#وجودك_أمان🤍
الحلقة [4]
طلعت نيروز سكرت الباب ركبت لداري قعدت نفكر في اهتمام حكيم و خوفه عليا أنا فرحانه فتحت البلوكني لقيته مصبي فطنلي طول بحت فيا شيرلي كنك ابتسمت شيرلتله شيء رن تليفونه فتح رد على كمال حكى له اللي قالت له نيروز سكر شيرلي إنت تمام انفتح الباب عليا بالقوة انفجعت بحتت لقيتها وداد بحتت في البلكوني قابلها حكيم سكرت الروشن بالقوة و أنا خفت
وداد : تعرفي كان ما تركحي روحك تقعدي على مزاجي و الله ثم و الله نقولها لجمال و إنت عارفتيني انديرها
أنا خايفه هزيت راسي : باهي
وداد : انزلي اغسلي مواعين العشاء
أنا نزلت طول غسلتهن و روحوا أقارب فتحية و أنا ركبت رقدت من التعب...
.......
بعد اسبوع...
أنا : منها اتعرفوا على بعضكم
نيروز : بس تعرفي نرتبك بكل هو تحسيه جوه سمح صادق عنده فضول يعرف عليا كل شي
أنا ابتسمت : يا روحي إن شاء الله ربي يهنيك.
نيروز ابتسمت : إن شاء الله
تليفون رن
نيروز مدتلي التلفيون : هذا حكيم
أنا خذيت نفس رديت
حكيم : صباح الورد
أنا قلبي يدق : صباح الخير
حكيم : شن جوك اليوم
أنا : الحمدلله كيف حالك أنت
حكيم مبتسم : الحمدلله وصلك الكتالوج
أنا : اها وصل
حكيم : شنو اختارتي
أنا : اها اخترت
حكيم ابتسم : دار النوم أي منهن
أنا سكتت
حكيم ضحك : باهي أثاث لآخر شن اختارتي
أنا : توا تلقى في كل كتالوج صفطه صغيره من تحت هذا اللي اخترته
حكيم : تمام بكل شوي و نكمل هانت مازالي الزواق بس نجيب الأثاث و نخطب طول يعني موضوع يأخذ مني شهرين و كم اسبوع بالكثير كان قدرت نزر روحي أكثر من هكي نقرب الموعد نجي طول إن شاء الله
أنا : إن شاء الله خير.
حكيم بصوت هادي : إن شاء الله تكوني نصيبي يارب متمنيك من قلبي اقسم بالله
أنا سكتت قلبي يبي يوقف من الخوف
حكيم : الو رحمه ؟؟
أنا : نستأذن منك نبي نسكر
حكيم : خلاص معش نضايقك خليك شويا بس نبي نسألك على كم حاجة
أنا : نعم
حكيم : قريب تكملي امتياز صح
أنا : اها مزالي شهر بس و الدراسات مازال
حكيم : اها عارف أنا ماعنديش مشكلة بكل بعد تبقي عندي نخليك تكملي
أنا : شكراً
حكيم ضحك : عفواً يا دكتورة
أنا : توا نبي نستأذن ورايا شغل
حكيم : تمام بس ما طوليش عليا في الرد خلي بينا تواصل عشان نطمن عليك
أنا : حاضر
حكيم تنهد : تبي حاجة ناقصتك حاجة
أنا : تسلم بارك الله فيك
حكيم : اطلبي مني كان تبي أي حاجة و أنا حاضر نلبي طول
أنا انحرجت : إن شاء الله سلام
حكيم : اوكي
أنا سكرت عطيت التليفون لنيروز حكينا ع الدراسة طلعنا نشتغل و عقلي مش معايا كل مرة نفكر في موضوع مرة جمال مرة الحسن و الحسين الي يرنوا يقولولي تعالي عندنا مرة في حكيم
مشن الايام و كملنا فترة الإمتياز و نجحنا معش كلمت حكيم نهائي و الحسن و الحسين اصروا عليا أني نجيهم فعلاً وتيت كل شيء و أكرم جاني من الصبح كانت طيارتنا بعد المغرب سلمت عليهم كلهم عديت لنيروز سلمت عليها و شالني أكرم للمطار ركبت الطيارة أنا و أكرم ترانزيت من بنغازي لتونس من تونس لألمانيا كان معايا أكرم لعند ألمانيا أنا طلعت لأمريكا و هو رد
.........
