"ترياق_قلبي"

البارت الثاني عشر

"
وعد بعياط: الحقيني ياهنا انا مش عارفه اعمل اي ف المصيبه دي
هناء: اهدي بس عشان نعرف نتكلم وقوليلي في اي
وعد: في ان امي عاوزة تجوزني راجل قد جدي الله يرحمه والفرح فاضل عليه شهر واحد والراجل ده  من السعوديه اصلا مش من مصر نزل من فتره وماما قابلته برا البيت ف كافيه وحددو معاد الفرح من غير ماتقولي حاجه وعرفت انهارده بالصدفه
هناء بعصبيه: امك دي اي ازاي عملت كده طب مين الراجل ده وشوفتيه ولا لا وعرفتي منين فهميني اللي حصل براحه
وعد بعياط: انا عاوزة اشوفك ياهناء لو تعرفي تجيلي دلوقتي تعالي
هناء: حاضر ياحبيبتي اهدي بس وانا هجيب مصطفى معايا واجيلك بس اهدي وبطلي عياط عشان خاطري
اغلقت هناء واخبرت اخيها واستعار سيارة علاء ثم ذهبا لمنزل وعد فظل مصطفى في السياره وصعدت هناء لصديقتها والتي كانت منهاره بشده فاحتضنتها وجلست تهدئها حتى بدأت تهدا وتعود كما كانت وبدأ الحديث بينهما..
هناء بهدوء: احكيلي بقا اي كل ده وعرفتي منين احكيلي كل حاجه بالتفصيل
وعد بإرهاق: حاضر هحكيلك كل حاجه
بصي الموضوع بدا من شهر ونص ماما قالت ان في عريس متقدملي كويس وغني ومقيم ف السعوديه وليه فيلا ف مصر هنقضي فيها اول أسبوعين بعد الجواز وبعد كدا نرجع السعودية تاني عشان شغله هناك والمشاريع بتاعته اللي شغال عليها وهكذا فقولتلها اني مبفكرش في الموضوع دلوقتي ومش هتجوز غير بعد مااخلص تعليم واشتغل عالاقل سنتين واستقر ف شغلانه محدده ويكون معايا فلوس خاصه بيا وكدا ووقتها شدت معايا جامد واتخانقنا وعاندتها وقولتلها اني مش هتجوز دلوقتي لو عملت اي حتى والحوار اتقفل على كده ومتفتحش تاني غير من شويه كنت بكلم نورا بنت عمي سمير ولقيتها بتتكلم بطريقه واقفه كده واما سالت في اي قالت ان امي عاوزة تجوزني راجل عجوز ودي كانت اول مره اعرف ان هو هو العريس اللي رفضته من شهر ونص وعنده ٥٨سنه وانا لسه مكملتش ٢١حتى المهم عمي عرف واتخانق مع ماما وهي قالتله ميخصكش وبنتي انا ربيتها لوحدي وانا برضو اللي هجوزها ومش محتاجه منه حاجه وشدو مع بعض وهو قالها انه مش هيتدخللنا ف حوارات تاني وقالتله ان انا موافقه عالجوازه قالها انه مش هيحضرلنا افراح وانها ست وعاوزة تمشي كلامها عليه ومتخلقش حريم تمشي كلامها على رجالة عيلتهم
وعرفت كمان من نورا ان ماما مكنتش رايحه تاخد رايه لا كانت رايحه تعزمه وصغرته قدام الناس وراحت هي اتفقت على اساس اني ماليش رجاله يتفقولي على جواز وانها كده قللت منه جامد كان عندي امل هو يخلصني م الجوازة دي بس مستحيل عمي يقف معايا بعد ماراحت وعملت ال عملته وماما هتعمل اللي ف دماغها وانا مش عارفه اعمل ايه
انا هحاول اكلمها بس هي فين اصلا
_هي نزلت عند خالتو ومش هتسمع من حد حتى لو كلمتيها
طيب انتي شوفتي الراجل ده او معاكي رقمه او الاكونت بتاعه او اي حاجه
_معايا الرقم بتاعه كان على تليفون ماما وخدته بس مقولتلهاش
طيب هاتي الرقم وروحي كلمي عمك وفهميه الحوار كله وخدي معاكي هدومك وروحي اقعدي هناك وفهميه ان امك عاوزة تجوزك ليه بدون رضاكي وانك لو رجعتي البيت هي مش هتسيبك
