#سجينة_أبو_غريب
#البارت_السابع
تعليقات الحلوة على الفقرات +متابعة للحساب
نفذ تاريخ صبري وفسدت آمالي
قد نشهد تغير دعم الامريكان
اذا طلقو سراحي وفكّو اغلالي
او قد تبتدي حملة اعمارالموت
ويرد راسي علچتفي وترجع اوصالي
بس ماريد عون وخبرة من الروس
انة رايد الگطع روس عمالي
المهم حملة اعماراترد حياة الناس
مو تندفن حفره وتنحفر تالي
خوف قلق رعب رهيب داخلي اعرف ياسين يكتل نفسة ما يسويها غمضت عيوني ما اريد اشوف اخوي شلون يقتل نفسه كدامي دموعي تنزل على خدي احر من الجمر لساني احس نعقد ما اكدر انطق كلمة بقيت اردد أدعية سمعت صوت الطلقة ثارت واصوات ضحكهم فتحت عيوني واشوف
باوعت بصدمة غيث واكع بالكاع والدم يصب من رأسه ، وياسين الي مصدوم ويباوعله بصدمة وصمت يلطم على رأسة بثنين اديه.
قشعر بدني وضاق نفسي منظر ياسين الي يكسر القلب تعودنا عن مناظر الجثث لكن موت غيث غير صدمة النا وخصوص ياسين هو اللي قتله
_ياسين ياسينو حاجيني شبيك ياسين احجي .
مصدوم وما ينطق حرف صرخت بصوت عالي يفزز الحي والميت و الحيوانات وأكفين يضحكون على حالتنا
_جاوبني ياسسسسين جاوبني
وبعد السكوت والهدوء الي عنده وكف على حيله وصاح بصوت رهيب اول مرة اسمع يصرخ بهل شكل ويمشي مثل المخبل سريع ذهاباً و إياباً
_قتلته هيلين قتلته صرت مجرم صرت مجرم مثلهم وقتلت غيث اييي والله قتلت غيث اي موتة موتة ..
اباوع على اخويا شلون مصدوم ويحجي وكأنه فقد اخر ذرة بعقلة ياسين حبيبي اسمعني ياسين احجي وياي ماكو رد فاقد ما يحجي غير بس قتلته صرت مجرم .
أتقدم عليه الجندي وبقى يجر بي وياسين مثل الدمية بيدهم حيوانات تعودوا على كل جريمة يفعلونها يحتفلون بنصرهم بممارسة غرائزهم على أجسامنا الضعيفة المهزولة
صرخت نحبت عوفو اخوي حيوان حقير نذل عوفة الله لا يوفقكم ما اشوف غير اجاني الثاني بقى يضرب بيه ما همني الوجع بكد ما اشوف اخويا
شلون متألم بيدهم ربي دخيلك .
احفظ ياسين بعينك التي لا تنام ياسين مستسلم بيدهم صامت إيست منه وعرفت فقد عقلة تماماً .
جرو غيث على مود يمثلون بالجثة أمام السجناء حتى يزرعون الخوف بداخلهم .
فك الجندي الحبل من اديا وطلع ركضت على ياسين منتهي صافن عيونة بالسقف فاقد كأنما بغير عالم
_حبيبي حاجيني
شلت راسة وخليته بحظني لا تخوفني عليك فدوة اروحلك باوعلي الدموع تنزل من عنده رادف بصوت خافت وگال .
_هيلين قتلتة قتلتة صرت مجرم صرت مجرم مثلهم
ابتعد من عندي تهستر كام يضرب بنفسة ويعيط قتلتة صرت مجرم يضرب ويصرخ ويملش بشعرة.
أنت تقرأ
سجينة ابو غريب
عاطفيةفتاةُ في مقتبلِ عمرها، ذاتَ طموحُ واحلامُ في ظلِ عائلتها بين ليلةَ وضحاها تنقلب حياتها رأسا على عقبِ! تجد نفسها في سجن ابو غربب ! بدون ذنب بدون جريمة ! تعاقب وتدنس برائتها على يد وحوش بلا رحمة ، بلا انسانية ؛ تشهد قتل والدها أمام عينيها وانعدام...
