ياوجهٍ ملاه الحسن سبحان باريّه ‏تاهت وصوف الشعر في جل حسنه

البارت الثامن

روح تنهدت بضيق:ليه وش السبب
خوف:لما مشيتوا جلسنا لين قبل اذان الفجر بشوي ارسلت رابح يجيب القهوه من جواء وهو رايح نسيت اقوله يجيب الحلا رحت الحقه وفجاه شفته هو والشيخه شيم طاقينها سواليف وضحك ودخلت وتخانقت معه هو عصب وطلع وقلت لشيم الوعد بالبيت ورحنا البيت بعد الفجر وتهاوشنا ونامت وهي زعلانه
روح تاففت:خوف انت كبرت السالفه وترا رابح وشيم من قبل تتزوجها وهم علاقتهم كذا ترا رابح مو يعتبرها زي اخته الا اخته رابح لما كنت اعزم شيم احياناً يجلس معنا عادي ياخوف انت كسرت قلب اخوك وزوجتك شيم قل يمكن ترضى بس رابح كسرته كثير ياخوف لانك شفت اخوك واقرب الناس لك بنظره هاذي رابح مستحيل ينسى الموقف خوف الان تروح بيتنا وتشوفه وتتطمن عليه
خوف شال هم:ادري يروح ادري اني غلطت بس الغيره عمت عيني
روح:مافي شي اسمه الغيره عمت عيني هاذا غباء صلح الي سويته ياخوف لا تسافر وخوك زعلان عليك
خوف:طيب اسمعي بروح بس مابي اقفل السماعه واذا شفتيني خربتها قوليلي طيب
روح ابتسمت:رح وانا معك يله
راح خوف بيت اهله ودخل وشاف رابح جالس بصاله وحاط شماغه على كتفه وكاست الشاي قدامه و الزقاره بيده
خوف بصدمه:رجعت له
رابح صد بضيق:انت السبب
خوف جلس قدامه:اسف والله اسف بس غيرتي عمت عيوني
رابح ضحك:لحظه الحين تغار على مرتك من اخوك!!!!؟
خوف:ادري انها حركه غبيه وغلط بس ماكنت اعرف انكم تمنون على بعضض
رابح حط وجهها قدام وجهه خوف:لو ابيها خذيتها قبلك انا ماقول غير الله يصبرها عليك متخلف مثل ابوك عيله مريضه قسم بالله
خوف عصب:اسمع عاد تراك زودتها التزم حدك
رابح ابتسم وخبط كتف خوف:واذا ما لزمت حدي
خوف بعصبيه:اكسر راسك
رابح بحده:تخسي انت تكسر راسي
خوف دفه واعتلاه يبي يضربه:اكسر راسك واقطع لسانك بعد
رابح ابتسم:مد ايدك هاذا الي انت فالح فيه انت وابوك
روح بحده:خوف بتندم ترا بيزعل ياخوف ابعد ورح بيتك
خوف سمع كلامها وقام وراح بيته بدون مايكلم رابح
روح:خوف رح نم وراضي شيم وخل رابح علي اذا جيت من المدينه احلها طيب
خوف وهو يتنفس بسرعه:طيب يله وصلت البيت اكلمك بكره
روح ابتسمت بضيق:باذن الله انتبه على نفسك
خوف:ابشري وانتي انتبهي على نفسك
روح:سم
قفلت روح ودقت على
رابح رد:هاه ياروح
روح ابتسمت:بسم الله عليك وشبك معصب
رابح:روح وش عندك
روح:رابح وش صاير خوف مايرد وانت معصب
رابح غصبن عنه ابتسم كيف تحس فيهم:انا وهو تخانقنا ووصلت بيننا لشيطان الرجيم
روح:وش صار قلي السالفة بتفصيل؟
رابح:ارسلني اجيب القهوه وصوتت قالت شيم ادخل وهي متغطيه وجلست اصخن القهوه وهي سالتني عن خوف ووشبه وشكله زعلان او به شي وكانت تسالني عن ذوقه تبي تجيب له هديه وكلفتني بالموضوع لانها ماتقدر تطلع وقلت لها سمي من عيوني ومن هل كلام ودخل خوف بشره وجلس يهايط........كمل السالفه
روح ابتسمت:تعرف الغبي خوف غيرته عمياء مايعرف امه من ابوه غبي اخوك وتعرفه
رابح:مايطلع تخلفه وعقده علي
روح وصوتها بانت عليه الغصه ودموعها نزلت غصبن عنها:بعدين تعال تعال رجعت لسم رجعت له وين الي وعدني وتركهه عشان خاطري رابح انت معك ربو لو يصير فيك شي محد بيوقف ضد الدنيا عشاني خوف عصبي وبيولع بدنيا بدر حليل وطيب بس معنده الا حل واحد ماجد يشوفونه صغير من بيوقف بوجهه ابوي
