سجينة ابو غريب

البارت ١٠

#سجينة_ابو_غريب

#البارت_العاشر.

وحدي تعلمت ماردت عون انسان
تلويني المصايب وارجع الويها .

سيرين: بدأ العرس او بلحرى يوم موتي والناس تركص وفرحانين وقسم كالب خلقته وقسم يتهامسون بينهم

وأنا نفسيتي تعبانه ومنهارة ومو طايقه حتى نفسي
أفكر بابا وياسين وهيلين لو أفكر بامي لو أفكر بنفسي الي حياتي راح تدمر وراح اعيش مع شخص مااطيقه أفضل تشوف الموت ولا أشوفه

لابسه البدله وكاعدة على الكرسي الجو جو عرس بس  مااحس نفسي عروس البنت من تلبس الفستان الأبيض تحس بفرح تحس بقلق بتوتر وأهلها محاوطينها وتزوج شخص هي رأضيه بي كان عن حب او تقليدي بس اني اني الحظ لعب لعبته وياي وتدمرت حياتي مااعرف شنو الذنب الي سويته علمود اعيش كل هذا مااعرف

كل شي تدمر وأنتهى وحدة غيري هسا كاعده بوسط أهلها عايشه حياتها تكمل دراستها ومن تستصعب شي تلجأ لابوها أما أني لمن الجأ لمنو أكول أني مارايده هذا العرس كلهُ وينك بابا وينك كنت مثل الدرع تحمينا كنت لي جناح اطير بي بس هسه كسرو جناحي بيك بابا أخ يا دنيا شكاتبه بعد النا

اباوع لأمي ملامح الحزن والهم مغيمه على وجهها باوعتلي وأبتسمت بحزن خلص العررس وأنا كل شي مو فرحانه بي ولا اصلاً حسيته فرح

ام هيلين : بنتي أنتِ هسه تزوجتي وصرتي زوجته لازم تنسين كل شي وتبدين حياة جديده  لا تبقين ماتريدينه لا تدمررين حياتج احنا لا حوله ولا قوة وآني مابيدي شي عليج يايمه وابوج سوده عليه مانعرف وين راحح او شلونه هسه هو وخوانج اخخخ لو هو موجود ماصار كل هذا بس هذا الي الله كاتبة والحمد الله على مابلانا

سيرين : أمنا بالله بس شلون ماما شلون تريدوني أعيش مع شخص مااريده شلون اتقبله شلون اكمل حياتي  شلون والله صعبه احس نفسي مخنوقه احس روحي تنسلب مني على البطيئ حسو بيه واعتقوني كافي كافي والله تعبت شتحمل بعد شتحمل حتى صبري خلص

_شبيدي عليج يابنتي شبيدي كتلج ارفضي بس انتِ قبلتي علمود تخلصين من العذاب ذبيتي نفسج بعذاب أكبر

ضليت ابجي ومنهاره وامي مو احسن مني حضنتها
دك الموبايل فتحت خط

_الو هلا خيه

_هلا خيه شلونج بس حبيت اخبرج خبر راح يطيرج من الفرح

ام هيلين: ياخيه وين اكو شي يفرحني بعد ابو هيلين وجهالي الي راحو هي ضلت فرحه

_ لا يختي على بختج جهالج رجعو طلعوهم من السجن

بحاله صدمه وفرح وحزن ماكو شي يوصف وضعها ماعرفت شتكول او شترد ادموعها بدت تصب وتردد الحمد الله ياربي الحمد الله خيه ام ريام جهالي وين وينهم خليني اسمع صوتهم