري انا كلمت جود لاني احبك وسالتها انتي تحبيني بجس النبض من اقرب احد لك قالت لا وانك تكرهيني وما تطيقين تشوفين وجهي وانا حاولت اتخطاك بجود بس ماقدرت صح شفتيني معها بس كنت احاول انساك ولا قدرت
نوره:ليش ماسالت سحر ليش جود ليش؟
عزيز:لانها اقرب وحده لك خليك من هاذا سامحتيني
نوره هزت راسها:ايه
عزيز:طيب تحبيني
نوره استحت وراحت فوق ركض وتحس قلبها بحلقها
عزيز كان حافظ رقمها شلون ينساه وهو ناحته بمخه كتب رقمها وارسل لها:ادري انك تستحين تردين علي بالواقع ردي علي هنا تحبيني مثل ما احبك عشان اعرف وش اسوي ؟
نوره:يعني لو ما احبك ليش ازعل منك
عزيز:يعني اذا رحعنا بعد شهرين بتوافقين علي؟ اذا خطبتك
نوره بنفي:لا ياعزيز مو وقته ولا اعمارنا تسمح
عزيز:انتي عمرك 19 وانا عمري 20 وش المانع
نوره:شف كلها كم سنه ونتخرج وقتها تعال وتقدم
عزيز:طيب ابي اتواصل معك عادي؟
نوره بنفي:لا ياعزيز اعذرني بس علاقتنا غلططططططط
عزيز ضحك وقال بصوت عالي شوي عشان كذا حبيتك:اشهد بالله انك بنت رجال
نوره ضحكت:ترا ببلكك
عزيز بنفي:لا لاخليني والله مابرسل شي
نوره:اذا ارسلت بتتبلك ترا 
عزيز قفل جواله ونام برضى
-بديره-
كانت الساعه 11:30 باليل وكانوا متجمعين بمجلس واحد رابح اشر لنجد وقاموا وطلعوا للحوش
نجد:وش تبي؟
رابح:ابي اسلوبك الزفت يتعدل
نجد:ليه موب عاجبك اذا مو عاجبك اسلوبي تقدر تروح الباب يفوت جمل
رابح اعتلى صوته من برودها لدرجة لم اهله عليهم:نجد والي رفع سبع ونزل سبع الان اروح اخطب عليك وتعرفيني رابح واسويها ولا بكره الصبح توصلك ورقة طلاقك انا طفرت شفتي شلون طفرت وقسم بالله يانجد ان ماتعدلتي لا اتزوج فوق راسك وتعرفيني واذا كرهتك يانجد والله لى تسوين الي تسوينه ما التفت لك
نوره:وشبكم يمه هدوء
نجد نزلت دمعتها
رابح:عمتي تفاهم معها انا تعبت وعجزت افهمها ولا ثم والله للعن والديها الكلبه الي تشيشها علي
قال رابح كذا وراح لشارع يدور
نوره اخذت بنتها ودخلت داخل
نوره:وشبكم يمه
سعاد بحده:عطيني جوالك
نجد مدت حوالها افتحته
سعاد:شسمها؟
نجد:تهاني
سعاد دقت عليها وفتحت سبيكر
تهاني:هلا نجود هاه سويتي الي قلته لك عليه جحدتيه
سعاد قفلت السبيكر:شوفي عاد ياخرابت البيت لا تعرفين نجد ولا تدقين عليها فاهمه دقو حنكك ولا وقسم ارفع عليك قضيه
تهاني بخوف:اب ابشري
سعاد:قبل تقفلين من دازك؟
تهاني بخوف:عمامها وعطوني مبلغ
سعاد:الله ياخذهم وياخذك يله انقلعي
قفلت وبلكتها
سعاد:الي كذا ياماما ما يساعدون يزيدون النار حطب بكلم رابح يجي تروحين معه وتحلونها طيبب
نجد هزت راسها
نوره:قومي غسلي وجهك وتعدلي
قامت نجد وغسلت وجهها وعدلت شكلها
سعاد كلمة رابح:ربوح تعال مرني بسرعه بسرعه
رابح:انا برا اطلعي توني ماحركت
سعاد:البس عبايتي واطلع لك
طلع نجد وهي متنقبه
سعاد:اطلعي بسرعه وفهميه السالفه حتى لو رفض
نجد ابتسمت:ابشري
طلعت وركبت حرك رابح
رابح:عميمه وين اود
لف وانصدم من شافها شيم
رابح بحده:وش جابك؟
