#وجودك_أمان🤍
الحلقة [6]
شوي دق الباب
أمينه أخت حميد تسلم علينا : قاعده هنا إنت
حليمة بهزوه : علي أساس عزالدين ماقلكمش
أمينه ارتبكت : لا ماقلنش والله
سوسن بنت عميمه كريمه بصوت واطي : و تحلف من جدها ااااه ياكبدي
أمينه : جاية نبي نقولكم قالتلكم ماما شيمو مرات حميد جايتكم في العشية
أنا خفت بحتت في اجديده
اجديده : مرحبتين بيها تفضلن
أمينه : توا نجوا بعدين يا رحمه نكسدوا معاك
أنا نرعش : احم تمام نتلاقوا
طلعت
أنا قعدت نفكر كيف نبي نواجهه خفت تسببلي في موقف محرج أو مشكلة ح نتباعد منها كنت عارفتها حامل عشان أمي فتحية ديما تحكي عليها أنها جميلة و حملت طول و كلام كان ليا بس أنا ماكنتش نرد عشان حتي كان رديت من يبي يصبي معايا كمدتها في قلبي سكتت
كل وحده فينا قعدت ادير في حاجتها و نوتوا للسهرة مع الساعة خمسة و نص جت نجمه و بناتها و صبايا عويلها و عويل عويلها الصغار يلعبوا برا بعد نص ساعة دق الباب أخرى فتحت أمينة....
حميد ماسك شيماء من يدها ظهرها : السلام عليكم ياعايله
شيماء رافعه خشمها ماسكه ظهرها من لاوراه : السلام عليكم
كلنا : عليكم السلام
نجمه صبت طول : تعالي بنتي تريحي
شيماء تسلح في العباية بهدوء : شوي نسلم على البنات يا عمتي
نجمه خذت عباية منها حطتها ع الصالون تبحت فيا و تبحت في شيماء و لبستها و شعرها و مكياجها مبتسمه
شيماء لابسه فستان أسود هيا بيضااااا و طويلة و شعرها لعند نص ظهرها ملامحها جميلة الحق ميك اب ثقيل شوي ،، كانت بطنها وااااضحه و تسلم رافعه خشمها
حميد قرب من اجديده يبوس علي راسها : خير يا حني
اجديده : خير خير
حميد : كيف حال صحتك شن دايره
اجديده : الحمدلله
حميد : شن جوكم يا عايلة
بنات ردن : الحمدلله شن جوك أنت
حميد مبتسم : ميه ميه
شيماء : أهلين نورتينا
أنا سلمت عليها : تسلمي
نجمه قربت من شيماء : تعالي قمعزي هي
حميد صبي مسك يدها قمعزها : عينكم منها يا جماعه
نجمه : هههههه ماتخافش في عيوني عدي مع خوتك
حميد طبس علي شيماء بصوت واطي : تحركيش حبيبي تمام تعبتي ديرلي رنه نجيك طول
شيماء ابتسمت : تمام
حميد قنط علي يدها ابتسم و غمزلها صبي : هي السلام عليكم
طلع قعدت يهدرز الصبايا كلهن وأنا و البنات الشبابات نحوسوا و شيماء رافعه خشمها تقول ما فيك يا وطى إلا أنا ماحكتش بكل و الجو قعد متشنج شويا درنا قهوة و العصير و الباب دق فتحت سوسن خش حميد
حميد يضبح : شيماء شيمووو
شيماء صبت بشويش
حميد صبي في ممر المطبخ أنا جوا شيماء جاته
سوسن خشت معايا للمطبخ و معايا بنات عميمه كريمة الأثنين
حميد : شنو حبيبي متريحة الجو تمام
شيماء بدلع : اها ياعيوني تمام
حميد : نعلي أنا و خلاص باهي عطينا بوسة على الماشي
شيماء ضحكت : تؤ ميدو عاد مش في حوشنا نحن
حميد : ما تبيش تروحي يعني
شيماء : لا مازال ليا ساعة بس خليني نهدرز
حميد : باهي توا نرجي الله غالب عليا ادعيلي ربي يصبرني هالكم ساعة
شيماء ضحكت : خلاص اطلع يا سامط
حميد باس يدها و غمزلها و طلع
أنا نسمع فيهم كنت مضايقة انحرجت مش حسد و لا حقد بس الموقف محرج و نظرات البنات ليا كانن تقول خناجر في قلبي يعني أنا هاربه من العلة طحت في سلال القلوب
خذيت سفرة فاضية تمسكت شوي و طلعت ناخذ في طواسي العصير جيت عند نجمه مازالت ماسكة الطاسة
نجمه : الي تبيه انديرها لها غير شن تبي بس و حميد خايف عليها من الريح اللي تهب هيا ما شاء الله عليها تسمع في كلامه
أنا قعدت نرجي فيها
حليمة :صحه يا نجمه
نجمه انحرجت حطت الطاسة : سلمك
أنا خشيت للمطبخ سوسن و البنات غسلن المواعين أنا خذيت طاولة و طلعتها برا خذيت فرشه و الفراشات طرحتهن خشيت
أنا : أمينه تعالي طلعي الشوايات للعمامي عشان يبدوا
شيماء تبحت فيا حست من شكلي و اسلوبي أني مش امتاع حركات استعراض ما طلعتش يعني مش نفس ما قالتلها ما وصلتلها معلومه ابتسمتلي
أمينه صبت قعدت اطلع و توتي
أنا : اجديده طرحت برا و الشمس طاحت و الجو يهبل كان تبن تغيرن جو
اجديده صبت : سلم بنتي هي انا طالعين نصلوا المغيربه إذن توا
صبن اللي بدت تصلي واللي خشت الحمام توضي للصلاة
شيماء جت جنبي وخرت بصراحه كنت خايفه اطيح و إلا تصيرلها حاجة يقولوا مني فقلت نبتعد عليها قدر الإمكان صلينا كلنا وطلعنا قمعزنا نهدرزوا