رابح الي حس بدموعها تحرقه وابتسم بحزن:لا تبكين ياعيون اخوك واوعدك اني اتركه وبحياتي ما احطه بحلقي
روح ابتسمت:يابعد قلبي انت وش بيصير بينك وبين خوف
رابح ابتسم:خليها على ربك مكسور منه مقدر اسامحه الحين خليها للايام
روح ابتسمت وهي فاهمه قصده:زين ياحبيبي فكر زين
رابح ابتسم:ابشري انتبهي لنفسك وسلمي عليهم
روح:يوصل
قفلت روح وراحت نامت
-الساعه ٢:٣٠ عبد الظهر-
سعاد:روحيه روحححح قومي
روح قامت:هممممممم
سعاد:قومي وش هممممم بياذن العصر قومي
روح بصدمه :احلفي
سعاد ضحكت:والله
قامت روح وتوضت وصلت وخلصت وشافت مافي احد بالغرفه بدلت روح واستغربت لان سعاد للحين ماجت واختفيت اتصلت عليها
سعاد:الوو
روح:الوو! وينكم
سعاد ضحكت:البسي جلالك وتعالي جناح ابوي
روح ابتسمت:يله جايه
لبست روح جلالها وطلعت متوجهه لجناح جدها وطقت الباب
خالد:جاكككككك
فتح الباب وشاف روح وابتسم:ادخلي
دخلت روح ومسك خالد كتفها ودخلوا وسكر الباب
الجده من شاف روح ابتسم:ياهلا ياهلا تعالي اجلسي جمبي
روح ابتسمت وجلست جمبه
ماجد ضحك:بدينا بتفرقه
الجد:كل هواء
روح:يمه يالغيره
الكل ضحك وجلسوا يسولفون ويتقهوون
مطلق:ياجماعه بنروح انا وماجد نتقهوى في احد بيجي
خالد:انا معكم
سعاد:يبه عادي اروح
الجد ضحك:اي يبه
خالد:رويحه هاه تروحين ؟؟
روح ابتسمت وهزت راسها بنفي:لا ياقلبي انت بس جيبوا لي امريكانوا وحلا وانتم جايين
خالد ابتسم:ابشري
راحوا يتقهوون
وروح فتشت وصبت قهوه لها ولجدها
الجد ابتسم:رويحه بك شي وجهك به شي
روح ابتسمت انه حس فيها:تبي الصدق؟
الجد:اكيد
روح قالت له كل المشكلة وبدت تبكي:ياجدي مابيهم يتهاوشون وتصير بينهم عشان موضوع تافهه
الجد عصب ومسح دموعها:بس يبه والله للعنهم
روح ابتسمت:لاياجدي مابيهم يدرون انك تدري
الجد ابتسم:سمي يبه سمي
روح ابتسمت:جدي بما اني فضفضة لك وارتحت شرايك نطلعه نتمشى
الجد ابتسم:لا يبه انتي اطلعي تمشي وتعالي انا مابي حيل
روح ضحكت:زين بروح اتمشى
الجد ابتسم:انتبهي لنفسك ولا تبطين
روح:ابشر
لبست روح عبايتها واخذت اغراضها وراحت جناحهم وسوت قهوه سوداء وطلعت تمشي
وروح بجناحهم دخل مطلق جناحه هو وجده
الجد ابتسم:جيت وجابك الله
مطلق ابتسم:سم؟
الجد:اسمع مطلق روح طلعت تمشي رح وراها بس لا تنتبه لك خايف عليها تعرف حنا بالمدينة والمدينة كبيره وماتعرف الاماكن
مطلق ابتسم:ابشر على هل خشم
الجد:تبشر بالجنه بعد عمر طويل
طلع مطلق وشاف روح تبي تنزل بالمصعد نزل مع الدرج وشافها طالعه وطلع وراها بس بعيد عنها شوي
روح كانت لابسه سماعات وقهوتها بيدها وجوالها بشنطتها وتمشي وتسمع بودكاست عن التفكير الزائد
-بالديره تحدياً بيت الجد بمجلس الرجال-
خوف كان يحاول يضبط العلاقه بينه وبين رابح:رابح
رابح الي مقدر يتجاهله بحكم ان المجلس مليان رجال:سم
خوف فرح من كل قلبه:سم الله عدوك خذ الدله بروح
رابح ابتسم بس مي من قلبه وفز واخذ الدله وبدا يقهوي وراح خوف متجهه للمطبخ وقال بصوت عالي ياولد
كان بالمطبخ في شوق اخت مالك وكانت تحب خوف وكان فيه وعمته نوره
عمته نوره:تغطي ياشوق
تغطت شوق ودخل خوف وهو رافع كمه ويده وصخه من الفحم وشماغه على كتفه
عمته نوره:وشبك كذا؟
خوف وهو مستعجل:بعدين اقولك عميمه نادي لي شيم ابيها ضروري
عمته ابتسمت:ابشر
واحت العمه تنادي شيم
شوق حست انها فرصتها وقالت:خوف شخبارك
خوف صد للجدار وماكان منتبه ان في احد غير عمته وقال بحده بحده:من انتي!!
