سجينة ابو غريب

البارت ٢٠

#سجينة_أبو_غريب

#بارت_عشرون

"كُنتُ بمفردي طوال الوقت"

ثمَ تشعر بأنكَ مُتعب من كل شيء
ومن اللاشيء
تودُ لو أنه بأمكانك أن تغمض عينيك
فقط وينتهي كل هذا...

.......................................................

سيرين: امشي بين أزقة الحارة وصلت المنطقه قاطعني صوت عالي رجفت منه لأن الصوت ارعبني ومو غريب عليه التفتت بنص جسمي وجان اشوف الصدمة

اي صدمة جمدت بمكاني شفت هيلين بنص الشارع وبتراك البيت بدون حجاب وتصرخ ولا أحد يمها عبالك المنطقة مهجوره برغم صوت هيلين چان كلش عالي ومرعب ركضت عليها واني مصدومة.

لزمتها من ايدها لچ هيلين شكو شصاير أمي بيها شيء
ولچ احچي وگعتي گلبي گولي شصاير؟

"ردت وهي والدموع تجري على وجناتها مثل المطر"
_لچ أميي أميي وگعت ماتگدر تتنفس أمي راح تموت.

سيرين: شنووو شجاي تحچين أنتٓ حسيت گلبي تقطع نصدمة.

سيرين شوفي أحد يساعدنا ننقلها للمستشفى ماما راح تروح من دينه بسرعة سيرووو بسرعة.
ماعدنا غير مراد بسرعة ركضت للفرن لأن قريب علبيت دفعت الباب ودخلت واني اصرخ.

"رفع عيونه وهوَ مصدوم "
مراد: سيريين لك شو بكي لي عم تصرخي.

"صفنت بوجهه ثواني مصدووومة وعيوني متروسة دموع"

مراد: لي ما عم تحكي لي تتطلعي فيني هيك.

سيرين: ماما مراد أمي واگعة وما تگدر تتنفس

مراد: شووو تحكي جد؟

طلع من الفرن يركض واني لحگته
وصلنا للبيت ولگيت هيلين مخليه راس أمي بحضنها وتبچي وأمي گوه تجر النفس

صرخت يوووم فدوة گومي ماعدنا غيرچ احس حيلي نهد ماعرفت شسوي بس أمي بقت سند إلنا يا رب الطف بحالنا.

مراد: بعدو منها ما بيصير هيك
تحتاج هواء خنئتوها بزيادة انا رايح هلأ بجيب سيارة حتى ننقلها على المشفى.

"مؤلم جداً أن تعيشَ في وجع لاتعلم متى نهايته"

اخذنا أمي للمستشفى واني طول الطريق ابچي دموعي ما وگفن وادعي يا رب احفظ إلنا أمي كلشي ما نسوه بدونها وصلنا للمستشفى فحصها الطبيب.

الدكتور: بتعاني من مرض أمك ؟

هزيت رأسي بالنفي ورديت أجيت أحچي ردت هيلين بسرعة.

_لا دكتور بس صار فترة تعاني من ضيق النفس

الدكتور: ايمته بالضبط

هيلين: قبل عشرة أيام

هز راسه خلالها بخاخ تنفسي شوية واستقرت حالتها
وصانه الدكتور تبقى بالمستشفى تحت الكادر الطبي
خاف ترجعلها حالة الاختناق.