الجد:وين نوره؟
سحر:بالغرفه زعلانه
الجد:ناديها
سحر:ابشر
راحت سحر ودخلت غرفة نوره شافتها جالسه وتبكي
سحر:خلاص نوير امشي جدي بيكلم خوف وبيوافق غصبن عنه وبعدين امشي جدي يبيك
نوره مسحت دموعها:ابشري اغسل وجهي واجي
سحر:انتظرك بسرعه
نوره دخلت وغسلت وجهها وتعوذت من الشيطان ونزلت مع سحر
دخلت نوره وسلمت وقعدت جمب جدها وجدتها
الجد:وشب الحلو زعلان
نوره ابتسمت:ماني زعلانه بس بطني كانت توجعني
خوف:نوره شخبارك؟
نوره ماردت ولفت وبدت تسولف مع سحر
الجد لف عليه وهمس له:تستاهل
خوف ضحك وهمس لجده:هي دلوعه
الجد ضرب رجله:ايه زين
الجده:نجد
نجد:ياعيونها
الجده:الريم وينها وش اخبارها؟
نجد:احسن الحين نامت وتركتها
الجده:زين
رابح:انا عن اذنكم
الكل:اذنك معك
طلع رابح وقامت نجد وراه
نجد:رابح رابح
رابح كان مطنش ولا يرد
نجد ركضت وراه ومسكت يده:رابح انا اكلمك
رابح لف:معليش كنت اكلم خويي
نجد ضحكت:اهاه وحده بوحده
رابح:تبين شي؟
نجد:لا
رابح راح وتركها
نجد راحت جوا وهي شايله بخاطرها بس نست الموضوع من شافت الريم جالسه وتسولف وتضحك
-صباح السوم الثاني-
الريم قامت ولبست وطلعت لدوامها ووصلت وارسلت لامجاد تتاكد انها غايبه وردت عليها امجاد بانها نفذت خطتها وغابت وبدت الاجتماع بغرفة الاجتماعات وكان سلطان صاحب الشركه موجود وكان فيصل صاحب المناقصه موجود هادي اتصل بامجاد وكانت تعطيه مشغول وصار يخبص بالكلام
سلطان بحده:هادي وش تخبص ؟
هادي توتر:دقيقه بس
سلطان:ولا دقيقه الشرهه علي الي جالسه انتظرك فشلتني اعذرني يا استاذ فيصل
الريم:استاذه سلطان ابيك شوي
قام معها سلطان وطلعوا برا
سلطان:تفضلي اخت
الريم:الريم انا اقدر اصحح الغلط الي سواه هادي يعني لو سمحت لي
سلطان:اقدر اثق فيك؟ لان استاذ فيصل احسن عميل عندنا
الريم:افا عليك استاذ انت بايدي امينه
سلطان:تفضلي
دخلت الريم واشر سلطان لهادي يجلس
وبدت الريم تشرح وابدعت لدرجة ان فيصل مدد عقده مع الشركه راح فيصل بعد ما ودع سلطان رجع سلطان ودخل غرفة الاجتماعات وهو معصب
سلطان:هادي وش هببت
هادي وهو مرتبك:اعذرني مدري شلون صار الغلط مراح يتكرر
سلطان:ولا راح يتكرر لانك مفصول
هادي انصدم:نعم من انت
سلطان:ياسكرتي خذوه ارموه برا
طلعوا هادي وهو يهدد
وتوجهه سلطان لريم:انا عينت الريم مديرة الشركه
الكل بارك لها وقرر سلطان بكره يطلعون يحتفلون بمناسبة تعيين الريم
جلس سلطان وهو يحاول يسولف مع الريم بس هي كانت تسولف مع ريانه رجعت الريم مع المغرب للبيت وقبل ترجع جابت حلا وكيكه بمناسبة ترقيتها ونزلت وحطت الاغراض بالمطبخ وتوجهت لغرفة نجد بدلت ولبست جلالها واخذ الحلا والكيكه وراحت المجلس
-بالمجلس-
كان الكل جالس ويسولفون ماعدا فهد والريم
دخلت الريم:السلام عليكم
الكل:وعليكم السلام
جلست الريم جمب امها
رابح:وش المناسبه جايبه حلا؟
الريم:ترقيت اليوم
رابح:اوهه على البركه وش صرتي؟
الريم:مديرة الشركه
رابح ضحك:اوفف من قدك
الكل بارك لها وهي ترد عليهم بس هي كانت تحس بنقص بعد ماردت عليهم فتحت جوالها وقامت وراحت للحوش واتصلت على امجاد
امجاد بفرحه:بشري
الريم ضحكت:ابشرك طردوا هادي وانا صرت المديره
امجاد فرحت:الف الف مبروك ياعمري تستاهلين اخيراً جاء احد فاهم منصبه مو البقره هادي
الريم ضحكت:ياحبيبي الله يبارك بعمرك
امجاد:يله حياتي بروح اعلم امي واخيراً
الريم:تمام عمري باي
قفلت الريم بس انصدمت من سمعت صوت فهد
فهد بحده:عرفت ليه ماتبيني وتبين الطلاق عشان تقدرين تنفلتين براحتك
الريم:تعقب ياقليل الادب انا الريم ماسوي اشي الوصخ والمنحط الي بمخك
فهد عصب:اجل منهو حبيبيك وعمرك
الريم بقهر:مو شغلك
فهد بحده:الريم وقسم بالله ماخليك له عرفت ليه مسويه الفلم هاذا كله عشان تاخذين راحتك مو ابوك مات وخوانك مو دارين عنك وتبين تفتكين مني عشان تاخذين راحتك
الريم لاشعورياً ضربته كف وقربت منه:عرفت ليه زوجتك الاولى تركتك لانك مريض شك يامعتوهه انا كنت اكلم صديقتي امجاد مالومها ابرار يوم تركتك دامك مريض شك ومو رجال واسمع عاد قبل كنت ابيها تنحل الحين ابي الطلاق لاني مستحيل اكمل حياتي مع شكاك يامريض
فهد بحده:من قالك عن السالفه
الريم بحده:مو شغلك وبعدين وش يهمك به
فهد بعصبيه:لاتقولين لي يا اروح اذبح ابرار
الريم بحده:خلص بقولك ابرار الي قالتلي
فهد بحده بعد كلامها اخذ نفسه وراح
دخلت الريم بس فجاه حست بدوخه وطاحت عليهم شالها رابح ووداها المستشفى وصلوا المستشفى ونزلها رابح ووداها للاسعاف سوو لها تحليلات واخذت منهم ساعه كامله حولوها لدكتوره وراحت وفحصتها
الدكتوره ضحكت:مبروك انتي حامل
الريم دمعت عيونها:الله يبارك فيك من متى؟
الدكتوره:صار لك اربع شهور غريبه ماحسيتي بشي غريبه؟
الريم هزت وراسها بنفي:لا ماكنت احس بشي بس ليش دخت؟
الدكتوره:انتي بذلتي جهد كبير عشان كذا الفتره الجايه تنتبهين لنفسك اكثر بذات ان معك سكر انتبهي لنفسك وراجعيني بعد يومين
