#وجودك_امان🤍
الحلقة [2]
سمعت باب الشقة انفتح عبت روحها بالعطر خشت للحمام هيا تسلس بسرعة سكرت الباب بشويش خش جمال للمطبخ فتح ضي مالقش عشاء طلع هو متعصب سمية مظلمه حوش كله فتح ضي الممر الي بين دار وحمام خش دار نوم فتح الضي مالقهش تعصب أكثر يبي يطلع فطن للحمام سمية فتحت الباب وطلعت تكسل وجاء ع عيونها ضي حطت يدها مقابل وجهه ع ضي قوي
سمية قرنت حواجبها بدلع ع اساس كانت راقده ناضت للحمام : تو تو تو عليش ضوايا هذينا كلهن
جمال يبحت فيها من فوق للوطي هو ذايب : حاضر توا نطفيهن
عدا يجري طفي ضوايا كلهن سمية تضحك بشويش خشت للسرير رقدت بدون غطاء عطت بالظهرها للجمال رفعت شعرها ع مخدتها
جمال رد قرب منها : حبيبي تبي ترقدي
سمية : تو اووف
جمال يمشي في يده ع جسمها : كنك ياروحي
سمية : مش تسب فيا قدام هلك قلتلي اركبي اني ركبت وتمرقدت شن تبي في وجهي شن تبي مني اخري
جمال قرب ويشم في رقبتها من لوراء : ااااااه حبيبي سامحيني كنت متعصب بس توا بعد شفتك رقت
سمية بجدية تهز عشان يوخر : وخر وحول يدك قلتلك نبي نرقد مش بجوك هيا
جمال وخر : صبي ديري عشاء
سمية : انا تعبانه نبي نرقد جعان مطبخ قدامك وانا مانبيش ناكل بكل
جمال يبوس في كتفها : صبي بلا جو نكد عاد
سمية قدمت ع حافة سرير برمت عليه : نكددد باه تمام انا نحبه نكد يا سي فوتني انا مراه نكاديه
كرت بكراعها ورغان غطت رأسها خلت وسطها بدون غطا كانت فرحانه ماسكه ضحكتها عشان عارفه كيف تجيب جمال للطريق
جمال خبط جبهة بشويش : تمام تريحي بكرا توا نتفاهمو
صبي غير دبشه وطلع للمطبخ دار سندوتش تن وجبنه شرب عصير وخش للدار لقاء سمية راقده ع بطنها مرفعه كراعها يمين للركبتها يسار قعد قريب خمس دقائق هو يبحت تنهد حك رأسه قدم عليها كر الورغان ع وسطها قعد يغطي فيها ينفخ ورقد عطها بالظهر قعد يتحرك يمين يسار خذا قرطاس الدخان والولعه خذا سبسي ولعه قعد يدخن ماقدرش يرقد دخن سبسيين خش دوش عشان يهدأ وسمية تضحك طلع خذا مخده ودخان وطلع رقد في صالون صالة خلته ساعه طلعت للصالة لقاته راقد خشت كلت وردت للدار رقدت..
........
حميد : صار جدتي حلفت ما تحضر خطبتي
نجمه تعبي فيه : اها حلفت وعمتك قالت شن جاب بنت خوك للرحمه ما في كلمة ما عقبتها عليا مسحت بكرامتي الوطي قهرتني رديت عليها قلتلها مانخذش وحده عندها حالة نفسية تنط كيف قرده تقعد تهزب وتهدد فيا هيا بنت صح عندها حالة نفسية اختها وداد قالتها ليا شن نكذب السوسه عمتك هذه تلوم في باتك وباتك ماقدر يفتح فمه ولا يدافع علينا
حميد حمق : خلاص سكري ع موضوع يا امي عدي بعد بكرا اطلبي رسمي نبي اندير دفع وبيان كبير ونعنهم ماحضرو
نجمه فرحت زغرت : هذا اليوم عليه اندور لووووولي
حميد ابتسم
خواته طلعن يجرن : كنكم
نجمه : نبي نخطب للخوكن
خواته فرحن قعدن يحكن شن يبن ايديرن
عمي فوزي قاعد في مربوعه بروحه محد خش عليه
صبايا عويل نجمه روحن للحواشينهن معاهن راجلتهن طبعا
......
