ياوجهٍ ملاه الحسن سبحان باريّه ‏تاهت وصوف الشعر في جل حسنه

البارت السادس

مطلق يكلم وما انتبه لوجود روح
روح كانت تسمع وتحسي الصوت جاي من برا جت بتطلع اخذت جلالها وجت بتطلع حست بشخص مسك كتفها وقال:من انتي
روح حطت الجلال على وجهها وبعد يده:انت من؟
مطلق عرفها من صوتها وابتسم:روح؟
روح حست انه مطلق:من انت؟
مطلق:مطلق
روح ابتسمت:سم
مطلق:سم الله عدوك بس لاتجين هنا عشان الرجال رايحين جايين
روح خافت يفهمها غلط:: لا بسشيوم طيحة الخاتم الي جابها لها خوف وجيت ادوره
مطلق ابتسم:لقيتيه؟
روح:اي بروح قبل يجي احد
مطلق ابتسم:زين
راحت روح وجت لمطلق صوره وكانت صورة روح وهي جالسه وتناظر الخاتم مطلق حس بشعور الغيره ميدي كيف صورها هاذا الشخص وحس انه يميل لروح طلع من الصوره من لمح شكل روح واستغفر ربه واتصل على ابراهيم وهو خلاص يدور اي زله على اي احد
ابراهيم:سم يا مطلق
مطلق:ابراهيم ابي رقم ابن الكلب الان
ابراهيم ابتسم:مطلق يدورون ابشر بكره وهو عندك
مطلق قفل بوجهها وهو يفور جلس بالمجلس
جلس المل لين الساعه 12 وتوجهه الكل لبيته ينام شوي قبل السحور
مطلق راح لجدته وقال لها تجي هي وروح المجلس
وبالفعل روح لبست جلالها وراحت مع جدتها المجلس
الجده:وش فيك يامطلق
مطلق وهو يفور مد جوال لروح:شوفي
روح اخذته:وشافت صورتها وهي جالسه على الكنب ومبسوطه انها لقت الخاتم شهقت وبدت تبكي:وش وش لون
مطلق مقدر يتحمل دموعها:امسحي دمووعك بكره الصبح الرقم عندي
روح مسحت دموعها:مشكور يامطلق ماتقصر عن اذنكم
راحوا روح وجدتها للمجلس وروح نامت على رجل جدتها وهي تبكي
مطلق مر من عند المجلس وسمع شهقاتها وحس انه وده يروح ويحضنها ويخفف عنها التعب
-الكل نام وجاء صباح يوم جديد-
الساعه 5:30 قبل المغرب
الجد:لاتراه مصخها مطلق وش هشغل الي مايخلص
خوف:لا ياجدي صدق عنده شغل انا كان عندي بس اخذت اجازه هو ماقدم على اجازه
-بمبنى بعيد-
مطلق بعصبيه ضرب يدهه على الطاولة:ابراهيم ابي اعرف صاحب الرقم حي كان ولاميت
ابراهيم وهو يحاول يهديه:يبن الحلال الرقم مو مسجل باسم احد لان الشريحه قديمه انت عطني مشكلتك مع صاحب الرقم وانا احلها
مطلق لف والشياطين تتنطن قدامه:صاحب الرقم يرسل صور اهلي لهم ولي
ابراهيم:طيب عندي الحل بلكه فا راعي الرقم راح يرسل لكم من رقم ثاني فهمت علي وراح نطلعه ابن الكلب
مطلق هو للان مصعب:زين يبو عيسى زين
جاء مطلق يبي طلع
ابراهيم:يابو ذيب
مطلق:سم
ابراهيم ابتسم:ابيك بكلمه تعال
مطلق دخل وسكر الباب:يابو عيسى وراي فطور وجدي بيلعني
ابراهيم احتدت ملامحه:اسمع يامطلق تدري اني مخبي عنك شي وانت ماتخبي عني شي وش فيك احلام مسويه شي؟
مطلق مسح وجهها وشنبه:مدري في شي غلط بحياتي
شفت روح بنت عمي بلغلط بالبدايه اعجبت بها بس هي لا وكانت تقول لي راعي البنات ووضحت اختي لها الصوره بعد قتره صارت مواقف وبديت اكن لها مشاعر وهاذا الرقم يصورها ويرسل صورها لها وذاك اليوم ارسل صورها لي طبعاً هي ماكنت تبي تقول لي بس تسمعت عليها وهي وجدتي وعمي ما يعاملها زين وبغيت اروح اتخانق مع عمي مكستني وترجتني شكلها وهي تبكي اخذ عقلي وبلغلط قلت لها انتي مثل اختي وراحت هي بيتهم وكانها زعلانه وسالت جدتي قالت القلب وانا جدتك القلب فهمتها بس ما فهمتها
ابراهيم ضحك:القلب يعني تحبك حتى هي
مطلق ابتسم:يعني فهمت صح
ابراهيم ضحك:اي بس احلام وش وضعها
مطلق ابتسم ونزل راسه:مدري بشوف شلون ننهي الموضوع
ابراهيم ضحك:ايييي شف وجهك قبل تفضفض وبعد مافضفضت
مطلق حضنه:حبيبي يابو عيسى انت اكثر انسان صابر علي
ابراهيم بادله الحضن:انت اخوي يا مطلق واذا تبي تفضفض لو الساعه ثلاث الفجر دق علي بس
مطلق ابتسم:الله يحليك لي ذخر وسند
طلع مطلق وهو بدا يكن مشاعر لروح
راح لبيت جده ودخل على صوت الاذان
دخل وسلم والكل رد عليه وجلس يفطر
الجد بعصبيه:ياولد مطلق اسمع
مطلق رفع راسه:سممم
الجد بعصبيه:سم الله عدوينك اسمع عاد قدم على اجازه
مطلق رفع عيونه وهو بدا يتنرفز:ياجدي هاذا شغلي مقدر
الجد بعصبيه:واذا قلت لك عشاني
مطلق ابتسم:ابشر من عيوني بس بداوم بكره اخلص شغلي واطلع اجازه
