مصطفى بهدوء: انا عاوز اقولك حاجه ياماما هي هتدايقك بس اتمني تسمعيني بهدوء ومتتعصبيش
الام بقلق: في اي يامصطفي نوران حصلها حاجه! قول يابني في اي متخبيش عليا قلقتني
مصطفى بهدوء: لالا مفيش حاجه نوران كويسه الموضوع يخص هناء
الام بخضه: مالها في اي
مصطفى وهو يطمئنها: لا هي كويسه بس النتيجة ظهرت وهي للاسف منجحتش هتعيد السنه
الام بحزن: لا حول ولاقوة الابالله العلي العظيم لي بس كده الامور عماله تسوء الواحد يطلع من صدمه يدخل ف صدمه لا اله الا انت سبحانك اني كنت من الظالمين الحمدلله على كل شيء
مصطفى بحنان: معلش هنعمل اي قدر الله وماشاء فعل قضا اخف من قضا
الام بحزن: طيب هي فين دلوقتي وقولت لابوك ولا لسه
مصطفى: في الاوضه كانت بتعيط وكانت خايفه تقولكم لا لسه مقولتلوش حاجه هسيبك انتي تقوليله
الام بحزن: طيب انا هدخلها شويه كده وهعرف ابوك بعدين
مصطفى: ماشي ياحبيبتي
في غرفة هناء:
ــــــــــــــــــــــــــ
وعد: معلش ياحبيبي لعله خير لعل الله يحدث بعد ذلك امرا
هناء: الحمدلله، سيبك مني انتي عملتي اي
وعد: شيلت مادتين يختي هي الجامعه بنت التيت ده مسحه بينا المدرجات كلها لكن لكل منا اسلوب خاص بيتهان بيه الحمدلله ربنا يطلعنا منها على خير يختي
هناء بضحك: لاحول ولاقوة الابالله دا مرمطتنا كلنا يبنتي كنت فاكراني لوحدي
وعد بتريقه: لا يروحي هي موزعه الحب علينا كلنا ميصحش يبقا واحد لوحده
هناء: الحمدلله على كل شيء لعله خير انا هقفل انا واروح انام عشان بقيت شبه الباندا من كتر العياط
وعد: طيب روحي نامي واهدي وارتاحي شويه يلا سلام
_سلام
ـــــــــــــــــــــــــــــــــــــــــــــــــ
عادل بعصبيه: مش تفتحي يبنتي هي ناقصاكي الحكايه كلها لو بصيتي قدامكم وانتو ماشين مش هيحصل حاجة بس هقول اي مهو لو اتربيتو صح كنتو بطلتو بصبصه وبحلقه في خلق الله
البنت بعصبيه وغضب: حيلك حيلك انت مين عشان تتكلم معايا كده اصلا وبعدين ماتبص انت قدامك مش لو كنت مفتح مكنتش خبط فيا
عادل بغيظ: صنف مريض مش هقف اتجادل معاكي انتي واحده دماغك تعبانه اساسا وانا مش ناقصك كفايه اليوم وتعبه اوعي كده من قدامي بلا قرف
البنت بضيق : اوف اي ياربي البلاوي دي ماشي يخبط في الخلق ومش فالح غير في التهزيق كمان قال لا وبيقول عني مريضه والله مانا عارفه مين المريض فينا
عادل باستعجال: لو سمحت يادكتور عاوز العلاج المكتوب هنا وبسرعه لو سمحت عشان مستعجل جدا
الدكتور: دقيقه واحده
عادل: تمام
الدكتور بعد مرور بضعة دقائق: اتفضل دا العلاج المكتوب والحساب ****
دفع عادل تكلفة العلاج وعاد للمستشفى ثانية
الدكتور: دا نظام العلاج ولازم تجيبوه استشاره كل اسبوع
نوران بحزن: حاضر يادكتور بس هي حالته دي هتستمر كتير؟
الدكتور: الله اعلم بتختلف من شخص للتاني على حسب حالته النفسيه واكيد كل ماكان احسن نفسيًا هتكون نتيجة العلاج افضل
نوران: شكرا يادكتور بعد اذنك
عادل: هروحكم البيت وهطلع انا عالشركه دول واكلين دماغي من الصبح ولو محتاجه حاجه فكريني نجيبها واحنا راجعين دلوقتي عشان مش عارف هرجع بليل على امتا
نوران بهدوء: مش محتاجه حاجه احنا نروح بس وان شاء الله الدنيا تتحسن
عادل بطمنئان : متقلقيش عليه هيكون كويس هو بس مش بخير بقاله مده وموت ماما ساب جواه اثر كبير لانه كان متعلق بيها جدا ومعظم وقته وهو صغير كان معاها من ساعة موت بابا الله يرحمه وهو اي حاجه حتى لو صغيره بقت تسيب اثر كبير جدا في نفسيته وانا واثق انه هيكون بخير طول مانتي جنبه
نوران بقلة حيله : ربنا يشفيه يارب يلا انزل هات العربيه وانا هجيبه ونيجي وراك
عادل: هستناكم متتاخروش بالله
نوران: حاضر
دخلت نوران الغرفه واخبرت علاء بما اخبرهم به الطبيب واخذت تهوّن عليه ماهو فيه ثم استند عليها إلى أن وصلا للسياره وذهبا للمنزل
خلد علاء للنوم واخذت نوران تحضر الطعام للجميع لان اسرتها ستأتي للاطمئنان على علاء في المساء، وبعد مرور وقت ليس بقليل أتى الجميع لمنزل علاء وتناولو الطعام ثم بدا الحديث المتبادل بينهم..