الريم:طيب انا حامل بايش؟
الدكتوره:بنوته باذن الله
الريم هزت راسها:يعطيك العافيه
طلعت وشافت رابح ينتظرها راحت له
رابح:وشبك؟
الريم:دوخه عادي مشينا؟
رابح:يله
ربكوا السياره وكان رابح يدور مفتاح السياره
الريم شافت سيارة الاسعاف وقفت جمبهم وقالت :الله يستر
رابح رفع نظره:وشو
الريم:سيارة اسعاف
رابح جلس يدور مفتاح السياره
الريم ناظرت الشخص الي كان بسياره وانصدمت ونزلت بسرعه وشافته من قريب انصدمت من شافت فهد وبدت تبكي وراحت معهم نزل رابح وراح معهم وهو مصدوم وشبها دخلوا فهد غرفة العمليات
والريم تبكي
رابح مسكها:وشبك؟الريم ردي علي
الريم وهي تشاهق:الي جوا فهد
رابح انصدم :اصبري يمكنك ملخبطه
الريم هزت راسها بنفي
رابح:اصبري بروح اسالهم عن الإثباتات
قبل يخلص كلام جتهم الممرضه مدت لهم محفظته
خذتها الريم وشافت بطاقاته وطاحت تصيح
رابح حاول يهديها وهدت شوي
رابح:الريم ادق اعلمهم
الريم هزت راسها بنفي:لا الحين عمتي تتعب وتطيح عليهم هاذا ولدها الوحيد اصبر نشوف الوضع
رابح جلس ومسك يدها:خليك من الدنياء كلها انتي هدي مو زين لك
الريم بكت زياده
رابح:الريم انا رابح توامك اكثر واحد يفهمك وشبك ؟
الريم وهي تبكي:اليوم فهد جاء لبيت جدي وانا سمعته كلام ثقيل مره
رابح حضنها:فهد مايزعل منك معليك
جلسوا شوي وهدت الريم
رابح:ريوم نجد دقت علي هاذي المكالمه العاشره
الريم:رد قل مابها شي وطلعنا نتمشى
رابح رد:هلا نجد
نجد:رابح وينكم خوفتوني
رابح:طلعنا نتمشى انا والريم ومابها الا العافبه
نجد:اشواء ارتحت عطني اكلمها
رابح مد الجوال لها
الريم:هلا نجد
نجد:هلا ريوم شلونك
الريم:احسن انتي وشبك؟
نجد:تبين الصدق خايفه على فهد مايرد علي
الريم جتها صيحه:فهود مابه شي اليوم شفته ببيت جدي
نجد:اشوا بروح اطمن امي انتبهي لنفسك
الريم قفلت وبدت تبكي شوي وطلع الدكتور
الريم ورابح راحوا عنده
رابح:طمني يادكتور ؟
الدكتور:الحمدالله عدت على خير
رابح:وش صار
الدكتور:تعرض لحادث وجته ضربات كثيره اثار تقلب السياره بس الحمدلله هو طاح من السياره قبل تولع السياره لو كان فيها كان الحين انتم بعزاه
رابح:الحمدلله
الريم:الحمدلله متى اقدر اشوفه
الدكتور:ساعه بالكثير وتقدرون تدخلون عليه لان الحمدلله اصابته ماهي كبيره
رابح:يعطيك العافيه
راح الدكتور
رابح:الريم مشينا للبيت تغيرين واغير ونجي عشان مايحسون
الريم:مشينا
راحوا البيت ودخلت الريم المجلس وسلمت وبدا الكل يتحمد لها بسلامه والريم بها غصه قامت
الريم:عن اذنكم
نوره:بدري يمه
الريم:من عمرك ياعمري بروح انام دايخه
راحت الريم غيرت وراحت هي ورابح لبيت الريم وفهد جابت لبس لفهد وتوجهوا للمستشفى دخلوا وسالوا عن غرفة فهد قالت لهم الممرضه رقم الغرفه وراحت الريم ركض ودخلت الغرفه شافت فهد مغمض عيونه ونايم ووجهه به جروح باينه راحت وقعدت على الكرسي واستاذن رابح وطلع يشرب قهوه
الريم مسكت يده وحطت راسها على يده وهي تبكي :اخخخ يافهد ماتدري وش صار من بعدك لو صارلك شي بالحقك كرهت الدنياء والي فيها مابي افقدك مابي يانظر عيني
سكتت الريم من حست بيد تمسح هلى راسها
فهد بتعب:بس يانظر عيني بس
الريم رفعت راسها بفرحه:قمت
فهد ابتسم:ايه تعالي بحضني
الريم هزت راسها بنفي:صاحي انت لا مقدر احضننك توك طالع من العمليات
فهد:انتي علاجي تعالي
الريم حضنته
تالم فهد وقال:اخخخ ليه يابوي تبكين
الريم:لاني فقدت ابوي حبيبي الاول وحسيت اني فقدت الدنياء كلها مابي بنتنا تنولد وهي محرومه منك
فهد بعد عنها:بنتنا؟ انتي حامل؟
الريم بعدت وهزت راسها:اي وبتجيك بنوته
فهد قام وحب راسها:الله يجيبها بصحه الكامله
الريم:امين ياحبيبي اجلس ارتاح
فهد هز راسه بنفي:باي شهر ومن يدري؟
الريم ضحكت:بشهر الرابع ومن يدري محد يدري غير انا وانت
فهد:انتي شلون جيتي من معك؟
الريم:جابني ربوح
ما امداها تخلص كلامها دخل رابح وتوجهه لفهد وحب كتفه:الحمدالله على سلامتك ياخوي خطاك الشر
فهد ابتسم:خطاك الباس ياخوي الشر مايجيك يارب
رابح:امين لا النسيب زي الحصان
فهد ضحك:والحصان وده يطلع
رابح:تعقب يطيب ماتطلع لين المستشفى يطردونك
فهد:افا والله يارابح وانا متعزوي بك تسوي بي كذا
رابح:اطلعك بس مو قدامها اصبر اشوف وضعك
الريم:ماشاءالله لا ياحبيبي مافي طلعه
فهد انسدح:اي هذاك لواني ماني فهد
رابح:الدكتور جاء تغطي
تغطت الريم ودخل الدكتور
رابح:وش وضعه يادكتور؟
الدكتور:ماعليه شر البطل بس شوية جروح ويده اليمين مكسوره
رابح ضحك:ومتى نقدر نطلع البطل؟
فهد ضرب رابح ورابح انهار ضحك وكان يحاول يغطي وجهه
فهد:متى اقدر اطلع يدكتور
الدكتور:بعد اسبوع
فهد:مقدر اطلع الحين
الدكتور:الا بس على مسؤوليتك
فهد:بطلع على مسؤليتي جهزلي الورق
الدكتور:ابشري يا فهد
طلع الدكتور وجلسوا الريم ورابح يضحكون
فهد:اضحكوا اضحكوا وش وراكم
الريم وهي تضحك:اسكت يابطل
فهد:ترا البطل يقدر يقوم يدق وجهك
رابح وقف وحط الريم وراه:تعقب تمد يدك على الريم
