ياوجهٍ ملاه الحسن سبحان باريّه ‏تاهت وصوف الشعر في جل حسنه

البارت الثاني والعشرون

شيم:قبل لا اقولك تمسكين ليث وصقر؟
روح:بعيوني احطهم بس وش بتسوين
شيم:اروح اتحمم وابدل وانزل اقولك
روح هزت راسها
راحت شيم تحممت ولبست بنطلون جنز وتيشرتات ابيض وجكيت منفوخ لونه ازرق ونشفت شعرها وسوته ويفي وتعطرت وحطت قلوس ورطبت وجهها ونزلت
روح شافتها:وش عندك كاشخه
شيم جلست جمبها:بروح لخوف واتفاهم معه
روح ضحكت:ما اعند منه غيرك الله يعين عيالكم
شيم ضحكت:وين مطلق؟
روح:مدري الحين يجي
دخل مطلق:السلام عليكم
روح:وعليكم السلام
شيم:وقف وقف
مطلق ضحك:الناس الطبيعة تسلم بعدين تتكلم وترا روعتيني
شيم ضحكت:معليش وعليكم السلام توديني؟
مطلق:ابشري بس وين؟
شيم:عند خوف
مطلق ضحك:حلوه حلوه بس لا تعيدينها
شيم ابتسمت وحكت راسها:تراني اتكلم جد
مطلق:تعرفين مكانه يوم تبين تروحين له؟
شيم:روح تعرف
روح:مكانه الي اول
مطلق:امشي اجل
شيم قامت ولبست عبايتها واخذت شنطتها وجت بتطلع مسكها صقر
صقر:ماما وين بتروحين؟
شيم لفت ورفعت النقاب وحبته:بروح شوي واجي ما اطول طيب
صقر هز راسه وراح جلس يتابع التلفزيون راحت شيم وركبوا وحرك مطلق ووصلوا نزلت شيم وقالت لمطلق يروح راح مطلق بعد ماشافها دخلت الخيمه
خوف كان نايم رمت شيم عبايتها وحطت شنطتها وعبايتها بسيارة خوف وسوت غداء خوف قام من حس في احد معه اخذ خنجره وطلع ووقف عند الخيمه جت شيم حط خوف الخنجر عند حلقها
خوف:من؟
شيم:خوف انا شيم
خوف تركها بصدمه وفرك عيونه:شلون؟
شيم ابتسمت:اول شي صح النوم ثاني شي تعال تغدا
خوف راح وغسل وجهها ونشفه ورجع وهو للان مصدوم
شيم وهي جالسه تتقهوى:تبي تتغدا الحين ولا شوي
خوف بحده:خليك من الغداء ليه جيتي هينا؟
شيم:مطلق جابني بسيارته شلون بجي يعني؟
خوف:ماسالت با وش جيتي ومن جابك انا اسال ليه جيتي هينا
شيم قامت:خوف اجلس بكلمك بموضوع مهم
خوف جلس:اسمعك؟
شيم جلست جمبه ومسكت يده:تتذكر لما قلت لي ارجعي وقلت لك رجعت عشان العيال ترا كنت اكذب عليك انا رجعت عشانك لاني مقدر استغني عنك ولما قلت لك الكلام الي اليوم الصبح انا ما اقصد بس غيرتي عمت علي مقدر اشوفك مع غيري ولا اقدر اشوف احد يمدحك غيري بعدين انت الغلطان
خوف عقد حواجبه:انا الغلطان؟
شيم ابتسمت:اي احد قالك تصير حلو بزياده
خوف ابتسم:ادري اني حلو
شيم ضربت كتفه:رضيت وبعدين انت زعول مره
خوف ضحك:جبتي ليث وصقر ؟
شيم هزت راسها بنفي:لا جلسوا عند روح
خوف حضنها:اشتقتلك
شيم شدت عليه:حتى انا اشتقتلي
خوف ضحك:حلوه النرجسيه
شيم:قم ساعدني نحط الغداء
حطوا الغداء وتغدوا وغسلوا وشالوا الاكل
خوف:تبين شاي
شيم:اي صبلي كوب
اخذ كوبين شاي وبدوا يمشون وجلسوا شوي بعيد عن الخيمه وبدوا يسولفون
خوف:الحين انتي ليه غرتي؟
شيم:وحده تصورك وتمدحك وماتبيني اغار؟
خوف مسك يدها:وش علي بالنجوم دام معي قمرها
شيم ضحكت:والله قمرها ماملت عينك
خوف:رجعنا
شيم ضحكت:لا امزح معك
سكتوا شوي
شيم ضربته فجاه مع كتفه
خوف نز:وشبك؟
شيم:مره ثانيه تطلع من النادي من المشي تجي للبيت على طول ماتروح لاي مكان والشورتات وتيشيرتات المفتوحه حدودها حوش بيتنا وترزرز ماله داعي
خوف طاح يضحك:سمي
شيم ابتسمت:نمشي شوي؟
خوف قام وبدوا يمشون:انتي وش دراك عن مكاني
شيم ابتسمت:رويحه
خوف ضحك:اوريها
شيم:انا الي بوريك شلون كل الدنياء تعرف مكانك الا انا
خوف ابتسم:الحين عرفتيه
شيم:ومن يعرفه غيري ؟
خوف:روح ومطلق وفهد ورابح وجدي والحين انتي
شيم:ماشاءالله كل الدنياء تعرفه
خوف ضحك:وش علي بدنياء وانتي معي
شيم:ايه كل عقلي بهل كلمتين
خوف ابتسم:امشي معي لاجمل مكان هينا
شيم عقدت حواجبها:وين؟
خوف:نروح لخيمتي واعلمك
وصلوا لخيمه غير الخميه الاولى
شيم:هاذي خيمتك؟
خوف مسك:ايه وهاذي محد يعرفها غيرك
شيم ابتسمت:شكلها حلو وفيها نور
خوف جلس واشر لها تجي تجلس جمبه جت شيم وجلست وانسدح على رجلها وبدت تلعب بشعره
شيم:وش قصة هل خيمه؟
خوف:هاذي الخميه قصتها قصه يوم كان عمري 18 سنه كنت انا وابوي ناقر ونقير اتوقع تتذكرين مشاكلنا
شيم ضحكت:كنت اخاف اذا تهاوشتوا
خوف ضحك ومسك يدها:وكنت اذا تخانقت معه اروح عند صقر صديقي بيتهم وابوه وامه كانوا يستقبلوني احسن استقبالي وابوه يعرف علاقتي مع ابوي وكيف متكهربه كنت استحي انام عندهم وقت طويل عشان وجود اخته بمره استلفت من جدي فلوس وجبت هل خيمه وحطيتها هينا وكل ما طفشت ولا صار شي جيت هينا واذا فقدوني يعلمون صقر ويطمنهم ويجيني هينا ونجلس اسبوع هينا وشاي وقهوه وسواليف ولا جاء اخر اليل يحلف علي انه ينام عندي وانا احلف يرجع واخر شي ينسدح ويسحب علي وينام وبقى هل مكان الي كانت اجي لحالي والحين اجيه معك
شيم بكت:ياحبيبي انت صدق كنت ترحم
خوف ضحك:هاذي مدحه ولا سبه
شيم ضحكت:جوالك يدق
خوف رفعه:نويره وش عندها
قام جلس رد
خوف:الوو
نوره:الو خوفي شخبارك
خوف:الحمدلله ياحبيبتي انتي شلونك
نوره:الحمدلله اسمع ابيك بموضوع ضروري عشان مستقبلي
خوف:هلا امريني
نوره:عمي خالد بيكمل دراسته بالخارج وياخذ مرته معه وانا بقدم على بعثه بحكم اني تخرجت بدرجه عاليه واذا قبلوني بروح معه
خوف بحده:بالخارج وين مثلاً؟
نوره بدت تتلعثم:مدري بس اتوقع امريكا
خوف:لا طلعه برا حدود المدينه مافيه وقفلي على الموضوع يانوره
نوره بكت:ليه ياخوف خلني اشوف مستقبلي
خوف:نوره قفلي على الموضوع
نوره وهي تشاهق:لا مو كيفك تنهي النقاش ليه لا خوف مو على كيفك تدمر مستقبلي
خوف بعصبيه رفع صوته:نوره خلصنا
قفل ومسح وجهها
شيم جابت له ماء ومدته وشرب وهداء شوي
شيم:وشبك؟ وشبها نوره
خوف قال لها كل شي:وعصبت عليها
شيم تاففت:بتقعد؟
خوف:لا امشي
