أحفاد الجارحي ..ج5.. ترويض الشرس ..آية محمد رفعت

الفصل الحادي والعشرون

#ترويـض_الشـرس!  ..(#أحفاد_الجارحـي5.)
        #الفصل_الحادي_والعشرون!
(إهداء الفصل للقارئات الغاليات"تقى أحمد"،"منة مصطفى"،"أسماء يونس"،"بسملة مصطفى"،"أمل خالد"  ، شكرًا جزيلًا على دعمكم المتواصل لي، وبتمنى أكون دائمًا عند حسن ظنكم..بحبكم في الله...قراءة ممتعة 💙)
الليل في ثلثه الأخير، ومازال الجميع بخصامٍ مع النومٍ، وكأنه عدوهم الغير مرحب به بذاك الوقت، الهموم تهرول من خلفهم فتجعل الراحة أخر مسعاهم، هبط "عدي" للأسفل حينما جفاه النوم دونها، اختار الجلوس أمام النافذة العملاقة، بالقاعة الرئيسية للقصر، مضى لدقائق قبل أن يشعر بخطواتٍ تقترب منه، وقبل أن يستدير ردد:
_لسه صاحي ليه؟
ابتسم عمر وهو يجذب أحد المقاعد ليصبح قريبًا منه:
_حسيت انك صاحي.. روحتلك اوضتك ملقتكش فقولت أكيد هلاقيك تحت!
أجابه بضجرٍ يحاوطه:
_مجاليش نوم.
انتبهوا معًا لاحمد الذي دنا اليهم بالمقعد الخاص بالسفرة، فوضعه محاذاة لمقعد عمر وهو يردد بمزحٍ:
_الظاهر ان الموضوع جماعي.. ياسين نازل ورايا.
اتبعه ياسين ومازن، فجلسوا جوار بعضهم البعض، فقال مازن ساخرًا:
_فين باقي الحزب؟
اجابه ياسين:
_يمكن نايمين.
اردف عدي باستهزاء:
_محدش فيهم هنا.
ضيق عمر عينيه بدهشةٍ:
_راحوا فين بالوقت ده؟!
اتاته الاجابة صريحة حينما صدح صوت السيارات بالخارج، ومن ثم خرجوا معًا واتجهوا للداخل، جلسوا جوار بعضهم على أريكة مطولة، يراقبون نظرات باقي الشباب بتذمرٍ، وخاصة حينما اخبرهم حازم بما حدث هناك، فردد أحمد بسخريةٍ:
_كنت فاكر إن حازم بس اللي مش بيفكر بعقل طلع في عدد يفرح ما شاء الله.
منحه معتز وجاسم ورائد نظرة ساخطة، فردد ياسين بضحكةٍ مشاكسة:
_هموت وأشوف منظركم قدام ياسين الجارحي كان عامل ازاي! 
أضاف عمر ساخطًا:
_بتعيدوا المراهقة من تاني ولا أيه!  المفروض اننا بنعقل انتوا فاهمينها بأي طريقة!
خرج رائد عن صمته بنفاذ صبر لما يستمع إليه، ما كان ينقصه شيئًا حتى يستمع لسخريتهم، فقال من بين اصطكاك أسنانه:
_اللي عنده كلمة يحتفظ بيها لنفسه، احنا مغلطناش ولا ارتكبنا ذنب!
رفع عدي احد حاجبيه ساخرًا:
_ولما تطلع على السلم في نصاص الليالي ده الصح يا عاقل!
انكس رأسه أرضًا بحرجٍ، فاستطرد عدي بحدةٍ:
_أنا قولتلك استنى للصبح أنا والشباب كنا هنروح معاك بس أنت اللي اتصرفت من دماغك!
فصل مازن بين الطرفين، حينما ردد بمللٍ:
_خلاص يا عدي.. اللي حصل حصل.. المهم دلوقتي هنعمل أيه؟
تساءل معتز بعدم فهم:
_في أيه يابو نسب؟  
وضع الوسادة المطولة عن يده، ثم قال بضيقٍ يعتريه:
_أنا كنت راجع دبي أنا ومراتي أيه اللي رجعني هنا معرفش!
اتكأ جاسم للمقعد بأريحيةٍ، ثم قال ساخرًا:
_سفر أيه.. خليك هنا مصر محتاجة لشباب في طيبة قلبك يا ميزو.
كبت أحمد ضحكة كادت بالانفلات منه، وقال بجدية مصطنعة:
_جاسم معاه حق يا مازن.. سفر أيه اللي زعلان علشانه صدقني هنا أفضل من برة كتير.
قاطع حازم حديثهم حينما أتى من الخارج مسرعًا، ليخبرهم وهو يحاول التقاط أنفاسه:
_ياسين الجارحي وصل!
فور انتهائه من اخبارهم كان الجميع يهرول لاعلى، حتى ياسين وأحمد وعمر، الوقت بات متأخرًا وذاك أهم قانون بقاموس قواتين قصر ياسين الجارحي، فإن رأهم مستيقظين لذلك الوقت، باتت القاعة أكثر هدوئًا بمغادرة جميع من حوله، ومع ذلك لم يتبقى سواه، هو من قرر المواجهة في تلك اللحظة بعد ان كشف أبيه مساعدته لرائد.
كان بطريقه للصعود للأعلى، فتوقف عن استكمال طريقه حينما وجد عدي يجلس على الأريكة المقابلة للدرج، اتجه بخطواتٍ بطيئة حتى أصبح قبالته، فتساءل وعينيه تحاوطه بجمود، وبثباتٍ تساءل:
_مهربتش زيهم ليه!
ابتسامة صغيرة داعبت شفتيه، فاستقام بوقفته ثم دنا ليصبح قريبًا من أباه، ثم قال:
_وأهرب ليه.. أنا معملتش شيء يخليني أهرب من مواجهة حضرتك!
رفع أحد حاجبيه بحركته المعتادة، فكشفت أهدابه الطويلة عن عسلية عينيه، فقال بصوته الحازم المعتاد على القاء أوامره:
_اطلع نام.. كلها كام ساعة وهتنزل المقر.
والتفت ليغادر وسرعان ما توقف محله حينما قال الاخير:
_سبق وقولت لحضرتك اني مش هرجع المقر تاني، وأعتقد حضرتك اتقبلت ده!
ابتسامة غامضة تشكلت على طرفي شفتيه، فعاد ليجابهه من جديدٍ، وتلك المرة قال برزانةٍ:
_عمرك شوفت تلميذ مدخلش الاختبارات بعد مذاكرة ودراسة طول السنة؟
فشل بفهم مغزى حديثه، فاستطرد بمكرٍ:
_وأنت كذلك لو عايز تسيب المقر يبقى لازم تنجح في المناقصة اللي هيتعرض تفاصيلها بكره، وبدون ما تلجئ لمساعدة حد، وأظن إن المدة اللي قضيتها مع أحمد وياسين كفيلة تخليك تنجح، وقتها أوعدك أفكر في كلامك.
واستدار بجسده كليًا ليتجه للدرج وهو يردد:
_تصبح على خير.
تسلل خيوط الفجر مع اشراقة آذانه الهادئ الذي تسلل لأعماقه، لا يعلم لما ود أن تتحقق احدى امنياته التي فشل بتحقيقها في صغره، أسرع عدي خلف أبيه فمنعه من استكمال طريقه حينما ناداه:
_بابـا.
توقف عن صعوده، والتفت إليه يطالعه باهتمامٍ، فقال بتردد بدى بثقل كلماته:
_الفجر أذن، في مسجد قريب من هنا لو تحب حضرتك نروح مع بعض.
ضيق عينيه وهو يراقب ما يحاول ابنه الغامض فعله، فهبط الدرجات المتبقية بينهما، ثم قال بهدوءٍ:
_المسجد اللي سبق ونمت فيه قبل كده.. واضح انك بترتاح فيه وأنا حابب أصلي فيه.