الجد ابتسم:الله يبارك فيك كفو يامطلق  نبيك معنى على الفطور كل يوم
مطلق فز وحب راس جده:ابشر ياجدي وابشر بكره بخلص داوم بدري واجي قبل الاذان بوقت
الجد ابتسم:الله يرضى عليك
-مر شهر رمضان ومطلق مسك الموضوع من البيت وابراهيم يحاول يجيب راعي الرقم ومطلق صار يعلم روح وجدته باخر المستجدات وتعلق بروح وحبها وسحب على احلام وصار مايرد عليها وروح حبت مطلق خوف عرف شيم زين وشيم نفس الشي وافنان سقطت باول اسبوع من رمضان والكل زعل عليها-
-جاء فطور اخر يوم رمضان -
والكل بدا يجهز بحكم ان العرس اول يوم عيد
-بمجلس الرجال-
الجد:ياماجد قم ناد الحريم يفطرون معنا
ماجد:ابشر سعد قم معي
سعد:مشينا
راحوا عند باب المطبخ ماجد:يمههههههههه يمههههه
افنان فزت وراحت عنده:سم يا يمه
ماجد حب راسها:سم الله عدوينك جدي يقول تعالوا افطروا معنا
افنان:زين يمه ترا عمتك روح تنشد عنك
ماجد ابتسم:والله واحشتني قولي لها الي يبيني يجيني
راحوا ماجد وعزيز وماجد كان واقف عند باب المجلس ينتظر عمته روح عشان يبي يسلم عليها
-بمجلس الحريم-
افنان:يحريم جدي يبينا نفطر معهم
الكل حط جلاله فوق راسه وراحوا متوجهين للمجلس
روح وجلالها فوق راسها:اصبروا بس اربط شعري واجي
الكل راح وروح ربطت شعرها عشان ماتحتر وحطت جلالها على وجهها وراحت
-بمجلس الرجال-
ماجد حب راس جداته وسلم على عماته ودخلت اخر شي امه وجلسوا
ماجد لف وجهها للمجلس وهو ضايق:يالريم وين عمتي روح
الريم بضحك:ياكلب اصغر عيالك يالريم
ماجد ابتسم:معليش وينها طيب
نوره قاطعتها:روح نايمه قلت ماجد يبيك قالت مابيه
ماجد ووجهه بان عليه الضيق ودخل المجلس:فذمتك
روح ابتسمت من وراه:كذابه في احد ينقال له مجيد يبيك ويقول لا
ماجد لف وضحك وحضنها:واحشتني ياعمتي واحشتني بشكل ماتتصورينه
روح وهي تبادله الحضن:مايوحشك غالي يانظر عيني انت ويله بعد بسلم على جدي
ماجد بعد وهو يضحك:نوروه اوريك اصبري علي
روح راحت وحبت راس جدها:الله يحفظك ياجدي
الجد ابتسم:امين يانظر عيني
ماجد جلس جمب جده
الجد دقه برجله:زح زح عن روح
ماجد ضحك:افا تطردني عشان رويحه
الجد:اطردكم كلكم عشان روح
الجده:ايه والله تستاهل الروح
روح وهي مستحيه:الله يخليكم لي
زح ماجد وجلست روح جمبه وقالت له باذنه:هم يبعدونك عنهم وانا ابيك جمبي
ماجد ابتسم:الله يخليك لنا
الكل:امينننن
اذن وبدا الكل يفطر
روح حست في أحد يناظرها رفعت نظرها وشافت مطلق يناظرها نزلت عيونها وكملت فطور وهي مبتسمه
ماجد غمز لعمته بمعنى قومي بكلمك
روح قامت تبي تطلع
الجد:وين يبه
روح:الحين اجي
ماجد عمل نفسه جته مكالمه وقام
-بالحوش جاء ماجد-
روح كشفت عن وجهها وكان جلالها على راسها:وشبك وجهك مو عاجبني
ماجد سحب عمته للحديقه عشان محد يسمعه
روح:بعدنا تكلم
ماجد نزل راسه:امي وابوي متهاوشين روح شهقت:من متى؟
ماجد:من سقطت امي
روح مسكت يده:طيب وش السبب
ماجد وهو يشد على يد عمته:عشان امي تاكل حبوب منع حمل وابوي يقول يبي يفرح بولد او بنت ثانية
روح ابتسمت:خلها علي هينه
ماجد ودموعه بعيونه وبدت تنزل:ابوي طلق امي طلقه وحده
روح شهقت وحضنته:خلاص ياروح عمتك لا تنزل دموعك احلها والله احلها وبيرجعون احسن من اول لاتبكي ياروح عمتك
ماجد الي يحس ان عمته ماوا له شد على حضنها
جاء مطلق يبي يكلم شاف ماجد حاضن روح وماكان وجهه روح باين وقال بصوت قصير:ياحظ ماجد يناس
راح لسيارته وشاف ان احلام تدق وهي من نص رمضان تدق وهو يطنش بس قرر يرد
مطلق رد:الوو
احلام بعصبيه:مطلق وش هل حركات
مطلق:وش حركاته
احلام:انا قلت لك معك لنص رمضان وانت سحبت
مطلق:لان مو انتي تمشين كلامك علي
احلام ابتسمت:على فكره تراني انخطبت ووافقت
مطلق ابتسم ابتسامه فيها ضحكه:صدق الف الف مبروك تستاهلون بعض
احلام بصدمه:مو زعلان
مطلق ضحك:ليش ازعل بالعكس فرحان الف الف مبروك
احلام قفلت وهي مصدومه توقعت بيقلب الدنياء بس ماتدري وش صار
-عند روح وماجد-
ماجد هدء:عميمه بطل للحاره
روح ابتسمت:احسن لك وانسى الموضوع انساه طيب
ماجد ابتسم:ابشري
راحت روح وطلعت حلاها من الفرن واخذت صحون وغطت وجهها وراحت المجلس وكلن مطلق سابقها
