سجينة ابو غريب

البارت ٩

#سجينة_أبو_غريب

#البارت_التاسع

مدري شبيه متغير
التعب غَيّم علىٰ عُيوني
وخطف خُلگي
وخطف لوني
وخطف كِل الملامح
مِني مدري شبي
أضن مايگدر بدوني

هيلين

فتحت عيوني هذا شارع!
تسارعت دگات گلبي  وبلعت ريگي بمرارة.

نزلونا على الشارع العام ليش؟! لك يااسييين شوف

ألتفت على الجندي مبتسم.

تقدم بإتجاه ياسين تعانق وياه اباوع مصدومة.

احس رجفة سرت بجسمي من شعر راسي لحد أظفر قدمي راح يقتلنا أكيد مثل صدام يسويلنا مقابر جماعية.

مد ايده بجيبه وطلع ورقة وانطاها لياسين تقدم بتجاهي صافحني من الخوف انطيته ايدي ابتعد مني وأشر على السماء ونطق اسم غيث.

عافنا وصعد بالسيارة

بقينا وحدة يباوع للثاني ،شنو يقصد ادعي لغيث؟!
ياسين: عاااافونا والله عااافونا لچ تعالي اقري هيلين.

فتحت عيوني مصدومة ياسين تغير والضحكة نرسمت على وجهه وسمعت صوته ركضت حضنته بقوه ألف الحمد الله وشكر ياسين أنت بخير أبتسم ورد

_الحمد لله، أخذت منه الورقة وبلشت أقرأ.

السلام عليكم.

أعرف وقت ما تقرون الرسالة اني يم ربي نلت الشهادة أريدكم دائمًا تدعون إلي وتتذكروني بالخير عيشوا حياتكم وانسوا السجن وعذابه احسبوا كابوس وصحيتوا منه، صديقكم غيث لا تنسوني .

سحبت نفس بعمق، ونزلت دموعي ، يا كابوس دمر حياتنا ألتفتت على ياسين لزم ايدي وگمنا نركض خوفًا منهم يلزمومه مرة أخرى.

ضربني الهوا البارد رجفت أفرك ايديني ببعض من البرد أمشي وأركض و أرجف واگح عرفت تمرضت ما أعرف وين نروح وصلنا لمنطقة شعبية.

العالم كُلها تباوع علينا حقهم إذا إحنا بملابسنا مالت السجن المشگشگه من الضرب لو وجهنا المورم
استمرينا نركض لحد ما ابتعدنا شوية عن المكان إلي نزلنا بي لمن وگفنا نتلفت تعبنه أجه رجال كبير بالعمر يمشي يتجاهنا وگال.

_ هلا يابه من وين جاين

ياسين: حجي من أرض العراق العظيم.

_بوية هذا عراق الخير لعد شبيكم ملابسكم مشگگة وحالتكم تبچي الصخر

گحيت وحچيت بحنجرة مجروح
_عمو چنه بسجن واليوم طلقوا صراحنا بالسجن مــاڪو رحمة تعذيب وأهانة بس الله فرجها وطلعنا فهل تشوف بعينك ملابسنا وغرابة شكلنا

رد
_تفضلو وياي البيت ارتاحوا وبدلوا ملابسكم بيتي قريب منا؟

_لا عمي مَشَـــڪُوُرْ نريد نوصل لبيت أمي وأختي أكيد منتظرتنا