سجينة ابو غريب

البارت ١٣

#سجينة_ابو_غريب

#البارت_الثالث_عشر

مااريد اشتكيلك
واحچي عن الحال
ولو گلبي يگل لعقلي گله
شگلك واني ادري من الكلام تضوج
ثاري اليشتكي لغير الله ذله

~

واني اخذت وصله نظيفة ومي وتوجهت للجام وبديت انظف تقريباً صارت الساعة ب١١
كملت بقى بس شباك المطبخ الخارجي لمطل على الشارع الرئيسي بقيت امسح بي لحد ما كملت جاي اقفلة شفت سيارة وكفت باب البيت ونزل منها شخص ما مصدكة الي جاي اشوفة بقيت اباوع معقولة معقولة فركت عيوني حيل خاف ما جاي اشوف عدل كرصت ايدي اني بحلم أردفت بسرعة.

_ سيرين لج سيرين تعالي لج هذا مو قسور

هو على صوتي العالي انتبه ورفع راسة لوح بيده بمعنى السلام، باوعتله بنظرة باردة عكس الي بداخلي نار جهنم من عنده ،اجت سيرين تلهث .

سيرين : شبيج ولج خرعتيني عبالي لزمتي كهرباء لو وكعتي .

_ عوفج من هذا الحجي وتعالي شوفي الضيم، تعالي شوفي منو جاي .

تقربت وهي تكول ،شكو شنو صاير الله يستر.

سيرين:ضربت كفي على حلكي مصدومه ،يااااا هذا مو قسور على كولت ريام الجان وياج بالجامعة.

_ اي هو بشحمة ولحمة بس شعنده جاي

سيرين: بقيت اباوع ،خاب شوفي شوفي منو ويا

_يااا هذا ابو مصطفى وأبو ريام شعدهم جاين .

سيرين :هههه جوز جاين يخطبونج الضاهر حب قسور نابع من صمصوم الكلب .

_ضربتها بخفة على خدها ، ايعععع شكد مقرف اني وين والزواج وين لا ترحين زايد بخيالج ، صعبه علي اتزوج .

سيرين: ليش تحجين هيج ، وشبيج عيني مبين الولد يحبج وشاريج وهنيالج ترجعين لبغداد قابل مثل حظي راح ابقى هنا طول عمري

_شوفي شوفي منو الاستقبلهم زوجج المصون

سيرين : خلي ننزل نشوف شنو رايدين

_لا عيني ما أنزل تردين تنزلي انزلي اني بس تشوفني راضية وعبيران يبلشن بذب سمهن علية.

سيرين : خاف يبقون على الغدا منو يسويلهم

_ وشبيهن الجوه ما يعرفن يطبخون .

سيرين: اني نازلة اشوف شنو الأخبار ،نزلت بسرعة ومن فرحتي بعمو ابو ريام جاي وياهم كبل اللاستقبال دخل مديت ايدي وتصافحت وياهم وأبو ريام احتضني وباسني بجبيني ، لتفت شفت رحمان خازرني ما اهتميت بقيت اسال عن أحوالهم

_ يا هلا ومرحبا شنو اليوم حنيتو النا عمو .

ابو ريام : مشتاقين لشوفتج واجينا ، جابنا الشوك .