مطلق جلس جمب ابوه:يبه
ذيب وهو يقرا الجريده:سم يبوك
مطلق:سم الله عدوينك ابي اخطب
ذيب ترك الجريده:انت صادق ؟
مطلق ابتسم:ايه يبه بس تعرف مراح يتم زواجي لين جدي يعرف او يوافق
ذيب:قم نروح له
مطلق:يله يبه
راحو متجهين لبيت الجد
-بالمجلس حق الجد-
الجد كان جالس يتقهوى لحاله
ذيب حب راس ابوه:السلام عليكم يايبه
الجد:وعليكم السلام
مطلق حب راس جده وجلس
الجد ابتسم:وش وراكم
دخل هاجر وحب راس ابوه
واشر مطلق لابوه انه يطلع معه برا
طلعوا ذيب ومطلق
ذيب:سم ياولدي وش بغيت
مطلق:يبه اجل الموضوع مابي اتكلم قدام عمي هاجر
ذيب هز راسه:زين يابوك تعال اقعد وبعدين نعلم جدك
مطلق:عندي مكالمه دقايق واجي
دخل ذيب وترك مطلق وراه
مطلق فتح جواله وشاف ١٥ مكالمه من احلام ودق عليها
احلام بدلع:الو
مطلق ابتسم وهو رايح لسيارته:الله يصوت الي مشتاق له
احلام ابتسمت:شلونك ياحبيبي بعد امس
مطلق:شوفتك خلتني زين
احلام ضحكت:طيب حبيبي ابي اسالك متى ناوي تكلم جدك
مطلق ابتسم:اليوم باليل
احلام ابتسمت:طيب تبي شي حبيبي امي تصوت
مطلق ضحك:سلميلي على خالتي
احلام:عشان تذبحني يله حبيبتي باي
قفلت احلام ونزل مطلق وراح للمجلس
-ببيت هاجر-
روح كانت معصبه:يعني ممكن افهم ليش كذبت ياخوف الحين وينه
خوف بصوته الثقيل:عشان ماحب اشوف دموعك اصبري ادق عليه
روح بكت:يارب انك تحفظه
-قبل ساعتين-
روح دخلت غرفة رابح ومالقته وسالت امها وخواتها متى شافوه ومحد شافه من امس وتتصل عليه مايرد دخل خوف وسالته وقال لها انه كذب عليها وانه مايدري
-نكمل بعد ساعتين-
خوف بصوته الثقيل:وين بيروح تراه رجال مو وغد
روح بدت تنزل دموعها وعصبت:ادري انه رجال بس حتى الرجال ينخاف عليه خوف لاترفع ضغطي انت وخوك
خوف حضنها:خلاص والله الحين يجي واذا ما جاء مستعد اطلع ادوره شارع شارع
روح بكت بزيادة:ياخوف انا خايفه عليه يروح زي
سكتها خوف:خلاص ياروح بيجي بيجي
نزل رابح مع الدرج وهو يفرك عينه وكان توه صاحي من النوم:وش فيكم ازعاج والواحد مايقدر ينام باهلييت
بس انصدم من جت روح وضربته كف وحضنته وهي تشاهق
حضنها رابح:وش فيك من مزعلك اروح اتوطا ببطنه
روح ماقدرت تتكلم بس كانت تبكي وتشاهق
رابح:خوف وشبها
خوف ناظره بحده:اسال نفسك ولا تكلمني لين ترضي روح
وراح وخلاهم
رابح جلس وجلس روح وجاب لها مويه وشربها وهدت
روح وللحين دموعها تنزل:وين اختفيت من امس ماندري وينك
رابح بتعجب:هاذا الي مزعلك
روح:احلف وتسال بعد مختفي من امس وزعلان بعد
رابح ضحك وقال لها السالفه وكمل وهو يقول:وجيت لقيتك نايمه بغرفتي دخلت غرفتك وسكرت الباب وولعت المكيف ونمت
روح ضحكت:من امس لليوم نايم
رابح ابتسم وحك راسه:اذا كنت زعلان انام بدون ما احس بس والله كفك يوجع
روح ابتسمت:اسفه بس تعرف من هذيك السالفه وانا ماحب ماتردون علي
رابح ابتسم:طيب يابعد الدنيا والارض جيبي قهوه وحلا وتعالي
