سجينة ابو غريب

البارت ٣٢

سجينة_أبو_غريب

#البارت_أثنان_وثلاثون

مرجوحة سواني زماني
من أهلي البيت الخذاني
يشمرني واحد على الثاني
تشوف الكطن يم شيلتي رماد
ذوله  يشمروني على ذوله
كمت أحسد المدفون طولة
تشبع كتل بت الحمولة
ما دامها ادنك بالجيال
وتالي أنشمر شمرت صواني
الفاتحة من يخلص الزاد
ازعل وضل محد بحالي
لني وحيدة وضهري خالي

_____________ الشعر يوصف حال هيلين بالضبط

هيلين فززني الباشا بلزمة ايدي واحس گلبي طلع من مكانه ياربي بمجرد لزم ايدي اشمئزيت منه شلون اخلص حياتي وياه اني الخليت نفسي بهالورطة اي اني ضحيت حتى أمي تتعالج وتبقه خيمة فوگ روسنه لمتى ابقى اضحي وبزلة كلها توگف ضدي

الباشا: هيلين مبارك علينا بس أتمنى اشوفچ فرحانة ليش تكسرين بخاطري وريني ابتسامتچ لو اكو شي ثاني .

هيلين: لا ماكو شي بس بالي يم أمي

الباشا :حبيبتي لا تخافين حاسب حساب لكل شي وإذا ع وضعها فالطب بالبنان كلش زين المهم اريدچ تفرحين

اجت سيرين وجابت علبتين  بيدها انطتها إله فتحها
طقم الذهب راقي من  الفخام والتصميم

أم مراد وحياة تعجبو وبقو صافنين بقيت اباوع هذا صدگ مشتريني وحابني لو مجرد لعبة وفلوس زايده عنده باوعلي وابتسم

الباشا:هذا كله علمودك يا حلو وما قابل عليه شسوييلچ بعد يلا اضحكي شوفيني اسنانچ

أبتسمت مجاملة لبسني الحلقة والمحبس والگلادة  طلع علبة ثانية بيها محابس  ثنين وأربع اسورات لبسنياهم نملت ادية ذهب  همس بأذني

بكر : لا تبقين عاقجة وجهچ لا اشوفچ شيء ما يعجبچ

تفاجأت من كلامه وتأكد اخذني لان حاقد عليه بسبب الضربة وراح يرجعها إلي بألف وجع

حياة: بالعافيه عمررري كلش حلوات تستاهلين

هيلين :شكرًا قلبي

خلصت مراسيم الخطبة  و طلع الباشا وبدت تبريكات الاحبه

أم مراد: ألف مبروك يا هيلين لانتِ بتستاهلي الخير والله افرحتلك من قلبي

هيلين: يبارك بيچ خالة وشكرًا لجيتكم رغم أبو مراد مريض وظرفچ صعب حبيتي تشاركينا فرحنا

أم مراد: لا شو بتتشكري مني أنا شساويتلك أنا بترخص منكم

سيرين : ألف مبروك هيلين تستاهلين الخير

_الله يبارك بيچ يوم اشوفچ بالبدلة البيضة أنتِ ومراد

سيرين: لا بعد هواي اربع خمس سنوات

ابتسمت بوجها أغطي حزني عفتهم ورحت للحمام ردت بس دموعي تنزل ماكو كأنو صاير حجر غسلت المكياج وبدلت طلعت خبرت  ماما وسيرين بموعد سفرهم التهت سيرين بالتحضير واني دخلت اغسللها احس هاي آخر مرة اتكون بين أدية صايرة عبارة عن هيكل عظمي وجسم منهك معقولة راح تتعالج وترجع مثل قبل اوف وتنهدت كل الاكدر عليه جاي اسويه يارب ميضيعلي تعب