-بمجلس الرجال-
الجد:وينك يبه تاخرتي
روح ابتسمت:سويت لك البسبوسه الي تحبها وحطيتها بالفرن وجيت
الجد ابتسم:الله يسلم يدينك عاد انا ماكلها الا من يدك
الكل:حتى حنا
روح ضحكت:بس هاذي بس لجدي
مطلق بضحك:يحول هي وجدها غثونا
الكل ضحك
الجد صفق مطلق بالفاين:عاد هاذا لا تحطين له
بدر:روح شفتي ماجد
روح:لا لمحته قبل لاجي طالع للحاره
بدر:لانها يحبها
سعد:عن اذنكم روح بقيلي انا وماجد
روح هزت راسها:ابشر
حطت روح للكل الا لمطلق
مطلق ضحك:ماتفقنا على النذاله
روح انسحرت بضحكته:جدي احط له؟
الجد ضحك: حطيله
روح ابتسمت وحطت لمطلق
مطلق وهو ياكل حلا:امههه لذيذه اعطيها ثمانية من عشر
روح:افا ليه
مطلق:نقصو درجتين على التائخير
الكل ضحك
راحوا الحريم يجهزون اغراض اليوم الموعود
-صباح اليوم الثاني وكان افضل صباح وافضل يوم-
الكل كان مشتط روح دقت على ماجد ياخذها للقاعه وراحت وبدت تشرف على كل شي وخوف معها
اشرفت وتاكدت ان كل شي كامل:خوف بسرعه ودني المشغل عشان اخلص ونرجع
خوف:يله
ودها خوف
-بالمشغل-
البنات مشغلين اغاني ويرقصون عند شيم
روح دخلت وهم حاطين دقوا دقوا خبيتي رمت نقابها وعبايتها وبدت تتمايل وتغني
وشيم تصفق وتضحك
خلصت الاغنيه وروح حبت شيم:ياهلا بعروستنا سمعوني زغروطه
الكل زغرط حتى الي يشتغلون بالمشغل
شيم استحت:ياهلا بعيوني
روح ضحك:بنات معليش ببدا انا اول لاني لازم اخلص وارجع مع خوف
البنات وافقوا الساعه 4:30 خلصت روح شغل واتصلت على خوف يجيها وخمس دقايق وجاء خوف بحكم ان المشغل مو بعيد روح لبست عبايتها
شيم بزعل:وين
روح رجعت وباست خدها:بروح اكمل تجهيزات نتقابل بالقاعه
شيم هزت راسها:من ياخذك
روح غمزت:خوف
شيم:ياقلبي هو سلميلي عليه
روح هزت راسها وقالت:من عيوني
وراحت روح وركبت السياره
خوف ابتسم:وشلون عروستي
روح ابتسمت:تسلم عليك
خوف ابتسم:الله يسلمك ويسلمها
روح ابتسمت:في توتر بس الحمدالله خفيف
خوف ابتسم:الحمدالله شلت همها
روح ابتسمت:شل هم مكياجي اخلص حرك بروح اشوف وش سوو
خوف ضحك وحرك
وصلوا القاعة وشافت روح كل شي يهبل ومثل ماتبي
خوف ابتسم:افتشي مافي احد
روح رمت عبايتها وشافت كل شي يهبل
روح:زين خوف امي تقول جبها هي وخالتي رحمه وعمتي نوره
خوف ابتسم:زين ماجد وسعد برا تبين شي كلميهم
روح:ابشر
راح خوف وطلبت روح قهوه لكل البنات لانهم جايين بطريق وجهزت جلسه حلوه عشان شيم والبنات وبالمجلس الثاني لخوف وشيم
وصلوا الامهات
امل:الله ياخذ العقل المكان
رحمه:صدق يجنن المكان
نوره:المكان ياخذ العقل
خوف ابتسم:الله يسلم يدين روح جعل يدينها ما تمس النار
الكل:امين
خوف:يله عن اذنكم بروح البس
امل:حلقت؟
خوف:اي يوم وديت روح
امل:زين يمه
راح خوف يتجهز
ووصلوا البنات وانبهروا من شكل المكان
شيم ابتسمت وعيونها مدمعه:يابعد قلبي رويحه مشكوره لو اشكرك من هينا لبكره مايوفيك حقك عقبال ماردها لك بعرسك
روح ضحكت:يابنت الحلا ما عملت شي روحوا للغرفه تقهوو وبدلوا بكلم المصوره
الكل اتجهه للغرفه
روح اتصلت على المصوره:الو
روان:اهلين روح شلونك
روح:الحمدالله ياعيوني وينك
روان:بطريق ووصلت تقريبًا
روح:تمام
قفلت منها واتصلت على الشركه وقفلت منهم وجو المساعدات والمصوره
روح وهي متجهه تسلم على روان:السلام عليكم شلونك ياعمري
روان:الحمدالله ياعمري انتي شلونك
روح:الحمدالله ياعمري انتي تعالي معي تقهوي لي يجي المعرس
روان:انتي اخت المعرس ولا العروس
روح دخلتها المجلس:اخت المعرس
روان:الله يتمم لهم بخير
روح:امين
روان:وين العروسه؟
روح:شيوم تعالي
شيم جت
روح:هاذي العروسه
روان مدت يدها:اهلين ياشيم انا المصوره روان
شيم سلمت عليها:يااهلين
روان ضحك:ياحظ المعرس بالعروس اول مره اشوف عروس فرفوشه
شيم ضحكت:لا يغرك قاعده ارجف من داخل
سحر:يله يا شيم بنرقص
حطت سحر هب السعاد وبدا الكل يرقص روح اخذت روان ورقصتها معهم
وخلصوا فقرت الرقص
روح:يله شيوم صار المغرب تعالي اعاونك عشان تلبسين فستانك
شيم ابتسمت:يله
راحوا شيم وروح وروح ساعدتها تلبس فستانها وكان شكلها ياخذ العقل انيقه كثير لبسته وعدلت لها روح شعرها وعطتها مسكتها وجابت بخوره وبخرتها وعطرتها حتى كعبها ساعدتها تلبسه ولبستها اكسسوارتها وخلصو