شوق ابتسمت:شوق
خوف وتذكر يوم العرس:وش عليك بخباري
شوق بتمثيل الحزن:الشرهه على الي يسال سالتك لاني شفتك لما خبط راسك الحديد
خوف حس بندم خفيف انه تسرع:الحمدلله اخباري زينه
شوق ضحكت:وانا اخباري زينه صح ماسالت بس اعلمك
دخلت شيم وحبت تقهر شوق لانها كانت تشوف حركاتها من البدايه وقالت بكل دلع:خوفي (وراحت وحضنت خوف)
خوف ابتسم وحسبها سامحته وشد عليها
شوق انقهرت وراحت شيم لما شافتها راحت بعدت عنه ودفته وراحت لحديقة بيت جدها وبدت تبكي خوف لحقها وانصدم لما شافها تبكي راح يبي يحضنها دفته وبدت تضربه:وخر عني وخر روح لها
خوف بحده:منهي اروح لمن؟
شيم ودموعها على خدها:لشوق خلها تنفعك
خوف بعصبيه:وش هل كلام
شيم:سمعتك لما سالتك عن حالك وتقول لها الحمدلله اخباري زينه
خوف ابتسم من ردت فعالها:غرتي علي
شيم وهي تشاهق:من قال يع
خوف ابتسم:السالفه وما فيها خبطت بحديدة المشب وقالت لي انها شافتني وردي عليها كان رد بارد
شيم بخوف راحت ركض عنده وفكت طاقيته وعقاله وشافت الدم الي نازل على جبهته وقالت بصوت كله خوف:يوجعك
خوف ابتسم:كان يوجعني ومن مسكتيه طاب
شيم ابتسمت وضربته على خفيف:اصبر بجيب الاسعافات الاولية جابت معقم جروح ولزق وقطن وجت وبدت تعقم جرحه وهي خايفه عليه وتهف مكان الجرح ولما خلصت:ما عورتك!!
خوف ابتسم وشدها له:بالعكس هونتي علي كل جروحي يادنيتي
شيم ابتسمت بخجل
خوف ابتسم:شيم انا اسف كاني زعلتك
شيم ابتسمت:مسامحتك يانظر عيني
خوف ابتسم وباس راسها:يابعد كل دنيتي يابعد قلبي انتي
شيم ابتسمت:اسويلك عمامه
خوف ابتسم:تعرفين تسوينها؟
شيم ابتسمت:قد شفت مطلق مسوي عمامه؟
خوف:اي وكانت حلوه عليه الكلب
شيم:انا اسويها له
خوف ابتسم:افا تسوين لمطيلق وانا لا؟
شيم ضحكت:افا عليك الحين اسويلك عمامه
وبدت شيم تسوي لخوف عمامه وخوف يتاملها
شيم ابتسمت:خوف شرايك تنزل عيونك
خوف ضحك:معك جوالك
شيم خلصت:خلصنا اي جوالي معي
خوف صوريني وارسليها لروح
شيم ابتسمت:وقف طيب
خوف وقف وشكله كان مره حلو صورته شيم وارسلتها لروح
خوف ابتسم:سامحتيني
شيم ضحكت:ياحبيبي انت مسامحتك والله العظيم انا مسامحتك بس شوف رابح وش صار معه
خوف جلس واشر لها تجي تجلس جمبه جلست شيم حضنها خوف وقال لها كل شي صار امس
شيم شهقت وبدت تبكي خوف حضنها واستغرب وخاف من دموعها وهو حضنها وقال بخوف:ليه تبكين يانظر عيني
شيم مسحت دموعها:لانكم انت ورابح تهاوشتوا بسبيي كله مني اصلاً
خوف ابتسم:لا ياقلبي انتي هواشي انا ورابح مو بسببك رابح كبر الموضوع زياده عن الزوم عشان كذا صار الي صار
شيم ابتسمت:خوفي
خوف ابتسم:عيونه
شيم:بطلب طلب قل تم
خوف بحده:شيم قلت لك اذا تبين شي الكلمه هاذي لا تقولينها
شيم ابتسمت:ابشر ابي رابح ابي اكلمه واقنعه
خوف بحده:ماله داعي انا احلها
شيم سكتت لانها عارفه خوف:طيب يانور دنياي طيب
خوف باس راسها وقام وقومها
شيم بحده:خوف مايحتاج اوصي ماله داعي ترد على اي احد يسالك شخبارك مو لازم ترد عادي اسكت
خوف ضحك:من عيوني ياكل اخباري
شيم ضحكت وحضنته:احبك
خوف ابتسم وارتخاء:عيدي
شيم ضحكت بفشله وحياء وابعدت عنه ودخلت جواء
شوق الي كانت واقفه وتسمعهم بكت وهي تسمع خوف الهيبه الي كان يخوف الدنياء كلها تهزمه شيم مو هي بكت وحلفت ماتتهنى شيم
-بالمدينه الساعه 9:30-
روح كانت تكلم شيم وتمشي ونست نفسها لين قفلت شيم وجوال روح طفى شحن وتوهقت روح ونست منين جت
