#وجودك_أمان 🤍
الحلقة الأخيرة [35] جزء الأول
إسماعيل خش : صباح الخير .
عميمة : صباح النور كنك رديت .
إسماعيل : كنت في المحكمة طلقت أميمة .
عميمة شهقت : الله يهديك يا اوليدي ليش بس ليش .
إسماعيل : هك أنا متريح بعد المغرب ماشي نجيب في محمد و هله مش راد إلا بعدين تبي حاجة .
عميمة بوجع : سلامتك يا اوليدي الله يهديك و خلاص .
إسماعيل طلع .
.......
أنا خذيت دبش و أوجه الأمخاد وراغان و الفوط كل مرة نغسل و الخدامة تبرم على المطبخ و الحوش كله كملنا الساعة 5 اتصل بيا كم مرة بالقاسم يطمن عليا ردت الخدامه لحوش عمي درت حليب و شوكولاتة ، قمعزت في غرفة الإستقبال ولعت التلفزيون حسيت بحركة البيبي ابتسمت ، قعدت نمشي في يدي على بطني اذكرت ماما كان عايشة راه مشغولة عليا ترن عليا صبح و عشية و ليل و فرحانه بيا ، تنهدت خذيت التليفون رنيت على أمي فتحية ضرب ضرب ماردتش وجعتني بكل من بداية حملي لا عمرها رنت و لا سألت عليا .
بالقاسم فتح الباب و خش : حبيبي .
أنا فطنت : أيوه أنا هنا .
بالقاسم جاني : شن الأخبار
أنا : الحمدلله محمد و وفاء وصلوا و إلا مزال
بالقاسم بحت الساعة في يده : مزال تبيلهم ساعة و نص ، تغذيتي
أنا ابتسمت : لا طبعا نرجى فيك ،
بالقاسم غمزلي : نغسل نغير بسرعة و نجيك وتيلنا الجو .
أنا : حاضر .
بالقاسم قرب باس راسي ركب و أنا طلعت للمطبخ وتيت الغداء تغدينا بالقاسم رقد نوضته بعد ساعة و نص ، غيرنا و طلعنا لعيت عمي مع خشت محمد و وفاء و إسماعيل .
محمد يحضن في بالقاسم : يا عين قابلت يا عين قابلت
بالقاسم يضحك يطبط على ظهره
إسماعيل مصبي و ساكت .
محمد : لك وحشة اقسم بالله كيفك كيف العصبان .
ضحكنا كلنا ،،،
رندا : و الله الحوش بلاك مكسد يا حمادي .
محمد : الحمدلله على سلامتك و تتربى في عزك .
رندا : الله يسلمك .
بالقاسم : حمدالله على سلامتك يا غالي .
محمد : الله يسلمك يا طيري .
وخر ،
محمد حاط يده وراء رقبة بالقاسم شير عليه : و هذا بالقاسم خويا .
وفاء مدت يدها لبالقاسم : أهلين .
بالقاسم مد يده : حمدلله على سلامتك .
وفاء : الله يسلمك .
محمد شير عليا : هذه رحمه مرات بالقاسم .
وفاء ابتسمت مدت يدها طول : أهلين رحمه .
أنا سلمت عليها : أهلا بيك نورتينا حمدلله على سلامتكم .
محمد و وفاء : الله يسلمك .
عميمة : هي خشو جوا خلونا نكملوا الهدرزه .
محمد : وين باتي
عميمة : الحاج في الجامع معاه ناصر شويا و يخشوا هي تعالوا .
خشينا كلنا ، قمعزنا محمد طلع حط ابشناطي في حوشهم و رد قعدوا يهدرزوا تعشينا شربنا شاهي كل حد روح حوشه ...
.....
كملت روتيني عادي بين العمل و الحوش و نراجع على البيبي في المستشفى أيام دوامي ، كان فيه تعب اشوي و أرهاق بس الحمدالله صحة البيبي تمام و حتى تحاليلي تمام الحمدلله الإرهاق أيام العمل بس باقي الأيام نتريح فيهن الخدامه تعاون فيا ..
بعد راجعت دكتورتي و كنت عارفة إني قيصري فعلا قالتها ليا ولادة قيصرية لأني أجهضت و لأني طولت ما حملت ، فالدكتورة ما تبي تغامر بالولادة الطبيعية و قررت عملية قيصرية .
أمي فتحية لا ترن و لا تسأل على صحتي كل ما نرن ما ترد عليا .
الحسن والحسين يوميا مكالمات كيف قبل يطمنوا عليا و نطمن عليهم .
نجوي و أكرم يرنوا مرة مرة يسألوا عليا .
وفاء قعدت شبه يومي تجي العشية أنا لو عندي عمل عميمة ادز لي من الغداء ، عملي سواء المحاضرة أو العملي مع الطلبة في قسم النساء و التوليد ، أغلبه واقفة على رجليا نروح للحوش تعبانه انتغدوا و نتريح لو عندي محاضرة تبي تجهيز أو أوراق نكملهن في الحوش بس ضروري ما نمشي لعميمة لأني لو ما نمشيش هيا تجيني خايفة عليا ، ضروري نزرق عليها أشوي حتى و مرات نقعد معاها .قعدت انتلاقى مع وفاء اللي كانت صريحة تهدرز معايا مطلوقة،،،
