سجينة ابو غريب

البارت ٣٤

#سجينة_أبو_غريب

#البارت_أربعة_وثلاثون

تعليقاتكم على الفقرات تسعدني +متابعة للحساب

"‏سأصرخ في عزلتي،
لا لكي أوقظ النائمين.
ولكن لتوقظني صرختي
من خيالي السجين!"

‏‎مراد:  كيف كيف متزوجة ومن متى وليش محد ئالي؟!

‏‎رحيم: بس اهدأ خلي نتفاهم لا تعصب العصبية ما تنفع وما راح تسوي شيء.

‏‎مراد: شو بدي افهم شو بدي افهم ليش خبيتو عني ليش خدعتوني

‏‎سيرين: ضليت مصدومة ما أعرف شسوي أو شنو اگول ودموعي على خدي للحظات حسيت كُل شيء انتهى وعلاقتي مع مراد راح تنتهي وماكو أمل بعد.

‏‎رحيم: ما خدعناك بس اهدأ ولا تصيح علمود افهمك كُل شيء سيرين تزوجت مجبوره مو برضاتها

‏‎مراد: كيف كيف مجبورة وطيب مجبورة ليش ما ئالت لي أنها مزوجة ليش محد حكالي متزوجة سابقًا خالتي وهيلين ليش خبو عني؟

‏‎أم هيلين: أبني صدگني مو بيدنا عمها زوجها وكانت مجبورة وأنا ما بيدي شيء.

‏‎رحيم: بالضبط أبوي جبرها وهي لا حوله ولا قوه وابوي مايرحم أحد اهدأ خلي نتفاهم.

مراد: بس اتوقع أنا اتفاااهم ماعرفتو تحكو لي أنها كانت مزوجة شلون تخفون عني هذا الشيء يعني؟

‏‎سيرين: مراد ظل يصيح ومو راضي يفهم شيء منا بلاخير تركنا وطلع وفعلاً الغلط غلطنا كان المفروض نگوله.

‏‎رحيم: سيرين والله ما كان قصدي أحچي هيچ وطلعت مني بدون قصدي ما متوقع انتوا ما حاچيله راح أروح وراه وافهمه وإن شاء الله تنحل.

‏‎سيرين: طلع رحيم ورا مراد وأنا عقلي مشوش ما أعرف شسوي وأمي تحجي ما اسمع شيء فصلت عن العالم بيوم گُلت كُل شيء انحل ما ظل شيء ونرتاح صارت مشكلة اخخخخخ يا حظنا.

ضليت اكل بروحي وأروح وأجي وأمي تهدي بية وما فاد بس دخلت رحيم طفرت علية مباشرةً من دون مقدمات سألته.

ها وينه أجه وياك؟؟ ضليت اباوعله انتظر بس يرد احس روحي طلعت من گال

رحيم: مالگيته دورت كُل مكان مالگيته مـــا أدࢪي  وين اختفى ما خليت  مكان ما رحت علية

ما عرفت شسوي أو شگول كُل إلي سويته نهرت بالبچي وضليت بس ابچي حاولوا أمي ورحيم  وسارة يهدوني و يتعذر على إلي صار بس أنا أبد مو بعالمهم

خفت اخسر مراد إلي هوَ صارلي سند من كُل النواحي صارلي أب واخ وصديق قبل لا يكون زوجي

مر يوم ما أعرف عنه شيء وحالتي مدمرة باليوم الثاني اضطريت اوگف علمود أمي وأشوف وين راح گمت وكملت روتيني اليومي گعدت  بالحديقة اباوع للباب أتمنى لو يدخل ويتصلح كُل شيء وينتهي كُل شيء أو يطلع هذا حلم بس مع الاسف