وجودك أمان 🤍
الحلقة [1]
وداد تبكي : يا نعلي في مستشفي حالة خطيرة يارب يارب استرها معانا وطول في عمره
امال : اسكتي ان شاء الله خير اسكتي
نجوي تبكي بشويش : يارب اكتبله طولت العمر
انا كنت نبكي بدون صوت خايفه تصير في بابا حاجة كيف حنعيش بلاه هو امان ليا هو الي يدافع عليا بعد توفت ماما خوتي سافرو خلوني يارب حادث يبقي بسيط يارب
فتحية تبكي : يارب ما تورينه فيه سوء يارب انفخ في صورته يارب
جيران خشو علينا واقاربنا كلهم
نجمه : الحادث في طريق مشرق قالها ليا الحاج
فتحية تبكي وتهز في رأسها
مع خشت أكرم مخنوق وجه أسود متوتر كلنا قدمنا عليه عشان نطمنو
انا نرعش نبكي : طمنا يا أكرم
فتحية : شن يا اوليدي
أكرم : قولو لا إله إلا الله إنا لله وإنا اليه راجعون " حط يده ع عيونه مسح وجهه" الحاج عطاكم عمر
طلع بسرعه
وداد وامال اضبطن بعضهن وتمن يتعايطن ويتنادبن بصوت عالي
انا حضنتني جارتي نيروز قعدت تبكي تخبط ع ظهري فتحية حضنتها مرات عمي صوت العياط في وذني
انا مستوهه من وحده للوحده تضبط وتبكي لعند نيروز خافت عليا كلمت وداد وامال
وداد تعيط وتندب ع وجهه وتنط بس مابتش تحضني : حي علينا قعدنا بدون بات يا امال حي علينا من بينا حي عليك يا خيتي حي علينا ديما وووه عليا وه وووه عليا وووه وووه وووه وووه حي علينا عدا الي مدلعنا ووووه علينا وووه يتمنا بدري وووه ي باااااتي ووووه عليا كسرتي فيك قوية يا حنوني
امال حضنتني : نعلي باتي نعلي عزوتي نعلي عيوني الي نشوف بيهن حي علينا يا رحمه
انا قعدت نبحت في وداد كيف تعيط امال كيف حضنتني زين حاجة شقتني في قلبي نحس في روحي تنزف نحس في حاجة من جسمي خذوها مني : ااااااااااااااااااااااااااااه حبيبي يا باااااااباااااااا لمن خليتني يا باباااااااا لمممممن
قعدت نبكي بصوت عالي نخبط انا وامال جن بنات عمامي يمسكن فينا انا وداد وامال نار ولعت فينا ما عندنا ما يطفيها لنا قعدنا نتنادبو نتعياطو لعند العشيه مافي حاجة بردت ع قلوبنا خش علينا عمي فوزي كم مره يهدي فينا هو بروحه من وجهه مصدوم من خبر وفاة المفاجآة ومن كلامنا معش قدر طلع سيبنا
انا كنت مش فاطنه للشي نعيط لين صوتي راح طحت فجأه في بداية تشجنج بعدها اغمي عليا امال وداد قعدن يتعايطن نيروز تبكي تحضن وتخض فيا عشان نوض امال طلعت كلمت اكرم كاين يطمن ع ماهر الي خبط يده في قزاز سيارة سعفوه اصحابه ولد عمي خش أكرم رفعني وشاح شبهه طايح جاء حميد رفعه ليا ركبوني في سياره وطول للمستشفي كشفت عليا دكتورة قالتلهم انهيار عصبي لين صايرلها تشجنج عطوني مهدا قعدت ساعة وطلعت وطريق كلها أكرم ينصح فيا هو وجهه أسود مخنوق مش قادر يضعف قدامنا شاف لوجهي كيف نادبه
أكرم : ادعيله يا رحمه ربي يتقبله برحمته الواسعة عياط الي اديرن فيه تعذبن فيه بس
حميد يسوق وساكت رن الحسن علي أكرم
اكرم : ايوه ، كويسه اها ، امتي طيارتك ، تمام صبح توا يجيك ماهر وحسين امتي طيارته ، اها تمام ، نعطيها لك
برم عليا أكرم عطاني تلفون
أكرم : الحسن يبي يطمن عليك
انا صوت مبحوح : الو
الحسن : خير يا رحمه
انا رديت نبكي : حسن بابا توفي يا حسن
الحسن من صوته كان يبكي بس شد روحه أول ما عرف اني في مستشفي : الله يرحمه ويسامحه هذا عمره يا رحمه قولي لا إله الا الله ادعيله ادعيله ربي يرحمه ويسامحه ويجعل مثواه الجنة ان شاء الله خلاص اسكتي
انا نبكي : معش عندي حد بعده أنت وحسين برا بلاد انا قعدت بروحي انا
الحسن : هدي روحك كنك إنت توا نجيك طيارتي بعد ثلاثة ايام ما لقيتش اقرب من هك خلاص اسكتي معش تبكي وتعبي روحك طمنيني عليك قالي أكرم كنتي في مستشفي
انا اضايقت أكثر ما انا مضايقه ع موعد طيارة يعني جنازة مش حيحظرها دموعي ينزل : الحمدلله
الحسن : ديري بالك على روحك باهي
انا : تمام
الحسن : ناقصتك حاجة تبي حاجة نجيبها لك انا جاي
انا : سلامتك
الحسن : باهي طمنيني ودري بالك ع روحك
انا : ان شاء الله
سكرت عطيت التليفون للاكرم وصلنا نزلت لقيت خواتي مسكتت بس يبكن بلا عياط