مطلق كان يشوفها من بعيد ويضحك على شكلها لين شافها تبكي فز وقام لها
روح حست انها مستحيل ترجع وبدت تبكي سمعت صوت احد يناديها لفت وشافت مطلق وراحت له ركض وكانت بتحضنه بس استوعبت وابعدت بسرعه
مطلق ضحك عليها:يابنت الحلال ليه بعدتي
روح استحت وقالت بحده:ما تحل لي عشان احضنك
مطلق قال بحده:امزح معك انا مقبلها عليك اصلاً امشي قدامي نروح
روح ابتسم ومشت قدامه وبنص الطريق استوعبت روح
روح بصدمه:انت كيف عرفت مكاني ؟
مطلق تكلم وهو صاد من تفكيرها فيه:جدي كان حاس
روح ابتسم بحزن:ليه صاد
مطلق:ماني صاد بس تفكيرك فيني مستحيل يتغير
روح بستغراب:مافهمت
وقف مطلق:المفروض من اول ماقلتيلي هذاك باميركا تساعد خوياتك هينا تحترم نفسك لا والله يامطلق ياولد ذيب تشوف شي مايعجبك المفروض من وقتها مافكرت حتى تفكير فيك وقررت ياروح اني انساك مستعد ادعس على قلبي وانساك (قال كذا مطلق ومشا قدامها)
روح زعلت وبدت تبكي ولحقته وكانت تمشي وهي ساكته وهو ساكت وصلوا وروح من شافت الفندق راحت ركض لجناحهم وراحت ركض لسريرها وبدت تشاهق وتبكي لين نامت وهي حاضنه نفسها
-بالغرفه الثانيه-
جاء مطلق وتروش وبدل ولبس شورت اسود مو قصير مره وتيشيرت ازرق وراح جلس معهم
الجد:انت ماتستحي طلع كذا
مطلق الي كان بعالم ثاني وكان يتذكر شكل عيونها وهي مغورقه دموع
الجده عصب وضربه بعكازاته:اصمخ انت
مطلق انصدم:وش صاير
الجد:رح بدل الي انت لابسه
سعاد ابتسمت:يبه عادي عورت الرجال من السره لركبه والشورت الي لابسه طويل تحت الركبه
الجد صد وبدا يتقهوى
مطلق ابتسم وحب راس جده:ابشر تبيني اغيره بغيره
الجد مسك ايده:اجلس دامه مو حرام ولا هو عيب اجلس
جلس مطلق
سعاد بستغراب:روحيه وين؟!
الجد:مطلق وين روح
سعاد:مطلق!وش دخل؟
الجد:راحت تمشي وقلت له امش وراها
مطلق:ضاعت وساعدتها وراحت لجناحكم
سعاد بفرح:بقوم اشوفها
مطلق:عن اذنكم بطلع شوي واجي
طلع وهو يحس نفسه مخنوق طلع يتمشى ويدخن
سعاد راحت ودخلت وقالت بفرح:رويحه
انصدمت سعاد من لقتها نايمه ومو متغطيه غطتها وطلعت وراحت جلست معهم وتعشوا وراح الكل ينام
-عند مطلق-
مطلق كان ضايق دق على فهد
فهد ضحك ورد:يامرحبا
مطلق مسلم حتى:ضايق يافهد ضايق
فهد خاف:اصبر بكلمك فديو
مطلق:زين
فهد قفل ودق فديو وشاف وجهه مطلق وكان واضح ضايق:تكلم وش بلاك
مطلق قال له كل الي بداخله:والله يافهد اني احس اني ابي اطلع معدتي لانها توجعني واحس كان في هم الدنياء على صدري لو ادري ان بيصير فيني وفيها كذا بعد كلامي ماقلته فهد ابي حل
فهد ابتسم بضيق:الحل يامطلق من تجي هينا تخطبها وتملك وتتزوجها وتفك البنت من ابوها وتاخذها بالحلال وهي ماقالت شي ماقالت الا الصدق انت تمزح مختلفنا بس هم كذا البنات
مطلق غصبن عنه ضحك:وش دراك بالبنات
فهد:عندي خوات يابن الحلال
مطلق:خوات هي وحده
فهد ابتسم:لاحول ولاقوة الا بالله اقول سرها
قال كذا وقفل بوجهه مطلق ضحك وراح فوق وحط راسه ونام
-الساعه 12:30 باليل-
قامت روح وشافت نفسها متغطيه قامت ورمت عبايتها ودخلت الحمام وتروشت ودموعها تنزل طلعت ولبست تيشيرت ابيض وبنطلون اسود وسوت لنفسها قهوه وبدت تتفرج على جوالها وفجاه جوالها دق شافت اسم رابح وردت
رابح ابتسم:روحيه شخبارك ؟
روح:هلا رابح الحمدلله انتم اخباركم
رابح:الحمدلله ادق عليك من الساعه ثمان ليه ماتردين
روح:جيت من برا تعبانه ونمت وتوني اقوم سم
رابح:روح في شي مضايقك
روح بكت
رابح وصل لها صوت شهقاتها:روح تكلم ولا والله امسك خط للمدينه
