أحمد بتوتر : بص ياعلاء احنا صحاب مقربين وانا متعودتش اخبي عليك حاجه
علاء بشك: في اي ياض ماتنطق شكلك عملت مصيبه
أحمد بتهتها: هـ.. هي.. مش مصيبه اوي يعني
علاء بقلق وهو يعلم أن هناك شيء : مهو باين علي وشك يابرو قول في اي
أحمد بتنهيده : وعد ماتتعصبش ولا صوتك يعلي ولا تجيب لمرام سيره
علاء بمسيرة له : اه مش هعمل حاجه ولا هقول حاجة أنجز بقى في اي
أحمد بصراحة وشجاعه زافه : انا بحب السكرتيره بتاعتي وبفكر اتجوز جوازه تانيه احسن مايبقى ماشي حرام ف حرام
علاء بغضب و.ارتسمت ملامح الغضب علي وجهه: دَ أنت نهارك اسود انت جاي تقولي هتتجوز علي اختي وتجيبلها ضره وماشي مع السكرتيره وعاوزني معملش حاجه ليي يابا لاقيها ف الشارع ولا مديك فرده شراب؟!
أحمد وهو ببتلع ريقه بخوف : اهدا بس ياعلاء انا مش مستقل بيها بس دا ربنا مديني رخصه التعدد يااخي في اي؟
علاء بغضب أشد : يابجاحتك ي اخي بجد دانا عاوز اقوم اكسرك بس وعدي مش هخلفه وتمشي لوحدك من غير اختي اختي تفضل ف بيتها هنا لحد ماالبيه يرجع لعقله ويعرف هو متجوز مين ولو مرجعتش عن اللي في دماغك طلقها وسيبها
أحمد بانفعال : هو انا بقولك عشان تقولي كده ياعلاء اطلق مين دانا لو قعدت برا البيت ساعه معرفش اقعد ف الشقه ياجدع اخوك في ورطه ساعده يااخي
علاء بغضب وقد أوصل رده بلكمه قويه على وجهه الذي تورم من قوتها وهم ليترك الغرفه وكانت نوران امام الباب فدقته مسرعه
يلا ياجماعه السفره جهزت
فتح علاء الباب واخبرها بأنهم قادمين
أحمد وهو يمسد مكان الكمه : حقك يصحبي بس قوللي اعمل ايه انا مش عاوز اخسر مرام وف نفس الوقت حاسس بانجذاب كبير ناحية ياسمين ومش عارف اعمل ايه اما بشوفها بحس بحاجه غريبه وبفتح مواضيع كتير اوي ومبعرفش اسكت انا مبقتش فاهم حاجه
تناول علاء كوبا من الماء البارد وافرغ بعض المياه على وجهه حتى يهدأ قليلا وبعدها جلس امام احمد ليتحدث معه بهدوء
_بص يااحمد انا هحط حوار ان الست ال عاوز تتجوز عليها دي اختي وهنصحك كأخ وصديق ليا دلوقتي ربنا ادانا رخصة التعدد بشروط وهي انك تكون مقتدر ماديا والحاله صعبه اليومين دول عالكل واللي يقول هقدر افتح بيتين دلوقتي يبقا بيضحك على نفسه ثانيا انك تعدل بينهم وانت من دلوقتي مياال لياسمين ودا خلاك تهمل مرام الفتره ال فاتت فالجواب باين من عنوانه ارجع لربنا واقفل حساب ياسمين في الشغل ومشيها وهات شاب طبيعي اما يبقا قدامك واحده كل يوم اربعه وعشرين ساعه تنجذبلها بس مش لدرجة تحبها ف الاول والاخر انت متعرفش حاجه عنها اصلا وانا اختي مش مقصره معاك ف حاجه دا يااخي مبترفعش عليا سماعة موبايل عشان تستغل وقتها انها تعمل حاجه تفرحك وبعدت عن نوران ال هي صحبة طفولتها واللي يعتبر عمرهم كله مع بعض عشان متنشغلش عنك فكر تاني واعقل
أحمد بابتسامة وهو قد وصل لمراده: طيب بس الكلام اللي انت قولتهولي دا راجع نفسك بيه ومتنساش ان الخيانه حرام وهتتحاسب عليها
علاء وقد ظهرت حبات العرق على جبينه: خيانة اي!