قاموا ولبست شيم عبايتها وركبت السياره وحركوا
شيم:خوف ترا الي سويته غلط وشو ترا عادي البنت بتروح تشوف مستقبلها عبدالعزيز وسحر بيروحون يدروسون ويجون مابها شي ليه انت رافض؟
خوف:بعد عبدالعزيز رايح شلون سحر تروح معهم وعبدالعزيز مايحل لها
شيم:الا يحل لها عبدالعزيز اخونا برضاعه وبعدين حتى لو وش دخلهم ببعض ترا حتى
خوف:شيم خلينا نسكر الموضوع
شيم سكتت وفجاه دق جوال خوف وكان جواله مع شيم
شيم:خوف جدي يدق عليك
خوف:افتحيه وحطيه سبيكر
شيم هزت راسها وفتحته وحطته سبيكر
الجد:خوف ياقليل المروه ليه مبكي اختك
خوف:جدي انت ماتعرف وش السالفه
الجد:اسكت ولا كلمه
خوف:اسلم
الجد:الله لايسلم منك مغز ابره تجي من الزفت المكان الي انت به لبيتي الان
خوف اشر لشيم تقفل قفلت شيم وطول الطريق ساكتين وقفوا قدام بيت مطلق
خوف:شيم انزلي جيبي ملابسك والعيال انا انتظركم برا
شيم نزلت وسلمت على روح لمت اغراضها وخذت عيالها وطلعت
-عند الريم-
- تحديداً بمكتب الريم-
طق الباب
الريم:تفضل
دخل حسن:استاذه طلبتيني
الريم:اقعد
قعد حسن
الريم مدت له ورق:اطبع لي هذولي عشر ورقه وبعدين تودي نسختين وحده لهادي ووحده لامجاد وبعدين ارسلت لك ايميل
سكتت الريم من انفتح الباب
الريم:من قليل الاد(سكتت من شافت فهد)
فهد وقف بصدمه
الريم:خلاص ياحسن رح خلص الشغل الي قلت لك عليك وبعدين اناديك
حسن:عن اذنك
الريم:اذنك معك
طلع حسن وسكر الباب
فهد بحده:هاذا من
الريم تذكرت موقف السكرتيره:هاذا سكرتيري
فهد بعصبيه:شلون توافقين يصير عندك زفت سكرتير؟
الريم قامت ووقفت قدامه:فهد قصر صوتك انت بمكان دوامي
فهد بحده:الريم الان الان تطلعين للبيت انا بسبقك والله ثم والله ان مالحقتيني مو اطيب لك
الريم تركته وطلعت دخلت عند امجاد
امجاد:وشبك؟
الريم:بطلع بدري اليوم تمام؟
امجاد هزت راسها: بس قبل تروحين بكره المناقصه تكفين لاتنسين
الريم ضحكت:افا عليك بيننا تواصل
طلعت الريم وراحت اخذت شنطتها ولابتوب حقها وطلعت وركبت سيارتها ورجعت البيت شافت سيارة فهد واقفه قدام البيت قفلت سيارتها ونزلت ودخلت البيت وراحت بدلت ونزلت وفهد كان يولع تحت جت وجلست جمبه
الريم:وشبك؟
فهد بحده:الريم تستهبلين على راسي؟
الريم بحده:فهد وش تستهبلين على راسي انت وش مزعلك ماني فاهمه
فهد بعصبيه:الي مزعلني يامدام انك كذبتي علي بسالفة السكرتير
الريم بحده:انت الي كذبت انا ماكذبت انت الي بديتها وقلت لي ماعندك سكرتيره وفجاه اكتشف انك كذاب وعندك سكرتيره وانا ما كذبت فاهم
فهد بعصبيه:الريم انا وضحت لك اسبابي بس انتي ماقلتي شي ولا حاولتي اسمعي عاد من بكره تستقيلين فاهمه
الريم بعصبيه:فهد استقاله ماني مستقيله واعلى مابخيرك اركبه
فهد بحده:الريم يا انا يا وظيفتك
الريم:وظيفتي طبعاً
فهد وهو مو بوعيه وكان معصب:اجل انتي طا
