سجينة ابو غريب

البارت ٣٦ مفاجأة

#سجينة_أبو_غريب

(بين الماضي والحاضر )

#البارت_ستة_وثلاثون

تعليقاتكم الحلوة على الفقرات +متابعة الحساب
تعبان شكثر تعبان
وأنت وياي تعبانى
رجعنه من المحطة بليل
چنه وجوه دفانة
#الگاطع

ميسان(العمارة) ٢٠١٥ تموز

ميمي : فصوعة خالة فصوعة

أم تحسين: ولج اشفتي منهم وعرفتي بتهم فصوعة رجلج يكول نص ساعة ما بقينا.

ميمي : ياااا بالنبي محمدٌ فصوعة سماهم في وجوهم مبينابالعباس عيب علينا مكعدينهم بهيج مكان.

أم تحسين : هسة غير تفهمنا شنو السالفة

ميمي : خالة جايبله وحدة بيضة أم كناكير واخزيتا من لبسها بطرگ الثوب قصير أسفل الركبة وتعلاگة  ولا حجاب ودلعت الصدر شكدها تعرفين يعني شنو بطرگ الثوب.

تحسين: سدي الموضوع روحي صبيلي غدة ميت جوع.

أنفسنا هو راح للغرفة يبدل ملابس واني بسرعة شغلت الطبخ على المرگة تحمة رجعت ركض لكيت وسن يم خالتي واكفة تسأل شكو؟

_أني أجوبج لا تسألين خالتي أكيد ما تنطي بأبنها.

وسن : ولج خبصتينا ما خليت واحد نايم بالبيت.

حسيت على نفسي صدك سويت ضجة بالبيت تنهدت رديت عليها
_شوفي خابرني تحسين كال حضري فراش جايب مهجرجين بالحسينية ما صدكت طرت للمخزن طلعت إله  بطانيات ومنادر اموعين صيني جدورة نص احتياجات المرأة من أجه سألته من الموصل كال لا من سوريا ثنين بنات وامهن وياهن ثارني الفضول كتله خل أروح وياك أودي الفراش أخذاني طرقنا الباب وشطلعت إلنا البنية عساني لا شفت البيضة أم كناكير وانطيتها الفراش شو هاي شالتهن ومشت كدامنا بالعباس ما عبالج لبسة خركة على جسمها ربي كما خلقتني

طلع تحسين من الغرفة وكعد يخنزر عليها رحت صبيت الغدة وكعدت أسولف لخالتي عليها هو يخنزر يعض شفة يسويلي بيده صبريلي بس أنا مسجل وشتغل بعد شيطفي بوية لو ينطوني هاي هيلين مدري هند أخ اله أشمرها بالمنجليق بنار نبي الله أبراهيم وما يرتاح كلبي

أم تحسين : يجوز هو هذا طبعهم

_لا لبسها مو لبس اوادم ولا كأنو جايه من ضيم الجسم كله طالع بطرگ يعني ملابس مايلبسها إنسان محترم نرفزتني وفورت دمي الله لا يطيها ردت وسن.

وسن :
( يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَبْ بَعْضُكُمْ بَعْضًا أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَحِيمٌ .)