"ترياق_قلبي"

البارت السابع

علاء: الموضوع هو اننا مش هينفع نكمل مع بعض تاني عشان انا مبحبكيش انا اتجوزتك علشان امي ورضاها لإنها كانت حاطه الجوازة دي قصاد انها تتبرا مني وتعتبرني ميت بالنسبالها انا عارف اني ظلمتك معايا طول الفتره اللي فاتت وعارف انك اتجرحتي بسببي طول السبع شهور اللي عدو وانهم كانو من اسوء فترات حياتك والمفترض يكونو افضلها بس انا معرفتش.
معرفتش احبك معرفتش اعاملك كويس وجودك كان مربوط بالنسبالي بقرار ماما اما قالت يانوران ياتعتبرني مش موجوده وانا هعتبرك ميت مكنش ليكي ذنب في اي حاجه ولا كنتي تستاهلي كده بس غصب عني رجاءً سامحيني انا مش هقدر اظلمك معايا تاني ولا هقدر اديكي حقوقك فالافضل لينا هو الطلاق
نوران بابتسامه مصطنعه: تمام اللي تشوفه مناسب اعمله تصبح على خير
علاء باستغراب: مش فاهم يعني ايه اللي اشوفه مناسب اعمله
نوران وقد تجمعت الدموع في مقلتيها: يعني انت مقدرتش تحبني ومش هتديني حقوقي فالجوازة مالهاش لازمه انت اتجوزتني عشان ماما والحوار خلص شوف هتروح للمأذون امتا وابقا قوللي عن اذنك
حل الصمت وذهبت نوران لتنهار في الغرفه المجاوره بصوت مكتوم وتتوالي الشهقات التي علت دون ان تشعر بها وتصل الى اذن علاء
علاء بحزن: انا اسف عارف اني غلطت كتير في حقك بس مفيش ف ايدي حاجه يارب يارب خفف وجعها
كان سيطرق باب الغرفه لكن لم يفعل وعاد لغرفته ثانيةً
نوران بصوت مرتجف: كان عندي امل يحبني ويقبلني انا معملتش معاه حاجه وحشه دانا كنت عارفه انه بيخوني وساكته ومرضتش اتكلم عشان مابعدش يارب انا حبيته بس شكلي كده متحبش فمقدرش يحبني يارب انزع حبه من قلبي انا حقيقي تعبت
وبعد بكاء دام لأكثر من ساعتين غفت نوران
وفي الصباح الباكر قامت بتحضير الافطار لوالدة زوجها وبعدما انتهت تركت الافطار على السفره حتى استيقاظ علاء وذهبت إلى بيت أبيها دون اخبار احد
هناء: مين بيخبط هو في حد يزور حد بدري كده دا الساعه ١١
نوران: قومي ياكسوله افتحي انا ضيفه رخمه وبروح للناس بدري
هناء بعدم استيعاب: انا بهلوس ولا اي دا صوت نوران، انتي مين يست ياللي بتخبطي انتي
نوران بغيظ: الاهي تتخبطي ف راسك ياهناء يبنت امي وابويا قومي افتحيلي ياللي تتفتح دماغك قومي
هناء: دا هي صحيح ربنا يستر لتكون اتخانقت مع جوزها، جايه يامزعجه جايه في ايييي
نوران بزعيق و غضب : كل ده عشان تفتحيلي
هناء باشتياق: هاتي حضن بس وبعدين نتخانق
نوران بحب: بحضنك بحس انك بنتي يامتر ونص انتي
هناء بضيق: افضلي اتريقي عليا كده لحد ماتخلفي حبات فول مش باينين من الارض
نوران بحزن: اخلف اي بقا ماخلاص
هناء: مش فاهمه
نوران: مش لازم هم فين الباقي مفيش غيرك هنا ولا اي
هناء: اه يختي مفيش غيري مصطفى نزل وبابا في الشغل وماما في السوق وانا كنت بحلم لحد ماجيتي ياقاطعة اللحظات السعيده
نوران: امممممم لحظات سعيييده لي كنتي بتحلمي ب اي يبت
هناء: بيييه كنت بحلم بيه يختي
نوران بغمزه: اممم هو في حد ولا اي
هناء: مالكيش دعوه دا فارس احلامي مش كفايه ماليش، فارس واقعي مستكترين عليا فارس الاحلام كمان
نوران بشرود: احلمي يختي بس ماله سي فارس الاحلام بتاعك ده كنتي بتحلمي ب اي
هناء برخامه: هيييييييح اما تكبري هقولك
قامتا الاثنتان بالجري وراء بعضهما البعض وخراب المنزل هذه المرة ولله الحمد
"كان الله في عونك ياطنط ربنا مديكي بنات تشل"
ظل جرس الباب لبضع دقائق يرن حتى فتحت نوران
_هاتي عنك ياماما

اي ده انتي مين

_انتي نسيتيني ولا اي ياماما

منسيتكيش بس انتي هنا بتعملي اي اوعي تكوني طفشتي يبت

_والله عيب عليكي يست الكل دانا العاقله اللي فيكم اطفش ازاي بس هو حرام اجي ازور اهلي ولا اي

لا يبنتي مش حرام البيت مفتوحلك ف اي وقت

_طيب يست الكل قوليلي بقا هتأكليني اي

اي ده انتي لسه جايه وبتدوري عالأكل!