قطع حديثهم صوت نوران مجددا لتدعوهم على الغداء
فرد علاء: جايين حاضر
قام علاء ليترك الغرفه ويذهب لكن استوقفته يد احمد الذي ربت بها على كتفه وقال :
بنات الناس مش لعبه ياعلاء انا بس حبيت افكرك بدا ومتقلقش انا مفيش حاجه من اللي قولتها دي حقيقيه بس حبيت اخليك تجرب شعور ان حد يستقل بحد يخصك واني اما قولتلك رد فعلك بان اوي
واشار لأثار لكمته واكمل حديثه
اللي مترضاهوش على اختك متعملوش انت ف مراتك وانا وانت فاهمين انا بتكلم على مين وذهب لتناول الغداء وبعد خمس دقائق خرج علاء وجلس على السفره
تناول الجميع الطعام وهتف الجميع بتقديم اعجابهم بطبخ نوران الشهي، و بعد قليل احضرت نوران الشاي للجميع وجلست لكنها لم تبدي انها سمعت شيء من حديثهم وكانت تهتف في داخلها ان جميع الرجال بهذا السوء، اظهرت الصدمه حينما قدمت الفنجان لأحمد ورأت وجهه المتورم
_يلهوي يااحمد اي ده اي ال عمل ف وشك كده
مرام بخضه: في اي
_خده وارم ومحمر اوي
انتفضت مرام من موضعها وذهبت ناحيته لتظهر الصدمه والخوف على ملامحها : اي ده اي اللي حصل انت كنت جاي معايا كويس اتخانقت مع علاء ولا اي؟
أحمد بابتسامة مرحه: اهدو ياجماعه مفيش حاجه انا كنت بقول لعلاء يحدفلي ازازة الميا وجت ف وشي فورم و بعدين انتي عارفه هزار اخوكي، بس بسيطه يعني مفيش حاجه.
نوران: دقيقه هجبلك تلج وجايه
هناء ووعد في شك وصوت مهموس: ازازة ميا برضو!
بت ياهنا الحوار ده فيه إن
_اكيد هعرف في اي بس مش دلوقتي
طيب يختي
نوران: التلج اهو حطه على خدك شويه
مرام: هاتي يانور تسلمي
نوران: في حد يحدف ازايز الميا ف وش البشر كده ياعلاء
علاء: مقصدتش اجيبها ف وشه اكيد يعني بالغلط وبعدين قالك بنهزر مع بعض في اي يعني لكل ده
تحدث أحمد مهداً للجميع : خلاص ياجماعه حصل خير
انتهت الجلسه وذهب الجميع الي منازلهم في العاشره مساءّا، قامت نوران بتنظيف الغرفه وذهبت للنوم بالغرفه مع حماتها وعلاء في الغرفه المجاوره
علاء والذي بدا انه شارد الذهن: طب مهو معاه حق ف كلامه يعني انا في كل الاحوال غلطان ودي خيانة هي معملتش معايا غير كل خير ومع ذلك مقدمتلهاش حاجه حلوة بس انا برضو مبحبهاش
انا بحب مريم مش نوران هكمل معاها ازاي او هديها حقوقها ازاي انا اتجوزتها ارضاء لأمي وخلاص
ايوا بس هي برضو مالهاش ذنب
اوووف دماغي هتنفجر مين صح ومين غلط واي المفروض يحصل
انا مبقتش فاهم حاجه
قطع حديثه لذاته صوت رنين هاتفه فأهمله لبضع دقائق ومع توالي الاتصالات قام بالرد
نعم
_مبتردش ليه من الصبح هي ست الحسن والجمال شغلتك عني ولا اي
لا عادي مفضيتش انهارده
_من امتا مبتفضاليش يعنى
عادي ضغط
_والله! بقا ضغط دلوقتي!
والله بقا محدش بيختار احداث يومه ولا بيبقا عارف هيتنيل يتضغط ولا لا
_طيب كنت عاوزه اقولك حاجه مهمه اوي
علاء بتوتر وقد احس بمصيبه ستقع على رأسه وقد حدث
_..............
عملتي كده ليييي ماكفايه بقا
يتبع..
أنت تقرأ
"ترياق_قلبي"
Historia Corta"وجود شخص يدعمك نفسيًا ويطمنك طوال الوقت، شيء لا يُقدَّر بثمن". ❤️ من قال ان الحب هو الحب الأول؟، لم تكن حبي الاول ولكن هي أتت لتصبح الأول حقاً والأخير، أتت هي لتصبح ترياق قلبي ودواء روحي، أصبحت هي الداء والدواء، ملاكي الحارس، هي كل شيء في الحياة، ل...