راحت روح وجابتهم وجلسوا يسولفون
رابح:رويحه
روح:عيوني
رابح:بسالك الحين من يدري ان ابوي يسوي كذا
روح ابتسمت:انت والشيخ بدر والريم وامي
رابح بحده:وبدر داري وساكت
روح ابتسمت:ياعمري بدور امس قلت له وبغا يروح يذبح ابوي بس مسكته وجاء ابوي بدر حلف اذا سو شي ياخذني ويوديني المدينه واكثر من مره يقول لي امشي معي المدينه بس انا مابي اروح مقدر اخليكم
رابح ابتسم:انتي روح اسم على مسمى
روح ضحكت:تتمصلح وش عندك
رابح:معندي بس تكفين تتوسطين لي عند جدي لانه زعلان مني
روح ضحكت:رح البس وانزل بسرعه
رابح هز راسه وراح ركض تحمم وبدل ونزل
روح ضحكت: مشينا
لبست جلالها وراحوا للمجلس وكان في المجلس الجد ومطلق وبدر وماجد وسعاد والعم ذيب
روح ورابح:السلام عليكم
الكل:وعليكم السلام
روح ابتسمت من تحت الجلال:جدي كنت ابيك بسالفه بس خلاص ناجلها لبعدين
الجد:لا عادي يايبه قوموا اطلعوا
روح:لا عادي ياجدي الموضوع مايحتاج انهم يطلعون
الجد:اجل تعالي اجلسي جمبي وقولي لي وش عندك
روح ابتسمت وراحت جلست وجلس رابح باخر المجلس والكل انصدم لان رابح بالعاده يجلس بوسط المجلس
روح:جدي
الجد:لبيه
روح:ادري انك زعلان من ربيح بس سامحه عشان خاطري
الجد ناظر رابح:ربيح
رابح وهو رافع راسه:سم
الجد ابتسم:تعال اجلس جمبي
راح رابح وجلس جمب جده وحب راسه وصب قهوه
الجد بصوت مرتفع شوي:مجيد عمك يصب وانت جالس قم صب قهوه
روح:ياجدي لا تهاوش شمعت الجلاس
ماجد قام وحب راس روح:ياقليبي يارويحه
روح ضربته:وجع رويحه بعينك
الجد ضحك:قايلن لتس لاتدافعين عنه
الكل ضحك
روح استحت انها لحالها:يله ياجدي انا بروح للمجلس الي جواء
سعاد ضحكت:اجلسي وانا بروح انادي البنات ونجلس هينا
روح تفشلت وسكتت وجلست
-بعد عشر دقايق جو البنات وسعاد والحريم -
جلسوا سواليف وضحك ساعتين ونص
روح قامت وكانت تبي تطلع من المجلس
خوف:رويحه وين؟
روح:بروح اسوي قهوه
شيم:خوذيني معك
قامت شيم وراحت مع روح
-بالمطبخ-
شيم:رويحه اجل وش عنده صاير طيب
روح ابتسمت:اول مره يناديني كذا بس شكله تعلمها من رابح
شيم:يمكن المهم انا بروح اشوف الكلبه توليب ليش ماترد
روح كشرت:انقلعي
راحت شيم وهي مانتبهت لزعل روح الي كان باين شوي
روح بدت تدندن وتغني:
عيونك آخر آمالي وليلي أطول من اليم
كيف ألقى كلامٍ عذب يوصف دافي إحساسي
عشقتك قبل ما أشوفك وشفتك صرت كلي حلم
أبي رمشك يغطيني وأبيك اقرب من أنفاسي
يهمك تعرفي انك قتلتي في سنيني الهم
قتلني ضحكك وجدك قتلني لينك القاسي
رميت أقداري في دربك وصرتي في عروقي الدم
احبك كثر ما سالت دموع وما نسى ناسي
يجول الحزن في ضلوعي بردت وذاب فيني العظم
و يا كثر الحطب حولي وعندك انكسر فاسي
سألتك بالذي زانك تحبي فيني حتى الظلم
تحبي عيوبي وغدري تحبي المر في كاسي
أنا من كثر ما احبك أبيك كثر رمل اليم
وأبيك تكوني فوق الناس وأبي ماينحني راسي