وتركه مندهشًا واتجه للخارج، فتحرك عدي من خلفه ليتبعه بخطواتٍ سريعة، حتى أصبح على محاذاته فتبطئت خطاه، الهواء المنعش كان يلفحهما، والشوارع الخالية منحتهما السكينة، ربما قلة ما تشاهد ياسين الجارحي دون سيارته الفارهة، الآن يسير على قدميه جوار ابنه الذي يحارب ما بداخله من مشاعرٍ متصاربة، لا يعلم لماذا لا يستحضر غضبه وسخطه على ما فعله أبيه، وكأنه بات على ثقة بكل قرار يتخذه حتى وإن أراد ابداء غير ذلك، انحنى ياسين ليخلع عنه حذائه، فوضعه جانبًا جوار حذاء عدي الأبيض الذي يليق بزيه الرياضي، ثم ولجوا معًا للداخل، توضأ كلاهما وانضموا لصفوف المصلين، وأدوا فريضتهم خلف الأمام، وكأن الله عز وجل أرسل أراد أن يرشده بطريق ضالته، فأراد أن يشد على يده ليتمكن من رؤية ما فشل برؤيته، فقال بخشوعٍ يهز القلوب قبل المس بالابدان
«وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا»
لا يعلم لما ادمعت عينيه خلسة وهو يشعر كلمات تلك الآية، لطالما كان بار بوالدته، ولكن أباه لا يعلم اجابته الصريحة على سؤاله، مجادلته وعناده الدائم جعله في موقف حيرة، لا يعلم إن كان ينطبق على أبيه نفس الذي ينطق على والدته، كل ما يعلمه بتلك اللحظة أن عقله انجرف عن طريقه الدائم، ربما نظرته لصغيره جعلته يفق لمعاملة أباه، فنظرته لابنه مماثلة لنظرة أبيه، ومن المؤكد هو مثله لا يرغب الا بالأفضل إليه، انتهى الامام من صلاته وهو يسلم يمينه ويساره ومن خلفه المصليين، وتشتت جمعهم بعدها، منهم من جلس جانبًا بصحبة القرآن الكريم يقرأ وارده قبل عودته لمنزله، ومنهم من غادر المسجد لمنزله، أما عدي فاعتدل بجلسته وقد نوى باريحية جلسته البقاء، وحينما شعر ياسين بذلك اعتدل لجواره هو الاخير، وفجأة اندهشت تعابيراته حينما وجد عدي يتمدد واضعًا رأسه على ساقه،  تحير من تصرفه الشبيه للطفولي ومع ذلك جنى الخوف ثماره داخله، فمرر يده بحنان فوق خصلات شعره البنية، وما تعجب له حينما غفاه النوم سريعًا، ابتسم ياسين وهو يتأمله بشرودٍ، لم يسبق له يومًا الشعور بذاك الاحساس الدافئ، ابنه المشاكس يغفو على قدميه ببراءةٍ طفلًا صغيرًا مسالمًا، لا يسعى لخلق المشاكل بينهما، شعر وكأنه هو الذي يفتقد ذلك الشعور وليس ابنه، مرت أكثر من ثلاث ساعات ولم يحاول ياسين افاقته أبدًا، يده مازالت تعبث بخصلات شعره الثقيل، ويده الاخرى تراسل زوجته التي انتفضت فزعًا فور عدم رؤيتها له عند استيقاظها، عبث بعينيه بانزعاجٍ، ففتحهما ببطءٍ، برق بحدقتيه التي لمحت سجاد المسجد، فانقشعت غيمة التيهة حينما تذكر أخر احداثه، استقام عدي بجلسته وهو يتطلع لياسين بضيقٍ لحق نبرته:
_أنا آسف.. أكيد حضرتك تعبت.
وبرر بحرجٍ:
_أنا معرفش راحت عليا نومة ازاي!
نظراته كانت تتلهف لمعرفة شيئًا يبعد كل البعد عما يشغل عدي بتلك اللحظة،فقال بإِكْتَرَاثٍ:
_عمرك ما عملتها حتى وأنت صغير... طمني انت كويس؟
هز رأسه ببسمةٍ صغيرة، وقال بهمسٍ شبه ساخر:
_حبيت أعوض اللي فات من طفولتي.. ولا ياسين بس اللي مسموحله بده!
وبجديةٍ تامة ادهشت ياسين ، تساءل:
_هو معقول حضرتك تكون بتحبه أكتر مني فعلًا!
اتسعت بسمة على معالمه الثابتة، فاعتدل بجلسته ليبدو قريبًا منه، عله يستمع لحديثه الهام:
_وتفتكر أنا بعز ابنك واولاد اخواتك ليه؟
ابتسامة بلهاء رسمها وهو يحك رقبته، فاستند ياسين على مرفقيه ثم انتصب بوقفته وهو يشير له ومازالت الابتسامة تداعب شفتيه:
_يلا نرجع القصر.. آية قلقانه ومش جايلها نوم.
أومأ برأسه ولحق به، فتوقف ياسين عند باب الخروج، ثم دث يده بجيب جاكيته وأخرج من مبلغٍ، ثم وضعه بالصندوق المدون عليه "كفالة اليتيم"  ، وانحنى بالخارج يجذب حذائه، وفور انتهائه من ارتدائه، بحث حوله بغرابةٍ حينما لم يجد عدي يلحق به، فتطلع لداخل المسجد، ووجده يضع مبلغ من المال بنفس الصندوق، اتسعت ابتسامته وهمس بصوتٍ غير مسموع:
_لما كل ده ينتهي اوعدك يكون بينا تحديات تانية بس المستفاد منها اللي يستحق الصدقة والخير!
خرج عدي ثم شرع بارتدائه (الكوتشي الأبيض)  ، وما أن انتهى حتى خرجوا معًا للقصر، فصعد كلا منهما لجناحه الخاص.
                        *******
اعتلت الشمس عرشها الذهبي بتألقٍ، وكأنها تزف بداية هذا اليوم الهام، اجتمع الشباب بأكملهم بالمقر، بالغرفة الرئيسية للاجتماعات بإنتظار ياسين الجارحي، مرت عليهم الدقائق بمللٍ، حتى فتح الباب الزجاجي عثمان الحارس الشخصي، ومن خلفه دخل ياسين بصحبة الفتيات، فاتجهن للجلوس على الجانب الأيمن لمقعده الرئيسي، وعلى يساره كان يجلس الشباب في حالة من الحيرة والتخبط لما يحدث هنا، رفع عدي عينيه بها فوجدها تتهرب من التطلع إليه، وكأنها لا تحتمل عتابه القاس، حتى آسيل كان لها النصيب الاكبر حينما وجدت أحمد يتجاهل وجودها رغم جلوسها قبالته!
وشروق فطالعته بقوةٍ والغضب يسيطر على حدقتيها باحترافٍ، أما نور فلوحت بيدها بسعادةٍ لعمر الذي ابتسم باستهزاءٍ عليها، أما رانيا فاحتقن وجهها بحمرةٍ غامضة وعلى ما بدى لرائد بأنها لا ترتاح بجلستها، افتقد ياسين لوجود مليكة، فحينما هاتفها بالصباح أخبرته بأنها مازالت لم تسترد عافيتها بعد لذا ستحظى ببعض الراحة لحين تعافيها الكامل.
خيم السكون عليهم والنظرات بأكملها تتجه للمقعد الرئيسي بترقبٍ لما سيخبرهم به، مزق صوته الحازم رداء الصمت العتيق، فقال بخشونةٍ:
_سبق وأخدت قرار بتدخل البنات بادارة المقر والشركات، واللي حصل انهم مخدوش الموضوع على محمل الجد، حاليًا الأمور اختلفت والمقر محتاج ليكم كلكم، عشان كده من النهاردة مفيش تهاون.
ووزع نظراته بين الطرفين وهو يستطرد بجدية تامة:
_الامبراطورية اللي سعينا ليها أنا وابائكم على المحك بسبب مناقصة كبيرة نظمتها أكتر من شركة غربية (أجنبية)  ، ومفيش قدامنا أي حلول تانية غير ان العرضين يكونوا لينا لان مينفعش حد تاني يشاركنا في المشروع المرتبط بالمناقصة دي.
وارتشف من كوب القهوة الموضوع من أمامه على مهلٍ، ثم تابع:
_فاكرنا أنا ويحيى كتير عشان كده لقينا ان الحل الأنسب يكون لينا شركة بلوجو مختلف، والشركة دي هيكونلها أكتر من فرع تابع للمقر بس خاص للبنات.
والتفت برأسه تجاه الشباب وبدأ باملاء أوامره:
_ ياسين وأحمد اللي هيتولوا تدريب البنات وتجهيز العرض الخاص بيهم.
واتجهت نظراته للمحترف الثالث، ثم قال بغموضٍ:
_وأنت يا رائد حضر نفسك للسفر، الشركة طلبت تنفذ العرض بتاعك ولازم تكون هناك بنفسك.
اتسعت ابتسامة عدي وهو يلهو ذاته بتأمل حاسوبه، كانت خطة محترفة من أبيه لابعاد الأكثر خبرة من حوله، ليجعله عاجزًا، ليعتمد كليًا على ذاته، عساه لم يعلم عنه الكثير، لم يكن بالضعيف يومًا ليعتمد على أحدٌ من قبل، ولكنه كان بحاجة ليجمع خبرة تمكنه من قيادة المقر بحرفيةٍ تفوق أبيه، وها قد حان وقت الاختبار وله ذلك، هدوئه واتزانه أصاب الشباب بالتخبطٍ، توقعوا ثورته العارمة تجتاح قواعد ياسين الجارحي، ولكنهم زادوا دهشة حينما قال وهو يتفحص قائمة رجال الأعمال المشاركين بالمناقصة:
_مهاب أبو العزم مشارك!