_انا خايفه اروحله ميقفش معايا بسبب اللي ماما عملته  امك غلطت جامد ف حق الكل وانتي بنت اخوه يعني هو في مقام والدك الله يرحمه حاليا واللي عاوز يتقدملك المفروض يكلمه هو هو الراجل وكلمته هو ال تمشي والجوازه تتم بموافقته برضو لكن ال امك عاملاه ده اسمه عك تعالي دلوقتي انزلي معايا هخلي مصطفى يوصلك لبيت عمك دلوقتي قبل ماامك ترجع
_طيب
ــــــــــــــــــــــــــــــــــــــــــــــــــ
في منزل علاء كان الجميع قلق بشكل وعد التي كانت تبكي بشده على الهاتف وهناء لم تخبرهم بما حادثتها به صديقتها لكن قطع هذا القلق مكالمه من عادل لنوران وكان فرحا وبشده هذه المره الاولى التي تسمع صوته فرحا هكذا منذ وفاة والدته فسألته عن السبب
عادل بفرح وضحك: نوراااااان باركيلي
نوران بعدم فهم: مبارك بس على اي
عادل بمرح: مضيت عقد صفقه كويسه جدا وهتعوض الشركه عن خسارتنا اللي نتجت عن الحريق اللي حصل من فتره ودا اول عقد امضيه من ساعة ماسبت الشركه من فتره كبيرة من اكتر من سنتين
نوران بضحك: اللهم لك الحمد
مليون مبروك ربنا يكتبلنا الخير والتوفيق دايما ياخويا اقفل بقا ابلغهم
والدة نوران: حصل اي بتباركيله على اي
نوران بمرح: احم احم هناك خبر عاجل وهام وجيد للغايه سيدخل السرور على نفوس الجميع فانتبهو رجاءً
علاء يضحك في صمت
والد نوران ينظر لها بانتباه وعدم فهم
والدة نوران: لا اله الا الله انتي بقيتي مدبلجه يبت! والنبي ياعلاء يابني شيل الحجاره وحطها تاني يمكن ترجع طبيعية
نوران بزعر: بس ياماما كملي معايا وخلاص من ضمن جبر الخواطر ياحاجه
والده نوران: كملي يختي كملي يمكن نوصل لحاجه
نوران: اولًا لمن يمتلك فضول زائد ويود معرفة هذا الخبر فليتقدم بالنقود عشان وحياة ربنا فلست
انفجر الجميع ضاحكا ثم قال والد نوران: دي شحاته دي ولا استغلال طيب
نوران: والله ياحاج احسبها زي ماتحسبها بس هات الفلوس الاول ومش هنختلف على مسمى الفعل يعني
والد نوران: اهو كله لله خدي دول ومتقوليش لحد بقا
نوران بعصبيه: اي ده ياحاج خمشاشر جنيه! دانا لو واقفه على باب السيده كانو ادوني اكتر اي البخل ده
والده نوران: يبت هتشليني قولي واخلصي
نوران بمرح: خلاص خلاص هقول صعبتو عليا
سلفي العزيز عادل مضي عقد صفقه كويسه جدا انهارده وهتعوض الشركه بشكل كبير عن خساير الحريق اللي حصل فبإذن الله الأمور بدأت تتظبط وترجع لمجراها تاني الحمدلله
الأب بفرحه: اللهم لك الحمد ربنا يوفقكم يابنتي مبروك
نوران بسخريه: الله يبارك فيك ياحاج وشكرا عالخمشاسر جنيه هه شكرا
الام: مبروك ياعلاء يابني عقبال فرحتنا اما تكون بخير وترجع شغلك تاني ربنا يكون في عونك عاليومين اللي هتقعدهم ف وش نوران بنتي اهي دي تنطق الحجر لوحدها اصلا فانا مش قلقانه يومين والاقيك بتكلمني تقولي تعالي خدي بنتك عشان جننتني بدري
كان علاء يضحك في صمت وتعبيرات وجهه تفسر شعوره بالسعاده والحب فالامور تتحسن وهذا يجعله في حال افضل..