(سكت فهد ومسح وجهها)
الريم بكت:ليه سكتت كان قلتها
فهد مسح شنبه ودقنه:استغفرالله واتوب اليه
الريم صعدت فوق وبدت تلم اغراضها وهي تبكي صعد فهد وشافها تلم اغراضها راح عندها ومسك يدها
فهد:الريم هدي والله ماقصدي زلت لساني واصلاً ماقلتها ليه لاني احبك
الريم تركت يده وهي شبعت صياح:اوهه يافهد شبعت من كذبك من عرفتك وانت تكذب علي بكل شي حتى حبك لي بديت اشك به
فهد:الريم لاتروحين نحلها بيننا والله الموضوع مايستاهل
الريم ماردت كانت تبكي وتلم اغراضها رتبت اغراضها ولبست عبايتها واخذت شنطتها وطلعت وركبت سيارتها وتوجهت لبيت جدها وقفت سيارتها وخذت اغراضها وراحت غرفة نجد ودخلت وسكرت الباب نجد كانت ماسكه جوالها ترسل لرابح الي ماكان يرد عليها تركته وقامت ركض تشوف وشبها الريم
نجد:وشبك؟
الريم حضنتها وكانت تبكي نجد شدت عليها ومسحت على شعرها وهدتها وشربتها مويه هدت الريم ورمت عبايتها
نجد: وشبك ريوم تكفين تكلمي خوفتيني
الريم بدت تقول لها كل شي وهي تشاهق:نجد بغى يطلقني
نجد حضنتها:بس ياعيوني
الريم تاففت وهي تبكي:هاذي عاشر مكالمه
نجد:ردي شوفي وش يبي
الريم ردت وفتحت سبيكر:نعم؟
فهد بحده:وينك ابي اكلمك مو على كيفك تاخذين اغراضك وتروحين
الريم:فهد خلاص الي جاني منك مكفيني مابي اشوف وجهك
فهد بعصبيه:الريم وينكك سوالي واضح
نجد خذت الجوال منها:الريم ببيتنا بس وقسم بالله ان فكرت تجي او تكلمها بروح لجدي واقوله انك كنت ناوي تطلقها وهو يتفاهم معك
فهد بعصبيه:نجد انتي مالك
نجد قفلت بوجهه ومسكت يد الريم ودخلتها دورة المياه وغسلت وجهها وشربتها مويه
نجد:الريم معليك منه امشي عند جدي وجدتي
الريم هزت راسها وقامت وبدلت ولبست جلالها وراحت للمجلس لقت روح ومطلق والجد والجده وعمتها نوره وسعاد وعمها خالد وجمانه وخالها خالد 
نجد والريم:السلام عليكم
الكل:وعليكم السلام
جلسوا وبدوا يسولفون ويضحكون
دخل رابح وهو معصب:السلام عليكم
الجد:وعليكم السلام وشبك معصب
رابح جلس بين الريم ونجد:في واحد قليل حياء واقف قدام بيتنا
الجد:يمكن حدا العيال
رابح:لا هاذي سياره جديده اول مره اشوفها ماهي لنا غريبه
الريم ضحكت:قليل الادب انا ياحيوان
رابح بصدمه لف لها:اما عاد تسوقين منيلك سياره
الريم ضحكت:اي اسوق والسياره جبتها براتبي شرايك بي بس
روح ابتسمت:على كذا كل ماطفشت كلمتك نطلع
الريم ابتسمت:ابد بالوقت الي تبين
دخل فهد:السلام عليكم
الكل الا الريم ونجد:وعليكم السلام
فهد وهو وقاف وباين معصب:الريم قومي شوي ابي اكلمك
الريم:فهد مابي اقوم ومابي اكلمك
فهد:الريم قومي ابي اكلمك
نجد وقفت:فهد تعوذ من ابليس والبنت ماتبي تكلمك خلص افهم
فهد راح توجهه لريم ومسك يدها وقومها:لما ابي اكلم زوجتي ماخذ رايك
رابح وقف بوجهه:بس تاخذ رايي يطيب سلامات
فهد بصوت عالي:من انت؟
