اللي ضاربة الحارس اللي كالي ع رسلان رحت علي كمت اضرب بي واكلة ليش تضربة
رحت لمزبان واني ابجي واترجاه الله يخليك ساعده الله يخليك خابر ع الاسعاف
بدا يخابر ع الاسعاف باوعت للحارس جان مبتسم بشماته باوعت سلاح مزبان واكع منه
شلته وردت انتقم لرسلان وجهت السلاح وضربته
اجا مزبان سحب لسلاح مني وكام يصيح علية
صاح للحرس يجون
: اخذو للسرداب وجيبولة دكتور بسرعه وامسحو الدم من الكاع اذا لكو اثر اتصرف غير تصرف وياكم
بدو يشتغلون بسرعه واني مصدومة من اللي سويته
رجعت بالذاكرة عمرها ١٨
واكفة جنت والسلاح بايدي خايفة منه اول مرةالزمة
رسلان واكف بظهري ومعدل وكفتي
ويعدل بايدي
وبدا يعلمني
ورا مخلصنه
: معجبتني خل نتعلم غير شي
وخر كذلتي ورا اذني وهو يكلي: شنو تريدين اعلمج
بديت افكر: تزلج او طائرة
: تزلج ما اعرفلها يجي غيري يعلمج ويلزم ايدج لو جسمج مستحيل غير اموتج انتي ويا
والطائرة هم لا يكعدون يتفرجون عليج وانتي تكمزين
كمزي يمي ما احجي شي
تأفئفت بضوجه: اووف منك كلشي عندك ممنوع وحابسني بهالبيت
ابتسملي: وين تريدين اوديج
بديت افكر باحلام وردية: دبي برج خليفة واشوف العالم من فوك وكلها جواية واروح للبحر
اللله
ابتسم: عوفينه من الاحلام الوردية كليلي اشتاقيتيلي لا؟
جاوبت بلا مبالاة: اصلا مطولت علية الغيبة
كرص خدي وانزعج: مرة وحدة فرحيلي كلبي بغزل
: اكلك صدك ليش جا تعلمني ع السلاح
: امداه الحضي اني وين احجي وهيه وين تفكر
: شوفي اذا صار واني جنت بعيد واحد تعرضلج السلاح يمج بكل مكان اضربي ولا تخافين من احد
واذا احد ضربني انتي تجايتي وادافعيلي
هزيت راسي: احلامك هم وردية
رفع حاجبه بمعنى ليش
: يعني اللي يضربك ابوس راسة واكلة سويت فضل حتى انهزم
: هههههه نشوف شتسوين باس خدي ست نيلان
رجعت للواقع بدت دموعي تنزل ووكعت ع الكاع اني صرت قا*تلة
وكعدت ابجي رسلان راح مني
التفت علي ورحت يمه وبديت ابجي كل قوتي
: كوم الله يخليك مالي غيرك
كوم يرويحتي كوم يبعد بيتي
صوت الاسعاف واكفة
انفتح الباب ونزلو منه الممرضين حطو بالاسعاف كعدت يمة ولزمت ايده واني ابجي
صدك ما الي غيرة بهالدنيا
شكد شفت بغيبته مشاكل وهموم من جان يمي كلشي جان سهل بس لو يعوف شغلة يصير كلشي بخير
يمكن لو ما شغلة ما صار اللي صار ما مات ابني بهالطريقة ومافقدته وما تزوج ومرته حامل
جانت هالبجية ع كلشي
حسيت بايد رصت ع ايدي باوعت علي بلهفه
ماكو مغمض
الضربة جانت بين الجتف والكلب وخايفة تكون جاية بكلبة
وصلنه ودخلو لغرفة العمليات واني ويا لحد ما دخل غرفة العمليات
عفته وكعدت ع الكرسي وكل لحظاتنه مرة سوة مثل شريط وكعدت ادعي
جتي مرة جبيرة بالعمر كعدت يمي وتهدي بية
: خالة فدوة لعينج شبيج تبجين
: خالة سندي بالحياة واحد وورا هالباب
: الله يحفظلج ايا ويطلع معافا بس يبنيتي خلي ابالج شغلة الله سبحانه وتعالى يغار ع عبدة اذا شافة حب انسان كثير فيختبرة بهالانسان وكلي امرج لله والله ما يردج
: خالة والله تعبت كلشي بحياتي يخنكني لا ام لا اب لا اخ لا اخت عمري محسيت احساس العائلة الا اجا هو وجا علية واخذني لو ما. الله سبحانه وتعالى رزقني بهالهدية اني شسوة يمكن ليهسه بدون سند
أنت تقرأ
نيران رسلان
Lãng mạnفتاة عاشت بمستنقع عالم لا ترغب بها ثم ياتي رجل مافيا لينتشلها فيعشقها وبسبب المافيا تفقد اغلى ما لديها تقرر هجران رسلان ليعيش نيرانه لوحده