روح مسحت دموعها وقالت وهي تشاهق:تهاوشت انا وصديقتي وهي الحين زعلانه مني انا غلطت عليها وهي زعلانه ومدري كيف اصالحها(روح ماقدرت تقول انها متهاوشه مع مطلق)
رابح:تعزينها لدرجه هاذي؟
روح ابتسمت من بين دموعها:احبها واغليها واعزها ابي حل تكفى يارابح
رابح ابتسم:اعتذري منها ووضحي لها السبب
روح ضحكت:تصدق توني استوعب كل الاوادم نايمين وانا توني اقوم
رابح ضحك:اي الساعه 12 وزود وش يصحيهم
روح ابتسمت:عاد جوعانه بس مقدر انزل لان مجيد وخلود نايمين
رابح:شلون دريتي انهم نايمين
روح ابتسمت:جدي مسوي قروب المسافرين ومصور اشكالهم وهم نايمين
رابح ضحك:ارسليها لي تكفين
روح:ابشر بس ابي حل جوعانه من امس ماكليت شي مغير اشرب بهل القهوه
رابح ابتسم:احلها معليك قفلي وانتضري
روح ابتسمت:طيب يله سلم
رابح ابتسم:وانتي سلمي
قفل رابح من روح ودق على مطلق
مطلق قام من نومته وشاف رابح وخاف يكون صار شي رد:الووو
رابح ضحك:صحيتك
مطلق ضحك:لاوش عندك
رابح ضحك:يلي ماتستحون منومين اختي جوعانه
مطلق فز:افا شلون؟
رابح:اكلم باختي وتقول جوعانه قم جب لها شي تاكله
مطلق ابتسم:ابشر انت واختك الحين اقوم
رابح:تسلم ياولد العم
مطلق ابتسم:الله يسلمك
قفل مطلق وقام بسرعه وبدل لبس شورت اسود وبلوزة بيضاء ونزل وشاف كل المطاعم الي حولهم مسكره وراح ركب السياره وراح يدور مطعم
عند روح ضحكت وقالت:هبله صدق كيف بيحلها وهو بديره
تمغطت على الكنب وبدت تفر بجوالها شافت شيم متصله وارسلت لها:وش تسوين؟ وش عندك صاحيه!
شيم:ابد مسوي ولا شي جالسه بصاله واقول ليتك قريبه اكلمك تجيني
روح فزت بخوف:صار شي بينك وبين خوف؟!!
شيم ضحكت من تفكيرها:لا يابنت الحلال بس خوفي عنده استلام
روح زفرت:خفت مالت عليك انتي وخوفك
شيم:الا خوفي اقول شرايك ندق فديو
روح:يله بدق
دقت روح وبدت تسولف هي وشيم
شيم شهقت:رويحه نسيت اقولك
روح:وش صار
شيم:خوف مكسور حيل حيل من زعل رابح
روح:وش صار علميني
شيم قالت السالفه:وقلت له ناده لي اكلمه ورفض وكانه عصب
روح ابتسمت:معليك بنحلها
شيم:روح تخيلي الوقحه شوق وش سوت
روح:وش مسويه بعد
شيم:خوف دخل المطبخ وقال لعمتي نادي لي شيم وهي كانت هناك وماكان خوف منتبه قالت خوف شخبارك صد وقال من انتي قالت شوق قال وش عليك بخباري قالت بكل مياعه شفتك تخبط بالحديده وقال اخباري زينه وقالت الغثيثة انا اخباري زينه ادري مسالتني بس اقول لك دخلت وقلت خوفي وحضنته رغم اني زعلانه منه بس لازم اغثها وتهاوشنا وبعدين سامحته
روح ضحكت:والله انك كفو كفو كفو غثيها لين اجي واوريك بها
سعاد قامت:اففففف مزعجه مزعجه وش تسوين
روح ضحكت:معليش صحيتك اكلم شيم
سعاد اشرت لها تقصر صوتها ورجعت ونامت
شيم:قومنا عمتي؟
روح ضحكت:اي
شيم:اسمعي طولنا الساعه ٣:٣٠ الفجر بروح انام اخوك مطول على مايجي تعبت وانا انتضره
روح ضحكت:طيب اذا جاء قولي له يكلمني
شيم هزت راسها:ابشري يله سلام
روح:سلام
قفلت وبدت تلعب بجوالها
-عند مطلق-
مطلق ابتسم من شاف مطعم فاتح:مابغينا
راح وطلب لها نفس الوجبه الي تحبها طلب بدال الوحده ثنتين وطلب لنفسه اخذ الطلب ورجع وقف سيارته وطار لجناح روح وسعاد ودق الجرس
روح دب الرعب بقلبها وقالت بينها وبين نفسها:من بيجي هل وقت
وبدت تفكر قاطع تفكيرها الجرس لما انطق مره ثانيه
لبست جلالها ووقفت ورا الباب:مين؟
مطلق ابتسم من جاه صوتها بس لازم يبين زعلان:مطلق