اكرم روح ثاني يوم طلع بدري عشان طلبوه في عمل صار عطل في منظومات ماحكش مع جمال وصي ماهر ع رحمه
عدن نجمه وبناتها خطبت بنت خوها حدود موعد للدفع وبيان وحني مابتش تمشي معاهم ع اساس مريضه عشان عمي فوزي ماتوجعش...
......
اكرم وصل بنغازي بعد ظهر كان يوم خميس دفع حميد
جمال : سلام عليكم
اكرم وماهر وفتحية : عليكم سلام
جمال قمعز : قالولي تبيني روحت من عمل بدري خير ان شاء الله
أكرم : خير خير رحمه حتكمل قريتها فترة امتياز حتبدأ ع خير ودرتلها تلفون
جمال صبي قرن حواجبه : ما شاء الله شن اخري
أكرم : قمعز واسمع خير راه مازالت مش متحملك
جمال : انت جاي تشاور فيا ولا تقولي
أكرم بحت فيه قارن حواجبه : جاي نقول انا ما نشاورش في حد
جمال قمعز : من يبي يشيل ويجيب وعليش تلفون ولا عناد العملية
أكرم : انتم الاثنين تشيلو وتجيبو نفسها نفس امال وماهر دفعتله حق سيارته الي في ورشه وطلعتها له شوفوه اشغالكم في صبح من يشيل
ماهر : صبح يشيلها جمال عشان ماشي ماشي للعمل وانا نروح بيها
جمال يبحت في فرشه وساكت
أكرم : جمال عارفك خايف عليها بس انت معاملتك معاها خطأ انت تضغط فيها توا امال ماتعاملش فيها كيف رحمه ليش هكي معقوله تعلم ع جسم اختك بالسير
جمال : لا كلهن كيف بعضهن الي تغلط تنضرب
أكرم : رحمه ماتغلطش انت تبي تحكم فيها وخلاص
ماهر بصوت واطي : غير يحكم في مراته
جمال بحت في ماهر رفع حاجبه : شنو
ماهر واثق ان ماسمعش : شي نستغفر
جمال : وتلفون عليش
أكرم : عشان تطمنو عليها وترن عليكم حتي هيا وعشان خوتها يبو يكلموها كان خاطرها في حاجة تقولهم ويدزوها لها
جمال سكت
أكرم : انا جيت لعند هنا عشان مانبيش نتعارك معاك في تلفون تفش غلك فيها وتضربها ياراجل فكنا من مشاكل خليها تكمل وتقرأ راه اختك دكتورة ممتازه ان شاء الله بعد فتره تبقي معيدة في جامعه وتحضر دراسات و
جمال قص عليه : هذا الي مانبيش امه انا ادوران
اكرم خبط ع ركبته نت في وجهه : جماااااال ، "تنهد " اللهم طولك ياروح
فتحية خافت : خلاص كان خوتك ماقدروش يلايمو ع مسؤولية الحوش شيلها وجيبها تبطل عادي مش لازم تكمل قرايتها
أكرم صبي راقيله : وانا قلت تقرا وتشتغل يعني تقرا وتشتغل كلمتي حتنفذ ع كبير قبل صغير وهي سلام عليكم
فتحية خافت : خليك سلم اوليدي وين مروح واعره سواقه صد رد في نفس اليوم
أكرم : ورايا شغل نبي نطلع بدري قبل ما اظلم الدنيا اه ونبي ناخذ رحمه كم يوم بعد يكمل دفع وبيان عيت عمكم توا نجيبها
ماهر : نحن نمشو ولا نفوتهم
أكرم بحت في امه
فتحية : بالنسبة ليا انا وبناتي مش ماشين خاطري مازال واجعني ع حاج الله يرحمه ويسامحه ماعندي نيه
أكرم : هو عمي رن عليا وانا اعتذرت امشو انتم للدفع حتي قدام الناس مهما كان حتي عشان باتي الله يرحمه
وطلع سلم عليا ع امال
أكرم : وتيتي خلاص
انا نوشوش : قلت للجمال
أكرم : تي غير اطلعي ماشية معايا راه
خدا مني ساكو مشينا للسرت..
.........