روح بنبهار:شيوم تهبلين اصبري ابي اقراء عليك
شيم ضحكت:لدرجه هاذي
روح:واكثر
شيم ابتسم وحضنتها:روح شكراً مره على كل شي
روح شدت عليها:ياكلبه مايحتاج شكر اذا ما تعبت بعرسك اتعب بعرس من
شيم دمعة عيونها
روح انتبهت وشغلة اغنيه(ما ارضى عليه) وبدت تغني معه
روان دخلت:ماشاءالله ماشاءالله ياعروستنا تعقدين
شيم ابتسمت:يابعد قلبييييي انتي
روح:شيوم خوف يبيني الحين اجي
شيم ابتسمت من طاريه:تمام نادي لي عمتي بطريقك
روح:زين
روح وهي رايحه شافت سعاد وقالت لها واتجهت لخوف
روح:سم ياخوف
خوف ابتسم:سم الله عدوينك ليه مالبستي
روح ضحكت:بلبس بس مو بالحين لاني مشغوله مع شيم
خوف ابتسم:زين يانظر عيني ابي بخوري وعطري
روح ضحكت:الله غالي والطلب رخيص خلاص رح البس بشتك واجيبهم لك واجي
خوف ابتسم:زين
راحت روح ولعت فحمه واخذت البخور معها وعطره ودقت عليه يجي ووقفت تنتظره
خوف جاء:تاخرت
روح هزت راسها:لا
روح مدت له البخور وتبخر وتعطر
خوف:رويحه متى التصوير
روح:الحين لا تروح رح اجلس بالكوشه
خوف بالفعل اتجهه للكوشه
روح دخلت داخل نادت شيم و روان
شيم:الحين التصوير ؟
روح:اي العشاء بيجون الناس
شيم ضحكت:طيب تساعديني
روح ضحكت:اكيد يله
مسكت روح فستان شيم وعدلته لها وهي تمشي
-عند خوف بالكوشه-
خوف انبهر بشكل شيم وكيف محافظه على ملامحها
وصلوا عند خوف
روح:خوف ساعدنا شوي
خوف جاء ورفع فستان شيم شوي عشان تصعد
صعدت شيم ومسك خوف يدينها وبدا التصوير وروح مع روان المصوره
روان:خلصنا
شيم ابتسمت وزغرطت وهي متجهه لهم:تهبلون الله يحفظكم لي ويحفظكم لبعض والف الف مبروك منك المال ومنها العيال
خوف حضن روح:الله يخليك لنا يابعد الدنياء مانقدر نوفيك حقك
روح شدت عليه:انا موجوده عشان هل يوم الي اشوفكم مع بعض
شيم ابتسمت:خوف خلاص ترا اغار
روح ضحكت:العب تغارين على اخوي مني
شيم ضحكت:لا طبعًا عليك منه
روح راحت وحضنتها:انتي روحي وعيوني وقلبي وكل دنيتي
شيم شدت عليها:عقبال ماشوفك اجمل عروسه قولي امين
روح ضحكت:امين
خوف ابتسم:رويحه العيال غثوني يبون فحم وبخور
روح ضحكت:يله الحين اجيبه وراحت ركض تجيبه واخذت الفحم واخذت علبة بخورها وراحت للكوشه
روح وهي تاخذ نفس:امسك
خوف حب راسها:اعذريني ابلشتك
روح ضربت كتفه:انطم وش ابلشتك جعل محد يبلشني غيرك
خوف ضحك
روح قبل يروح خوف:خوف
لف لها:سمي
روح:سم الله عدوينك قل لهم بخوري لو يخلص مستعده اولع فيهم
خوف ضحك:ابشري
راح خوف قسم الرجال
-عند العيال-
رابح:جاء معرسنا وين البخور
مطلق لف:لو ماجاب بذبحه
خوف جاء وهو مبتسم:هاكم
رابح شاف اسم البخور:خوف
خوف:سم
رابح ضحك:سم الله عدوينك هاذا مو بخور روح
خوف ضحك من تذكر تهديدها:الا وتقول قل لهم اذا خلص بخوري اولع فيهم
مطلق ضحك:انت شلون دريت
رابح:ريحته حلوه وتدسه عني لما اجي غرفتها ما القاه
مطلق ابتسم:مالومها صراحه
تبخر الكل الا مطلق الي تخبر اخر واحد وصور بخورها وطلب نفسه واخذ كسره منه واعطاه رابح يوديه لها
روح بعد ما اخذت شيم للغرفه تجلس وراحت بسرعه لبست فستانها وكان لونه بيبي بينك وعدلت شكلها واخذت جوالها وطلعت على طول دق عليها رابح تجي
راحت روح لرابح
رابح ابتسم:يه يه وين العروس بضبط
روح ضحكت:الا قل وين المعرس ماشاءالله تهبل معرس معرس عقبال ماشوفك معرس وافرح فيك
رابح ضحك:اميننننن
روح:وش عندك
رابح:بخورك
روح ضحكت وفتحته:حلو التهديد جاب نتيجه
رابح ضحك
بدر جاء من وراهم:ماشاءالله تبارك الاه رويحه وين العروس
روح بزعل:انت لا تكلمني وصح بليل تعال لي ابيك
بدر شك:وقال ابشري
ماجد صفر من وراهم:احفظي ياراض معليك اوله والجمال
روح ضحكت وحضنته:ياهلا والله انت الي يارض احفظي معليك ماشاءالله عقبال ماشوفك عريس
ماجد بفرح :امين
روح:يله بيجون الحريم روحوا
راحوا للمجلس وبدو يجون الضيوف وروح تستقبلهم مع امها وخالتها وعماتها
-الساعه 10:30 وجاء وقت الزفه-
روح توجهت لشيم وكلمت خوف يجي خوف قال لها تجي عند الباب وقبل تجي تدق عليه وروح نست انها تدق وطلعت وقالت:يا اهلين
خوف كان جاي ومعه مطلق روح مانتبهت له