روح ابتسمت وفتحت الباب وشافت مطلق معطيها ظهره كان شكله يموت انغرمت به:هلا مطلق؟
مطلق بجديه:كنت رايح اجيب لي اكل ودق علي رابح وقال انك جيعانه وجبت لك معي
روح ودموعها بعيونها:مايحتاج تكلف على نفس مشكور ياولد العم
اخذت اللكل منه وسكرت الباب ورجعت نامت وهي تبكي
-الظهر الساعه12:30-
الكل اجتمع عند الجد
الجد:وين روح
سعاد:نايمه
الجد:من امس
مطلق:لا يجدي كلمني رابح امس وقال جب لها عشاء وجبت لها
سعاد:اي قمت وهي تكلم وتضحك
دخل ماجد واضح الي توه مخلص اكل:من الي جيب واجبتين وحاطهم على الثلاجه
مطلق:وجبتين من اي مطعم ؟
ماجد:من مطعم ****
مطلق ابتسم بضيق وعرف انها ماكلت الاكل الي جابه:انا
الجد:اقول سعاد قومي صحيها
خالد ابتسم:لا تكفون انا بروح اصحيها
الجد بحده:خويلد لو تزعلها يويلك
خالد:لا معليك
راح خالد وفتح الغرفه ودخل وشافها نايمه اخذ فاينه وبدا يدغدغ وجهها بالفاين
روح كانت مكتومه ومتضايقة ومالها خلق شي قامت وقالت:خلود وخر عني
خالد شاف بخاخ مويه اخذه وبخ بوجهها وضحك
روح كانت مكتومه وتبي تنفج قامت تبكي وتشهق
خالد خاف من شكلها وكيف انفجرت راح وحضنها شدت عليه وبد يمسح على شعرها:خلاص انا اسف والله ماقصدي ياسارونه ماقصدي
روح زاد بكاها من سمعت اسم ساره صديقتها وحبيبة عمها ابعدت عنه ومسحت دموعها
روح وهي تشاهق:عمي بقولك شي بس توعدني ماتزعل مني
خالد ابتسم:وعد
روح دموعها بدت تنزل وتشاهق:عمي ساره ماتركتك
خالد انصدم:وشلون!!!!
روح كانت منهاره:عمي ساره كان معها مرض خطير وماتبيك تتعب من بعدها تركتك لانها كانت اخر ايامها وماكانت تبيك تتعب عمي ساره ماتت وهي قالت لي ما اقول لك عشان ماتتعب وتقول عادي يزعل ويدعي علي بس مايتعب
خالد غصبن عنه دمعته نزلت:ساره ماتت!
روح بكت:عمي انا اسف
خالد مسح دمعته وقام وقال بعصبيه:روح ليه ياروح ليه تكذبين علي ليه تشوفيني ادعي عليها وماتتكلمين ليه توجعيني فيها ليه تشوفيني اوصفها بابشع الاوصاف وتسكتين ليه ياروح ليه ذبحتيني ليه!!!
روح بكت بحرقه وقامت تبي تحضن عمها بس خالد كان شايل بخاطره وزعلان ويبي يختفي بعدها وطلع بسرعه من الفندق بكبره وبدا يركض مايدري وين يروح بس مايبي يشوف احد كانت الدنياء تمطر
عند روح لبست عبايتها ونقابها وراحت لشقة جدها ركض ودخلت كانوا يضحكون وسكتوا من شافوا عيون روح ذبلانه ودموعها تنزل راحت وحضنت جدها وبدت تبكي وتشهق الجد شد عليها :وشبك يانظر عيون جدك
روح ماكانت تعطي اي جواب وبس تبكي مطلق كان وده يقوم يحضنها ويشيل الهم من على صدرها
بعد عشر دقايق هدت روح شوي
الجد:روحيه وشبك تكلمي خلود زعلك
روح عدلت جلستها:انا زعلته
سعاد بصدمه:انتي شلون؟
روح حكت لهم السالفه وهي تبكي وتشاهق
مطلق:وهو وينه؟
روح:مدري بس ابيه هو ما راح يرتاح ولا راح ارتاح الا اذا كلمته واحد منكم يقوم يوديني
مطلق:قومي
ماجد:بجي معكم
راحوا ركب ماجد قدام ومطلق يسوق وروح ورا
مطلق:تدرون وينه
روح:رح للبحر
مطلق بتعجب:كيف عرفتي؟
روح ابتسمت بحزن:جينا هينا بعد وفاة ساره واكثر مكان جلس فيه البحر
وصلوا للبحر ونزلوا من شافوا خالد روح اشرت لهم انهم يبقون وراحت عنده
خالد كان يفكر ودموعه تسبقه
روح وقفت جمبه:زعلان؟
خالد بدون مايلف:يهمك؟
روح:كثير
خالد دموعه غدرت به:روح جلست ثمان سنوات احترق ثمان سنوات اقول انا غلط انا ناقص وش سويت عشان يصير معي كذا
روح:انت كامل انت صح وانت ماسويت شي بس ياعمي ياحبيبي هاذا قضاء الله وقدره ومايجوز نعترض
