سجينة ابو غريب

البارت ٣

#سجينة_أبو_غريب

#البارت_الثالث

تعليقاتكم الحلوة على الفقرات +متابعة للحساب
_ مو راح يجون بيت عمج غير!

رديت باستهزاء
_ هاااااا شعجب مازن حن كلبه؟ وما كال مالي شغل بيكم وذول مو بزر اخوي ولا طالعين من ظهره...!
بعدني ما مكملة كلامي اهتز البيت بصوت ماما:

_سسسيرين... ما أسمع نفس الج.. مفهوم؟

بلعت كلمتي وسكتت، خل نشوف ابو رحمن شلون يحلها، بقيت ألوم على نفسي هاي مرن يومين وإحنا ما نعرف خبر، كافي حقد سيرين كلوبنا ماتت ما ناكل ما نشرب...حجيت بداخلي

ماعدنا شي غير الدعاء، أني اللي جنت ما أريد ألبس الحجاب عرفت قيمته عرفت الله بهاليومين، كمت ألوم بنفسي لو لابسة من زمان جان الله هسا رجعهم، ما أعرف نسأل منو وين نروح، تواصلت ماما وي عمامي اللي ما سألوا عنا كل هاي السنين وما أجو شافونا ولا گالوا عدنا أخ نشوفه نسأل عنه شلون عايش لا، يلا ما عدنا غيرهم، اخخخخ شكد صعبة من اكو أشخاص تكرههم وتلجئ الهم لأن ماعندك أحد، غمضت عيوني وأني أدعي الله يرجع أبوي وهيلين وياسين سالمين ...
مر وقت واني اشوف ماما تبچي وتتحسر ، كامت لبست عبايتها، لزمتها من ايدها وحجيت بخوف وقلق:
_ ماما حبيبة، وين رايحة؟

ردت عليه بتعب:
_ أروح أسأل عنهم بالسجون، عسى وأن أعرف خبر عنهم بيا سجن موجودين ميتين عايشين، ولج يمه ما ظل بي صبر....

_حبابة يوم وين تلكيهم؟ فدوة اروحلج ليش هم الأمريكان يكدر أحد يوصلهم؟ يمه فدوة كعدي أخاف عليج لا نوب أنفجع بيج، محد بقالي غيرج .
أنعام
_ ولججججج شكعد شيكعدني وأني مادري برجلي وخلفتي وين؟! الله أعلم بحالهم عايشين ميتين، أكيد هسا جاي يعذبون بيهم.

كعدت بنص الكراج تبجي وتدك على رجلها، صرخت بقهر:
_ اااخخخخ يمه، يمه هيلي ياسين سودة بوجهي، يمه وين أنتو شلون حالكم .... ماااجدد أخ يماجد مصوب وجرحك أخضر شحالك هسا سودة بوجهي ياريتني ما طلعت وأخذوني وياكم ...

اباوع على ماما وكلبي يتكطع هسة شنو حصلت بابا من كلامك عليهم ..وبالي يمهم شسوي ياربي؟!

_ ماما على كيفج ويه روحج أنتِ هسا إذا طلعتِ متحصلين شي، مو خابرتِ بيت جدي أمرنا لله ننتظرهم ونشوف بلكي دمهم شوي يحن، كومي يوم خل ندخل يا بعد عمري.

دخلنا جوا ومرت الساعات وإحنا على كعدتنا، لادمعتنه نشفت ولا أمي بطلت ون

لحد ما ندك الباب، ماما فزعت من مكانها وحجت بلهفة:
_الباب يدك، بلكي خبر منهم أحد عرف مكانهم وجابلنا خبر ....

ركضت للباب وأني وراها فتحته، عمو بشخصيته وطوله الهيبة والشيب اللي بلحيته مزوده جمال وأناقة مبين عليه شيخ وابن شيخ، هو صح رجال جبير ومثل ما عرفنا عنه الناس تنكلة وياها بالطلايب يحلها وبالأفراح وبالأحزان، وطبعاً بي شبه من بابا وياه ولد شاب من شفت الشاب تراجعت خطواتي لي ورا خجلت منهم ..