فهد ضحك:ومن قال الريم انا اعنيك انت
رابح ضحك:اذا كذا تمون يانسيب
فهد:حبيبي تسلم رابح ولا عليك امر رح وقع والريم تعالي ابيك
رابح:ابشر
راح رابح يوقع
الريم:امرني؟
فهد:ابيك تساعديني البس بلوزتي
الريم ابتسمت:بس ابشر
لبس فهد بنطلونه ساعدته الريم يلبس بلوزته ودخلوا يده بشويش ولبسته حقت اليد وطلعوا وقع فهد وطلع معهم
-بسياره-
الريم:اسمع عشان ماتخرش عمتي بدخل اقولهم السالفه واذا شفتني خلصت ادخل عشان تتطمن عمتي ماتدرعم على طول
فهد حب راسها:فديت الي تفكر بالكل
الريم استحت
رابح:ياجماعه وصلنا يله
نزلوا ودخلت الريم عليهم بعبايتها
الجد:الريم منين جيتي ماقلتي بتنامين
الريم:جيت من المستشفى
نوره قامت ومسكتها:عسى ماشر يمه بك شي؟
الريم جلست عمتها:مابي شي ياعمتي مابي الا العافيه بس اسمعي انا رحت المستشفى والحمدالله مابي شي وحنا راجعين شفنا سيارة اسعاف جايبه فهد لانه سوا حادث
دخل فهد:السلام عليكم
الكل:وعليك السلام
ناظرت نوره وجهه ولدها ويده
نوره بدت تبكي:يمه ولدي وشبك ياحبيبي؟
الريم:الله يهديك فهود قلت لك لا تدخل روعتها
فهد:يمه هدي مابي شي
الريم:عمتي اسمعي فهد سوا حادث بس الحمدالله مابه الا العافيه لو به شي مادخل عليك
نوره حضنته وبدت تبكي حضنها فهد وشد عليها
نجد كانت تسوي حلا جواء جت وبيدها بسبوسه
الريم وهي تضحك:احلى بسبوسه لاحلى جد
اختفت ابتسامها من شافت اخوها طاحت البسبوسه وشهقت:فهد
فهد:وشبك يابنت الناس
نجد بدت تبكي:انت الي وشبك
فهد راح لها وحضنها:مابي شي والله مابي شي
جلسوا ساعه وناس تصيح وناس تتحمد له بسلامه لين هدوء كلهم وجلسوا
نجد:وشبك؟وش صار
الريم:به مرض اسمه الطفخه تعرفينه
فهد ضحك:تمونين
الجد:وشبك وش جاك
فهد:ابد سويت حادث وعدا على خير
خوف:فهود اشرح زين
فهد:انا كنت متضايق وطلعت ماشوف قدامي وكنت بروح لابها وانا بطريق طلعت قدامي ناقه لفيت عنها وتتقلب السياره وبعدها قمت بالمستشفى
الريم:تراها عدت على خير الدكتور قال لنا لو انه ما طار من السياره كان هو مودع الملاعب لان السياره انفجرت مدري ولعت بعد ماطلع منها
فهد ضحك:انتي تبيها من الله
الريم ضحكت:ترا هاذي نهاية كل واحد يزعل مرته سوا بالمستقبل ولا الحين انتبهوا
خوف:للمعلوميه ترا هي تقصد حنا الي الحين والمستقبل يعني رابح والي ما بعد اعرسوا
فهد:خلك من العرس راحت البسبوسه علينا
خوف:كله منك انت وراسك
الجد:فهد الحمدلله على سلامتك والسياره ابشر بها
الريم:معليش ياجدي انا الي اجيب له سياره جديده لان الحادث بسببي
الجده:شلون بسببك
الريم:لاني انا الي خليت فهد يطلع متضايق تهاوشت معه وهو زعل مني عشان كذا صار الحادث عشان كذا انا المسؤوله وانا الي بجيب السياره له
رابح:ايههه صارت مديره معها قروش واجد
الريم ضحكت:قول اعوذ برب الفلق قل ماشاءالله
فهد: مديره؟هي من اول مديره
الريم ضحكت:حبيبي زوجتك ترقت وصارت مديره شركه قد الدنياء
فهد ابتسم:اوهه على البركه وانا اخر من يعلم طبعاً
الريم ضحك:مع الاسف ايه
فهد:الاخبار الحلوه كثيره اليوم
الجد:ليه وش فيه بعد؟
الريم ضحكت:بتجيكم حفيده جديده
روح شهقت:حامل؟
الريم هزت راسها
الكل بارك لها
واعتذروا البنات وانسحبوا
-بمجلس الحريم-
جلسوا الحريم كلهم يتقهوون ويتحلون
روح:ريوم باي شهر
الريم:اصدمك
روح:كم؟
الريم:الرابع
روح:بقره حامل مو ادميه شلون ما حسيتي
الريم ضحكت:حتى الدكتوره انصدمت بس تقول طبيعي
روح همست لها:وعشان السكر؟
الريم:قالت رجعيني بعد يومين واعلمك
روح:ايه زين وخلاص انتي ورجلك طاح الحطب
الريم:ايه الحمدلله
روح:زين زين
قامت روح واتصلت على خوف يجي المجلس
جاء خوف المجلس
-بالمجلس-
روح:خوف تعال اقعد ابيك
خوف:عسى ماشر؟
روح:ماشر بس حرام عليك نوره منكسره حيل بعد وفاة ابوي وماصدقنا على الله ترجع زي اول تجي تقول لها لا وتكسرها والله العظيم حرام نوره متغيره وصايره هاديه وبس تسرح وبعدين ليش رافض عمي معها ومرته وسحر وعبدالعزيز
خوف:رويحه خليني افكر وأشاور اخوانك بدر ورابح وارد لكم
رووح:الي تشوفه
راحت روح للمجلس
وبعد نص ساعه الكل اتجهه لبيتهم
-عند بيت الجد-
خوف:ينسيب نوصلك؟
فهد:لا تسلم اعرف اسوق
خوف:يدك يطيب تراها مكسوره
فهد:معليك
خوف حرك ومشاء
فهد:يله يالريم
الريم:نعم يطيب اركب جمبي انا بسوق بك
فهد ضحك:يله نشوف اخرها
ركب فهد والريم جمبه تسوق ساقت ووصلت البيت
ونزلت الريم وسكرت السياره وخذت اغراضها بس وقفتها يد فهد
فهد:اتركيهم انا اشيلهم
الريم:اي زين شلهم
شالهم فهد ودخلهم ودخلوا وجلسوا بصاله سوت الريم حلا وقهوه وجلسوا يتحلوون ويشربون قهوه
الريم:اعترف شلون صار الحادث انا ماصدقت سالفة الناقه
فهد:السالفه زي ما
الريم:فهود حنا من متى نخبي شي عن بعض ياتقول لي يا والله لساني مايخاطب لسانك
فهد:السالفه بعد ماطلعت من عندك توجهت لديرة عمامي تحديداً بيت ابو ابرار كنت ناوي اروح ادق وجهها بتراب