خالد:انا مغبون اني ماوقفت بعزاها ما ودعتها اخر وداع
روح مست يده وجلسته على كرسي:هاذي وصيتها لك
خالد فتحها وبدا يقرها ودموعه تسبقه
(محتوي الرساله)
حبيبي وروحي وحياتي خالد اذا وصلتك هاذي الرساله راح يكون مر على وفاتي فتره طويله انا وصيت روح ماتعطيك الرسال الا اذا شافتك تعبان مره صدقني ماكنت ابي اتركك بطريقه هاذي بس لاني احبك تركتك بطريقه هاذي انا فيني سرطان بدماغ وعلاجه صعب وكانت حياتي عباره عن 6 شهور خفت عليك تتعب او يصير فيك شي خلود حبيبي كمل حياتك الحياه بتمشي وتزوج وجب عيال وانساني انت رجل عظيم وزوج عظيم انساني ياخالد انساني ولا تزعل رويحه ترا انا الي طلبت منها ماتقول لك احبك ياحياتي واعشقك واذا تحبني تزوج وانساني احبك مع السلامة للابد
خالد ودموع تنزل بشكل مرعب حضن روح
روح شدت عليه وبدت تبكي معه:خلود انسها شف حياتك
خالد كان بحضن روح وروح تطبطب عليه وتهديه عشر دقايق
ونطق خالد بضيق:من جيتي معه
روح:مطلق وماجد وارسلت لماجد بتركون المفتاح ويرجعون
خالد قام ومد يده لروح مسك يدها وراح سحب المفتاح من السياره وبدا يمشي معها
خالد:روح فيك شي انتي متضايقه
روح عيونها بدت تلمع:لا مافيني شي
خالد لف لها:رويحه امس كله نايمه واليوم ماقمتي الا متاخر وعشاك الي جابه لك مطلق ما كليتيه
روح بكت:عمي بقولك شي بس اوعدني ماتعصب وتسمعني للاخير وماتفهمني غلط
خالد ابتسم ومسك يدها:وعد تكلمي يانظر عيني
روح قالت كل شي صار بينها وبين مطلق ماعدا انه شافها وكانت تبكي وهي تتكلم:عمي والله ماصار بيننا شي والله ياعمي
خالد حضنها:ادري ياعمي ادري حسيت بينكم شي من قال مطلق اخخخ وشلون ماروح معكم وقلبي معكم حسيت انه يميل لك بس قلت بتاكد انا احل الموضوع الاخير الي صار بينكم معليك بس اوعديني ماتكلمينه بدون مانكون موجودين لين يصير شي رسمي بينكم
روح وهي تمسح دموعها ابتسمت من حنيت عمها عليها:ابشر وعد
خالد ابتسم وهو ماسك يدها:خلينا نروح نتقهوى
روح ضحكت وشدت على يده:ما اقول لا
راحوا وجابوا قهوه ورجعوا البيت لان الدنياء كانت مطر وبرد رجعوا لجناح الجد
-بجناح الجد-
دخلوا روح وخالد وهم يتقهوون ويضحكون
الكل انبسط من شافهم فرحانين وجلسوا يسولفون
سعاد بتمثيل الزعل:خير سلامات ليش ماجبتوا لي قهوه
روح ضحكت:نشبه نشبه
سعاد:عمتك ياثور عمتك
خالد:امسكي قهوتي واسكتي
سعاد ضحكت:ما اقول لا
خالد ضحك ومد القهوه لها:مطيلق قم معي ابيك
مطلق قام وطلعوا مع بعض
خالد مسك كتفه:وشبك
مطلق توهق من بعد سالفة احلام وان عمه درا خاف يقول له:لا ولا شي
خالد بحده:عرفت السالفه اسمع يامطلق
مطلق ابتسم بضيق:قبل تقول شي والله العظيم حتى كلام مانكلم بعض بدون ماتكونون موجودين
خالد ضحك:ادري ادري
مطلق ارتاح وزفر:عمي خوفتني
خالد:بتكلم بجديه شوي اسمع السالفه الي صارت لما روح ضاعت عرفتها انت غلطان صح هي كبرتها بس انت غلطت يامطلق وغلط انك تشيل بخاطرك
مطلق ابتسم:ادري والله ادري اني غلطت وغلط اشيل بخاطري بس
خالد:لا تقول بس اسمع انا قلت لها ماتكلمك الا لما تخطبها من نرجع يامطلق تتقدم لها وابيك توعدني ماتتكلم معها لين يصير شي رسمي
مطلق بفرح:ابشر ياعمي من اجي بخطبها بس عمي عليك ووعد ماني مكلمها لين يصير شي رسمي
خالد ضحك:ابد ابشر
راحوا وجلسوا وسواليف وضحك
-الساعه4:30-
روح دق جوالها وقامت من عز نومتها وردت:الوووووو
خوف ضحك:صحيتك؟
روح فزت:لا عادي وش صاير!
