كانت نوران تخيط زر القميص وتحرص على عدم لمس جسد علاء وهمس علاء في اذنها
شكلك حلو اوي يانوران انهارده لون الفستان هادي وحلو عليكي
نوران بتوتر: هه!! حلو مين! احم اقصد شكرًا، انا خلصت اخرج عشان هم مستنينك برا
علاء بضحك: ياخراشي انتي احمريتي كده ليه دانا بقولك حلوة وقمر مقولتش حاجه خارجه والله
نوران بخجل بعدما ابتلعت ريقها: شكرا دا من ذوقك
علاء: شكرا ومن ذوقي! انا خارج برا وتعالي ورايا
نوران: حاضر
في منزل هناء:
الام: ياهناء يابنتي الشاب كويس وانتي مشوفتيهوش ولا قعدتي معاه حتى فبترفضي على انهي اساس
هناء: ياماما ياحبيبتي انا لاعاوزة اشوفه ولا اقعد معاه وقولتلك لا الحوار مقفول
الام: طيب عشان خاطري اقعدي معاه ولو معجبكيش ولا اتفقتو خلاص مش هغصب عليكي وهنرفضه
هناء: طب ولي اعشمه وانا اصلا رافضه
الام: يابنتي ادي نفسك فرصه هتفضلي كده لامتا دانتي سنتين وهتتخرجي وهتزهقي من الفراغ فيها اي اما تشوفيه مهي دي سنة الحياه لو كل واحده قفلت على قلبها كده مش هتحب ولا تتحب ولا هتتجوز وكان زمان البنات كلها بايره دلوقتي
هناء: يختااااااي ياحبيبتي الجواز رزق ونصيب ووقت ماييجي رزقي ونصيبي مش هيكون في فرصه للرفض
الام: طب اقعدي معاه بس واللى هتقوليه بعدها هعمله عشان خاطري ياهنون
هناء: حاضر ياماما
الام: حبيبة امها ياولاد ربنا يقدملك اللي فيه الخير يارب
بعدما انتهت الام من الحديث مع هناء ذهبت لغرفة مصطفى واذن لها بالدخول
مصطفى: تعالي ياماما اتفضلي
_يزيد فضلك ياحبيبي، انا كنت لسه ف اوضة هناء واقنعتها تقابله وتقعد معاه فاقعد مع ابوك وقوله وادي يوسف معاد يجي فيه
حاضر ياحبيبتي بس ربنا يستر من بنتك احسن انا بقلق منها اما تقول حاضر مش عادتها
_ربنا يهديها يامصطفي والله احسن انا تعبت معاها
خير ياست الكل
_يلا قوم انزل علي شغلك وبليل لينا قاعده
حاضر دعواتك بقا لابنك الغلبان عشان طلعان عينه والله
_ربنا يقويك يارب
يلا عن اذنك هدخل البس عشان انزل
_روح وانا هحط الفطار برا متتاخرش
حاضر
في غرفة هناء:
والله ياوعد ماعارفه حاجه عنها وكل ماكلمها تليفونها مقفول
_طيب ماتيجي نروحلها انهارده لو فاضيه
خلاص تمام انهارده معنديش محاضرات ويعتبر مفيش حاجه عندي فهقول لماما واقولك نروحلها اصلا مش عارفه في اي حاسه ماما مخبيه حاجه مش عاوزه تقولهالي
_لي يعني
مش عارفه كل ماجيبلها سيرة نوران تقولي لا هي كويسه وبخير واقولها نروحلها متوافقش مش عارفه ليه مع ان بقالنا بتاع شهرين مروحنالهاش
_طنط وراها حاجه حاولي تعرفي ياسوسه وبلغيني
والله ياختي ماعارفه اخد منها كلام وبتتوه اما اكلمها عن نوران
_طيب شوفي كده ولو موافقتش تروحيلها عرفيني اروح انا ومي واطمنك عليها
خلاص تمام هقولها وابلغك
_مستنياكي
باي
_باي
وبعد مرور بعض الوقت اخبرت هناء والدتها بأنها ذاهبه مع رفيقتها لزيارة نوران لان رفيقتها لا تعلم عنوان المنزل فأجابت الام بالموافقه واخبرت هناء وعد بموعد ذهابهما لمنزل اختها
في منزل نوران:
نوران: الغدا جاهز ياعلاء اتغدا معاهم وانا هشوف علاج طنط وهاكل معاها هنا
_ليه ماتدي ماما علاجها وتعالو اقعدو معانا عالسفره
لا طنط رجليها تاعباها اوي ومش حابه تقوم فخليها احسن وانا هقعد معاها
علاء بشك: هي قالتلك كده
نوران بتوتر:... اصل.. لا يعني انا حسيت انها تعبانه ففف فقولت يعني متعبهاش واخليها مكانها
علاء: اااه يعني انتي حسيتي! طب ولي اللفه دي ماتقولي انك مش عاوزه تقعدي تاكلي عشان انا موجود وانتي مبتحبيش تقعدي معايا على اكل
نوران بِرَبكه: لا مقصدتش كده انا بس..