نجد:رح للمزرعه وبقولك
رابح راح للمزرعه ووقف ونزلوا دخلوا غرفة جدهم وجدتهم رمت نجد عبايت كانت لابسه جكيت منفوخ وبنطلون جنز واكسسوارات ومسويه شعرها ويفي ومكياج ناعم مسكت يده وراحوا جلسوا بالجلسه
نجد مسكت يده:رابح انا اسفه بس كنت اسحبها صديقتي مستحيل تضرني بس ضرتني بك انا اسفه
رابح بحده:انتي تسمعين كلامها مره يانجد
نجد:بس انا عرفت غلطي وجيت اعتذر منك
رابح ضحك:وشلون عرفتي غلطك باقل من عشر دقايق؟
نجد عيونها بدت تلمع دليل انها بتبكي:كلمتها عمتي وطلعوا عماني مرسلينها عشان تخرب علينا واخذ ولد عمي وانا (بدا الكلام يتقطع ويطلع صوت شهقاتها)
نجد وهي تبكي وتشاهق:والله احبك والله يارابح اشوفك اماني بعد الله اشوفك سندي اذا ضاق بي شي لا تتركني بيد من لا يرحم مثل عمامي تكفى
رابح حضنها:بس يانظر عيني بس
نجد مسكت قلبها بالم
رابح:وشبك؟
نجد هزت راسها بنفي:مابي شي بس خايفه
رابح:من وش لايكون مني؟
نجد نفت:مو منك علينا عمامي شر يخوفون
رابح بحده:شر على نفسهم ويخوفون نفسم انا ولد ابوي
نجد حضنته وهي ساكته
رابح شد عليها
قاموا يتمشون
نجد ضربته:تبي تتزوج علي ولا تطلقني ياحيوان
رابح:اخسي اطلقك
نجد:احل تتزوج عالي اصلاً انت كنت حاط هل فكره ببالك من اول ادري انك صرت ماتحبني ادري(قالت كذا وبكت)
رابح استغفر:يبنت الحلال انا الي رجعت وخطبتك لو مابيك مارجعتك بعدين انتي عن اربع حريم بنظري
نجد ناظرت جسمها:قصدك سمنانه
رابح حوقل:لاحول ولا قوة الا بالله مع هل يوم الي ماييس يخلص نجد انا اقصد انك معبيه عيني ولو يجيبون ملكة جمال العالم مابدلك بها
نجد ضحكت:طيب تعبانه بنام 
نامت نجد بعمق وهو جالس يتاملها
مرت شهرين وثلاث اسابيع
- بامريكا -
نوره:الله اخر دوام واخيراً بنروح لديره
سحر:الي يسمعك يقول الله والديره
نوره همست لها:عشان حبيب القلب صح
سحر هزت راسها بنفي
نوره ضحكت:لا واضح
خالد:جاهزين ترا بنقعد لين عرسهم وبعده يوم ونمشي مره ثانيه
نوره:بس نلبس شي مريح ونمشي
راحت نوره لبست بلوزه بيج وبنطلون جنز ولبست سحر بنطلون اسود وبلوزه سوداء وجمانه لبست هودي وبنطلون وخالد نفس اشي لبس عزيز هودي بيج وبنطلون جنز وكاب بيج
وطلعوا للمطار ارسل عزيز لنوره
عزيز:هاذي نفس الي طقمتي فيها انتي وليث؟
ننره:ايه وبعدين وش قلنا تبي تتبلكك
عزيز ضحك وسكر جواله ركبوا الطياره ووصلوا الساعه 10:30
نوره وهي نازله بعبايتها:الحين متاكدين محد يدري
خالد ضحك:ايه يله مشينا
-الكل كان جالس بالمجلس-
الجد:والله خالد فقيده
الجده:اي والله
دخل خالد:معكم الي منور الحته خالد
ودخلوا وراه
الكل صرخ بفرحه وبدا الكل يتحمد لهم بسلامه وجلسوا وراحوا الحريم للمجلس عشان يرتاحون
عزيز راح يغسل يده عند مغاسل الرجال رفع راسه شاف نوره لابسه فستان ومسويه شعرها ويفي وحاطه ميكاج تاملها وقال بينه وبين نفسه:سبحان خالقك
دنق واستغفر ربه راح للمجلس فتح جواله وارسل لنوره
عزيز:نوره فاضيه
نوره؛حاب تتبلك؟
عزيز:نوره مو وقا مزح اكلمك جد فاضيه.
نوره:اي وشبك؟
عزيز:انا ما اقدر بخطبك من خوف وبس ملكه ولا تخرجنا نتزوج
نوره:لا بيرفضك خوف
عزيز الي عصب:وليه يرفضني
نوره:تستهبل عزوز تدري انك تدرس وللحين ماتخرج ولا موظف
عزيز ارسل لها:هاذي سهله انا عندي شركه بالمدينه من ابوي يعني ورثي ويجيني منها شهرياً مبلغ محترم خليني اخطب
نوره:وأعمارنا وانتا ندرس
عزيز:نوره خلي العمر هين والدراسه هينه انتي تبيني
نوره:ايه
عزيز:خليها علي
نوره:انت شايف كذا
عزيز:ايه
نوره:سو الي تشوفه
عزيز قفل جواله وحطه بجيبه وهمس لفهد
فهد:وشبك؟
عزيز:بخطب
فهد:عزوز تستعبط توك بزر
عزيز:عمري 20 سنه وراتب يجيني كل شهر راتب عالي وشكرتي تدر على فلوس وعقارات بخطب معي؟
فهد:ابشربي ياخوي بس منهي؟
عزيز:نوره سميت الغاليه
فهد ضحك:بناخذ خوات يعنبو حيك
عزيز ضحك:يله نبدا
فهد:داخل مباراه يله مبدا سد حلقك
عزيز:خوف
خوف لف عليه:سم
فهد:حنا جايين نبي القرب منكم نبي نطلب يد نوره لعبدالعزيز
خوف ابتسم:بس ياعزيز انت ماعندك دخل وتوك طالب والعمر
عزيز الي كان مجهز رده:عشان الدخل انا عندي شركه باسمي وراتب ينزلي من ابوي الله يرحمه شهرين ووعندي عقارات واذا عشان الدراسه اتوقع انا ارل من ايد سحر اختي انها تروح ليه لاني فاهم واعي واذا عشان الاعمار نملك الحين وبعد مانتخرج نتزوج
خوف ضحك:ماشاءالله مجهز ردودك مثل الي خطبتها سبحان الله الطيور على اشكالها تقع
الجد:قم اسال اختك
خوف هز راسه قام وصوت لنوره وامله
امل:هلا يمه ؟
نوره:هلا خوفي
خوف ابتسم:هلابك ياروحي
امل:وشبك؟
خوف:جايك خطاب
امل:منهو؟
خوف:عزيز ولد عمتي نوره
امل:لا يمه لا توها صغيره
خوف:يمه خليني اسمع ردها لان هاذي حياتها وهي حره فيها
نوره ابتسمت:الي تشوفه ياخوي
خوف:انا ما اشوف انتي وش ردك
نوره استحت:موافقه
خوف حضنها:اجل بالبركه يابنتي
نوره دمعت عيونها وشدت عليه:يبارك فيك ياحبيبي
راح خوف للمجلس
امل مسكتها:امشي الله يصلحك
راحوا للمجلس
الجده:وشيبي خوف منكم؟
امل ابتسمت:عزيز خطب نوره
الجده ضحكت:على البركه
نوره:يبارك بعمرك ياجده
العمه نوره:قليل الخاتمه ماعلم امه
الجده:اهم شي خطب على البركه يارب
المل بارك لها وهي تحس باحراج
-بمجلس الرجال-
خوف:وافقت على البركه ياعزيز
عزيز:يبارك بعمرك
باركوا له وجلسوا كلهم
الجد:يعني الحين تملكون وبعد التخرج تتزوجون
عزيز هز راسه:ايه ياجدي
الجد:وين الشيخ؟
خوف:جاء
وقع عزيز وودا خوف الدفتر وعزيز وراه وقعت نوره حضنها خوف وبارك لها ودخل عزيز كانت لابسه فستان احمر على الجسم وفاكه شعلها البني الي لين كتفها ومسويته ويفي وحاطه ميكب ناعم
عزيزابتسم:ماشاءالله تبارك الله والجمال
نوره ضحكت واستحت
عزيز جلس وجلسها ومسك يدها:اتفقت مع خوف اننا نملك لين نخلص دراسه وبعدها نتزوج
نوره ابتسمت:اي ادري قلت لي
عزيز ضحك:بسالك سوال
نوره تأملته وهو يضحك:اسال؟
عزيز ابتسم:لو ارسل لك او اكلمك اتبلك؟