خوف ابتسم:مو صاير شي بس دقيت عليك ابي اقول لك اني انا ورابح للحين متهاوشين وانا وشيم صار لنا يومين مسافرين وماندري متو نرجع قلت اعطيك خبر
روح ابتسمت:الله يهنيكم واذا على رابح برجع وبشوفه
خوف صوتت له شيم:هلا
شيم:وش البس الجكيت الاسود ولا الابيض
خوف نسى روح:كل شي عليك حلو يانظر عيني بس الاسود احلى
شيم ابتسمت:يابعد قلبي انت
خوف ابتسم
شيم بصدمه:من تكلم؟
خوف:روح
شيم ابتسمت:عطنيها
خوف ابتسم:اصبري
شيم ابتسمت:سلم لي عليها بروح ابدل
خوف اشر لها بمعنى طيب:روح بنت الو روحححححححح
روح غفت بالغلط وفزت من صرخ خوف:وجع ياخوف وجععع خوفتني
خوف ضحك من قلب:احسن ليش تنامين
روح:اقول خوف انقلع
خوف:ورعه وين
روح:يله مع السلامه
قالت روح كذا وقفلت بوجهها
-مر اسبو كامل بدون احداث تُذكر-
روح ابتسم وهي عند باب الفندق:اخخخخ مشتاقه لديره
الجد ضحك:اذا انتي مشتاقه لديره انا وش اقول
مطلق ضحك:مشتاق لديره ولا لنجد
الجد وهو ماسك عصاه:والله يامطلق انا ما انطميت وسقت اني لا اوريك شغل ربك
روح:وين ماجد وعمتي
الجد ضحك هو ومطلق
خالد وهو يضحك معهم:نايمين ورا
روح طلت وشافتهم وضحكت معهم
ركبوا وكان الترتيب خالد وروح ورا مطلق يسوق والجد جمبه
مطلق كان يسولف وروح كانت تتمنى ترد ومطلق نفس اشي يتمنى يرد عليها بس كلهم يتذكرون كلام عمهم ويسكتون
الجد:وش اخبار معاريسنا
روح:معاريس الغفله داقين علي اربعه الفجر قبل اسبوع يقولون صار لهم يومين مسافرين باريس كملوا تسع ايام مسافرين
الجد:متى بيجون؟
روح:والله ما قالوا لي قفلت بوجههم امس
خالد ضحك؛افااااا ليه!
روح ضحكت:يسولفون وانا معهم على الخط وخوف طفشان يبي يضيع وقت فاضيه انا
سكتوا وصلوا بعد ساعتين
-قدام بيت الجد-
وصلوا وماكانوا قايلين لاحد دخلوا وكانوا كلهم جالسين عند الجده حريم ورجال
الجد دخل:السلام عليكم
الكل بدون ما يركزون:وعليكم السلام
فجاه استوعبوا وبدا الكل يسلم على الجد وعلى مطلق وماجد وسعاد
رابح ابتسم:وين رويحه؟؟؟
الجد:راحت بيتكم تتروش الحين تجي احترها
رابح ابتسم:بحتريها ماني محتريها بروح اشوفها مشتاق لها
راح رابح ركض لبيتهم ودخل وبدا يصوت:روحيهههه روحححح
روح وهي توها مخلصه لبس طالعة من غرفتها ركض ونزلت تحت وشافت رابح حضنته:عيون روح سم
رابح شد عليها:اشتقت لك
روح ضحكت:حركات تعرف تشتاق
رابح ابتسم:مافي احد اشتاق له خوف تعرفين مافي الا انتي
روح ضربته:تعال اقعد اقعد
رابح وهو يتحسس مكان الضربه جلس:وجع يوجع العدو
روح ابتسمت:ليش ما تصالحتو تافهين انتم
رابح ضحك:تقدرين تقولين بس والله كنت شايل عليه شوي الحين لا بس مابي اكلمه ابيه لما يجي
روح ابتسمت:يله بروح اسلم عليهم
رابح ابتسم:مشينا
راحوا لبيت الجد والكل كان مشتاق لروح
سلمت روح عليهم كلهم وجلست تتقهوى وتسولف وانسحبوا الرجال وفتشوا البنات وبدوا يسولفون روح سحبت عمتها وبدو يسولفون
-بمجلس الرجال-
ماكان فيه الا العيال والعمام والجد
وقف مطلق:ياعم
لف له هاجر:سم؟
مطلق وهو كارهه عمه بس يبي روح:انا جاي ابي القرب منك
هاجر ابتسم:جتك الريم بس بروح اعطيهم خبر
مطلق جلس وضاقت به الدنياء وحس بظلام وحس كل شي حوله اسود
————————————————
(شرايكم بالبارت عطوني رايكم بجديه احبكم واتمنى يرتفع الدعم احبكممممم تعالوا تيك توك🩷🩷🩷🩷🩷🩷)
————————————————