والدة علاء: هي نوران راحت فين
علاء بتردد: مممممم مش عارف
_ازاي يعني مش عارف
علاء بكذب: لا لا هي قالت انها خارجه
_طيب اومال اي مش عارف دي
علاء: بتسأليني وانا لسه صاحي فطبيعي مااكونش مركز
والدة علاء: طيب هي تقريبا سيبالك فطار افطر وروح شغلك وانا هنزل شقتي بقا عشان بقالي كتير منزلتش وكدا كدا نوران مش هنا
علاء: لالا خليكي انا مش هطول في الشركه انهارده
_لايابني انا عاوزة انزل وشقتي وحشتني سيبني انزل
علاء: طيب واما اجي هتطلعي معايا
_ربنا ياذن
ــــــــــــــــــــــــــ
في منزل وعد:
ازاي ياماما مش هكمل يعني اي اسيب التعليم وانا فاضللي سنتين واتخرج
_يابنتي البنت اخرتها الجواز وانتي جايلك راجل محترم وغني وعارف ربنا لي نقول للنعمه لا
وعد بضيق ونفاذ صبر: ياماما ياحبيبتي لو النعمه دي ربنا كاتبهالي مش هيكون في مجال لقولة لا اصلا بس لاهو شبهي ولا مناسب ليا ولا الوقت صح وكمان هو عاوز كتب الكتاب على طول وفرح من غير خطوبه ودا يقلق لوحده وانتي عارفه انا تعبت قد اي عقبال ماوصلت لهنا
_يابنتي انتي خبرتك قليله في الحياه ومش فاهمه
وعد: انتي اللي مش قادره تفهميني انا ماليش اخ كبير يصرف عليا وابويا توفي وانا عيله ف تانيه اعدادي ومع ذلك نزلت واشتغلت وصرفت على نفسي وعلي البيت عشان مقولش لحد على جنيه وعلشان انا عندي طموح عاوزة احققه انا ضيعت طفولتي في الشغل والمرمطه عشان احقق اللي بتمناه وهاجي هنا بعد ماخلاص بقا فاضللي خطوه واوصل للي تعبت عشانه من زمان تقوليلي اسيب كل حاجه واروح اتجوز واحد لاعرف اصله ولا فصله ومش عاوز فترة خطوبه كمان وهيسافر برا ومش هيخليني اكمل انتي شايفه انتي بتقنعيني ب اي ولا مش واخده بالك
الأم: انا قولتلك اللي عندي وسواء اقتنعتي ولا مقتنعتيش كلامي هيتنفذ
وعد بعصبيه: هو عِند وخلاص ياماما انا اللي هتجوز مش انتي سيبيني حتى اختار ونس عمري اللي جاي حتى ده مستكتراه عليا؟
الام بلامبالاه: مدام معاه فلوس هيريحك
وعد: مش كل حاجه الفلوس انا مش هاممني فلوسه ولا هو شخصيا شاغللي بال ولو انتي مصممه تقوليله ييجي براحتك بس مترجعيش تندمي بعدين
_هتعملي اي يعني
وعد بتحدي: اعمل اللي اعمله بقا مش انتي متمسكه برايك تمام وانا مش هسيب الكليه عشان الجواز
حتى لو اي هيحصل
الام بلامبالاه: عادي هاتي اخرك
وعد بعصبيه ونرفزة: انا داخله اوضتي
_بالسلامه
دخلت وعد الغرفه واحكمت اغلاقها وقامت للصلاه وظلّت تبكي مده طويله تعدت الاربع ساعات وهي تناجي ربها وبعدما انتهت وقفت في شرفة غرفتها تنظر للسماء وهي تستمع لسورة يوسف وتقول
أنا أمة الله ولن يضيعني لن يتركني فأنا على يقين تام به وحل الصمت لبضع دقائق ثم قالت:
معقوله يارب تجعل في قلب امي القسوة دي طب ازاي دا المفروض دي امي يعني انا حته منها انا اول تسع شهور في عمري كانو في رحمها ازاي هتكون قاسيه عليا انا اه عمري ماحسيت انها بتحبني او حنينه عليا بالعكس كانت دايما تحبطني وتقلل مني قدام نفسي وتخلي ثقتي فنفسي معدومه كان تقعد تقول ان انا ابتلاءها في الدنيا انا معرفش ليه بس انا مش بالسوء ده انا مبعملش معاها حاجه وحشه وبالرغم من كل ده انا كل الحب اللي جوايا ليها بحبها وبخاف اصحي يوم مالاقيهاش هي اه قاسيه شويه وطريقتها جافه بس دي امي اللي مش هتتكرر تاني أبدًا فاحفظهالي واحميها وطوِّل عمرها وحنن قلبها عليا انا اكتر حاجه بتوجعني اما اشوفها بتقسي عليا كدا واحس اني مش فارقالها..