نوران: مالك ياهنا هاديه وعاقله انهارده ودا عكس الطبيعي
هناء وهي تحاول إخفاء ماتشعر به: عادي مريحه دماغكم مااكيد مش هقوم اتنطط انا وبعدين حرام يعني الراجل المريض ال معانا ده يقول عليا اي مجنونه مثلا
مصطفى وهو يحاول ان يصلح ماتقوله اخته الغبيه: والله ياهناء محد مريض غيرك يااوختي انتي اي اللي جابك معانا اصلا هي ناقصه غباوة
هناء وهي تحاول استفزاز علاء: يامصطفي انا مقولتش حاجه بس جوز اختك البت كسحته بدري ياعيني شوف من اول سنه جواز وحصل فيه اي دا ربنا يستر عليه العمر اللي جاي بص قاعد شبه البطه اللي عندها كساح ازاي قلبي معاك ياجوز اختي احنا عارفين اننا جينا عليك اوي اما جوزناك بنتنا بس اهو كله بثوابه يكفيك الثواب قلبي عندك يا...
لم تكمل حديثها وتلقت وساده في وجهها من علاء لكي يعبر عن ما يريد قوله وكانت تعابير وجهه مضحكه
هناء بغيظ: تصدق بالله ياجدع انت تستاهل شوفت يعني لا راحمني وانت سليم ولا وانت مكسح هقول اي بس
نوران بضحك: والله يبنتي انتي اللي تستاهلي احمدي ربنا انه حدفك بالمخده انا كنت هحدفك بإزازة الميا اصلا لكنه سبقني
هناء: يلا ياماما يلا ياجماعه نمشي انتوا جايبني اتهزق هنا ولا اي انا لن اقبل بذلك على فكره
نوران: اسم الله عليكي دا من امتا الدم والاحساس ده يبنتي
علاء كان يضحك على مشاجرتهم والاجواء بدت لطيفه نسبيًا
مصطفى بنفاذ صبر: بااااااس ياختييي انتي وهي انتو هتردحو لبعض كمان واحنا قاعدين دا اي الهنا ده خليكي قاعدة يست هناء وانا هاخد الغلبانه ال كلتي فروتها طول القاعده دي وادخل جوا وحسك عينك تتشاكلي مع حد
هناء بفضول: هتاخدها وتدخل ليه هه قولي عاوزه اعرف
نوران بضحك: ملكيش دعوه اخويا حبيبي متحشريش نفسك بينا خليكي ف حالك، تعال ياديشا يقلب اختك وسيب المفعوصه دي تغلي مع نفسها
دخل الاثنان للغرفه المجاورة ودار بينهما الحديث كالآتي
مصطفى : الدكتور قالك اي عن حالته هيفضل كده كتير؟
نوران : يابني كل اللي الدكتور قاله انه اتعرض لصدمه نفسيه شديده وكان اثرها انه يفقد النطق وكتبله علاج وقال منعرضوش لضغط نفسي وكل ماكانت نفسيته احسن كل ماتحسن
مصطفى: فهمتك ربنا يشفيه يارب، اتعاملي عادي والحوار اللي دار بينكم بتاع الطلاق والجو ده متفتحيهوش غير اما يتحسن ويرجع بخير وحاولي تحسني نفسيته وتخرجيه عن الجو اللي هو فيه ومتسيبيهوش كتيرر لوحده عشان هيفتكر اللي حصل ودا مش كويس ليه ابدا، ابقي تعالي اقعدي معانا بكرا اليوم كله ونقضيه سوا
نوران بابتسامة : حاضر ياحبيبي هشوف كده واقولك
قبل مصطفى جبين اخته وخرجا الاثنان ليكملا ذلك الشجار، لكن توقف حينما تلقت هناء مكالمه من صديقتها وعد وكان الحديث بينهما كالتالي...
يتبع..
أنت تقرأ
"ترياق_قلبي"
Conto"وجود شخص يدعمك نفسيًا ويطمنك طوال الوقت، شيء لا يُقدَّر بثمن". ❤️ من قال ان الحب هو الحب الأول؟، لم تكن حبي الاول ولكن هي أتت لتصبح الأول حقاً والأخير، أتت هي لتصبح ترياق قلبي ودواء روحي، أصبحت هي الداء والدواء، ملاكي الحارس، هي كل شيء في الحياة، ل...