تحرك مقعد ابيه الهزار تجاهه، فأكد له بحديثه الغير مباشر:
_المرادي مش هيخسر عرض واحد الاتنين!
منحه بسمة صغيرة، وحمل الحاسوب بذراعه الأيسر ثم اتجه للخروج وهو يردد:
_خسرهم من دلوقتي.
وترك القاعة وغادر لمكتبه بثقة وثبات سبب حالة من الحيرة للجميع، وعلى رأسهم عمر الذي بات لا يعلم ماذا يدور برأس أخيه!
أنهى ياسين اجتماعهم حينما قال:
_تقدروا تكملوا شغلكم.
وتابع للفتيات ثم قال:
_احمد وياسين هيكونوا معاكم متقلقوش.
اشار لأحمد الذي نهض عن مقعده وأشار لهن قائلًا:
_اتفضلوا معايا.
لحقوا به جميعهن وتبقى ياسين محله، التفت إليه أحمد وتساءل باستغرابٍ:
_مش جاي؟
اجابه بوجومٍ تغلل ليجعله حزينًا:
_هحصلكم.
أومأ برأسه بتفهمٍ، واستكمل طريقه للأعلى، فاختبأ رائد بالخارج، واستغل أن زوجته كانت الاخيرة بينهم فجذبها للرواق الطويل التابع لمكاتب الشباب..
بينما بداخل قاعة الاجتماعات.
راقب ياسين الجارحي نظراته المتوترة بتمعنٍ، فقرأ ما يتردد داخل حدقتيه قبل أن يتحدث لسانه، فخلع عنه جاكيته ثم القاه على طرف المقعد الجلدي، ومنحه اذن الحديث:
_عايز تقول أيه يا ياسين..سامعك.
ترك مقعده الاخير بين الصفوف، ودنا حتى جلس جوار عمه، لعق شفتيه بارتباكٍ وهو يبحث عن مدخل لائق بما يود قوله، واخيرًا استجمع شجاعته وقال:
_عمي أنا عارف إن حضرتك بتعمل كده مع عدي عشان يكون مسؤول وقادر إنه يتحمل مسؤولية المقر لوحده، وعارف كمان إن حضرتك عمرك ما فرضت على، حد فينا يكون موجود هنا احنا دخلنا من البداية الكليات اللي تخدمنا وتضيف للمقر وللشركات، زي ما عدي وعمر اختاروا اللي حابين يكونوا عليه.. اللي بقوله ده لسبب اني أفهم حضرتك انك لو بتعمل كده عشان محدش فينا يبص لعدم مساعدتهم لينا بالمقر فأنا مش لاقي سبب مقنع لده لأن حضرتك اللي ربيتنا وعارف اننا مستحيل نكون بالشكل ده.
وانقطع لبرهةٍ ثم استكمل بحزنٍ:
_عمر مخنوق كل ما بيحاول يبان انه كويس بيفشل في ده.. أما عدي فحضرتك بتحاول تكسر جناحته اللي اتعود يطير بيها.. أرجوك يا عمي تعيد نظر في قرارك ده بلاش تجي عليهم عشانا احنا قابلين وراضين ووجود البنات معانا هيساعدنا كتير فمفيش داعي لوجودهم.
ورفع عينيه اليه وهو يردد بتوترٍ:
_سامحني لو تجاوزت حدودي مع حضرتك بالكلام، بس أنا خلصت ذمتي.
صمته أثار قلقه بشكلٍ كبيرٍ، وخاصة غموضه الغير مرهون، يفشل في فهم مغزى هذا الصمت إن كان تقبل للأمر أم غضبًا لما تفوه به، لمسة يد ياسين على يده هو من طمئنت قلبه، وخاصة حينما تابع ببسمةٍ هادئة تزيد وقاره وقارًا:
_أنت مورثتش من أبوك غير قلبه الطيب يا ياسين، بحس دايمًا بالسعادة لانك اختيار مليكة بنتي، ومتأكد ان ربنا بيحبها عشان كرمها بشخص زيك.
ونهض عن المقعد ثم جذب جاكيته، واتجه للخروج وهو يخبره:
_اطلع للبنات وخليك جنبهم.. وخليك واثق اني دايمًا بختار الأفضل ليكم كلكم.
وتركه يراقب فراغه وغادر لسيارته على الفور، فانسحب ياسين للاعلى ليتابع ما كُلف به.
                        *******
جذبها لتقف أمام عينيه، ونظراته الثاقبة تحيط وجهها، استندت على ذراعيه، وهي تتطلع اليه باستغرابٍ اتبع سؤالها:
_في أيه يا رائد؟
وبخوفٍ مصطنع، رددت:
_أنت هتتحول تاني ولا أيه!
رد عليها بعصبية بالغة:
_خليني أنا اللي أسالك فيكِ أيه؟  احنا مش اتصالحنا امبارح وكله تمام ومقضين الليل كله حب بالموبيل!
هزت رأسها تأكيدًا لما أحضره من دلائل قاطعة، فاسترسل بغضبٍ:
_أمال قاعدة مش على بعضك ليه وعمالة تبصيلي من فوق لتحت!
أخرجت ما كبتته بداخلها حينما اندفعت تبكي على صدره وهي تطرد ما بداخلها بانفعالٍ شديد:
_أنا هموت من الوجع، نور الله لا يسامحها ملبساني كعب أطول من حياتي وقال أيه لازم نبان اننا كسيدات أعمال راقين.
ابتسم رغمًا عنه ومع ذلك ساندها، فانهارت وهي تشير له على قدميها:
_الحقني يا رائد مش قادرة أقف.
انحنى تجاهها فحملها بين يديه، ثم اتجه لاقرب غرفة ففتح بابها، والاخيرة تصرخ بها:
_مكتوب عليها عمر الجارحي!
اجابها وهو يضعها على سطح المكتب بعدما أبعد الاوراق عنه:
_مش مهم.. وريني.
انحنى على قدميه تجاهها، فرفع الصندل الذي ترتديه بصدمةٍ، ما يعرفه عن زوجته بأنها تمقت ارتداء الكعب المرتفع، ناهيك عن ذاك الارتفاع القاتل، حرره عنها وهو يعاتبها بضيقٍ:
_انتي لازم تسمعي كلامها يعني!
قالت وهي تتأوه ألمًا:
_انا كنت حابة أجرب الكعب العالي مع الجيب والجاكيت ده عشان أغريك وانتقم منك.. بس اتريني انتقمت في نفسي.
قالت جملتها الاخيرة ببكاء جعله يضحك تلقائيًا، فاستقام بوقفته ثم ضمها اليه وهو يوسيها بطريقةٍ مضحكة:
_يا ستي أنا بني آدم بيتغري بالكعب الأرضي عادي جدًا، انتي بس اللي مضخمة الامور انتي ونور!
تعلقت به بشوقٍ لوجوده لجوارها، فضمها بحنانٍ، ومع فتح باب المكتب دفعته عنها بخجلٍ، صعق عمر مما رأه فرفع يده وعينيه تتحاشى التطلع تجاههما مبررًا موقفه الذي ظنه سخيفًا:
_أنا بعتذر الظاهر اني غلطت وفكرته مكتبي.. خدوا راحتكم.
وخرج على الفور ثم أغلق الباب من خلفه، وعاد ليفتحه من جديدٍ وهو يردد بسخطٍ:
_لا ثواني أنا صح مش بهلوس.. ده مكتبي فعلًا!
انزعج رائد لحالة الخجل المسيطرة على زوجته، فاراد تخفيف حدة ما تشعر به، فثار بغضبٍ:
_تعالى اتفضل شوف أخرة عمايل مراتك.
ابتلع ريقه الجاف بصعوبةٍ، فأشار له بتقززٍ دون سماع شكواه:
_أنا already متبري منها.
ثم دنا ليصبح قريبًا من رانيا التي مازالت تفرك بأصابع قدميها المتورمة، انكمشت ملامحه فزعًا، فتساءل بقلقٍ:
_ده من أيه؟
حمل رائد الحذاء الثقيل وقدمه لعمر الذي برق بعينيه بصدمةٍ، فشدد الاخير على اخباره:
_نور اجبرتها تلبسه.. ولازم حالا تصلح غلطة مراتك وتعالجها.
لوى فمه بازدراء:
_هو انتوا ليه بتحسسوني اني ساحر! 
وجذب ورقة من على سطح مكتبه، ثم جذب أحد الاقلام ودون مرهم طبي ثم قدمه لرائد وهو يشير له بضيق:
_ابعت حد يجبلها المرهم ده، ويفضل انك تروح بنفسك عشان تشتريلها حذاء طبي.
هز رأسه ثم وضع الورقة بجيب جاكيته الرمادي، وحملها بين يديه ثم اتجه للمصعد، وهي تصرخ به:
_نزلني هتفضحني قدام مين تاني!
ابتسم وهو يصعد بها للاعلى ويهمس بغمزة مكر:
_للبنات بس.
