My Best Friend Becomes My Husband ( COMPLETE )

( 2 ) U /Z

U~

'နယ်မြေ' ညကအိပ်ယာအပြောင်းအလဲကြောင့်
သန်းခေါင်ကျော်မှပင် အိပ်ပျော်သွားခြင်းဖြစ်သည်။ 'ကမ္ဘာ' ၏အိမ်သို့ရောက်တော့
နေ့လည်ဆယ့်တစ်နာရီပင် ထိုးနေပြီဖြစ်ကာ
'ကမ္ဘာ' ကပစ္စည်းတို့ပင် သိမ်းဆည်းထားပြီ
ဖြစ်သည်။

" ပစ္စည်းတွေစုံပြီလား "

" အင်း... စုံပြီ ဒါနဲ့ ဟိုကောင်‌တွေ အခုထိ..."

" သက်..တံ့...နယ်...မြေ !!! "

'ကမ္ဘာ' ၏ စကားမဆုံးခင်တွင် ထွက်ပေါ်လာသည့် အသံကြောင့် နှစ်ယောက်လုံး ခြံဝသို့ အကြည့်ပို့မိတော့ လက်နှစ်ဖက် ဆန့်တန်းကာ ပြေးဝင်လာသည့် 'ဒီခေတ်' ...
ပြေးလာခြင်းကြောင့် မဟော်ဂနီရောင်ဆံပင်တို့က ထိုးထိုးထောင်ထောင်နှင့်ဖြစ်‌နေကာ
T ရှပ် လက်တိုခရမ်းနုရောင်နှင့် ဒူးအထက်ဘောင်းဘီ အတိုအနက်ကို ဝတ်ဆင်ကာ ဘွတ်ဖိနပ်အနက်ရောင်ကို ဝတ်ဆင်ထားခြင်းဖြစ်သည်။ ဖြူဖြူဖွေးဖွေး အသားအရေ.. ပိန်သည်မဟုတ် အနေတော် ခန္ဓာကိုယ်နှင့် အရပ်က 5ပေ9 သာရှိ၍ အဖွဲ့ထဲတွင် အပုဆုံးဖြစ်ကာ ဘဲအကြည်ဆုံးကောင်ဟု ဆိုလျှင်လဲမမှား...
အနားသို့ရောက်သည်နှင့် ဆွေ့ခနဲပင် ခုန်တက်
လာခြင်းကြောင့် 'နယ်မြေ' တစ်ယောက်အလျင်အမြန်ပင် 'ဒီခေတ်'၏ ခါးကိုထိန်းကိုင်လိုက်ရသည်။

" ငါမင်းကို အရမ်းလွမ်းနေတာကွ! မင်းကနော် ပြောင်းလဲသွားလိုက်တာများ
အရပ်ကြီးကိုရှည် ...လို့ "

" မင်းကတော့ အရင်လိုပဲ ပုနေတုန်း"

" ခွေးကောင်! "

" ဟား...ဟား...ဟား "

ခါးကြီးထောက်ကာ ခေါင်းတရမ်းရမ်းနှင့် အနားကိုရောက်လာသူက 'မင်းခ' ...
အညိုရောင်ဆံပင်မတိုမရှည်အား အလယ်ခွဲကာ အရှေ့တွင် သေချာပုံသွင်းထား၍ အဖြူအမဲရှပ်အကျီအကွက်လက်တိုအား စတိုင်ပန်အနက်နှင့် တွဲဝတ်ကာ ရူးဖိနပ်အနက်ကို ဝတ်ဆင်ထားသည့် 'မင်းခ' မှာ ညိုညက်ညက်အသားအရေနှင့်... အရပ်အမောင်းမှာ 6ပေအတိရှိပြီး တောင့်တောင့်ဖြောင့်ဖြောင့်နှင့် ရင်အုပ်ကျယ်ကျယ် ခန္ဓာကိုယ်အား ပိုင်ဆိုင်ထားသူ တစ်ဦးဖြစ်သည်။
'ဒီခေတ်'ကို ချပေးပြီးသည်နှင့် 'မင်းခ' နှင့် 'နယ်မြေ' တစ်ယောက်ကို တစ်ယောက်ပွေ့ဖက်လိုက်ကြသည်။