مريم بتوتر: انا هربت من البيت
علاء بعصبيه: انتي هبله ولا متخلفه ولا في اي في حد يهرب من بيته ويسيب اهله! لييييه اي ده انا مكنتش اعرف انك غبيه كده كنت فاكرك عاقله
مريم ببرود: عادي على فكره انا مأجرمتش
علاء بصدمه: م اي مأجرمتيش! هو انتي مش شايفه انك غلطانه ولازم ترجعي
مريم بثقه: لا طبعا ارجع!! دا في الخيال مش هيحصل ابدا
علاء: انتي ازاي كده
مريم بضحك: ازاي كده اي مالي يعني بتنفس من قفايا ولا اي مش واخده بالي
علاء: في حاجه مش طبيعيه فيكي انا محبتش الانسانه دي اطلاقا اللي كنت بحبها كانت عاقله مسؤله معتمده على نفسها بتحترم اهلها وبتحبهم بتصون العلاقاات بتحب وبتخلص بجد كانت واحده محترمه يتقال عليها خارجه من بيت راجل لكن انتي معرفكيش وماتمناش اعرفك تاني
مريم بغيظ: متتمناش تعرفني تاني يعني هتسيبني! حلو اوي شوف يريحك اي واعمله وبالمناسبه ست الحسن والجمال انا معايا الاكونت بتاعها ورقمها اخدتهم من فونك اما كنا ف الكافيه وانت سبته وروحت التويلت ابعد وزي ماهتسيبني هبعدها عنك عشان تبقا اتحرمت عليا وعليها
علاء بلامبالاه: اللي عندك اعمليه
ثم اغلق الهاتف دون ان ينتظر الرد
علاء لنفسه: اي ده انت كنت اعمي كده ازاي ازاي اصلا تقبل على نفسك تميل لواحده زي دي دي مش بني ادمه طبيعيه جابت الجبروت ده منين هو في حد عاقل يعمل كده! مش فاهم حاجه خالص بجد ولا فاهم احداث حياتي المتلغبطه دي.
قطع حديثه الداخلي صراخ نوران المتكرر بإسمه
نوران:الحقني ياعلاء علاااااء تعالى بسرعه
_في اي، اي ده مالها ماما
ـــــــــــــــــــــــــــــــــــــــــــــــــــــــــــــــ
في منزل هناء:
ياجماعه افهموني بقا انا مش مرتاحه مش عاوزاه انا صغيره وعاوزة اتعلم واخرج واشتغل واروح واجي مش اتجوز واقعد اربي عيال واغسل وامسح واطبخ واستحمل راجل باقي عمري انتو متخيليييين بتقولولي اي
مصطفي: لي محسساني انك رايحه تجاهدي في سبيل الله يبنتي دي خطوبه انتي قعدتي معاه مره واحده بس وهو مش مستعجل قال خليكي كملي تعليم السنتين اللي فاضلين وبعدين اتجوزي
_يااخويا ياحبيبي انا مش قابلاه مش حاسه حاجه
مصطفى: انتي هتشليني؟ ماطبيعي ياماما ماتتنيليش تحسي انتي مشوفتيهوش غير مره واحده عاوزة تقعي ف حبه من اول مره ليههه يختي سعاد حسني انتي بت بت فوقي الواد كويس فكري تاني وسيبك من جو المسلسلات الهندي والروايات دا في فترة تعارف اقعدي معاه مره واتنين وتلاته وبعدين حددي تتخطبي ولا لا محدش غاصبك على حاجه واحنا مش هناخد خطوه بدالك معاكي وقت اعرفيه اكتر وفكري تاني وياكش تعقلي عشان متجننش قبل ماتجوز واشوف عيالي حواليا
_الناس ف حال وانت ف حال يامصطفي ياخويا شوف انت رايح فين طيب
مصطفى: مش قاعدلك يختي ماشي
ترك مصطفى الغرفه وترك اخته تفكر ثانية في ذلك اليوسف الذي لاتقبل بوجوده اصلا
الام: قالتلك اي
_هتقول اي يعني الطبيعي بتاعها جننتني وعلت ضغطي وطردتني ف الاخر ياحاجه انا عارف جبتيها ازاي دي بقا البطن اللي تشيلني شالت المعتوهه اللي جوا دي ازااااااااااي
الام: هنعمل اي يعني مش هنرجعها ربنا يهديها