وولج بها للطابق المخصص للفتيات ثم وضعها بغرفة المكتب.
                       ********
بالمكتب الخاص بالفتيات.
بدت هناك بعض المشاغبات باختيارهن للمكاتب وكأنهن ينتقون فساتين يرتدونها، ضغط أحمد ييده على مقدمة أنفه بانزعاجٍ لما يحدث أمام عينيه، فمال بجسده على الطاولة وأخذ يراقب ما يحدث بعدم استيعاب، تطورت الامور بينهن فقالت شروق بغضب:
_أنا عايزة المكتب اللي جنب الشباك بتنخنق أنا!
اجابتها نسرين بغضب يفوق حالتها:
_أنا مش عاجباكِ بالكورة اللي قدامك دي، أنا أكتر واحده محتاجة المكتب ده.
ردد أحمد ساخرًا:
_على أساس انكم قاعدين تحت الأرض ولا المكيف الله يرحمه ولا أيه مش فاهم!
طرق ياسين على الباب ثم استأذن بالدخول وهو يتساءل بغرابةٍ:
_في أيه؟
أشار له أحمد بنفاذ صبر لتلك المهمة الشاقة التي كلفوا بها:
_تعالى حل الخناق اللي من أولها ده.. أنا حقيقي استسلمت!
كبت ياسين ضحكاته، واتخذ الوضع الحازم فقال بصلابة:
_احنا هنا جاين نشتغل مش نتخانق.. وبعدين انتوا مترضوش ان الشباب يشمتوا فيكم من أول يوم شغل ولا أيه؟
وزعت الفتيات نظراتها لبعضهن البعض، وكأن حديثه أفاقهم لنقطة هامة أتت كل واحدة منهن لاجلها، لذا وبهدوء أدهش أحمد الذي بذل أقصى ما بوسعه انسحبت كل فتاة لاقرب مكتب إليها، برزت ابتسامة ياسين وهو يردد بإعجابٍ:
_هايل.. كده نقدر نفهم بعض!
خلع ياسين جاكيته ثم حرر جرفاته، وثتى قميصه وكأنه على وشك الالتحاق بملحمة تاريخية،بينما اتجه أحمد لمكتبه الذي يترأس الغرفة مقابل مكتب ياسين بنهاية الغرفة، وعلى طرفي الغرفة صف من المكاتب الخاصة بالفتيات، كادت آسيل بأن تقتل من تجاهله الشديد اليها، وخاصة حينما قال ياسين:
_تلاته هيكونوا مع أحمد وتلاتة معايا.
قاطعه أحمد حينما استغل قرب المكاتب منه :
_نور وشروق ورانيا معايا.. هما القريبن مني.
اخفى ياسين ضحكته وهو يراقب ملانح آسيل التي كادت بقتله حيًا، فحملت حاسوبها الوردي واتجهت لمكتب ياسين بكبرياء عجيب،اتبعتها نسرين وكذلك حملت رحمة جهازها ولحقت بهم، فتكون حلقات جماعية حول ياسين وأحمد، الذي بدأ كل منهما بشرح طبيعة العمل المطلوب منهما وما قد يساعدهن بانشاء خطة العرض، فكان عليهم استغلال العشرة أيام المتبقية بتدربيهم بالعمل على أكثر من ملف، ومراجعة ما تم اصداره سابقًا من شركات الجارحي، فجذبت كل فتاة حاسوبها وبدأت بتدقيق احد الملفات وطرح وجهة نظرها بالكتابة بالورقة البيضاء التي قدمها اليهن ياسين وأحمد، وجلسوا معًا ينتظرون ما سيقدمون، نهض ياسين عن مكتبه ثم اتجه لاحمد الذي يعبث بهاتفه متجاهلًا نظرات آسيل المحتقنة، فجلس على المكتب قبالته ثم قال بمشاكسةٍ:
_ملعوبة يا فنان.
أبعد أحمد هاتفه وهو يمنحه ابتسامة خبيثة، فاخفض صوته اليه:
_الغلطان يستحمل الخصام!
تعالت ضحكاته الرجولية، وقال بصعوبة بالحديث:
_اهدى عليها كفايا نور زمانها قايمة بالواجب وزيادة معاهم.
ابتسم ثم تلبس الجدية وهو يسأله بشكٍ:
_كنت عايز عمي في أيه؟
اخبره بضيقٍ:
_قولتله اللي واقف على لسانا كلنا.. بس كالعادة مخدتش منه عقاد نافع.
بإستنكارٍ قال:
_المعروف عن ياسين الجارحي.. لسه أول مرة تكتشفه ولا أيه؟!
_على رأيك.. هروح أشوف عملوا أيه!
واعتدل بوقفته ثم اتجه ليرى ماذا فعلن، فاتجه لنسرين أولًا، فوجدها مازالت تراجع معلومات الملف، ثم اتجه لآسيل، فقدمت له وجهة نظرها المدونة على الورقة البيضاء، ضيق ياسين عينيه وتساءل بذهولٍ:
_الميزانية مالها؟
ردت عليه آسيل وعينيها تمسك بمن يتابعها خلسة:
_الميزانية اللي اتحطت للمشروع ده كانت مبالغ فيها، حسيت ان اللي جيه من وراه مش مغطي المصاريف اللي اتمول بيه المشروع.
ابتسم وهو يردد باطراءٍ:
_برافو عليكي يا آسيل.. شكلك مش هتتعبيني.
ثم أشار لها على احد الملفات الموضوعة على طرف مكتب أحمد المسؤول عن الملفات بأكملها:
_خدي ملف من دول وخليه معاكي لما ترجعي البيت لان صعب تخلصيه هنا، الملفات دي اتقل من اللي رجعتيها وزي ما عملتي هنا هتعملي بالبيت، ورقة بيضة وتحللى المميزات والعيوب اللي نقدر نتخطاها بالمستقبل.
اكتفت باشارة صغيرة من رأسها، ثم اتجهت لمكتبه وقلبها يخفق بشدةٍ، تتمنى أن يمنحها نظرة واحدة، الأمر ليس هين بالنسبة اليها، اعتادت على ابتسامته التي تقابلها فور لقاء الأعين، تعذب قلبها وهي تراه يعمل على حاسوبه في صمتٍ تام، فسحبت أول ملف قبالتها وفي طريق عودتها فتحته لتتفحصه بفضولٍ، انتبهت آسيل لتوقيع كل ورقة كان تحوي على توقيع "رائد الجارحي"  ، هتيقنت بأن أولى المراحل هي مراجعة الملفات التي تمت عن طريق موظفي الشركات ذو المناصب الهامة، والمرحلة الثانية مراجعة عقود الصفقات التي تمت عن طريق المدراء، لاح على وجهه بسمة واسعة، فعادت سريعًا لمكتب احمد الذي أغلق الحاسوب وراقبها باستغرابٍ، احدثت حالة من الفوضى، فقامت بفتح الملفات بأكملها وهي تراقب التوقيع حتى وقع بيدها الصفقة التي تمت على يد زوجها "أحمد الجارحي"، الملف الذي حملته جعله يفهم الآن ما تفعله، فابتسم وهو يهمس لها بسخريةٍ:
_متحاوليش.. مستحيل تطلعيلي غلطة في شغلي!
كونه تحدث إليها جعل قلبها يرقص على أوتار صوته التي ترأفت بحالتها، ومع ذلك قالت وهي تتصنع تحديه:
_هنشوف.
وتركته وعادت لمكتبها ونظراته تراقبها بشغفٍ
                      *******
شوقها اليه كان يمزق نياطها، يتوسل لها بأن تتشيع منه وتستغل تلك الدقائق التي جمعتهما معًا، ليت ما تنمناه يعود، تلك اللحظات التي لومت بها ذاتك على فعل كنت تود القيام به لن تعود مهما فعلت، وأكثر ما يقلقها هو صمته الغير معهود بالنسبة اليه، افاقت رحمة من حزنها العميق على صوت ياسين الذي يناديها للمرةٍ الثالثة:
_رحمة!
رمشت بعينيها عدة مرات وهي تنبه لوجوده، فرفع ياسين ورقتها الفارغة وهو يتساءل بذهولٍ:
_فين ملاحظاتك؟
تلألأت الدمعات بعينيها، فقالت بصوتها المحتقن للبكاء:
_أنا أسفة مرجعتش حاجة.. لو ممكن يا ياسين تسمحلي أخد الملفين معايا وبكره بإذن الله هيكونوا جاهزين.
اعترض لما قالت وبرر قائلًا:
_بس كده هيبقى صعب أوي عليكي يا رحمة.
منحته ابتسامة فشلت باخفاء حزنها:
_هقدر بإذن الله.
لم يرد الضغط عليها أكثر من ذلك، خاصة وقد اتضحت له حالتها النفسية الغير مستقرة، فوافق على اقتراحها ثم سلمها الملفين..