خوف غطاها ببشته وهو معصب:مطلق اطلع
مطلق صد وطلع
خوف اخذ روح للمجلس
مطلق هام بروح حس انه انفتن فيها قال:اخخخخخ ياروح وش سويتي فيني
-عند روح وخوف-
خوف بعصبيه:شلون تطلعين كذا
روح بخوف:ياابن الحلال ماكنت ادري بلغلط
خوف وارتفع صوته:لا تستهبلين على مخي بلغلط اجل
روح بشك:وش قصدك
خوف بحده:انا حاس في شي بينكم من اول
روح ضربته كف:تخسي تشك فيني فاهم ولالا
خوف الي عصب ومسكها مع فكها:تذكريها زين ياروح
روح دفته وطلعت وراحت كلمت الريم تجي
الريم جت:رويحه وش فيك
روح حضنتها وبدت تبكي
الريم:افا رويحه تبكين ليش
روح وهي تشاهق وشهقاتها اعلى من صوتها:يشك يشك فيني انا روح يشك فيني
الريم بحده:منهو؟
روح بكت:خ خوف
مطلق الي كان بيروح المجلس لخوف وشيم سمع صوت دموعها وكلامها وحس وده يذبح خوف بس استهداء بالله  وراح وسلم عليهم وطلع وجاء وقت الزفه روح مسحت دموعها وراحت لهم بعد ماعدلت مكياج
روح وهي مبتسمه:يله شيوم الحين تبدأ الزفه
خوف:اذا بدت صوتي لنا
روح طنشته:شيوم يله ياقلبي
بدت الزفه وروح كانت واقفه بالكوشه مع باقي اهلها دخل خوف وتغطوا الحريم
وحده من المعازيم قالت بصوت مسموع:اول مره اشوف معرس اجمل من العروسه
شيم حزت بخاطره وتركت يد خوف خوف عصب من سمع كلمتها وحركت شيم مسك خوف يدها وشد عليها وقال بصوت مسوع:انا السماء وانتي قمراي 
شوق الي ماتت لانها كانت تحب خوف بس من سمعت كلمته ورده عليها انقهرت
وصلوا للكوشه روح بدت تزغرط
الطقاقه بعد ماهمست لها روح:يابنات تغطوا اخوان العروس بيدخلون وابوها وعمها وجدها
تغطوا
دخلوا مطلق وراضي وسعد وذيب والجد وهاجر
مطلق حضن شيم:الف الف مبروك ياشيوم منه المال ومنك العيال
شيم وهي تشد عايه:يبارك بعمرك عقبالك
شيم ناظرت روح وغمزت
روح استحت
راضي حب راسها وحضنها:الف الف مبروك ياعمري انتي
شيم ضحكت:يبارك بعمرك
ذيب حضن بنته وحب راسها:مبروك مبروك يافرحتي الاولى من البنات
شيم فزت وحبت راسه:الله يبارك فيك ياتاج راسي
الجد ابتسم وسلم على شيم وبارك لها وسلم على خوف  وبارك له ومد له ضرف فيه عشرين الف خوف جاء بيحلف بس حلف الجد قبله
خوف ابتسم:والله وجودك ياجدي يكفي وقسم بالله كلفت على نفسك
العم هاجر سلم على شيم وبارك لها
سعد حضن شيم:الف الف مبروك منك المال ومنه العيال
الكل ضحك
خوف ضربه وهو يضحك:العكس العكس يابقره
شيم حضنته:يابعد الدنياء اعكس اعكس
انتهت الزفه ورجعوا شيم وخوف فوق للمجلس
ودخلوا خوان خوف وخوان شيم وعيال عمتهم وشغلوا لهم شوط وبدا الخبال  والتنكس  والبنات جلسوا وروح جلست وهي تتامل مطلق وتقول بينها وبين نفسها ياحظ من تاخذك
بعدين قامت روح واشرت لرابح
رابح جاء وهو يحاول يتنفس:سمي
روح ضحكت:تهبلون كلكم بس الحريم انخنقوا وابشروا اخر اليل لما يسرون الحريم انا شخصياً اناديكم تجون تكملون
رابح ضحك وراح يله يشباب نطلع
طلعوا كلهم
وهم عند الباب
خالد:ليش طلعنا توني ماطلعت الرقص الي فيني ومعرف استهبل عند الشيبان
الكل ضحك
رابح ضحك:رويحه نادتني وقالت كلكم تهبلون بس الحريم انكتموا وتنادينا اخر اليل لما يطسون الحريم
العيال طاحوا على الارض من قو الضحك
دقت شيم على روح عشان تجي تساعدها راحت روح ركض فوق وشافت خوف واقف عند الباب
روح:لو سمحت وخر شوي
خوف ابتسم وحاس بتانيب الضمير:انا ينقال لي لو سمحت
روح وهي صاده عنه ودموعها بعيونها:انا ينقال عني الكلام الي قلته عني
بعد خوف ودخلت وساعدت شيم وحضنتها وبكت
شيم وهي تبكي:بكيتني ليش تبكين
روح وهي تصحك ودموعها على خدها:بشتاق لك
ضحكوا على بعض وساعدت روح شيم لين طلعت وارتاحت شوي نادوها البنات تاخذ شوط رقص
الساعه ١٢:٣٠ راحوا الحريم مابقى الا اهل العروس والعريس
روح راحت قريب من قسم الرجال وجلالها فوق راسها وشافت مطلق واقف قالت:مطلق
مطلق وهو صاد:سمي
روح:ناد عمي خالد
مطلق ابتسم:ابشري
راح وناداه
خالد جاء ركض وسحبها لين قاعة الحريم شوي وضحك:ماشفت كشختك اليوم
روح رمت جلالها ودارت:شرايك
خالد ضحك:قمر قمر ياحظ الي ياخذك
روح ضحكت وبثقه عاليه:انشهد
خالد:وش عندك
روح:مو غثيتوني تبون ترقصون
خالد ضحك:الا
روح ضحكت:تعالوا ارقصوا