الريم:باي صفه ياشيخ فهد
فهد:باي صفه من اي ناحيه
الريم:باي صفه تشوفها باي صفه تدق وجهها ولا حنيت
فهد ضحك:اول شي لو حنيت قلت بروح احضنها مو ادق وجهها
الريم دموعها بعيونها:يعني كنتت ناويها
فهد وهو يضحك:تقدرين تقولين ادق وجهها واشوفها واروي الشوق
الريم قامت تبي تروح مسك فهد يدها وشدها له وطاحت على كتفهه
فهد:بروح بصفت اني رجل الريم شيخة الشيخات
الريم بعدت وضحكت:لا فهد جد ليه تبي تروح؟
فهد:كنت ناوي اروح بصفة انها كذبت عليك وطلعت عني هل كلام
الريم:فهود هي ما كذبت وسالفة انك طلقتها لانك شكيت بها كل الديره تعرفها
فهد ضحك:تهقينها مني؟
الريم:الصدق لا بس بعد الي سويته بالحوش طبيعي
فهد:طيب اسمعي السالفه
الريم تربعت عشان تسمع السالفه
فهد:انا خذيت ابرار عشانها بنت عمي وعشاني حبيتها وهي حبتني بس بعد الزواج ابرار مو ابرار الي اعرفها اربعه وعشرين ساعه ماسكه جوالها واذا قربت منها تطفيه وبس طفشانه مني جاء ذاك اليوم دخلت بدون ماتحس علي رغم انني صوت لها بس ماسمعت او الله مايبيها تسمع دخلت سمعتها تكلم وقفت اسمع سمعتها تكلم واحد وهاك سفاله وقلت ادب ومصخره انا بغيت انفجر سمعتها تقوله بكره فهد مستلم تعال البيت بعد المغرب رحت عند باب البيت ودخلت وصوت لها بصوت عالي جت وهي مرتبكه مالك بطويله قمت الظهر صليت وجاء العصر وقلت لها بروح الدوام وانا مكلم خويي يستلم عني ورحت وقفت قريب من البيت بس مو باين وجلست انتظر شفت واحد داخل لشقتي حسيت اني اعمى حسيت اني غبي ومغفل نزلت من سيارتي ورحت لشقتي وفتحت الباب ودخلت وانا ماشوف قدامي من العصبيه شفتهم جالسين بصاله يوم شفتهم جاني شعور القرف دخلت وصفقته صفقته لين مابقى ملامح بوجهه وطردته ومسكت ابرار وطلعت حرتي وخليتها تلم اغراضها ولبست عبايتها واخذتها لاهلها ورميتها عليهم وقلت لهم وش سوت وقلت لهم يشوفون وش لابسه وطلقتها بثلاثه ونسيتها بيومها وبلحظتها من شفتها بشكلها ولبسها لغيري زاعت كبدي وكرهتها
الريم بكت وحضنته:كل هاذا شفته ياحبيبي انت
فهد ضحك:بس الحين لقيت الغاليه الي تستاهلني واستاهلها
الريم ضحكت وبعدت:طيب ياحبيبي وش تحس فيه الحين
فهد:ظهري يوجعني شوي
الريم:سلامتك ياحبيبي
فهد:امشي معي
الريم راحت وراه دخل الغرفه ورما فنيلته وانسدح
فهد:اوطي ظهري ودلكيه
الريم ابتسمت:ابشر
دلكت ظهره ونام قامت وغسلت يدها ورطبتها ونامت
-صباح اليوم الثاني-
قامت الريم من مكالمات كثيره قامت وردت
امجاد:ريوم ليش ماتردين
الريم:هلا وش بغيتي
امجاد: تاخرتي وينك؟
الريم:مقدر اجي فهود يده مكسوره وعنده موعد انتي اليوم صيري مكاني بكره يمكن اداوم اذا داوم فهد
امجاد:الحمدلله على سلامته خوذي راحتك لين يصير احسن داومي
الريم:الله يسلمك سلميلي على ريانه
امجاد:واصل
قفلت وقامت تصلي وصحت فهد وصلا وبدل وبدلت هي ولبست عبايتها وطلعوا للمستشفى وصلوا ودخلوا عند الدكتور وشافه الدكتور
الدكتور: بجيب ادويتك واعلمك عليها وبعدين تجيني بعد اسبوعين نفحصك يابطل
فهد هز راسه وطلع الدكتور الريم انفكت ضحك
فهد:ريوم اعقلي
الريم مسكت كفته وهي تضحك:ابشر يابطل
فهد قام:البطل الحين لا دقك وراك شغل ربك
الريم ضحكت:نمزح يالحبيب
الدكتور دخل واعطاه الادويه:قدامك السلامه
فهد:امين يارب
راح فهد هو والريم وركبوا سيارتهم وتوجهوا للبيت دخلوا البيت رمت الريم عبايتها وسوت قهوه لها ولفهد وجلسوا يسولفون طق الباب راحت الريم تفتح شافت وحده منقبه وصله لين باب المدخل
الريم استغربت كيف دخلت:نعم اختي
فهد:من جاينا يالري
سكت فهد من انفتح الباب وانصدم من جت وحده وحضنته وهي تبكي
الريم دخلت وراها وكانت مصدومه بس ركزت بصوت وعرفت انها
ابرار وعصبت مسكتها ودفتها وقفت بينها وبين فهد
الريم:سلامات ياماما نعم ؟
ابرار:انت بخير فهد
الريم:انا اكلمك
ابرار:خفت عليك خفت لما قالوا انك سويت حادث وانت على طريق ديرتنا
الريم اشرت لها:ياهيه اكلمك
ابرار:انتي مين تقدرين تطلعين وتخيلنا لحالنا شوي
الريم انصدمت من قلت ادبها
ابرار بعدت الريم شوي ومسكت كتف فهد:حبيبي وش تحس فيه
الريم ماتحملت اصفقتها كف لزقتها بالارض:ياهيه زوجي سلامات
ابرار قامت وحاولت تضرب الريم بس الريم ماخلت لها فرصه مسحت بها البلاط لدرجة مابين بوجهها ملامح من كثر الضرب
ابرار دفت الريم الريم طاحت بقوه ومسكت بطنها بالم
فهد قام وراح لها مسكها وكان خايف عليها
فهد:بك شي ياعيوني
ابرار مثلت الدموع:من هاذي المتوحشه ضربتني
فهد لف بحده وعيونه تطلع الشرار:هاذي زوجتي الله ياخذك
ابرار بصدمه:خنت الوعد يافهد وتزوجت
فهد ضحك:خنت! انتي الي خنتي وانا نسيتك وخذيت لي ذهبه وحده تصون نفسها عشاني قبل يكون عشانها والحين اطلعي برا البيت اطلعي
ابرار طلعت وفهد شال الريم وحطها على الكنب قامت الريم بالم ولحقتها لين الباب وصوتت لبرار قبل تطلع
ابرار لفت:نعم؟
الريم بحده وعصبيه مسكت يدها:بيتي بحياتك كلها لا تفكرين تدخلينه وانا حيه وانا ميته بيتي ماتفكرين مجرد تفكير تدخلينه او تخربينه والحين يله
