نيران رسلان

البارت الثامن عشر

البارت الثامن عشر

:شلون اشكالهم
.......
: اني اتصرف شكرا الك ان شا الله متنعاد

سألته باستغراب: شكو
حاول يتهرب: ماكو كال اكو واحد جاي عليك سالني عنك
سالتها بوضوح: رسلان لتضم شي
امه باوعتلي وخنزرت: شقصدج ابني جذاب
كتم رسلان ضحكته

باوعتلها بفشلة: عمه مبين اكو شي وميريد يحجي
رفعت ايديها وحطتها ع رجليها وباوعتلي حيل وهزت راسها: قصدج جذاب
تلبكت: عمه افهميني خايفة علي بس والله
هزت ايدها: جناين تالي وكت خوما مثل هالعمات بخزرة اسكتها

ضحك رسلان باوعتله بقهر حاول يكتم ضحكته وانفجر: صدك لو كالو اذا العمه حبت الجنه ابليس يدخل الجنه
باوعتلة امه بقهر: تشبهني بابليس مو اكلك ساحرتك
يريد يضحك لزم ضحكته: لا حيشاج يمه بس جا انطي مثل بس

زعلت وكامت لغرفتها
ورا ما راحت كمل ضحكته
اجيت يمة وقرصت ايدة حيل
لزم مكان القرصة وهو يتوجع: يمة مكعد وياية ملاكمين ادري شبيها ايدكم ثكيلة اصيح علي عذاب يشوفني شلون متعذب

باوعتلة بقهر: اني اصيحله واهج ويا ليش تجذب علية شكو بالعمارة
شتت نظرة: ماكو شي شبيج كام وراح للغرفة راح اشوف مكان الكرصة واني بقيت الوب بمكاني معقول اهلي الهم ايد بالسالفة
ضليت افكر بالسالفة رحت سويت قهوة وبقيت للصبح افكر بيها
انفتح باب غرفتنا وطلع رسلان مبدل باوعلي وانصدم: شنو ما نايمة
كمت وسالته واني تعبانه: الله يخليك كلي شكو
اهلي الهم ايد
باوعلي بعصبية: ما نايمة تفكرين بالسالفة تحجين صدك انتي
حجيتله بتوسل: الله يخليك كلي اي قابلة بس ريح كلبي
تنهد بوجع: وعد اذا رحتي نمتي احجيلج بعدين
: احجيلي هسه ريح كلبي التفكير اكلني
تنهد ولزم اكتافي: وعدتج بس نامي بعدين احجيلج

فتت نمت وبقيت ابجي ومن التعب نمت ومحسيت بروحي

كمت ع هوسة الشارع باوعت الساعة ب١١عزة شكد عيب من عمه متكول نايمة للظهر
كمت غسلت ورحت لكيتها كاعدة بالصالة تشرب جاي
ابتسمت: السلام عليكم عمه
باوعتلي بطرف عيونها: شعندج ليهسه نايمة متكولين هالبيت منو يشتغل بي
ابتسمت: اعتذر عمه نمت متاخرة
هزت شايفها: نسوان اخر وكت همزين الغدا كامل خلف الله ع ام محمد جان ليهسه ننتظر رحمة الله

رحت طلعت الغدا من الفريزر وطلعت ريوك خفيف واستكان جاي
سمعت دكة الباب فتحت الباب
ام محمد: السلام عليكم عيوني
ابتسمت: هلا بيج خالة فوتي تفضلي
دخلت وكعدت يم عمه ام رسلان وكعدت ترحب بينه وعمه ام رسلان مندمجه وياها شكلها حبتها
سويتلهم كهوة بما انو عمه شربت جاي
وحطيت وياها نساتل
وضيفتهم
باوعتلي ام محمد وابتسمت: ما شا الله هاي جنتج
عمه حجت بدون نفس: اي مرت رسلان
: ما شا الله يا ام رسلان خوش عرفتي تختارين والله ذوقج يجنن الله يساعد كلب رسلان
ابتسمت خجلانه
كملت: شعر كويل وعيون عيون مها والخشم شصغرة سبحان الي رسمها واسمها يجنن

عمه شوي واطك: ليغرج الجمال يا ام محمد اكو جناين يخوفن يسحبن ازواحهن تكول ساحراته
ضحكت ام محمد:: والله يا ام رسلان لو انا زلمتها اقفل عليها بقفص واخليها بس الي غير مسعد اخذها

دخل رسلان: السلام عليكم
ام محمد: هلا هلا بيك وليدي شلونك
ابتسم رسلان وهو منزل راسة: هلا بيج خالة والله الحمد لله انتي شلونج

ام محمد: بخير الله يسلمك
دخل للغرفة رحت ورا

كتلة بارتباك : شلونك
ضحك: الحمد لله انتي شلونج ام محمد
استغربت: شبيك تضحك

: مدري عنج تكليلي شلونك لان راجع من الدوام
محتارة اسئله لو شلون: رسلان
باوعلي: ها حبيبي
بلعت ريكي: رسلان نمت يلا احجيلي شكو بالعمارة
اتنهد: هسه فرحانين وام محمد تكول لو بمكان رحلها احطها بقفص واني قررت اسمع كلامها ليش تضوجيني وتضوجين روحج
لزمت ايدة بترجي: رسلان التفكير موتني انت تدري شنو يعني اهلك يكونون ظلام
باس ايدي: اذا همه ظلام اجيب حكج مربع السالفة حليتها من الليل ليش ماكلة هم شي محلول
كتلة وعيوني غوركت: مو انت وعدتني تحجيلي

باوعلي بجدية: كلشي صار يوصلج بس انطيني مجال اخذ حكج كامل واني الاحجيلج وهسه والله متت جوع
مسحت دموعي: يخسى الجوع هسه احمي الاكل
لفيت وجهي اطلع
صاح: نيلان
لفيت وجهي كال: دموعج غالية لتنزليها
ابتسمت: الله يحفظك الي
ابتسم: ويحفظج الي

رحت احميلة الاكل ام محمد راحت
حطيت الاكل
واتغدينه ارتاح رسلان شوي ورجع طلع للشغل

كاعدة ع اللابتوب ويمي عمه واشتغل وهيه تتفرج ع التلفزيون دك تلفوني استغربت رقم غريب

ترددت افتح لا
فتحت الخط اجاني الصوت: نيلان
كلت باستغراب: اي منو؟
؛اجاني صوت مرة هز كلبي: الله لا يوفقج يا حقيرة ارتاحيتي هجمتي بيتي وهسه جيتي ع ولدي الله ينتقم منج
: اسم الله شكو خير شطالبيني
: بسببج كل اخوتج بالسجن واذا هجمو ع شقتج قابل كتلوج شدعواه رجلج ما خلة شي ما سواه عساه ظا يرتاح
: اسم الله الله يحفظه الي صار ساعة تحجين وتخربطين ما افتهمت بس رسلان خط احمر لتجيبين سيرته

: اكلج اخوتج بالسجن كلهم.......

دعموني بلايك تعليق شالسالفة ترا نتخارب 🥲🔪🔪