                       ********
حملت "نور" الورقة ثم اتجهت لمكتب أحمد، الذي قام بتفحص ما ابدته من ملاحظات نالت اعجابه، وخاصة رانيا التي ابهرته واخبرته بعنجهيةٍ:
_كنت بساعد رائد كتير بشغله واتعلمت منه كتير.
ابتسم وهو يراجع ما فعلته:
_باين بصراحه.
واسترسل وهو يتابع باقي الاوراق الخاصة بشروق:
_شروق انتي حقيقي مش محتاجة مرجعة ما شاء الله متقنة جدًا.
اجابته نور بسخط:
_طبعا لانها كانت بتشتغل هنا.. يعني المفروض يا مستر تتوصى بيا لاجل الدرجات.
ضحك بصوته كله ثم قال مازحًا:
_عيوني يا نور.. بص ركزي انتي بس وفكك من الاحزاب اللي بتشنيها ضدنا دي وصدقني ربنا هيباركلك والله.
منحته نظرة مغتاظة، فضحك وهو يسلمهم الملفات ثم سمح لهم هو الاخر بالذهاب، واتجه لمكتبه.
                          *******
أغلق "أحمد" باب مكتبه من خلفه، فوجدها تلحق به، منحها نظرة ساخطة، ثم اتجه لمكتبه فصعدت فوق سطح المكتب مقابله ثم قالت بحزن:
_دي مقابلة تقابلني بيها.
أبعدها عنه ثم قال بجفاءٍ وخشونة:
_وعايزاني أقابلك ازاي وانتي سايبة البيت بدون إذن مني!  قولتلك قبل كده بلاش تقللي مني ولا تستغلي حبي وطيبتي معاكي لانك هتشوفي مني الابشع مني!
ابتلعت ريقها بارتباكٍ من جحيم عينيه القاتم، ومع ذلك لم تيأس، لجئت لاخر طريقة تود بها استعطافه، فقالت بضيق:
_أنا مش جاية أتكلم مع زوجي.. من فضلك انصرف وهاتلي صديق طفولتي المقرب اشكيله حالي.
رفع احد حاجبيه باستنكارٍ، فاقتربت بجسدها اليه وهي تردد بدلال:
_أنا محتاجه مساعدتك.. جوزي زعلان مني وعايزة اشتريله هدية شيك كده، وبما انك راجل هتقدر تختارلي شيء قيم أصالحه بيه.. لاني غلطت فيه جامد وكل اللي حواليا مغلطنيني حتى نور.
برق لعينيه للحظة، فردد بعدم تصديق:
_ناصفة النساء وكارهة رجال آل الجارحي ضدك!
هزت رأسها عدة مرات، فابتسم وهو يهز رأسه بعدم تصديق، ذمت شفتيها وهي تسترسل:
_ها قولي أصالحه ازاي.
أثنى اصبعه فاقتربت اليه تلبية لاشارته، فقال بخبث:
_قربي منه.. وبوسيه.. وقوليله وأنا أسفة.. بسيطة.
جحظت عينيها صدمة، فقالت بغضب:
_أنت بقيت قليل الادب على فكرة وبتستغل الصداقة اللي بينا لصالحك كزوج!
وضع قدمًا فوق الاخرى بتعالي، وهو يشير لها:
_بالعكس أنا بحاول أساعدك لضعف موقفك.
تلاشت ابتسامتها وجلست فوق قدميه، ثم اختبأت باحضانه وهي تردد بصدقٍ نقلته له مشاعرها:
_أنا آسفة يا أحمد.. حقك عليا.
ربت بحنان على ظهرها ومال برأسه على خصلات شعرها، فاستكانت بين ذراعيه بصمتٍ اطبق على كلاهما.
                           ******
بمكتب عدي
مضت الساعات عليه ولم يشعر بمن حوله، صب تفكيره على العرض المبدئي الذي وضعه بنفسه، لم يشغل باله بأي شيئًا أخر سوى التفكير بهزيمة مهاب أبو العزم، كان عليه رد الصاع اليه مجددًا، وهو يعلم بأنه الخلاص له من ذاك العمل الغير محبب اليه، تسلل اليه طرقات باب مكتبه ومن بعدها ولج ياسين للداخل وهو يتساءل بحيرةٍ:
_مش مروح ولا أيه.. الشباب مستانين تحت.
أشار له وهو يغلق حاسوبه:
_جاي.
ثم رفع هاتفه ليمرر اتصاله باحدهم، وهو يخبره:
_استنى أنت والرجالة هناك وأنا مسافة السكة وأكون عندك.
ضيق ياسين عينيه باستغراب، فساله باستفهامٍ:
_مين دول يا عدي!
نهض عن مقعده ثم جذب جاكيته، فعاونه ياسين على ارتدائه:
_دول حرس امني يا ياسين... أنا مش ضامن مهاب أبو العزم اللي كان ورا اللي حصل معايا أنا ورائد ولا لا، وبما إن البنات بقوا جزء من الشغل والصفقة فلازم نأمن ليهم حماية خاصة انهم بالوقت ده بعيد عن القصر!
قال بتعجبٍ:
_لو كلامك صح تفتكر إن عمي كان هيسيبه حي!!
اشار له بتخبطٍ:
_مهو ده اللي مش فاهمه.. بس بحاول اتصرف على الاساس ده
واسترسل وهو يتجه للخروج:
_يلا نتحرك.
                  ******
صعق ياسين حينما علم من عثمان بما يخطط عدي لفعله، وخاصة بعد ان تلاقى تفاصيل المناقصة، ما خشاه وابعده عنه بكل قوته يقترب منه عدي بذاته مثلما يريد هذا الارعن، صدمته زادت اضعافًا حينما علم بأنه كلف احد رجاله بمعرفة كل شيء متعلق بمهاب ابو العزم، وانه يود اللقاء به باسرع وقت للتفاوض بينهم بامر هام!!، فامره بضرورة التدخل ومنع ذلك الرجل من الوصول لشركة مهاب وبالفعل تمكن عثمان من ذلك وقد وصل لعدي خبر بما فعله ابيه!
                         ******
اجتمعت الفتيات بالغرفة العلوية للمنزل، وكلا منهن تجلس أمام حاسوبها ومن أمامها أوراق الملف، اكتفت مليكة بمراقبتهم بصدمة وخوف من مصيرها، فهي لا تحبذ الخوض في تلك المشاقة، ولكنها سعيدة كونها ستكون برفقته، ولجت مروج للداخل، فوضعت صينينة السندوتشات والعصائر على الطاولةٍ ثم قالت بغرور:
_عشان تعرفوا بس اني بحبكم.. ياريت متنسوش الواجب ده.
جذبت شروق احد الفطائر ثم قالت:
_انتي ومليكة اللي خلعتوا.
اجابتها بمرح:
_حبيبتي انا مالي بيكم.. كلها كام يوم وهرجع انا وميزو دبي!  انا بنفسي رفضت واقنعت عمي بصعوبة اني مش تبعكم.
رددت نسرين بسخط:
_نفدتي يا بت والله.. بس مليكة كلها كام يوم وتشرف.
قالت رانيا بمزحٍ:
_لو تلاحظوا يا بنات مليكة كل ما تولد عيل عمي يصمم ينزلنا المقر المرة اللي فاتت نفدنا وكلنا اتلبخنا في الاولاد المرادي معتقدش عمي مصمم اننا يكونلنا مكان.
قالت نور بجدية:
_بصراحه شايفة انه معاه حق.. انتوا مش مليتوا تشفوا نفسكم غير ستات بيوت.. من حقنا يكون لينا طموحات واحلام نحققها ونسعى ليها.
اكدت مليكة عليها:
_فعلا يا نور معاكي حق.. بس دي مسؤولية صعبة جنب مسؤولية الاولاد.
ردت عليها داليا قائلة:
_الست بطبعها بتستحمل اي حاجة يا مليكة... والاولاد عمر ما هيجي عليهم وقت تنتهي فيه مشاكلهم ولا وقت مش هيحتاجونا فيه لذا انا مع نور جدًا اننا لازم يكون لينا هدف نسعى له.. على فكرة انا جاسم رفض اني اطلع معاكم النهاردة عشان كده فضلت عنده بالمكتب وعلمني حاجات كتيرة جدًا، بصراحه اتفاجئت بيه.. هو مش بس زوج مثالي لا ذكي جدًا وعجبتني دماغه.. حقيقي استفدت منه جدًا.
نور بملل:
_دخلنا في المحن اهو... البداية كانت حلوة وتحمس نهاية الكلام معجبتنيش.
ضحكوا جميعًا، فتخلت رحمة عن صمتها ثم قالت بغضب:
_ما تسيبي البت تحب في جوزها ايه مشكلتك معاها كمان!
