مثل صباح كُل يوم رايحه للمدرسه
_يلا ماما راح اطلع اجه الخط
غسق: ليش ما اكلتي شي يلا رحتي اضل اني يوميه على هاي القوانه؟
_والله حتى اللكمه متنبلع الصبح مااشتهي ابد، طلعت باوعت بالمرايه الي بالطارمه و عدلت شالي و حجيت
_لج عييييني شنو هالجمال، اجاني صوت امي
غسق: ولج اطلعي راح يروح الخط
_لا تخافين ميروح اذا ما اطلع متشوفين من ما اداوم اله اطلع اكله مااداوم يلا يروح يلاا طالعه اني ، صعدت بالخط
_صباح الخير
ابو الخط "احمد": يا هلا بهل صباح
_كلبت عيوني اكرهه حيل و اتنرفز منه لان مره من المرات
خلص الدوام و طلعت صعدت بالخط اني اخر وحده يرجعني لان بُعد مسافه عن المدرسه الخط فرغ احمد جان يباوع بالمرايه عليه و اني ما اشوف غير عيونه
احمد:اريد احجي وياج بموضوع
_بابتسامه،اي تفضل احجي
احمد:للامانه ماكدرت اضم الموضوع و المشاعر الي بداخلي اني حبيتج و عندي مشاعر تجاهج
_انصدمت شبي هذا، و شنو المطلوب مني هسه؟
احمد:اريد اتقدملج
_اول شغله بعدني رابع اعدادي؟ يعني صغيره و من سابع المستحيلات حالياً و بهذا عمري ارتبط بشخص ان كان ارتباط خطوبه او زواج اني انسانه بعيده كُل البعد عن هاي السوالف اهلي دازيني للمدرسه و ثاقين بيه و بيك و كُل املهم بيه بأن ارفع راسهم بدرجاتي و اتخرج تجي انتَ هسه متحترم ثقه اهلي بيك؟ لا و دتحجي وياي بموضوع كُلش سخييف رجاءا سد الموضوع لان لا اني اوافق و لا اهلي.
احمد: ترا مكلت شي بس اتقدملج؟
_ واني كلت ما اوافق خلص بعد الموضوع مينعاد
و من بعد فتره حاولت انسه السالفه و ارجع اشوفه نفسه احمد ابو الخط الحباب بس لا بقى كُل فتره يفتح الموضوع وياي و كلش زاعجني هل شي اريد اكول الاهلي يغيرو بس مااعندي عُذر اكلهم بسبب هيج شغله مااريده لان يجيني بالوقت المناسب و اول ما اطلع من المدرسه الكا موجود ملتزم بالوقت حيل و ما عندي أي عُذر ف ساكته و متحمله و كلت مبقه كم شهر و تخلص السنه عود على السنه الجايه احاول اطلع عُذر
وصلت للمدرسه و خلصت مُحاضراتي و طلعت رجعت للبيت ميته تعب سبحت و اكلت و بوجهي نمت بالبيت حياتنا هدوء خواتي ثنين اكبر مني متزوجات و الي بالبيت اني و اخويه الصغير و اختي اصغر وحده حياتنا هدوء لا مشاكل و لا صوت روتيني عادي من المدرسه للبيت من البيت للمدرسه و هكذا
احد ايام الشتاء البارده خلص الدوام احمد جان صاف السياره مسافه عن المدرسه على اساس ماكو مكان يم المدرسه لان اغلب الخطوط هناك ف امشي و فعلا شفت سيارة احمد
أنت تقرأ
الحَسن
Adventureمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