نوره ضحكت:الحين لا
عزيز:شرايك نتزوج ونعيش بامريكا
نوره هزت راسها بنفي:لا ياحبيبي تراني احب الديره اعذرني
عزيز ابتسم:يا ايش
نوره وهي فاهمته:يا عزيز
عزيز ضحك:اي هين
نوره ابتسمت:الحمدالله الحين اقدر اخذ راحتي هناك
عزيز ابتسم:من اي ناحيه
نوره:من ناحية اني لابسه طويل ومتحجبه طول الوقت
عزيز ضحك:اهاه ماخذتني عشان هسبب يعني
نوره وهي تمزح:اكيد اجل عشانك
عزيز حب خدها:احبك
نوره استحت:حتى انا
عزيز:حتى انتي وش
نوره ضحكت من دق جوالها وانقذها:هلا سحر تمام جايه
نوره قفلت وكملت:سوري بس سحور تبيني
عزيز:دقيقه عطيني جوالك
نوره بكل ثقه مدت جوالها له فتحت عزيز الواتساب وشافها مسميته A غير اسمه من A الى حبيبي ومد لها جوالها
نوره ضحكت:ابو الثقه
عزيز:بس ثقه بمحلها
نوره:ورني وش مسميني
عزيز فتح جواله ومده لها قرت اسمها كان مسميها حبيبتي الاولى والاخيره
نوره دمعت وحضنته شد عليها وضحك:افا وش يبكيك
نوره ضحكت وبعدت:حنانك
عزيز ابتسم:هاذي البدايه يانور عيني
نوره ابتسمت:يله باي بروح اسوف سحر
عزيز هز راسه وجاء بيروح بس وقفه صوت نوره
نوره:زيزو
عزيز لف وضحك:زيزو!
نوره ضحكت:الكل يناديك عزيز وعزوز انا سبيشل اسميك زيزو
عزيز ضحك:حلوه منك زيزو
نوره ابتسمت:تدري اذا ليث وليلى جو
عزيز احتدت نظراته:بحريقه
قال كذا وراح وهي مافهمت ليه عصب
راحت عند سحر
سحر مسكتها:وش صار
نوره قالت لها كل شي:وسالته عن ليث وليلى وعصب وقال بحريقه وراح
سحر مسكت راسها:فهاوتك بتجنني يحمار حنا مو مثلنا ان بينك وبين ليث شي وهو صدقنا الحين يحسبك تكنين له مشاعر
نوره مسكت راسها:يعمري عشان كذا زعل
شحر:كلميه وقولي اني انا سالتك عشان مايزعل
نوره قامت وراحت المطبخ ودقت عليه
عزيز رد:هممم
نوره:وشبك؟
عزيز:مابي شي
نوره:اسمع ترا قبل شوي سالتك عن ليلى وليث لان سحر قالت لي اسالك
عزيز ابتسم من درا انها مادرت عنهم:اي قولي لها جو
نوره:تمام يله باي
عزيز:مع السلام
قفل ورجع يجلس معهم
-جاء يوم العرس حق نجد ورابح-
بعد العشاء بعد ماصورو وخلصوا
دق جوال نوره الي كانت مع عمتها نوره
نوره:عميمه عن اذنك شوي
العمه نوره:خوذي راحتك
راحت نوره وردت على عزيز
نوره:هلا
عزيز:وينك؟
نوره:بالمجلس الي بالقاعه سم بغيت شي
عزيز ابتسم:بغيت اشوف كشختك
نوره:تمام تعال للمجلس من الباب الي ورا
عزيز:جايك
راح ركض تعطر وعدل نفسه
راشد:وين يالحبيب
عزيز:امي تبيني
راشد ضحك:امك ولا نوير
عزيز ضحك:لا تفهمني صح
راشد ابتسم:الله يهنيك
عزيز راح وفتح باب وشافها قطعة قمر كانت لابسه فستان اسود مفتوح من فوق وماسك لين خصرها ومن تحت نافش شوي وكان الفستان بين فوق ركبتها ومسويه شعرها ويفي وحاطه ميكاج خفيف محليها ولابسه كعب عالي شوي
عزيز ابتسم وسكر الباب:ماشآءالله تبارك الرحمن قمر اربع طعش
نوره لفت عليه:اكيد ضيعوا بسنك وبين المعرس يالبيه والكشخه
عزيز جاء وحضنها وشد عليها