سمية كانت تفرج ع تلفزيون أول ما سمعت الباب انفتح دارت روحها كانت تبكي تمسح في دموعها تغطت كويس
جمال حط مفاتيح : سلام عليكم
سمية تمسح في دموعها : وعليكم
جمال ابتسم : اوووبا تطنيش من بداية ودموع أخري
سمية مابتش ترد
جمال عزق روحه جنبها بالقوه لين كانبه وخرت
سمية : وووه يا ماما
جمال ضحك : خفتي
سمية ولا كأنه سمعت حاجة
جمال : مروح بدري راه فيش غذاء
سمية تفرج : توتو
جمال قرب : ليش مش دايره لحبيبك غذاء يروح من شغل جعان وتعبان مش حرام عليك
سمية ماردتش
جمال يمشي في يده ع جسمها من فوق الفوطه : قتلك حبيبك تعبان حرام عليك راه والله ليا كم يوم نرقد انا تعبان
سمية حولت يده : مطبخ قدامك تبي تاكل دير انا مانبيش ناكل بكل ماعنديش نيه حتي في عسل
جمال بملل : عاد ما تكبريش موضوع فلته لسان قلنا سامحينا
سمية حولت غطاء وصبت كانت لابسه شرت قصير بكل عليه كت كان ضابط عليها هيا جسمها تقول صبا جميل بكل : نبي هلي يا جمال شيلني للهلي
جمال قعد يبحت فيها قلبه يبي يطلع من مكانه صبي : شنو هلك هذه حبيبي آسف والله
سمية نزلت رأسها تبي تبكي : باهي طلعني مضايقه من شقه راه مضايقه
جمال رفع راسها يبوس فيها : حاضر من عيوني غير ماتبكيش بس عدي البسي نطلعو نتغدو برا
سمية وخرت وخشت للدار وجمال لحقها قعدو يغيرو في دبشهم ساكتين سمية مكيجت جمال ماعرضش طلعو تغذو برم بيها بلاد كلها يهدرز معاها في سيارة
سمية : جمال عادي تحطني نبات عند هلي اليوم
جمال : حبيبي كنك ماه تاسفت اهو نغيرلك في جوك شن تبي اخري وانا حاضر
سمية : بس انا نبي هلي في حاجة اخري
جمال : كيف يعني
سمية : نبي نبرم ع روحي ليا من وفاه عمي الله يرحمه ما درت شي ليا سبعة شهور و عميمه عطتني إذن ونبيك تعطيني فلوس
جمال أبتسم : هو انا راضي حتي هك بس من عيوني مش خساره فيا دلع
سمية ضحكت
جمال : نعلي انا المهم انك راضيه عليا بس
سمية فرحانه : راضيه ونص غير طلع الفلوس
جمال بحت في ساعه : اسمعي توا ساعه 4 ونص انا لازم نرد للشقه عشان نغير ونعدي للدفع حميد إنت بيات لا اول ما تكملي ان شاء الله 2 في ليل رني نروح بيك تمام
سمية ابتسمت : تمام
جمال برم وشالها للهلها عطها فلوس رد للشقه دوش لابس عدا للمزرعة سلم عليهم شوي وخش ماهر وطلعو بيبات والعاب نارية....
............
نيروز : اها فسخت ولد عمها خطب وحده اخري بس انت كيف عرفت
كمال : عرفت وخلاص انا نسأل وإنت جاوبي وإنت ساكته هو الي فسخ ولا هيا فسخت
نيروز استغربت في خوها عشان أول مرة يرد عليها هك : والله شن نقولك قصتها قصه ورحمه والله ماتستاهل انا عرفتها معايا من ابتدائي طيبة وهادية ماتحبش مشاكل في حالها بس ولد عمها هذا حقير هو الي خطب غيرها بس عليش تسأل انت
كمال مغصوص : في وليد صاحب نعرفه قال يبيها عارفك إنت وياها صحبات قالي اسألي هلك بالك عندها حد البنت ولا عندها موضوع هو يبي يتعرف عليها
نيروز : من هذا الي يعرفنا اكيده من جيران
كمال : اها حكيم جارنا الي مقابل حوش عمي حمد الله يرحمه
نيروز : والله يا كمال ماهو وقته بكل صراحه بنت مازالت مصدومه من موقف وقصة ان يتعرف عليها هذه مش عارفه تقريبا حترفض تحسها وجعها خاطرها هذا كله عمرها ماكلماته
كمال : باهي هيا عليش مصدومه دابينها ماعمرها ماكلماته
نيروز : عشان رحمه طيبه وصاينته هو نذل خذلها وكسرها قدام هلها ولا كأنه داير حاجة كسره الخاطر في عز ضعفك واعره راه
كمال تنهد : يعني ماعندها حد في حياتها ع اقل نطمنه هو سكن بكل الحق كل مره شن صار
نيروز : لا هيا كيفي انا لا عندها في هالوجيج لا شي قرايا حوسه بس ولا حاطه حد في بالها
كمال اضايق اخري : اها تمام بس إنت احكيلها ع حكيم كان توافق يتعرفوا وانا توا نحكيله الي قلتيه ليا اوكي
طلع نيروز استغرب خوها صبت طفت ضي مربوعه طلعت للخواتها وامها بس ماحكتش شي تفكر....