جرتها ورمتها برا بيتها وسكرت الباب ودخلت وهي تحس بالم خفيف ببطنها فهد سندها وجلسها
الريم كانت معصبه
فهد:وشبك؟
الريم انفجرت وبدت تبكي وتشاهق:وشلون شلون تسمح لها تحضنك شلون تسمح لغيري يحضنك وتمسكك شلون يافهد شلون تكسرني زي كذا شلون
فهد حضنها:والله العظيم من الصدمه ماقدرت اسوي شي والله اني ما اكن لها اي شي وربي
الريم دفته وهي تشاهق:وخر عني احسك نجس احسك قذر احسني ماخذه فضله
فهد بحده:الريم لاتقولين شي تندمين عليه
الريم قامت ولبست عبايتها وطلعت وراحت عند روح لانها عرفت ان فهد بينادي مطلق فعلاً فهد كلم مطلق يجيه وهي راحت عند روح وطقت الباب ودخلت وحضنتها وهي تبكي
روح بصدمه:وشبك فهد به شي
الريم كانت تبكي:فهد مابه شي بس انا الي بموت واحس شي كاتمني
روح جابت لها مويه وتنفست وارتاحت شوي
روح:قولي السالفه وشبك
الريم قالت لها كل شي:واخر شي جيتك هينا
روح:لا يالريم لا انتي غلطانه هو وش ذنبه هي حضنته وهو طردها عشانك وهزائها وانتي تقولينه احسك نجس وفضله فهد ماله ذنب من الصدمه ماسوا شي
الريم انشدحت على رجل روح:روح احس نار بقلبي نار من الغيره
روح تمسح على شعرها وتهديها
-عند فهد-
جاء مطلق ودخل سلم على فهد وجلس
فهد:الريم جتكم؟
مطلق:اي شفت سيارتها وقفت عند بيتنا وانا طالع
فهد:ايه اشواء ارتحت
مطلق:وش العلم الي ببطنك وليه بيتكم معفوس؟
فهد:الريم زعلانه عشان سبب تافهه
مطلق:اسلم وش السبب
فهد:اليوم جينا من موعد يدي وش حليلنا يوم وصلنا رن الجرس راحت فتحت سالتها من وتفاجأت بوحده جت وحضنتني من الصدمه صنمت طلعت ابرار تهاوشت هي والريم ودفت الريم رحت اشوفها وهزات ابرار وقومتها راحت الريم وطردتها جت وساندتها وجلست قلت لها وشبك قالت وهي تبكي وشلون تسمح لها تحضنك شلون تسمح لغيري يحضنك وتمسكك يافهد شلون تكسرني زي كذا حضنتها واحاول اهديها واقولها مو قصدي واحلف انه من الصدمه واني ما اكن لها ولا شي بس عمك اصمخ دفتني عيت تسمع وقالت كلام زي السم نزل علي قالت احسك نجس احسك قذر احسني ماخذه فضله مطلق انا غلطت بشي
مطلق:هذولي هم الجنس الناعم يافهد مايحبون احد يشاركك معها عشان سكرتيره قلبوا الدنياء بشوف روح ووش صار واكيد هدت واليوم اذا رجنا بيت جدي بقول لروح تاخذها للمجلس وتتكلمون زين
فهد:زين
مطلق:مشينا بيت جدي اجل
فهد هز راسه بنفي:بصلي العصر واتحمم واجيكم
مطلق:زين
ودعه فهد وراح راح فهد وتروش وصلى العصر وغفى شوي قام على المغرب توجهه لبيت جده وراح للمسجد وصلى وطلع شاف جده حب راسه وراس خاله ذيب
خالد:يطيب تراني خالك مثله
فهد ضحك:انتي نسوي لك سكب
خالد سحبه على جنب وبدا يهمس له:خلك مني مشوين وانا مار لقيت وحده طالع مع سواق من بيتكم والسياره مو غريبه منهي هاذي
فهد:ابرار
خالد بصوت عالي:طليقتك
فهد ضرب كتفه:يانكبه
الجد:منهي؟
فهد:لا اقوله سالفة خوينا الي طلق قبل كم يوم وشكلي بسويها
مطلق بحده:تعقب
خوف من وراه مسك كتفه:نعم يطيب
رابح:كانك رجل جرب
بدر ضرب كتفه:تجي ورقة الطلاق بعهد ورقة وفاتك يطيب
فهد ضحك:ماقصد اطلق الريم اقصد اطلق خالكم هل ماتخلف هل فضيحه
كلهم ضحكوا ووصلوا للبيت ودخلوا لمجلس الرجال وفهد كان متضايق
وباين عليه جلس مطلق جمبه همس له
مطلق:اسمع كلمة حرمتي تكلم اختها تجيك بالمجلس
فهد:منهي اختها؟
مطلق مسح دقنه:انت فهاوتك تبي تودينا بداهيه اختها الريم يعني حرمك
فهد ضحك:اهاه اي يله زين
طلع فهد وفتح سيارته وطلع عطر وتعطر ولبس خاتمه واخذ سبحته ودخل للمجلس شاف الريم جالسه تنتظر خوف ولفة يوم حست ان خوف دخل
الريم ابتسمت:خو
فهد ابتسم:ياعيون فهد وخوف وطوايف اهلي
الريم صدت وجت بتطلع فهد مسكها وسكر الباب بالمفتاح
فهد:اصبري نتفاهم ياروحي لو بقى بقلبك لي شوية مشاعر لي
الريم جلست وهي ساكته وعيونها بس تنزل دموع
فهد مسح دمعتها:لا يالريم لا دموعك لا والله يالريم انا ماحب ابرار ولا اكن لها باي مشاعر يالريم انا الي رميتها انا وانا الي اخترتك الريم وصحصحي وركزي بكل شي وبعطيك حلين الاول انك تفهمين الموضوع والحل الثاني انك تطلعين بدون ماتردين علي وانا مستعد الان اروح و(خنقته العبره)واطلقك وتعيشين حياتك
الريم قعدت وتفكر شوي وحست انها غلطت وقامت وراحت عند فهد وجلست جمبه ومسكت يده
الريم وهي ماسكه يده:فهود اسمع انا اسفه غلطت عليك شوي لا مو شوي كثير بس فهود انت تخيل يجي واحد كان بيني وبينه قصة حب وانفصلنا ويحضني ويمسك كتفي وش بتسوي
فهد بحده:اذبحه وعقبها اذبحك ياحلوه
الريم ضحكت:صافي يالبن
فهد:صايفي ياقشطه
الريم:بتداوم بكره؟
فهد هز راسه:اي تعرفيني ماحب اقعد بالبيت
الريم:زين تبي شي؟
فهد:لا ياروحي سلامتك
الريم ابتسمت:الله يسلمك من كل شر
راحت وراح هو مجلس الرجال
-بمجلس الرجال-
الجد:ياولد
خالد ورابح:سم
الجد:سم الله عدوكم رابح رح ناد الحريم للمجلس
رابح:ابشر
