#وجودك_أمان 🤍
الحلقة [5]
بعد ثلاثة ساعات نزل حكيم شاف أمه مقمعزة ع الدروج
فجرية : الخميس الجاي نبي نعدي لأختي نخطب بنتها
حكيم تنهد بوجع هز رأسه بكسره خاطره موجوع قلبه مش متحمل حد
طلع تقابل مع كمال عداله
حكيم شير بالحواجبه
كمال : وينك نرن مقفل مابتش ندق على هلك قلت بالك مايعرفوش لقيت سيارتك جنب الحلاق
حكيم : الخميس يبوا يخطبوا لي
كمال ركز : من يبوا يخطبوا لك
حكيم بقلة حيلة و وجع : بنت خالتي
كمال تعصب : تي كيف نحن شن اتفقنا حكيم ازف فاطن لروحك و إلا لا
حكيم ساكت مطبس راسه دموعه ينزلن
كمال ضاغط ع سنونه : يا ### ام غبائك تعرفش تصرف نهائي
خش كمال للحوش خبط الباب بالقوه حكيم طلع طول للسيارته ولعها وطلع...
كمال خذا مفاتيح سيارته وطلع
بعد نص ساعة ..
أنا فتحت البلكوني زرقت راسي شوي قعدت نبحت بس ما لقيتش حكيم رديت
.......
بعد اسبوع ...
أنا : صباح الخير
نيروز : صباح النور شن جوك
أنا : الحمدلله شن جوك إنت مع سراج
نيروز تنهدت وابتسمت : يهبل بكل
أنا ضحكت : الفرح قريب شن مازالك يا الهايمه
نيروز : هانت خلاص بابا و خوتي مش مقصرين
أنا ابتسمت : باهي ما شاء الله قتلك حكيم معش شفته من جيتي من عيت خالي إلا امبدري استغربته ما بحتش فيا بكل أول مرة يديرها
نيروز : والله ماني عارفة نعطيك ترني عليه
أنا بجدية : لا طبعا بعدين التليفون مفتوح من أمس كان يبي يرن راه رن و خلاص عاد يحمد ربه أني كلمته مرتين
نيروز : براحتك أنا نبي نطلع نكمل شغلي عشان نبي نطلع مع كمال
أنا : تمام باي
نيروز طلعت كملنا شغل وروحنا ...
........
كمال خشش باقي شكاير
أخته : جيتوا
نيروز : لا مازالنا في الطريق
كمال يشرب في اميه يهز في رأسه يمين و يسار
نيروز خذت الشكاير خشت للدار حطتهن وردت
كمال : من عندنا
اخ٥ته : جارتنا فتحية
كمال بحت في نيروز : نيروز نبي نحكي معاك في موضوع تعالي
نيروز غسلت ايديها : (دنحن في السوق حسيته جوك مش تمام توا نجيك
طلعت وراء كمال
نيروز : نعم
كمال بضيق : نبي نقولك على قصة صارت
نيروز : شن تحكي
كمال : حكيم خطب
نيروز انصدمت : نعم نعععععععم
كمال : الأسبوع الي فات خطبوله هله كانت خطبة رسمية طول عشان البنت تقعد قريبته بنت خالته الخميس الجاي الدفع و الجمعة الفاتحة و التلبيسه التلبيسة
نيروز من الصدمة لين قمعزت ع الصالون
كمال محروق : هو أنا ما كنتش نحسابه فرخ لدرجة هذه قاللي أمي غضبت عليا ما غضبت عليا مش عارف شنو و كلامه خاش في بعضه معش فرزت شي تعاركت معاه و لا عاد حكيت معاه وأنا في الأصل مابيتش نساعده لين تأكدت أن يبيها صح
نيروز تبكي : معقولة يا كمال شن نبي نقولك للبنت حي عليا كيف نبي نحكيلها لعند امبدري تسأل عليه شن نقوللها الباشا طلع خاطب البنت قلبها ذاب خلاص اللي يخش في حياتها يمحمط قلبها حسبي الله و نعم الوكيل فيك يا حكيم حسبي الله و نعم الوكيل فيك
كمال اضايق بكل : أنا قتلك عشان تقوليلها خير ما تنصدم أخرى هيا أصلا خسارة فيه غير كان
سكتت
نيروز تبكي ،،،
كمال نفخ : هيا صبي خليني نوصلك قوليلها بكرا دفعه
نيروز صبت غسلت و لبست و طلعت مع كمال
