سجينة ابو غريب

البارت ٣١

#سجينة_أبو_غريب

#البارت_وأحد_وثلاثون

‏بعض الأعذار .. تزعلك أكثر من الغلط

سمعت صوت المنادات الظاهر جنت ما منتبهه

أكرر ،على جميع الركاب المسافرين على الرحلة رقم ١١٢
المتوجهه إلى العراق

عليكم التوجه إلى البوابة رقم ٢١

والإستعداد للركوب على متن الطائرة
مع تمنياتنا للجميع برحلة ممتعة .

(فلاش باك عودة إلى الماضي )

واكفة كبال البار انتظر تكسي ما حسيت الا شخص خلة قطعة قماش على انفي بعدها فقدت الوعي

شكد مضى من الوقت ما اعرف بس صحيت على نفسي كاعدة على الكرسي ادية و رجلي مربوطات
بأحكام شديدة رفعت راسي اباوع اني وين غرفة بيضة الوانها بيها اثاث بسيط عبارة عن جرباية أم النفر و كنتور صغير وميز

كمت أصرخ وانا بالكرسي مربطيني

حقراء كلاب ما تخافون الله ، عوفوني بحالي لك عجرج
اذا ما طلعني آلة احرك عليك البار اشوفكم شي ما تتوقعونه من بنية بكل على صوتي اصيح تجرحت بلاعيمي من صياح ماكو فائدة وبعد دقائق.

سمعت صوت قفل باب الغرفة نفتح وهنا

جانت صدمة اشوف الباشا كبالي بكل جبروت تقدم ساحب بيده الكرسي من خارج الغرفة كعد مقابيلي وبقى يباوع بنظرات غريبة ممزوجة برود قاتل ،بادلته نظرات كره و استحقار و أشمئزاز

حجيت بغضب ممزوج بحقد

_هييييي شتريد منييي هااااا شتريد ؟

الباشا : ميحتاج احجي تعرفين مطالبي كلهن أنتِ .

_ لوو تموت ما اوافق عليك حقير اناني تركني بحالي

الباشا : هل شيء مووو بكيفج ما اعوفج فاهمة اتركج لوحدج تفكرين كلش زين البالي أريده يا حلوتي واكدر من كنتي نايمة

ضحكت بأشمئز ورديت
_ههه ضحكتني والله لعد من جنت تجي للنادي شنو يسمونه حلال .

الباشا : والله يا ست هيلين أمتع نظري بس ما المس حرام هاي انتِ كنتي نايمة اكدر كل شي أسوي بيج بس مو أني اللي يفعل الحرام . واللي اريدها أعقد عليها متعة تخلص سفرتي يخلص عقدها وكل شي ينتهي إلى وحدة علكت بدماغي وشلعت كلبي

_ لا تكذب انت فقط تريد تنتقم لان ضربتك كف .

وكف وقبض أيدة بقوة وعيونه صارت بجبينه من العصبية وضرب الكرسي برجلة وطلع بدون ما ينطق أي كلمة بقيت أصرخ واغلط علية ولا كأنه أحد يسمعني مر وقت وتكسر جسمي من الكعدة ونمت فزيت على أحد فتح الباب

فتحت عيوني بنعاس دخل بكل هيبتة وجايب وياه علكة مبينة من ريحتها اكل مصارين هادى جانت ما ادري ليش من شميت الريحة صارت بينهم معركة أحد وباقى صوت بطني يوصل السابع جار