وقف رابح عند باب المطبخ:ياولد يانجد
نجد كانت تكلم تهاني صديقتها
نجد:اسمعي رابح يصوت بروح اشوفه والله يا اني مشتاقه له
تهاني:اصبري
نجد:هلا؟
تهاني:تتذكرين يوم يتجاهلك؟
نجد:ايه
تهاني:سوي مثل مايسوي يعني اذا حضنك لا تحضنينه اذا سولف اختصري وسوي نفس حركاته وريه شغل ربه
نحد ضحكت:مايطاوعني قلبي مقدر
تهاني بدت تقنعها لين اقنعتها راحت نجد لرابح
رابح وهو متنرفز:وينك مليون مصوات؟
نجد:كنت اكلم صديقتي
رابح بحده:تراني بديت ماارتاح لها
نجد:رابح اختصر وش بغيت
رابح ابتسم من شاف شعرها بدا يطول وقرب منها ومسكها مع خصرها وشدها له ومسك شعرها بخفه
رابح:شعرك طول
نجد:اي طول وش بغيت؟
رابح:ابيك جمبي وبحضني
نجد بعدت عنه:رابح اكلمك جد
رابح:نجد وشبك شخصيتك من عرفتي صديقتك الي ماندري وش اصل ابوها متغيره صايره عصبيه وماتبيني وشبك؟
نجد:مابي شي انت ناديتني وجيتك وبالاخير مايطلع عندك سالفه
رابح:اي زين نادي الحريم وتعالوا المجلس جدي قاله
راح ونجد تناظره ومتحسفه راحت ونادهتم وراحوا للمجلس
-بمجلس الرجال-
دخل رابح وابتسامته مختفيه جلس جمب سعود
سعود همس له:يطيب وشبك؟
رابح:مابي شي
سعود:على سعود؟
رابح قاله كل شي صار بينه وبني نجد وقاله وش صار بالمطبخ:مدري وش بلاها
سعود:بكلم سعاد تشوف الوضع
رابح ابتسم:تسلم
سعود:الله يسلمك
دخلوا الحريم سلموا بصوت واحد
ردوا عليهم الرجال وجلسوا الحريم
الجد:اسمعوني
الكل لفوا وانتبهوا للجد
الجد:عرسك يا خالد متى؟
خالد:مدري انا بنسبه لي باي وقت بس شوفوا جمانه
خالد ابتسم:هاه يبه وش قولك
جمانه استحت:مدري يبه الي تشوفه انت وخالي
خالد:هاه ياخوي انت فصل وحنا نلبس
الجد ابتسم:تسلم ياخوي بس اصبر شوي وانت ياسعود متى عرسك؟
سعود:والله زي ماقال خالد ماتفرق معي اهم شي رايي المدام
الجد ابتسم:هاه ياسعاد وش قلتي؟
سعاد استحت:الي تشوفه يبه
الجد ابتسم:طيب وانت يارابح
رابح الي كان متفق مع نجد من قبل:والله انا وحرمي المصون قررنا عرسنا يصير بعد ثلاث او اربع شهور عشان ابوي يكمل سنه متوفي الله يرحمه
الكل:الله يرحمه
الجد ابتسم:اجل اسمعوا بنسوي عرس محفوف للعيال لان سعود يبي يروح لديرة خواله وبيقعد شهرين ولان خالد وحرمه بيسافرون يدرسون والعرس بعد اسبوع موافقين
خوف ناظر نوره من جابوا طاري السفر وشافها تنزل راسها عرف انها جالسه تبكي ودموعها نزلوا ابتسم بحزن
خالد وسعود:الي تشوفه
الجد:انتم رايكم مو مهم اسكتوا بناتي وش رايكم
سعاد وجمانه:الي تشوفه موافقين عليه
الجد:اجل على البركه
خوف:ربوح بدر تعالوا معي شوي
رابح وبدر قاموا معه راحوا لمجلس جواء البيت
روح:عن اذنكم
الجد:اقول رويحه انطقي شوي يبه
روح صحكت:مقدر ياجدي لازم اروح اهزاهم
الجد ضحك:دامك بتغسلين شراعهم روحي
راحت روح المجلس
-بالمجلس-
خوف:اسمعوا
دخلت روح:قبل يسمعون انا مزهريه ليه ماتناديني
خوف:لان مالك علاقه بسالفه
روح جلست:مو بكفيك بتتكلم وانا فيه
خوف بحده:روح قومي واطلعي برا الموضوع مايخصك
روح اختفت ابتسامتها:خوف وشبك ماقلت شي ترا
رابح:وهي صادقه ماقالت شي لاتشدها
خوف بعصبيه:لا يارابح قالت انتي يا روح تحشرين نفسك بكل شي احياناً نجامل بس خلاص طفرنا منك محد مجبور يتحمل حتى هذولم اخوانك نفس اشي يعانون منك بس مايبون يجرحونك
بدر بحده:خوف تكلم عن نفسك
رابح:خوف لاتشدها هدي لاتندم
روح عيونها دمعوا:رابح بدر خلاص بانت حقيقته بس شكراً ياخوف مقبوله منك
قالت كذا وراحت وهي مكسوره منه حيل
بدر:مو منجدك تهزاها وتسمعها كلام وانت عارف انها تمزح زعلتها ياخوف
خوف:تتدلع معليك
رابح وهو مرتفع ضغطه من اسلوب خوف:وش موضوعك اختصر
خوف:نوره كلمتني تبي تسافر برا مع عمي خالد وحرمه وعبدالعزيز وسحر بنت عمي كلمتني وقلت بشوف وش رايكم
بدر:انا عن نفسي موافق وهي كلمتني وانا وافقت بس قلت لها شوفي اخواني
رابح:وانا موافق وش فيها عمي معهم
خوف:زين كلم الريم تجيب امي وخواتي ويجون
رابح كلم الريم وقال لها وراحت هي ونوره وامها وروح رفضت تجي راحوا للمجلس
-بالمجلس-
دخلوا ونوره زعلانه على خوف
خوف:نوير زعلانه؟
نوره دموعها تجمعوا:لا تصدق
خوف ضحك:طيب اضحكي
نوره ودموعها بدت تنزل:خوف وش تبي ؟
خوف ابتسم:انا وخوانك وافقنا تسافرين
نوره ضحكت:جد
خوف ابتسم وهز راسه
نوره راحت وحضنته:لا خلا ولا عدم احبكم
راحت نوره تبشر سحر
خوف:الريم وين روح؟
الريم:عيت تجي
خوف:ارسلي لها تعالي لا يجيك خوف
رابح بصوت سمعه خوف:مزعلها ويبيها تجي غصب
خوف:بسرعه يالريم
الريم:تقول هي من اليوم ورايح مالها علاقه بنا وبمشاكلنا ومواضيعنا واحسن لك لو ماتجي لانها بتفشلك قدامهم
امل:شكلها زعلانه منك
خوف:معليك اعرف اراضيها
رابح بحده:مو كيفك
خوف لف عليه:وشو
رابح بعصبيه:مو كيفك تزعل الي تبي بالوقت الي تبي وتراضيهم بكيفك
خوف بحده:انت مالك دخل اطلع منها
رابح بعصبيه مسك ياقته:لا والله مزعل روح وتبني اطلع منها اسمع عاد والي رفع سبع ونزل سبع ان قربت منها لا ادفنك فاهم