يارب انت عالم بيا وانا وكلتك في امري وانت خير وكيل
ثم خلدت للنوم لتستيقظ مبكرا للذهاب لعملها
وفي الجانب الآخر:
مصطفى: هنون حبيبة ديشا بتعمل ايه
هناء: حبيبة ديشا قاعدة بتذاكر عشان تتنيل تعدي وام ديشا متولعش فيها
مصطفى: تفتكري ديشا هيسكت يبت
هناء: تفتكر ديشا هيعمل اي
مصطفى: هيجيبلها الولاعه طبعا
هناء بعصبيه: انت مش جدع يالا بقا هتولع فيا معاها ياجزمه
مصطفى: مش احسن مااولع معاكي انا راجل بخاف على عمري يست ربنا يباركلي فيه
هناء: طيب ياخويا اخرج برا بقا عشان انت مزعج
مصطفى: حيلك حيلك مش اما اقولك اللي جاي اقوله الأول
هناء: لو هتتكلم على عريس الندامه ده فلااااا والف لاااا انا مش ناقصه صداع بص طيب هيريحك انا اخلص السنتين اللي فاضلين في الكليه دي وبعد كده اجمع طاقتي للعريس مهو مش معقوله طاقتي تبقا في مذاكره وامتحانات وراجل كمان كده كتشير اوي والله انت قوله هي ممكن تفكر في الخطوبه بعد سنتين موافق كويس مش موافق يفتح الله بقا
مصطفى بعدم استيعاب: اي كل ده انتي رصيتي رصه جامده خلت تفكيري اتشل وبعدين اي يفتح الله دي هو جاي يشتري تلاجه دانتي بوزك فقر يشيخه
هناء: يعم انا فقر ملكش دعوه قوله كده بس وفكك مني وسيبني اذاكر عشان الدكتور ميمسحش بيا الكليه كلها
مصطفى: يارب يمسح بيكي الكليه والكليات المجاورة ياهناء يبنت ام هناء ونفد بجلده من الاوضه قبل مالكتاب يلزق ف افاه..
ــــــــــــــــــــــــــــــــــــــــــــــــــــ
علاء لنفسه: ياتري هترجع ولا لا طب هي هترجع ليه اصلا وعشان مين مانا قولتلها اللي حصل وانها متهمنيش واني هطلقها ماعتقدش هترجع طب وانا مالي بفكر ليه انا في الحوار ماتعمل اللي يناسبها اووووف دمااغي هتنفجر م الصداع والتفكير طب اروح بيتنا ولا اروحلها اي ده وانا اروح ليه هو مش انا اللي مشيتها اصلا
طب اكلمها طيباتأكد انها عند اهلها
هكلمها
اخرج علاء هاتفه ثم هاتف نوران
نوران: دا بيتصل لي دلوقتي
_الو
.....
_الوو
علاء: الو
_في اي بتتصل لي
علاء: انتي فين
_هتفرق معاك ف اي
علاء بتهتهه: ب.. ب.. بطمن عليكي
_تطمن عليا!! لا فيك الخير والله عموما انا ف بيت بابا
علاء بخوف: قولتيلهم اللي حصل!
_لا مقولتش انا لسه جايه انهارده ومحبتش ادايقهم
علاء بارتياح: الحمدلله
_اي؟!
علاء وهو يبتلع ريقه: م... م... ممفيش حاجه انتي هتيجي امتا
_اجي فين؟
علاء: تيجي البيت
_واجي ليه!
علاء وقد اصفر وجهه ولا يعلم ماذا يقول: يعني نشوف هنعمل اي
_نعمل اي ف اي
علاء بحيره: مش عارف
_طيب اما تبقا عارف قوللي تصبح على خير
علاء: وانتي من اهله
علاء لنفسه بغباء: اي اللي بيحصل ده انا مالي فيا اي انا قولتلها اني مش عاوزها دلوقتي بسال هترجع امتا لييي اي الغباء ده اه اه هو يمكن عشان اتعودت عليها ماطبيعي يعني كنا عايشين مع بعض سبع شهور فطبيعي طبيعي اتعود على وجودها علااااء انت لازم ترجع زي ماكنت الاول نظم حياتك عيش مع نفسك متخليش حد يساعدك في حاجه انت فضلت كده تلاته وعشرين سنه اي يعني سبع شهور مش السبع شهور اللي هيغيرو نظام حياتك الاولي يعني اه صح هعرف اتأقلم تاني اكيد
ثم عاد علاء لمنزله ودخل ليطمئن على والدته لكن حدث مالم يتمني حدوثه...
يتبع..
أنت تقرأ
"ترياق_قلبي"
Cerita Pendek"وجود شخص يدعمك نفسيًا ويطمنك طوال الوقت، شيء لا يُقدَّر بثمن". ❤️ من قال ان الحب هو الحب الأول؟، لم تكن حبي الاول ولكن هي أتت لتصبح الأول حقاً والأخير، أتت هي لتصبح ترياق قلبي ودواء روحي، أصبحت هي الداء والدواء، ملاكي الحارس، هي كل شيء في الحياة، ل...