_ياحاجه انتي بنتك دي ميقدرش عليها غير القدره دانا دخلت عشر دقايق كلمتها دمي اتحرق وبيغلي وحاسسني كنت هتجلط لو قعدت ثانيه كمان قال وتقولي استحمل راجل باقي عمري ازاي هو اي ده معلش هو انا بقولها هتتجوزي نسناس! لي بتتعامل على اننا كائنات لايصح الحياه معاها يعني لي مش فاهم وبعدين دانا بشفق على اللي هيتجوزها والله احنا لازم نعرفه انه واخده بلوة من بلاوي الدنيا عشان منغشوش ومنشيلش ذنبه مش عارف اي ده
الام بضحك: خلاص يقلب امك لايطقلك عرق ادخل اشرب ميا وخد شاور يمكن دمك يروق وتهدا روح
_طيب صبرني يارب
ـــــــــــــــــــــــــــــــــــــــــــــــــــــــــــــــ
في منزل علاء
مالها يانور في اي
_تقريبا غيبوبة سكر تاني قومت اصحيها للفجر مصحيتش هات عسل او بنبوني اي حاجه مسكره بسرعه ياعلاء
علاء بتوتر فين منين اه التلاجه خدي اهو
قامت نوران بإعطائها ملعقتين من عسل النحل وبعد قليل بدأت في الاستيقاظ وجسدها مصاب برعشه غير طبيعية
نوران: قومي ياماما نروح المستشفى قومي
_مش قادره يبنتي اتحرك اعصاب جسمي سايبه ومش قادره اتحكم فيها
نوران: طيب الدكتور في المستشفى دلوقتي ياعلاء روح هاتو وتعالي نطمن ولو في تغيير في نظام العلاج يقولي عليه
علاء: حاضر هغير ورايح
نوران: انتي كويسه ياماما
_يبنتي انا كويسه
نوران: ربنا يديكي الصحه وتكوني كويسه دايما
الأم بابتسامة حب ورضا: عارفه ينوران انا بنتي عمرها ماكانت بالحنيه دي انا جوزت مرام بس ربنا رزقني بيكي بنتي التانيه احن عليا من بنتي اللي شيلتها تسع شهور في بطني انا فخوره انك مرات ابني ومش ندمانه ابدا عالجوازة دي بالعكس بكون مطمنه دايما واتمني مرات ابني التاني تكون زيك بنت أصول كده وقامت باحتضانها
نوران: طب مانا بنتك وانتي امي التانيه اللي بحمد ربنا عليها دايما وان شاء الله مرات عادل تكون احسن مني هو يستاهل كل خير
قطع حديثهم صوت علاء
اتفضل يادكتور
قامت نوران بإحضار كأسان من العصير اثناء فحص الدكتور لوالدة علاء ثم اعطاها ابرة وقال
غيبوبة السكر ممكن تجيلها ف اي وقت سببها بيكون زعل او ضغط نفسي او لغبطة اكل او انخفاض سكر الدم واكتر من سبب تاني في كل الحالات انا هقللها جرعة الانسولين وهتكون بخير ان شآء الله
نوران:شكرا يادكتور تعبناك معانا
العفو الشكر لله والف سلامه على الحاجه سلام عليكم
علاء: اتفضل يادكتور وذهب لتوصيله للخارج
نوران: اظن سمعتي اللي قاله تاكلي كويس ومترهقيش نفسك ف حاجه ومتفكريش كتير بقا يست الكل
حاضر يبنتي
علاء: نوران تعالي دقيقه
_نعم
اما ماما تنام تعالي عاوزك في موضوع
_موضوع اي
متسبقيش الاحداث اما تنام تعالي وهتعرفي
_طيب
وبعد مرور القليل من الوقت دقت نوران الغرفه وسمح لها علاء بالدخول
نوران: ماما نامت كان في اي
_اقعدي طيب
قعدت اهو اي الموضوع
_الموضوع ياستي هو......
يتبع....
أنت تقرأ
"ترياق_قلبي"
Storie brevi"وجود شخص يدعمك نفسيًا ويطمنك طوال الوقت، شيء لا يُقدَّر بثمن". ❤️ من قال ان الحب هو الحب الأول؟، لم تكن حبي الاول ولكن هي أتت لتصبح الأول حقاً والأخير، أتت هي لتصبح ترياق قلبي ودواء روحي، أصبحت هي الداء والدواء، ملاكي الحارس، هي كل شيء في الحياة، ل...