عزيز:ياحظي اول من شاف كشختك
نوره ضحكت:للاسف اخوانيوعيالهم وجدي شافوني قبلك
عزيز بحده:شافوك بلبسك هاذا؟
نوره رفعت حاجبها:اي
عزيز بعصبية:شلون يشوفونك كذا؟ شلون
نوره بحده:وش فيها اخواني وجدي ترا
عزيز وصوته بدا يعلى شوي:نوره فخذك كله باين وتقولين وش فيها هاذا المنظر مايحق لاحد يشوفه غيري محد له حق فهمتي
نوره بحده وقف بوجهه:انت انسان مريض بعد عني بعد
دفته وراح للقاعه وتركت وراها كتلت نار
سحر شافتها مو على بعضها
سحر:وشبك؟
نوره نزلت دمعتها:تهاوشت مع التبن عزيز
سحر:وش صاير
نوره قالت له السالفه:فستاني به شي
سحر:معليك منه بكلمه وفستانك يجنن قومي نرقص
نوره مسكت يدها وقاموا يرقصون وانتها العرس وركبت نجد مع رابح
رابح مسك يدها وحبها:يالبيه يانجدي ياديرتي واهلي كلهم
نجد ابتسمت بحيا وسكتت
وصلوا للفندق راح رابح يجيب شي يااكلونه ودخلت تغير حممت جسمها ورطبته ولبست شورت وتيشيرت علاق ولبست فوقهم روب
جاء رابح وحط لهم الاكل وكلوا
رابح:احسنا بحلم
نجد ابتسمت:حتى انا تصدق اني احس اني طايره فوق السحاب
رابح ابتسم:الحمدالله على التمام ياربي
نجد ابتسمت:الحمدالله فعلاً
قام رابح يغسل يده وشالت نجد الامل وغسلت المواعين واتجهت لسرير رمت الروب على الكنب وانسدحت جاء رابح وانسدح بالجهه الثانيه وحضنها بس قشعر جسمه من لمست رجوله رجولها
-ثاني يوم الصباح-
قاموا الكل واجتمعوا ببيت الجد
جو رابح ونجد ودخلت نجد قسم الحريم ودخل رابح قسم الرجال
راحت نحد جمب الريم
الريم ابتسمت:اخري لاعب شغله صح
نجد ضربتها خفيف:بس ياقليلة الادب انتي واخوك
الريم ضحكت:تتذكرين يوم اقولك رابح اسوا بمراحل من فهد
نجد ضحكت:صدقتي بهاذي
-بمجلس الرجال-
رابح:وين عمي وعزيز
الجد:رحلتهم الصبح وراحوا من بدري
رابح:الله يستر عليهم
الجد:القهوه ياعيال
خوف:استريحوا انا اصب
الجد:اقعد ياخوف في اصغر منك
خوف ابتسم:مشتهي اقوم اصب
الجد:الي تشوفه
قام وصب وخلصت الدله ودخل يجددها دخل المطبخ شاف روح وسفهل
خوف متعمد:ياولد
روح وهي ماتبي تكلمه بس عشان يدخل:مافيه احد
خوف دخل شافها حاطه الجلال على راسها
خوف وهو بحط البريق على النار:ترا بس انا الي دخلت شيلي جلالك
روح عملت نفسها ماتسمعه وتذكرت ملامه ونزلت دمعتها وشهقت فجاه
خوف انصدم وراح لها ولف وجهها له:افا والله ياروح تبكين
روح بكسر:وخر عني ماني ببكي
خوف:والله مخليك لمشي معي اخذها للحديقة الي ورا البيت وجلسها وجلس قبالها
خوف:ادري اني زعلتك وادري انك معصبه بس والله يروح بدون قصدي تجمعت علي الأمور وفاة ابوي ووفاة ام صقر وضغط الشغل وسالفة نوره و
—————————————————————————
(شرايك بالبارت وش عذركم ما تتفاعلون دلعتكم ونزلت لكم بارتين😭😭توقعتوا عزيز ياخذ نوره ولا لا وش رايكم بحركة جود الوصخه قهرتني تتوقعون خوف وش كان بيقول لروح عطوني احتمالاتكم للبارت الجاي احبكم❤️❤️❤️❤️❤️❤️❤️❤️❤️❤️❤️)