الحسن يحضن فيا : الحمدلله علي سلامتك
أنا فرحانه : الله يسلمك مرايفه عليكم بكل
الحسين كرني حضني : حمدلله على سلامتك يا هندية
أنا ضحكت : بالك تنسي لقب هذا أنت
الحسين وخر : توا بالله عليك يا حسن مش فيها شبه من الهنود كل شي طشه طشه هههههه
أنا و الحسن ضحكنا
الحسين خذا شنطتي : هيا تأخرنا أكيدة يرجوا فينا لمبلية
طلعنا مع بعضنا نحن الثلاثة كنت فرحانه بس حسيت كأني غريبة بينهم وصلنا للحوش الحسن كان منظم بشكل لا يوصف لقيت صبايهم مع عويلهم متجمعين سلمت عليهم كلهم هدرزنا تعرفت عليهن مشي وقت كله ضحك هدرزه كنت أنا في الوسط الحسن يميني و الحسين يساري رنيت على أكرم طمنتا
الحسن : كيف حال جمال و إنت تهدرزي غير على أكرم دارلك و جابلك
أنا تلقائياً خفت مش عارفه ليش : آه كويس جمال في حاله أنتم عارفين اجوز و مع شغله ما يفضش واجد و ماهر و آمال يسلموا عليكم
الحسين جاب لابتوب فتحه : الله يسلمهم ، خلينا في المهم هذا الأكاديمية اللي ح اطوري فيها اللغة الإنجليزية يختبروك يشوفوك أي مستوى تبدي منه إن شاء الله تكملي و تحضري هنا نحن معاك ما تخافيش
أنا نتفرج كانت الأكاديمية شكلها خيال : شكلها غالية.
الحسن : ما تفكري في شي إنت اجتهدي بس.
أنا ابتسمت : أمتى الإختبار
الحسين : عندك فرصه الأسبوع الجاي مازال باب القبول مفتوح توا نسجلك
أنا : تمام سجلني
الحسن كاين يبحت فيا مبتسم أنا انتبهتله ابتسمت
........
حكيم : ما قالتليش ازح معقوله
كمال : هذا اللي صار حتي هلي ودعوهم بسرعة هيا كانت متردده غير اصروا عليها خوتها قالوا نبوك تجينا .
حكيم تنهد : تبي اطول يعني كم سنة
كمال : الله اعلم
حكيم : إن شاء الله خير تعبت وراها إن شاء الله نهاية التعب خير
كمال أبتسم : إن شاء الله يا صاحبي إن شاء الله شنو نجيبوا قهوة
حكيم : ياريت راسي يبي يطربق
كمال صبي خش للحوشهم وصي ع قهوة ورد
........
أنا بديت في أكاديمية و امتحنت تفووقت كنت مميزة الحسن و الحسين يساعدوا فيا بس كانوا كانوا منظمين لين حسيت بالملل فطور غذاء عشاء و النوم له مواعيد كل ماشي ع النظام هذا اليوم يمشي بين الشغل و الدراسة العويل مش متعلقين بعضهم كل شي عندهم دراسة صبايهم نفس النظام في صبح يشتغلن في المدارس باقي النهار شغل في الحوش ع عويلهن ، و خوتي من الصبح عند الليل بين المستشفيات و العيادات يروحوا مهلوكين نهدرزوا اشوي يفهموا فيا ع جو الأكاديمية و نظامها كملت شهرين في الكورس خذيت الشهادة بإمتياز بمرتبة الشرف فرحوا خوتي بيا بكل رنيت قلتها أكرم و نجوي فرحوا بكل
بعد يومين...