مطلق كان مار وسمع صوت خلاه غصبن عنه يوقف وقف وبدا يسمع صوتها الي ياخذ العقل وكان يبي يعرف منهي بس مايقدر يدخل المطبخ
روح خلصت القهوة وقالت بينها وبين نفسها:مافي حلا خلني اروح اجيب من غرفة سعاد
راحت ركض وكانت حاطه جلالها بالمطبخ بحكم انها تعرف محد يدخل راحت اخذت الحلا من غرفة سعاد ونزلت لاكن وهي عند السيب الي قريب من المطبخ خبطت بشخص عريض وطويل طاحت على الارض من كبره رفعت راسها الا تشوف البني ادم الطويل الكبير كان مطلق جت بتقوم
مطلق مد يده:اساعدك
روح ضربت يده:حبيبي هذاك باميركا تساعد خوياتك هينا تحترم نفسك لا والله يامطلق ياولد ذيب تشوف شي مايعجبك
مطلق ضحك:طيب من انتي
استوعبت بعدين انها مو لابسه جلالها دفته وراحت لبست جلالها وراحت المجلس ودخلت شافت مطلق سبقها وجالس وحطت القهوه والحلا وجلست
الجد:مطلق صب قهوه
مطلق مارد كان سرحان بشكلها الي يشلع القلب
الجد:مطيلق
ومطلق سرحان ومنزل راسه وكل ماتذكر شكلها يبتسم
الجد بدا يعصب وقال بصوت عالي:مطلق
مطلق استوعب ورفع راسه بسرعه:سم
الجد بعصبيه:الله يسمك قم صب قهوه
مطلق ابتسم:على خشمي تمون ياحمودي
الجد ضربه عر رجل بالعكز:حمودي بعينك قم
مطلق ضحك وقام يصب وصب حتى للحريم ومد فنجال لروح وروح كرهته بعد حركته اخذت منه الفنجال وجلسوا سواليف وضحك
سعاد قامت:عن اذنكم شوي
وطلعت
روح:عن اذنكم
وطلعت وراها
دخلت البيت وتوجهت ورا سعاد بدون ماتدري ودخلت غرفت سعاد
سعاد ضحكت:وش عندك
روح:بشوف وش بتسووين
سعاد ضحكت:بكلم سلوم
روح ضحكت:اجل اطلع
سعاد:لاخليك عادي أصلًا ابيك بسالفه
روح ابتسمت واخذت بطاط من درج سعاد:تمام
سعاد ضحكت وردت :الو
سالم:الو سعاد شلونك
سعاد ابتسمت:تمام سلوم انت شلونك اعذرني صار لي فتره ما اكلمك بس عشان اخواني عندنا
سالم بتوتر:معذورة
سعاد:سلوم بك شي؟
سالم:اسمعي ياسعاد مابي اظلمك معي اكثر من كذا بس انا ما احبك انا ابي اتزوج بنت عمي بس امي رفضت وقالت تاخذ سعاد وانا مقدر اوقف بوجهه امي اسمعي يابنت الناس انا من طريق وانتي من طريق
سعاد تجمدت وطاح الجوال
روح انصدمت:عميمه وش فيك
سعاد وقفت بدون اي حركه
روح اخذت الجوال:الو سالم وش قلت لها
سالم خاف:وش صار
روح بعصبيه وصوت عالي:سالم وش سويت بعمتي تكلم احسن لك
سالم ببرود:قلت لها هي بطريق وانا بطريق
روح ارتفع صوتها وعصبت:ياخسيس يانذل ياحقير عمتي اعطتك عمرها وصبرت عليك لين تجمع مهرها وقالت انها هي ماتبي تستعجل عشان جدي مايطردك وهاذا اخر المعروف اسمع اجل عمتي الي ماتبيك وش تبي بواحد مريض عقليًا ومختل اسمع ياسلوم يا ولد بدريه ان شفت وجهك ولا شفت رقمك داق عليها لا تلوم الا نفسك فاهمم
قفلت بوجهها قبل تسمع الرد وعطته بلوك وحذفت رقمه
وراحت لعمتها وبدت تهزها:عميمه عميمه وش فيك
سعاد ابتسمت وطاحت دمعتها:انا سعاد انترك