كادت بأن تجيبها ولكن فجأة تخلل اليهم مسمع صوت قوي قادم من الاسفل، ارتعبن جميعًا وتسللن للاسفل لمعرفة ما يحدث، لم تكن الفتيات تمتلكن شجاعة تأهلهن للسيطرة على الأمر، وخاصة بأنهن من تركوا القصر وتمردن على أزواجهن، فقد خطط "ياسين الجارحي"  جيدًا للبقاء بمنزل منعزل عن الشباب بعد أن وكلهم بالوقوف أمام الشباب بتلك الصفقة، فازدادت الامور ربكة بينهم، لذا قرروا بترك القصر والانعزال بذلك المنزل حتى تتم المحاربة بينهم على ألهبة من النيران، وها قد أتت لحظة ملأها الندم لاتخاذ مثل هذا القرار الأحمق، كسر الصمت المطبق بينهن أسفل منضدة الطعام المطولة صوت "مليكة" المرتجف وهي تهمس اليهن:
_تفتكروا ده حرامي!
ردت عليها "آسيل" برعبٍ:
_حرامي هيدخل يسرق أيه من بيت زي ده يا مليكة!
قالت "شروق" برهبةٍ:
_طب يعني الصوت ده مصدره ايه، مهو الناس اللي برة دي مش جايلنا زيارة يعني!
ابتلعت "رانيا" ريقها الجاف بصعوبة بالغة، وهي تطرح خيارًا اضافيًا من امامهن:
_تفتكروا الشباب يكونوا بينتقموا من اللي عملناه فيهم فبعتوا ناس تخلص مننا؟
أكدت "نسرين" الأمر:
_أنا مع رانيا، اكيد طبعا بعد ما قلينا معاهم واستقوينا بعمي ياسين حبوا يخلصوا مننا خالص.
قالت مروج بندم:
_انا مش عارفة ايه اللي خلاني اسمع كلامكم بس، طب انا لا ليا لا في شغلكم ولا لخططكم ايه اللي مشاني ورا كلام نور وخلاني اسيب بيتي وأولادي واجي هنا!
رددت شروق بخوفٍ:
_اخرتها موتة شريفة رحيمة وبنت ناس ومحترمة لينا وللي شار علينا الشورة المهببة دي.
صاحت "داليا" بغضبٍ سيطر عليها:
_كله من نصايح استاذة رحمة والمؤرخة نور اللي عملنا فيها جيمس بوند دي.
اجابتها  "نور" بحدةٍ:
_تصدقوا انا غلطانه اني بعملكم كيان وقيمة قدامهم.. دول لغوا شخصياتكم خالص، وبعد ما خليناكم تثبتوا نفسكم قدامهم تلومونا.. ايه ذنبنا ان رجالتكم طلعوا قتالين قتلة؟
لكزتها رحمة بغضب:
_قطع لسانك عدي مستحيل يكون كده، هو بس واخد على خاطره مني بس متوصلش لدرجة انه يقتلني!!
كزت مليكة على اسنانها بعصبية بالغة:
_ده وقت خناق.. هتفرحوا يعني لما يلاقوا مكانا ويخلصوا علينا!!
تهدلت معالمهم بيأس، فقالت رحمة بصوتٍ اشبه للبكاء:
_طب نعمل ايه دلوقتي، اتصل بعدي يجي يلحقنا هو خبير بالتعامل مع المجرمين وهيعرف يتصرف!
كادت "آسيل" بأن تدك عنقها وهي تصرخ بانفعال:
_بتسألينا نعمل ايه وانتي ووش الندامة دي السبب ده انا هطلع بروحكم النهاردة.
فصلت بينهن مليكة وهي تصيح بتريث:
_بس يا بت منك ليها، احترموا وجودي الله..
التفت نور اليهم  لتشير لها بسخرية:
_انتي من اول وقعة كده عايزة تجري لاحضان سي عدي ما تنشفي كده امال.
اجابتها بنفس النبرة الساخرة:
_انشف!!.. نور يا حبيبتي انتي ليه مش مقدرة اللي احنا فيه يا ماما. في مجرمين برة داخلين علينا باسلحة واحنا لوحدينا من غير راجل!!
رمشت بعينيها بمللٍ:
_وفيها ايه احنا يعني منعرفش ندافع عن نفسنا!
قالت "رانيا":
_نعم هندافع عن نفسنا ازاي يعني واحنا مستخبين زي الفار المبلول، لا احنا نتصل بيهم افضل انا مع حل رحمة.
اشارت لها بتفاؤل:
_بصي على النقطة الايجابية احنا مستخبين بالمطبخ حيث الاسلحة وما يلزم استخدامه من مسحات وحلل ومقشات واهمهم السكاكين!
اشارت لها نسرين بصدمة:
_سكاكين هي الحكاية هتوصل للدرجادي... لا انا على وش ولادة ابوس ايدك روحيني.
ربتت نور على كتفيها وهي تمنحها ابتسامة غريبة:
_خلاص هنديكي مقشة احسن.. المهم تكوني مرتاحة للسلاح اللي هتحاربي بيه عشان تقدري تستهدفي اصابة صح.
ثم اتجهت نظراتها لهن لتبدأ بتوزيع المهام:
_وانتي يا شروق هنديكي الغطيان بتاعت الحلل، عايزكي تمسكي الراس كده بالغطا خبطة شمال وخبطة يمين بحيث يجيله ارتجاج بالمخ فهماني؟
جحظت عينيها في صدمةٍ، وقبل ان تستوعب ما تقول تسللت نور من أسفل المنضدة ثم بدأت رحلتها بالبحث بالمطبخ عما يمكن استخدامه، فناولت شروق اثنين من غطى الاوعية، ولنسرين ورانيا عصا استخراجتها من المقشات اليدوية، بينما قدمت لرحمة خبازة معجبات البيتزا الضخمة، ولمليكة منحتها وعاء يحمل خليط من توابل الشطة والفلفل الاسود، وهي تؤكد عليها استهداف الاعين، بينما منحت مروج ومليكة شوكات حادة وما يتوفر لديهم من سكاكين صغيرة الحجم، واستخدمت هي مفتاحًا خاص بالانابيب ثم وزعت نظراتها بينهن وهي تردد باعجاب:
_كده تمام... توكلنا على الله.
اوقفتها رحمة بصدمة:
_هو احنا اللي هنهجم كمان!
اشارت لها بتاكيد:
_طبعا امال نستنى لحد ما يخلصوا علينا!
اقتربت منها مليكة ثم قالت بارتباك:
_طب ما نكلم بابا أحسن.
صاحت بها بانفعال:
_ونقلق عمي ليه الله الراجل لسه راجع من المقر هلكان بعد ما سلمنا المهمة، نشده لجريمة هو بغنى عنها.. احنا نخرج ونقولهم احنا تبع ياسين الجارحي على طول ونديهم درس مينسهوش.
ثم اتجهت ناحية الباب وهي تشير لهن، فاتبعوها للخارج..
خشى كبير الحرس من أن يكون أصابهن السوء،خاصة لعدم سماع أي صوت بالداخل،فاقتحم وهو ورجاله المنزل،انتهى بعض الرجال من البحث عنهم بالاعلى وحينما لم يجدوهم هبطوا لاستكمال البحث بالاسفل، فتسللت الفتيات بقيادة نور من خلفهم ثم رفعت نور ما تحمله وهي تصرخ قائلة:
_بينا يا بنــات.
وهبطوا بما يحملوه فوق رؤؤسههم والاخرون بصدمة كبيرة لم يتمكن احدًا من الافاقة بما يحدث هنا وخاصة بمن يقفوا على الباب وصدمة ما يحدث لرجاله قد كممت الافواه، تأوه أحد من الرجال حينما لطخت عينيه بمزيج من الشطة الحارة فصاح بصراخ:
_عيــــــــــــني... الحقــــــــونا.
ضحكت الفتيات بثقة لما تمكنوا من احداثه، فقالت نور بغرور:
_بقوا انتوا سايبن الدنيا كلها وجايين عندنا برجليكم... ده احنا سيدات أعمال قويات.... خد دي.
وقامت بلكمه بالمفتاح الحديدي، فصرخ نجدة برئيسه الذي يقف بالخارج مصدومًا:
_الحقنا يا عدي باشـا.. أبوس ايدك!!
رددت رحمة بدهشة:
_وده يعرف عدي منين؟
قال أحد من الرجال بسرعة لينجو بحاله:
_عدي باشا وأحمد باشا وعمر باشا وياسين والله نعرفهم كلهم.
قالت رحمة بشك:
_يبقى انتوا استغليتوا اننا بعيد عنهم وجاين تنتقموا مننا ، اكيد انتوا تبع الراجل اللي خطف مروج .. اتوصوا بالرجالة يا بناااات...