الريم اشرت لرابح:خلص وانت وخر يدك اعرف امشي
نجد عصبت:جدي فهد كان بيطلق الريم اليوم
الجد قام:وش تقولين؟
نجد:فهد اليوم تخانق هو والريم وزل لسانه وبغاء يطلقها وهي جت عندنا ولما درا جاء وهي ماتبي تكلمه
الجد قام وقف قدام فهد:فهد هل كلام صدق
فهد بعصبيه وعروقه برزت:ايه ومحد منكم له دخل زوجتي وانا حر فيها وانتي جيبي اغراضك بسرعه
الريم وهي تبكي:مابي اجي معك ماتفهم انت
فهد مسك يدها يبي ياخذها غصبن عنها
جت العمه نوره وقفت بوجهه والريم وراها:لا يمه مافي شي ينحل كذا البنت ماتبي تجي خلها
فهد بصوت عالي:يمه وخري عن وجهي
الجد ضربه كف:صبي احترم امك ياقليل الخاتمه
فهد بحده وصوته عاليي:هاذي مرتي محد له دخل بيني وبينها
مطلق قام واخذ فهد وطلعه برا فتشت الريم وهي مكتومه ومو قادره تتنفس جابت لها مويه وهدت شوي
سعاد طلعت شافت فهد ومطلق يهديه
سعاد راحت عندهم:فهود صاحي انت البنت انكتمت وانت السبب شلون تكلمها كذا وقدامنا حرام عليك
فهد خاف عليها ودخل بسرعه بدون مايتنحنح تغطت روح وجمانه وهو راح عند الريم ومسك يدها:وشبك ياروحي انتي جعله فيني ولا فيك
الريم سحبت يدها بتعب:وخر عني
فهد:ابي اوخر بس وشبك
نجد بعصبيه:لو تطلع وتنقلع عن وجهها هي بخير وعافيه
فهد ناظر نجد:مقبوله منك
نجد بحده:فهد انت السبب لو يصير بها شي مراح اسامحك والحين بدون مطرود اطلع برا
فهد قام وطلع وهو معصب ركب سيارته وتحرك
قامت الريم وراحت غرفة نجد ونامت
الجد:الله يصلحه ويهديه
نوره:امين يارب
دخلوا سحر وعبدالعزيز وجلسوا
دخل خوف وشيم:السلام عليكم
الكل:وعليكم السلام
الجد:خوف تعال اجلس جمبي
جاء خوف وهو شايل صقر بيده جلس وجلسه بحضنه:امرني
الجد ابتسم:عطني صقر اول
خوف مد صقر لجده خذاه الجد ولعب معه
محمد:صقر
صقر:وش؟
محمد:قم نلعب
صقر ضحك:مشينا
قام صقر وراح يلعب مع محمد
الجد:ايه ياخوف ليه مبكي اختك نوره
خوف:جدي سفر للخارج مافيه
خالد:خوف وانا عمك انا معهم
خوف:مو على من معهم صعبه تروح لحالها
الجد:وش لحالها ماهي لحالها عمها معها ومرته وسحر وعبدالعزيز
خوف:جدي اعذرني
الجد:خوف السالفه ماتنحل بغيرتك وخبالك فكر بها ترا عادي
خوف:ابشر ياجدي بفكر بها
صقر جاء يركض لامه وهمس لها وضحكت شيم وبعدين راح يركض
ضحكت روح:وش قالك؟
شيم وهي تضحك:قال ماما غيم حلوه مره ابيها
العنود ضحكت:نفكر بالموضوع
شيم ضحكت:لايماما  ولدي الف بنت تتمناه
جمانه ضحكت:انشهد صقرر مافي مثله ولا من يتحمل هل ملسونه
——————————-——————————————
(هلا والله اعذروني مانزلته امس باليل لان البرنامج معلق معي يطلعني اذا جيت انزل ولما حليته قلت انزل لكم اعذروني اذا البارت قصير هاذا الي امداني اكتبه وابشروا ببارت يوم الخميس وبجدول مواعيد التنزيل معكم احبكم وعطوني رايكم ❤️❤️❤️❤️❤️❤️❤️❤️❤️)
——————————-——————————————