خوف بعصبيه مسك ياقته:موضوع بيني وبين اختي انت وش دخلك
رابح بحده:الي دخلني انك تزعلها وتحسب الدنياء سايبه
خوف بعصبيه:انت وش حارق رزك ايه ازعلها والعن خيرها انت وش دخلك ولو بغيت امد يدي مديتها انت وش عليك
رابح ضربه براسه وطاح خوف وقبل يروح قال:تعقب
امل شهقت:يمه خوف كسر يكسر ايدك يا رابح ليه تضرب اخوك الكبير
بدر بحده:لانه يستاهل ولو رابح ماسوا كذا انا دفنته وهو حي
وراح وخلاهم
الريم:يمه شوفي خوف بنادي شيم واشوف وش مهببين
امل هزت راسها:بسرعه
راحت الريم ونادت شيم ونادت رابح برا طلع رابح
رابح:الريم مو ناقصك يكفي امي داعيه علي بسبت هل خسيس
الريم:وش السبب الي خلاكم تتهاوشن
رابح قال لها وش قال خوف لروح:وصار الي صار
الريم:مو من حقه يقول الي قاله
رابح:ادري بس خلص جاه الي كفاه
الريم:اي والله صدق امش ندخل
-بالمجلس-
دخلت شيم وشهقت من شافت الدم يطلع من خشمه
شيم:كسر يكسر ايد الي سوا بك كذا من الي سوا بك كذا
خوف رفع نفسه:استغفروا انتي وامي لاتدعون على رابح
شيم بحده:رابح؟
خوف:معليك منه تعالي شوفي خشمي
راحت شيم جابت إسعافات اوليه واعطتهم خالتها وجت تبي تروح
امل:وين يمه
شيم بحده:بروح اتوطا ببطن الكلب رابح
خوف:شيم
شيم راحت بدون ماترد
خوف بعصبيه:ياشيم
امل:خلص يمه اجلس خلني اعالج خشمك
جلس خوف وبدت امه تعالجه
عند الريم ورابح كانوا متجهين للجلسه فجاه انصدم رابح من جت وحده لابسه جلال ودفته
شيم بحده:كسر يكسر يدك شلون تضرب اخوك
رابح:شيم ماتعرفين السالفه انتي
شيم بعصبيه:ولا ابي اعرف ياقليل الخاتمه يا
الريم بحده:شيم خلاص افهمي السالفه وتعرفين رجلك وش عامل بعدين تكلمي
شيم بحده:لو يسوي الي يسويه اخوه الكبير شوية احترام بس هاذا ماعنده احترام لا لكبير ولا لصغير
رابح عصب:لا طالت وشمخت
قال كذا وراح وطلع الشارع وبدا يدخن
الريم مسكت شيم وعلمتها السالفه:فهمتي
شيم حست بندم:وش دراني وانتي ليه ماتكلمتي الله يهديك
الريم:خليك منه شوفي رجلك
شيم راحت تشوف خوف وراحت الريم للمجلس جلسوا سواليف وضحك رجع رابح بعد مادخت وجلس جمب الريم يسولف ويضحك لين دخل عليهم خوف
الجده:بسم الله عليك يمه وشبه وجهك؟
خوف:ابد ياجده ضربت الجدار بالغلط
امل وهي تناظر رابح:لا كذاب هو كان جالس بشارع وجاء كلب وخبطه ونزف خشمه
رابح كتم الضحكه وهمس لريم:انا الكلب طبعاً
الريم وهي كاتمه الضحكه همست:بس لا تخليني اضحك
شيم:والله لو انه مو غلطان على الكلب ماجاه بس خوف الله يهديه
رابح ضحك غصبن عنه:وشيم صادقه
الجد:كسر يكسر فكك ياقليل المروه تضحك على اخوك ماتشوف الكلب وش مسوي به
رابح همس لريم:اليوم بموت وبتنكسر يدي وفكي انا اقول جهزوا الكفن
الريم ضربته وهمست:ورع بس مابي اضحك
رابح ضحك:معليش بس تسلم يدينه اهل كلب جاز لي وينه باخذه اربيه
الجده: ياصبي جعل هل كلب يضربك عيب اخوك
العم خالد:يبه رابح عيب عليك تضحك على اخوك زين لك كذا
خوف:وشبكم ياجماعه اخوي ويمزح معي (وخبط كتفه)
رابح بعد كتفه وهمس له:لا تمد يدك ولا تلمسني ينجس
خوف همس له:والله ماعديها لك انا تضربني وتقول عني نجس
روح كانت ماسكه جوالها وشوي وارسلت لمطلق
روح:مطيلق
مطلق:سمي؟
روح:ابي اطلع من بيت جدي احس بلك على صدري تكفى خلنا نروح
مطلق:ابشري
مطلق قفل جواله:حنا عن اذنكم ياجماعة الخير
الجد:بدري يبه
مطلق:روح بطنها يمغصها وتبي ترجع البيت ترتاح
الجد:اي زين ماتشوفين شر يبه
روح:الشر مايجيك
شيم الي كانت فاهمتها:رويحه خلي هاجر وليل عندي
روح ابتسم:ابشري واذا سريتوا نزليهم عندي
الريم:ابشري
طلعوا ولحقهم خوف
خوف:رويحه وقفي بكلمك
روح اشرت لمطلق يروح ولفت وهي ساكته وعيونها تتكلم
خوف مسك يدها:انا اسف بس والله المواضيع كثرة علي هل فتره و
روح وخرت يدها:خوف انا مستعجله وجرحك لي للحين ماهداء
طلعت روح وركبت مع مطلق حركوا وكان مطلق يمشي بدون تحديد وجهه
مطلق:روح وشبك
روح كانت تنتظر كلمه وحده احد يسالها وشبها او كيفها عشان تبكي انفجرت وبدت تبكي وتشاهق
وقف مطلق بالبر واخذ مويه وشربها وهداها هدت شوي
مطلق:وشبك؟
روح هزت راسها:مابي شي صدقني
مطلق:روح انا مطلق ماتخبين علي شي
روح رجعت تصيح:مطلق تكفى مابي اتكلم الحين تكفى ودني لبيتنا
مطلق هز راسه:ابشري بس هدي
وصلوا بيتهم ونزلت روح ورمت عبايتها وجلست بصاله وهي ضايق خلقها
مطلق جاها:روح وغلاتي تقولين لي وش بلاك
روح حضنته وحكت له كل شي
مطلق بحده:الا ياخسيس ياخوف والله للعن والد
روح حطت يدها على فمه:لا ابوي لا
مطلق حضنها:بس خلاص ياروحي انا بروح اتفاهم معه
روح مسكت يده:تكفى لا خله جاه الي يكفيه من رابح
مطلق بصدمه:رابح الي ضربه؟
روح:ايه
مطلق ابتسم:تسلم يدينه
روح عبست:مطلق امش معي ولا تقول كذا تراهم اخواني
مطلق ابتسم:ابشري
اخذها مطلق وراحت سريرها ونامت على طول رن الجرس نزل مطلق بسرعه وفتح الباب شاف خوف
مطلق بينه وبين نفسه:جيت وجابك الله
خوف:يطيب عيالك
