#استكمالًا_لأقتباس_الجارحي5 (بناء على طلب القراء. ❤)
_أنا اللي هوقفك!
اتجهت جميع الأنظار تجاه الصوت الذي يعد مذبحة قابضة للشباب ونجاة للفتيات، فرمش "عدي" بعينيه عدة مرات وهو يحاول السيطرة على انفعالاته التي لن تجدي نفعًا أمام أبيه، بل قد تزيد الامور سوءٍ أمام شخصان يمتلكان نفس العناد، فبالنهاية لن يناطح أبيه، وبالتأكيد سيبدى رأيه ولكن باحترامٍ يستحقه من أمامه لذا اختار جيدًا ما أجابه به:
_وأنا أكيد هحترم كلام حضرتك بس اللي حصل هنا يخليني أخد قرار زي ده، فلنفترض أن في حد فعلًا اتهجم عليهم هل انهم يواجهوه تصرف صح!!
نظرات صلبة متحجرة، لم تنخضع ابدًا لذلك المبرر الغير مقبول منه، فحرر لسانه لينقل عنه جزء من ثباته المعهود:
_لما تعلم رجالتك الأول تحترم البيت اللي دخلينه تعالى وحاسبني على تصرفاتهم..
وأشار "ياسين" بيديه على باب المنزل وقد علت نبرته لتصبح أكثر من ذي قبل:
_في باب يتخبط عليه أكتر من مرة لحد ما واحدة فيهم تفتحه.. اللي حصل ده حسابه عندك وعند الكلب اللي دخل هنا.
ثم تابع بحدةٍ:
_أما بقى بالنسبة لقرارك بالرجوع فأنا مش هجبر بنت من بناتي انهم ينخضوا لقرار حد، كل واحدة عاقلة كفايا انها تقرر اللي هي عايزاه...
وأشار بيديه بغضبٍ قد سكن عسلية عينيه الساحرة:
_مش عايز اشوف حد فيكم هنا،وخليك مطمن أنا أعرف ازاي أحمى حرمة بيتي مش مستنيك تبعت الاغبية دول يحرسوا بيت من بيوت ياسين الجارحي...
يعلم بأن ما ارتكبه بحق أبيه كان خطًا ولكن مازال حتى تلك اللحظة يدفع ثمنه هو والشباب، انسحب الشباب بأكملهم للخارج خوفًا من أن تتطور الامور بينهم وبين "ياسين " وخاصة بأنه لم يصفح عنهم بعد، أما عدى فمنحها نظرة أخيرة تتوق لضمها إليه، فقلبه يئن لوعة لفراق عشقها، ثم كاد بالخروج خلف أبناء عمه ولكنه توقف والتفت تجاه أبيه الذي يقف بشموخٍ يضاهي الجبل الصامد بقرار اعتزاله رؤية العالم من حوله، فقال بحزن التمسه ياسين بلهجته:
_حتى لو أنا غلطت في حق حضرتك فالشباب ملهمش ذنب يدفعوا تمن الغلطة دي معايا، أنا اللي أخدت القرار ده وأنا المسؤول عنه.
ثم اتجه للخروج فتوقف فور سماعه امره الصريح:
_مكانك.
استدار اليه عدي فوجده يدنو منه حتى أصبح قبالته، فتطلع اليه بنفس تلك الأعين التي ورثها عن أبيه، وترقب سماع ما سيقول....فاختلى ياسين بالصمت وكأنه ملكًا يتحكم به فمزقه حينما قاطعه قائلًا:
_ الخسارة عمرها ما كانت فلوس وبس، لو فاكر أن غضبي وعقابي ليك ده سببه تبقى متشبهنيش في شيء، كيان الجارحي مش بس مصدر قوته الفلوس والممتلكات، أنت بغلطتك دي كنت هتدمر علاقة بأكملها.....علاقة ياسين الجارحي تعب أوي عشان يخليها بالقوة والترابط ده، ومساندة ولاد عمك ليك دلوقتي أكبر دليل على نجاحي باللي عملته طول السنين اللي فاتت والمفروض انك تكون مكاني بالنسبالهم .
ورفع اصبعه أمام وجهه وهو يستطرد بانفعالٍ:
_أنت بالذات مينفعش تغلط... لأنك مسؤول عنهم لو غلطت هتوقع الكل والخساير مش هتكون صفقات ولا فلوس الخساير هتبقى أكبر من كده.. والمؤسف ان كل اللي بنيته انا ويحيى متوقف عليك وغلطة تاني زي دي هتهد كل اللي اتبنى، ويمكن المرادي أنا لحقت الموقف بس الله أعلم المرة الجاية اذا كنت هقدر ولا لا..
ودنى منه قليلًا وهو يردد الكلمات ببطءٍ حذر:
_مش هسمحلك تغلط تاني يا عدي... حتى لو كانت قسوتي عليك هتكرهك فيا.
ثم تراجع للخلف وبصرامة قال:
_حصل ولاد عمك.
تعمق بالتطلع اليه قبل ان يلحق بهم للخارج، بينما استكمل ياسين خطواته الثقيلة للداخل ثم جذب احد المقاعد ليجلس بمنتصف الردهة مقابل الفتيات التي تتشبثن ببعضهن البعض في توتر لحوار ياسين الصارم، فخشين ان يطالهم غضبه المخيف ولكنهم تفاجئوا حينما ارتسمت ابتسامة جذابة على طرفي شفتيه وهو يثني عليهما بصوته الرخيم العذب:
_أنا فخور بيكم!!!
#ياسين_الجارحي... #ملكة_الابداع_آية_محمد_رفعت... #موعدنا_رأس_االسنة.... الاقتباس الاول نزل على البيدج قصص وروايات بقلم ملكه الإبداع ايه محمد
في مفاجآت كتيييرة جاية اوعدكم أن 2023 بإذن الله هتكون مميزة باعمالي اللي بخططلها معاكم وهتشوفوا بنفسكم.... بحبكم في الله ♥
تعديل.... الرواية الكترونــــــي والله الكتروني حد جاب سيرة الورقي 🤦🏻♀️
أنت تقرأ
أحفاد الجارحي ..ج5.. ترويض الشرس ..آية محمد رفعت
Romanceالجزء الخامس من أحفاد الجارحي ترويض الشرس تركت يدك مرة فواجهتني الحياة بكل ما امتلكت من قوةٍ، وكأنها تخبرني بأنني مخطئة حينما سحبت قوة أماني من بين أحضانك، فاشتقت لضمة قبضتك القوية التي تساندني حينما اتعرقل بين زقاق أوجاعي، عساك تعلم بأن تلك الفتاة...