.........
جمال رن مرتين ع سمية مافيش رد انشغل رن اخري لقي خارج نطاق التغطية رن اخري ردت : الو
سمية بدلع : ايوه
جمال : تي وينك كنك ماتبيش تردي
سمية مبتسمه برفعت حاجب : تلفون مش حدايا
جمال : شن مازالتي ساعه 12 راه
سمية : توا قبل نبي نرن عليك هي تعال
جمال : نعلي اطلعي انا فم باب حوشكم
سمية : هههههههه شوي نلبس راجي توا يطلع واحد من خوتي بالقهوه
جمال : سرعي بس
سمية تضحك : حاضر حبيبي
سكرت تلفون عدت كلمت اختها عشان ادير قهوه وخوها يطلع هيا قعدت تلبس وطلعت
جمال : هي تصبح على خير
خوها : انت بخير
جمال طلع : شن جو ياروحي
سمية رفعت خمار بحتت فيه بدلع : تمام
جمال استك : نعلي نزلي نزلي راه انديرو حادث
سمية نزلت تضحك وصلو للحوش
جمال : الشقة طول اه
سمية بدلع : وانت معايا
جمال قبل يبي يخش يشوف امه بس ركب فتح شقه خشو
سمية تحول في خمار و الوشاح خاشه للدار : توا نجي
جمال : لا خاش معاك
خشو للدار راحو في خبر كان..
...........
كمال : اها طلع ولد عمها فسخ نفس ما سمعت من هلك
حكيم فرح : الله يبارك الله يبارك حكيت مع هلك انت شن قالولك اخري
كمال : قالو راجي شوي بنت تحسها مازالت مصدومه من موقف بعدها توا تشاورها
حكيم : باهي فيها خيره بس عند علمي ماتكلمش فيه ولد عمها صح
كمال ابتسم بضيق : شكلك كنت تراقب من زمان يا صاحبي
حكيم ضحك : اهو سمعت طراطيش كلام من هلي اختها المتجوزه جتنا كم مره تحكي للهلي غير انا مانبيش نسالهم واجد عشان مايعرفوش توا مازالت قلت نضمن موافقتها قبل
كمال : اها تمام هيا صح ماتكلمش فيه بس مهما كان له كم خطبها المهم خلينا نغيرو موضوع كنك اشبطت فيه
حكيم : اقسم بالله فرحان يارب توافق عليا وحق الله يا كمال كان توافق نعيشها ملكة تي هلي قالولي جمال يضرب فيها ياراجل بيني وبينك ما صدقت فسخت رايدها حلالي لنقاني صاحبي غاويها من قبل وقريب نرقص في شارع من فرحه و الله يا كمال كان توافق نحطها في عيوني "تنهد"
كمال كان مع كل كلمه يضايق ابتسم بالسيف : ربي يتمم على خير يا صاحبي
حكيم : يارب ربي يسخر عقبالك ان شاء الله
كمال صبي : لا انا وين عدت عليا خلاص
حكيم : شن الي عدت مازالت في عز شبابك
كمال : نوصي ع قهوه اخري ونردلك شكلها ليله ههههههه
حكيم : عدي جيب قهوه توا نتفاهمو فيه موضوع هذا وندورلك بنت الحلال اخري ههههه
كمال خش شبه منهار قمعز في جنان قريب خمس دقائق صحصح خش للنيروز عشان ادير قهوه خش للحمام غسل وجهه مرتين وثلاثة ورد للحكيم بالقهوه قعدو يهدرز ويشفطو ع زواج وطلبات تغير بعد أول مولود.....
.............
وصلنا للسرت نجوي وعويل كانو يرجو فينا فرحو بيا قريب طارو مشن كم يوم وانا تغير جوي نلهي في روحي مع عويل وقرايتهم جن جارات نجوي تعرفن عليا كانن ذوق ،، رابع يوم ف قعدت نتحشم نبي نروح مانبيش نضايقهم أكثر من هكي روح أكرم من عمل حكيتله