مطلق اخذهم:شيم معك؟
خوف:لا نزلتها بالبيت
مطلق:خلك شوي ابيك بسالفه
خوف:ابشر دخل خوف للحوش
حط مطلق عياله بسريرهم ونزل بسرعه شافه واقف ينتظره
مطلق بحده:تدري اليوم وش صار بعد ماطلعنا انا وروح؟
خوف:وش دراني انا
مطلق بعصبيه مسك ياقته:جلست تصيح لين نامت ولو تروح تشوفها يازباله تلقاها جالسه تشاهق وهي نايمه
خوف:اضربني
مطلق بتعجب:وش تقول!؟
خوف:اضربني انا استاهل
مطلق بحده:لولا العشره الي بيننا يابو ليث كان دقيت وجهك بالارض بس مو انا الي انسى العشره
خوف جلس بتعب:صدرك مفتوح لي ؟
مطلق جلس وهو حاس ان به بلا ضرب كتفه:مفتوح تكلم
خوف بدا يتكلم:انا من بعد وفاة ابوي مشتت ضايع ابي احلها تلقاني اخربها اصلح جهه تخرج الثانيه اسوي شي صح وعشره غلط انا تعبت يامطلق تدرين ذاك اليوم وش تمنيت تمنيت ان ربي خذاني وخلا ابوي
مطلق حضنه:استغفر ربك ياخوي مايصير هل كلام انت كان عمي ياخذ رايك من كثر حكمتك وصدقني روح ما زعلت منك زعلت عليك بس انت حاول تهداء وتفكر من كل الجوانب وبكره الصبح انا اكون بدوام تعالوا وتناقشوا بهدوء لا تزعلها ياخوف
خوف ابتسم:تسلم يابو هاجر ماتقصر واعذرني وسامحني
مطلق قام معه:وش ياخوي مابين الاخوان هل كلام وبعدين انت الي سامحني اني تسرعت
خوف ابتسم:ماسويت شي كل الي سويته استاهله
مطلق:الحين الكلب الي ضربك رابح؟
خوف ضحك:نعم للاسف
مطلق ضحك:يله رح نم عشان تجي بكره بمخ صافي
خوف:فمان الله
مطلق :فمان الكريم
دخل مطلق وانسدح ونام وتوجهه خوف لبيتهم وجلس يفكر لين نام بمكانه
-عند بيت الجد-
رابح جالس بسيارته ودق على نجد
نجد كانت تتابع مسلسل ردت
رابح:الو وينك؟
نجد:هلا بغرفتي
رابح:البسي عبايتك واطلعي انا برا
نجد:ليش؟
رابح:بنتمشى شوي
نجد:زين
لبست وطلعت وهي متحمسه لانها ابي تنهي المشكله شافت مكالمه من تهاني ردت
تهاني:وينك؟
نجد:بطلع مع رابح
تهاني:لاتنسين لاتعطينه على جوه ترا هم مايحبون الي جايتهم على وجههم
نجد صدقت كلامها:تهقين؟
تهاني:ايه وعلميني وش يصير
نجد:اوكيه يله
قفلت وطلعت وركبت
رابح ابتسم:تبين قهوه
نجد:الي تشوفه
راح رابح جاب قهوه ومدها لها وبدوا يتشمون
رابح:اقول نجدي
نجد:هلا؟
رابح:تبين عرسنا بعد ثلاث شهور عادي؟
نجد والكلام مو من قلبها وتهاني لاعبه عليه:انا احس لاتستعجل خلنا نتعرف على بعض اول بعدين
رابح:نتعرف على بعض!(ضحك) اكثر من كذا؟
نجد تاففت:اوفففف يا رابح مو وقته مابي اعرس الحين
رابح:وش مشكلتك؟ليش هل اسلوب علميني ؟
نجد:رجعني بيتنا
رابح بحده ضرب الدركسيون:برجعك بس وقسم بالله لطلع ابن الكلب الي لعب براسك وانتي عارفه انا من
نجد توترت رجعوا للبيت نزلت وهو مزل مسك معصمها:نجد اعقلي وادحري الشر لا اعرف شلون ادحره
نجد فلتت يدها:اي هين
قالت كذا وراحت تنام
دخل رابح وهو قافله معه دخل لقسمه شاف عمته طالعه من قسمها
سعاد:ربوح! بك شي ؟
رابح ووجهه احمر من العصبيه:لا ياحبيبتي
سعاد دخلت ودخل وراها لجناحه وجلست:علمني بحلها
رابح تنفس:عمتي نجد في احد مغيرها علي اسلوبها زي الزفت معي كاني واحد ماتعرفه مو كني رجلها اسلوبها زباله معي وانا متاكد انه في احد لاعب براسها
سعاد مسكت يده:هد وانا قالي سعود عن الموضوع وبشوف منهي صديقتها الجديده ووش وضعها بس انت هدي
نجد دخلت:ابي شاحني من سيارتك
رابح:خوذي شاحني مالي خلق اطلع
نجد:مابي ابي شاحني عطني المفتاح اجيبه
رابح بحده مسح دقنه:نجد روحي وادحري الشر يانجد
نجد:ماني داحرته ابي اكلم صديقتي وابي شاحني
رابح ضحك:بعد عشان تكلمين الحيه شاحن مافيه شاحن
نجد خذت شاحنه:بكلمها واسلوبي بيبقى زي ماهو
رابح بحده:انا رابح بعرف يتفاهم معك ومع بنت الكلب هاذي
راحت وخلته
سعاد:ربوح مو كذا هدي
رابح:عمتي روحي لها وعقليها لان انا اذا طفرت معرف امي وابوي بالعن خيرها ترا وهي تعرفني
سعاد:ابشر بس انت هدي
راحت سعاد وطقت باب غرفة نجد
نجد:اذا انت رابح لاتدخل واذا احد ثاني ادخل
دخلت سعاد:وعميمتك تدخل؟
نجد ابتسمت:ادخلي حياك
سعاد جلست قدامها ومسكت يدها:وشبكم؟
نجد:هو زعلان من اسلوبي اسلوبي به شي
سعاد:بقولك الصدق انتي هل فتره متغيره ومو شوي كثيرررر وبذات عليه وهو قالي انه من صديقتك الجديده منهي هي اصلاً؟
نجد:ماله شغل صديقتي هو صاير يتحسس مره
سعاد:كيفك بس ترا هو قالي قولي لنجد اذا طفرت معرف امي وابوي بالعن خيرها وهي تعرفني انا وصلت لك كلامه واعقلي يابنت رابح مهبول بيعرس عليك بكره وخليها تنفعك
نجد خافت من فكرت انها تتقاسم رابح مع احد راحت يعاد وخلت نجد تهوجس بالموضوع
—————————————————————————
(معليش حبايبي قطعت عشاني رحت عمره وماقدرت اكتب لكم اعذروني على السحبه مجهزه لكم بارتات تجنننننننننن ترقبوا ❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️)
—————————————————————————
أنت تقرأ
ياوجهٍ ملاه الحسن سبحان باريّه تاهت وصوف الشعر في جل حسنه
Romantizmتتكلم روايتنا عن علاقة اهل بديره