وانهارت سعاد حضنتها روح وبدت تطبطب عليها لين نامت بعد ثلاث ساعات انهيار اخذ روح الدبله من اصبع عمته وكانت بيدها راحت روح للمجلس حق الرجال والكل كان يضحك ويسولف الحريم والرجال
بس الكل انصدم من دخلت روح وراسها نازل فزو بدر وخوف ورابح وماجد وراحوا لاختهم وعمته
بدر:رويحه وش فيك
خوف:روح يابنتي وش فيك
ماجد:عميمه من مزعلك
رابح رفع رأسها:انا كم مره قلت روس خوات رابح ماتنزل
روح اخت نفس وكتمت دمعتها:عادي تجلسون ابي اقول شي مهم
كلهم راحوا جلسوا
روح وهي تحاول ماتبكي:قبل ثلاث ساعات دق سالم على سعاد وقال وقال
روح ماتحملت وانفجرت تبكي قام رابح وحضنها:بس ياعيوني بس ياقلبي انتي
الجده بخوف:روح يمه وش فيك اختي فيها شي
روح بقهر:الله ياخذه هو وامه
الجد:روح يبه تكلمي وش صار
روح اخذت نفس وبعد رابح عنها بس كان واقف جمبها كملت روح:وقال لعميمه انوا هي بطريق وهو بطريق وعميمه جتها حالة انهيار ثلاث ساعات تبكي
الكل شهق
الجد:وشلون يبه بس هو يحبها وملتزم وصالح
روح بعصبيه:حبه برص ان شاء الله جدي اسمع بقولك الصدق ترا عميمه صابره عليه ولا هو ماعنده وظيفه وضايع وهي تدعي ان الله يصلحه وهو يقول لها انه يجمع مهرها وعمتي تقول لك انها هي ماتبي تتزوج الحين لاكن هي لانها تحبه تنتظره يجمع مهرها الله يلعن الحب وساعته
الجد بعصبيه:وشو انا اوريك ياسلوم
خوف بعصبيه:هين ياسالم والله لشرب من دمك
جاء صوت طق الباب حق الحريم وراحت روح تشوف من فتحت الباب وشافت سالم جاي ياخذ الدبله
روح بعصبيه:نعم
سالم:جيت اخذ الدبله
روح بعصبيه وصوتها ارتفع لدرجة وصل لمجلس الرجال:الا يلي ماتستحي على وجهك
جو الرجال كلهم ركض
سالم:نادي لي عمتك وبس
روح استجمعت قهوتها وبعصبيه وتذكرت انهيار عمتها وضربت كف من قوته طاح سالم على الارض وجاء رابح يبي يضربه بس روح مسكته ورمت الدبله الي كانت بيدها بوجهه وسكرت الباب
الكل انصدم من روح
روح سحبت عليهم وراحت وجلست بالمجلس وهي تحس انها مخنوقه
الكل دخل وراها وهم مصدومين
الجده بصدمه من وجيههم:وش صار
سعد ماجد استوعبوا وش سوت روح وبدوا يضحكون ضحك هستيري لدرجتهم انهم متسدحين على الارض
والكل طالع فيهم مصدومين
قال رابح بصدمه:روح ضربت سالم كف ورمت الدبله بوجهها
الكل انصدم
روح بعصبيه:يستاهل لو اقدر اخذ روحه خذيتها
بعد مرور اربع ساعات والكل حزين على سعاد لانها ماتستاهل
راحت روح تبي تتطمن على عمتها دخلت غرفتها وشافت عمتها نايمه جت تصحيها
روح:عميمه عميمه
سعاد ماقامت
روح بخوف بدت تهزها وتبكي:عميمه قومي تكفين ماقدر اعيش بعدك
سعاد قامت وهي خايفه:روح وش فيكم
روح ابتسمت من بين دموعها وحضنتها:احسب صار فيك شي
سعاد ضحكت:لا ياقلبي مابي شي
روح ضحكت من ضحكات عمتها:طيب جدي يقول القمر مايبينا قومي بدلي وانزلي معي
سعاد:باخذ دش والبس وونزل
روح ابتسمت:احتريك