_اومال هدور على اي ياحاجه ماتفوقي معايا كده انا جعانه

يوه يعني بدل ماتقوليلي عامله اي طمنيني عليكي تقوليلي هتأكليني اي

_الكلام يتأجل بس الأكل لا ياماما

ياالله ياولي الصابرين ارزقني الصبر عشان انا خلاص جبت اخري

نوران بضحك: خلاص خلاص قومي نروق عشان الجموسه اللي مخلفاها بهدلت الشقه

روقي يختي انتِ، أنا داخله احضر الفطار عشان زمانهم جايين

_تمام ياماما اكون انا روقت
بعد مرور بعض الوقت انتهت كليهما من عملها واتي للبيت مصطفى ووالده وانتهي الجميع من الافطار

مصطفى: انا عاوزك يانوري دقيقه
نوران: حاضر هغسل الاطباق واجيلك
مصطفى: لا تعالي دلوقتي والاطباق سيبيها لهناء
هناء: مينفعش اجي انا وهي تغسلهم!
مصطفى: اخرسي يبه انتي ليكي قاعده بس بعدين
نوران: طيب اسبقني عالاوضه وانا جايه
مصطفى: متطوليش عشان شويه ونازل
نوران بعد خمس دقائق دقت باب الغرفه وسمح لها مصطفى بالدخول
نوران: انا جيت اهو في اي
مصطفي: مالك
نوران بضحك: مالي ازاي انا كويسه اهو
مصطفى بحنان : متنسيش ان انا صاحبك الاول واول حب وسند في حياتك وحافظك بالمللي فاحكيلي مالك عشان انتي مش بخير
نوران بصوت مرتجف: انا بخير ياخويا مفيش حاجه
مصطفى: لو مفيش حاجه مكنتش نبرتك اتغيرت كده ومكنش شكلك هيكون مطفي كده وزيارتك المفاجئه بدون علم حد دي مكنتش هتحصل فمتكدبيش عليا انتي لو كدبك الكل صدقه انا لا فاحكيلي
نوران بدموع: والله يامصطفي مش عارفه اقولك ايه بس انا مش بخير انا من ساعة ماتجوزت وانا عايشه حياه مالهاش اي طعم ولا يوم عدا عليا وكنت فيه كويسه
مصطفى بعدم فهم: ازاي دا علاء شخص كويس جدا
نوران بكسره: كويس اه لكن محبنيش ولا عمره شافني زوجه ولا عاملني على هذا الاساس علاء قاللي امبارح احنا مش هنكمل ولازم نتطلق لانه مش عاوزني ولا حاببني ومتجوزنيش غير عشان يرضي مامته انا كارهه نفسي اوي بجد
مصطفى بحزن على اخته الذي يراها للمره الاولى بهذا الحزن: طيب اهدي وكل حاجه هتكون تمام صدقيني انا مازلت مش فاهم حاجه بس المهم عندي انتي متعيطيش انتي دموعك غاليه علي قلبي ومتخلقش اللي ينزلها بالشكل ده
ارتمت نوران في حضن اخيها وهي تبكي بشده
بس انا معملتش حاجه لكل ده ولا عملت معاه حاجه وحشه والله انا بس حبيته؛ مصطفى هو انا متحبش؟!
مصطفى بنفي لكلامها : لا تتحبي جدا وغبي اللي يفرط فيكي وفي حبك اهدي عشان خاطري انا مبحبش اشوفك كده
نوران بعدما مسحت دموعها: متقولش حاجه لحد خالص انا سبت البيت وجيت وقولتلهم جايه اقعد معاهم يومين مش عايزه اعرفهم حاجه غير اما كل حاجه تكون اكيده معرفش هييجي كمان يومين يقولي ارجعي ولا هيسعي ف اجراءات الطلاق ولا اي دنيته فاستنا ومتعرفش حد انك عرفت حاجه ولا حتي علاء واتكلم معاه عادي
مصطفى بتردد: موعدكيش بس مش هتكلم لحد مااتاكد من حاجه في دماغي
نوران باستفهام: حاجة اي
مصطفى: هقولك بعدين

يتبع...