علاء بمقاطعه: عادي عادي فكك انا هاخد ماما وانتي تعالي اقعدي معانا عالسفره ولمي الدور انا زي جوزك يعني
نوران: طيب خد طنط وانا..
قاطعهم صوت جرس الباب فذهبت نوران لتفتح
نوران بفرحه هناااااء وحشتيني اوي
هناء: ايوا بأمارة مكالماتي اللي مبتردش عليها
نوران: غصب عني والله
هناء: وحشتيني يارخمه انتي وحضنك
وعد: طب اعمل انا شجره واجيب اتنين لمون طاااه معنتحضنش عاااد ولا ايييي
نوران بضحك: وانتي كمان يام لسان مترين انتي وحشتيني اوي
وعد: حبيبتشي حبيبتشي وانتي كمان والله
علاء: مين يانوران
نوران: دي هناء ووعد صحبتي، ادخلو طيب هنكمل احضان عالباب ولا اي!
هناء: بت هو في حد عندك ولا اي
نوران: اه يست مهي اللمه بتحلي بالحبايب كلهم دي مرام
وعد: مش مصدقه اننا هنتجمع تاني زي ايام الجامعه والله
هناء: بت انا جعانه
نوران: بحط الغدا والله وانتو جيتو تعالو نتغدا ونقعد براحتنا
هناء: يلا وحشني طبخك يابه من ساعة ماتجوزتي وامك مدبساني في المطبخ بقيت اعملهم الاكل محروق لدرجة انهم لو كلو اكل طبيعي بقو يتعبو
نوران: فالحه من يومك يااوختشي
مرام: ايدا ايدا لا دا اليوم شكله هيحلو بقا وحشتوني اوي يخربيت الدنيا ال بتفرق الخلق دي والله
وعد: ايوا ياستي مانتو اتجوزتو ومحدش عرفلكم طريق وانا قاعده انا والغلبانه التانيه سناجل بائسه
هناء: اتكلمي عن نفسك ياحاجة انا سنجل قمر ولسه صغنونه ماليش في الجواز وحواراته دي
نوران اقعدو ارغو بقا وسيبوني احط الغدا لوحدي بس ويت علاء واحمد راحو فين
مرام: علاء جاتله مكالمه وراح الاوضه التانيه واحمد قام وراه هتلاقيهم في البلكونه ولا حاجه
نوران بنبرة حزينه: اممم مكالمه طيب المهم تعالو حطو معايا الغدا
مرام: يلا
ذهب الفتايات للمطبخ وتم تحضير السفره وذهبت نوران لمناداة علاء واحمد لتناول الغداء لكن قبل ان تدق باب الغرفه استوقفها حديث احمد مع علاء قائلًا:
.....
يتبع...
أنت تقرأ
"ترياق_قلبي"
Historia Corta"وجود شخص يدعمك نفسيًا ويطمنك طوال الوقت، شيء لا يُقدَّر بثمن". ❤️ من قال ان الحب هو الحب الأول؟، لم تكن حبي الاول ولكن هي أتت لتصبح الأول حقاً والأخير، أتت هي لتصبح ترياق قلبي ودواء روحي، أصبحت هي الداء والدواء، ملاكي الحارس، هي كل شيء في الحياة، ل...