جلست روح على جوالها وتذكرت الموقف الي صار بينها هي ومطلق وقالت يععع وكانت جالسه على جوالها
طلعت سعاد بعد نص ساعه كانت توها مخلصه ولابسه بنطلون اسود وتيشيرت بنفسجي وخلت شعرها القصير على راحته كيرلي
روح ابتسمت:اموت على الكيرليات
سعاد ضحكت:رويحه اقولك شي
روح ابتسمت:شي واحد بس قولي اشياء
سعاد ابتسمت:تدرين ان ربي كاتب لي الاحسن
روح ابتسمت:ياخي احبك ياعميمه ترضين بقضاء ربي وقدره
سعاد ابتسمت:كله مقدر ومكتوب
روح ابتسمت:اكيد اسمعي تر ربيح هاذي خامس مكالمه له بيذبحني امشي ننزل
سعاد ضحكت:مشينا
-نزلوا للمجلس-
روح تدندن:فزي له يا ارض لا جاك بشويش يتمايل
سعاد وهي تمشي جمبها ومبتسمه:تعنيني صح
روح اشرت عليها:هو مقصده ولاكن كذا ربي خلقه ماتصنعها ولا تبرره كل الوسايل هو مو قصده لاكن كذا ربي خلقه
سعاد ضحكت ودخلوا المجلس
الكل كان متوقع سعاد منهاره بس لما شفوها انبسط الكل
رابح ابتسم:عمتي العزيزة
سعاد ابتسمت:نعم يا ابن اخي العزيز
رابح:ممكن المكي
سعاد ابتسمت:تعال
حضنها رابح وشد عليها
ماجد وسعد جمب بعض
ماجد:سعودي
سعد:همم
ماجد ضحك:تتذكر الكف والله طلع طقوع كف عميمه طيره
سعد ضحك وطق كفه بكف ماجد وطاحوا ضحك
الجد بعصبيه:وجع يوجع سركم وش بلاكم
ماجد وهو مو قادر يتكلم من الضحك:تذكرت كف سويلم
سعاد ضحكت من ضحكه:كف سويلم!
رابح ضحك:تعالي اعلمك
جلسوا
رابح ضحك:بعد ما نمتي جت وقالت لنا روح وجاء الخسيس وطق باب الحريم من قرادت حظه فتحت له روح وقال الكلب يبي الدبله وروح صرخت عليه وحنا قمنا بس سمعنا صوتها وجينا لها وفجاه روح ضربته كف من قوته طار سويلم رمت بوجهها الدبله وسكرت الباب بوجهه
روح ضحكت على نفسها واستحت
والكل بدا يعزز لها
سعاد وهي ميته ضحك:لا عاد صدق رويحه؟
روح ابتسمت:مستعده اخذ روحه عشان عيونك
سعاد ضحكت:اجل ماعلمتكم
رابح:لا والله
سعاد ضحكت وقالت لهم وش قالت له روح لما كلمت سالم
روح ضحكت:فضحتوني الله يسود وجيهكم
رابح ضحك:اهم شي البلوك والحذف
روح ضحكت:اهم مني
مطلق وهو يضحك:بس اعجبتني بحاجتين وحده لما قالت عمتي الي ماتبيك وش تبي بواحد مريض عقليًا والثانيه حركة انها قفلت بوجهه والبلوك
روح ضحكت:انا روح اخت رابح اقل شي بلوك زين ما ذبحته
نوره وهي تضحك وماسكه جوالها صرخت:ااااااااا
الكل لف عليها
———————————————
هلا وغلا بعيون و حبايب قلب ملهمه شلونكم كل عام وانتم بخير وكل عام وانا معكم احبكم واسفه على التاخير بس رحنا الديره والنت ضعيف وان شاء الله اعوضكم ببارتات تفتح النفس عطوني رايكم لانه يهمني واذا في اي غلط او تعديل تعالوا قولولي تتوقعون ليش نوره صرخت ؟؟ احبكم🩷🩷🩷🩷🩷🩷🩷🩷🩷🩷🩷🩷🩷🩷🩷
تعالوا انستقرام هناك اسولف معكم حساباتي موحده نفس اليوزر
(la8ka20)
———————————————
أنت تقرأ
ياوجهٍ ملاه الحسن سبحان باريّه تاهت وصوف الشعر في جل حسنه
Romanceتتكلم روايتنا عن علاقة اهل بديره