انصاعت لها الفتيات وتحمسن حينما افتكت بهم ضرباتهم أو هكذا ظنوا فان شاء الرجال لابرحوهم ضربًا ولكنهم يخشون حتى مجرد مقاومتهم خوفًا من رئيسهم، فقطع تلك الفوضى صوت بات صادمًا للجميع اتاهم من خلفهم يردد:
_ما شاء الله.. بقيتوا بلطجية كمان!
استدرت الفتيات للخلف فصعقوا حينما وجدوا الشباب من خلفهم، افواههم تكاد تصل للارض، فاقترب احمد من اسيل ثم جذب الشوكة التي تحملها وهو يردد بصدمة:
_دي ايه يا اسيل انتي هاجمه على طبق سلطة!
اضاف حازم ساخرا:
_المقشات لا يعلى عليها بس مش لحرب فيها اسلحة!!
وردد ياسين بغيظٍ:
_ارمي يا حبيبتي خلة السنان اللي انتي ماسكها دي وتعالي جنبي هنا.
القت مليكة السكين الصغير عن يدها ثم أسرعت هي واسيل لتقفن خلف نور ورحمة التي كاد قلبها بالتوقف رعبًا، اشتعلت نظرات عدى غضبًا وصاح بمن جواره:
_ساعدوهم.
انصاع اليه جاسم ورائد فاسرعوا تجاه الرجال وكلا منهما يحاول ايقاف الاخر، فخطو ببطء خلفهم، وقف زعيمهم أمام عدي ثم قال بفزع:
_أنا نفذت اوامرك وجت هنا يا عدي باشا بس زي ما حضرتك شوفت اتبهدلنا انا ورجالتي.
اجابه وهو يحك مقدمة انفه بحرج:
_معلش يا صلاح انا هعوضك انت ورجالتك عن الهبل ده.
اخبره عمر الذي تمكن من السيطرة اخيرًا على صدمته:
_استنوني برة انا هعالج الجروح بنفسي..
هز راسه بوقار لهم ثم كاد بأن يلحق برجله ولكنه استدار تجاه الفتيات ثم تطلع لعدي قائلًا:
_ دول مش عايزين حراسة ما شاء الله يحرسوا مديرية.
أسرعت نور تجاهه، فتراجع الرجل للخلف بخوف ولكنه وجدها تخبره بابتسامة واسعة:
_شكرا لشهادتك الغالية دي يابوصلاح خد بالك بقى من نفسك ومتعملهاش تاني وتدخل بيوت الناس من غير استأذان وخاصة لو كانوا ستات يكفيك شرهم وشر طريقك.
هز الرجل رأسه عدة مرات، ثم غادر على الفور بينما منحها عمر نظرة نارية ثم قال من بين اصطكاك اسنانه:
_عملت ايه في حياتي عشان ربنا يبتليني بيكي!
وأمسك بها من قبعة البيجامة التي ترتديها ثم هبط بجسدها للاسفل وهو يصيح:
_عملالي فيها زعيمة عصابة، بتضربي الرجالة يا نور!!
قالت بخوف:
_هما دول رجالة دول كسر حرب!
فصل عدي بينهما وهو يصيح بشراسة:
_عمر ارجع مكانك.
استمع اليه وعاد ليقف محله، بينما خرج عدي عن زمام رزانته حينما اخشوشنت نبرته:
_ارموا لعب العيال اللي في ايديكم ده واتفضلوا غيروا هدومكم وحالا على العربية مفيش بيات هنا بعد النهاردة وشوفوا بقى مين اللي هيقدر يوقفني عن قراري ده..
_أنا اللي هوقفك!
اتجهت جميع الأنظار تجاه الصوت الذي يعد مذبحة قابضة للشباب ونجاة للفتيات، فرمش "عدي" بعينيه عدة مرات وهو يحاول السيطرة على انفعالاته التي لن تجدي نفعًا أمام أبيه، بل قد تزيد الامور سوءٍ أمام شخصان يمتلكان نفس العناد، فبالنهاية لن يناطح أبيه، وبالتأكيد سيبدى رأيه ولكن باحترامٍ يستحقه من أمامه لذا اختار جيدًا ما أجابه به:
_وأنا أكيد هحترم كلام حضرتك بس اللي حصل هنا يخليني أخد قرار زي ده، فلنفترض أن في حد فعلًا اتهجم عليهم انهم يواجهوه تصرف صح!!
نظرات صلبة متحجرة، لم تنخضع ابدًا لذلك المبرر الغير مقبول منه، فحرر لسانه لينقل عنه جزء من ثباته المعهود:
_لما تعلم رجالتك الأول تحترم البيت اللي دخلينه تعالى وحاسبني على تصرفاتهم.
وأشار "ياسين" بيديه على باب المنزل وقد علت نبرته لتصبح أكثر من ذي قبل:
_في باب يتخبط عليه أكتر من مرة لحد ما واحدة فيهم تفتحه.. اللي حصل ده حسابه عندك وعند الكلب اللي دخل هنا.
ثم تابع بحدةٍ:
_أما بقى بالنسبة لقرارك بالرجوع فأنا مش هجبر بنت من بناتي انهم ينخضوا لقرار حد، كل واحدة عاقلة كفايا انها تقرر اللي هي عايزاه.
وأشار بيديه بغضبٍ قد سكن عسلية عينيه الساحرة:
_مش عايز أشوف حد فيكم هنا، وخليك مطمن أنا أعرف ازاي أحمى حرمة بيتي مش مستنيك تبعت الاغبية دول يحرسوا بيت من بيوت ياسين الجارحي.
يعلم بأن ما ارتكبه بحق أبيه كان خطًا ولكن مازال حتى تلك اللحظة يدفع ثمنه هو والشباب، انسحب الشباب بأكملهم للخارج خوفًا من أن تتطور الامور بينهم وبين "ياسين " وخاصة بأنه لن يمرر ما حدث هنا بسهولة، أما عدى فمنحها نظرة أخيرة تتوق لضمها إليه، فقلبه يئن لوعة لفراق عشقها، ثم كاد بالخروج خلف أبناء عمه ولكنه توقف والتفت تجاه أبيه الذي يقف بشموخٍ يضاهي الجبل الصامد بقرار اعتزاله رؤية العالم من حوله،  فقال بحزن التمسه ياسين بلهجته:
_حتى لو أنا غلطت في اللي عملته فالشباب ملهمش ذنب يدفعوا تمن الغلطة دي معايا،  أنا اللي أخدت القرار ده وأنا المسؤول عنه.
ثم اتجه للخروج فتوقف فور سماعه امره الصريح:
_مكانك.
استدار اليه عدي فوجده يدنو منه حتى أصبح قبالته، فتطلع اليه بنفس تلك الأعين التي ورثها  عن أبيه، وترقب سماع ما سيقول....فاختلى ياسين بالصمت وكأنه ملكًا يتحكم به فمزقه حينما قاطعه قائلًا:
_ الخسارة عمرها ما كانت فلوس وبس، لو فاكر أن غضبي وعقابي ليك دلوقتي سببه العرض تبقى متشبهنيش في شيء، كيان الجارحي مش بس مصدر قوته الفلوس والممتلكات، العلاقة اللي زرعناها بينكم تعبنا أوي عشان تكون بالقوة والترابط ده، ومساندة ولاد عمك ليك دلوقتي أكبر دليل على نجاحي باللي عملته طول السنين اللي فاتت والمفروض انك تكون مكاني بالنسبالهم .
ورفع اصبعه أمام وجهه وهو يستطرد بانفعالٍ:
_أنت بالذات مينفعش تغلط... لأنك مسؤول عنهم لو غلطت هتوقع الكل والخساير مش هتكون صفقات ولا فلوس الخساير هتبقى أكبر من كده.. والمؤسف ان كل اللي بنيته انا ويحيى متوقف عليك وغلطة تاني زي دي هتهد كل اللي اتبنى، ويمكن المرادي أنا لحقت الموقف ومنعتك توصل للكلب ده وتتفاوض معاه  بس الله أعلم المرة الجاية اذا كنت هقدر ولا لا..
ودنى منه قليلًا وهو يردد الكلمات ببطءٍ حذر:
_مش هسمحلك تغلط تاني يا عدي... حتى لو كانت قسوتي عليك هتكرهك فيا.
برر له قائلًا:
_مكنتش هتفاوض معاه.. دي حجة عشان اقابله في حاجات كتيرة محتاج اعرفها.. الشخص ده من وقت ما ظهر وفي حاجات كتيرة بتحصلي وللي حواليا!!
توترت نظراته وقد غامت بغضب ساكن فصاح به:
_ بطل تداري فشلك ورا تحقيقات الشرطة اللي ملهاش مكان وسط رجال الاعمال دي.
وبجمود استرسل:
_حصل ولاد عمك.