راح خالد للمجلس وقال بصوت عالي:يعيال تعالوا نتنكس
العيال راحوا معه ركض
وبدت الطقاقه تغني والعيال يرقصون والبنات يضحكون
-عند خوف وشيم-
الكل وصا خوف على شيم ركب خوف السياره وهو يرد على جده:بعيوني ياجدي
خوف ابتسم:اخيراً صرتي نصيبي
شيم ضحكت:ليه قبل وش كنت
خوف مسك يدها:قبل كنتي شرياني والحين انتي قلبي وشرياني وروحي وعقلي وقمراي وسمائي ونجومي وعالمي
شيم استحت:خووووووووووف
خوف ابتسم:شريان وقلب وروح خوف
شيم:تراني استحي
خوف وهو ماسك الدركسون بيد ويدها بيد الثانيه:فديت الي يستحون يناس
شيم ابتسمت
ووصلوا الفندق وساعدها خوف تنزل ووصلوا لغرفتهم
شيم دخلت وخوف قال من عند الباب:بجيب العشاء واجي
دخلت شيم وغسلت جسمها وبدلت ولبست بجامة حرير سوداء وتعطرت ورطبت يدها ووجهها لبست الاحمر شرابتها وطلعت على صوت خوف وتعشوا وناموا
-بالقاعه-
روح مسكت المايك:كل ال هاجر خياله يعيشون اخواني وعيال عمي وعمتي
كلهم بصوت واحد:تعيشين
روح ضحكت:وخلصنا ياجماعه يله كل واحد ياخذ اهله ويروح بيتهم طلع الكل بفرحه وسعاده وانتهى اليوم والكل نام
-اليوم الجديد-
الساعه ٤:٣٠ مع اذا الفجر
روح قامت وغسلت وجهها وصلت وسوت لها قهوه سوداء ولبست عبايتها وراحت لبيت جدها ودخلت وبدلت عبايتها ولبست جلال وتوجهت للمطبخ  وسوت شاي وقهوه وحلا وحطتهم بالمجلس الكبير وتوجهت تحب راس جدتها
روح ابتسمت:ياهلا يجدتي وعيوني انتي
الجده ابتسمت:ياهلابك يايمه غريبه جايبه بدري
روح ضحكت:ابد سويت قهوه وشاي وحلا وجركات وحطيتهم بالمجلس الكبير
الجده ابتسمت:اجل نادي عماتك وامش للمجلس
روح ابتسمت واشرت على عيونها:من عيوني
راحت روح ونادت عماتها وراحوا كلهم للمجلس وجلسوا يتقهوون
الجد:ياولد
الجده:ادخل يامحمد
الجد دخل ووراه عياله واحفاده
خالد ضحك:اوه الشيخه روح اليوم مدلعتنا
روح ضحكت:كم عندنا خلود بالبيت
خالد راح وجلس جمبها:مطيلق وين الي بيموت على مينام اشوفك تربعت
مطلق ضحك:البسبوسة لذيذه ما اقاومها
الكل جلس يتحلوا ويتقهوى وقاموا البنات وتوجهوا لبيت الجد
روح اخذت عمتها وراحت المطبخ وبدت تسوي الغداء
-بالمطبخ-
بدر:ياولد
روح اشرت لسعاد تقول له فت
سعاد:ادخل يابدر
بدر دخل:رويحه شلونك
روح سكتت وهي تطبخ الغداء
سعاد حست روح تبي تكلمه بينهم:يله عن اذنكم بروح اتقهوى شوي
بدر جلس جمب روح ومسك يدها:شفيك
روح نزلت دمعتها غصب
بدر قام:افا تنزل دموعك ليه ياروح تبكين ليه يانظر عيني
روح:انت الي ليه ليه طلقت افنان
بدر انصدم:من قالك
روح:تحسبني ماشوفكم لما تصوت تدخل ولما تكون هي به انت تطلع من المجلس
بدر بحده:روح هي ماتبي عيال ليه ماتبي عيال ليه تاكل حبوب منع حمل
روح:بدر مو كذا تنحل الامور ماتنحل بكلمة انتي طالق هاذا مو حل يا بدر وانا توقعت اكثر واحد فاهم بدر انتم بينكم ماجد لو انفصلتو هو وش بيسوي بيصر من بيتك لبيت امه ولدكم بيضيع وعشان موضوع الحمل احله بس من تنتهي العده ترجعها
بدر الي حس بكلام روح:انا انقهرت وكانت بلحظه غضب وباذن الله برجعها بعد العده
روح ضحكت:بدر بالله ناد لي مجيد ابي افرح انا
بدر ابتسم وهز راسه وراح المجلس
بدر:مجيد
ماجد فز:سم يبه
بدر:عمتك تبيك بالمطبخ
ماجد راح لها ركض
-بحوش المطبخ-
ماجد:عميمه
روح ضحكت:تعال
ماجد جاها يركض:وش صار؟
روح ابتسمت:انحلت
ماجد ابتسم:شلون؟
روح ضحكت:ابوك بيرجع امك بعد العده
ماجد حضن عمته:يابعد راسي انتي وبعد اهلي وطوايفي كلهم
روح شدت عليه:ياقلبي انت تقلع شوي عشان اكمل غداء عمك وشيم
ماجد ضحك:ابشري
-بالفندق الساعه ١١:٣٠-
قام رعد على صوت جواله وشاف المتصل جدته ورد
الجده:صباح الخير زين قمت
خوف ابتسم:صباح النور والله متكسر ياجده
الجده ضحكت:زين يمه اختك مسويه الغداء عشانكم وينكم؟
خوف ابتسم:اي اخت؟
الجده ضحكت:فيه غيرها رويحه
خوف تانيب ضمير:ابشري اصحي شيم ونجي
الجده:زين اعجلوا
قفلت الجده وراح خوف يصحي شيم
شيم قامت ابتسمت:صباح الخير
خوف ابتسم وراح وجلس على السرير:ياصباح النور ياصباح بدا به عمري ياصباح قلبي انتي
شيم ابتسمت بخجل:متى قمت
خوف ابتسم:توني
شيم ابتسمت:زين من كنت تكلم
خوف ابتسم:حبيبتي
شيم انصدمت:كيف!