ــــــــــــــــــــــــــــــــــــــــــــــــــــ
في منزل عم وعد:
سمير: يعني امك عملت كل ده من ورايا ومن وراكي ومعرفتكيش كمان ازاي يعني
وعد بدموع: والله ده اللي حصل انا معرفتش اي حاجه غير انهارده فهمت من نورا اللي بيحصل اي عشان كده جيت بالله عليك ياعمي ماتسيبني ليها انا خايفه ارجع البيت تمنعني من النزول خالص ومش عارفه اعمل ايه كمان في الكليه انزل ولا هلاقيها متابعاني ف كل حته ويمكن كمان تروحني غصب
دعاء بخبث(ابنة عم وعد الصغرى): انا مش فاهمه ازاي امك كده بجد هو في حد بالجشع دي اول مره ف حياتي اشوف ام ترمي بنتها لراجل عجوز عشان غني  بس وكمان هيسافر بيكي برا ومتعرفوش عنه اي حاجه ياحراااااام صعبتي عليا خالص بس اي ده دي مفيش فقلبها رحمه لو لقياكي ف الشارع مش هتعمل كده
حنان بنظره حادة لابنتها: تعرفي تقعدي ساكته لو سمحتي وقومي ذاكري ولا نامي وابقي احسبي كلامك بعد كده
دعاء بمسكنه: انا مقصدتش حاجه بتكلم عادي يعني ياماما
حنان: طب قومي قومي ادخلي نامي
سمير: خليكي هنا ياوعد مدام مش راضيه عن الجوازه اللي مترضيش حد دي وانا هشوف حل لامك وافعالها والراجل الناقص اللي عاوز يتجوز بنت قد احفاده ده هتكوني مع نورا ودعاء ف الاوضه ووقت ماتكوني نازله الجامعه عرفيني هقول لخالد يوصلك ووانتي راجعه كلميه يجي ياخدك لحد مانشوف طريقه نخلي امك تهمد بيها عشان كده كتير يلا ادخلي غيري هدومك وتعالي للعشا
وعد بحب: شكرا بجد مش عارفه اقولك ايه بس حقيقي انا بحبك
احتضن سمير وعد بحب: متقوليش كده انتي بنتي يلا روحي غيري وتعالي
قامت نورا وتبعتها وعد للغرفه
نورا بحب: نورتي بيتنا يادودي بقالي كتيرر مشوفتكيش مش مصدقه انك هتقعدي معايا الفتره دي يااااه اي السكر ده
وعد بابتسامة: تسلمي البيت منور بأهله
نورا: لللللا بقولك اي مبحبش الرسميات دي انا اختك الكبيره علي فكرا واتكلمي معايا عادي ولا انتي عندك راي تاني
وعد: لا يابا انا اقدر اعترض
نورا بضحك: ايوا كدا بداتي تفهميني
دعاء ببرود: بطلو صداع لو سمحتو الواحد مش ناقص صداع يكفي الخنقه اللي احنا فيها
وعد بضيق: لو مدايقه من وجودي خلاص همشي واروح عند اي حد من زمايلي
نورا: لا لا هي متقصدش كده ادخلي غيري وتعالي البيت بيتك ياوعد عيب متقوليش كده تروحي عند زمايلك واحنا موجودين ازاي يعني دي غبيه متدققيش علي كلامها
وعد: لا عادي بس انا مش جايه ادايق حد او ارزل عليه هم يومين وهمشي ان شآء الله هتتحل من عند ربنا
نورا بابتسامه: ياحبيبة قلبي لو الارض مشالتكيش نشيلك على راسنا انتي وجودك زايدنا فرحه والله
وعد: والله انتي اللي كلك على بعضك كدا فقلبي هروح اغير هدومي وراجعه
نورا: مستنياكي
نورا لدعاء بعصبيه وصوت منخفض: مش ناويه تبطلي الدبش وقلة الذوق دي خلي عندك دم وادب مع الناس بطلي القرف ده بقي انتي شايفه نفسك على اي اصلا لااسم ولا جسم ولا شخصيه ولا فيكي حاجه عدله ولا زايده عن الخلق ف حاجه عماله تتنكي وتتكبري على خلق الله ليه خليكي محترمه وعندك ذوق وتواضعي لله اهو حتى نطيقك بدل القرف ال احنا فيه ده
دعاء ببرود: بحبني كده مالكيش دعوه ويارب تبصي لنفسك وتخليكي في حالك بقا
نورا: كده كتير على فكره وانا هكلم بابا انا مش هستحملك كتير انتي وطريقتك الزباله دي
دعاء: ماشي يابيبي روحي بس خدي الباب ف ايدك اصل الجو برد حبتين
وعد: انا خلصت يانورا
نورا: تمام ياقلبي تعالي نتعشا وحطي طرحه على راسك خالد زمانه جاي ف الطريق
وعد: حاضر كويس انك قولتيلي
نورا: يلا نخرج نحط مع ماما الاكل
وعد: هي دعاء مش هتاكل
نورا: لا دي بتاكل نفسها بس مبتاكلش زي البني ادمين سيبك منها
دعاء بعصبيه: شوفتكو نفسي اتسدت مش باكل نفسي ولا حاجه بس دي خلق ميتقعدش معاها على اكل بصراحه
نورا: والله بقا محدش قالك تقعدي معانا دا اليوم هنا عشان مش هنشوفك عالسفره ياروحي يلا ياوعد سيبك منها
وعد بهمس: شكلكو مش متفاهمين خالص
نورا: دي حقيقه هي اصلا مختلفه معانا كلنا دايما على كل حاجه دا طبعها اصلا 
وعد: اااه يعني هي على طول كده
نورا: ايوا بالظبط هتلاقينا كلنا مش طايقينها اصلا لانها لازم تدايقنا وتقول كلام غبي وافعالها مستفزه جدا
وعد: ربنا يهديها يارب
نورا: او يهدها ايهما اقرب
وعد: حرام عليكي
نورا: اديكي جيتي وهتعرفي ان معايا حق بعدين..
على الجانب الاخر
نوران: مصطفى وهناء اتاخرو لي
الام: مش عارفه هتصل عليهم اهو..
يتبع..