تعمق بالتطلع اليه قبل أن يلحق بهم للخارج، بينما استكمل ياسين خطواته الثقيلة للداخل ثم جذب أحد المقاعد ليجلس بمنتصف الردهة مقابل الفتيات التي تتشبثن ببعضهن البعض في توتر لحوار ياسين الصارم، فخشين أن يطالهم غضبه المخيف ولكنهم تفاجئوا حينما ارتسمت ابتسامة جذابة على طرفي شفتيه وهو يثني عليهما بصوته الرخيم العذب:
_أنا فخور بيكم!
القت الفتيات ما تحمله من اسلحة مضحكة واجتمعوا من حوله، فقالت مليكة :
_كنت واثقة ان حضرتك هتيجي.
ضمها اليه وهو يشير لها بحنان:
_أنا مقدرش اتخلى عنكم يا حبيبتي.
ثم اشار لهم بمزحٍ:
_انا طلبت اكل لينا كلنا... نتعشا مع بعض واطلعوا كملوا شغلكم مش عايزهم يشمتوا فيكم.
ضحكت الفتيات وبالفعل شاركهم ياسين العشاء ثم غادر للقصر مجددًا، فصعدت الفتيات باكملهن للاعلى للنوم بعد ان قضوا ساعات الليل بالعمل على الملفات، وتبقت رحمة بالاسفل تجمع الاطباق وتنظف المكان جيدًا بعد محاولتها للنوم الفاشلة، فقامت بتنظيف الردهة الرئيسية وفجأة استمعت لطرقات خافتة على باب المنزل، تطلعت للساعة الموضوعة على الحائط فوجدتها الثالثة صباحًا وقبل ان تتجه لتيقظ الفتيات استمعت لصوته يأتي من خلف الباب:
_رحمة أنا عدي افتحي!
ابتلعت ريقها بتوترٍ، فاتجهت لتحرر مقبض الباب، ولج عدي للداخل يتطلع لحدقتيها التي لا تفارق عينيه، اخفضت عينيها عنه وهي تردد بتوتر:
_رجعت تاني ليه يا عدي انت مسمعتش كلام عمي!
اخرجته عن هدوئه، فصرخ بها باندفاع:
_يعني انتِ اختارتي ياسين الجارحي وفضلتيه عليا يا رحمة!
ازدردت حلقها الجاف بصعوبة بالغة، وهي تحاول استجماع كل ذرة شجاعة امتلكتها يومًا، فقالت:
_مين قال كده!
قوس جاجبيه ساخرًا:
_اللي مخبياه عني  ووجودكم بالبيت ده تسميه أيه!!
رفعت عينيها اللامعة بالدمع، فصاحت بصوت مرتفع يفرغ ما بداخلها:
_سميه ثقة في قرار أخده والدي، أو اختيار الصح ليا وليك،  التهور والاندفاع اللي انت فيه ده يا عدي اخرته صعبة.
جحظت عينيه صدمه، فجذبها اليه وهو يردد بعدم تصديق:
_انتي شايفاني كده يا رحمة!
هزت رأسها وهي تؤكد له:
_الكل شايفك كده.
شدد من ضغطه على راسغها وهو يردد بتصميم:
_اوكي... شوفيني زي ما تحبي بس أنا مش ماشي من هنا غير لما تقوليلي بتحاولي تداري عني أيه.
دفعته بعيدًا عنها وهي تفرغ ما بداخلها:
_كفايا بقى كفايا... انا مبقتش حمل نظراتك وكلامك.. مبقتش قادرة ادافع عن نفسي قدامك.. بقيت بكره ضعفي وبحاول ابرر لكل اللي حواليا انك أحن انسان عليا حتى بقيت ببرر لنفسي يا عدي... انا بقيت بكره تحكماتك وشخصيتك الصعبة، عشت عمري كله بخاف من ابن عمي اللي كان محاصرني من كل اتجاه وجيت انت وعملت نفس اللي بيعمله بس الفرق بينكم اني حبيتك..حبيتك وأنا بتمنى اتغير من جواليا بوجودك.. نفسي استقوي بيك زي ما أي ست بالدنيا بتستقوى بجوزها.. انا بخاف حتى من اني اتعشم في الامل ده.
وخرجت عن رزانتها حينما دفعت الزجاج المحاط بها، فتهشم واسقطت الطاولة وهي تصرخ بانهيار:
_كفايـــا حرام عليكم.. انا بني آدمة ومن حقي اقول لا مش حابة اتكلم في شيء يخصني لانه ببساطة يخصني.. مش عايزة اخاف من حد غير من اللي خلقني.. مش عايزة اخاف منك ولا من غضبك الغريب.
ابعدها عدي عن الزجاج وهو يشير لها بصدمة:
_طب اهدي... هتتأذي باللي تعمليه ده!
كان يعلم بأنها تتعرض لبوادر ازمة نفسية حادة، ولم يتمكن من احتوائها زاد من الامر سوءًا وها قد يحصد ثمار عصبيته، ابعدته رحمة عنها وعادت لصراخها ببكاء يفطر القلوب:
_علاقة حبنا ملهاش مثيل.. قصة غريبة مستحيل حد يصدقها، بس فيها عيب يخلي محدش يتمنى يعيشها.. الخوف والرهبة اللي عايشاهم بسببك يا عدي..
وببطءٍ رددت:
_أنا بسببك بقيت أضعف من الاول... بقيت بخاف من خيالي.. بخاف من صوت الباب بليل وانا لوحدي، يمكن بتطمن لوجودك بس لما بتغضب بحس انك بتكسر العالم اللي عيشتني جواه.. انت شايف ان رائد متهور انا شايفاك ابشع منه... يمكن تكون اتغيرت بالفترة الاخيرة بس انا مش قادرة اشوفك غير بالصورة اللي اتعودت عليها.
ولكزته بقوة وهي تخبره :
_اطلع بره... اخـــرج بره!
ليت انحطام قلبه يصدر مثل تلك الاصوات التي نتجت عن الزجاج المكسور، اخرجت تلك الضعيفة كل ما كيت داخلها، وها هي تمضي على اول خطوات علاجها النفسي مثلما أراد ياسين، تمضي وقلبها يزداد ألمًا، استدار ليغادر فمضى بخطواتٍ ثقيلة حتى وصل لسيارته، القى بثقل جسده على الدركسون، احتضن وجهه لقليلٍ من الوقت عله يتمكن من معافرة كل ما يناطحه، جسده لم يعد بحاجة لاستقبال المزيد من الجروح، جرحه بات نفسي وجسدي، حرك عدي مفتاح سيارته ليتحرك بها عائدًا للقصر، فتفاجئ بها تقف أمام سيارته باكية بصوت صاخب، فاتكأت على مقدمة سيارته وارتمى جسدها منه للارض ولسانها يردد جملة واحدة:
_متمشيش!
أسرع خارج سيارته، ليحملها عن الارض بفزعٍ، فوجدها تفقد وعيها تدريجيًا وكلماتها تعيد على مسمعه من جديدٍ:
_متمشيش!!!
.............يتبع.......
#كلام_مهـــــــــــم..
السلام عليكم حبيباتي، متابعات صفحتي الخاصة وجروباتي عارفين اني بمر بوعكة صحية، وهي عيوني الورمة، وطبعًا تابعتوا معايا كلام الدكتور واصراره على البعد التام عن الموبيل، والله انا عيوني حرفيًا مش بتلحق تتعافى من الادوية بسبب الموبيل، ولو بقيت كويسة بتتنكس تاني للاصعب، فبعد رجاء خاص مني لزوجي ولافراد عائلتي وعدتهم اني مش هبعد عن السوشيل ميديا لفترة غير لما اختم رواية الجارحي عشان محدش ينتقدني بالشكل البشع اللي مش حابة اوصل ليه، لذا بجتهد وربي يعلم اني اكتبلكم اخر عشر فصول بالجارحي ازاي، بس عندي مشكلة اني سبق ووعدتكم اني هعملكم بالجزء حلقات عن ايام رمضان والعيد، وبما اني ربنا قدرني وقدرت اوفي بوعدي ليكم وانزلكم نوفيلا لحظات خاصة عشر فصول والجزء ده هيكون 30فصل باذن الله هخلص معاكم الجزء واخد الاجازة لحين اتعافى باذن الله ولما هرجع هنزلكم نوفيلا ختامية تليق لسلسلتنا الجميلة  احفاد الجارحي، النوفيلا هتكون من خمس لعشر فصول خاصين برمضان والعيد عندهم وهتكون بعد فترة من احداث الجزء بمعنى ان الجزء هيتقفل تماما ومفهوش احداث معلقة عشان محدش بتضايق مني، ويكده هنكون قدمنا نوفيلا افتتاحية (عشر فصول)  ، وجزء كامل (30فصل)  ، ونوفيلا ختامية واكون وفيت بوعودي ليكم ومقللتتش من احترامي ليكم.. واخيرا شكرا لدعواتكم ولرسايلكم سامحوني مش قادرة ارد على كل الرسايل.. ويارب الفصل يكون عجبكم... بانتظار رايكم.. بحبكم في الله ♥
#Aya..
**********_______***********