خوف ابتسم باستفزاز:اي حبيبتي واسمها نجد ياجعلني قبلها
شيم ماستوعبت والدموع بعيونها:بعد تقول اسمها قدامي
خوف من كثر الضحك مو قاد يشرح لها
شيم حطت يدينها على وجهها وبكت
خوف ابتسم:افا تبكين امزح معك كنت اكلم جدتي لو ركزتي شوي تعرفين اني اقصدها
شيم ضحكت من بعد بكي:توني استوعب
خوف ابتسم:اخخخخ يضحكه
شيم ابتسمت:وش تبي جدتي؟
خوف ابتسم:ابد تقول روح مسويه غداء عشاننا
شيم ضحكت:يابعد قلبي هي
خوف ابتسم:وانا؟
شيم:انت قلبي وروحي وعيوني
خوف ابتسم وحضنها شيم شدت عليه
شيم ابتسمت:خوف
خوف:عيون وقلب وروح خوف
شيم:امس ليش رويحه زعلانه عليك سويت لها شي
خوف تذكر:لا معليك بحلها قومي البسي تأخرنا
قامت شيم وتروشت وبدلت وسوت شعرها ومكياجها
وصف خفيف لشيم
-لبس شيم فستان ابيض ناعم وفكت شعرها ولبست كعب واكسسوارات وشنطتها السوداء-
خوف:ياشيم البخور
راحت شيم واجابات البخور وشافت خوف وكان شكله حلو كان لابس ثوب اسود وغتره ومدت لها البخور سحب يدها والبخور وغطاها بشماغه وتبخرت معه لبست عبايتها وتنقبت وطلعوا بيت جدهم
-بييت الجد الكل لبس وجهز الا روح-
روح ابتسمت:عميمه بالله انتبهي للغداء بروح اغير ابدل واجي
نوره:خليه ياعيوني انا اشوفه
راحت روح وكض تبدل ولبست جمب سوت كحلي وفكت شعرها وسوته ويفي وتمكيجت مكياج خفيف ولبست اكسواراتها وحطت مناكير واخذت اغراضها ولبست عبايتها وراحت بيت جدها واخذت عطرها وبخورها معها وجهزت اغراض العشاء وتبخرت وتعطرت وجلست بالمجلس
وصل خوف وشيم واطلقوا النار وبدا الترحيب خوف اشر لشيم تدخل مع باب الحريم وراحت شيم
روح صرخت:شيومممممممممممم
شيم ضحكت وهي تحضنها:ياعيون شيوم
الكل سلم على شيم وباركوا لها وجلسوا يتغدون بحكم انه ثاني يوم عيد وانه ثاني ليله وكانت العزيمه كبيره
الكل يسلم على خوف ويرحب فيه ونفس الشي عند شيم صارت الساعه ٣:٣٠ وحطوا الغداء وخلصوا وبدا يروحون الناس البعيده وبقى الاهل والقرايب
-بمجلس الرجال-
مطلق جته مكالمة وقام ورد وهو بالحوش:السلام عليكم
ابراهيم:وعليكم السلام
مطلق:سم وش بغيت يابو عيسى
ابراهيم:ابشرك يا يابو ذيب عرفته
مطلق ابتسم:بذمتك عرفت راعي الرقم
ابراهيم:اي عرفت راعي الرقم
مطلق: منهو
ابراهيم:مالك بن خالد ال
قاطعه مطلق بصدمه وعصبيه:مالك الا يبن الكلب يعطيك العافية يابو عيسى اعرف احلها
ابراهيم بعصبيه عرف ان مطلق بيذبح مالك:يابو ذيب هد عشان خاطري هدي
مطلق وهو يحط جوال بجيبه وقال بصوت عالي:مالككككككككككككك
ابراهيم قفل ومشى لبيت الجد
دخل مطلق والنار بعيونه:مالك
مالك قام:سم؟
مطلق سحبه برا للحوش وبد يضرب فيه مثل المجنون وكان يتخيل شكل روح وهي تبكي وتترجاه وخايفه وكيف تبكي كل ما ارسل لها تنهار وبدا يضربه اكثر والي زاد ضربه لمالك كل ماتذكر انه يشوفها ويصورها ينقهر ويضربه زياده واللكل يحاول يبعده بس كانه وحش
خوف وهو يسحب مطلق:مطلق خلاص
الجد بصوت عالي:يامطلق خلاص
خوف قدر يبعد مطلق دخل ابراهيم وقال بصوت عالي:مطلق هدي
الجد بعصبيه:مطلق ليه تضربه؟
مطلق وهو يفك زراراته:مراح اتكلم الا مع جدي وخوف
خوف خذاه للمجلس ودخل هو وجده ومالك
مطلق بعصبيه:الكلب الي قدامكم........ وقال مطلق كل السالفه الا انه شاف روح
خوف بعصبيه:مالك
الجد بعصبية:خوف خلاص مالك صدق هل كلام
مالك بخوف:هاه لللللا
الجد بعصبيه:ماللللللك
مالك:ايه ياعم انا حبيت روح وابي اتقدم لها
خوف بعصبيه:لا تخسي تاخذها ياكلب تسوي كذا باختي وتبيني اعطيك ياها
دخل هاجر:بس انا موافق ويا مالك بكره تعال وتقدم رسمي
مالك فرح وطار مطلق دخل داخل وراح للمطبخ وهو يفور ومو قادر بتنفس وقال بصوت عالي:ياولد
شيم ابتسمت:ادخل
غطت روح ودخل مطلق وهو يفك زرار ثوبه:جيبي لي ماء
شيم راحت لك ركض:سلامتك ياحبيبي شفيك
روح اخذت المويه ومدتها لششيم
شربها مطلق مره وحده:نادوا جدتي
روح نادت جدتها وراحوا للمجلس الجده وروح
مطلق وهو يحاول يتنفس:روح عرفنا الي يصورك وتفاهمت معه
روح بكت غصبن عنها:من؟
مطلق:مالك
الجده:مالك ولد خالد؟
مطلق هز راسه
الجده:ووش صار
مطلق قال لهم وش صار وهو يحاول يتنفس:وعمي قال تعال اخطب بكره ورحت وخليتهم
روح بكت وحضنت جدتها:تكفين ياجدتي مابي اخذه مابيه
الجده وهي تمسح على راسها:يابنتي انا بوقف
مطلق لما سمع صوتها الباكي وهي تترجا جدتها:والله والي رفع سبع ونزل سبع مايخذك ابن الكلب مالك والله لو تنطبق السماء على الارض وان عزوتك ماتروح لو اذبحه بس مايخذك
روح ابتسمت من بين دموعها:انا واثقه بك يامطلق ويارب تصير قد الثقه
الجده اخذت روح وراحوا يعدلون شكلها عشان مايبين
طلع مطلق وهو عند باب المطبخ اغماء عليه روح جت هي وشيم تبي تشرب مويه وشافت مطلق طايح صرخت روح:مطلقققق
شيم ما تحملت شكل اخوها وهو طايح على الارض طاحت على الارض تبكي
روح راح صوتها من كثر الصراخ
روح حطت جلالها فوق راسها ورمت كعبها وراحت ركض ولقت رابح بوجهها وقالت وهي تشاهق:رابح تكفى مطلق طايح غشيان بالمطبخ
رابح قال بصوت عالي:يا خوففففففق الحق راح رابح وخوف وروح للمطبخ
رابح شال مطلق للمستشفى وخوف يهدي بشيم
روح اشرت لخوف يروح وحضنت شيم وكانت تمسح على راسها:هدي يانظر عيني هدي مابه شي
هدء الكل بعد ما وصل رابح للمستشفى وطمنهم انه مجرد نزول بضغط ورجع رابح ومطلق معه ومابه الا العافيه
وجلس الكل يسولفون ويضحكون الا روح الي كانت خايف ابوها يزوجها غصبن عنها ومطلق الي حلف انها ماتروح لغيره
-الساعه ١٠:٣٠ باليل-
مطلق مسك خوف على جمب:خوف الكلام الي امس قلته لروح ماله اي وجود ومابيني وبينها اي شي وحتى لما كانت مشكلة الرقم كانت جدتي معنا واختك محترمه وماشفت منها الا كل ادب واخلاق واحترام
خوف ضرب كتفه:اعذرني يابو ذيب على الكلام الي قلته وروح براضيها بس انت لا تشيل بخاطرك علي والله بلحظه غضب صار الي صار
مطلق ابتسم وخبط كتفه:مابيننا ياخوي
راح خوف عند باب المطبخ وقال بصوت عالي:روح ياروحححح
شيم جت ركض:سم
خوف:سم الله عدوك ابي روح
شيم ابتسمت:ابشر
راحت شيم ونادت روح وراحت روح لخوف ووقفت بعيد عنه
روح:سم
خوف ابتسم:افا تبعدين مني
روح جلست على الكرسي:خوف وش بغيت
خوف سحب الكرسي وجلس قدامها:انا اسف وادري انها ماتسوي شي بس انا قلت كذا عشاني كنت اشوفكم تطلعون من المجلس مع بعض
روح نزلت دمعتها:وماكنت تشوف ان جدتي معنا بعدين حتى لو انت ماتثق فيني!
خوف ابتسم بقهر من دموعها:ليت ربي خذاني قبل لا اسمعك هل كلام
روح بكت:خوف
خوف الي كرهه نفسه من شاف دموعها:سمي
روح وهي تشاهق:عادي احضنك
خوف حضنها وهو يمسح على ظهرها شوي وهدت وتنفست:خوفي
خوف ضحك:دامك قلتي خوفي يعني مو زعلانه
روح مسكت وجهها:في احد يزعل من هل وجهه
خوف ابتسم:وش بغيتي
روح:ناد اخواني ومجود
خوف ابتسم:على خشمي
راح خوف واشر لهم وجو وراحوا المطبخ
بدر ابتسم:وش عندك
روح ضحكت:ابيكم بسالفة بس قبل لاقولكم السالفة اشتقت لكم
ماجد حضنها:وكلنا مشتاقين لك
روح شدت عليه وهمست:اذا صار بي شي رح قل مشاكلك لجدتي نجد
ماجد همس:بعيد الشر لاتقولين كذا
روح ابعدت منه وهي تضحك:رابح وش رايك ازوجك
رابح حضنها:تبين الفكه
روح ضحكت:لا بس اخاف بكره اروح اسافر اهج يصير فيني شي تلقى احد تجلس معه بسطح وتشرب معه قهوه
رابح:ياكلبه مافي هجه مني
روح ضحكت وبعدت عنه:ياخي الله يهيديك نشبه انت
بدر ضحك:يله عاد جاء دوري
روح حضنته وهمست له:بدور انتيه لاافنان لا تزعلها واذا صارت لك اي مشكله ومالقيتني ترا خوف موجود لا يغرك انه عصبي بس فاهم ويعرف يحل المشاكل
بدر شد عليها:لا تقولين كذا
روح قبل دموعها ينزلون بعدت:الموضوع الي جمعتكم عشانه هو اني مابي مالك وابوي يبي يزوجني له غصب
رابح عصب:شلون غصب مافي شي اسمه غصب
بدر بحده:محد ياخذك وانتي ماتبينه ودام روسنا تشم الهوا والله مايخذك
خوف بحده:كلمتي قلتها بالمجلس هل كلب مايخذك
ماجد بعصبيه:واذا ابوي ولا عمامي تراجعوا انا مستعد اوقف بوجه واحد واحد والله مايخذك الا على جثتي
الجد من وراهم:والله يا يبه ياروح يحلم هو وابوك اني اعطيك له
روح نزلت دمعتها وحضنت جدها وبكت الجد اشر لخوانها يطلعون وبالفعل راحوا
روح بصوتها الي راح من كثر مابكت:جدي اذا صار لي شي لا تبكي علي
الجد:ليه يبه تقولين هل كلام
روح ضحكت من بين دموعها:عشاني احبك ومابيك تبكي
الجد ضحك وحي راسها:للا تفكرين بموضوع مالك ونامي وارتاحي
روح حبت راسه وراحت البيت وبكت لين نامت
-صباح اليوم الثاني-
———————————
(هاي قايز ادري تاخرت بس سوري الصدق مشغوله احبكم ويارب يعجبكم البارت تتوقعون ابو روح بيزوجها مالك يارب لا 🥹🥹)